OLA
e faasoa faamatalaga mo a’oga i le gagana Samoa
www.ola888.com
O lou tala: Sini o A’oga Malu: Maslow Faasoa: E le tuua’iina matua
PULETINI A’OGA
Laufatu: Maui ma Mafuie
Saogalemu o fanau
03 APERILA 2017 ~ Lomiga 9 ~ Upega Tafailagi: www.ola888.com ~ Telefoni (03) 382 6674 ~ Tuatusi: saili.niupac@gmail.com; evaleon.books@gmail.com ~ E le faatauina ~ A Free Publication
Otootoga: Toe asia le sasa (smacking) Ua faailoa se finagalo o le taitai o le NZ First, Winston Peters, o le tatau ona toe asia le mataupu i le sasa o fanau. E manatu le ta’ita’i e leai ni fua lelei ua aliali mai i le tulafono ae na’o le faatetele ai o le amio le taupulea a fanau ulavavale. Pulunaunau fanau a’oga O le tasi o solitulafono o loo ua alu a’e nei i luga e ta’ua lea i le faa-Peretania o le cyber-crime. O lea ua pulunaunauina ai fanau a’oga e tilotilo i avanoa faigaluega e mafua mai ai. E taua tele lenei ona o loo talanoa i le saogalemu o tagata, galuega ma malo. Leai se fiafia E 63% o le 1000 faia’oga i le tapulaa teseri (tertiary) na autasi i se faaiuga e le o fiafia i totonu o o latou si’osi’omaga faigaluega. O le maloloina lelei o se tagata e aofia ai lona lotofiafia ma le agaga faamalieina. Peita’i la ua atagia i le sevei sa fai se lagona o le to’atele o i latou. Faamavae se faia’oga Ua faamavae se faia’oga mai se tasi a’oga lausilafia i Aukilani, e faailoa lana tetee i le leai o se a’oa’iga e faia mo se tama e faatolu ona molia i le taufaasese. O le tama a’oga na tuua’iina ma faamaonia lona kopiina o ni upu e le o ni ana upu. Peita’i e leai se mea na fai i ai e le pulega. Faapea mai le faia’oga, o se masani lenei o loo tupu i isi a’oga, ua tuua’iina faia’oga i le le papasi o tamaiti.
Tufatufaga o mea lelei: Lea sa fai i Kilmore i le taulaga a Karaiesetete, o mea’ai a le mafaufau e atia’e ai le silafia i le faatinoga o le tiute. O nisi o faia’oga a’oga amata a le taulaga sa auai ma faisao i lenei tufatufaga. Taga’i i le tala o lea faatasiga i le itulau lona 2. Ata—OLA
Tuua le mafutaga e Memea Bubsy Eleitino Maaelopa –Siania O le tasi suafa e silafia i le lotoifale o a’oga, aemaise lava i ana uo ma aumea i Karaiesetete, o lena o Memea Maaelopa, ua tuua le mafutaga e ala i le maliu. O Memea o se tamalii sa tautua mo tagata Samoa e ala i tofi ma tiute sa galue ai. Ua iloga ai o se ta’ita’i sa finau mo le manuia lautele o tagata faapitoa Samoa ma le Pasefika. E silia i se 20 tausaga o galue Memea mo Karaiesetete e ala i lana tautua faalenuu. E manatu nisi o se paeonia ona o lea agaga tautua le faapito mo le mamalu lautele. I lona sauniga faaleaiga na molimau le aufai molimau i se tagata e tausolomua i le faiva o le faamaopoopo, pe ta’u ai le igoa o Samoa poo se
Afioga ia Memea faamamaluina i le pine taualoa mai le Tupu Tamaitai
mea foi tau Pasefika. E tele komiti sa auai o se sui pe ofo fua foi lana tautua. Sa galue i le COG i le komiti e pulea le faasoasoaina o tupe a le malo i mafutaga ma faalapotopotoga o loo galulue mo le manuia o nuu ma aai. O ia foi o se faamasino o le filemu (JP).
Mo lana tautua matavela na faamamaluina ai i le pine taualoa mai le Tupu Tamaitai i le 2010. E molimau foi lona toe sauniga i le auai o le pulenuu o Karaiesetete ma ta’ita’i o faiganuu ma matagaluega a le malo, ae faapea foi le afioga a le faipule ia Su’a William Sio, e fa’aalia lo latou fa’aaloalo. E iloga foi ni molimau i lona sao i mea taua’oga e ta’u ai faia’oga ma fanau a’oga. Sa taulamua i le ta’ita’iga ma le faamaopoopoga o le asosi a tama ma teine a’oga o le Iunivesite a Kenetaperi mo ni tausaga se tele. Mo i latou e iloa lelei o ia, e iai le suafa o Bubsy Eleitino e o faatasi ma le isi ona tamaliiaga faapitoa. O le afioga ia Memea e afua mai Sapunaoa i Falealili i lona tamā ma Toamua i lona tina. Sa faatasi ai ona uso ma tuafafine malaga mamao mai e auai i ona toe sauniga.
O LA
ITULAU 2
03 APERILA 2017 LOMIGA 8
Ripoti o le Vaiaso:
E tala faitoto’a le gagana i avanoa mo le fanau i a’oga ma le olaga O se galuega fetufa’i sa faia i le magaala o Kilmore i Karaiesetete, o se tasi o faailoga o le iai ma gaoioi o le faasoa taua’oga i lenei itu o le atunuu. O le amataga o le vaiaso na potopoto ai le mamalu o se vasega o faia’oga amata, i lalo o le faamaopoopoga a le tama’ita’i ofisa o le Core, Ruta McKenzie, e faataunuu sa latou fono fetufa’i. i Ie tele o matua e maua le tali o le sailiga E tusa ma se 30 le aofa’i o i latou sa pa’au, ma o la latou failauga o le tama’ita’i malo a le fanau i le na’o le Igilisi. E ese foi lu’i taua’oga o loo feagai ma su’esu’e ia Saili Aukuso o le iunivesite a Kenetaperi. O lana autu e tatala e le gagana avanoa o faamanuiaga mo le fanau. O le taula’iga lea o le fefaasoa’iga na afua mai ai e ala i manatu ma fesili a le aufono. E leai se isi o faia’oga sa auai e fesiligia le taua o le G1 a tamaiti i le atiina a’e o lona mafaufau, ae o le faitoto’a e fia tatala, o le uiga faaali o le tele o matua Pasefika i le fa’aaogaina o gagana muamua a le fanau. O le pa pupuni lea e tatau ona fai i ai se fuafuaga; e pei ona molimau foi le tamaita’i faia’oga ia McKenzie, o se lu’i lea o loo feagai ma ia i lona foi tiute i le lagolagoina o ofaga tauafua. E tula’i mai o loo malo pea le lagona
a’oga ma faia’oga i Karaiesetete, e faatusatusa ia Aukilani e to’atele ai a tatou tamaiti ma aiga. Ae le eseese mana’oga o fanau ta’ilua gagana i mea taua’oga e aafia ai a latou gagana. O ia mana’oga e lē o mafai ona taliina i le a’o na’o se gagana se tasi. Tele faasoa a’oga i lena aso e saga fatufatu ai ni tali poo ni vaaiga fou i faafitauli o loo avea ma ni lu’itau. E tusa ma se 10,000 le aofa’i o tagata Pasefika i Karaiesetete, pe a ma se 5200 le aofa’i o tagata Samoa e alala ai.
Fesiligia le 100% tulaga saogalemu o fanau mai ta’ifau fe’ai ma ta’aloa O le faalavelave na lipotia i se alii Peretania, 41 tausaga, na osofa’i e lana lava ta’ifau ma maliu ai, o se tasi molimau i le faitau afe molimau i le mata’utia o nisi ta’ifau o loo fa’afagafao e le tele o aiga. E laga ai se fesili poo le a le tulaga saogalemu o fanau a’oga a Niu Sila mai lenei lamatiaga. E le ‘asa se vaiaso ma se lipoti o se faalavelave e aafia ai ta’ifau fe’ai, o lena lata mai ma sili ona lausilafia na osofa’i ai se tamaitiiti, 7 tausaga, e selau ni su’iga i lona ulu e tau fonofono ai masae. Tusa i numera faamaumau e le itiiti i se 12,000 le aofa’i o faalavelave e aafia ai fanau i ta’ifau fe’ai i tausaga uma. O loo aga’i pea i luga le numera, ua valoia le laasia o le 16,000 i le 2020. Ua fesiligia ai le malosi o le tulafono e puipui ai le fanau, pe ave ese nisi o nei ituaiga mai nofoaga e alala ai le to’atele. E iai ni ituaiga ta’ifau ua iloga le le faatuatuaina i tafatafa o tamaiti, e pei o na
o loo faaalia i luga o le siata. O isi e iai le dogo argentino mai Atenetina, presa canario mai le Atu Kanare, fila brasilei mai Perasili, le tosa mai Iapani, ma isi foi. Sa fautua se sui o le SPCA e lei mamao atu, e faatatau i le taua o le filifiliga o se ta’ifau lelei e faafagafao e se aiga, aemaise
pe a fai o ni aiga e laiti tamaiti. O maile fe’ai toe taaloa o ni faamata’u tuga na i fanau. I le siata o i luga e tula’i mai ai le pit bull ma le Staffordshire bull terrier i le pito i luga o le lisi. O le Staffordshire bull terrier lea e faatatau tonu i ai le lipoti o le faalavelave i Peretania.
03 APERILA 2017 LOMIGA 9
O LA
Faasoa o le Vaiaso:
O nai motuga’afa taule gagana i le taulaga o togalaau O se tasi o su’esu’ega o loo aafia ai le iunivesite a Kenetaperi (UC) i le taimi nei e aga’i tonu lava i le tulaga o le faitau (literacy) a fanau o loo maulalo ausiga i totonu o le taulaga. O le tasi vaega o le su’esu’ega e fia saili ni tali e faalelei ai—pe faapea foi o ni fofo e togafiti ai. E tau le afea Karaiesetete i tala o su’esu’ega i mea taua’oga Pasefika. Pe mafua lea ona o le laitiiti o le numera e faatusatusa ia Aukilani ma Ueligitone. Ae le ese ona faafitauli ma na foi taulaga. A toe tepa teisi i tua o iai le su’esu’ega a Elly i le 1992 na mafua ai ona siligia matua Pasefika i so latou finagalo. Na aumai le tali e fulisia e fa’aaoga gagana muamua a le fanau e a’o’oga ai. Mafua ai ona laga’ia le A’oga Ataeao. O le talitonuga i lea taimi, e mafai ona fai ni suiga pe a faamatuu atu le pule i a’oga ma matua ma faata’ita’i ai nei fuafuaga. Luasefulu nei tausaga talu mai o fesili, na tupu se faiga pa’aga, na aumai i totonu matua? Na fa’aaoga gagana a le fanau? E tofu tatou ma le tali. E le fesiligia e se tasi le agaga lagolago o matua Samoa i a’oga a fanau, auā e iai le uiga tausili ma le agaga sailimalo e faalaugatasia uma ai o tatou tagata, poo fea lava le aai ma le nofoaga. I nisi o su’esu’ega sa fai i Aukilani, e le tele, ua faamaonia ai le o faatasi o ausiga mata’ina a fanau ma le lagolago a matua. O nei a’oga na latou apoina mai matua ma fa’aaoga foi le gagana Samoa faatasi ma le Igilisi e a’oa’o ai le fanau. O na e molimau i le faamaoni o le mau, e o faatasi ausiga ma le faitaulia o matua i fuafuaga a se pulega. A o le to’atele lava, poo se 90 pasene ma ona tupu e le o faitaulia ai i lena faasoaga. O le isi vaega o lena 90 e talitonu e le maua le tali i le a’o ma le fa’aaoga o le gagana Samoa, a ua lava le gagana Peretania. E fesoota’i i le taofi e le maua ai ni galuega. E atili valelea ai (valea i nisi o le le iloa nanu. Ua mua le popole i le galuega e mulimuli mai ae galo le mea taua, o le faavae amata. E taua le gagana i le fale ma le si’osi’omaga e faavae ai se atina’e maloloina o le mafaufau, e faavae ai se a’oga lelei, ae mulimuli mai le galuega. E fesiligia le maua o se galuega lelei pe afai e faaletonu le laa amata ma lapelapea ai isi laa e sosoo ai.
Iai foi nisi aiga Samoa ua Igilisi uma matua ma i latou e alala ai, e ese mai le tele e malosi le Samoa pe paleni le lua. Ae le tuua’iina matua, ona pau o le malamalama ua latou maua, o se malamalama e le sa’o e pei ona finau mai Tanielu i lana su’esu’ega (taga’i i lou tala). Tele ni su’esu’ega, inei ma fafo, ua fai i fanau sa a’o faamalosi a latou gagana muamua ona o le faatonuga a matua. E leai se tasi e tali mai ua maumau o latou taimi. Na’o le faafetai i o latou matua. E iai a tatou matua talavou ua to’a’aga e ave a latou fanau i iunite e fa’aaoga ai le gagana Samoa. O le latou tala, e lē manana’o e misi e a latou fanau le mea sa tatau ona fai e o latou matua mo latou. O le molimau foi lea a ni tina faia’oga i Karaiesetete, to’atele matua e ave a latou fanau i ofaga ma poloa’i i faia’oga e ‘aua le a’oa’oina lana tama i le faaSamoa ae fa’aaoga le faaPeretania. O se tasi lea savali e fia momoli vave, ia manino matua e le sa’o sea taofi. O se tasi lea vaega taua o se toefuata’iga taulemafaufau pe a naunau e taofiofi la tatou gagana. E na’o se 5000 ma ona tupu le faitau aofa’i o Samoa i Karaiesetete, pe a ma se 3,000 le fanau a’oga. O le tele o a’oga e fefiloi, e le maua gofie numera talafeagai e faavae ai ni iunite Samoa e pei o Aukilani. Ai se’i vagana ua fai ni a tatou lava a’oga tuma’oti e aga’i i ai a tatou lava tamaiti. E manatu le faasoa o se lu’i sili lea mo ta’ita’i a Samoa i Niu Sila le tilotilo i le faatutuina o ni a’oga tuma’oti i le tulagalua ma luga a’e. O lena le lavea’i pe afai o loo naunau moni e taofiofi measina. Poo ai lava le vaega e ta’ia le ala, lotu, a’oga, malo, se toa manumanu, e le afaina. E iai la tatou upu, E oso a le i’a o le fau. Ae se’i tatou tālia teisi lupe o pupula, ma matau toto’a le ava lea.
“mafaufauga o le vaiaso” Tu’utu’u le upega i le loloto. Faatonuga a le Alii Faaola i ona soo
ITULAU 3
Tulimanu o Pola
Bubsy, Peters, faaluafesasi ma ta’ifau fe’ai Ua valaau le Atua ia Memea ma nisi o ana auauna, faatotoe pea tatou, ia viia pea lana pule i lo latou soifua tautua ma so tatou malosi. Vili mai Peters poo le a so’u manatu, o lea ua sauni e toe lalaga le mataupu i le sasa o tamaiti. Na ou fautua i ai e sili pe a tuu. Ua iai isi auala fou a matua e sui ai. Fesili mai faaloia poo a. O’u ta’ua lea i ai. Auala muamua, fai le iputi vevela mo fanau i le taeao. Ua iloa i su’esu’ega e ala ona faasaunoa nisi matua ona ua tagi le tama i le fia ‘ai, oso loa le ita ta i le ipufai sasa. Na ‘ata’ata le alii ma faapea mai, “Pei uma lava na lua fai ti ma le Green.” Tupu le alofa i nisi o uso faia’oga o loo omia i le faaluafesasi lea sa ta’ua i le lipoti itulau muamua. O auga nei o le atagalue o loo gaoioi ai nei a’oga. Ua sili le tupe i lo le fai o le mea moni. Afai o loo totogi le mokesi, totogi pili, tausi le aiga le nuu, e au ina ou faia soo se mea e le tulia ai a’u. To’atele fanau a’oga mai fafo e ulufale ma taga tupe (aiga mauoloa) ae leai ni tomai faitau i le Igilisi (literacy), ae manatu pulega o a’oga e mafai e le faia’oga ona fai uma na mea i se taimi faatauvaa. Pe ave i ai se pasi mo le ta’uleleia o le a’oga. Ia, po ua ova le teuteu o lou vaalele . . Poo le va foi, ona o le mana’o ina a tetele i le tupe. O le mataupu lea i ta’ifau e tatau lava ona ave i ai se manatu o a’oga ma matua. Ua manino molimau, e iai ituaiga e le tatau lava ona faatagaina i nofoaga faitele. Faafetai ou te le o vaai atu i le tatou ‘uli Samoa; popoto o tatou tua’a i le filiga o a latou fagafao. Ae faasaunoa i ai tatou i le fetogi i ipu faisasa. Ma le vaivai taugagana e le uma. Fai mai e valilia ai tamaiti. Tafefe ae lagona mai e nai tua’a ua mavae atu. A’oa’o mai le tala faasolo o le lalolagi ua faitau tupulaga o ta’ilua ta’itolu ta’ilasi gagana e talanoa ai tagata. E le’i suia e Alesana le mau gagana o lona emepaea i le na’o le Eleni, faapena Roma. E lei mafai e le Farani ona sui le Igilisi i taimi o pulega faa-Nomani. O Hitila na mafua ai le ma’i lenei o le tautu i le gagana e tasi. Pisia ai lea o Peretania maua ai Amerika, lea ua faigata ona toe ave ese, ua sosolo i ivi ma aano, o le su’esu’ega lea a Pole.
O LA
I TULA U 4
03 APERILA 2017 LOMIGA 9
Laufatu Samoa Maui le saualii ma le tala i le mauaina o le afi
Faamauina e Misi Tana, sa galue faamisionare i Samoa
E tala mai e tagata Samoa faapea o o latou tamā anamua sa le ‘a‘ai mea vela; o mea uma sa ‘aiina a o mata, ma o aso nei e ala ona ‘ai mea vela le atunuu ona o Ti‘iti‘i le atalii o Talaga. O le alii lenei o Talaga sa uo lelei o ia ma le sau’ai o Mafui‘e, o le sa mau i sa le Fe’ē, o le mea lea e tafu ai afi i aso uma, e le mate. E masani ona alu ia Talaga i lona maumaga e faia i le fanua o Mafui‘e. O le faitoto‘a i le maumaga e pupuni e se papatu; a alu Talaga e galue e fai lana upu faapea i le papa, Mavae papa, o a‘u o Talaga, ou te alu atu ou te galue i la‘u faato‘aga. Ona matala ai lea o le papa, a e ulu i totonu Talaga, ona fai ai foi lea o fe’au a le toeaina i lona maumaga. O le isi aso sa mulimuli Tiitii i lona tamā ma lafi mai tua a o ulufale Talaga i le faitoto‘a papa. Na mavae nai aso ona alu ai lea o Tiitii i le mea na vaai o tu ai lona tamā ma fono i le papa, ma fai foi faapea, Mavae papa, o a‘u o Talaga ua ou sau e galue i la‘u faato‘aga. Na faaa‘oa‘o lava e le tama ia le leo o lona tamā. Ona matala foi lea o le papa ae ulu atu Tiitii i le ana. Na te‘i lona tamā ina ua taunuu atu le tama; sa fai atu le toeaina ia Tiitii ia aua le pisa ina ne‘i faalogo mai Mafui‘e ia te ia ona ita lea. Sa iloa atu e Tiitii ia se asuasu i ga’uta ona fesili lea i lona tamā pe o le a le la mea e pusa. Na fai atu le toeaina o le asu o le afi a Mafui‘e. Ona fai mai lea o le tama o Tiitii, “A o, o le a ou alu nei e ati mai sa ta afi.” A e fai mai le toeaina, “Sa‘ua ea la, e te le iloa e ‘ai tagata ia Mafui‘e?” “Ou te le fefe ia Mafui‘e, o le tali lea le tama o Tiitii; ona alu ai lea o ia i lona ala, ma usu lana pese aga‘i i le mea o loo pusa mai ai le afi a Mafui‘e. “Sole, o ai oe? O fea le mea e te sau ai?” o fesili ia Mafui‘e.” “O a’u o Tiitii, o lo‘u tamā o Talaga. Na ou sau e ati atu sa ma afi.” “Ia ua lelei, tago ina ave sa lua afi.” Ona tago ai lea o le tama e sali ni
malala ola ma ave e fai ai foi la la umu ma lona tamā. Ona faamumu ai lea o fafie ma ua afu le umu o le a tao; a e tete‘i lava ia le tama ma lona tamā ua sosofa i lalo le umu e Mafui‘e ma ua salalau solo ia maa na fetui ai le umu. A o le afi foi na matuā pe lipi, na titina e le sau‘ai o Mafui‘e. Ona fai atu lea o si ona tama, “Ua a foi la Tiitii, na ou fai atu e oo ina ita ia le sau‘ai. O le a le mea o le a fai nei?” A o Tiitii e lei faatali lava mo se isi itula, na ita tele o ia; o lea na ia alu ai ia Mafui‘e ma fai i ai, “O le a le mea na e tape ai la ma afi? Se‘i ta‘u mai le ala na e talepe ai la ma umu?” Na faalogo atu ia Mafui‘e i le tautala faalemigao a le tama, faapea foi ma lona leoleoā, ona lilivau ai lea o ia i lona ita. Na oso atu nei i le pu‘e lima o Tiitii, ona la tauivi lea. Sa maua e Tiitii ia le lima taumatau o Mafui‘e ma sa mimilo se‘ia mase‘i ese ma lona suluga i le tau’au. Tauivi, tauivi maua foi lea e Tiitii ia le isi lima o si alii o Mafui‘e ma sauni foi o le a gagau pei o muamua, ae te‘i lava ua faataio mai ia Mafui‘e, “Auoi ta fia ola, se Tiitii. Se tuu mai si o‘u lima lea e tasi, ou te mana‘omia le lima lea e saposapo ai ma taofiofi ai Samoa ina ne‘i le taatia sa‘o. Ia faasao le lima lenei, ona ou avatu ai lea o ni vaa se selau ma oe.” “Ou te musu. E le lava i lena.” “Oi, ia ua lelei a e te fia fai afi, la? Ave le afi ma oe ona e le toe ‘ai mea mata lea i lou olaga atoa.”
“Ua lelei la, ia alu ma lou lima lea e tasi, ae o le a ou alu ma le afi.” “Ia alu ia, e te maua le mana o le afi i ogalaau mamago uma i le vaomatua.” Na amata mai ai iina le tala e faatatau i foafoaga o le ‘a‘ai meavela o le atunuu; e si‘a ia afi i laau ma e faataunuu ai pea ia le mavaega a Mafui‘e. A o tagata talitonugofie ma le ifo itupua e taofi pea i latou o Mafui‘e e nofo i sa-le-Fe’ē, ma o le lalolagi e pei o se ulu tootoo lapo‘a e umi lona ‘au. Na lulu soo e Mafui‘e lea tootoo e ala ai ona tutupu mafui‘e. E masani latou ona a lulu se mafui‘e ona faapea lea, “Faafetai ia Tiitii ua tasi ai le lima o Mafui‘e, ta fefe i se mafui‘e tele pe a na lua lima o le sau‘ai!” E i ai foi se tala a tagata Niue, o e nonofo e tusa e toluselau maila i le itulagi i toga o Samoa, o loo faamatala ai le pogai o le afi i Niue. A e suia i la latou tala ia Tiitii ma Talaga ia Maui le toeaina ma Maui le taule‘ale‘a; e suia ia le faitoto‘a papa i le vao utuutu. Na la fai feagaiga i le afi ae faapea na sola mai ia Maui le taule‘ale‘a ma le motumotu ma susunu ai le vaofali ma e le‘i mafai e Maui le toeaina ona tineia. Na sosolo le afi i itu uma o le nuu. E faasino ia Maui le taule‘ale‘a ia le mafuaga o le aimeavela o Niue. Manatu faaopoopo: E tofu nuu Polenisia ma ni tala i le tagata e to’atasi, lauiloa i le igoa o Maui.
03 APERILA 2017 LOMIGA 9
O LA
ITULAU 5
Sponsored by Evaleon Books
O LOU TALA SAMOA HISTORY APIA 1830
“Ne’i mea ane ua galo”
01—08 APERILA 01 1921 Pasi palemene Niu Sila Tulafono o Samoa 1921 02 1977 Lulu se mafui’e malosi 03 1948 Tauaofia uluai aufono, 12 sui Samoa, 5 Papalagi 1931 Foi Aleni i Niu Sila 1824 Afea Tutuila malaga su’esu’e saienitisi Rusia o Otto von Kotzbue 04 1964 Palota Samoa. Toe filifilia Fiame Mata’afa palemia 05 1982 Lau le iuga Faamasino Sili, St Johns teena ai vaega 16&19 tulafono o faigapalota 1963 Tuua le malo e Tupua Tamasese Meaole
06 1981 Savalia Apia e tagata faigaluega a le malo (PSA) ona o totogi 1937 Aso Fanau o Peter Maivia 1901 Faasalalau atu le uluai lomiga a le uluai nusipepa Siamani i le atunuu 07 1917 Maliu Siaosi Palauni i le aiga, Sini, Ausetalia 1916 Amata aloa’ia pulega o a’oga lalo o Niu Sila, i Malifa— Beaglehole 08 1988 Palota a Samoa. Malo Tofilau ma le HRPP 1973 Maliu JW Davidson, tusitala Samoa mo Samoa & fautua i le tusiga o le faavae; i Papua Niu Kini 1928 Fo’i Richardson, sui tulaga Aleni (Allen)
Aperila i le Tala Faasolo o Niu Sila 01 Aperila 1965. Faavae le Air New Zealand 03 Aperila 1943. Manners Street, Ueligitone. Fai le misa i le va o malini Amerika ma fitafita a Niu Sila. Ta’ua le mafua’aga e faapea o le taufaifai o fitafita Amerika mai setete i saute i fitafita Maori ; 3 itula o le fusu’aga feosofi ai ma tagata lautele
NIUPAC PUBLICATION
NIUPAC 2011
Editors: Levi Tavita ~ ltavita8@gmail.com Muliagatele V. Fetui ~ v.fetui@auckland.ac.nz Saili Aukuso ~ saili.niupac@gmail.com
I le aso 7 o Aperila 1916 na amata aloa’ia ai a’oga i Malifa i lalo o pulega a Niu Sila. Na vave ona alia’e faafitauli o le fe’oma’i ona o le lolofi atu o fanau a le atunuu e saili avanoa. Aemaise nuu o le Vaimauga, ma na e tulata i Apia. Mulimuli ane faavae a’oga a le malo i nuu a o A’oga a Faifeau na faatumuina le ava mai na tausaga e tele. A o le fesili poo a tonu ni ona faamoemoega mo Samoa i ia taimi o le autu lea o ni suesuega taua’oga e pei o lena a Lonise Sera Tanielu, o le faletua o le faifeau toeaina malolo. E foliga mai i faaiuga o nei su’esu’ega sa malosi le lagona ia i latou e a’oa’o fanau i tomai faitau e fesoota’i ai, ae lelei foi ona popoto i agavaa o galuega taulima e aoga i le soifuaga masani. Mai taimi o Siamani e aulia Niu Sila sa laualuga le taofi e maualuga ma tulaga ese le a’oga a le Siamani ma le Peretania i na o filosofia a’oga a tagata o isi lanu. E pei ona talaina e Tanielu i lana suesuega (1995), o le faamoemoe mo a’oga, amata mai lava i a’oga a faifeau e aulia pulega faakolone, ia popoto Samoa e faitau ma tusitusi i la latou gagana ona gata ai lea. Sa le i iai ni isi miti i tala atu. Ua avea lea vaai papa’u ma auala o le faa’ainaelo o Samoa lava ia i ana measina, ina ua manatu e sili lava faiga ma filosofia taua’oga a alii papa’e mai fafo. O le mau a Tanielu, tatou tilotilo i tua i le tala faasolopito o aafiaga, e mafai ai ona manino mafua’aga o mea–o suiga i le tu ma le aga—le mafaufau ma le loto—sa le’i masani ai—ina ua tā’ina i le ‘vaai pitotasi’ a matai papalagi. Ata: E mafai ona ta’u mai e se tasi poo ai le uo o loo i le ata; ae poo fea o iai i la’ua i lenei taimi?
EVALEON BOOKS & NIUPAC PUBLISHING Telefoni (03) 382-6674. Imeli: evaleon.books@gmail.com
Email: evaleon.books@gmail.com Phone: (03) 382-6674 Postal: 39 Basingstoke Street, Aranui, Christchurch 8061 All rights reserved. This bulletin and its content is protected by copyright laws of New Zealand and international conventions. Except for educational purposes, any other activity pertaining to its use is prohibited. OLA understands the rights of other copyright holders whose material we use and acknowledge always—apart from our own.
A’oga ma ona faamoemoega i taimi o papalagi
Tautua e ala i le gaosia o alaga’oa mo a’oga (tusi mo le a’oa’oina o le faitau i le gagana Samoa, tusi e a’oa’o ai gagana, kalena, posters, yearbooks, brochures). E tautua fo’i i le fa’aliliuga o gagana, ma le tapenaina o ni tusi e fia lomia i so’o se sionara o fatuga. Sponsors: New Zealand Lottery Commission
Evaleon Books & Niupac Publishing
O LA
I TUL A U 6
03 APERILA 2017 LOMIGA 9
O NI FAAMATALAGA
TU ESE E UIGA IA AOTEAROA NIU SILA O Ueligitone le laumua aupito maulalo lona tulaga i le kelope lapotopoto.
PASI ATU LA TATOU PULETINI I LE TOU A’OGA, AIGA, LOU TUAOI, AU UO, E AOGĀ MO LE FANAU A’OGA Igoa: Abraham Maslow Aso Fanau: 01 Aperila 1908 Ausiga: Ta’uta’ua i lana Faatulagaga o Mana’o (hierarchy of needs) Fetu: Arisi E leai se faia’oga na te le silafia le suafa o Maslow aua e o faatasi ma lana mataupu i le faatulagaga o mana’o o tagata, o se vaega tau lona atina’e. Mai le taimi e fanau ai se’ia avea ma se tagata matua, o mana’o faaletagata e faasolo a laasaga se’ia aulia mana’o tauleloto ma le agaga, e taualuga i le loto faamalieina ma faatumuina e mafua i le lagona o le ta’uaogaina pe ta’uleleia foi. Ae sa fesaga’i o ia ma ni lu’itau ogaoga, i se tamā na te ta’ufaatauvaa lona atalii, ma se tina e le lata i ai. Faifaia ma faasaunoa i ai isi tamaiti ona o le ese o lana lotu (Iutaia). Na mafua ai ona sulufa’i i le filemu o faletusi e su’esu’e ai. Mulimuli ane ulufale i le iunivesite ma avea ma se alii su’esu’e iloga. O lana tala o se molimau o le mafai ona sui e le tagata lona tulaga; liua le toese e avea ma faaopoopo. O lana mataupu i le laasaga o mana’o o loo a’oa’oina pea e faamatala ai uiga ma amioga faaletagata. Maliu i lona 62.
www.ola888.com
Na’o le 5% o meaola nonofo i Niu Sila o tagata, o le isi 95 pasene o manu ma mea fetolofi, mmf. O Niu Sila le malo e sili i le itiiti o ni faiga fa’aalatua e maua ai (corruption). O le vai aupito manino i le lalolagi e maua i le Paka o Tuloto i Nelesoni, o lona igoa o le Tuloto Moana (Blue Lake). E maua i Niu Sila le iniseti aupito lapo’a. O lona igoa o le weta (upu Maori). Pei se mogamoga tele. E maua i Niu Sila le auala aupito malifa. i Tanetini le magaala e ta’u o Baldwin Street. E tai tutusa le lapopo’a o Nu Sila ma Peretania Tele, ae na’o le 4 miliona tagata i Niu Sila, faatusatusa i le 63 miliona i le isi atunuu. E to’atele atu tagata e nonofo i Aukilani i lo le motu i saute atoa. O Niu Sila le atunuu mulimuli i le lalolagi na nofoia e tagata. O le moa aupito tele i le lalolagi na maua i Niu Sila; 12 futu le maualuga, 230 kk le mamafa. O le Polenisia e igoa ia Kupe na ulua’i mauaina Niu Sila. I le 2006 na avea ai Niu Sila ma malo muamua e ta’ita’ia e ni fafine— tupu tama’ita’i, palemia, kovana sili, faamasino sili, fofoga o le fono.
ATI A’E UPU
ta’uaogaina. Vasega— veape, nauna. Uiga: faaleo atu pe manatu i le taua poo le aoga o se tagata poo se mea foi; manatu e aoga. Soa Peretania: be of value, value. Upu agai: ta’umaulaloina. E ta’uaogaina tele le fafine i soo se aiga. The woman is greatly valued at every home.
O Niu Sila e o mai ai Sir Hillary, Sir Jackson, Baron Rutherford, Harold Gillies ma le kiwi. mai le upega BuzzFeed.