Ames in Terra Amaeae by ceip amaia

Ames

in terra Amaeae

Ames in terra Amaeae

Ames, in terra Amaeae Edita

Concello de Ames Colabora

Deputación da Coruña Fotografías

Adolfo Enríquez JJ Fotografía Concello de Ames Fotografía portada

Río Sar e muíño de Lapido Textos

Concello de Ames Maquetación e deseño

Nós Comunicación Imprime

CONCOLOR Depósito legal C 2880-2011 Impreso en Galicia

mes, in terra Amaeae é o resultado dun laborioso proceso de creación, selección, distribución e combinación de imaxes do territorio que nos acolle. Neste caso a palabra territorio non se refire só ao espazo físico, senón ao social, ao económico, ao cultural, asemade, e sobre todo, ao emocional e afectivo. Esta obra ofrécenos un mapa visual da nosa contorna poñendo o enfoque na súa beleza e intentando tirar unha ollada distinta, plástica e repousada dalgunhas das paisaxes e elementos naturais máis fermosos, así como dos exemplos da arquitectura relixiosa, popular e civil máis emblemáticos da nosa historia e patrimonio. En conxunto estas 105 fotografías conforman un retrato poliédrico, un mosaico no que caben e se concilian o Ames máis recente con aqueloutro tradicional e histórico; o Ames máis coñecido e facilmente recoñecible con esoutro descoñecido e agochado; o Ames urbano pero tamén o natural e rural; en definitiva, o Ames actual. Ames, in terra Amaeae quere ser unha tarxeta de presentación para aquelas persoas que non nos coñecen, un convite e guía para quen nos visita, pero tamén un motivo de orgullo para todos e todas nós, os e as que configuramos a sociedade amiense. Unha sociedade formada polos fillos e fillas das xeracións que nos precederon xunto coas persoas chegadas dende outros lugares, xa sexan próximos ou afastados, unha colectividade diversa e plural, un conxunto de homes e mulleres que recibimos este rico legado xunto coa obriga e coa responsabilidade de coñecelo, de amalo e de conservalo para transmitírllelo ás xeracións vindeiras. Santiago Amor Barreiro Alcalde de Ames

selección de 105 imaxes que compoñen o traballo “Ames, in terra Amaeae” son a mellor mostra das moitas posibilidades que ofrece o concello de Ames e o seu contorno. Un lugar onde as súas xentes e todos os visitantes poden mesturar a cultura, a economía e a natureza dunha maneira única e inigualable. O catálogo ofrece a posibilidade, sen moverse da casa, de percorrer todos e cada un das súas paisaxes, lugares e elementos máis singulares, así como a súa riqueza arquitectónica relixiosa, popular e civil. Unha carta de presentación inmellorable para a promoción dun municipio, onde a súa xente e as súas tradicións forman tamén un valor seguro para a promoción dun concello que vén demostrando dende hai tempo a súa ansia por seguir medrando en todos os aspectos.

Un obxectivo no que a Deputación da Coruña ten a obriga de aportar o seu “granito de arena” colaborando na edición dun mosaico de fotos que son o fiel reflexo das moitas posibilidades que ofrece o concello de Ames. Estou seguro de que este tipo de iniciativas axudarán a poñer en valor, aínda máis, a riqueza dun lugar no que resulta sinxelo que as persoas que o chegan a coñecer queden definitivamente namoradas dos seus encantos. Diego Calvo Pouso Presidente da Deputación da Coruña