Uáivičaalâ: PARGA KOTE MÁTTÁ, VÂI MÁTTÁ KOTE PARGA

Parga kote máttá, vâi máttá kote parga

pargoid porgâđ ferttee valjiđ ulmuid, kiäin ij lah paargon hámálâš tohálâšvuotâ ige veltihánnáá ubâ hárjánemgin. Pargee mielâst tot puáhtá leđe šiev äšši-uv. Piäsá keččâliđ pargoid, mooid iäráseh joteh ivij mield škoovlâ. Mut talle lii tot šlaanti sevŋis peeli: ko ij määti ige tieđe. Vistig sreevee jeđe liijká feilee. Uáppá, et ijhân tom návt kolgâm porgâđ. Hárjánmettumis pargee kuulât oovtâkiärdánis pargo piällást puoh taid ekstratiijmijd, maid škuávlejum áámmátlâš čokkái jo škoovlâ jođedijnis.

Mut aašijd puáhtá oppâđ porgâmáin. Lii joba tot-uv máhđulâš, et škoovlâid jođehánnáá pargee kávná čuávdusijd maid pulbetist čokkájeijee ij liččiigin kavnâm. Te tarbâšuvvoo tot anarâšâi pegâlmâs vyelligisvuotâ tubdâstiđ, et jiemhân mun nuuvt pyereest taam määti, mut kale mun oopâm. Tuáivu mield pargoost uáppá muide-uv ko tom et ij koolgâ innig taggaar pargo väldiđ vuástá.

Mij lep eenâb teikkâ ucceeb puohah mottoomlágán pionereh já iskosnjuámmileh. Áármu kannat adeliđ nuuvt olssis ko iärásáid-uv, já lehâstiđ pargouuvsâ jyehi peeivi tego tot ličij oppâkirje. Fillejeijeesyndrooma lii taggaar punjâgum vyehi jurdâččiđ, et olmooš ij tuođâi määti porgâđ tom, mon sun lii väljejum porgâđ. Pargest lii taggaar tobdo, et sun lii mahtnii fillim nuubijd oskođ jieijâs táiđoid – mooid sun jieš kuittâg ij osko. Amahân kiinii eres porgâččij vissásávt pyereeb pargo. Kuás tibi te iärásehuv hoksájeh tom?

Kielâ iäláskittempargoost oro tiettuumin syndroomast váhá ereslágán versio. Lii älkkee ettâđ olssis, et jiem lah äššitobdee. Jiem määti rähtiđ oppâmaterial anarâškielân. Jiem määti čäälliđ tiivtâid anarâškielân. Mut čuávuvâžžân mielân puátá tot-uv, et máttá-uvks kihheen ereskin. Lii-uv talle koččâmuš filliimist?

Kielâ säggee ubâ ohtsâškode čoođâ. Nuuvtpa ovdâmerkkân tuulhah ferttejeh tiettiđ nuuvt laavâst ko talhâstiettust-uv tiem já taam – já tiäđust-uv meid tulkkuumist, mii váátá jieijâs škovlim. Tuotâvuođâst jis parga anarâškielâ kiedist, te vääri spesialistuđ ij lah meendu ennuv. Mist iä lah škuávlejum tuulhah, iä tuáhtáreh iäge lahâulmuuh (vala). Mut lahâsäänih já tiervâsvuođâ säänih láá kuittâg mahtnii šoddâm.

Škuávlejum äššitobdei váilum uáivild tom, et