Cymorth a gwybodaeth ymarferol pan fydd rhywun agos atoch chi yn marw
Llyfryn Profedigaeth Tywysoges Cymru
Dyddiad cyhoeddi: Tachwedd 2024 Dyddiad adolygu: Tachwedd 2026
CYFLWYNIAD
Hoffai Bwrdd Iechyd Prifysgol Cwm Taf Morgannwg estyn ein cydymdeimlad dyfnaf â chi ar yr adeg hon. Gall delio â galar fod yn hynod o anodd, ac rydym yn gwybod nad yw’n hawdd dechrau meddwl am y trefniadau ymarferol y mae angen eu gwneud bellach.
Cafodd y llyfryn hwn ei ysgrifennu i roi'r wybodaeth hanfodol sydd ei hangen arnoch chi ar yr adeg anodd hon. Rydym yn gobeithio y bydd o ddefnydd i chi, a byddwn yn gwerthfawrogi unrhyw adborth os ydych yn credu y gallem wella ar y llyfryn.
PAN
FYDD RHYWUN AGOS ATOCH YN MARW
Waeth beth fo'r rheswm pam mae rhywun wedi marw, gall dod i delerau â beth sydd wedi digwydd fod yn anodd dros ben.
Efallai y byddwch chi'n teimlo cymysgedd o emosiynau gan fod pobl i gyd yn galaru'n wahanol. Efallai y bydd yn helpu i rannu sut rydych chi'n teimlo gyda ffrindiau a pherthnasau a allai hefyd fod yn profi'r un teimladau o golled a deimlo’n wag.
Gall fod angen cymorth ychwanegol ar rai pobl gan wasanaethau cymorth, ac mae gwybodaeth am y gwasanaethau hyn yn y llyfryn hwn o dudalen 7. Gall hyn fod yn arbennig o bwysig os yw’r person sydd wedi colli rhywun yn alarus iawn, neu os oes problem iechyd meddwl neu anabledd dysgu gyda fe neu hi.
Pan fydd rhywun agos atoch chi yn marw, mae prosesau cyfreithiol y mae'n rhaid eu dilyn a nod y llyfryn hwn yw eich arwain drwyddynt nhw, mor sensitif a pharchus â phosibl.
AMGYLCHIADAU ANNISGWYL
Efallai y bydd adegau pan fydd angen newid y wybodaeth yn y llyfryn hwn ar fyr rybudd oherwydd gwybodaeth a ddarperir gan y llywodraeth. Os felly, bydd y newidiadau yn cael eu cyfathrebu'n dda i chi gan ein swyddogion profedigaeth, gan gynnwys manylion am sut y bydd yn effeithio arnoch chi a'ch anwylyd.
BLE MAE FY ANWYLYD?
Os bu farw eich anwylyd yn yr Ysbyty, mae bellach yn gorffwys yn un o'n Corffdai. Gallwn eich sicrhau y bydd ein tîm yn gofalu amdanyn nhw tra bydd eich anwylyd gyda ni. Mae ein Corffdai yn cael eu rheoleiddio gan yr Awdurdod Meinweoedd Dynol (HTA) a’u hachredu gan Wasanaeth Achredu’r Deyrnas Unedig (UKAS) i sicrhau ein bod yn darparu’r safonau gofal uchaf.
Efallai y bydd amgylchiadau pan fydd yn rhaid i ni drosglwyddo eich anwylyd o fewn ein Bwrdd Iechyd. Os bydd angen i ni wneud hyn byddwn yn gwneud hynny gydag urddas a pharch.
Y lle gorau i weld eich anwylyd yw yng ngofal Trefnwyr Angladdau o'ch dewis, unwaith y bydd y Dystysgrif Marwolaeth wedi'i chwblhau. Y Trefnydd Angladdau a ddewiswch sydd orau i baratoi eich anwylyd i chi eu gweld. Dim ond mewn amgylchiadau eithriadol y mae modd gweld eich anwylyd o fewn y Bwrdd Iechyd.
BETH YW’R CAMAU NESAF?
Yn gyntaf, bydd angen i chi gysylltu â'r swyddog profedigaeth yn yr ysbyty perthnasol:
Ysbyty Brenhinol Morgannwg
Ysbyty'r Tywysog Siarl
Ysbyty Tywysoges Cymru
Ysbyty Cwm Rhondda
Ysbyty Cwm Cynon
Ffôn: 01443 443249
Ffôn: 01685 728625
Ffôn: 01656 754088
Ffôn: 01443 430022 - (est. 72644)
Ffôn: 01443 715217
Mae'r Swyddogion Profedigaeth ar gael 9:00am-4.00pm o ddydd Llun i ddydd Gwener, ond fyddan nhw ddim ar gael ar benwythnosau nac ar Wyliau Banc. Yn yr Ysbytai Cymunedol, yr amseroedd agor yw 9:00am tan 12.30pm. Gallwch adael neges lais y tu allan i'r oriau hyn.
Bydd y swyddogion yn egluro beth sy'n digwydd nesaf o ran y Dystysgrif Feddygol o Achos y Farwolaeth, enw arall ar hyn yw Tystysgrif Marwolaeth neu Dystysgrif Feddygol.
Bydd y tîm yn gofyn rhai cwestiynau adnabod i chi er mwyn canfod pwy yw'r claf, yn ogystal â'ch enw, manylion cyswllt a'ch perthynas â'r person ymadawedig.
Byddan nhw’n sefydlu ai chi yw'r person a fydd yn gyfrifol am Gofrestru Marwolaeth ac yn gofyn am enw'r trefnydd angladdau yr hoffech ei ddefnyddio, os ydych wedi penderfynu.
Mae pob marwolaeth yn cael eu cyfeirio at y Gwasanaeth Archwilio Meddygol neu Swyddfa'r Crwner yn dibynnu ar yr amgylchiadau.
Mae caplaniaid ysbytai ar gael ar gyfer pob agwedd ar ofal ysbrydol a chyfannol yn ein bwrdd iechyd ar gyfer gwahanol enwadau ffydd.
Gallwch chi gysylltu â nhw drwy switsfwrdd ysbyty neu gallwch anfon neges e-bost at ctm.bereavementsupport@wales.nhs.uk
Mae rhagor o gymorth ar gael gan y canlynol hefyd:
Y Ffydd Iddewig: Synagog Unedig Caerdydd, Ffôn: 02920 473728
Y Ffydd Islamaidd: Cyngor Mwslimiaid Cymru, Ffôn 02920 224466/02920 344555
GWASANAETH ARCHWILWYR MEDDYGOL
Yn unol â deddfwriaeth statudol, bydd pob marwolaeth yn cael ei chyfeirio at y Gwasanaeth Archwilwyr Meddygol i'w harchwilio.
Mae'r Archwiliwr Meddygol yn uwch feddyg nad yw'n ymwneud â gofal y claf, sy'n darparu archwiliad annibynnol ar bob marwolaeth. Mae'r gwasanaeth hwn yn caniatáu i achos y farwolaeth gael ei nodi, a bod amgylchiadau'r farwolaeth yn cael eu hasesu'n fwy gwrthrychol.
Mae’r Archwiliwr Meddygol yn cael ei gefnogi gan dîm o swyddogion archwilio meddygol, a fydd yn cysylltu â chi yn y dyddiau ar ôl marwolaeth eich perthynas/ffrind. Bydd yn trafod yr achos marwolaeth a awgrymir gyda chi a gall ateb unrhyw gwestiynau sydd gyda chi.
CAPLANIAETH
Mewn rhai amgylchiadau, lle mae marwolaethau yn bodloni meini prawf cyfreithiol penodol, cânt eu cyfeirio at Swyddfa'r Crwner. Mae'r Crwner yn swyddog annibynnol sydd â'r cyfrifoldeb statudol dros ymchwilio cyfreithiol i gategorïau penodol o farwolaethau.
Mae gan y crwner gefndir naill ai fel meddyg neu gyfreithiwr, ac yn cael ei gefnogi gan dîm o Swyddogion y Crwner, sy'n ymchwilio i unrhyw farwolaethau sy'n cael eu cyfeirio at y crwner. Os bydd hyn yn digwydd, bydd Swyddog y Crwner yn cael ei neilltuo i chi a fydd yn eich cefnogi a'ch arwain drwy'r broses, gan gynnwys os oes angen Post Mortem. Os bu farw eich perthynas/ffrind yn yr ysbyty, bydd y Tîm Profedigaeth yn gallu rhoi gwybod i chi os oes atgyfeiriad wedi’i wneud.
Pryd bynnag yr hysbysir y Crwner am farwolaeth, rhaid cwblhau eu hymholiadau cyn y gellir cofrestru'r farwolaeth.
Bydd gwaith papur wedyn yn cael ei gyhoeddi i ganiatáu i'r angladd fynd yn ei flaen. Os oes angen unrhyw gymorth pellach arnoch ar unrhyw adeg, gweler yr asiantaethau cymorth sy’n cael eu nodi yng nghefn y llyfryn.
COFRESTRU MARWOLAETH
Pan fydd y Tystysgrif Feddygol Achos Marwolaeth wedi'i gwblhau, caiff ei anfon yn electronig i'r Swyddfa Gofrestru
Genedigaethau, Marwolaethau a Phriodasau a bydd y Cofrestrydd yn cysylltu â chi i wneud apwyntiad i gofrestru marwolaeth eich perthynas/ffrind.
Bydd y cofrestrydd yn gofyn i chi am:
• dyddiad a lleoliad y farwolaeth
• enw llawn a chyfenw'r person sydd wedi marw (a'r cyfenw cyn priodi os oedd yr ymadawedig yn fenyw briod/partner sifil)
• y dyddiad a'r man geni
• galwedigaeth y person ymadawedig ac, os oedd y person a fu farw yn briod neu mewn partneriaeth sifil, enw llawn a galwedigaeth ei briod neu bartner sifil
• eu cyfeiriad arferol
• dyddiad geni priod neu bartner sifil sy'n fyw
• Manylion unrhyw bensiwn y sector cyhoeddus e.e. y gwasanaeth sifil, athro neu'r lluoedd arfog.
Os oes gennych chi rai, byddai'n ddefnyddiol mynd â
Thystysgrif Geni, Priodas neu Bartneriaeth Sifil eich perthynas/ ffrind gyda chi.
Efallai y bydd angen i chi hefyd fynd â'ch dogfennau adnabod eich hun gyda chi, fel:
• Pasbort/Trwydded Yrru/Tystysgrif Geni
• Prawf Cyfeiriad (fel bil cyfleustodau neu gyfriflen banc)
Bydd y cofrestryddion yn mynd â chi drwy'r broses gofrestru. Pan fydd y cofrestriad wedi'i gwblhau byddwch yn cael
Tystysgrif Achos Marwolaeth (a elwir hefyd yn Dystysgrif Marwolaeth). Gallwch ofyn am gopïau am ffi. Efallai y bydd
angen y rhain at ddibenion cyfrifon banc, yswiriant a dibenion ariannol neu gyfreithiol eraill, felly yn aml mae'n werth prynu rhai copïau.
Bydd y cofrestrydd hefyd yn cyhoeddi Ffurflen Werdd. Enw swyddogol y ffurflen hon yw'r Dystysgrif Claddedigaeth neu Amlosgiad. Bydd y cofrestrydd yn anfon y ffurflen hon yn electronig at eich trefnydd angladdau.
GWASANAETH DYWEDWCH WRTHYM UNWAITH
Mae Dywedwch Wrthym Unwaith yn wasanaeth sy'n cael ei redeg gan yr Adran Gwaith a Phensiynau (DWP) ac mae'n wasanaeth sy'n eich galluogi i adrodd am farwolaeth i'r rhan fwyaf o sefydliadau'r llywodraeth ar yr un pryd.
Mae hyn yn cynnwys y DVLA, y Swyddfa Basbort, holl wasanaethau'r Awdurdod Lleol, holl wasanaethau'r Adran Gwaith a Phensiynau, megis Pensiynau'r Wladwriaeth neu Gymhorthdal Incwm, ac unrhyw wasanaethau Cyllid a Thollau Ei Fawrhydi (HMRC). Bydd angen rhoi gwybod i fanciau ar wahân a bydd angen copi o'r dystysgrif marwolaeth.
Ar adeg cofrestru, gall y cofrestrydd roi cyfeirnod unigryw i chi a fydd yn cael ei ddefnyddio i hysbysu gwahanol adrannau'r llywodraeth ac awdurdodau lleol am y farwolaeth. Bydd y cofrestrydd yn rhoi mwy o wybodaeth i chi yn ystod eich apwyntiad.
Gallwch naill ai ffonio'r gwasanaeth Dywedwch Wrthym Unwaith neu lenwi ffurflen ar-lein, ond rhaid gwneud hyn o fewn 28 diwrnod o gael eich cyfeirnod unigryw gan y cofrestrydd. I ddefnyddio'r gwasanaeth hwn, bydd angen i chi gael:
• rhif yswiriant gwladol y person ymadawedig
Y
• manylion unrhyw fudd-daliadau neu wasanaethau y gallen nhw fod wedi bod yn eu derbyn
• eu trwydded yrru
• eu pasbort
I gael rhagor o wybodaeth, gallwch ddefnyddio’r gwasanaeth
Dywedwch Wrthym Unwaith drwy www.gov.uk neu ar 0800 085 7308.
ARIANNU ANGLADD
Yn anffodus, nid yw cost angladd yn rhywbeth y mae pawb yn paratoi ar ei gyfer, a gall fod yn eithaf gofidus i'r person sy'n ceisio ei drefnu. Unwaith y bydd banc yn cael gwybod am farwolaeth rhywun, yr unig beth y gellir ei dalu allan o'u cyfrif yw cost angladd.
Gallwch ofyn am angladd sylfaenol gan eich trefnydd angladdau lleol, gan gynnwys opsiwn amlosgi uniongyrchol a allai helpu i gadw costau mor isel â phosibl. Mae'r holl opsiynau hyn yn dal i gael eu cynnal gyda'r urddas a'r parch mwyaf i'r ymadawedig, ond ni fyddai gwasanaethau ychwanegol fel ceir angladd, blodau ac ati yn cael eu cynnwys.
Rydym yn gwerthfawrogi efallai na fyddwch yn ymwybodol o gyllid yr unigolyn ac efallai nad ydych erioed wedi trafod arian gyda nhw o'r blaen. Mae’n bwysig i nodi a ellir talu costau angladd cyn gynted â phosibl. Rhowch wybod i’r Swyddog Profedigaeth os oes unrhyw amheuaeth gyda chi. Mewn rhai amgylchiadau, mae grant a all helpu gyda chost angladd.
Gellir dod o hyd i ragor o wybodaeth yma: www.gov.uk/funeral-payments
YMDOPI Â GALAR A CHOLLED
Byddwn ni i gyd yn profi galar yn ein ffordd ein hun. Fodd bynnag, mae rhai teimladau a ffyrdd o ymateb sy’n eithaf cyffredin:
• Teimlo'n ddideimlad
• Teimlo'n ddagreuol iawn un funud yna methu crio y munud nesaf
• Dicter tuag at y sefyllfa neu tuag at eraill
• Pryder i adael y tŷ neu i weld pobl rydych chi'n eu hadnabod
• Teimlo'n euog a cheisio beio'ch hun y gallech fod wedi atal eu marwolaeth rywsut
• Heriau tuag at eich ffydd a/neu gredoau
• Unigrwydd, iselder neu deimladau o fethu ymdopi
• Teimlo’n unig - Sut y gallan nhw feiddio gadael, beth fyddwch chi'n ei wneud nawr?
• Bron dim awydd i wneud unrhyw beth, a gall cymryd gofal sylfaenol o’ch hun fod yn heriol hyd yn oed
• Meddwl y gallwch eu clywed neu anghofio eu bod wedi mynd, yna sylweddoli'r gwir yn sydyn
Mae galaru yn broses raddol a all gymryd amser hir; mae’n bwysig eich bod yn rhoi amser i chi eich hun i brosesu beth sydd wedi digwydd ac i ofalu amdanoch chi eich hun ar yr adeg hon.
Gall galar ddod mewn tonnau weithiau; gallwch chi deimlo’n iawn un funud cyn teimlo’n isel iawn y funud nesaf, neu gallwch chi gael diwrnodau da a diwrnodau drwg. Weithiau, os oedd perthynas heriol gyda chi â’r person sydd wedi marw, gall fod yn fwy anodd i chi yn hytrach nag yn llai anoddefallai byddwch chi’n galaru am y berthynas roeddech chi’n ei dymuno ynghyd â galaru am y person sydd wedi marw.
Os ydych chi’n teimlo bod angen cymorth pellach arnoch gyda'ch iechyd meddwl, dylech estyn allan at eich meddyg teulu a fydd yn gallu gwrando ar eich teimladau ac asesu eich anghenion yn briodol.
BLE I DDOD O HYD I GYMORTH
Efallai y bydd y sefydliadau canlynol o gysur i chi dros y dyddiau, wythnosau a misoedd nesaf. Gofalwch amdanoch eich hun ac estyn allan at y gweithwyr proffesiynol a restrir os ydych yn teimlo eich bod chi’n cael trafferth ymdopi â'ch galar a'ch colled.
Yn olaf, ar ran Bwrdd Iechyd Prifysgol Cwm Taf Morgannwg, rydym yn estyn ein cydymdeimlad dwysaf i chi ar farwolaeth eich anwylyd ac yn gobeithio y bydd y canllaw hwn yn ddefnyddiol i chi.
Os oes unrhyw gwestiynau gyda chi am unrhyw un o'r prosesau wedi'u hesbonio neu os hoffech roi unrhyw sylwadau neu adborth i ni ar ein llyfrynnau neu wasanaethau, mae croeso i chi e-bostio ctm.bereavementsupport@wales.nhs.uk.
Age UK Cymru
Sefydliad cenedlaethol sy'n helpu gyda theimladau o unigrwydd a galar mewn pobl hŷn
Ffôn: 0800 169 2081
Asian Family Counselling Service www.asianfamilycounselling.org/
At a loss
Darparu cymorth a chefnogaeth leol a chenedlaethol www.ataloss.org/
Cymdeithas Cwnsela a Seicotherapi Prydain
Cyngor ar ddewis therapydd drwy restr o sefydliadau achrededig
Ffôn: 01455 883300
E-bost: bacp@bacp.co.uk
www.bacp.co.uk/
Bereavement Support Network
Ffôn: 0808 168 9607
www.bereavementsupport.co.uk
Brake
Mae'n cynnig cefnogaeth i bobl sydd mewn profedigaeth ac a anafwyd yn ddifrifol gan ddamweiniau traffig ar y ffyrdd.
Llinell gymorth i ddioddefwyr: 0808 800 0401
Child Bereavement UK
Llinell cymorth a gwybodaeth.
Ffôn: 0800 028 8840
Compassionate Friends
Rhieni mewn profedigaeth yn cynnig cymorth i eraill ar ôl colli plentyn o unrhyw oedran.
Ffôn: 0345 123 2304
E-bost: helpline@tcf.org.uk www.tcf.org.uk
Cymru Garedig
Helpu pobl i gael gafael ar wybodaeth, gofal a chymorth a'u cynnig mewn ffordd dosturiol yn eu cymunedau.
E-bost: contact@compassionate.cymru
Swyddfa’r Crwner
Cefnogaeth a gwybodaeth yn dilyn marwolaeth sydyn/annisgwyl
Ffôn: 01443 281101
E-bost: coroneradmin@rctcbc.gov.uk
Cruse Bereavement Care
Cynnig cefnogaeth, cyngor i oedolion, plant a phobl ifanc pan fydd rhywun yn marw.
Ffôn: 0808 8081677 (Llinell Gymorth Genedlaethol)
Gwefan: www.cruse.org.uk
E-bost: helpline@cruse.org.uk
Ffôn Merthyr Tydfil and Rhondda Cynon Taf: 01685 876020
E-bost: merthyr.rct@cruse.org.uk
Ffôn Pen-y-bont ar Ogwr: 01792 462845
E-bost: morgannwg@cruse.org.uk
DPJ Foundation
Mae'n darparu cymorth profedigaeth mewn amaethyddiaeth, gan gynnwys cefnogaeth i'r rhai sydd mewn profedigaeth yn sydyn a thrwy hunanladdiad.
Ffôn: 0800 587 4262
Tecstiwch 07860 048799
Hope Again (Cruse)
Cefnogi pobl ifanc sydd wedi colli rhywun yn ddiweddar.
Ffôn: 0808 808 1677
E-bost: hopeagain@cruse.org.uk
Llamau
Ei nod yw darparu ymateb amlhaenog i anghenion sy'n gysylltiedig â phrofedigaeth a cholled yn yr ystyr ehangach.
Ffôn: 029 2023 9585
E-bost: enquiries@llamau.org.uk
Llinell gymorth LHDTC+
Cefnogaeth i unrhyw un sydd wedi colli rhywun agos.
Llinell Gymorth LHDT+ Switchboard: 0800 0119 100
E-bost: hello@switchboard.lgbt
Macmillan
I gael cyngor cyfrinachol am ddim gan eu harbenigwyr canser,
gallwch:
Ffonio Llinell Gymorth Macmillan ar 0808 808 00 00
Ar agor 7 diwrnod yr wythnos, 8am i 8pm. (Gall amseroedd agor amrywio ar gyfer gwahanol dimau arbenigol).
Cymorth Profedigaeth Marie Curie
Mae'n cynnig cymorth emosiynol yn ogystal â delio â'r ochr ymarferol o golli rhywun agos atoch chi.
Ffôn: 0800 090 2309
Mind Cymru
Mae'n darparu cyngor a chefnogaeth i rymuso unrhyw un sy'n profi problem iechyd meddwl.
Ffôn: 0300 123 3393
E-bost: info@mind.org.uk
Morgan’s Wings
Darparu cefnogaeth i deuluoedd yn dilyn camesgoriad.
Ffôn: 02921 326936
E-bost: info@morgans-wings.co.uk
Platfform Wellbeing (Prosiect Cwnsela Breathe)
Mae'n darparu cwnsela arbenigol a chymorth profedigaeth camarweiniol i bobl sydd wedi profi profedigaeth drawmatig a/neu alar cymhleth, trwy hunanladdiad neu o ganlyniad i Covid a heriau ychwanegol y pandemig.
Ffôn: 02920 440191
Tecstiwch: 07788 314975
Y Samariaid
Gellir cysylltu â'r Samariaid ar unrhyw adeg, ddydd neu nos, a bydd rhywun ar gael i wrando a darparu cefnogaeth emosiynol gyfrinachol ac anfeirniadol.
Ffôn: 116 123 (Saesneg) neu 0808 164 0123 (Cymraeg)
SANDS
Mae SANDS yn darparu cefnogaeth i rieni sydd mewn profedigaeth a'u teuluoedd pan fydd eu babi yn marw adeg ei eni neu’n fuan ar ôl ei eni.
Ffôn: 0808 164 3332
SOBS
Os ydych chi wedi cael profedigaeth neu eich effeithio gan hunanladdiad ac yr hoffech siarad ag un o'u gwirfoddolwyr am eich profiad, gallwch gysylltu â ni.
E-bost: email.support@uksobs.org
Welsh Widows
Grŵp o bobl sydd wedi colli eu hanwyliaid trwy amrywiaeth o amgylchiadau gwahanol, gan gynnig clust i wrando ar wefan neu yn bersonol, mewn amgylchedd diogel.
Ffôn: 07749542858
E-bost: friends@welshwidows.co.uk
Widowed and Young (WAY)
Sefydliad sy'n cynnig rhwydwaith cymorth gan gymheiriaid i gymheiriaid i unrhyw un sydd wedi colli partner cyn eu pen-blwydd yn 51 oed – priod ai peidio, gyda neu heb blant, gan gynnwys cyfeiriadedd rhywiol, rhyw, hil a chrefydd.
Ffôn: 0300 201 0051 o fewn oriau swyddfa.
Dydd Llun - Gwener - 9.30am - 5:00pm
Dydd Sadwrn - Dydd Sul - Ar gau www.widowedandyoung.org.uk
Winston's Wish
Darparu cymorth profedigaeth emosiynol ac ymarferol i blant, pobl ifanc (hyd at 25) a'r rhai sy'n gofalu amdanyn nhw.
Llinell Gymorth Rhadffôn ar 08088 020 021. Rydym ar agor rhwng 8am ac 8pm, o ddydd Llun i ddydd Gwener. www.winstonswish.org
2wish
Cefnogi marwolaethau sydyn mewn plant ac oedolion ifanc.
Ffôn: 01443 853125
E-bost: info@2wish.org.uk
The Hospital would like to thank RNS Publications for publishing this information and the following pages contain some features from services o ering their help at this time.
Whilst the Hospital is grateful of their support it does not endorse or recommend any of the services that they provide.
�\\ bereavement ,�port network
stopping mail
STOPPING JUNK MAIL
It is distressing to deal with a bereavement and unsolicited mail can be insensitive and destructive during a grieving process.
By scanning the below QR code on your phone or visiting www.stopmail.co.uk, we are able to securely share this information with mailing organisations and under the Data Protection Act the information will not be used for any other purpose.
Other benefits reduce the possibility of identity fraud, such as assumed identity and you will only have to supply the information once.
Established in 2009, Riverside Funeral Services was the first independent female funeral director in the Bridgend borough
The business has grown to be one of the most respected and dignified funeral directors proudly serving your community
Michelle has come from an extensive medical background with over 20 years service as a midwife At Riverside we pride our services on professionalism, traditional values and quality, mixed with modern principles of choice, compassion and imagination
If you have any questions, or would like to talk about funeral arrang ements including pre-planned funerals, please do not hesitate to contact us.
