Ola, nenos, ola, nenas! Somos PATRICIA e ÁLEX, e un ano máis escribímosvos desde KALANDRAKA, unha editorial que publica libros para nenos e nenas de todos os lugares do mundo. Unha fábrica de LIBROS PARA SOÑAR. ÁLEX é músico, e leva con el moitísimos instrumentos cos que acompaña as historias máis divertidas. O seu instrumento favorito ten un fol moi grande que estira e encolle, encolle e estira. Semella que está vivo e mesmo respira! Seguro que xa sabedes cal é, non si? A min, PATRICIA, encántame ler e por iso coñezo moitos contos que de seguro vos encantarán. Moi pronto visitaremos a vosa escola para compartir cantos e contos. Coñeceredes a Bieito e a outros personaxes que viven nos nosos libros. Pasarémolo xenial nunha mañá fantástica na que precisamos tan só da vosa imaxinación. Así que estade moi atentos, abride ben as orellas e preparádevos para comezar en canto escoitedes a nosa música.
Ilustración: Anthony Browne
Bic
… os v oadores
pronto! a t A
Patricia e Álex