01 feb 2014

Diasabra 1 di Februari 2014 | Margrietstraat 3 | Tel: 583-1400 | Fax: 583-1444 | noticia@awemainta.com

GRATIS

Your address for the best software and support.

Accounting Software Payroll Software Document Management HRM / CRM Software

TA BASTA Tel.: 583-7072 | info@vcc-int.com | www.vcc-int.com

HUNTA DI SUPERVISION A TUMA NAN RETIRO

2

Local

Diasabra 1 di Februari 2014

AWEMainta.com

Na hospital tur cos ta “business as usual”

Minister Alex Schwengle: Proceso pa reestablece Raad van Toezicht mester cuminsa pa por scoge lidernan nobo pa hospital

Comunidad por sigui conta riba cuido di calidad halto DIABIERNA mainta Minister di Salud Publico Alex Schwengle a invita prensa pa splica e situacion actual di Dr. Horacio Oduber Hospitaal y e proceso cu mester tuma luga pa reestablece un Raad van Toezicht – cual a tuma nan retiro diabierna mainta – y scoge lidernan nobo pa hospital. Tanten cu e director financiero di hospital ta sigui den e funcion aki, e contract di e director medico, esta dr. Jaime Falconi, no a wordo renoba y dia 31 di januari, 2014 tabata su ultimo dia di trabao como miembro di Raad van

Bestuur di hospital.

“Na momentonan aki ta mustra manera cos cu e tempo ta scur, pero mi ta kere cu na caminda si nos tur traha hunto, lo bin hopi claridad y e solo lo briya bunita atrobe,” Minister Schwengle a expresa, referiendo na e situacion di hospital cu ta andando pa algun tempo caba.

Minister Schwengle a splica cu mester tene cuenta cu diferente grupo di interes, incluyendo Raad van Toezicht, Raad van Bestuur, medische staf, ODEA, ABV y no mester lubida e interes general di nos comunidad. Den e caso di e proceso cu tabata andando y e proceso cu mester tuma luga, a mandatario a splica cu p’e e interes general di e comunidad t a

central.

E problema y reto principal segun dr. Schwengle ta e falta y fayo di bon comunicacion entre dr. Falconi y e Raad van Toezicht. Y, aunke el a pidi y a yega na un acuerdo pa crea un status quo pa e como mandatario por analisa e situacion, delibera cu tur partido y duna un conseho pa yega un combenio y pa yega na paz entre e partidonan; esaki no ta posibel mas. Dr. Schwengle a pidi pa firma un contract di cuater luna cu dr. Falconi, mantene e situacion stabil, pero esaki no tabata posibel pa e mesun falta di comunicacion cu ta existi entre e dos partidonan.

E mandatario a comenta cu no ta un tarea di gobierno, pero un tarea di Raad van Toezicht pa nombra y cera contract cu miembronan di Raad van Bestuur. Pues, ta Raad van Toezicht ta dicidi si ta keda traha cu e directornan, of no.

Pa loke ta e maneho den caso di un instancia manera e hospital di Aruba, Raad van Toezicht por

ricibi sugerencianan pa candidatonan pa e dos “kroonleden” pa participa den e Raad van Toezicht, pero e decision final di ken ta bira miembro ta den man di e mesun Raad van Toezicht.

Pa yuda den e proceso di reestablece e Raad van Toezicht, Minister Schwengle a pidi e cabes di Raad van Toezicht pa keda activo.

E minister ta lamenta cu cosnan no a bay diferente, pero ta gradici cu hopi respet tanto e Raad van Toezicht y Raad van Bestuur pa nan trabao. Raad van Toezicht ta personan cu ta professionals, nan a traha duro pa tanto aña sin un beneficio financiero y mas bien invirtiendo di nan tempo pa salbaguardia calidad di maneho di hospital, el a añadi. Sin Raad van Toezicht ningun hende por tuma ningun decision over di Raad van Bestuur, el a splica.

Minister Schwengle a subraya:“Mi mester mira e interes general di pueblo y mi mester mira loke ta mas miho pa e maneho di hospital pa asina nos tur aki na Aruba por tin un bon cuido ora cu nos bay hospital!”

Esaki ta un crisis pasahero, e ta un situacion cu ta duna e oportunidad pa bay refleha di ki forma nos ta anda cu otro, Minister Schwengle a bisa. Cu esaki el a remarca cu tabatin hopi comentario y entrevista di

un banda so di e situacion aki y ta consehabel semper pa wak e situacion completo, for di tur banda, for di punto di bista di tur e gruponan di interes.

Minister Alex Schwengle a splica cu pa prome biaha ta trahando riba un Plan Stategico pa hospital y lo traha tambe un profil di e lidernan cu ta deseabel pa nos hospital. Asina tin un bon base pa tuma decisionnan tocante maneho den su totalidad y cu ta cuadra cu e rumbo cu hospital mester ta aden y mester tuma pa futuro.

Den caso cu wak e necesidad pa atrae un di tres partner pa yuda den e proceso, esaki lo wordo haci, el a bisa.

E meta ta pa trece trankilidad bek den hospital den su totalidad y tuma decisionnan cu ta beneficioso pa e comunidad di Aruba. Mester dialoga y no impone y mester tin comunicacion habri. Esaki ta e deseonan di e minister, kende ta cuminsando cu reunionnan cu e cabes di Raad van Toezicht prome y den curso di otro siman lo reuni cu e diferente gruponan di interes.

Pa loke ta e situacion actual di nos hospital a loke ta trata cuido di pashent, Minister Schwengle a bisa enfaticamente cu, “no mester tin panico, hospital ta bay sigui wordo maneha y e situacion ta “business as usual” unda cu e ciudadano di Aruba y bishitante ta sigui ricibi cuido di calidad.

Departamento di Salud Publico cu informacion:

Tocante bendemento di cuminda y/of alcohol durante di parada MIRANDO cu e simannan di

parada di carnaval ta yegando, Departamento di Salud Publico, ta haci un suplica na tur persona cu tin un “ventvergunning” of cu ta “venters”. Esaki ta esunnan cu ta bende cuminda manera pan cu hotdog/ pizza/ conserbe di pinda/cocada etc. y otro instancia of organisacion

cu tin permiso pa bende cuminda y/of alcohol riba e rutanan di carnaval pa tene cuenta cu e siguiente puntonan: • Mester cumpli cu regla di higiena di parti di seccion di Higiena di Departamento di Salud Publico, cu a keda entrega na esun cu ta “vergunninghouder”.

• Tur persona cu ta bende cum-

inda y/of alcohol mester tin nan certificado di salud na ordo (valido). E certificado di salud mester ta visibel pa e controladonan.

• No ta acepta papel di recibo como reemplasante di e certificado di salud.

• Personanan cu ta fungi como cahera y/of personanan cu

ta bende bebida den boter of bleki cera no mester tin un certificado di salud.

Si acaso no cumpli cu e rekisitonan menciona Departamento di Salud Publico lo por aplica sancion si ta necesario.

Pa mas informacion por tuma contacto libremente cu e siguiente seccionnan di Depar-

tamento di Salud Publico: • Seccion di Higiena 5224270 / 5224273 /5224275 / 5224278 • Seccion di Malesanan Contagioso subseccion ‘Foodhandler’ 5224258 / 5224259 Departamento di Salud Publico ta desea e pueblo carnavalesco un dushi temporada di Carnaval.

AWEMainta.com

Diasabra 1 di Februari 2014

Segun Fiscal Peter Blanken:

Local

3

Tin un team special pa atende cu ladronicia di auto

E noticia cu ta captando hopi atencion ta tur e ladronicia di auto cu ta tumando lugar e dianan aki. Den entrevista cu Peter Blanken, Fiscal Mayor, a puntr’e kiko MInisterio Publico ta bai haci den e casonan aki y si lo aumenta e castigonan den futuro. Segun Fiscal, tin un team special pa atende cu criminalidad cu auto pero loke mester sosode mas ta investigacion di e organisacionnan criminal cu ta haci e tipo di actonan aki.

Mester busca mas hende si pa por haci e investigacionnan.

horta auto. Awor por haya 2 aĂąa di prizon pa ladronicia di auto pero ta sondenando e posibilidad pa aumenta e castigonan y ta depende di e cantidad di bes cu e hende ta comete e actonan aki y no si a gare un biaha so.

Segun e Fiscal, el a tuma nota cu ora tin accidente fuerte par di dia despues ta cuminsa horta auto pa piesanan di e marca ey cu a accidenta pero esaki ta algo cu e no por confirma y ta un observacion. Pa por confirma esaki ta rekeri un investigacion mas profundo.

Hopi biaha ta reacciona na momento cu a gara un hende cu un auto horta of a garanan ta hortando pero e casonan aki no ta haya castigo halto. Pero e mihor forma pa stop esaki ta pa haya e organisacionnan criminal cu ta percura pa e hendenan

Relaciona cu e ola di ladronicia di auto, mester bisa cu ayera autoridad a haya diferente auto procedente di ladronicia, e.o. un Yaris desmantela na Rooi Frances, un Yaris kima den area di Palo Marga y un auto desmantela na Papilon

4

Local

Diasabra 1 di Februari 2014

AWEMainta.com

Prome Minister Eman a ricibi presentacion di plannan pa Rooi Afo

“Hunto nos por realisa e soñonan di Rooi Afo” Ehempel bibo di comunitarismo den bario E prome bishita di bario den 2014 di Prome Minister Mike Eman y su Team BoBario a cuminsa na Rooi Afo. Un bario cu a yega di bishita caba aña pasa, pero e biaha aki e tabata pa scucha un grupo di habitante, kendenan kier logra yega na un miho Centro di Bario pa e pueblo di Rooi Afo. Sra. Milangela Dirks a duna un presentacion na Prome Minister Eman y su grupo na e veld di Rooi Afo, splicando cu e meta di Centro di Bario Rooi Afo tabata pa promove deporte di bario cu participacion den campeonatonan di futbol. Pero e meta awor a bira mas amplio, aportando na bienestar social di deporte di Rooi Afo y Bisindario.

Manera ta conoci, e CBRA a lanta oficialmente na 1967 funda

door di diferente habitante di e bario mes. E ekiponan di e bario a conoce momentonan di gloria y hasta tabatin ekipo di damas, y tur di personanan bibando den e bario.

Awendia Rooi Afo ta participa den division 2 di AVB, nan tin ekipo di Veterano y LIFIDA. Ademas di e eventonan aki, ta organisa actividadnan di domino y bollas crioyas. Durante aña, principalmente riba Dia di La Reina tabata organisa evento pa grandi y chikito.

Sinembargo e grupo ta sinti, segun nan a trece dilanti, cu hopi mas por wordo haci pa e pueblo pero tambe pa tin miho recursonan pa organisa eventonan. E prome stap cu nan ta bay dal, ta formalisa e directiva

di e club, fortalece nan teamnan cu e meta pa nan sigui subi di division. Un di e necesidadnan grandi cu CBRA tin ta luz, cu ta permiti e diferente ekiponan cu nan tin por train den oranan di anochi tambe. Segun a bini dilanti, nan tin e postenan pero falta cable cu ta haci instalacion di e luznan mes posibel. E clubhuis cu nan tin awor, cu ta un container, mester wordo drecha urgentemente. E deseo ta pa cuminsa poco-poco y ya caba nan a traha e presupuesto cu nan mester pa logra esaki. Pero nan tin necesidadnan tambe di material pa e ekiponan, manera uniform, balanan y net pa nan por practica, y lidernan cu por guia e hobennan tambe.

Prome Minister

“Mi ta hopi impresiona cu e cantidad di proyectonan cu a wordo realisa pa Rooi Afo den transcurso di añanan. Un iniciativa cu a cuminsa pa haci futbol un parti importante den bida di habitantenan di Rooi Afo, cu a conduci na desaroyo di actividadnan recreativo positivo cu ta haci nos comunidad mas sano,” Prome Minister Eman a expresa na e grupo di habitante despues di a scucha e presentacion. El a splica cu e Team cu ta apoya e trabounan di bario ta bay haya un contenido mas oficial, ya cu e trabounan haci den e barionan e ultimo añanan a demostra efectividad. El a ofrece e grupo cu na momento cu nan kier haci cualkier actividad di recauda fondo, por haci uzo di conocemento di e departamento aki.

“Nan tin un ekipo completo cu personanan for di diferente departamentonan di Gobierno cu ta cla pa yuda boso,” el a sigura e habitantenan. Y a agrega cu Rooi Afo ta na turno awor. “Nos tey pa yuda boso, nos ta tuma esaki cu un sentido grandi di compromiso pa por realisa e proyectonan.

Algun di e proyectonan, e mandatario a bisa, por haya e ayudo door di busca for di fondonan disponibel pa deporte, den otro casonan por asisti den organisacion di eventonan, pero tambe yuda ora cu cierto trabounan mester wordo haci. “Hunto nos por realisa e soñonan di Rooi Afo,” e mandatario a expresa prome cu el a bay cana den bario cu e habitantenan.

AWEMainta.com

Diasabra 1 di Februari 2014

Local

5

6

Local

Diasabra 1 di Februari 2014

Muhe ta duna keho di hit and run

Presencia di Polis a wordo pidi diahuebs 18.15 na haltura di Wing Mei Supermarket na Sabana Liber pa un dalmento na unda e chauffeur a core bay.

Eynan e muhe C.T. naci na Peru di 39 aña, ta bisa cu el a drenta den e supermercado un rato y ora cu el a Sali, testigonan a

bise cu un pickup berde, Toyota, a pasa rasca su auto ora cu el a bira y despues a sigui core bay direccion panort. Segun e testigonan ta trata di un pickup berde single cabina. Nan no por a mira e number bon. Polis a tuma keho y declaracion di e testigo.

Comodidad y seguridad cu un simpel

1 BFT PHOBUS motor 2 Remote Controls 1 paar di Photocells 1 Blinker cu Antenna

Afl. 2.000,00* pa Swing Gate

1 BFT DEIMOS motor 2 Remote Controls 1 paar di Photocells 1 Blinker cu Antenna 4 Plastic rack di 1m

Afl. 1.200,00* pa Sliding Gate

Offerta valido tanten cu tin den stock

*Instalacion no ta inclui den prijs Nos horario: Dialuna pa Diabierna 8:00 am - 5:30 pm (non-stop) Diasabra di 8:00 am - 12:00 pm

Arendstraat 124 Tel : +297 588-5966 Fax : +297 588-5895

Website : www.hitess.com

Automation for Sliding & Swing Gates

Kit Ta Inclui: Kit Ta Inclui:

AWEMainta.com

Pabien, Su Alteza Esun cu ta trece felicidad, Beatrix E nomber bunita cu su mayornan Cu hopi amor a scoge, pa asina nan a expresa nan alegria y nan felicidad cu nacemento di nan prome yiu muhe!

Prinses Beatrix awe ta celebra su cumpleaños Nos ta dese’e hopi aña mas y un bon salud Stima pa su famia y pa su pueblo awe yen di gratitud, cu orguyo ma tambe cu nostalgia nos ta recorda e añanan di su reinado, durante cual cu man firme el a guia su pueblo, den alegria y den tristeza el a comparti y a manifesta esey cu su presencia na tur momento.

Cu su carisma e tabata conkista cariño y aprecio na unda cu el a bay, pa representa su pueblo, creando asina bon boluntad y admiracion, cual tabata fomenta paz y progreso na bienestar di nos pueblo! Danki Su Alteza!

Cu Señor sigui drama bendicion Riba nos Princesa Beatrix. Pabien!

D.M. Laclé-Herrera Jan.2014

AWEMainta.com

Local

Diasabra 1 di Februari 2014

7

Trahadornan di Hospital a walk out

Ta basta cu abuso di poder

Den entrevista cu lider di ABV Gina Maduro, el a splica cu e trahadornan di Horacio Oduber Hospital ta rabia paso e Hunta di Supervision no a prolonga e

conbtract did r Jaime Falconi sino a ofrece un contract nobo di 4 luna den cual tin diferente clausula cu no ta acceptable.

Esaki ta ensera cu e Hunta

no a respeta e gentlemen’s agreement di 14 di februari cu a wordo sera entre Hospital, Gobierno y dr Falconi.

Ta asina cu e Hunta a asta a

pone un clausula den e contract nobo den cual ta poni cu dr Falconi despues di 4 luna no ta permiti pa solicita nunca mas como director medico di HOH. Esaki segun Gina Maduro, ta demostra claramente cu e Hunta di Supervision tin algo personal contra dr Falconi.

Tambe a kita cierto beneficionan secundario di dje cual e tin derecho riba dje.

E miembronan di ABV a boga pa e director medico keda y a sali pafo pa demostra cu nan ta para su tras y no ta acepta e falta di respet y abuso di poder cu e Hunta ta eherce. Por a scuha diferente nomber pa e posicion

di director pero awor ABV tabata kier pa e Hunta di Supervision baha y dr Jaime Falconi keda. ABV no tin garantia ken ta bin como director general pero cu dr Falconi mester keda, esey ta un echo.

Hospital por sin e 7 miembronan di e Hunta di Supervision pero e Hospital no por sin su director medico paso esaki ta esencial pa e funcionamento di hospital. Dr Falconi tin hopi aĂąa di experiencia y conoce hospital complete y ABV no ta acepta pa 7 hende core cune. ABV ta boga pa dr Falconi keda no solamente e 4 lunanan den e contract pero pa e keda un periodo mas largo.

8

Local

Diasabra 1 di Februari 2014

AWEMainta.com

Trash by Ronchi ta lansa fabuloso coleccion “Girls Rule” pa Carnaval ‘60 cu colornan berde olivo, khaki, ivory, y berde vel den piezanan solido of cu estampado camouf lage.

“Call of t he Wild” sigur ta un tendencia admirabel caminda “animal prints” den

Recientemente e boutique di moda mas popular na Aruba, esta TRASH BY RONCHI, a lansa su linea nobo di moda pa hende muhe. Un coleccion gigantesco cu ta representa tur e tendencianan di moda internacional. E “hottest trends” ta inclui “go Army”

diferente forma y estilo ta e focus di atencion.

“In the Navy” sigur ta alcapara atencion caminda cu e

colornan blauw royal, navy, cora y blanco ta hunga un importante rol. “Carnaval Colors” cu ta un tendencia cu e boutique mes ta impone ta concentra ariba e colornan vel

E ultimo tendencianan di Moda espectacular pa hende muhe ya caba ta den boutique

manera oranje, fuxia, berde lamunchi, geel, y roos. Colornan fuerte cu prints impactante ta e caracteristicanan di e tendencia aki. Un surtido enorme di tank tops y shorts tambe a yega boutique y ta super adecuado pa e temporada di Carnaval ‘60.

TRASH BY RONCHI ta situa na Sibelius Straat # 8 y ta habri di 10’or di mainta te 7’or di atardi non-stop di Dialuna pa Diasabra. Pa mira mas di e coleccion por “like” e pagina di Facebook di TRASH BY RONCHI.

AWEMainta.com

Diasabra 1 di Februari 2014

Rooi Afo ta e prome pa 2014

Local

9

Prome Minister Mike Eman ta reanuda Accion di Bario

Pa keda cerca y sirbi su pueblo DEMOSTRANDO cu su compromiso ta fuerte y cu su intencion semper ta sincero, Prome Minister Mike Eman a continua e siman aki cu Accion di Bario. E actividad, cual a nace di su iniciativa tres aña pasa, temporalmente a suspende pa motibo di temporada di eleccion y cambio di aña. Pero awo ta bek y cu gana nan renoba di tende, informa y yuda e pueblo di Aruba. E prome bario cu Prome Minister a bishita tabata Rooi Afo. Na prome instante, Premier Eman a topa cu un grupo di habitante cu a dune un presentacion na e veld di bala pa haya un presentacion un iniciativa pa desaroya e veld di Rooi Afo den un Centro di Bario. Despues di a intercambia pensamento y manifesta su compromiso pa sostene e iniciativa aki, e mandatario a cuminsa cana den bario pa tende for di habitantenan mes nan necesidadnan den bario, pero tambe nan sugerencianan.

Manera e concepto di Accion di Bario ta hinca den otro, no ta bay djis pa papia pero pa haci tambe! Pesey Prome Minister ta percura cu hunto cune t’ey un ekipo di Serlimar como tambe di Gele Koorts Muskietbestrijd-

ing pa haci limpieza y control di criadero di sangura.

Presente tambe ta haya e miembronan di e departamento Desaroyo Comunitario tumando nota di e peticion di e habitantenan cu ta varia for di iluminacion pa caya pa caminda di asfalt of un parke pa muchanan hunga. Den hopi ocasion loke e ciudadano mester ta djis informacion di unda pa bay y haya e asistencia necesario y esaki tambe nan por haya durante un Accion di Bario. Representante di Facilidadnan Multifuncional (MFA) awor ta bin acerca y pa asina por tin un miho bista di e necesidadnan di e pueblo relaciona cu e MFAnan.

Minister President Mike Eman ta duna un importancia hopi halto na e Accion di Bario dor di lag’e forma parti di su agenda di tur siman. E ta di opinion cu solamente un contacto estrecho y directo cu e hendenan ta mantene actualisa cu loke ta biba y come memey di nos pueblo y e, na su luga, por sigui traha ainda miho pa nan. Cada siman e ta bishita otro bario y asina durante henter aña ta cubri tur e districtonan di nos isla. Pronto no ta bay keda un skina y un hanchi na Aruba caminda e no a pasa pa pone su mes na ordo.

10

Local

Diasabra 1 di Februari 2014

Famia ta gradicido na Gabinete Mike Eman II

Prome caya cu nomber den Seroe Blanco

Diahuebs, 31 di januari 2014, tabata e dia cu Seroe Blanco a conoce su prome caya cu nomber. E caya a haya nomber di Caya Dr. J.R. “Coco” Arends, kende tabata doño di e terenonan cu awe ta parti di e bario.

Den un discurso di sr. Rory Arends, un persona hopi bon conoci den mundo di Turismo, a duna un splicacion di kende tabata dr. Coco Arends, manera e tabata wordo yama den pueblo.

Coco Arends a gradua como medico na Universidad di Amsterdam y el a cuminsa traha como dokter di gobierno na

Bonaire na aña 1928. Na aña 1931 el a bira Director di Salubridad Publico cu sede na Corsou y despues di algun aña a muda pa Aruba caminda el a asumi e encargo di dokter di gobierno.

No a dura mucho pa el a drenta arena politico y como candidato pa KVP-Aruba (Partido Catolico di Aruba) el a keda eligi den e prome eleccion pa “Staten” como un di e prome representantenan di Aruba den e colegio aki. E otro representante di Aruba tabata e maestro di scol Jean de Cuba. Su carera politico a sigui te na aña 1951

como miembro di “College van Algemeen Bestuur” y despues como Minister den “Regeringsraad” (Conseho di Minister), te dia 8 di december 1954, na vispera di nacemento di Antia Hulandes, segun proclama den Statuut di Reino Hulandes. Su pasion pa deporte a conduci cu el a pone un tereno grandi na Sta. Helena, na disposicion di e ekipo di futbol Aruba Juniors pa un suma simbolico anualmente. Actualmente ainda Aruba Juniors ta uzando e tereno aki, cu awor ta pertenece na Gobierno di Aruba. Dr. Coco

Medical & Home Healthcare Services E-mail: labcolabcomed@yahoo.com / www.labcomedical.com

No laga e asesino silencioso mata bo!!!

Check bo Presion di Sanger tur ora na cas CUMPRA BO

Machin pa Check Presion MAS PRONTO POSIBLE odelo Tin varios mck den sto

33

Av. Milo Croes 52, Dakota - Aruba Tel. 297-5826651 - Fax 297-5826567

AWEMainta.com

Arends tambe ta fundador di Aruba Voetbal Bond (AVB) y di Arubaanse Sport Unie (ASU).

“Na nomber di mi cuña Daphne Arends, di su yiunan Rusette y Jacob R Arends III; di su nietonan Daniella, Jacob R Arends

bisanietonan Kaelyn y Xaveena; mi ta gradici Gobierno di Aruba inmensamente pa a reconoce e labor di mi tata pa cu nos isla.”

Prome Minister Mike Eman tabatin e honor pa hunto cu Jacob R. Arends III devela e borchi aki

IV, y Fausto; y na nomber di mi yiunan Tita, Joalis, y Abigaél; di mi nietonan Kaihle, Justin, Tahnyshah y Taickie; y mi

diahuebs atardi den presencia di familiar y representantenan di diferente deparatamentonan di gobierno.

Auto horta haya na Mahuma

Central a manda polisnan diahuebs 08.26, na haltura di Mahuma, pa un auto cu supuestamente ta procedente di ladronicia y a wordo laga atras. Eynan Polisnan a topa

un auto Toyota Yaris blanco A-6855 y nan ta mira cu e falta diferente piesa. Takelwagen di Papito Towing a bin na e sitio y a transporta e auto pa warda di Santa Cruz.

AWEMainta.com

Local 11

Diasabra 1 di Februari 2014

Frenk Kock y Papito Rafael dos baluarte musical

SAC ta orguyoso di por dedica Festival di Tumba di Carnaval 60 na Papito Rafael

Despues cu SAC a anuncia cu e gran Festival di Tumba di e aña aki, lo ta conta cu un participacion mas grandi cu nunca y lo brinda honor na 2 baluarte, ta na su luga pa duna atencion na ambos baluarte, contando asina nan historia y carera musical.

E parti aki ta dedica na Papito Rafael, cu sigur ta considera como un baluarte cu tur honor pa su gran impacto musical den historia di Aruba.

Ridnald Rafael, miho conoci como “Papito”, for di hoben tabata tin e ritmo den su sanger.

For di tempo di scol basico,

Papito ya caba tabata toca cu potlood riba banki den klas y e docentenan constantemente mester a hala su atencion.

Su carera musical a cuminsa, na momento cu el a cuminsa toca cu un grupo di Gaita; “Los Paranderos”, unda cu despues Papito hunto cu e integrantenan, cu tambe tabata su amigonan di bario, a dicidi pa lanta un banda cu e nomber di “The Otty’s”.

“The Otty’s” a kibra y a lanta ‘Version Original’, cu tabata un banda mas formal, cu hasta un brass section, unda cu Papito

tabata toca drumset, timbal y tambe canta.

Asina Papito a amplia su experiencia musical, formando parti di diferente banda, entre otro: “Los Condes”, “Musical Time”, “Sound & Harmony” y “Triple S”. Pa mas di 12 aña el a dirigi e banda “Papito y su Doble Sabor”, cu tambe a logra sali varios biaha ‘Banda di Aña’.

Festival di Tumba a cera conoci cu e talentoso Papito, cu a sa di conkista e titulo di “Rey di Tumba” no menos cu 5 biaha, di cual el a logra e titulo di Rey

di Tumba pa 3 aña consecutivo; 1993, 1994, 1995.

Despues Papito a logra gana e titulo maximo bek na aña 1998 y e ultimo biaha cu el a carga e titulo di Rey di Tumba, tabata na 2000.

Papito a expande y tambe a participa na e famoso Calypso & Roadmarch Contest, unda cu na 3 ocasion el a logra cay den finalista, cu e cancion “Egyption Dance” y na aña 2003 Papito a sali 2ndo finalista cu e Roadmarch “Changé”.

Papito su hitnan di mas grandi cu a causa furor tabata e temanan “Chobolobo” y “Manolo”, cu ta e temanan cu a hiba e banda na un gira di un luna largo na Europa. Aki Papito y su Doble Sabor a toca mano a mano cu e banda Doble R di Corsou y Trafasi, Enos y Pegasaya di Hulanda. Papito sigur ta un baluarte grandi riba tereno musical, specialmente den e temporada di Carnaval y no tin duda cu e Festival di Tumba aki merece di ta na su honor, haciendo asina e celebracion di Carnaval 60 uno mas grandi y cu mas contenido.

12

Local

Diasabra 1 di Februari 2014

Archivo Nacional a entrega Prome Minister Eman publicacion riba rol di Aruba den 2da Guera Mundial

Programa introduci door di Gabinete Mike Eman I ta sigui cosecha exito

DIARANSON atardi Prome Minister Mike Eman a ricibi bishita di Sra. Rosa Arends, kende ta encarga cu e parti Investigacion di Archivo Nacional Aruba (ANA). Sra. Arends a haci entrega di un pakete di informacion cu nan a traha riba dje y cu ta trata e rol di Aruba durante ‘Di Dos Guera Mundial’. “Poco biaha ta tende loke a pasa riba nos isla mes durante e guera y e importancia di nos isla durante e periodo ey.

“Aruba a hunga un rol importante door di e petroleo cu tabata wordo rafina riba nos isla. Nos a wordo ataca pa e motibo ey,” Sra. Arends a splica despues di entrega e publica-

AWEMainta.com

cion na Prome Minister Eman.

Por lesa e.o. den e publicacion aki cu 16% di e fuel cu a wordo uza na Europa durante di guera tabata procedente di Aruba.

E pakete di informacion ta disponibel na ANA y ya caba e ta den man di varios scol na Aruba. Tur scol interesa, por yama Archivo Nacional y pidi pa un di e paketenan aki. E ta completamente gratis y sigur e lo ta un beneficio grandi como material educativo, ya cu e ta basta amplio.

Publico interesa por haya e pakete na ANA pa un suma di 100 florin y ta contene dos buki, seis video, un corant y otro buki di e exposicion mes.

Un grupo di 20 hoben a finalisa e prome tres simannan di trayecto 5 di Formacion Social

DIABIERNA mainta un grupo di 20 hoben cu a finalisa e prome tres simannan di Trayecto 5 di Formacion Social interna den Marinierskazerne por a bay cas. Esaki a sosode di a duna un demostracion di locual nan a haci pa nan familiarnan cu a bin busca nan yen di alegria.

E Programa Trayecto Social ta un iniciativa di Prome Minister Mike Eman, kende a haya apoyo di Ministerio di Defensa di Hulanda pa ehecuta e programa cu ta duna hobennan un chens pa crea disciplina y curso basico pa por drenta e forsa laboral

despues. E programa Formacion Social ta pa hobennan cu no ta bayendo scol y cu tampoco tin un trabou. E trayecto ta consisti di diferente fase.

Teniente Texeira a splica loke e parti di training ta encera. Kico tur e hobennan a haci durante e prome tres simannan, el a pone enfasis riba e parti di disciplina, structura y respet.

E prome tres simannan di e programa aki ta esun mas dificil, pasobra den e periodo aki e hobennan no ta bay cas den fin di siman. Esaki ta test nan

perseverancia tambe y si nan ta motiva pa finalisa e programa.

Diabierna mainta 20 hoben a demostra nan famia e tipo di cuminda cu nan ta come ora cu nan bay training den mondi, ki ehercicio y aspectonan militar nan a siña caba y unda nan ta drumi. Disciplina a caracterisa e prome tres siman, pero tambe cu e guia necesario, specialmente esnan cu kier a bay cas prome cu tempo.

Na momento cu Teniente Texeira a informa cu nan por bay cas, por a mira con e grupo a sali na careda, cu nan familiarnan nan tas.

AWEMainta.com

Local 13

Diasabra 1 di Februari 2014

Bar tropical di Aruba Tourism Authority ta causa furor meymey di winter

Aruba cu tremendo evento pa Super Bowl na New York City Celebridad nan ta gosa di bebidanan tipico di un bartender Arubiano

NA vispera di e conocido Super Bowl, Beach Bowl ta un evento unico cu ta wordo celebra anualmente na e famoso Pier 40 na New York City ubica na Hudson River Park riba diahuebs, diabierna y diasabra prome cu Super Bowl Sunday. E dia di mas

bishita ta e diasabra prome cu Super Bowl, cual ta “game day”, y un publico grandi y cantidad di celebridad invita ta disfruta di e ambiente unico riba e pier, cu ta wordo crea pa DTV (Direct TV) y e co-anfitrionnan di Beach Bowl. E Pier 40 ta esun

di mas grandi den e park y ta cubri un area di mas cu 56 mil meter cuadra.

E aña aki Aruba Tourism Authority (ATA) a laga construi un bar completo, cual ta un gift lounge pa e celebridadnan. Aki a crea un ambiente special cu

Voor meer rust en rendement in uw onderneming Telefoon +297 583 8919 of +297 738 0002 caribbean.afas.com

nos propio mixologist Arubiano AJ Tromp cu ta encarga cu e bar, sirbiendo cinco diferente mix inspira pa algun di e luganan mas bunita di nos isla.

Riba un monitor di television, escenanan di nos beachnan y actividadnan di beach, nos naturalesa cautivante y ilustracionnan di nos hospitalidad ta wordo mustra.

Asina, Aruba Tourism Authority y su partnernan den nos industria turistico ta ofrece bishitantenan na e “Aruba Sand Bar” un toke di nos beachnan, e calor y e sentimento di aventura y nos tantisimo actividadnan cu siguramente ta di bira e centro di atencion pa cada bishitante di Beach Bowl 2014. Si considera cu na e momentonan aki New York City - cu ta e curason di nos turismo como e ciudad unda e gran mayoria di nos turistanan ta biba - ta experenciando un di su pio winternan, sigur tur hende cu experencia nos beach bar lo keda cu e escenanan di nos dushi y caluroso isla den mente.

E celebridadnan cu a wordo invita pa Direct TV na e evento aki cu bishita e bar di Aruba lo ricibi un invitacion pa bin Aruba pa 3 anochi/4 dia. Ademas, cada celebridad lo ricibi un bunita recuerdo di e bar, incluyendo un cocktail shaker metalico cu logo

di Aruba, hunto cu un folder cu e recetanan y splicacion di e inspiracion pa e bebidanan special cu ta wordo presenta.

E nombernan cu a wordo escogi pa e bebidanan ta refleha nos beach y atraccionnan special: Eagle Beach Bellini, Mangel Haltorita, Hadicurari Windy Sour, Conchi Cosmo y Guadirikiri Cave Cooler.

Un otro area di concentracion pa loke ta mercadeo di Aruba na Beach Bowl 2014 ta e aspecto di “nightlife” y aki lo tin promocion pa e campaña “Little White Dress”, cual ta wordo refleha tambe den e vestuario di e team di Aruba. Un lista largo di celebridadnan di pelicula, television y deporte a wordo invita pa atende e evento y naturalmente tambe pa bishita nos Aruba Sand Bar, incluyendo: Joe Montana, Deion Sanders y Warren Moon, Nina Dobrev y Ian Sommerhalder di The Vampire Diaries, modelonan di Sport Illustrated Chrissy Teigen y Hannah Davis, como tambe Jaimie Alexander di Thor: The Dark World, Meghan Markle di Suits y e comediante/actornan Tom Arnold y Tracy Morgan.

Si bo ta desea di recrea e cocktailnan cu ta wordo presenta na Beach Bowl 2014, bishita e website aruba.com/arubasuper-bar-drink-recipes.

14

Local

Diasabra 1 di Februari 2014

AWEMainta.com

Diasabra awor tambe por paga impuesto di vehiculo di motor y busca e plachinan

Alabes por haci pago di otro impuesto tambe

DEPARTAMENTO di Impuesto ta recorda cu diasabra awor, dia 1 di februari tambe por paga impuesto di vehiculo di motor 2014 y busca e plachinan.

Alabes ta posibel pa haci pago di otro impuesto tambe. Aki ta sigui un skema di e orario di servicio valido pa tur diasabra te cu 15 di februari 2014.

Ultimo dia pa haci pago di por lo menos e prome kwartaal di impuesto di vehiculo di motor 2014 ta 17 di februari 2014.

Esaki ta e ultimo dia tambe cu

por core cu e plachinan di 2013.

Departamento di Impuesto ta premira cu e dianan nos dilanti lo bira sumamente druk y pesey ta haci un apelacion na tur cli-

ente pa probecha y haci uzo di e servicionan cu tin riba diasabra.

Asina e cliente mes ta evita e rijnan largo specialmente durante siman.

Ministerio Publico a presenta Fiscal Dorien Kardol

E siman aki Ministerio Publico a presenta un fiscal nobo Dorien Kardol. E tabata officier van Justitie na Rotterdam y durante un vakantie el a conoce Aruba y a pensa riba e posibilidad

pa bin traha aki. Te cu awor e tin un bon experiencia cu e isla. El a conta con durante su studio ela sinja con pa adapta na situacionnan nobo cu awor ta salie di bon cu e ta bin biba

Aruba. El a traha hunto cu polis di trafico na Hulanda tambe unda cu nan a cuminsa un departamento cu ta trata cu accidentnan den trafico so y nan a desaroya metodonan nobo pa decifra con accidentenan ta tuma lugar. Esaki door cu dia pa dia autonan ta bira mas moderno y e tecnicanan di investigacion tradicional no ta suficiente mas. Tambe a bin cu sistemanan cu por medio di camaranan di trafico por decifra con accidentenan a pasa y con

duro e hendenan tabata core.

Loke el a sinja den su trabou cu diariamente ta deal cu victimanan di trafico, ta pa atende cu e impacto cu un accidente tin rba bida di un hende. Y e kier wak con esaki ta funciona na Aruba pa asina e duna su aporte. Tambe e lo trata cu delitonan di indole sexual cu tambe tin su impacto riba e victimanan. Tambe e investigacionnan e ta haya interesante y e contacto cu e instancianan pa asina determina cuanto castigo

por duna e hendenan. Fiscal Dorien Kardol lo keda pa 3 anja Aruba.

Segun e fiscal, nan tambe sa haya cu tin casonan unda cu e castigonan no ta suficiente pero semper ta depende di cada caso cuanto ta haya. Den casonan di indole sexual esaki ta dificil tambe paso niun caso ta comparable cu otro. Cu viola un mucha of viola un adulto, dificil por compara e situacionnan y esaki ta haci cada caso unico riba su mes.

AWEMainta.com

Local 15

Diasabra 1 di Februari 2014

Den restauracion di ex Havenkantoor y ex Museo Arkeologico

Tanto arkitecto como contratistanan ta contento con trabounan ta canando y di traha cu Gabinete Mike Eman II y Monumentenbureau

“NOS ta trahando dia y anochi y hasta weekend, pero satisfecho cu loke ta saliendo afo,” asina arkitecto Serge Thijzen a duna di conoce e siman aki y ta refleha e positivismo y satisfaccion cu ta reina entre e ekiponan a cargo di e restauracionnan di e edificionan monumental di ex Havenkantoor na Schuttestraat y ex Museo Arkeologico na Zoutmanstraat.

E bon resultado ta danki den

gran parti na e comunicacion excelente cu tin entre Gabinete Mike Eman II pa medio di Minister di Asuntonan General Mike Eman y Minister di Infrastructura Benny Sevinger, Monumentenbureau, arkitectonan y contratistanan local encarga. Naturalmente, den tur tipo di construccion semper tin imprevistonan y den un restauracion a demostra di esey ta e caso mas ainda.

Sin embargo, e ekipo ta supervisa constantemente tur aspecto di e trabounan y pesey por maneha tur loke ta presenta. “Nos tin confianza den loke nos a siña p’e y ta bayendo tremendo,” arkitecto Thijzen a bisa refiriendo na su mes, colega Jouel Croes como tambe e contratistanan Van Den Broek Construction y Albo Aruba N.V. Ambos arkitecto ta aplaudi e vision di Gabinete Mike Eman, no solamente di rescata e monumentonan historico, pero di duna nan, como profesionalnan Arubiano, e oportunidad di ehecuta e responsabilidad aki.

Manera Sr. Thijzen a bisa, “Ta grandi pa nos Aruba mantene nos historia, no solamente di e hendenan cu a haci algo pero tambe den su edificionan.”

Anno Postma, como lider di e proyecto den nomber di Albo Aruba N.V. a splica cu no ta nan prome proyecto di e tipo aki, pero sigur un mas complica cu normal y esey ta dor di tur e de-

tayenan cu mester tene cuenta cune. E comunicacion tabata clave pa asina tur hende ta riba mesun liña y satisfecho cu loke ta wordo haci. Segun e contract, e proyecto di ex Havenkantoor mester keda cla pa mita di luna di Mei, pero e contratista tin otro plan. “Pa nos mes, nos a pone fin di februari y tur cos ta mustra cu nos ta bay logr’e,” Sr. Postma a bisa.

Den e caso di ex Museo Arkeologico na Zoutmanstraat, e arkitecto na mando ta e hoben Jouel Croes. E ta splica cu tabata un honor pa forma parti di e ekipo tras di e restauracion di e monumento aki. “E restauracion tabata hopi intensivo, aunke apariencia por mustra otro. Den transcurso di añanan tabatin hopi cambio riba e edificio y esey a haci dificil pa trece bek na su estado original. Mester hacie mas detaya posibel pa cumpli cu e reglanan internacional.” Tur partido envolvi ta compronde esey y ta traha

pa e mesun meta. “Nos ta sperando pronto di por completa e proyecto aki cu gran exito,” Sr. Croes a bisa.

Pa Van Den Broek Construction, esaki si ta nan prome restauracion. E ta mustrando di ta un experiencia hopi enrikecedor y cu ta manehando profesionalmente. Su representante a duna di conoce cu nan ta purbando pa keda cla na tempo y “mane cu e ta mustra te awo, e lo ta facil pa logra esey.”

E restauracionnan aki ta forma parti di e vision di Gabinete Mike Eman I y II pa renoba y revitalisa centronan di ciudad, sigui pa henter e isla. Durante ultimo cuater aña a restaura y rescate joyanan di nos historia manera Watertoren di Oranjestad y San Nicolas como tambe Corte y asina ta bay sigui cu mantencion di e monumentonan di Censo, Contraloria General y pronto tambe lo cuminsa cu edificio di DOW y John F. Kennedyschool.

16

Local

Diasabra 1 di Februari 2014

AWEMainta.com

Minister Michelle Hooyboer-Winklaar ta anuncia

“Cu introduccion di Maneho di Famia, CEDEHM ta amplia su tarea”

RECIENTEMENTE Minister

di Enseñansa y Maneho di Famia a reuni cu Centro pa Desaroyo pa Hende Muhe miho conoci como CEDEHM pa papia tocante ampliacion di nan tarea mirando e introduccion di un cartera cu ta encera Famia. E mandatario tabata hopi satisfecho cu e reunion mirando cu ya caba e team di CEDEHM a pensa riba varios manera pa inclui proyectonan pa Famia den e structura di CEDEHM.

Esaki ta nifica cu CEDEHM ta bira CEDEHM Plus +.

Enfoke lo ta con pa reenforsa famianan door di pone mas instrumentonan disponibel cerca nan. Aki por pensa mas hopi riba training, curso, gruponan di papia y charlanan pa famia nan por yega na informacion valioso pa por yuda famianan enfrenta diferente situacion.

Den esaki CEDEHM lo traha hopi estrecho cu fundacionnan manera Tienda di Educacion,

Famia Planea, y Wit Gele Kruis pa por hunto crea e miho structura di informacion pa famianan.

Importante ta pa cada famia cu mester di informacion pa yuda nan crea un famia mas solido y sano por yega na informacion.

Hopi informacion relaciona con pa lanta un mucha na e manera mas saludabel y sano, y con pa ta mas envolvi na scol ta bay ta e areanan di atencion pa Maneho di Famia.

Parlamentario Jennifer Arends-Reyes

Lotto a entrega un otro check grandi

Un ganado a cobra 470 mil florin “E strafwet nobo ta di Mini Mega y Mega Plus cubri proteccion na nos grandi nan, esnan zwakzinnig y menornan di edad”

SUERTE a bati na porta di M. Gomez pa e sorteo di Mini Mega y Mega Plus di Dia di Betico. Awo e hoben di 18 aña ta planeando e realisacion di e estudio di su soño den exterior, cual e mes lo financia for di e 470 mil florin cu el a gana dia 24 di januari. Un biaha mas, Lotto, E loteria di Aruba ta cambia bida di un miembro di nos comunidad y ta haci posibel pa

e realisa un di su deseonan di mas grandi. Ta un gran honor y placer pa Lotto, cu su Mini Mega y Mega Plus contribui na e bienestar y futuro di un cliente hoben.

En conexion cu Dia di Betico, Lotto a regala 100 mil florin extra riba e jackpot di Mini Mega y esaki a wordo gana por completo, incluyendo e Mega Plus. Pues, cu un inversion di apenas Afl. 7, M.

Gomez a gana 470 mil florin.

E tabata super contento cu su premio y a expresa cu kisas e lo bay den Carnaval tambe awo. Ta suerte mes tabata compañ’e, pasobra ta riba e mesun anochi di e sorteo, net prome cu Indio Santa Helena a cera e hoben a drenta y cumpra su ticket, cual a resulta esun ganado tambe.

Lotto, e loteria di Aruba tin 8

diferente wega; Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega, y Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

SEGUN parlamentario Jennifer Arends-Reyes e mocionnan presenta pa fraccion di oposicion ta inclui caba den e strafwet nobo y tin caba “straf verzwaring”. E castigonan pa e actonan menciona ta inclui caba y hasta pa haci nan mas pisa cu esunnan contra turista manera proponi pa oposicion.

Actonan di “joyriding” tambe e castigonan a ser poni mas pisa y tin cifra cu ta ser registra y continuamente e team di atraco ta explora tur posibilidad pa mitiga e casonan di “joyriding”.

Asina ta cu tin atencion serio riba tur e mocionnan proponi dor di fraccion di oposicion y pa es motibo tambe no a wak e balor agrega pa bolbe bay ‘mishi’ cu e proposicion di e ley cu a ser presenta den parlamento cu a traha riba dje pa basta aña. Expertonan ta continuamente ta monitor e situacion di criminalidad y a trece hopi cambio den e ley nobo cu lo yuda combati criminalidad ariba nos isla.

AWEMainta.com

Diasabra 1 di Februari 2014

No tin nominado di ciclismo pa Premio Excelencia den Deporte

17

Pa falta di esfuerso di e federacion, e atletanan cu a destaca den 2013 no lo wordo homenahea

TIN un dicho ta bisa cu den

bida tin tres cos cu nunca lo por bolbe atras: e flecha lansa, e palabra pronuncia y e oportunidad perdi. Pa e atletanan cu a sobresali local y internacional den ciclismo durante 2013, un oportunidad a bay perdi y no lo regresa nunca mas. Un oportunidad di ricibi e merecido atencion y un reconocimento pa nan logronan den ciclismo durante 2013. E oportunidad aki a ser kita for di e atletanan puramente pa falta di e esfuerso di e federacion cu ta representa ciclismo, perhudicando e atletanan di e forma aki. Gracias na e esfuerso di periodistanan e aña anterior, unda cu e tempo ey tampoco e federacion di ciclismo a nomina su atletanan, a scapa e cara di e federacion unda cu un atleta di ciclismo a haya reconocimento como atleta hubenil masculino di aña 2012 durante Premio Excelencia den Deporte.

E reconocimento anual Premio Excelencia den Deporte ta un muestra di gratitud, reconocimento, y estimulo cu Aruba como pais ta duna na esnan cu a destaca den mundo di deporte.

Pa por otorga e premionan, e comision ta conta riba e trabou y dedicacion di e federacion pa suministra e informacion di su atletanan cu e ta desea di nomina. E comision na su turno por studia y repasa e curiculo di e atleta unicamente si e federacion haci e esfuerso necesario pa nomina e atletanan cu a sobresali tanto riba tereno local como den competencia deportivo di caracter internacional.

Tur reconocimento, pero en special e Premio Excelencia den Deporte cu ta ser otorga pa pais Aruba, ta duna un toque special na tur e trabou cu principalmente e hoben ta haci hunto cu nan coach, nan mayornan y familiar. Esaki ta yuda pa realisa logronan durante e añanan. Mirando cu promocion di e deporte cerca e hoben ta sin duda algun un complemento perfecto cu ta mescla disciplina, diversion, esfuerso, capacidad, habilidad, pasion y trabou den ekipo o di liderazgo ta sirbi como scenario faborabel pa logra recupera mas hoben cu tin actividad fisico como forma pa biba saludabel y bon custumber. Ademas di promove na un gran forma e deporte cu nan ta practica y sirbi como ehempel pa nan compañero, un reconocimento na e atletanan ta na su luga.

Pa e hobennan ciclista, entre

otro, Cherley van der Linden, Zaithyel Soekandar, Ashwin Solognier, Oriana Thielman, Zyqion Soekandar, Jonathan Croes y Jair de Santiago, cada competencia cu nan participa na dje, ta manera un flecha cu nan ta lansa den blanco y cu lo mester yena nan cu oportunidad y e palabranan cu ta acompaña nan nomber mester tin di haber cu galardon y reconocimento. Reconocimento pa e trabou, e dedicacion, e esfuerso, e sacrificio y e tempo cu nan ta hinca den nan deporte.

Tur esakinan ta aspectonan di e otro banda di e medaya di nan triunfonan pa asina duna gloria na e nomber di nan pais Aruba.

E ta un decepcion cu e federacion cu mester para pa y boga pa e ciclistanan, specialmente e promesanan hoben, no a sa di tuma e oportunidad y sostene y reconoce e ciclistanan y asina garantisa sostenibilidad di e deporte di ciclismo.

18

Deporte

Pele ta wak Alemania y Spaña fuerte PA Pele, e seleccion di Alemania y Spaña ta esnan cu ta yega mihor

na Mundial y a bisa cu e seleccion brasileño lo biba dos problema: e presion di fanatico local y e falta di un bon atake. “Pami, e mihor teamnan ta Spaña y Alemania, mas tambe no por lubida team manera Argentina, Hulanda, uruguay, Inglaterra of Italia, cu tin hopi experiencia den Mundial. Sin embargo, den e momento aki, den e ultimo seis luna, e mihor team ta Alemania y Spaña”, Pele a bisa den entrevista cu Jorge Ramos y su Banda. Aunke Pele ta acepta cu su favorito sentimental pa gana Mundial ta Brasil, ta acepta cu tin factor cu ta afecta den e competencia di juni entrante: “Mi prome favorito pa gana ta Brasil. Mi ta di acuerdo cu e presion lo ta hopi grandi pa parti di e fanatico. Ora un team local tin cu gana por perhudica, pero awo nos tin otro problema: ta prome biaha den historia di Brasil cu no tin un gran atakante. E ta hopi fuerte den mediocampo pa atras, pero no tin ofensivo manera otro biaha”, Pele a bisa. Y a agrega: “Nos ta spera cu e presion di e fanatico, cu un bon team, cu Brasil por yega final”. Ora ta pidi ex hungador di Santos menciona algun mihor hungador di historia, el a contesta: “Tin cosnan cu ta inhusto, paso no tur hende tabata tin e oportunidad di wak Di Stefano hunga, e tabata un excelente hungador. Si mi bisa cu e ta esun, hende nan no sa. Awo, na e momento aki, mi ta kere cu Cristiano Ronaldo ta esun den mihor forma”. Ora a puntr’e su opinion pakiko nunca a hunga na Europa, el a bisa: “e prome ta feliz cu loke bo ta hasi y ami semper tabata felis den Santos, hungando na Brasil, ami sin sali di Brasil mi a logra amistad rond di mundo”.

Diasabra 1 di Februari 2014

AWEMainta.com

AWEMainta.com

Local 19

Diasabra 1 di Februari 2014

Jose Mourinho:

“Manchester City tabata tin suerte” E entrenador di Chelsea, e portugues Jose

Mourinho, a cuestiona diabierna e calidad di Manchester City di bisa cu nan tin suerte, den relacion na e liderazgo di e team di Manchester den Premier League. E portugues a bisa den rueda di prensa cu “e realidad ta cu Manchester City tabata tin bon decision crucial den su fabor y a sugeri cu e team di e chileno Manuel Pellegrini tabata beneficia pa algun circunstancia den wega cu a hiba nan na mas halto di e clasificacion. Mourinho a pone e ehempel di

auto-gol di Raheem Sterling contra Liverpool of e kaarchi cora na Danny Rose, di Tottenham, pero a añadi cu no kier pa e wordo malinterpreta, paso ta opina cu tur cos ta puro coincidencia.

“E arbitronan ta purba hasi lo mihor posibel y tin ora ta comete error y normalmente ta durante e temporada e errornan ta reparti entre e teamnan. Den caso di City, tin tur cos na nan fabor”, el a comenta. E tecnico di Chelsea tambe a comenta e declaracion di e entrenador di Tottenham, Tim Sherwood, di cual ta califica City como e mihor team di planeta despues di e derrota contundente contra e team ey diaranson na White Hart Lane pa 5-1. “Porta, pa e tecnico di Tottenham, e planeta ta Inglaterra”, Mourinho a bisa. Chelsea ta enfrenta e team di Pellegrini dialuna cu dos punto di diferencia entre ambos. City a hunga na cas como lider (un punto mas cu Arsenal) y invicto durante 20 wega den tur competencia, mientras Chelsea, tercer den e tabla, ta purba recupera di e empate na cero contra West Ham.

20

Deporte

Diasabra 1 di Februari 2014

AWEMainta.com

Gerardo Martino no ta wak chens pa error 14/12/2013 1/3.. DIOS TA BON – WALLY WARNING 2/1.. SAY YOU ARE JUST A FRIEND – JUSTIN MAHONE-FLORIDA 3/6.. HALTO – UPGRADE 4/7.. VIVIR LA VIDA – NBO 5/9.. BREAKING THE WALL – ANGELO CROES 6/12.. DANCE FLOOR – NICK CANNON 7/2.. THE FOOL – NICOLE BERNEGGER 8/ 15.. SKYCRAPER – SAM BAILEY 9/4.. ISLAND SONG – ZAG BROWN 10/18.. KAYA TA HOT – YOUTH EXTREME 11/5.. TURN BACK TIME-SUB FOCUS 12/14.. PALITO DE COCO – BASIC ONE 13/19.LA FOTO DE LOS DOS – CARLOS VIVES 14/10.. SI TU TE VAS – FUZION 15/20.. IF U GOT IT – CHRIS MALINCHRAK 16/--ANTES DE TI – EROS TRAMAZZOTTI 17/13.. BLUE EYES – UB 40 18/-- ON THE RUN – JAY Z-BEYONCE 19/11.. HAPPY – PHARREL WILLIMAS 20/-- CARNIVAL CLASH-FELLOW-ATA NIRO

ON THE AIR : 4.00 – 6.00 p.m. HIT 94 FM

RIBA e maraton di wega di otro siman, e tecnico di Barcelona, Gerardo ‘Tata’ Martino, a admiti cu su team ta den un parti decisivo di temporada, di cual segun su opinion “no tin ningun chens pa wak error den competencia”.

“Nos no por descuida mas. E ta importante e wega di diasabra contra Valencia, e semifinal di Copa del Rey, tambe e eliminatorio contra Manchester City”, el a bisa den e rueda di prensa.

Den e sentido ey, a reconoce cu Real Madrid y Atletico Madrid por tin desgaste fisico y di animo contra semifinal di Copa di otro siman, aunke a puntualisa cu su hungadornan tambe tin un eliminatorio complica den Champions League contra un di e teamnan mas potente di e continente. Pesey, ta prefera bay wega pa wega y concentra den e wega contra Valencia, un rival cu a crece cu e yegada di e entrenador Juan Antonio Pizzi, cu a califica e tecnico como un gran tipo y gran profesional.

El a reconoce cu e duda cu a genera a produci varios cambio den e team.

“Mi tin duda paso tin futbolista cu no tey y cu a hunga den e ultimo wega”, el a agrega despues di e ayo di Pabon, Guardado y Postiga. Asina mes, el a referi na e faceta di asistente cu den e ultimo siman, ta parse cu Messi

a tuma over. Di su compatriota el a bisa cu e beneficio mayor pa e team ta cu no carga cu tanto responsabilidad manera a pasa den e ultimo aña nan.

Di Neymar, cu den training di diabierna a cuminsa hasi careda hunto cu su compañero nan, el a bisa cu esaki lo no forsa su regreso. “Mi ta hopi respetuoso di loke e dokternan ta bisami.

Mi no tin limite cu Manchester City. Si e ta bon prome, e lo hunga prome, si e no ta bon, e no ta bay hunga. Su evolucion ta hopi bon, pero lo hunga ora mester”, el a splica.

Martino tambe a papia di e relevo di Valdes den gol. Puntra pa si e chileno Claudio Bravo, keeper di Real Sociedad, lo ta un bon candidato, Martino a contesta: “Ta parse un keeper hopi pero hopi bon, pero si Barcelona desde juli t’e awo a confirma e keepernan cu a sali den prensa, nos lo hunga cu 11 keeper e siman cu ta bini”, el a bromea. Na ultimo, a duna su apoyo na e hungadornan di Racing Santander, cu a nenga di hunga e buelta di cuarto di final di Copa del Rey contra Real Sociedad pa motibo di impago.

“E ta hopi normal cu cualkier trahador tin cu cobra pa loke ta produci y esaki den Racing no ta pasando. Tabata un imagen mahos pa wak”, el a conclui.

AWEMainta.com

Deporte 21

Diasabra 1 di Februari 2014

Sergio Aguero lo ta afo un luna E delantero di Manchester City, Sergio ‘Kun’ Aguero lo ta afo un lesion pa motibo di un lesion na su pia banda drechi, pa cual lo perde e wega di ida di Champions League contra Barcelona den Etihad Stadium, segun e club a informa diabierna. E entrenador di City, Manuel Pellegrini, a confirma e lesion di e argentino, cu mester a retira diaranson durante e wega contra Tottenham pa un dolor na su musculo banda drechi, despues di anota su gol number 50 den 81 wega di liga y habri e score di un goleada di 5-1.

Kun Aguero, di 25 aña, lo perde e wega di

Daniel Osvaldo lo hunga cu Juventus

E delantero argentino Daniel Pablo Osvaldo, nacionalisa italiano, a yega diabierna na Turin y a cumpli cu e revision medico pa hunga cu Juventus, via prestamo y cu opcion di cumpra, e ta yega procedente di Southampton. Osvaldo a yega e club par di ora prome cu e cierre di e mercado di futbol y a firma su contract cu e club. E corant La Gazzetta Dello Sport a bisa diabierna riba su portada “Osvaldo ta na Juventus y awo ken ta parabo?”, agregando cu e delantero a yega di prestamo di Southampton cu un opcion di compra di 18 miyon euro. E delantero cu lo ta compañero den Juventus di su compatriota Carlos Tevez, a yega na Southampton e temporada pasa via prestamo na AS Roma di Italia pa 20 miyon euro.

Osvaldo, di 28 aña, cu a nacionalisa y hunga pa e seleccion italiano, a yega di hunga den Huracan, Espanyol y e clubnan italiano di Atalanta, Lecce, Fiorentina y Bologna.

18 di februari contra Barcelona y otro importante wega manera esun di dialuna na cas contra Chelsea. E tecnico di City, actual lider di liga ingles cu 53 punto, no a mustra excesivamente preocupa pa e lesion atrobe di e hungador argentino, cu a sufri apenas un luna pasa un lesion. “E ta hopi dificil, Sergio ta un gran hungador pa nos pero mi ta kere cu por reemplasa esaki, manera ya a pasa durante otro lesion”, Pellegrini a bisa.

“E otro delantero nan, Alvaro Negredo, Edin Dzeko y awo Stevan Jovetic, por reemplasa esaki”, el a bisa.

Diego ta bolbe bek Atletico Madrid

WOLFSBURG a yega na un

acuerdo pa manda e brasileño Diego pa Atletico Madrid, aunke t’e ainda mester caba cu e ultimo detaye riba e operacion, pero medionan aleman ta kere e lo ta cifra rond di 1,5 miyon euro. Poco prome cu e cierre di e mercado, e director deportivo di Wolfsburg, Klaus Allofs, a splica na e agencia aleman di

noticia DPA cu falta cu e hungador y e club di Madrid yega na algun punto, pero no tin duda cu Diego lo wordo bendi. E mediocampista a yega di hunga cu Atletico Madrid caba, den e temporada 2011-2012, e tempo ey via prestamo di e club Wolfsburg.

22

Deporte

Diasabra 1 di Februari 2014

Remodelacion di e stadion di Madrid

AWEMainta.com

“Nos kier pa e Santiago Bernabeu nobo bira den e mihor stadion di mundo”

E proyecto presenta pa GMP Architekten-L35-Ribas tabata esun finalmente elegi pa e remodelacion di e stadion Santiago Bernabeu manera a wordo anuncia pa e presidente di Real Madrid, Florentino Perez. E ganador, despues di un proceso di seleccion, cual tabata tin otro tres candidato. Den e fase preliminar di e analisis di costo ta bisa cu e inversion lo ta rond di 400 miyon euro, manera e mandatario blanco a confirma.

“Nos kier sigui cu e Santiago Bernabeu nobo bira den e mihor stadion di mundo cu e mihor comodidad y modernidad, unda e sensacion y experiencia di biba un wega di futbol ta in-

olvidable”, el a indica durante un acto celebra den e palco di honor di e stadion. “Nos mester ta un icono di arkitectura di e ciudad di Madrid y un di su simbolo mas representativo. Nos ta den e proyecto mas ambicioso di e ultimo tempo.

E mihor stadion lo ta bira den un simbolo mundial”, el a bisa.

E stadion lo nobo, lo haya un hotel di luho paden y un centro comercial y lo genera mas di 30% di e entrada actual di e club. Durante su discurso Florentino Perez tambe a referi na e Ciudad Deportivo y tabata kier tin un recuerdo pa e figura di Santiago Bernabeu y tambe na e socio nan.

AWEMainta.com

Local 23

Diasabra 1 di Februari 2014

Minister di Finanza, FDA, DOW y BIC NV a firma acuerdo

Di dos fase embeyecimento Baby Beach ta cuminsa februari awo

Embeyecemento di Baby Beach, fase 2, ta cuminsa den e prome mita di februari. Esaki ta un proyecto cu ta cay bou di Ministerio di Turismo y a haya luz berde pa cuminsa unabes cu Minister di Finansas di Aruba, Sr. Juan David Yrausquin a pone su firma riba e documentonan rekeri. Presente, diaranson mainta den Sala di Conseho di Minister na Bestuurskantoor tabata tambe representante di Bic NV. Sr. Anthony Thiel, di Bic NV ta e contratista local cu ta encarga su mes cu e proyecto aki y e ta premira cu e proyecto ta keda completa den e termino stipula. Sr. Thiel a gradici tanto Gobierno como FDA pa e confianza deposita den compania.

E fase 2 di e embeyecemento ta core for di net pariba di e

cancha di tennis te na Santana di Cacho, pasando meymey di e matanan di druif pa por conserva mas tanto posibel e vegetacion existente.

E di dos fase di embeyecemento di Baby Beach, cu un costo di 1.7 miyon florin, ta wordo financia for di fondonan di Fondo Desaroyo Arubano (FDA) y ta un proyecto cu su prome fase a wordo realisa bou di Gabinete Mike Eman I. Henter e caretera y parkeo ta wordo construi por completo cu beton. Esaki tabata riba conseho di e ingenieronan di DOW, tumando na cuenta e efecto di erosion di awa salo, beton tin mas resistencia contra esaki cu asfalt. “Di e forma aki ta garantisa un caminda duradero,” Thiel a expresa.

E trabounan ta premira pa

cuminsa rond di 11 di februari, ta encera construccion di caretera den beton cu fiber.

E lo tin un looppad na ambos banda di caminda di klinkers, y muraya cu piedranan di calichi cu ta fungi como un separacion entre e caminda y e parti di e beach. Den e proyecto ta poni tambe construccion di un area pa deposita sushi, cual lo ta mas grandi cu esun actual cu ta bay wordo basha’abou.

E caminda di acceso pa e beach ta bay wordo embeyece cu tanto matanan di coco como di druif.

Na momento cu e proyecto aki keda finalisa, rond di 10 di juli awor, San Nicolas ta keda cu un bunita atraccion tanto pa turista como localnan. “BIC lo percura pa entrega un biaha mas un trabou cu lo wordo

realisa den e tempo stipula y cu e calidad cu ta wordo exigi basa riba e normanan di DOW,”

director di BIC NV a duna di conoce.

Caya Jacob Rudolf (Coco) Arends inaugura

Dokter Coco Arends tabata un persona cu un pasion grandi pa Aruba y pesey hopi tempo caba e tabata merece pa haya

un caya na su number. Esaki ta loke Prome Minister Mike Eman a expresa diahuebs atardi na momento di develo di nomber

di e caya dedica na dje. E caya a haya e nomber di ‘Caya Jacob Rudolf Arends’. Dokter Coco, manera e tabata wordo yama,

no solamente tabata un dokter cu un curason grandi, pero un político cu nunca a lubida su humildad y cu a duna atencion special na esnan di menos recurso. Presente tabata un grupo di familiar di dokter Coco Arends – entre nan su yiunan Rori y famianan di Ru Arends – ken-

denan a expresa nan gradicimento na Prome Minister Mike Eman cu e bunita gesto aki. E caya a wordo inaugura door di Ru Arends Jr, kende tin e mesun nomber cu su tata y abuelo.

Caya Jacob Rudolf Arends, ta keda na Seroe Blanco.

24

Local

Diasabra 1 di Februari 2014

Minister Michelle Hooyboer Winklaar a enfatisa cu

AWEMainta.com

“Tur mucha tin derecho riba Enseñansa sin importa nan nacionalidad”

“TUR mucha, no ta importa

si ta di China, Haiti, Santo Domingo, Puerto Rico, Venezuela, Colombia of otro pais cu ta biba riba nos isla mester tin acceso na un estudio. Y nos como Gobierno mester sigura cu tin e scolnan cu ta apto pa ricibi y guia e muchanan aki”, asina Minister Michelle HooyboerWinklaar a declara despues di un bishita cu el a haci na Prins Bernhard School.

“No ta importa cua idioma nan ta papia, ta importante cua idiomanan lo logra papia na final di nan estudio”. E mandatario ta convenci cu e scol aki mester di hopi ayudo pa nan por opera productivamente y e lo haci su maximo esfuerso pa duna e yudansa aki tambe.

Otro scol cu tambe a haya

bishita di e mandatario ta J.N. Andrews Kleuterschool caminda tambe tin hopi mucha cu ta domina un idioma cu no ta Papiamento of Hulandes y ta di admira con nan a introduci nan mes como un “jongen of meisje” y bisando nan nomber na e mandatario. Por ultimo a bishita EPB San Nicolas.

E mandatario a haya ful un rondleiding rond di e scol y a haya un bista mas amplio di e diferente unitnan cu un studiante por studia na EPB. Despues den un set up igual cu un restaurant e muchanan di e unit HORECA a prepara un par di “snacks” pa e mandatario purba y asina aki tambe mustra nan talento den cushina. Loke tabata remarcabel ta cu esaki a wordo prepara y sirbi door di e mes un studiantenan.

AWEMainta.com

Local 25

Diasabra 1 di Februari 2014

Minister Otmar Oduber na e partnernan den turismo

“Nos lo sigui traha cu boso pa logra e metanan y ambicionnan pasobra nos tur ta participante den crea un futuro miho”

DIAHUEBS atardi Minister

Otmar Oduber conhuntamente cu ATA a realisa un encuentro cu e stakeholders den turismo pa di e forma aki gradici nan pa e resultadonan excelente obteni pa cu nos industria principal durante e ultimo aña y mustra tambe e importancia pa continua eherce e bon trabou aki durante aña 2014.

Minister Oduber a hiba algun palabra caminda el a gradici tur esnan presente pa nan interes continuo y sosten na e industria principal di nos isla.

El a bisa cu algun siman atras ora tabata discutiendo cu CEO di ATA, Ronella Tjin AsjoeCroes riba e retonan cu tin pa futuro, e metanan ambicioso cu a wordo stipula pa e siguiente 4 añanan, el a menciona cu nan tin e tendencia di move hopi lihe y sigui wak dilanti, pero tambe cu mester tuma tempo pa disfruta di e logronan, celebra e

resultadonan di e trabou duro, gradici di por tabata asina fortuna y gradici e staff y partnernan den industria y entidadnan gubernamental pa por a logra un aña 2013 hopi exitoso a pesar di e retonan global.

Despues di esaki Minister Oduber a elabora riba e diferente exitonan logra durante 2013.

Entre nan el a indica cu a logra un revpar y un ADR mas halto, como tambe un aumento di no menos cu 8.33% den stay-over visitors y un 18% den bishitantenan crucero.

Tambe el a mustra e exito di por conta cu un producto renoba y rehuveneci, cual ta den un proceso y progreso continuo y cu ta habri oportunidadnan pa entrepeneurship, innovacion y un oferta di un producto mas diversifica.

Exito den crea un strategia crucero hunto cu ATA y APA cu a cosecha y lo sigui cosecha

su frutanan. Exito den crea demanda a traves di esfuersonan di mercadeo innovativo.

Exito den por a logra cu sector publico y priva por a traha hunto den e Board di ATA, cual awor ta traha mas efectivo y eficiente cu e disposicion di e fondonan necesario y e structura legal.

Otro exito menciona dor di e mandatario tabata e strategia di aviacion conhuntamente cu AAA y ATA di cual nos ta dis-

frutando ainda cu e bon noticia di e siman aki cu Soutwest ta cuminsa bula pa Aruba y tin mas na caminda.

Minister Otmar Oduber a indica cu a logra avancenan grandi, pero cu nos no ta unda nos kier ta ainda. “Nos kier mehora e experiencia di nos bishitantenan, tanto den hotel como pafo di dje. Nos mester surpasa e expectativanan di nos bishitantenan. Nos mester crea e suficiente demanda pa nos des-

tinacion pa por logra e meta di aumenta e placa cu turistanan ta laga atras y un revpar mas halto y un industria cu por distribui e benefishinan pa tur hende”.

Finalisando e minister a bisa cu mientras ta celebra awe tambe por reflexiona riba loke nos por haci miho mañan. “Nos lo sigui traha cu boso pa logra e metanan y ambicionnan pasobra nos tur ta participante den crea un futuro miho”.

26

Local

Diasabra 1 di Februari 2014

AWEMainta.com

E cerbes y malta nacional di Aruba: Responsabel y Sostenibel

Brouwerij Nacional Balashi ta “Green” di berdad Repurpose, return, recycle DIARANSON Brouwerij Nacional Balashi, hunto cu Departamento di Agricultura, Cria y Pesca, conoci como Santa Rosa, a introduci nan lema “Green di Berdad”. Nan a splica cu mas importante cu e lema, ta e contenido y loke tin su tras, cual ta diferente accion cu ta contribui na sostenibilidad, cuido di nos medio ambiente y comportacion responsabel cooperativo.

E brouwerij cu ta produci e tres productonan Balashi, Chill y Malta Balashi ta un bon bisiña y esaki e ta desplega na diferente forma. Un di e contribucionnan menos bisto, pero di berdad significante di e compania ta e donacion di e producto cu ta keda despues cu e cerbes wordo traha na criadonan di carne y cabrito. E producto aki, cu ta consisti di e resto di yeast y e granonan hops y barley, ta un bon alimento pa e bestianan aki cu ta wordo cria pa nan carni y pa medio di su donacion, Balashi ta contribui na yuda e criado baha su gastonan.

Esaki no ta e unico producto cu ta keda na final di produccion cu ta haya un destinacion nobo. E asina yama “waste water” di e planta tambe ta wordo re uza, den e caso aki pa Balashi mes pa laba su trucknan y vloernan na e brouwerij.

Asina Balashi no ta solamente spaar placa, cual ta contribui na mantene su productonan na un bon prijs, pero tambe ta yuda den e baha consumo di

recursonan valioso.

Ademas di e dos accionnan aki, Balashi ta ofrece comunidad tambe un beneficio añadi na momento cu e cumpra Balashi y Chill pa medio di ocho “redemption centers” ubica rond Aruba, unda cu e boternan bashi di Balashi y Chill por wordo debolbi y pa caha entrega e cliente ta haya Afl. 4,80 bek. Cada boter pues tin un balor di 20 cen y esaki e consumidor of e persona cu entrega e boternan bek ta entrega nan ta hay’e na placa cash for di Balashi.

A toca e honor na Jeff Gitman di Sol Caribe pa haci anuncio di un proyecto mas cu ta engrandece e sostenibilidad di Brouwerij Nacional Balashi, cual ta e construccion y instalacion di e prome proyecto comercial di panel solar na Aruba. Esaki siguramente ta contribui no solamente na baha gastonan di energia pa e compania, cual ta yuda mantene e prijs di su producto pa consumidor stabiel, pero tambe ta yuda preserva energia.

Tur e diferente accionnan “green” consistente y pro activo di parti di Brouwerij Nacional Balashi no tabata bastante conoci den nos comunidad, segun Wendell Bennett di Balashi, kende a acerca e otro miembronan di gerencia pa bin cu un idea pa hisa consciencia den nos comunidad tocante e procesonan aki. E resultado final ta un comercial “Green

Aruba Tourism Authority ta honra e hoben Aditya Gupta

RECIENTEMENTE oficina

di turismo di Aruba tawatin e placer di ricibi e hoben Aditya Gupta, kende a ser eligi door di ATA como e ganado di Aruba pa participa na e competencia di skirbi un relato di bo pais, organisa door di Florida Caribbean Cruise Association (FCCA). Pa e competencia aki un total di 19 pais a participa y aunke cu Aditya no a gana e premio maximo, FCCA toch kier a manifesta nan aprecio pa su participacion. Nan a manda

un regalo pa promove y motiva e hoben aki pa continua participando na oportunidadnan manera esaki.

Aditya a ricibi e regalo di FCCA den presencia di su mayornan for di mannan di e Cruise & Niche Market Manager, Gloria Vega y e Visitor Care Liaison Marouska Heyliger. ATA tambe a entrega Aditya un tas cu diferente regalo di Aruba. Ademas Aruba Tourism Authority kier a comparti e relato cu Aditya a skirbi titula:

di Berdad!” cual a wordo manda den publicidad e siman aki.

Aldrich Croes di ECA NV a wordo acerca e pa produci un comercial innovativo y e bin cu e idea pa di prome biaha den su compania uza cutout animation cu photo realism y a introduci tres personahe ficticio basa riba e materianan prima, esta hops, barley y yeast. Gerente di mercadeo pa Balashi, Vanessa Hollander a bisa cu Balashi ta contento cu e resultado final y a pasa e comercial pa prensa mir’e.

Richard de Veer di Brouwerij Nacional Balashi y Tropical Bottling Company a subraya cu un compania moderno no por tin un actitud di malgasta recursonan. El a bisa cu e ta orguyoso cu su compania

ta den un posicion di por contribui cu e industria primario di nos isla y cu ta mustra cu Chill lo ta tambe hopi exitoso na Corsou – despues cu a bende ful un container den lapso di apenas un siman y e pedidonan ta sigui drenta na cantidad grandi – esaki por conduci na un produccion mas intensivo y na final mas alimento gratis pa e carne y cabritonan.

Finalisando, vocero di Santa Rosa, Randy Maduro a laga sa di parti di Santa Rosa y su director Nathaly Maduro, cu nan ta sumamente contento cu e contribucion valioso di Balashi pa e criadonan y e ta invita otro criado di bestia cu lo ta interesa di ricibi alimento for di Balashi, pa por fabor tuma contacto cu Santa Rosa of Brouwerij Nacional Balashi.

AWEMainta.com

Local 27

Diasabra 1 di Februari 2014

Meta Social Club cu un explosion di luz y color briyante pa Parada di Luz y Lighting Parade

Meta Social Club a scoge como tema pa Lighting Parade (Oranjestad) y Parada di Luz (San Nicolas) “Color Explosion”, cual ta exactamente loke publico lo aprecia ora e grupo subi caminda pa e dos paradanan aki: un masa grandi cu ta refleha for di e kostuumnan berde, geel, oranje y ros, cu neon y blacklight.

E diseñonan innovativo a wordo crea pa Ryan Maduro, kende ta un di e top diseñadornan Arubiano pa Carnaval y eleccionnan, y tambe ta un di e trekkernan di e grupo di Meta Social Club. E resultado ta un vestuario fenomenal, innovativo y briyante!

E prome salida di e grupo, cual tabata pa Fakkeloptocht a

impacta cu su tres seccionnan di musica: N’Fusion y Duro cu tur e hitnan carnavalesco

y e seccion di Carnahouse cu e productor di musica electronico mas hoben di Aruba, esta Mark Era, Fellow/Michael Lampe, kende ta disfrutando un carera internacional creciente, y mucho mas.

Tur participante di Meta Social Club pa tur parada ta ricibi nan kostuum completamente cla. E kostuumnan pa anochi ta bin decora y ta inclui nan luznan.

Tambe cada participante ta haya tambe su sombre y un body piece, estilo “rugzak”, traha di blaas cu su luznan neon pa un efecto impactante y, aunke no ta inclui pluma y un construccion grandi, esaki ta luci bunita y hopi luhoso.

E unico cos cu e participante lo por haci si e ta desea, ta pa añadi mas luz of decoracion, aunke esaki no ta necesario.

Pa decora su sapatonan, e participante por pidi e costurera un pida tela.

Compaña pa e bandanan N’Fusion y Duro , Meta Social Club ta subi caya cu clase y hopi entusiasmo, manera nan mes t a bisa “tur cu tin”!

Pa e paradanan di anochi lo tin tambe un carosa, un banner y por lo menos tres roadpiece, ful den e ambiente di “Color Explosion”.

Tin luga ainda pa inscribi y

participa cu Meta Social Club den Carnaval 60. Sea bo kier bay un parada so of tur, tin diferente pakete pa scoge di nan y asina gosa di e celebracion di aniversario di diamanta di Aruba su Carnaval manera cu abo ta desea.

Tur persona interesa ta invita pa pasa wak e diseñonan na e cede di e grupo na L.G. Smith Boulevard, ubica entre Balashi Cash & Carry y Ritz. Aki por inscribi tambe y haya tur infor macion necesario. E bar di Meta Social Club naturalmente ta un Premium open bar cu bebidanan di Tropical Bottling Company, manera Chill, Dewar’s whisky, Bacardi Rum, Coca Cola, Diet Coke, Fuze Ice Tea, Awa, biña blanco y cora, white zinfandel, AWA, Power Aid y vodka. Inscribi awe mes! E sede di Meta Social Club ta habri den siman for di 4’or y mey di atardi pa 10’or di anochi y den weekend, for di 5’or di atardi pa 10’or di anochi. Tin hopi preparacion andando na e sede y riba mayoria dia esaki lo ta habri mas laat tambe.

E pakete pa tur cuater parada ta Afl. 1325 pa empleado y

Af l. 1500 pa no-empleado.

Pa loke ta e prijs pa masa durante parada di den dia na San Nicolas y na Playa, esaki ta Afl. 825 pa empleado y Afl. 925 pa

no-empleado. Y, pa participa solamente na e dos paradanan di anochi, cual ta Parada di Luz na San Nicolas y Lighting Parade na Playa, ta sali Afl. 425 pa empleado y Afl. 475 pa no-empleado. Tin cupo pa paradanan individual tambe, cual ta costa: pa Lighting Parade OF Parada di Luz, Afl. 325 pa persona pa empleado y Af. 425 pa no-empleado; pa Parada di San Nicolas OF Gran Parada na Playa empleadonan ta paga Afl. 700 pa persona y no-empleadonan ta paga Afl. 800.

28

Local

Diasabra 1 di Februari 2014

Sea TREK De Palm Tours nombra como “2013 Sea TREK Operator of the year”

SUB Sea Systems, e fabricante di e programa “Sea TREK helmet diving”, a distingui Sea TREK De Palm-Aruba como e operador di Sea TREK di e aña 2013. Diferente otro operador nan full rond di mundo a wordo nomina pa e premio prestigioso aki. Tur operador ta wordo evalua basa na e calidad di e tour, innovacion, profesionalidad di e staff, comentarios di e guestnan y e compromiso en general na e programa di Sea TREK. Sea TREK De Palm-Aruba ta opera desde aña 2000, haciendo e un di e prome Sea TREK operando na mundo.

Na cuminsamento e area di dive pa e Sea TREK na Aruba tabata uno masha simpel, nada otro cu solamente bunita santo blanco. Durante e añanan diferente desaroyo a tuma luga na e luga di dive di e Sea TREK na Aruba birando asina un di e “underwater park” pa Sea TREK mas gusta rond mundo. E area a wordo drecha door di sink un avion chikito, un bus di De Palm Tours, un café table y un semi submarine. Tur esaki no ta djis pa haci e underwater park aki mas atractivo pa turista, mas importante ta pa crea rifnan artificial cu lo atrae hopi mas pisca. Durante e experiencia di Sea TREK tur guest lo tin chens di wak entre otro pulpo, “eagle rays”, Tortuga di lama, diferente pisca y corals.

Sea TREK ta un manera di dive cu un helm bisti, unda cu tur hende entre 8 pa 80 aña por haci uzo di e actividad aki sin tin mester di sa con pa dive of con pa landra. Si bo por cana y hala rosea, bo por experencia Sea TREK! Durante delaster aña Sea TREK De Palm a enfrenta su mes cu diferente contra tempo, incluyendo dificultad pa mantene habri na Aruba.

E visibilidad di e awa tabata wordo afecta door diferente factor, entre otro construccion local den e area y lodo cu tabata drenta lama. Diferente tours mester a wordo cancela

of posponi pa e motibo aki. Pa por combati e problemanan aki, management a dicidi di crea un area alternativo pa dive na e otro banda di De Palm Island.

Sea TREK De Palm ta trahando duro pa asina por habri e dive site nobo na De Palm Island lo mas pronto posibel. Sea TREK De Palm tabata tin un tremendo luna di juli apesar di tur reto.

674 TREKKERS a experiencia e bunitesa bao di awo na De Palm Island. E staff tabata hopi ocupa y sigur a ricibi un bon ehercicio e luna ey. Riba tera cada helm ta pisa 32 kilograms (70 lbs) pero e peso ta cambia te cu 7 kilograms unabes e helm ta bao awa. 32 Kg hisa dos biaha

pa dia, pa pone y kita riba 674 TREKKERS, ta mesun cos cu carga 42,800 kgs den un luna!

Apart di ta den un tremendo forma fisico e staff di Sea Trek tin un tremendo manera di traha y un bon actitud cu ta haci e experiencia aki uno inolvidabel pa tur turista cu haci uzo di e tour aki. Tur e guianan ta conoci pa nan bon manera di splica y entretene tur bishitante, tambe nan ta bon getrain y certifica over con pa uza tur equipment y pa sigura safety na tur cliente. Un cantidad grandi di cliente ta comenta over e profesionalismo y dedicacion di e staff. Akinan algun di e comentarionan: “the divers who

accompanied us were great, making sure plenty of fish were close by, and pointing out other sea creatures,”. Un otro ta comparti; “the staff was very helpful and really made the experience a good one.” Hopi otro cliente a resalta e manera di interactua y e pasenshi di e guianan. De Palm Tours ta ofrece tours di Sea TREK pa tur dia, y pronto lo habri e area nobo. Pa mas informacion yama 522-4500 of bishita www.depalmtours.com Sea TREK ta wordo ofreci tur caminda di mundo, na Merca, Caribe, Mexico, Asia y Europa.

Pa un lista completa di luganan di Sea TREK bishita www.seatrek.com.

AWEMainta.com

Servicio pa Comunidad

Emergencia Brandweer: Polis: Polis Oranjestad: Polis San Nicolas: Polis Santa Cruz: Polis Shaba: Polis TipLine:

911 100 102 104 105 107 11141

Ambulance San Nicolas: Ambulance Sasaki: Ambulance Wayaca:

584-5050 582-5573 582-1234

Hospital: Centro Medico San Nicolas: SVB (AO-Ziekmelding):

527-4000 524-8833 527-2782

Botica na warda Pabou di Brug:

Kibrahacha N.V.

Pariba di Brug: San Nicolas N.V.

Dokter na warda Pabou di Brug: Dr. -

Pariba di Brug: Dr.-

Servicionan ELMAR Storingdienst: SETAR Storingdienst: Digicel: WEB Storingdienst: Reina Beatrix Int’l Airport: Serlimar: Arugas: Guarda Costa:

523-7127 117 145 525-4600 524-2424 584-5080 585-1198 913

Funeraria AD Patres: Aurora: The Olive Tree:

5842299 5886699 5820000

Fundacion

Cas Editorial

The Media Group

Magrietstraat #3 Oranjestad, Aruba Tel: 583-1400 fax: 583-1444

Cuenta di banco: CMB #22982600

E-mail Redaccion: noticia@awemainta.com Aviso: aviso@awemainta.com

Director:

Victor “Toko”Winklaar Victor R. Winklaar

AWEMainta.com

Local 29

Diasabra 1 di Februari 2014

Sushi di candela a bira grandi

Polisnan durante patruya diahuebs 11.10, na haltura di Kas Ariba, ta mira huma ta Sali for di un tereno. Eynan polisnan a bay papia cu e habitante, kende

ta bisa cu e ta kimando sushi, como cu e tin hopi molester di boa. Polis a mustre cu no ta permiti pa kima sushi, como cu e ta causa molester pa bisiña.. Dor

Doño di tereno lo percura pa haci’e limpi

Resultado di Loteria 2:30

6548-4117-2083

9:00

9427-5893-5444

2:30

5800

9:00

4135

3435 Scorpio 9:00 0939 Tauro

2:30

23-02-22-19-13 05-20-27-12

DIARIO 5237 3239 2078

di Central, Polisnan a pidi presencia di tankwagen, como cu e candela a cuminsa bira grandi y a bay riba un otro cura. Despues cu e truck di brandweer a yega, e mester a pidi refuerso. Dos truck di brandweer a paga e candela.

MEGABALL 13

SUPER FOUR

3099

Polisnan a bay diahuebs na e tereno bashi na haltura di Masy Botique, como cu a drenta hopi keho di bestia cu tin riba e tereno caminda sushi ilegal a wordo benta. Polis a bay investiga y a resulta cu e tereno ta pertenece na e doñonan di Masy Botique.

Polis a papia cu e trahadonan di Masy Boutique, y nan ta bisa cu e doño no ta presente, pero nan sa cu supuestamente un dia despues e tereno lo wordo haci limpi. E caso tin atencion di Polis.

Valido pa 01 - 03 Februari 2014 Placa Extranhero

1.78

1.80

CAN Dollar

1.57

1.59

1.61

Engelse Pond Sterling

2.87

2.92

2.98

Ned.Ant. Gulden per ANG. 100 Japanse yen per JPY. 10.000 Euro per XEU. 100

98.00 172.70 238.55

197.58

198.38

100.00

biljetten 100.20 chq./overboeking 100.00

174.28 240.73

Tauro 21 Apr - 20 Mei

Den asunto di amor bo tin hopi suerte. Si bo ta soltero(a) sali sin miedo na conkista. Busca manera di envolví bo den algun plan di ehersicio y come saludabel.

Geminis 21 Mei - 20 Jun

Risca den e locual cu bo ta teme, ya cu suerte ta na bo banda. Ser mas optimista bo expectativanan, ya cu tur cos lo sali manera bo ta deseá.

Cancer 21 Jun - 20 Jul

Confia den bo talentonan, bon huicio, experencia y sabiduria. Bo ta logra cosnan bon, solamente si bo no purba complicá mas e cosnan. .

Leo 21 Jul - 20 Aug

Disfrutá cada dia, no importá loke pasa. Cu ningun hende ta interponé den bo caminda pa bo felicidad. Bo ta sinti falta di relahá y compartí cu bo amigo(a)nan.

Virgo 21 Aug - 20 Sep

Finalisá tur asunto legal cu bo tin pendiente. E ayudo di un profesional ta necesario awor y fuentenan nobo di informacion den lo relacioná cu inversion.

Libra

21 Sep - 20 Okt Relahá y dibertíbo hunto cu bo sernan kerí. Di kier yuda otronan por trece mas problema. Permití cu cada ken ta resolvé su problemanan.

Scorpio

21 Nov - 20 Dec Un persona mas mayor cu bo, ta trata di dominá bo bida.

Cambionan cu den bo bida no ta di agrado di hopi, pero ta loke bo ta deseá.

Benta na Publico

1.77

196.86

Pensa bon loke bo ta bay bisa, ya cu loke bo bisa, por afectá un hende personalmente. Pensa bon promé cu bo duna un hende un conseho. .

Sagitario

US Dollar

Zwitserse Frank per CHF. 100

Aries 21 Mrt - 20 Apr

21 Okt - 20 Nov Un persona di bo pasado ta bin interferí den un relacion actual. Ser sincero pa expresá bo sentimentonan.

TIPO DI CAMBIO OFICIAL t’e 11or mainta Bank Papieren Wisselen, Cheque Reis Cheque en Over Boekingen

Horoschoop

176.03 243.15

Capricornio

21 Dec - 20 Jan Cuida estremadamente bo bida personal. Baha bo nivel di tension. Procurá un momento tempran di mainta pa bo organisá bo ideanan promé di sali for di cas.

Provision di Devisa 1.3%

Segun articulo 12 di Afkondigingsblad di Aruba 1991 nr.GT 32.

Banco Central di Aruba ta defini e tipo di cambio oficial pa e cambionan di placa extranhero.

BANCO DI CARIBE

Aquarius 21 Jan - 20 Feb

No sigui carga cu problemanan. No sufri pa un hende cu no ta sufri pa bo. Basta ya di lamentá. Haci un inventario di bo bida y coregí fayonan.

Piscis 21 Feb - 20 Mar

Momento di reforsá y stabilisá bo relacionan personal. Bo ta sorprendí di cambionan cu bo a logra. Tin un intercambio di pensamento entre abo y bo pareha.

30

Local

Diasabra 1 di Februari 2014

BibaÊcadaÊmomento “ Señor ta mi wardador, mi n’ tin falta di nada; Den cunucu di yerba berde, E ta ponemi sosega.

E ta hibami na awa tranquil, pa mi bolbe haña forsa.”

Salmo 23:1,2,3 Cu inmenso tristeza na nos curazon, nos ta anuncia fayecimento di:

Elena Geerman Mihor conoci como “Lena” Na nomber di su: Yiu:

Alexander & Diahaira Vrolijk-Odor

Nieto (nan):

Dalexys Vrolijk Alexon Vrolijk Alexis Vrolijk

Mama:

Nos ta agradecido pa tur locual e la nifica pa nos, un Mama, Wela y Ruman ehemplar y luchadora.

Conforme cu boluntad di Dios, nos ta participa cu inmenso dolor na nos curason fayecimento inesperadamente di:

Sra. Vda. Abelina Geerman Curiel

Ruman (nan):

Iha (nan):

Subrino/a (nan):

Jacoba Geerman Bea & John Hellburg Rochi & Candi Geerman Juan & Mary Leen Geerman Ica Geerman & Juan Felix Wina & Mario Jansen Chenta & Efe Geerman Susi & Cirilio Dirksz Gerard Hellburg y famia Karol Croes y famia Eta Thiel y famia Jenny Geerman y famia Ralph Hellburg Gerard Hellburg y famia Shahaira Pardo-Geerman y famia Rodney Geerman y famia Rochelin Geerman y famia Patrick, Jason, Edwaynne, Juanne Brigitte Felix y famia Darryl, Dwight Felix Mario Jansen y famia Marlon Jansen y famia Marwin Jansen y famia Emely y Nathalie Geerman Gerald Dirksz y famia

Persona mas yega: Tina Maduro, Lucila Koolman, Angela Geerman, Greta Gomes, Nilda Croes, Hanna y Betty madrina:

"Dios ta amor... y amor ta Dios, maske mi no ta na e mundo aki, tur dia lo mi ta banda di boso Curazon, mi por stens di loke Señor ta hasi" Salmo 33

Anchie Emerencia

Famia: Geerman, Vrolijk, Rosel, Odor, Curiel, Koolman, Mathilda, da Silva, Peña y Maduro y demas famia ta invita tur amigo, bisiña y conoci pa asisti na e acto di entiero cual ta tuma lugar Diasabra 1 di Februari pa 11'or di mainta saliendo for di Misa Inmaculada Concepcion pa santana catolico na Santa Cruz.

E resto mortal lo ta reposa for di 9'or di mainta den Misa Inmaculada Concepcion na Santa Cruz.

Adres pa condolencia: The Olive Tree Funeral Home - Cumana Diabierna 31 di Januari di 7'or pa 9'or di anochi Enbez di manda flor of krans un donacion pa Dialyse centrum lo ta altamente aprecia. Lo bai tin un box disponibel pa e bunita gesto aki. Nos ta lamenta cu despues di entiero nos no por ricibi bishita di condolencia na cas.

Nos kier a pidi nos disculpa si nos por a lubida un of otro famia den nos tristeza.

Bernhardstraat 134-136 - San Nicolas Tel 584 8888 theolivetreefuneralhome@gmail.com www.theolivetreefuneralhome.com

Sra. Filomena Croes-Croes Na nomber di su: casa: Yiunan stima:

Nieta y nietonan:

Jordan Rumannan:

Andres Croes Sonia Croes y Carlos Belen Anthony y Juniris Croes Louis y Carmen Croes Elka y Frank Croes-Croes Sheidy , Ilan Jairzhinho, Anna Karina Sharelka, Osrick, Miss Jairy Aron, Jason, Jorgegino, Hildo y Sarita Croes Vda. Coleta FelicianoCroes Hipolita Croes Mario y Lidia Croes-José Stella Croes

Sobrinanan, prima y primonan, swa y cuñanan Demas famia: Croes, feliciano, José, Curet, Lauriano, Belen, Kransen, Franken, Geerman, Maduro, Fingal, Comenencia, Wever, Koolman, Janga, Angela, Escalona Ta invita pa asisiti na e acto di entiero cual lo tuma lugar diamars 4 di februari 2014 na misa Inmaculada Concepcion pa 4'or di atardi, despues lo sali pa Santana catolico de Vries na Sta. Cruz. Restonan mortal di nos defunto stima lo ta reposa for di 2'or di merdia den misa.

Acto di entiero lo wordo anuncia despues.

Adres pa condolencia: Aurora Funeral Home, diasabra 1 di februari 2014 di 7'or pa 9'or di anochi.

AWEMainta.com

AWEMainta.com

Local 31

Diasabra 1 di Februari 2014

Gradicimento/ invitacion

Reconocimento internacional pa Hyatt Regency Aruba Resort Spa & Casino

Den nomber di younan, nieto y nietanan, rumannan y demas famia, nos kier a gradici na tur esnan cu a mustra nan ayenshon durante enferedad y fayecimento y entiero di nos defunta querida mama stima

Sra vda Teresia Maria Angela-Dirks zun gradicimento especial na hospitaal 2nd piso, na zuster Margareth pa su bon atenshon, ayudo y consuelo pa nos na nos querida mama stima y na Funeraria Aurora pa nan bon y excelente servicio.

Na tur esnan cu a yama y manda flor, krans y karchi y mailsnan. Na tur famia, amigo, bisiña y conocirnan. Boso muetsra di atenshon tabata un gran consuelo pa nos.

Cu nos bon Dios bendiciona bosonan tur.

Alaves nos kier invita pa 3 santo scarificio na misa Inmaculada Concepcion na Sta. Cruz, dianan; 2 di februari, 4 di februari y 6 di februari pa descanso di alma di nos defunta mama, wela y ruman stima.

Boso presencia ta altamente aprecia.

BibaÊcadaÊmomento Cerca Dios so mi alma ta na paz, ta di dj’E mi salbacion ta bini. ” Salmo 62:1 Cu inmenso tristeza na nos curazon, nos ta participa fayecimento di:

Jose Jaquin Wolff

Mihor conoci como: “Jossy ” *23-7-1942 †30-1-2014 Acto di entiero lo wordo anuncia despues

Bernhardstraat 134-136 - San Nicolas Tel 584 8888 theolivetreefuneralhome@gmail.com www.theolivetreefuneralhome.com

News & World Report recientemente a duna Hyatt Regency Aruba Resort Spa & Casino e reconocimento como “Best Hotels in Aruba” pa 2014. E clasificadonan di “2014 Best Hotels” por wordo mira riba http://travel.usnews.com/ .

E “2014 Best Hotels” ta reconoce hotelnan cu a wordo evalua a base di un metodologia obhetivo cu ta inclui opinionnan colectivo di expertonan den e area di biahe y tambe bishitantenan, cu a manda nan opinionnan via “online reviews” y “ratings”.

Pa crea e clasificacion di e aña aki, U.S. News a tene na cuenta e premionan prominente cu e hotel ta ricibi hunto cu e reputacion di e hotel entre expertonan di biahe y bishitantenan. Un total di 1693 hotel na Estados Unidos, 271 hotel den Caribe, 342 hotel na Mexico y 223 hotel na Canada a wordo evalua pa e clasificacion di 2014.

Hotelnan cu ta wordo yama “Best” na nan destinacion ta propiedadnan cu a clasifica den e top 30 porciento di e propiedadnan evalua pa U.S. News den nan region. Un grupo chikito y mas selectivo di hotelnan cu ta clasifica den e top 10 porciento di tur e hotelnan luhoso y cu a clasifica na Estados Unidos, Caribe, Mexico y Canada a ricibi e reconocimento di “Best Hotels in the USA,” “Best Hotels in the Caribbean,” “Best Hotels in Mexico” or “Best Hotels in Canada”, dependiendo di nan region.

di e compromiso continuo pa engrandece e resort y duna e bishitantenan e miho experiencia posibel, a duna su fruta y cu otro nan ta tuma nota di e producto excepcional.”

“Nos ta contento cu nos a keda clasifica como un di e miho hotelnan den Caribe pa U.S. News & World Report pa e di dos aña consecutivo,”Sr. Fred Hoffman, Gerente General di Hyatt Regency Aruba a informa.

“E reconocimento di the ‘Best Hotel in Aruba’ ta un muestra

E clasificacionnan di “2014 Best Hotels” por wordo mira riba e website: http://travel.usnews. com/Hotels

Miriam Weiner, editor di biahe pa U.S. News ta bisa, “E “ 2014 Best Hotels” a wordo selecciona como cu nan ta cumpli cu e normanan mas halto di e expertonan y bishitantenan. E propiedadnan aki ta renombra den e industria di biahe pa nan amenidadnan luhoso y calidad di “customer service”.”

Pa mas informacion riba Hyatt Regency Aruba, por yama 2975861234 of bishita www.aruba. hyatt.com.

32

Local

Diasabra 1 di Februari 2014

AWEMainta.com

A bati alarma pa arma di candela laga atras AYERA den ora nan di atardi,

habitante nan di Sero Patrishi lo mester a yama meld pa un homber cu a laga un arma di candela atras banda di un cura di cas. Inmediatamente unidad di K9 Unit y polis a yega na e sitio y asina e buskeda a cuminsa rond di e cas. A controla den e

cura di cas pa wak si por haya e dicho arma cu a ser laga atras.

Testigo na e sitio a bisa polis cu e lo mester a wak e persona pero lo mester a bandona e sitio di biaha. Despues di a busca rond di henter cas no a en contra ningun dicho arma di candela.