Prins Marvin I en Jeugdprins

Daan I regere euver ‘t Louverriek

club is in ´t Louverriek baeter bekend es ‘De Poete’. Deze groep vrunj organisere versjillende activiteiten, wo-onger de Zomercarnaval of ’t sjlagerfest mit de vastelaovend. Prins Marvin is nog ummer enne Jong-Nederlander maer noe dan es leider van De Koetnaaze. Wujer is ozze prins lid van Sjötterie St. Joseph. Ouch is ozze prins bès sportief. Bie ’t derde team van HBC ’09 vervölt hae de zeer belangrieke taak van grensrechter. Al zal de voetbalclub ’t kommende sezoen ’t beste kenne investere in doellientechnologie. D’r wurd zelfs al gefluusterd dat de VAR zien intraeje deit op de velje in Buchte omdet Marvin ’t de kommende tied te drök haet es prins van ’t Louverriek!

BUCHTEN - Op zaoterdig 14 jannewari is Marvin Vink oetgerope tot Prins van ’t Louverriek. Es Prins Marvin I geit hae komend vastelaovessezoen regere euver alle ‘Louvermenkes en Louverwiefkes’. Ozze nuje prins is 23 jaor geleje gebóare in Heële. Hae woont bie zien mam in café De Bar in Buchte. Van dae café zeen zien mam Ingrid en hööre partner Paul Janssen, dae awt prins van ’t Louverriek is gewaes, de eigenaer. Ozze prins is dan ouch mit gróate regelmaat te vènje achter maer ouch veur ’t beffet. Van het feit det ozze prins vastelaovesblood door zien óajere haet sjtruime zal nemes raar opkieke. Hae haet zelfs al ens móage oefene es prins van café De Bar. Prins Marvin wirk al 2 jaor in Zitterd es beveiliger bie gevangenis De Geerhorst. Wujer is hae in opleiding om brandjwaerman te waere. Ongertössje is hae waal al fanatiek aan ‘t oefene bie de vriewillige brandjwaer Bor.

Es ozze prins neet bezig is mit ’t bewake van boeve of ’t blusse van brèndjes, haet hae ’ein ongeluiflik drök laeve. Zwa is hae lid van Stichting Bevordering Jongeren- en Verenigingsleven Westelijke Mijnstreek´. Deze

Jeugdprins Daan I regeert euver ‘t Louverriek in 2023 Op vriedigaovend 20 jannewari waor ’t ummer gezellige Jeugdspektakel van Jong Nederland. Traditioneel waere op deze aovend de jeugdige hóaghede van De Louvermen oetgerope. Dit jaor is dees ieër veur Daan Brankaert. Hae zal komend vastelaovessezoen gaon regere euver alle jonge ‘Louvermenkes en Louverwiefkes’ es Jeugdprins Daan I. Daan I is enne zoon van Johan en Chantalle Brankaert en haet ein zösterke Fenna. Dat veur Daan eine druim is oetgekomme maog waal dudelik zien. Zien ganse laeve sjteit al in ’t teike van ’t zeen van prins. Al haet hae d’r versjrikkelik langk op motte wachte want bie jedere kans die zich veur deeg veel hae boete de bóat. Zien pap en mam zeen destieds prins en prinses gewaes op hun basissjóal. In de femilie van mam hööre kantj wurd Daan de 28ste hóagheid!

Daan zit in groep 8 van basissjóal ‘Het Avontuur’ bie meister Evan. Zien lievelingsvak is handvaardigheid, ’t minst leuke vunj hae begriepend laeze. Op sjóal is hae dit jaor veurlaeskampioen gewore en maog ‘Het Avontuur’ gaon vertegenwoordige bie de veurlaeswedstried in Zitterd-Gelaen. Es Daan later gróat is, wilt hae achtbanen gaon ontwerpe en dan ouch nog ’t leefste veur De Efteling, want dat is zien lievelingspark.

Jeugdprins Daan haet versjillende hobby’s. Ein van die hobby’s is keepen bie JO 12 van HBC’09. Mede dankzij hööm sjpeelt zien team in de 1e klasse van de KNVB. Om nog enne baetere keeper te waere traint hae op zunjigmörge bie de keeperssjóal van Mathieu Féron. Ouch is hae lid van sjötterie St. Joseph Buchte. Wujer is hae lid van Jong Nederland. Hae is bie De Koetnaaze, wovan de gróate prins van KV De Louvermen Marvin I ein van zien leiders is. Sjpele mit zien vrunj en vrindinne deit ozze jeugdprins ouch gaer. Ze höbbe altied de gróatste lol ongerein.

Bettinumstraat 27A | 6122 BL Buchten

T. 046 423 4059 | E. info@allerleefste.nl www.allerleefste.nl

Receptie

Prins Marvin I kent geer, same mit ’t jeugprinsepaar, komme felicitere op de prinsereceptie van Karnavalsvereiniging De Louvermen. Daobie kent geer ouch ozze 2x11 jaorige jubilaris Wil Michiels en zien eega ein handj komme gaeve. De receptie vundj plaats op zunjig 29 jannewarie 2023 vanaaf 11.11 oer in ’t gemeinsjapshoes aan ’t Kirkvonjere in Buchte.

Foto: Action-foto Born.

Dorpstraat 56 | Buchten | Tel. 046-4811317

• Sanitair

• Verwarming

• Elektro

• Dakwerkzaamheden

• Rioolontstopping

• Service en onderhoud

Munstersgoedstraat 5 6122 AH Buchten

Patrick Eijkenboom

T +31(0)623141413 www.tbe-installatietechniek.nl