As cores da sabana

s core s s ba n a

Laura López Chas

Naceu unha pequena xirafa na sabana africana. Chamábase

Catarina, e a súa familia e amigos queríana moitísimo.

Cata era moi parecida a calquera da súa especie, pero había algo que a diferenciaba do resto: era cega.

A súa nai, o seu pai e os seus irmáns axudábanlle a coñecer o lugar que a rodeaba para que puidese xogar, comer e relacionarse con normalidade.

Pero Cata era unha xirafa moi curiosa e non lle chegaba con coñecer o que tiña arredor, senón que quería saber o seu aspecto. Ela facía preguntas constantemente, aínda que non sempre se conformaba coas respostas que recibía.

—Mamá, de que cor é o noso pelame?

—É amarelo cunhas manchiñas máis escuras.

—E como é o amarelo? —...

—Señor Mono, de que cor son eses froitos tan ruidosos que come?

—Son vermellos.

—E como é o vermello?

—O vermello? Pois é vermello.