025oct2013

Diabierna 25 di October 2013 | Margrietstraat 3 | Tel: 583-1400 | Fax: 583-1444 | noticia@awemainta.com

GOBERNADOR NA BOSTON PA APOYA XANDER BOGAERTS

2

Local

Diabierna 25 di October 2013

AWEMainta.com

Director di AZV, Anco Ringeling despues di a reuni cu Formador Eman

“Tabata un reunion interesante y relevante” SIMAN pasa y e siman aki Formador Mike Eman ta reuniendo cu partnernan den comunidad. Diarazon mainta Formador Mike Eman y su team a intercambia di pensamento cu un delegacion di Algemene Ziektekosten Vereniging ‘AZV’, encabesa pa su Director, drs.

Anco Ringeling.

Un reunion cu a tuma su tempo.

Despues di un presentacion amplio na unda masha hopi punto di interes general a wordo treci dilanti, Director di AZV, drs.

Ringeling a califica e encuentro como uno interesante y relevante.

“Nos a repasa diferente desaroyo cu ta tumando lugar den AZV. Nos a wak bek riba e periodo di gobernacion cu ta tras di lomba y nos a tira un bista riba e periodo cu ta bin”. Haciendo e presentacion di e forma aki AZV por a duna Formador un bista mas detaya kico t’e punto y aspectonan di AZV cu merece atencion.

Ringeling a bisa cu tin diferente punto cu merece atencion.

“Un di nan t’e financiamento di AZV pa loke t’e periodo nos

dilanti. Nos mester wak kico ta bay sosode cu e prima y cu e parti cu Gobierno ta cubri.

Te ainda nos a pone hopi enfasis – esaki for di inicio di AZV – riba e dunadornan di cuido pa wak si nan por baha gasto. Pero lo por pensa tambe den direccion di e consumidornan di cuido. Cu si no ta posibel pa nan duna un contribucion den forma di un ‘eigen bijdrage’“.

Ringeling a bisa cu esaki ta un di e puntonan cu nan a trece padilanti, pero semper ta Gobierno ta keda esun cu ta dicidi.

Nan a propone diferente forma na Formador pa controla e gastonan. E cambionan aki nunca por ni mag bay a costo di cali-

Polis ta pidi ayudo di comunidad

Mama buscando yiu perdi for di 13 aña pasa na Colombia Ta bisa cu a mir’e na Aruba dos luna pasa

SRA. Maria Angela Narvaez de Mosquera procedente for di Cali – Colombia a acerca Cuerpo Policial Aruba den cual e ta solicita pa busca paradero di su yiu Jose Parmenio Mosquera Narvaez kende a disparce 13 aña pasa for di e ciudad Turbo na Colombia.

Testigonan ta bisa cu dos luna pasa nan a señala e homber aki na Aruba. Cualkier persona cu lo por tin mas informacion, yama Polis libremente of yama e mama na telefon 316-5759305 of 3815883.

dad, Director di AZV a subraya.

“Nos a papia tambe riba calidad di nos cuido. Regularmente tin cierto keho riba esaki. Ta pesey nos a discuti e formanan con mehora esaki”.

Ringeling ta haya cu Formador Eman a scucha cu hopi atencion. E ta bon na altura y a haci preguntanan al caso.

“E no a duna nos indicacion si con su Gobierno lo atende cu cierto asunto. Loke ta logico pasobra cu e mester discuti esey cu su coleganan y e Minister nobo di Salubridad. Mi mester conclui cu e reunion tabata uno relevante y interesante”,

drs. Anco Ringeling a conclui.

AWEMainta.com

Local

Diabierna 25 di October 2013

3

Net den luna di conscientisacion di cancer di pecho

Machin di Mamograaf no ta traha Tin paciente a ser referi te luna di januari pa haci nan test

MACHIN por kibra, pero mester tin tog un forma cu e por wordo drecha mas liher posibel, pero aparentemente esey no por.

Tabata ayera, cu nos di AWEMainta a haya un denuncia di un señora, kende ta bisa di tin kimamento den su pecho y ta fula un pipita cu ta haci masha dolor. Sintomanan cu ta bisa hopi, pero ora cu su dokter a referi’e pa haci un mamograaf, e paciente mester a bin tende cu e por haya cita te na januari otro aña.

P’e tempo ey, e lo por a muri caba, of despues di haci e test na janauari, pa bin tende cu el a yega laat. Situacion inaceptabel den tempo moderno aki y ta di condena.

Sigur ora cu nos ta papiando di construccion di un hospital masha moderno, di 5 strea, pero tog no por duna e servicio di calidad cu pueblo merece.

Pesey pacientenan ta di opinion cu ta mihor bula pa Punto Fijo, pasobra aki ta mas barata, of bay Colombia, p’esnan cu por afort esaki. Pa bula pa Punto Fijo den e dianan aki, tambe ta

dificil, pasobra no tin cupo den avion tampoco.

E no mester t’asina, cu pacientenan no por haya atencion na cas mes, manera e señora cu nos a describi, kende no por haci mamograaf, pasobra e machin a daña. Y colmo del los colmos, el a ser bisa cu te januari e por haci su mamografia.

Y tur esaki den luna di conscientisacion di cancer di pecho, unda e.o. Fundacion Mary Joan, hasta ta encurasha specialmente hende muher, sin exclui hombernan tambe, pa

haci nan test e.o. mamografie.

Ta di spera cu Minister di Salubridad nobo, tuma accion den esaki, no solamente pa cu Ma-

mografia, pero mas ainda pone un paro n’e tardanza di por haya un cita cu un dokter specialista, manera t’e caso aworaki.

Director di AAA, N.V. , Peter Steinmetz

“Prome fase di proyecto Pre-Clearance ta inicia e aña aki ainda”

E reunionnan cu Formador Mike Eman y su team ta tene cu diferente partner den comunidad ta sigui nan rumbo.

E combersacionnan aki ta tuma lugar den cuadro di e tarea specifico cu Gobernador Refunjol a duna Formador.

Diaranzon ultimo a toca turno na un delegacion di Triple A y AZV pa sinta cu Formador y su team.

Director di AAA N.V., Peter Steinmetz, kende a wordo compaña pa sr. Jurgens Benschop, ta satisfecho con e reunion a

bay.

Director di AAA N.V., sr. Peter Steinmetz a bisa cu nan a papia largo sin sa mes ya cu e tempo a bula dor cu e intercambio di pensamento tabata masha interesante, habri y den forma sensato. “Nos a papia un poco riba presente y hopi riba futuro di Aeropuerto.

Unda nos ta para awe y unda nos ta bay.

Esaki ta conta tanto pa Aruba mes, e Aeropuerto como tambe e economia”.

Steinmetz a conta cu diferente punto di atencion a wordo treci dilanti manera pensioen di empleadonan y di prima di AZV. Esaki en general como dunador di trabou.

A papia tambe riba e sector turistico y con Aeropuerto ta bay desaroya su mes den e añanan benidero. A discuti riba inversionnan planea y pakico.

“Banda di tur esaki nos a papia tambe riba puntonan di preocupacion y nan solucionnan”.

Triple A recientemente a renoba su masterplan cu t’e plan total

con acomoda su crecemento den volumen den e proximo 10, 20 pa 25 aña.

E masterplan aki ta trece diferente proyecto cu ne.

“Nos ta kere cu como Aeropuerto nos por crece te cu 3 miyon pasahero, pero esaki ta depende grandemente riba e desaroyo economico di e sector hotelero y di e cantidad di turista cu por bishita e isla”.

Un punto interesante cu tambe a haya atencion t’e proyecto Pre-Clearance pa Europa

(Schengengebied).

“Nos a trece dilanti loke cu nos ta kere t’e posibilidadnan cu tin. Tin un grupo di trabou conhunto den cual Triple A ta wordo representa cu ta trahando riba e proyecto aki.

Gobierno di Hulanda y Aruba hunto cu Schiphol tambe ta envolvi den e grupo di trabou aki.

Nan actividadnan ta canando cu pasonan acelera”, Steinmetz a comenta.

Intencion ta pa start cu e prome fase di e proyecto Pre-Clearance e aña aki ainda.

4

Local

Diabierna 25 di October 2013

AWEMainta.com

Ya miles di persona a bishit’e

Ultimo simannan di Exposicion Boc’i Brik No perd’e

E exposicion temporario di Museo Arkeologico Nacional Aruba ‘Mi ta Bibo, Boc’i Brik’ lo clausura diadomingo dia 10 di november proximo. Desde su apertura miles di persona a bishit’e pa haya sa e storia di e ‘Brik’ di nomber ‘Hero’ cu a sink dilanti costa Noord di Aruba na 1886 y cu a duna e sitio e nomber ‘Boc’i Brik’.

Museo a desaroya un programa publico y educativo rond di e exposicion. Asina a organisa e.o. diadomingo nan di famia, programa di vacacion, charlanan, bishitanan cu guia, cual nan a atrae un gran cantidad di, specialmente, famia na e expo ya cu esaki a ser diseña special pa mucha.

Inicialmente a planea pa tene e exposicion habri pa 6 luna pero mirando e interes pa atende e programa educativo a laga esaki habri mas tempo.

Exposicionnan temporario ta

un medio door di cual Museo por presenta temanan diverso y cada bes diferente na publico.

E prome exposicion temporario di Museo a ser dedica na e bario di ‘Rancho’ y tawata catalisado di desaroyo y plannan positivo pa e bisindario caminda e compleho di Museo ta situa.

exposicion di Museo te ainda ta gratis.

Diadomingo dia 10 di November, Museo lo clausura e expo cu un diadomingo dedica na e spirito ‘descubrido’ e ‘innovativo’ di tur bishitante.

‘Mi ta Bibo, Boc’i Brik’ a ser construi grandemente cu material recicla y ta enfatisa e rikesa di nos historia cu ta consisti di miles di storia cu te ainda ta mucho desconoci pa mayoria.

Museo ta spera di por a contribui na e promocion y documentacion di tur e storianan aki cu e exposicion temporario.

Museo ta habri tur weekend riba diasabra y diadomingo di 10’or pa 2’or y lo ta invita un y tur cu no a wak e exposicion aki ainda pa bishit’e. Mas cu claro ‘Boc’i Brik’ ta habri den siman tambe di diamars pa diabierna di 10’or pa 5’or. Entrada na tur

Pronostico di tempo pa Aruba Valido te diabierna atardi 5:00 pm 25 di october 2013 COMPILA: diahuebs 24 di october 2013 17:00 (21:00 UTC) Tempo: Parcialmente nubia y un chens hopi chikito pa un awasero pasahero. Temperatura maximo 33 grado Celsius y temperatura minimo 28 grado Celsius.

Solo ta sali 06:32 am y ta baha 06:16 pm. Biento: Modera te fuerte di direccion oost cu averahe di 18 nudo y biento maximo di 28 kts. Situacion general: Aire ta relativamente stabiel ta den nos vecindario.

Un ola tropical debil lo pasa den nos vecindario mañan y cu suerte por causa un awasero pasahero. Stof di sahara por reduci visibilidad un tiki. Biento lo ta modera te fuerte. Condi-

cion di lama: Olanan di lama ta for di direccion oost-noordoost cu haltura di 4 te 7 pia. Tempo tropical: Depresion tropical (restaso di Lorenzo) ta 1640 km oost di Bermuda moviendo Oost cu velocidad di 4 nudo e sistema aki no ta forma ningun peliger pa Aruba. Prospecto di tempo pa e resto di siman:Tempo lo keda generalmente seco. Biento lo ta modera.Temperatura lo fluctua rond di normal.

Registracion di temperatura (Celsius) y awasero (mm) den ultimo 24 ora: Airport max 33 / min 28 / 0.00 Hadicurari max 31 / min 27 / 0.00. E proximo boletin lo wordo publica diabierna 25 di october 2013 17:00 (21:00 UTC).

AWEMainta.com

Local

Diabierna 25 di October 2013

5

Proyecto piloto pa reintegracion di adictonan den comunidad cu resultado exitoso

Minister dr. Richard Visser: “Nos ta creando un workforce cu ta hopi valioso pa Aruba”

ARUBA Living Today hunto cu

FFMA a lansa un proyecto piloto cu a ser sosteni totalmente pa Minister di Salud y Deporte Dr. Richard Visser. E mandatario a laga sa cu esaki ta un muestra di kico ta haciendo pa loke ta e fase final di e rehabilitacion di adictonan scu ta reintegracion. “Esaki ta prome bes cu nos ta haci full e circle aki cu ex-adictonan. Ta algo cu nos tabatin den nos vision pa haci.

Nos a cuminsa cu e base. Nos tin e programa Paga Tino pa stop e cranchi, pa asina na school e hobennan no bay den e caminda aki”, el a expresa.

E hendenan cu ta trahando aworaki den e proyecto aki por siña nos hubentud tambe

di no bay den mal caminda. E ministro a laga sa cu e proyecto aki ta uno hopi complica. Ta un proyecto di restauracion y cu tin diferente faceta cune y ta s un trabao fenomenal caminda a envolve e personanan den rehabilitacion den tareanan practico manera electra, palo, dak, construccion, airco, etc.

Na e momentonan aki tin un promedio di 200 adicto cu ta den tratamento aworaki den e diferente fasenan cu nan ta bayendo pa dos aña largo.

Akinan tin grupo di trabao potencial hopi grandi, el a indica.

E mandatario a pidi ayudo den e parti di educacion pa e personanan aki haya bijscholing pa asina nan por haci un trabao riba un nivel mas halto pa asina

esunnan di sector priva por wak nan cu mas balor ainda. Sector priva no mester tin miedo di esaki pasobra e hendenan aki por hopi bon y nan ta hopi leal.

“Esey ta algo cu ta hopi valioso pa un contratista. Nos ta creando un workforce akinan cu ta hopi valioso pa Aruba”, Minister Visser a enfatisa. Banda di esaki, Randolph Arends di Aruba Living Today ta masha contento. E proyecto aki awe ta dunando su frutonan den loke ta e rehabilitacion di adictonan na Aruba. E proyecto aki a cana hopi bon. E meta di esaki tabata pa duna un chens pa rehabilita na esunnan cu a cay den drogadicion. Ya caba e proyecto ta andando pa 5 luna y lo caba e prome fase 1 di November. Aworaki despues di e tempo aki tin un persona cu a bay traha na Universidad.

El a pasa e test y awor e ta na Universidad. Un otro persona rehabilita a haya un trabao vast cerca un contratista locual ta un logro basta grandi.

Tin personanan cu ora cu e proyecto a cuminsa nan no a kere den dje, pero nan a duna nan aporte y a keda demostra cu e ex-adictonan su deseo

tabata pa cambia nan bida.

Giovanni Illige, director di All Inclusive Construction a duna di conoce cu el a colabora cu e proyecto aki y el a manifesta cu si mas companianan na Aruba por duna e personanan aki un chens esey lo trece un cambio grandi. E ta hopi contento cu e apoyo cu Aruba Living Today a duna pa e ex-adictonan por bay re-integra nan mes den comunidad. El a agrega cu tin ex-adictonan cu a bira Metselaar, otronan a bira carpinte, electricista, entre otro.

Na Aruba Living Today nan a traha pa diferente contratista bao di un solo dak. Illige a agrega cu e expresion di e exadictonan ta mustra cu nan ta contento di a haya un “work therapy” na luga di keda na un centro cera. Den e centro aki nan ta haya e terapia y nan ta sinti nan mes liber y ademas di esey nan ta mustrando cu nan kier, Illige a manifesta.

E proyecto a cuminsa cu 10 hende y despues ta 8 so a keda.

Dos a bay den mercado laboral mientras cu lo sigui den otro proyecto pa asina avansa den nan proceso di rehabilitacion.

6

Local

Diabierna 25 di October 2013

AWEMainta.com

Na Festival di Buki pa Mucha 2013 na BNA

Robert Reeberg ta deleita nos muchanan cu su storianan E Festival di Buki pa Mucha

ta habri diabierna dia 1 di november cu un fiesta dilanti biblioteca y e bishita di autor na scolnan ta tuma luga den e siman di 4 pa 7 di november 2013. Cada aña e festival tin otro tema. Un grupo di autor, ilustrador y contado di cuenta

di buki pa mucha for di Aruba, islanan di Caribe Hulandes, Hulanda y otro pais ta bishita mas o menos 65 di e 68 scolnan riba nos isla. E tema di aña 2013 ta “Deporte y Wega” y e lema ta: ‘Buki buki den wega, pianan na careda’. Esaki ta e di 21 festival cu biblioteca ta organisa

HITESS N.V. Arendstraat 124 Tel : +297 - 588-5966 Fax : +297 - 588-5895

For Sliding Gates

Ata nos su per summ er special .

DEIMOS Kit 1 BFT DEIMOS motor 2 Remote Control 1 pair di Photocells 1 Blinker cu Antenna 4 Plastic rack di 1m

0 12

0V

V

22

Valido te cu 10 Augustus-2013 (Tanten cu tin den stock.)

AFl.

1,350.00

inclujendo BBO

Installacion no ta inclui.

Nos horario: Dialuna- Diabierna 8:00 am - 5:30 pm Diasabra di 8:00 am - 12:00 pm Email : info-aruba@hitess.com

Jama nos na 588-5966

pa stimula mucha pa lesa y pa stimula combersacion y interes pa autor di buki pa mucha como tambe ilustrador.

Robert Reeberg a nace na Aruba y pa hopi aña caba e ta maestro di scol. Actualmente e ta traha den enseñansa special na su dushi Scol Caiquetio. E tin varios hobby, manera traha cantica pa mucha, manera e cantica di e Festival di Buki pa Mucha di aña pasa ‘E mundo ta drey’, boso ta corda? E ta toca guitara, e ta traha poesia y e ta skirbi storia.

Hopi aña caba e ta skirbi storia. For di tempo cu e tabata mucha e tabatin un creatividad enorme. Su prome creacion tabata un poesia na edad di diesdos aña.

El a skirbi hopi storia cortico pa su scol, unda nan ta duna les na Papiamento so. Su prome obra riba mercado tabata un traduccion liber di e cuenta di pueblo Aleman, titula ‘Shete den un solo tiro’ algun aña atras. Mas tanto pa mucha e ta skirbi, aunke e tambe tin obranan pa adulto, manera e coleccionnan di poesia ‘Blo sunu y Man teni’.

Otro obranan cu Robert tin riba mercado ta’Tur pa mi, Cant’i lama’, ‘E anochi cu Sinterklaas a topa cu Santa Claus’, ‘Capa Blou y E hobby di Rino’, ‘E mago di Sero Teishi y Cindy Rella’.

Robert kier stimula tur mucha pa lesa, pasobra banda di e hecho cu ta masha dushi pa bo drenta den e fantasia di e storia, bo ta siña di dje y lo bo

bay dilanti den bida.

Den siman di 1 pa 8 di November e grupo di escritor y contado di cuenta lo bishita 65 scol cu presentacionnan atractivo y diverso. Pa muchanan cu no ta haya un bishita di autor na scol

tin un programa di actividad na biblioteca merdia, tanto na Playa como na biblioteca San Nicolas. Tur mucha ta invita pa e fiesta di apertura diabierna dia prome di november dilanti biblioteca pa 5 or di atardi. Tur actividad ta gratis.

AWEMainta.com

Casonan cu Corte Penal di Prome Instancia lo trata awe Horario

Sospechoso

Acto Castigabel

08.15

F.A.R.H.

Pro forma. H. ta wordo acusa di, conhuntamente cu un otro of otronan, intencionalmente y cu premeditacion, a tuma bida di un persona riba 30 di juni 2013, dor cu e y/of su complice a intencionalmente y despues di reflexion calmo y deliberacion trankilo, a tira e persona aki cu un arma di candela den su cabez.

08.15

C.O.C.C.

08.30

E.E.M.

09.30

R.R.W.

10.00

A.R.T.

10.45

E.I.C.C.

Local

Diabierna 25 di October 2013

E ta wordo acusa di, conhuntamente cu un otro of otronan, posesion di un arma di candela y/of balanan riba 30 di juni 2013.

Pro forma. C.C. ta wordo acusa di a haci uso di un pasaporte falso riba 11 di juli 2013 pa lanta placa na un banco, di a falsifica un withdrawal form di e banco aki riba 11 di juli 2013, di a pone un empleado di e banco entregue 15.000 dollar riba e fecha ya menciona dor di haci uso di e pasaporte falso y di mañanan y/of mentiranan y di a pone un empleado di e mes banco na un otro filial entregue 15.000 dollar riba 11 di juli 2013 dor di haci uso di un identidad falso y/of di mañanan y/of mentiranan.

M. ta wordo acusa di, conhuntamente cu otro of otronan, a haci uso di credit cards falso den e periodo di 19 di mei 2013 pa prome di juni 2013, pa paga den varios tienda pa cumpra di articulonan na valor di sumanan grandi. E ta wordo acusa di, conhuntamente cu otro of otronan, a hiba personal di e tiendanan, haciendo uso di un identidad falso y/of mañanan y/of mentiranan, pa bende e articulonan den e periodo di 19 di mei te cu prome di juni 2013.

W. ta wordo acusa di ladronicia cu violencia, conhuntamente cu un otro of otronan, riba 4 di juni 2013.

T. ta wordo acusa di intento di asesinato riba 6 di juli 2013.

C.C. ta wordo acusa di kiebro y ladronicia di un of mas caha di energy drink y/of un of mas caha di stropi na un compania riba 14 di augustus 2013.

1 miyon florin tin awe den wega cu Mega Plus

AWE, Mega Plus su jackpot ta uno miyonario na momento cu bo cumpra bo ticket di e sorteo di Mini Mega di 5 florin, bo ta djis agrega 2 florin y bo ta aumenta e suma cu bo por gana cu 200 mil florin extra cu e Mega Plus.

Mini Mega su jackpot awe ta na 800 mil florin.

Pues cu 5 florin bo tin bo ticket pa jackpot di Mini Mega pa awe cu ta 800 mil florin y si bo pone solamente 2 florin mas, bo ta aumenta bo chens pa gana 200 mil florin extra, un total grandisimo di 1 miyon florin como e gran jackpot di Mega Plus. Percura pa bo tin bo ticket pa awe sin falta p’e sorteo grandi di Mini Mega, unda cu door di djis

inverti 2 florin mas, bo por gana e jackpot grandi di 1 miyon florin. E ticketnan ya ta obtenibel na tur e rebendedonan di Lotto, pues no perde bo chens y percura pa bo liña ta na awa pa e sorteo miyonario di awe!

Lotto, e loteria di Aruba tin 8 diferente wega; Catochi, Big 4, Zodiac, Wega di Number Korsou, Lotto di Dia, Lotto 5, Mini Mega, y Raspa y Gana.

Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.

Compact, practical and versatile

Open Positions Casino Cage Manager Casino Operations Manager Casino Surveillance Supervisor Casino Guest Relations Attendant Casino Slot Attendant Casino Pit Clerk Casino Dealer (Experienced/Craps) Cook Butcher

Mini Mega ta na 800 mil florin

Loss Prevention Officer Recreation Attendant F&B Server (Waiter) F&B Runner Banquet Server Banquet Houseperson Spa Therapist (Part-Time) Spa Concierge

Address: Schotlandstraat 54 Telephone: 5834960 www.ritzcarlton.com/careers Open from Monday thru Friday from 9AM to 5PM

ARUBA 582 8449 aruba@cfh-group.com

7

8

Local

Diabierna 25 di October 2013

AWEMainta.com

Okeanos Spa su Island Extravaganza booth ta bek den Renaissance Mall pa e temporada aki

ISLAND Extravaganza den

transcurso di añanan a bira e campaña mas anticipa pa e temporada di fin di aña. Esey

It’s a powerful feeling, to belong. It’s that moment you feel truly and completely yourself. It’s working with a team you call family. At Marriott we know that when you feel at home, you’ll make our guests feel at home. And it’s why so many of our associates come for a job, but stay for a career. If this sounds like the place for you, join us.

We’re looking for: Management positions: Director of Revenue Strategy Director of Human Resources Operations Hotel Manager Events/Banquets Manager Casino Controller Casino Assistant Slot Manager Credit Manager Assistant Rooms Operations Manager Supervisory positions working 5 days a week: At Your Service Supervisor Front Desk Supervisor Vacation Planning Supervisor Gift Shop Supervisor Loss Prevention Supervisor Supervisory positions working 6 days a week: Recreation Supervisor

Hourly positions working 5 days a week: Systems Technician Vacation Planner Front Desk Agent Front Desk Agent – Night Shift Front Desk Rooms Controller Loss Prevention Officer (Security) Casino Surveillance Agent Casino Cage Cashier Casino Income Auditor Accounting Clerk Sales & Marketing Coordinator Administrative Assistant Hourly positions working 6 days a week: F&B Hostess F&B Attendant F&B Server F&B Runner Bartender

Temporary positions: Gift Shop Attendant – 6 months Some Benefits: Competitive Wages, Supplemental AZV Insurance, Pension Plan, International Room Rate Discounts, Recognition Programs, Training & Development, Discounts in over 70 stores, And Sooo Much More…

Apply online at: www.arubamarriottcareers.com Applicants need to register at DPL. Like our Facebook Page www.facebook.com/arubamarriottcareers

mes ta haci cu Okeanos Spa su booth t’ey un biaha mas! Tur diasabra cuminsando for di 26 di October te cu 30 di November for di 10’or di mainta te 4’or di atardi Okeanos Spa lo tin su Island Extravaganza booth situa memey den Renaissance Mall.

Durante e periodo di promocion di tur diasabra clientenan por disfruta di; un “foot massage” di 10 minuut pa Awg. 10.00 tambe tin oferta special riba OPI Nail Polish Express pa Awg. 10.00. Okeanos Spa, situa na Renaissance Marina tin ‘gift certificates’ pa tur cu ta desea di haci un regalo na un ser queri e temporada di fin di aña venidero. Laga e persona mes scoge e tratamento di su smaak. Tur servicio di spa y salon lo ta na florin. Ademas di esaki Okeanos Spa ta brinda su ‘loyalty program’ na unda tur cliente fiel ta ricibi un reward card riba cual ta pone un stempel cada biaha cu e cliente haci un compra na balor di Awg. 50.00 of mas. Na momento cu e carchi aki yega e cantidad di stempel maximo e cliente lo ricibi un descuento di Awg. 50.00 riba su siguiente tratamento of compra di producto.

E campaña “Island Extravaganza” lo percura pa hopi ambiente, shopping, actividad pa famia na tanto Renaissance Mall, Marketplace como e casinonan. Pueblo di Aruba ta keda invita pa participa activamente na “Island Extravaganza” y probecha di tur e promocionnan y ofertanan atractivo cu ta keda ofrece. Un recordatorio ta bay na tur cliente cu mester cambia tur factura na e Island Extravaganza booth Renaissance Mall of Marketplace pa asina tambe participa na e rifa cu chèns di gana premionan fabuloso. Diasabra awor bo ta cordialmente invita pa bishita e Okeanos Spa Island Extravaganza booth!

AWEMainta.com

Local

Diabierna 25 di October 2013

9

Parlamentario mr. Xiomara Ruiz-Maduro:

Pa nos por drecha e situacion financiero di nos Pais mester tin transparencia y conocemento di kico ta ‘come y bebe’ den finanzas publico E situacion financiero di nos Pais no ta bon y manera e gobierno nobo wordo huramenta nan tarea primordial lo ta pa drecha nos finanzas publico y

trece un balanse entre e gastonan y e entradanan di nos Pais y tambe reduci e debe enorme cu tin riba e lomba di e Pueblo.

E tarea no lo ta facil, pero pa

nos por drecha e situacion financiero di nos Pais mester tin transparencia y conocemento di kico ta ‘come y bebe’ den finanzas publico.

E ta un hecho cu durante e 4 aña di gobernacion di Gabinete Eman e finanzas publico di nos Pais a deteriora considerablemente na man di deficitnan y

debe nunca antes bisto. Algo cu ya for di 2011 e Presidente di Banco Central a adverti nos riba dje den e relato anual di Banco Central. Pero mas instucionan na Aruba y tambe di exterior a adverti nos cu e rumbo cu Gabinete Eman a hiba nos finanzas publico aden na fin di dia lo perhudica nos Pais.

Locual a resalta durante e gobernacion aki ta e falta di informacion cu a ser duna na e instancianan relevante na nos Pais cu na su turno a resulta den un impotencia pa por a controla debidamente kico Gabinete Eman tabata haciendo cu placa di Pueblo. Ta bin acerca cu hopi di e actornan principal di Gabinete Eman no tabata tin e conocemento tampoco di locual ta ‘come y bebe’ den finanzas publico y esaki a pone cu e situacion di nos finanzas publico a empeora mas lihe ainda.

Awe nos tin un chens atrobe como Pais pa haci un diferencia y pesey ta di aplaudi e esfuerso cu Raad van Advies den cooperacion cu Academie voor Wetgeving di Hulanda a haci pa organisa un Masterclass Openbare Financiën pa asina e instancianan y parlamentarionan concerni por amplia nan conocemento riba finanzas publico. Pero tanten cu Gabinete Eman no brinda e transparencia necesario y tanten cu e actornan principal no haya sa kico ta ‘come y bebe’ den finanzas publico, e conocemento adkiri no lo por yuda drecha e situacion precario di nos finanzas publico.

Pesey den e tempo nos dilanti nos lo vigila Gabinete Eman di cerca pa mira kico lo wordo haci pa brinda transparencia, kico nan lo haci pa acumula e conocemento adecua y vooral di ki manera nan ta bay drecha e situacion financiero di nos Pais.

Un cos ta sigur, pa por drecha e situacion financiero di nos Pais mester tin transparencia y conocemento di kico ta ‘come y bebe’ den finanzas publico.

10

Local

Diabierna 25 di October 2013

AWEMainta.com

Conoce integrante nobo di staff di Comite Olimpico Arubano, psicologo Julisa Jones

COMITE Olimpico Arubano cu hopi

orguyo ta anuncia cu, entrante luna di october, nan ta conta cu un psicologo deportivo mas den servicio, den persona di un dama Arubiano recien gradua na Hulanda, srta. Julisa Jones.

Como ex-seleccionado den e deporte di volleyball, srta. Jones a representa Aruba varios biaha den exterior y tin un bon conocimento di e cultura deportivo Arubano.

E solicitud pa un guia psicologico n’e atleta ta algo cu hopi federacion deportivo ta pidi. Cu aña e necesidad pa guia psicologico a bira mas grandi, pero COA no por a cumpli cu tur e demanda, mirando cu nan tabatin solamente un persona den servicio cu ta lic. Edmundo Josiah.

Awor cu ingreso di srta. Jones, COA tin e oportunidad di brinda mas servicio den e parti psicologico na nos deportistanan.

Pa sa un poco mas kende realmente ta Julisa Jones, a dicidi di tene un entrevista cu ne, p’asina conoce un poco mas di serca, como tambe riba su estudio den psicologia deportivo.

Julisa Jones a splica cu e ta bin di un famia deportivo. Di chikito e tin un amor pa deporte. Cu su 11 aña el a cuminsa practica e deporte di volleyball.

E tabatin e honor pa na varios ocasion representa Aruba den seleccion hubenil, como tambe e seleccion senioren den Caribe y na Europa.

Despues di termina VWO aki na Colegio Arubano Julisa Jones a opta pa sigui su

estudio na Hulanda. E tin un master den Social and Organizational Psychology, anto un master den Clinical psychology.

Banda di su estudio el a sigui practica volleyball y el a logra hunga den 1e divisie na Hulanda. Su amor pa deporte a haci cu el a opta pa specialisa su mes den psicologia deportivo.

Julisa Jones a splica cu deporte ta su passion. E tin e suerte cu e por a haci’e di su pasion su carera.

Comite Olimpico a puntra: Pakico e ta importante pa un deportista wordo guia den e materia aki y kico ta su bentahanan, compara cu si e no haya guia psicologico?

Di acuerdo cu Julisa Jones, “ora ta practica deporte na nivel halto, e diferencia entre gana y perde ta chikito.

Entrenamento fisico, tecnico y tactico (solamente) no ta suficiente.

Banda di un curpa fuerte, e mente tambe mester ta fuerte. Un simpel ehempel: Pensa cuanto tension ta sinti ora ta wak world series, NBA finals of final di tennis.

Tin biaha hende te hasta ta cambia canal, paso nan no por soporta e nervio y e tension cu nan ta sinti.

E atleta tambe ta sinti mescos, pero cu un bon guia mental e tin e hermentnan necesario pa por sigui duna 100% y no laga tension/nervio influencia su prestacion.

Un atleta cu tin un bon preparacion mental tin un bentaha riba su contrincante, e por maneha cualkier situa-

cion cu presenta su mes. Esaki por haci e diferencia entre gana y perde”.

Julisa jones a comenta di ta contento di ta forma parti di e team di COA. Siendo miembro di e staff di COA ta pone como psicologo deportivo den e mihor posicion pa duna e guia mental necesario na nos atletanan.

E ta sumamente content tambe cu e tin e oportunidad pa yuda prepara nos atletanan Arubano pa competencia den exterior. Asina aporta n’e realisacion di nan soño pa practica deporte na nivel halto, como tambe yuda pone Aruba riba e mapa internacional pa loke ta deporte.

Riba e pregunta, unda Julisa Jones kier yega cu e materia di psicologia, el a duna di conoce cu e kier pa nos atletanan ta no solamente fisicamente bon prepara, pero tambe cu nan mente ta fuerte. Cu nan tin e hermentnan necesario p’asina semper por duna 100%. Tambe e kier aporta na desaroyo di un cultura di excelencia y maestria den deporte.

Di parti di famia di COA nan kier a yama Julisa un caluroso bon bini y alabez desea su persona tur clase di exito den e funcion nobo. Nos tin sigur cu su aporte lo ta valioso p’e progreso di nos atletanan local.

AWEMainta.com

Local 11

Diabierna 25 di October 2013

Santa Rosa lo tene e prome Competencia di Cabrito y Carne na Aruba

Mercado di Santa Rosa lo ta presente na competencia di Interpaso 2013 DIA 17 di november proximo,

Floralina.

Santa Rosa lo ta formando parti di e grandioso competencia Internacional di Interpaso 2013 cual lo tuma luga na Villa

E competencia Internacional di Interpaso 2013 lo conta cu presencia di competidonan di

diferente paisnan manera Colombia, Venezuela, Merca, Corsou, Santo Domingo y Aruba.

Tambe lo tin show di cabay y un tent special unda cu mayornan

por ricibi informacion riba les pa muchanan di tur edad.

Ariba dia 17 di November, For di 10or di mainta te cu 3or di atardi, Santa Rosa lo ta presente cu tentnan bendiendo diferente productonan fresco como tambe un variedad grandi di cumindanan local manera cu e Mercadonan di Santa Rosa ta popular pe.

Pa e muchanan lo tin Kids Corner como tambe “Mini Kinderboerderij” cu diferente bestia asina dunando e mayornan e oportunidad di por haci compras y disfruta di e dia cu lo ta jena cu hopi sorpresa y actividadnan nunca bisto na Aruba.

Un actividad cu sigur lo bira algo grandi e dia aki ta e di “1er Competencia di Cabrito y Carne di Santa Rosa” cual lo ser organisa pa prome biaha na Aruba. E competencia lo conta cu 4 diferente categoria ; 1 Cabrito di rasa 2 Carne di rasa 3 Cabrito crioyo 4 Carne crioyo.

Pa tur esnan interesa, e inscripcion ta 15 florin pa bestia y lo

tin premio efectivo y hopi otro premionan sorpresa. E pago di inscripcion mester wordo cancela dia 17 di November mes cerca e representantenan di OCA kendenan lo ta encarga cu e parti di premionan pa e competencia aki. onta cu un cantidad grandi di Criadornan cu tin bunita bestia y Santa Rosa ta spera cu mediante e tipo di competencianan aki, e Departamento por expone e calidad di cria cu Aruba ta conta cu ne. E deseo di Minister Oduber ta cu esaki lo por crece y eventualmente bira un competencia internacional cu sigur lo por genera un otro tipo di turismo pa Aruba.

E competencia aki tambe ta duna e Criador e oportunidad di registra na cria y bende esaki durante e competencia.

Santa Rosa ta invita tur Criador local cu kier participa den e competencia aki pa registra prome cu dia 11 di november na n.wever@aruba.com of via telefon na 737 8008.

12

Local

Diabierna 25 di October 2013

AWEMainta.com

Recordatorio pa entrega di proyecto den cuadro di UNESCO su programa di participacion 2014-2015 PA medio di esaki UNESCO Aruba kier a recorda tur esunnan cu tin intencion di entrega un proyecto cu peticion pa subsidio den cuadro di UNESCO su Programa di Participacion 2014-2015, cu por haci esaki te cu 12 di november venidero.

Algun punto importante pa tene cuenta cune ta cu e proyecto mester ta den idioma Ingles, mester ta acompaĂąa pa un presupuesto detaya y si ta aplicabel tambe cu e anexonan y/of e ofertanan concerni. Pa un bista di tur e puntonan importante pa contenido di un

proyecto, por pasa busca esakinan na nos oficina situa den L.G. Smith Blvd. 22.

Si ta desea asistencia den formulacion di un proyecto,por yama tambe pa un cita na tel 5835863.

Awe bisti bo mea tur na color of esunnan mas loco

UN diabierna di locura pero liber di droga. Y nos ta prepara pa drenta nos weekend bisando Sox It na Droga. Lanta mainta bisti bo mea tur na color of esun mas loco den bo coleccion y demostra un biaha mas cu bo tambe ta forma parti di nos siman di cinta cora, e siman di bisti na locura. Y naturalmente no lubida di saca bo potret, share e riba nos Facebook Fada Aruba y participa pa fabuloso premionan.

ROBAN CONSTRUCTION MATERIALS ‘N MORE Madiki 120 Schuins T/O CB Playa Pabao Tel: 5882436

Special schrootjes 10% Discount

AWEMainta.com

Local 13

Diabierna 25 di October 2013

Introduciendo Heineken U-Code UN gran multitud di hende ta atende Green Village tur aña pa pasa un rato ameno y disfruta di bon musica. Y e aña aki Heineken ta bay crea un manera nobo pa esnan cu lo t’ey por crea conexionnan cu hendenan nobo y conoci… introduciendo H e i n e ke n U Codes.

Bishitantenan di Green Village e aña aki lo

por crea nan propio mensahe riba un QR code. Na nos Heineken U-Code tent bo lo por print bo mensahe riba un sticker y peg’e na bo T-shirt. Pa descifra e mensahe tur otro hende por uza nan telefon pa scan e codigo. E H e i n e ken team t a spere cu e

Heineken U-Code lo sirbi pa crea conversacionan cu hende nobo y crea un experiencia cu un y tur lo por disfruta di dje.

Nos ta curioso pa wak ki mensahenan boso nan ta bai inventa.

Voor meer rust en rendement in uw onderneming Telefoon +297 583 8919 of +297 738 0002 caribbean.afas.com

Fraccion di AVP pa e proximo temporada ta conoci DIAHUEBS atardi Conseho Electoral a haya oficialmente e lista di e 13 Parlamentarionan nobo di cual nos lo conoce 4 cara nobo y 9 cu tabata t’ey anteriormente caba. Sr. Hubert Maduro di Conseho Electoral ta esun cu a haya e cartanan di e total di 13 Parlamentarionan cu lo drenta Parlamento di 2013 pa 2017 pa forma asina e Fraccion di AVP. E nombernan ta lo siguiente E cuatro Parlamentarionan nobo ta: 1. Marisol Lopez Tromp 2. Mervin Wyatt Ras 3. Jennifer Arends Reyes 4. Jeffry Kelly

E nuebe Parlamentarionan existente ta: 1. Clarisca Velasquez 2. Marlon Sneek 3. Desiree Croes 4. Lorna Varlack 5. Donny Rasmijn 6. Rene Herde 7. Melvin Tromp 8. Chris Dammers 9. Norman Roos

14

Local

Diabierna 25 di October 2013

AWEMainta.com

ELMAR presente durante Expo Cas 2013 Haya sa mas di e sistemanan alternativo pa un uzo eficiente di coriente.

UN biaha mas ELMAR lo participa durante Expo Cas 2013.

Expo Cas ta bay tuma luga e a単a aki riba e dianan 25, 26 y 27 di October na Renaissance Convention Center. Cana drenta y bishita e booth di ELMAR y haya tur e informacion cu bo ta desea.

Diasabra di 26 di october, ELMAR ta celebrando di 50 aniversario di Sindicato U.E.A. Pa e motibo aki ELMAR su booth na Expo Cas lo sera mas trempan cu orario normal. Nos booth lo ta habri te cu 6:00 pm en bes di 8:00 pm. Nos ta spera tur bishitante tene esaki den

consideracion.

ELMAR ta participa activamente y ta informa tur esunnan interesa entre otro riba sistema di Panelnan Solar cual ta birando un trend aki na nos isla.

Energia alternativo ta birando dia pa dia un opcion pa por spaar coriente door di uza solo.

Un otro sistema riba cual ELMAR lo ta ofreciendo tur detaye ta e sistema prepago. Mas cu 500 meter prepago a wordo instala rond di Aruba y e demanda ta sigui crece. Si bo ta un persona interesa den e sistema aki, acerca un di nos represent-

antenan cu lo ta dispuesto pa duna bo informacion completo y detaya riba e sistema prepago cual ta uno cu ta hayando un acogida den nos comunidad.

E sistema prepago ta uno cu

ta duna e cliente informacion detaya riba su uzo, ademas di elimina recibo. Banda di esaki ta haci e cliente mas consciente riba uzo eficiente di coriente.

Bishita e booth di ELMAR durante Expo Cas e weekend aki y keda informa di e servicionan innovativo y di e ultimo tecnologia cu ELMAR tin pa ofrece na nos comunidad.

AWEMainta.com

Local 15

Diabierna 25 di October 2013

Ta rifa pasashi pa Aruba durante tur wega di Boston Red Sox

Xander Bogaerts percurando pa extra promocion pa Aruba “ATA cla pa traha mas di cerca cu Boston Red Sox”, Ronella Tjin Asjoe-Croes “NOS ta masha contento di por ta aki pa un momento asina importante, specialmente pasobra semper Boston tabata un mercado masha importante pa Aruba. Cu e trabou cu Xander Bogaerts ta desplegando, ta mihor ainda”, asina Ronella Tjin Asjoe-Croes, CEO di Aruba Tourism Authority a duna di conoce for di Boston.

“Kizas ta bon pa nos comunidad realisa cu Merca t’e mercado mas grandi pa turismo di Aruba y na Merca, e ciudad di Boston

t’e di dos mercado cu ta percura pa mas turista pa nos isla despues di New York”, asina Ronella Tjin Asjoe-Croes a aclaria.

Probechando e bishita na Boston pa saluda nos basebalista Xander Bogaerts, a dicidi di reuni cu e dirigentenan di e ekipo Boston Red Sox y cu Boston Red Sox Foundation.

Ta bon pa añadi cu ATA tin un relacion andando cu e fundacion di Boston Red Sox desde siman pasa caba, unda cu for di diasabra ultimo, diarazon y tur

e weganan cu ta sigui di Boston Red Sox, lo tin promocion pa Aruba den stadion. E fundacion ta recauda fondo y pa esaki ta rifando un biahe pa Aruba. A cambio nos mag di haci propaganda y promove nos isla a base di diferente accionnan.

Pues, den henter e stadion na Boston ta bendiendo e ticketnan aki di rifa y cada bes cu promove, ta menciona cu ta un rifa p’e bunita isla di Aruba.

Ora saca e ganador tambe ta bolbe haci promocion pa nos isla como destinacion turistico.

Esnan cu ta bende e rifa ta bisti cu T-shirt y cu pechi di Aruba,

sin lubida cu nos a laga instala bannernan den tur e boothnan unda ta recaudando fondo via e rifa. Riba rednan social tambe ta percurando pa promocion di nos isla como premio.

“Nos ta aki awor p’asina papia cu Boston Red Sox pa mas cooperacion, na un otro nivel.

Nos ta explorando kico nos por haci hunto otro aña y tambe eventualmente si nan gana kico Aruba por haci y nifica p’e ekipo y pa Xander Bogaerts mes. A discuti tur esaki awe aki y pa mira con lo capitalisa riba e relacion nobo den e simannan nos dilanti”, segun Ronella Tjin

Asjoe-Croes a enfatisa.

Aruba Tourism Authority tin como meta pa ta un organisacion di mercadeo innovativo y efectivo cu ta posiciona e marca Aruba como e destinacion turistico di prome nivel, enfocando riba calidad di e experiencia y di turismo pa Aruba. Sea cu Bo ta traha den e industria turistico of den cualkier otro ramo, nos tur por tin un impacto positivo riba turismo di Aruba y bienestar di nos economia y di nos isla. Pa mas informacion subi e website: www.aruba. com of “like” nos riba facebook/ oficinaditurismo”.

16

Local

Diabierna 25 di October 2013

AWEMainta.com

Entrenador Jeffery Nedd a logra certificado di nivel halto den boxeo

RECIENTEMENTE Jeffery Nedd a atende un curso di AIBA pa trata di logra su badge di 3 estreya na Santiago, Chile.

E Comision di AIBA Coaches no solamente ta evalua e actual nivel di e coachnan, pero tambe e ta desaroya e curso di entrenamento y tesis final den cada

nivel. Esaki a conduci cu tur e coachnan por sigui e proceso pa obtene e nivel corecto di certificado.

Tin tres grado di categoria y esakinan ta, 1 Star Level Coach, 2 Star Level Coach, y 3 Star Level Coach. Pa bin na remarke, un

coach di 3 estreya mester tin tres di e cuater condicionan stipula cu ta Actual Head-Coach Nacional, Ex-coach nacional menos cu 10 aña, Un coach cu tin e diploma di mas halto pa loke t’e deporte di boxeo, Un coach cu tin 20 aña di experiencia sin stop den

e deporte.

E curso y e examen final tabata tin un duracion di 4 dia y a wordo organisa conhuntamente cu e Campeonato Continental, cu un total di 14 pais participante.

Dia 9 di october ultimo, Arubox a ricibi e grato noticia cu coach Jeffery Nedd a pasa su examen cu exito. Arubox ta masha orguyoso di tin un entrenador di 3 estreya awor den su seno, e nivel di mas halto cu tin den boxeo.

Comision di Subsidio cu financiamento di Fundacion Lotto pa Deporte ta contento di por aporta pa nos coachnan haya un grado di certificado mas halto unda cu esaki lo benificia nos atletanan y nan deporte enorme. Un coach cu un grado di nivel por percura pa su atleta yega na un otro nivel.

Comision di Subsidio y Fundacion Lotto pa Deporte kier a felicita coach Jeffery Nedd y Arubox cu e diploma ricibi den boxeo.

AWEMainta.com

Diabierna 25 di October 2013

17

Carlos Beltran a sali lesiona

CARLOS Beltran a sali golpea

Pa sigui brinda miho servicio

Si bo meter di coriente no ta accesibel pa N.V. ELMAR, nos ta urgi pa bo mes manda nos bo “meterstand” tur luna y evita cu nos ta calcula bo uzo.

CON PA LESA E METER DI CORIENTE?

1

Nota • E ultimo 5 cifra di un meter digital of e 4 of 5 cifra dilanti e komma di un meter analog.

• Number di meter • Fecha di registro • Adres di cas of establecimento

2

Entrega • E ultimo meterstand entre dia 15 y 28 di luna • Cada luna riba e mesun fecha

1 2 3 4 5 kWh

15963

via e-mail customerservice@elmar.aw

- kWh 1 2 3 4 5 - Meter: 15963 - 15/07/2013 -Arubastraat 5, Dakota.

of yama nos Customer Service na 523-7100

Cada bario tin un fecha diferente pa duna “meterstand”.

Yama nos Customer Service pa e fecha di entrega di bo bario.

www.elmar.aw

y e resto di St. Louis Cardinals tambe ta sinti esaki. E outfielder dominicano a sali di e wega pa un golpi na su ribchi banda drechi, na impacta contra e muraya y gara un bataso di David Ortiz cu tabata mustrando homerun den di dos inning. Pa suerte di Cardinals e resultado di e X-Ray a sali negativo. Red Sox a gana e prome wega di World Series diaranson cu score di 8-1. Beltran a hunga su prome wega di World Series, despues di 2.604 wega den MLB, unda tabata tey 15 temporada. “Lo ta hopi tristo cu e perde un wega.

Nos sa cuanto e ta desea di ta aki”, e pitcher dominicano di Cardinals, Carlos Martinez a bisa. “Pero tabata un dia hopi malo pa nos tur”. Compañero di Beltran a coincidi cu su presencia ta parti di e motivacion di e clubhouse. Y den e terreno di wega un di e fortalesa di St. Louis, den tur aspecto. “Ya por a wak loke el a realisa, e ta algo cu e ta hasi semper. Ta hunga mas di 100% cada biaha e ta den outfield”, Yadier Molina a bisa. “Su presencia ta importante, cu bat y cu e guante”.

18

Deporte

Diabierna 25 di October 2013

AWEMainta.com

Clubnan di Francia a drenta den welga

E clubnan frances di prome y segundo division via unanimidad a cuminsa un wega pa e ultimo fin di siman di november, na protesta pa un belasting excepcional cu Gobierno lo pone riba e salario mas haltonan.

E presidente di e Union di Clubnan Profesional di Futbol (UCPF), Jean-Pierre Louvel, cu a pone tur club di prome y segundo division hunto, a anuncia cu den e fin di siman ey lo no tin futbol den e stadion nan di liga frances. Si e paro mantene, lo ta prome biaha

cu ta biba den futbol frances desde 1972. E convocatorio di e welga a produci un siman cu e mundo di futbol ta ricibi pa e presidente, Francois Hollande, artifice di e belasting nobo. “E medida aki ta supone morto di futbol frances, ta condena nos na un futbol di tercer categoria den Europa”, Louvel a bisa.

Manera a priminti durante campaña electoral, Hollande a pone un belasting di 75% riba salario di mas di un miyon euro, cu un 5% di facturacion di empresa.

E belasting ey ta afecta full e so-

ciedad, pero mundo di futbol ta considera cu ta particularmente dañino pa nan, ya cu ta supone un comparacion masha grandi cu otro paisnan.

otro suma di 130 miyon como contribucion na solidaridad nacional. E presidentenan a retira

ayera di un reunion cu diputado pa studia e posibilidad di kita di futbol e pago di belasting ey.

A calcula e belasting nobo lo costa 44 miyon di euro, 20 miyon solamente pa PSG. Monaco, e otro club cu ta paga salario halto, no mester enfrenta esaki debi cu tin fiscalidad di Monaco. UCPF a recorda cu futbol ta emplea un 25 mil persona y cu ya ta paga belasting na balor di 700 miyon euro, cual tin un

Diego Costa lo wordo yama pa Brasil

E seleccionador brasileño, Luiz

Felipe Scolari, a formalisa e convocatorio di Diego Costa, cu tambe ta busca pa Spaña, pa e amistoso di e seleccion brasileño contra Honduras, dia

16 di november y Chile dia 19 di e mesun luna. E Confederacion Brasileño di Futbol (CBF) a manda un documento na FIFA informando di e convocatorio di e delantero di Atletico Madrid.

Scolari a delanta su intencion di convoca Diego Costa den un entrevista na television Globo, aunke e citacion oficial lo wordo realisa e siguiente 31 di october.

AWEMainta.com

Deporte 19

Diabierna 25 di October 2013

Carlo Ancelotti:

“Mi no a evalua e arbitro”

CARLO Ancelotti, entrenador di Real Madrid, a sigura den rueda di prensa, despues di e victoria di su team contra Juventus cu score di 2-1, cu no a evalua e decision arbitral despues cu e tecnico di e team italiano, Antonio Conte, ta lamenta e expulsion di Chiellini den di dos tempo. “Mi no a evalua e decision di e arbitro.

Awo no tin un arbitro, tin cinco.

E ora e ta wordo dicidi pa mas.

Semper a discuti riba e decision pero mester acepta. Mi ta compronde cu e decision a penalisa Juventus, pero mester acepta”, el a splica. Ancelotti tambe a papia riba e wega di su team, cu no tabata na e mesun nivel di e wega anterior contra Malaga diasabra, ora Real Madrid a gana facilmente y ofreciendo un estilo di wega mas bunita.

“Mester a controla e bala mihor, nos tabata perde esaki facil.

Nos obhetivo ta gana e wega, e tabata bon controla. Tur hende kier hunga bon; ami tambe. Mi a gusta e actitud. Nos a hunga contra un team cu a hunga bon.

No tabata un wega facil, nos tabata tin balans”, el a declara.

“Mi no a gusta e parti final die wega. Nos por a hunga cu

mas intensidad.

E team tabata hopi cansa; nos a controla sin intensidad. Nos tabata tin un bon control di e wega cu un hungador mas, pero e intensidad no, mester tabata diferente”, el a reconoce.

Tambe a comenta cu e intencion di Real Madrid tabata controla e bala y no duna Juventus chens di maneha e wega cu control di bala. Den di dos tempo, cu expulsion di Chiellini, Madrid por a sentencia e wega y Ancelotti ta lamenta di no a hasi’e. “Nos tabata tin un oportunidad cla cu Benzema, pero no a score. Den e minuutnan final nos tabata preocupa y nada mas. E wega tabata bon controla”, e tecnico di Real Madrid a bisa.

Ancelotti no a duna mucho importancia na e fayo di Benzema paso segun su entrenador, tin otro mision mas importante cu el a cumpli. “Mi a pidi Benzema traha hopi defensivamente con-

tra Pirlo”, Ancelotti a splica, el a splica cu Benzema a traha hopi bon riba e hungador di e team italiano y aunke e frances no a score, “pa e team el a traha hopi bon y mi ta hopi satisfecho di su wega”. Riba Gareth Bale, cu a hunga den e ultimo 30 minuut di wega, el a indica cu a drenta wega ora e wega ya no tabata tin intensidad y e wega di e team no a yud’e ta mihor. “E ta importante pa e tuma minuut den wega”, Ancelotti a bisa, cu a bisa cu e condicion fisico di Bale ta mihor y cu awo ta cla pa cuminsa un wega. Puntra si Raphael Varane tin opcion di hunga den Camp Nou contra Barcelona den centro di defensa, e tecnico di Real Madrid no kier a desvela si e frances lo ocupa un buraco den e titularnan. “Varane ta bon”, Ancelotti a bisa, cu a indica cu ora tin tres central di e nivel ey “un mester ta riba banki”.

20

Deporte

Diabierna 25 di October 2013

AWEMainta.com

Carles Puyol:

“Nos ta yega cu confiansa y gana”

E capitan di Barcelona, Carles Puyol, cu a bolbe bek siman pasa riba terreno di wega contra Osasuna, a sigura cu su team ta yega cu confiansa y gana na e clasico di diasabra contra Real Madrid, “un team cu ta exigi hopi”. Den un rueda di prensa na e ciudad deportivo di Barcelona, Puyol a admiti cu e 7 luna cu tabata afo tabata “hopi complica”, pero cu a bolbe cu hopi forsa. “E wega aki ta esu nos tur kier gana”, el a insisti. Puyol a desmenti cu e

tecnico “Tata” Martino, a dicidi dosifica y evita cu tin cu hunga dos wega pa siman y admiti cu den Barcelona e exigencia ta lo maximo. “Aki semper ta exigi hopi. Mester hunga bon y gana, nos sa y ta acepta esey. Awo nos tin dos resultado di cual nos no a gana, pero nos ta yega cu confiansa y cu gana. Nos tin cu analisa e errornan y drecha siman tras di siman”, el a indica.

E capitan no ta di acuerdo cu e idea stableci cu Barcelona lo no caba di hunga bon ultima-

mente e wega nan grandi y por lo tanto, e wega contra Madrid no a presenta como un bon ocasion p’e. Ta considera cu “e oportunidad di hasi un bon wega”, pero ta insisti cu Liga no ta bay dicidi diasabra. “E ta un momento pa tin bon sensacion y coy mas confiansa pa loke ta bini”, el a comenta.

Puyol a añadi cu hunga un clasico na cas semper por yuda.

“Ta trata di semper di un wega hopi complica y ultimamente a hunga hopi bon aki”, el a re-

Ozzie Guillen cu oferta pa bira manager di un team UN di e teamnan cu a keda sin man-

ager desde cu e temporada regular a caba, a puntra pa e disponibilidad di Ozzie Guillen pa tuma e puesto, segun e venesolano a duna di conoce. “Net faltando tres ora pa bini Boston mi a ricibi e yamada di un agente cu tin un team interesa, obviamente e no a bisami e team, paso kier pami dun’e e trabou di representami, cu ta algo cu ainda mester papia”, Guillen a bisa.

“Mi ta spera cu pa ora nos yega St. Louis tin algo un poco mas di e situacion”, Guillen a bisa, cu ta trahando cu ESPN awo como comentarista den transmision di World Series. Desde e final di temporada a keda bashi e puesto di managers di Cubs, Reds, Tigers, Nationals y Mariners. E siman aki, Cincinnati a nombra pa e posicion Bryan Price, cu tabata su coach di pitcheo pa cuatro tempo-

rada. “Sinceramente, mi lo kier dirigi, ken lo no kier dirigi, pero nos ta bay warda y wak si un hende ta dunami e oportunidad”, Guillen a bisa. Guillen di 49 aña, a dirigi White Sox pa ocho temporada, incluyendo den 2005, ora e club a gana World Series pa prome biaha desde 1917, despues el a firma cu Marlins na 2011 pa cuatro temporada y 10 miyon dollar.

Pero ora Miami no a cumpli cu e expectativa halto cu e crea cu e apertura di su stadion nobo y e contratacion di varios agente liber estelar, den 2012, e propietario Jeffrey Loria a kita Guillen cu tres temporada y 7,5 miyon pendiente den su contract.

Guillen a bisa cu lo kier dirigi cualkier team, aunke mas Detroit, cu tin un base fuerte di latino, y cu incluso lo acpeta un posicion di coach pa bolbe bek riba terreno.

corda. Real Madrid ta un team cu ta exigi hopi di e rival. “Ta conta cu hungadornan grandi, nan tin confiansa y nos mester ta hopi bon pa gana”, e capitan a bisa, cu a informa cu despues di e wega contra Osasuna e ta bon y cu incluso su rudia ta responde mihor di loke tabata pensa. Riba e debate cu a cuminsa riba e posicion di cumpra un defensa central, Puyol a defende su trabou y esun di Mascherano, Pique y Bartra.

Riba e ultimo, e capitan a bisa cu semper a confia hopi den dje. “Ora tabata sali nomber den prensa, mi tabata pensa cu ningun ta supera e nivel cu e tresnan aki tin”, el a recorda.

Concretamente riba Bartra, Puyol a bisa cu a hunga hopi bon tur wega y pesey ta mustra cu tur hende a descubri’e awor.

E ta recomenda e hungador “sigui traha asina, sin perde e confiansa”, y el a recorda cu ta

trata di un hungador hopi jong y si Barcelona kies Bartra lo tin un central pa hopi temporada.

Riba Mascherano, cu a culpa su mes pa e gol ricibi na Milan, Puyol a bisa cu mester respeta su declaracion. “E ta demasiado exigente, e tin tres temporada como central y ta na un nivel halto. Esnan cu ta hunga ta esnan cu por comete error, e ta un central espectacular”, el a bisa.

Puntra pa e presencia di Iker Casillas riba banki di Madrid den wega di Liga y e declaracion di e keeper blanco di por tuma un decision si no hunga den e siguiente tres luna, Puyol a bisa cu ta e tecnico ta esun cu ta dicidi e alineacion. “E ta un decision di entrenador. Madrid tin dos gran portero, Casillas cu ta hopi bon, e ta mi amigo y mi no ta bay discuti riba Iker. Diego ta un hopi bon portero. Mi no sa si Iker lo bandona, mi no a papia cun’e riba e tema aki”, el a bisa.

AWEMainta.com

Local 21

Diabierna 25 di October 2013

Problema di oido?

FEPO te’y pa yuda bo!

Engelandstr. 15 , Oranjestad e-mail: fepo@setarnet.aw web-site: www.fepo.aw tel: 583-1016 / fax: 583-4726 / sms: 566-8093 NA cede di FTA tabata tin un conferencia di prensa caminda a anuncia rifa di otro cas. E anja aki lo ta di ocho cas cu nan ta rifa. Na 2004 a rifa e prome cas na Pavia. Despues di esey a pasa

dos aña y 2007 a rifa di dos cas na Papilon. Djey a continua cu e rifa di cas pasobra el a bira manera un custumber y di tres cas tabata na Paramira. Na aña 2009 e cas tabata na Matadera y

na 2010 a sigui traha mas cas pa rifa, e.o. na Bubali y Paradera.

E ultimo cinco añanan Cas Bon a traha e cas pa FTA, segun Rudy Geerman presidente di FTA.

FTA ta bolbe rifa un cas Rudy Geerman a splica cu 2013 ta bolbe bin cu otro proyecto di rifa di cas. A yega na acuerdo cu e contratista caba y e cas lo wordo traha na Tanki Leendert.

FTA su cas tin dak caba y ta bai cuminsa pleister e cas. Ora bin cu e rifa di cas cu lo hunga dia 20 di December, e cas mester ta cla. E cas lo ta situa riba un tereno propiedad di 319 meter cuadra y ta un cas di tres camber y dos baño. E cas lo bin cu su kitchen cabinet. Lo maximo lo wordo haci pa tin algo extra cu e aña anterior no tabata tin. Prome di Augustus 2013 e miembronan a haya buki caba y a cuminsa cu preparacion pa subi caya. Aki dos siman FTA tin su congreso y despues di esaki lo tin hende bendiendo riba caminda.

Tin diferente spot caminda tin benta di e rifa di FTA. E spotnan ta diferente na Savaneta, San Nicolas, na Pos Chikito, Rotonde Tanki Leedert, Imelda Kleuterschool y Price Smart tin hende ta bende. Importante pa cumpra un ticket. FTA ta haci un apelacion pa tur hende sostene e rifa. E pueblo trahador tin chens pa cumpra un ticket di 30 florin y gana un cas. E di dos premio ta un biahe crusero den Caribe y di tres premio ta un trip pa Disney.

Hopi hende ta puntra kiko FTA ta haci cu e placa y cu si enberdad e ta wordo uza pa comunidad. E placa ta bai bek den formacion di e miembronan di FTA. Un sindicato sin formacion no por existi, corda pa sobrebibi. Rudy Geerman durante e conferencia a sigui splica cu doñonan di trabou sa cumpra e rifanan aki y partie entre e trahadornan.

Un rifa asina bou ningun condicion por keda aden. Tur rifa cu no wordo bendi ta wordo saca y esun bendi so ta bai pa rifa.

Polis ta vigila henter e proceso di e sacamento di e premio. Pa solamente 30 florin bo por tin bo propio cas.

22

Local

Diabierna 25 di October 2013

AWEMainta.com

AWEMainta.com

Local 23

Diabierna 25 di October 2013

Coca Cola Aruba a cuminsa recore supermercado nan di Aruba

DIA 7 di September ultimo, Coca Cola Aruba a cuminsa recore supermercado nan di Aruba cu nan FIFA World Cup Supermarket Activation.

Esaki pa asina duna henter comunidad di Aruba chens pa nan gana nan entrada pa saca potret cu e famoso trofeo di FIFA mundial 2014.

Dia 2 di November proximo, 2,000 di e ganadonan aki lo haya nan oportunidad pa saca e “once in a lifetime” potret aki cu e trofeo.

Coca Cola a cuminsa reparti e badge nan cu e ganadonan aki lo uza pa asina bay Westin hotel dia 2 di November. Ganado nan por pasa busca nan entrada nan na Balashi Brouwerij entre 8or di mainta pa 5or di atardi y mester bin cu un identificacion valido pa reclama esaki.

Ganado nan aki, a gana nan entrada durante Coca Cola su bishita na diferente supermercado nan, abo ainda por ta un di e feliz ganadonan aki.

Nos tin 1 supermercado mas pa bishita, cual ta

Sing Fung supermarket na Solito diasabra awor dia 26 di october. Bo por “Kick & Win”, cumpra bo Coca Cola , Coke Zero y Diet Coke durante nos “Happy Hour”, siña baila samba cu Pachanga y tambe recicla 3.5 kilo hunto cu Ecotech Aruba (ta acepta bleki y boter di Coca Cola, Coke Zero y Diet Coke so). Tambe por “Like”, share y participa den nos Facebook “trivia” y bo tambe por ta un ganado ainda. Nos Facebook page ta – Coca Cola Aruba. Durante e delaster siman nan aki prome cu e yegada di e trofeo, diferente radio emisora nan, lo duna nan oyente nan e chens pa tambe participa y gana nan entrada. Asina ta, abo ainda tin e oportunidad pa ta un di e ganadonan. Ticket nan ta yegando nan maximo, ainda bo tin chens pa gana bo entrada diasabra dia 26 di october na Sing Fung supermarket na Solito. Sin laga afo, cu tin e toter nan di Ecotech na 14 diferente luga rond di nos isla pe “Single Serve” campaign. Dus zorg pa bo no keda afo!

24

Local

Diabierna 25 di October 2013

AWEMainta.com

Preparacionnan pa e exposicion y debate Show the King ta den full swing TIN basta trabou andando pa prepara pa e bishita di e Pareha Real. Julienne Paskel a splica cu e parti di e exposicion y debate Show the King lo ta un bunita parti ya cu aki e hobennan di nos pais lo por expresa nan pensamento pa loke ta e futureo di pais Aruba. Den e

debate hobennan di Parlamento Hubenil y Universidad lo debate cu e Rey pa expresa nan vision pa Aruba. Pa participa e hobennanmester ta entre 14 y 24 anja di edad y nan mester manda un texto di 250 palabara cu nan potret splicando kico ta nan vision. E descripcion aki

lo bai reenforza e imahen cu e hoben a manda y un commission lo escohe e miho 10 pa 15 potretnan cu lo bai den e exposicion. Lo saca 6 potret pa reefnorza e debate y lo escohe un mihor potret y e hoben aki lo papia personalmente cu e Rey pa splik’e su vision.

Pa Parlamento Hubenil e reto di e debate sigur ta uno bon paso por wak cu nos hobennan tin hopi interes pa bay debate cu nos Rey Willem Alexander, segun Tracey van der Biezen a splica. E teamnan lo presenta nan vision pa Aruba. A ivita ho-

bennan di Universidad di Aruba y Parlamento Hubenil ya cu nan tin experiencia caba di debati na nivel professional. A sinta personalmente cu e hobennan pa asina nan cuminsa prepara.

E idea ta pa mustra e Rey cu nos hobennan tin un vision tambe a largo plazo pa nos pais.

AWEMainta.com

Local 25

Diabierna 25 di October 2013

Exhibicion di arte nan di reciclahe

PA e delaster 6 siman nan tras di lomba, ocho scol nan secundario tabata bezig ta compete den e FIFA World Cup Trophy Tour competencia di arte reciclahe organisa door di Coca Cola y Visa (Aruba Bank.)

28 grupo en total ta bin expone nan arte. E 28 grupo nan aki ta di e siguiente scol nan: Colegio Arubano O’stad, Colegio Arubabo San Nicolas, EPB Hato, EPB San Nicolas, Ibero Amercan High School, Filomena College Mavo, Mon Plaisir College Mavo, y St. Antonius College Mavo.

Studiante nan a crea nan di arte traha door di material nan recicla di Coca Cola (bleki of boter nan di plastic) cu mester por tin di haber cu futbol y tambe e trofeo mundial.

Cu e exhibicion aki, Coca Cola y

Visa (Aruba Bank) kier mustra nan compromiso cu e parti di yuda Aruba di ta mas sostenibel door di recicla y tambe pa trece mas conscientisacion pa keda mantene Aruba limpi.

E competencia ta yegando su final, mirando cu e trofeo mundial ta yegando Aruba di 2 di November proximo; pa es motibo aki Coca Cola Aruba y Visa (Aruba Bank) ta brindando e studiante nan e oportunidad pa expone nan arte na un exhibicion di arte na Linear Park awe 25 di october.

E exhibicion aki ta habri pa publico henter, pues nos kier a invita henter comunidad di Aruba pa ta presente y presencia e obra nan aki cu nos studiante nan a tuma nan tempo pa traha y tambe desplega nan creatividad den un manera diferente y sano.

26

Local

Diabierna 25 di October 2013

AWEMainta.com

Candidato Edgard Vrolijk di MEP ta di opinion cu :

Sindicato mester defende derecho di su miembronan y no por ta un aliado di gobierno

CU hopi asombro mi ta bay

bek na 2009 ora cu sindicato a forma hunto cu gobierno e plataforma pa Dialogo Social.

Den e dialogo aki sindicatonan hunto cu gobierno a aproba e aumento di edad di pensioen te 60 a単a, e middelloonregeling, franchise y tambe e areglo nobo di pensioen (NPR) cu ta haci ambtenaarnan ta bay atras na momento cu nan baha cu pensioen. Awo na 2013 hopi por a ripara cu sindicatonan a bolbe lanta cabes pa prepara caminda pa gobierno aumenta e edad di pensioen di AOV, pero no solamente esey, pero ya caba ta propaganda probabel aumento di prima di esaki y tambe di AZV, sin conta ainda e problematica di APFA. E pregunta cardinal ta: ta ken sindicato ta representa: e trahado of e dunado di trabao?

Ken sindicato ta representa?

Awel e contesta aki den mi bista ta trece hopi

duda den e funcionamento di cierto sindicatonan cu ta duna di pensa cu esakinan ta aliado di gobierno. Prome cu 2009 cada bes cierto sindicato pa tur cos tabata riba caya pa sali na vanguardia di nan miembronan. Awendia un cantidad di departamento gubernamental ta sufriendo, pero e sindicatonan aki ta riba un mute y pa colmo sindicato no ta yegando na nan miembronan, pero si ta tuma decision pa e clase trahado (siendo cu nan no ta representa ni 50% di tur trahado), pero tambe nan ta tumando decision pa un

l

puebo

completo.

Un ehempel di esaki ta e caso recien di vastrecht cu ta wordo cobra door di Elmar. Ora a busca informacion di esaki representante di Elmar a declara publicamente cu sindicatonan a aproba esaki den Dialogo Social, paso coriente a baha y pa e motibo aki a bin cu un vastrecht pa mantencion di nan rednan.

Awo desde ki dia sindicatonan ta representa e clase trahador como consumidor? E trabao di sindicato ta mehora posicion di e trahado y no laga un compania priva perhudica nan cobrando vastrecht sin aprobacion di un pueblo completo (Parlamento por bay cas numa paso ta sindicato ta dicidi toch!).

Sindicato ta representa esnan cu ta paga pa por salvaguardia nan trabao y mehora nan posicion como trahado y no pa dicidi pa un pueblo completo, principalmente riba e parti di e trahado como consumidor.

Consulta Desde basta dia a scucha formador Sr. Eman ta papia di amplia e base di Dialogo Social y a yama esaki Aliansa Nacional unda cu comercio tambe lo wordo involucra hunto cu sindicatonan.

Awo sindicato ta bay tuma decision n a

beneficio di mi do単o di trabao of na beneficio di su miembronan? Ta bon pa recorda sindicatonan cu prome nan tuma decisionnan, nan consulta cu nan miembronan cu tur luna ta paga nan contribucion, paso ta nan sindicato ta representa nan y no gobierno. Prome cu sindicato pensa di forma base di e plataforma aki, e bin na su miembronan y duna su miembronan e puntonan cu lo wordo trata. Pero lo mas importante ta cu e miembronan kier scucha sindicato su posicion y tambe pa e por splica su miembronan e posicion cu e tin pensa di tuma. Pero lo mas importante ta scucha su miembronan si nan ta bay cu e posicion di sindicato si of no. Desde 2009 cierto sindicatonan no a yega na nan miembronan mas, siendo cu na 2008 durante welga tabata consulta nan miembronan constantemente. Pero desde introduccion di e gobierno nobo na 2009 parce cu e voz di e miembronan no tin balor mas pa cierto sindicatonan. Ya cu nos ta keda na e pregunta ken sindicato ta representa ta bin e siguiente pregunta: Sindicatonan a bin splica nan miembronan pakico Gobierno no a cumpli cu su pago di inhaalmanouvre den luna di augustus y kico sindicato a haci referente esaki?

Crisis y fiamento di placa Cada bes ta scucha cu nos tin crisis, y cu ta crea buraco den presupuesto y hopi probabel esey lo por ta e argumento pa no paga e inhaalmanouvre aki, pero con por ta cu tin crisis y cu mester fia placa riba

mercado internacional si tur dia gobierno ta gaba cu tin aumento den turismo y cu nos economia a crece. Con por tin crisis si ta bringando pa amplia e cantidad di ministernan pa 9?

Pa pone ahustacion (medida) nan gobierno ta sinta hunto cu sindicato pa yega na esaki pero ora di bay fia placa riba mercado internacional of pa pone 9 minister, si gobierno no ta acerca sindicatonan y splica nan pakico ta bay fia e placa aki (su uzo pa comunidad) y ken y con ta bay paga e placa aki bek.

E aspectonan aki pueblo mester cuminsa analisa mas critico, paso no por ta posibel cu pa tuma ahuste (medida)nan, si sindicato su bos ta importante, pero ora di fia placa cada bes e bos di sindicato no ta importante mas.

Terminando mi tin di bisa cu a yega momento pa e clase trahado bira mas critico pa cu su sindicato. Mester exigi di nan sindicato pa bin cerca nan miembronan y splica nan kico ta pasando y kico ta e posibel solucionnan y laga nan miembronan dicidi si nan ta acepta si of no. Y di sindicato ta spera cu nan por yega na nan miembronan y no bula para banda di gobierno manera cu ta un aliado boso ta di gobierno (mirando cu varios tabata campa単ado durante eleccion) pero yega na boso miembronan y sali na vanguardia di e clase trahado y no sinta na fabor di e do単o di trabao. Si un sindicato no ta haci asina , ta deber di cada trahado pa busca un sindicato cu si ta sali na nan defensa.

AWEMainta.com

Local 27

Diabierna 25 di October 2013

Special Olympics Aruba y Digicel ta invita comunidad pa bin apoya nos atletanan special Special Olympics National Games ta “on”

PA di 13 aña consecutivo Special Olympics Aruba ta organisa su National Games anual pa tur atleta cu un limitacion na Aruba. Entrenamento pa e Weganan Nacional, cu bista riba adkiri experiencia di parti di e atletanan y pa prepara pa World Games ta tuma luga henter aña. Nos atletanan ta bon prepara y cla pa demostra nan talento y trabao duro diabierna, diasabra y diadomingo awo. Digicel y Special Olympics Aruba ta invita henter nos comunidad, famia y amigonan di e atletanan pa acudi na e weganan y apoya nos atletanan special.

Di parti di e empleadonan di Digicel - como un partner fiel y gran apoyo di Special Olympics Aruba, Elaine Singh a gradici tur persona y compania cu a contribui na e prome accion pa recauda fondo pa Special Olympics Aruba por bay World Games. E fundraiser aki a tuma luga dos siman pasa y cu entusiasmo Singh a comparti cu ainda tin donacion y checknan drentando.

Ainda falta mas di un aña pa e World Games, pero ta importante pa cuminsa recauda fondo tempran pa por yega e meta aki. E National Games ta un exigencia di World Games y aki tambe lo cuminsa scoge e atletanan kende lo wordo invita pa entrena pa World Games y representa nos pais cu hopi orguyo internacionalmente. Tradicionalmente e team di Aruba ta hopi bon prepara y semper ta bolbe Aruba cu hopi medaya. Dirigentenan di Special Olympics ta invita

comunidad di Aruba pa presencia e apertura colorido di e National Games, tumando luga diabierna atardi for di 6or na Stadion Guillermo Prospero Trinidad, pa e tradicional Torch Run, desfile y show di apertura cu e brassband di San Francisco y grupo di baile di Chastity Hodge. Inmediatamente despues di e apertura e prome competencianan di athletiek ta tuma luga. Durante un conferencia di prensa e fundado y presidente di Special Olympics Aruba, Tuyo Werleman a splica cu lo tin mas di 100 atleta, kende ta miembro di SVGA y alumnonan di e scolnan Caiquetio, Emma y Paso pa Futuro, como tambe tin algun atleta cu ta trahando, pero a keda activo den Special Olympics. E deportista y comentarista di deporte hopi conoci na Aruba, Karel “Cai Cai” Williams ta formando parti di Special Olympics pa algun tempo caba. El a resumi e deportenan cu ta inclui den e National Games, esta futbol, badminton, bowling, bolas criollas (bocce), landamento y athletiek. Williams a bisa cu na momento cu na e World Games tin representacion di mas di 160 pais. E National Games ta wordo considera masha halto den puntuacion pa evalua nos atletanan pa por forma e delegacion pa bay World Games. El a bisa cu tur pais ta haya e oportunidad pa participa y World Games ta avisa cada pais cuanto cupo den cua deporte ta disponibel pa nan atletanan. Williams ta añadi cu Special Olympics ta desea di amplia e deportenan ofreci na e atletanan,

pero tin falta di dirigentenan pa guia e atletanan. Por ehempel si nan momento cu e trainer di ping pong mester a tuma un descanso tabatin un otro trainer, no lo a stop cu entrenamento y por a ofrece e deporte aki tambe na e National Games. Asina tin mas caso y Special Olympics ta pidi cooperacion di dirigentenan pa por expande e cantidad di deportenan ofreci. El a gradici tur trainer y e bondnan – Aruba Athletiek Bond y Arubaanse Voetbal Bond - pa nan cooperacion cu e atletanan y cu e Weganan Nacional.

“Laga mi gana y si mi no por gana, laga mi ta balente den mi intento,” Tuyo Werleman comparti e lema aki di Special Olympics y a conclui pidiendo publico general pa acudi na e weganan y demostra aprecio di nos comunidad pa e esfuersonan y balentia di nos atletanan special.

28

Local

Diabierna 25 di October 2013

Servicio pa Comunidad

Ki dushi ta musica cu ta inspira

Despues di Chencho Kelly ta Fred de Jong den Cas di Cultura Skirbi pa Ruthy”Lady Ruth” Vrieswijk-Bergen.

AWEMainta.com

Emergencia Brandweer: Polis: Polis Oranjestad: Polis San Nicolas: Polis Santa Cruz: Polis Shaba: Polis TipLine:

911 100 102 104 105 107 11141

Ambulance San Nicolas: Ambulance Sasaki: Ambulance Wayaca:

584-5050 582-5573 582-1234

Hospital: Centro Medico San Nicolas: SVB (AO-Ziekmelding):

527-4000 524-8833 527-2782

Botica na warda Pabou di Brug: Oduber N.V Pariba di Brug:4 Centro Medico

Dokter na warda Pabou di Brug: Dr. -

Pariba di Brug: Dr.-

ARUBA a conoce un concierto hopi alegre cu e “Cuero cu a papia” ora e gran artista local cu experiencianan internacional exitoso y interesante Chencho Kelly a comparti di su amor y pasion na manera profesional cu curason sigur . Si, e ta un di e rumannan di nos gran Vicente Kelly cu yegando na final di e fantastico show aki, Vicente a subi stage tocando su acordeon y hunto cu publico presente a canta Happy Birthday pa Chencho, kende tabatin un grand dobel celebracion cu su cumpleaños riba fecha conmemorando su 40 aña como musico profesional.

Lady Ruth ta gusta skirbi cosnan positivo, bunita cu por inspira y ta pidi pues, pa no tumele na malo cu e tin cu menciona toch, cu atrobe e musica den Cas di Cultura tabata un crenchi duro di mas.

Nan ta lubida cu tin bunita

acustico den e sala grandi of algun di e musiconan tocando asina hopi tempo, birando un crenchi imun pa e musica cu mester ta duro, pasobra pa nan talbes mas duro ta mas miho.

Shonnan, laga esey pa Duro cu Dowers !! Hahahah,.!!!Cu horea nan ta fluit, Lady Ruth a scoge pa despues di pausa sinta full patras pa no scucha e cantamento, tocamento di trompet y di conga of tambor asina duro.

Nos no sa si ta e soundman of ta e musiconan mes a pidi pa e volumen ta asina. Cierto momento, manera Lady Ruth a comparti riba facebook tambe, tabata parce cu tabata e musico sinta na banda links den camisa blanco tabata e culminacion di e concierto. Algun hunto cu Lady Ruth a spera mas bunita luz ariba Chencho mes, pero talbes ta asina e kier y of a desea pa e concierto a desaroya. Ruben Garcia a carga e show den un

bunita forma como maestro di ceremonia y grupo Pachanga a baila riba e melodianan alegre, algo cu a duna henter e concierto un toke special. (Nos no kier bay den detaye cu algun di e grandi nan no a gusta e costum nan chikito na curpa, pero cu talbes a wordo balansa den e bailenan bisti na blanco - un di nos grandi nan a puntra pa Lady Ruth geef door cu e bailenan lo resalta mas bunita si no bisti asina sunu, pasobra wowonan di otronan ta riba e cuero e ora y no riba e bailenan mes ) Contento cu e sala tabata yena di fanaticonan di e sorto di musica cu a wordo toca y canta, y Lady Ruth a gosa e cantica cu nan a canta di Bernadina Growel dfm - Y awor Cas di Cultura ta preparando pa e tremendo show di Fred di Jong cu canticanan di Frank Sinatra dia 30 di october den e mesun Cas di Cultura, cu su Aruba Senior Citizen Show ,hunto cu nos dushi grandi nan, pero otronan cu tambe kier bin scucha y inspira por pasa cumpra nan carchi cerca Fred de Jong, telefon + 297 594 1098 of e-mail fred@freddejong.com Nos pabien un biaha mas na Chencho Kelly, su distinguido esposa Sra. Rosetta Kelly-Tromp y famianan Kelly y Tromp cu

su di 55 cumpleaños y su 40 aniversario como musico profesional cu curason !!!! Y..... exito na Fred de Jong dia 30 di October cu lo ta un show total y diferente sigur, recordando e dushi musica y cancionnan suave di e inolvidabel Frank Sinatra cu sigur lo inspira e curasonnan di grandi y hoben.

And specially dedicated to Lady Ruth “ My way “...

Shonnan tur, sigui disfruta di e resto di siman y pa mas oro un dushi fin di siman yen di positivismo, bondad, alegria y pordon como parti di e preparacionnan di e curasonnan pa un otro dushi temporada di Pasco cu ta dilanti porta... Danki pa lesa e columnanan di e Poeta cu curason Lady Ruth... and God bless !!!!

Servicionan ELMAR Storingdienst: SETAR Storingdienst: Digicel: WEB Storingdienst: Reina Beatrix Int’l Airport: Serlimar: Arugas: Guarda Costa:

523-7127 117 145 525-4600 524-2424 584-5080 585-1198 913

Funeraria AD Patres: Aurora: The Olive Tree:

5842299 5886699 5820000

Fundacion Rode Kruis Aruba 582-2219 FADA: 583-2999 Fundacion Respeta Mi: 582-4433 Fundacion Guia Mi: 587-1677 Muhe den Dificultad: 583-5400 Telefon pa Hubentud: 131 Centro Kibrahacha: 588-3131 Stichting Bloedbank: 587-0002 Mary Joan Foundation: 588-9999 Koningin Wilhelmina Fonds:582-0412

Cas Editorial

The Media Group

Magrietstraat #3 Oranjestad, Aruba Tel: 583-1400 fax: 583-1444

Orario oficina:

Dialuna pa diabierna 8am – 5pm

Cuenta di banco: CMB #22982600

E-mail Redaccion: noticia@awemainta.com Aviso: aviso@awemainta.com

Abonament: Afl 25,- pa luna

Director:

Victor “Toko” Winklaar Victor R. Winklaar

AWEMainta.com

Local 29

Diabierna 25 di October 2013

Banco di Caribe cu bunita gesto pa St. Michael Paviljoen bay gosa di e comedia “dede den cas di anciano” Horoschoop Aries 21 Mrt - 20 Apr

Ta presentá awor bon oportunidatnan finansiero pa progresá. Ta tempu bon pa negosiashonnan, ya ku bo sa eksaktamente kiko hasi i bisa.

Tauro 21 Apr - 20 Mei

Resultado di Loteria 2:30

7718 1356 6511

9:00

6692 5640 2057

2:30 9:00

E weekend aki den Cas di Cul-

0072 Cancer 7407 Geminis 2:30 9:00

1333 5608

08-13-16-19-04 DIARIO 6412 2415 2538

SUPER FOUR

9226

tura, Aruba lo bay hari y gosa di e tremendo comedia “Dede den Cas di Anciano”, cual obra humoristico for di luna di April e aña aki ta yenando Teater di Luna Blauw na Corsou den record di sold out. Siman pasa e obra aki a ser presenta pa di 35 funcion, cual a kibra tur record di comedia na Corsou.

E obra aki cu ta duna balor na nos Casnan di Anciano, a habri hopi hende nan wowo y a pone hopi hende bai bishita nan ser keri nan den Cas di Anciano.

Banco di Caribe ta haci un bunita gesto pa regala 50 ticket na e cuidadonan di St. Michael Paviljoen, pa asina nan bai disfruta di e tremendo obra aki.

TIPO DI CAMBIO OFICIAL Bank Papieren

Wisselen, Cheque Reis Cheque en Over Boekingen

Benta na Publico

1.77

1.78

1.80

CAN Dollar

1.70

1.72

1.74

Engelse Pond Sterling

2.82

2.87

2.93

Ned.Ant. Gulden per ANG. 100 Japanse yen per JPY. 10.000 Euro per XEU. 100

197.10 98.00 180.65 239.93

197.82

198.62

100.00

biljetten 100.20 chq./overboeking 100.00

182.30 242.12

Bo ta bisa si na amor den tur aspektonan di bo bida. Awor bo ta sentro di atenshon, tantu pa bo sernan kerí, komo personanan ku tin mester di bo ayudo.

Cancer 21 Jun - 20 Jul

Tur aktividatnan sosial, spesialmente si nan ta bo amistatnan ta enfatisá. Disfrutá a plenitut e kompania di los demas..

Leo 21 Jul - 20 Aug

No ta importá kiko bo ta hasi. Bo ta yen di energia pa diseñá, dekorá, tantu den bo kas, ofisina o kaminda bo ta traha. Bo bida profeshonal ta faborabel.

Virgo 21 Aug - 20 Sep

Bo ta uni, identifiká ku personanan di estranhería ku por aportá bo bida nobo i diferente eksperensianan. Un biahe largu i plasentero ta riba agènda..

Libra 21 Sep - 20 Okt

Tur relashon di amor ku kuminsá awor ta hopi tenso i ta laga un marka grandi den bo bida atras. Plaka ta yega awor di parti di esnan ku ta kompartí huntu ku bo.

Ekspresá bo sentimentunan ku gran fasilidat. Si bo ta soltero(a) un amor nobo ta yega den bo bida. Si bo ta rabiá ku algun famia, probechá pa restablesé pas.

US Dollar

Zwitserse Frank per CHF. 100

Geminis 21 Mei - 20 Jun

Scorpio 21 Okt - 20 Nov

Valido pa 16 October 2013 Placa Extranhero

E manera kon bo ta ekspresá ta mustra awor ku bo ta influensiá. Pas ta unda ántes ta reina guera. Ta bon momentu pa bai di vakashon ku un grupo di amistat.

184.13 244.55

Sagitario 21 Nov - 20 Dec

Disfrutá di e bon relashonnan entre bo kompañeronan di trabou o empleadonan pa tur kos bai fásil..

Capricornio 21 Dec - 20 Jan Provision di Devisa 1.3%

Segun articulo 12 di Afkondigingsblad di Aruba 1991 nr.GT 32.

Banco Central di Aruba ta defini e tipo di cambio oficial pa e cambionan di placa extranhero.

BANCO DI CARIBE

Relashonnan ku mucha ta enfatisá pa loke bo ta disfrutá di pasa mas tempu ku nan ku ta gusta dibertí. Keiru hopi ku nan.

Aquarius 21 Jan - 20 Feb Por fin a yega pas den bo kas, bo bida, grasia na bon komunikashon ku esnan mas serka di bo. Lo bo pasa oranan masha agradabel i den trankilidat.

Piscis 21 Feb - 20 Mar

Loke bo hasi ku bo aktividatnan sosial ta enfatisá, tresiendo hopi aktividat den bo bida. Bo ta gusta di ta rondoná di kosnan bunita..

30

Local

Diabierna 25 di October 2013

BibaÊcadaÊmomento “The Lord is my shepherd; I shall not want. He maketh me to lie down in green pastures: he leadeth me beside the still waters. He restoreth my soul, he leadeth me in the paths of righteousness for his name’s sake. Yea though I walk through the valley of shadow of death I will fear no evil: for thou art with me, thy rod and thy staff they comfort me.”

Ps. 23:1-4 We hereby announce the passing of our beloved mother, grandmother, sister and aunt

Mrs. Rosita Veronica Arrindell-Maynard Better known as :”Rosa” Sunrise:May 23rd, 1933 Aruba Sunset: October 22nd, 2013 Aruba Left to mourn her loss Husband: †John L. Arrindell Daughter: Philomena Arrindell Granddaughter: Natasha D. Gilkes Sister: Elvira Richardson in NY †Mercelina Maynard Brother: Jose Morris Uncle: Mathias Edwards in St.Maarten Aunt: Iona Bonett & family in NY Nieces & Nephews: Martin Sanchez and family; Reynaldo Sanchez; Jose Sanchez and family; Juanita Sanchez and family; Karen Padget and family in NY Francisca Connor and family; Julia Richardson and family; John Hassel and family Emanuel Arrindell and family; David Arrindell and family; Maria Pujols and family Sherina Arrindell and family; Jacqueline Woodley and family; Edmond Woodley and family; Celeste Richardson and family; Julie Jones and family Alfredo Arrindell and family; Janine Arrindell and family Special great niece: Tiesnira Sanchez Sister inlaws: Theresa Arrindell and family; Cora Woodley and family; June Peters and family Good friends: Tina Young; Irene Richardson; Emily de Sausa; Hilda Wijnaar; Tonia Stokes; Mary Pantophlet; Dorothy Phillips All neighbors of Pieterboerstraat Related to: Arrindell, Maynard, Gilkes, Morris, Bonett, Sanchez, Richards and other family members too numerous to mention The funeral will take place on Tuesday October 29 at 4 o’clock in the afternoon leaving the Sta. Teresita Church to the Catholic cemetery in San Nicolas. The late Rosita Arrindell Maynard will be laid out from 2 o’clock in the afternoon in the Sta. Teresita Church in San Nicolas.

Address for condolences: The Olive Tree Funeral Home Monday October 28th, 2013 from 7-9 pm Bernhardstraat 134-136 - San Nicolas Tel 584 8888 theolivetreefuneralhome@gmail.com www.theolivetreefuneralhome.com

AWEMainta.com

KvK tin eleccion pa directiva TUR aña Camara di Comercio y lndustria (KvK) ta tene eleccion parcial di directiva, segun un schedule fiho. Cada aña un parti di e directiva di KvK ta baha, segun un sistema rotativo unda cada bes tres di e nuebe puestonan ta bira vacante. Esaki ta duna oportunidad pa miembro nobo drenta pa contribui na trabao di KvK, pero di otro banda manteniendo continuidad den directiva. Riba 31 di december 2013 e siguiente miembronan ta na turno pa baha: Mohamed J. (Jamal) Mahawat Khan y Omar F. Tromp pa “Kleinbedrijf’ y Donicio R. (Ricardo) Wever pa “Grootbedrijf’. Conforme e stipulacionnan den Ordenanza di Eleccion di KvK ta permisibel pa miembro cu ta baha pone nan mes reeligibel.

Pa eherce su tareanan di un manera efectivo y fructifero KvK mester di un ekipo cu vision, bon preparacion y conocemento di economia y sociedad y cu ta representa e diferente sectoman economico. Pa haya sa kico ta spera di un miembro di directiva, nos ta presenta e tareanan di KvK: esaki ta un entidad huridico “sui generis”conforme e Ordenanza di KvK - cu e tarea general pa representa interes di comercio y industria di Aruba. KvK tin como tarea pa duna apoyo y informacion na e empresario, tanto esun principiante como esun estableci caba. Den practica esaki ta encera actua como consehero oficial di Ministro di Asunto Economico pa loke ta trata asuntonan socioeconomico y financiero, na interes di comercio y industria en general.

Alabes, KvK ta conseha e mandatario aki encu-

anto otorgamento di permiso di establecimento di negoshi. Tambe KvK ta brinda informacion economico/comercial tanto na comunidad di Aruba como na otro interesado den exterior.

KvK ta organisa actividad manera charla, seminario, mision comercial y exposicion. Tur esaki pa contribui na un desaroyo economico sostenibel pa Aruba. Fuera di esey, KvK tin cu cumpli cu e funcionnan y trabaonan asigna pa ley. Ehemplo di esaki ta maneho di e registro oficial di negoshi y fundacion di Aruba y e custodia di e cuentanan anual di NV, AW y VBA cu tin obligacion legal pa deposita esakinan na KvK. E posicion como miembro di directiva di KvK ta encera un responsabilidad boluntario, cu a cambio ta duna un oportunidad di ta envolvi y di siña mas di cerca con nos economia ta desaroya y di e manera aki yuda KvK cumpli cu tur su tareanan conforme e necesidadnan y interes di e mundo empresarial.

Actualmente interesadonan por pasa na KvK pa busca e formulario di inscripcion/postulacion como candidato. Den e periodo di 1 te cu 14 di november2013 por entrega esaki na KvK cu por lo menos 15 firma di votado cu ta sostene e candidato. E votadonan aki ta esnan cu tin puesto di responsabilidad den empresa, cual nan ta registra riba e listanan di “kleinbedrijf’y “grootbedr’rjf’ cu KvK a publica y cu ta disponibel tambe riba nos website: www. arubachamber.com Pa mas informacion tocante eleccion pa directiva di KvK, por comunica tambe cu Secretariado na tel. 582-1120, ext. 29141.

Mosaico pa den hardin

“TUR cos por ta mosaik” Claudia van Kessel, in-

structor di mosaik a bisa e miembronan di Aruba Garden Club. Nan a bay diasabra mainta 19 di October cerca dje pa tuma un curso. “Te hasta si bo pega pida papelnan na otro bo por realisa mosaik” e la sigui prome cu e miembronan mes por a sinta na mesa pa knutsel. “Mosaik bo ta siña door di practica” Claudia a remarca na ultimo prome cu e la bay laga e cursistanan explora nan talento. Na mesa e miembronan a ricibi un pince pa corta mosaico den pida, un pincet pa tene e pidanan mas chikito y lijm pa pega nan ariba un substrato. Claudia a percura pa e miembronan di Aruba Garden Club cada ricibi como substrato sea un scalchi porcelana, un curason di palo corta, un pochi mata of un tegel pa pega e pidanan ariba. Como motief cada cursista por a traha nan mes dibuho of uza un sjabloon di un figura pinta caba. “Eigenlijk traha mosaik ta mescos cu traha den hardin. Bo ta cuminsa cu un dibuho anto di ey bo ta pega bo matanan buscando cua nan ta pas cu otro” un cursista a haya. Na final di e curso participantenan a ricibi grout pa yena entre e pida mosaiconan despues cu nan laga e

lijm seca pa 24 ora.

Por lo general miembronan di Aruba Garden Club ta reuni e di tres diasabra di luna, atardi 4‘or. E meta di Aruba Garden Club ta pa promociona, desaroya y expande conocemento di jardineria y matanan bou di su miembronan y e comunidad.

Aruba Garden Club su reunionnan hopi bes tin un punto den cua un practica di hardin ta keda accentua. Den pasado e temanan a yega di toca suelo, pero tambe snoei y stekmento di mata.

Sinembargo algun biaha miembronan kier recrea cu otro ariba un topico relata na jardineria.

E curso di mosaik tabata algo asina. Un otro biaha e miembronan kier tene un caminata pa enrikece nan conocemento di mata local manera ta planea pa 16 di november cu Olinda Rasmijn pa 6’or di mainta den Parke Nacional Arikok.

Interesadonan pa bira miembro por manda un e-mail na arubagardenclub@yahoo.com, yama na 7418355, Raquel Fillet, president di Aruba Garden Club, of na 5876186, Facundo Franken, secretario. Pa Afl.120,- pa aña mas Afl. 50,- pa inscribi, interesadonan cu aprobacion di bestuur, por bira miembro.

AWEMainta.com

Local 31

Diabierna 25 di October 2013

No stroba mucha di hunga E importancia di hunga na speelschool

MAS y mas “speelschool” ta scoge pa pone mucha sinta na mesa pa haci actividadnan cu ta parce tareanan di kleuterschool. Pinta den linea, conta te binti, bisa alfabet, corta y “prik”, mara feter y sinta ratonan largo na mesa. Casi no por mira diferencia mas entre e programa di un “speelschool” y esun di kleuterschool. Dia pa dia ta muchanan ta haya menos tempo y espacio pa hunga wega liber. Segun psicologonan riba tereno di desaroyo, e resultado ta desastroso!

Dicon tin menos tempo/espacio pa hunga na speelschool?

Cu “speelschool” di awendia no ta di compara cu “speelschool” di antes, tur hende ta di acuerdo. Pero lamentablemente awendia tin e tendencia pa siña muchanan di ‘speelschool” segun e sistema di scol pa asina “prepara nan pa kleuterschool”.

Varios kleuterschool ta exigi di mayornan pa muchanan bin “prepara” y crèchenan ta sucumbi na e presion aki pa no perde cliente. Hopi hende ta pensa cu mas tempran un mucha cuminsa haci les, mas miho su resultadonan escolar lo ta. Esaki ta un kibocacion grandi! E consecuencia ta cu muchanan ta perde nan chens pa haya experencianan valioso durante wega, cu ta siña nan pensa miho y bira miho studiantenan den futuro.

Pakico hunga wega liber ta importante pa mucha?

Mucha entre 0 y 4 aña mester hunga, hunga y hunga un poco

mas!

Mucha ta siña miho ora e ta interesa den algo y tambe ora e por scoge loke cu e kier hunga cu ne. Pero e mester haya oportunidad pa scoge y move di un actividad pa otro. Cada mucha lo haci esaki segun su propio velocidad/tempo. Hungamento ta bon pa desaroyo fisico, social, emocional, mental y di idioma.

Durante wega e mucha ta haya oportunidad pa uza su fantasia y asina e ta siña tocante e mundo rond di dje.

Segun expertonan, mucha bou di 4 aña no ta cla pa siña door di haya splicacion di un adulto.

Nan celebro ainda no ta cla pa capta instruccion den forma di splicacion. Tampoco nan dedenan ta cla pa tene un potlood of sker na e manera corecto y cifra cu letter ainda no ta haci sentido pa nan.

Ora un mucha haya oportunidad pa explora, e ta descubri cos nobo y e ta compronde cosnan mas miho. Esaki ta stimula su mente. Por ehempel e mucha ta siña distingui diferencia den cantidad; descubri cu e por pone algo paden of pafo di un otro obheto; experimenta con pa pone un obheto den otro y despues plam’e bek for di otro.

Door di descubri cos su mes, e ta siña mucho mas y e ta train su celebronan mas cu ora e haya splicacion di un adulto. Esaki ta nifica cu un mucha cu no haya suficiente oportunidad pa hunga y explora, tin un desbentaha grandi riba un mucha cu si a haya hopi tempo pa haci esaki.

Kico ta e desbentaha di no hunga suficiente?

Muchanan cu wordo forsa pa haci tareanan cu nan celebro y curpa no ta cla pe, por frustra

y haya stress y ansiedad. Nan por fada y hasta haya disgusto pa siña. Ora nan yega kleuterschool, nan por cay bek den demasiado wega y hungamento mientras esey ta e tempo indica pa nan cuminsa siña dor di haci tareanan. Ademas nan ta ferfela lihe pasobra hopi cos ta ripiticion di loke nan a haya caba na crèche. Hopi biaha esaki ta haci cu mucha ta cay den comportacion ind esea.

Kico preparacion pa kleuterschool mester encera?

Preparacion pa kleuterschool no mester encera siña e mucha pinta den linea, mara feter, “prik” y corta cu sker. Esaki ta tarea di kleuterschool. Entre 3 pa 4 aña mester siña un mucha yuda su curpa y haci cos pa su mes, manera e.o: * bisti mea y sapato y hisa ziper/ botona su carson/blusa

* bay baño su so y laba man despues * expresa cu palabra loke e kier y loke e no gusta * mustra bon manera (yama danki, pidi despensa, bisa “bon dia”) * anda cu otro mucha y warda pa su turno * completa su puzzel prome cu busca otro * scucha un storia cortico y contesta pregunta riba esaki * come na mesa y ruim op su pertenencianan * participa den grupo * haci rospondi chikito pa “juffrouw” of tanchi * conoce materialnan manera verf, lijm, klei y colonan basico E abilidadnan aki lo yuda e mucha pa ta cla pa enfrenta e reto nobo den kleuterschool y pa e cuminsa siña na e manera di scol (via instruccion y tareanan dirigi).

Forsa un mucha bou di 4 aña pa siña door di instruccion y tarea por tin efecto negativo riba e mucha y ta hort’e di momentonan rico y placentero di hunga durante su tempo di niñez.

No stroba mucha di hunga!

Articulo prepara pa Fundacion Pa Nos Muchanan. Fuente: www.about.com “The importance of play in pre-school”.

Pa pregunta y conseho riba educacion di mucha di 0-12 aña, acerca Fundacion Pa Nos Muchanan, Cumana 2, tel. 5834247/588-0856, fax. 583-5658, e-mail: info@fpnm.aw, website: www.fpnm.aw y tambe via Facebook.

Invitacion pa aparicion di Mama Maria na Koyari Diabierna awor dia 25 October 2013

GRUPO di oracion Catolico,”The Voice of Jesus” ta haci un invitacion na henter pueblo di Aruba, pa asisti diabierna awor dia 25 di october 2013 na e Aparicion di Mama Maria, La Birgen di Gracia di Aruba, riba e tereno bendiciona na Koyari, adres Koyari 13-B. Pa 7.00 di anochi ta cuminsa cu e introduccion y pa

8.00 ta cuminsa resa e oracion di Santo Rosario y durante e oracion, Mama Maria ta aparece pa duna tur esnan presente Su bendicion y Su gracia nan y pa nos por scucha Su mensahenan divino. Laga nos tur bini hunto pa gradici Mama Maria pa Su presencia y Su amor, cu e aña aki ta bai haci 15 aña, cu nos Santa

Mama di Dios ta bishita nos isla di Aruba.

TAMBE Mama Maria ta pidi pa tur hende por trece mas tanto persona cu ta posibel, specialmente enfermonan. Pesey laga nos tur bini hunto pa duna Mama Maria, e amor y e aprecio cu E merece.

32

Local

Diabierna 25 di October 2013

AWEMainta.com

Gobierno di Aruba

SHOPPING

BAZAAR

26 OKTOBER 2013

Gobierno di Aruba conhuntamente cu Mambo ta organisa un grandioso halloween shopping bazaar den caya grandi. Cual lo tuma lugar dia 26 oktober 2013 desde 9or di meinta te cu 7.30 di anochi. E tram lo ta den servicio desde 9or di meinta te cu 7.30 di anochi. Lo bay tin Live Entertainment door di DJ’s i Perfect Sound pa asina pone ambiente mientras bo ta shop, cuminda, bar, suikerspin, popcorn y dino-jump. Bin shop y disfruta di e tremendo offertanan.

PARK & RIDE

Lo ta bai tin Security Gaurd na Parking Lot di Bushalte pa asina bo por coi e tram pa bai den caya cu tur trankilidad.