Programación Xeral Anual 2018-19

PROGRAMACIÓN XERAL ANUAL 2018-2019

ÍNDICE 1. Introdución 2. Obxectivos específicos do centro 3. Horario xeral do centro 3.1. Xornada escolar 3.2. Horario de secretaría de atención ao público 4. Organización do centro 4.1.Estrutura orgánica do centro 4.1.1. Órganos unipersoais 4.1.2. Órganos colexiados 4.2. Estatística de comezo de curso 4.2.1. Alumnado 4.2.2. Alumnado con necesidades educativas especiais e estranxeiro 4.2.3. Profesorado 4.2.4. Membros do Consello Escolar 4.3. Organización das tarefas do persoal non docente 5. Programación das actividades complementarias e extraescolares 6. Plan de actividades propostas pola ANPA 7. Equipamento 7.1. Espazos e servizos 7.2. Mobiliario 8. Estado das instalacións 9. Utilización das instalacións do centro 10. Orzamento 11. Plan xeral de autoavaliación do centro 12. Plan de autoprotección do centro 13. Plan de orientación 14. Plan de acción titorial 15. Plan de acollida 16. Plan lector 17. Fomento do uso do galego

1. INTRODUCIÓN Comezou este curso con todo o profesorado solicitado, de modo que puidemos recuperar os dous grupos de alumnado que tivemos que reducir o curso anterior pola diminución dos docentes. Así, neste curso volvemos a ter 21 grupos e o alumnado con necesidades específicas de apoio educativo estará mellor atendido porque temos dúas profesoras de P.T. De todos os xeitos, a ratio nos grupos da ESO está no límite permitido.

Este curso continúa o seu traballo o mesmo equipo directivo, nomeado para un período de dous anos, situación derivada da falta de candidaturas á dirección do centro.

2. OBXECTIVOS ESPECÍFICOS DO CENTRO Os obxectivos básicos do centro están recollidos no seu PEC, destacando que a comunidade educativa entende que a finalidade primordial da educación debe estar orientada a lograr o desenvolvemento da personalidade do alumnado. Para isto será necesario, ademais do traballo no ámbito cognitivo, potenciar o respecto aos dereitos e liberdades básicas recoñecidas pola Constitución -tolerancia e liberdade en democraciae a adquisición, por parte do alumnado, dos hábitos intelectuais e técnicas de traballo que os capaciten para o desempeño da súa futura actividade profesional.

Todas as actividades que se desenvolvan estarán baseadas nas liberdades e nos principios democráticos. Serán principios fundamentais a tolerancia e o mutuo respecto entre todos os integrantes desta Comunidade Escolar. Non terán cabida, polo tanto, actitudes sexistas, xenófobas nin racistas.

Como obxectivos específicos para este curso destacamos os seguintes: * Continuar co traballo nas aulas, en todas as materias, do fomento da oralidade, de modo que todo o alumnado faga prácticas expoñendo verbalmente na aula o contido de traballos ou de aspectos variados relacionados coa temática da clase.

Nesta liña, fomentaranse os debates nas clases, a hora de lectura comentada así como as exposicións orais dos clubes de lectura. * Continuar coa aula de convivencia inclusiva con profesorado de garda específica para desempeñar esa función. Revisión e actualización do protocolo para o seu uso e de materiais para a atención do alumnado a atender nesa dependencia. * Continuar co proxecto de rotulación das portas das aulas a partir dun traballo conxunto do profesorado e do alumnado vinculado á Biblioteca e ao Fomento do emprego do galego.

3. HORARIO XERAL DO CENTRO Non hai variacións no horario xeral do centro respecto a anos anteriores, permanecendo aberto ao público de luns a xoves de 8:15 a 14:15 pola mañá e de 16:15 a 18:30 pola tarde e os venres de 8:15 a 14:15. De forma excepcional, nos días nos que se celebren reunións (sesións de avaliación, Claustro, Consello Escolar, Comisión de Coordinación Pedagóxica...) poderá permanecer aberto ata a finalización das devanditas reunións.

3.1. XORNADA ESCOLAR A xornada escolar consta de 32 períodos lectivos distribuídos en seis sesións de maña de luns a venres de 8:30 a 14:00 e dúas o martes de 16:30 a 18:10.

3.2. HORARIO DE SECRETARÍA DE ATENCIÓN AO PÚBLICO A oficina de secretaría está aberta ao público de 8:30 a 14:00 horas. Porén, o persoal que a atende acode ao traballo todas as tardes que se lles precise.

4. ORGANIZACIÓN DO CENTRO Continuamos cos catro cursos da ESO e os dous de Bacharelato nas modalidades de Ciencias e Humanidades e Ciencias Sociais.

O equipo directivo entregará, a final deste curso, as previsións de grupos e materias para o vindeiro coa finalidade de que tanto el como o profesorado poida adiantar traballo no verán. No primeiro claustro de setembro de 2019 aprobaranse os criterios de elaboración dos horarios do profesorado e a Xefatura de Estudos entregará aos departamentos os cursos e o número de grupos previstos para o curso 2019-20 para ser distribuídos entre os seus membros. Con estes datos elaboraranse os horarios que se completarán coa adxudicación de titorías e horas de garda por parte da Xefatura de Estudos.

4.1. CRITERIOS PARA A ASIGNACIÓN DO ALUMNADO AOS DIFERENTES GRUPOS Na confección de horarios dos grupos do alumnado, a Xefatura de Estudos, ademais das sesións asignadas a cada unha das materias do currículo, procurará ter en conta: * Procurar que o alumnado con necesidades específicas de apoio educativo, repetidor e con conduta disrruptiva sexa distribuído no maior número posible de grupos do seu nivel educativo. Neste sentido terase en conta as características do dito alumnado e os informes emitidos polo Departamento de Orientación do propio centro e dos centros adscritos e, de ser o caso, polo Equipo de Orientación Específico. Así mesmo teranse en conta as achegas realizadas polo equipo docente nas xuntas de avaliación do curso anterior.

* Que coincidan, sempre que sexa posible, á mesma hora todos os grupos nas materias optativas para facilitar a mobilidade do alumnado (cambio de grupo) ou cambio de opción. * Procurar que a distribución horaria das materias se reparta ao longo da semana e da xornada, de modo que non figure sempre á mesma hora, especialmente cando se trate de primeiras ou últimas horas. * Para a incorporación do alumnado inmigrante aplicarase o protocolo elaborado a tal fin. * Cando o alumnado requira de apoio específico do profesorado de Pedagoxía terapéutica e/ou Audición e Linguaxe, terase en conta a dispoñibilidade horaria de ditos profesionais.

4.2. CRITERIOS PARA A CONFECCIÓN DOS HORARIOS Na confección de horarios do profesorado, a Xefatura de Estudos, ademais das sesións asignadas a cada unha das materias do currículo, deberá ter en conta: * No horario dos grupos de 1º e 2º coincidirá a mesma hora en todos os grupos do nivel asignada a titoría para facilitar a formación de mediadores e outras actividades de coordinación. Esta hora deberá figurar tamén no horario de quen desempeñe a Xefatura de Estudos e a Xefatura do Departamento de Orientación. * Elaborar un calendario de gardas do equipo directivo, de modo que durante toda a xornada lectiva estea presente no centro algún dos seus membros. * Procurar respectar algunha das preferencias manifestadas á Xefatura de Estudos ao comezo de cada curso escolar, tratando de que todo o profesorado teña obrigas similares en canto ás horas de permanencia no centro, respectando a carga horaria que lle corresponda en función da súa condición académica. * Tratar de distribuír as horas presenciais (clases, gardas, reunións...) ao longo do día e da semana, de modo que resulten horarios equilibrados que permitan realizar con maior comodidade o labor docente. * Diferenciaranse cinco tipos de gardas:     

As de vixilancia xeral do centro e de atención ás aulas nas que falte o profesor/a.

As de recreo.

As da Aula de Convivencia As da Biblioteca As do Equipo Directivo

* A Xefatura de Estudos procurará, na medida do posible:   

Alternar a asignación de titorías entre os cursos inferiores (1º e 2º da ESO) e superiores (Bacharelato).

Alternar as gardas de recreo para que non se poñan dous anos seguidos aos mesmos profesores e profesoras.

Rotar a asignación de clase nas últimas horas do venres por ser unha das preferencias do profesorado máis demandada e non poder atender todas as peticións.

4.3. ESTRUTURA ORGÁNICA DO CENTRO 4.3.1. ÓRGANOS UNIPERSOAIS O equipo directivo está formado por: Directora: Ana Romero Masiá Vicedirectora: Manuela Villamil Míguez Xefa de Estudos: Dolores Mosquera Quevedo Secretario: Jesús Fernández Fernández 4.3.2. ÓRGANOS COLEXIADOS O Claustro deste curso está formado por 50 profesoras e profesores organizados en 17 departamentos didácticos.

O Consello Escolar renovarase este curso na porcentaxe que establece lexislación.

a

4.4. ESTATÍSTICA DE COMEZO DE CURSO 4.4.1. ALUMNADO O alumnado deste curso está distribuído do seguinte modo: 1º ESO: 4 grupos 4º ESO: 3 grupos 2º ESO: 4 grupos 1º BAC: 3 grupos 3º ESO: 4 grupos 2º BAC: 3 grupos 4.4.2. ALUMNADO NACIDO FÓRA DE ESPAÑA MATRICULADO NO INSTITUTO O número de alumnas e alumnos matriculados este curso no Instituto e que naceron fóra de España é de17 dos que 11 proceden de repúblicas hispanoamericanas. Con respecto a cursos anteriores apréciase unha significativa redución no número de alumnos e alumnas estranxeiros e tamén do número de países de procedencia.

Alumnado nacido fóra de España 6 5 4 3 2 1 0 Venezuela Colimbia Alemaña Portugal

Senegal Arxentina Romanía

Chile

Bulgaria

O procedemento a seguir na incorporación do alumnado procedente do estranxeiro, tanto na ESO como no Bacharelato figura nun ANEXO. 4.4.3. PROFESORADO BIOLOXÍA-XEOLOXÍA Xefatura de departamento: GARCÍA GALLEGO, MANUEL FERNÁNDEZ FERNÁNDEZ, JESÚS SUÁREZ BOQUETE, ESTHER DEBUXO Xefatura de departamento: ESTÉVEZ BARCALA, HAYDÉE COLLAZO TRIGO, SANTIAGO ECONOMÍA Xefatura de departamento: YÁÑEZ IZQUIERDO, FERMINA GONZÁLEZ FERNÁNDEZ, EVA EDUCACIÓN FÍSICA Xefatura de departamento: BELLÓN SANTIAGO, MARTA MARTÍNEZ LAGO, LUIS FILOSOFÍA Xefatura de departamento: RODRÍGUEZ ALCALÁ, JOSÉ LUIS FERNÁNDEZ TORRES, JUAN MANUEL FÍSICA E QUÍMICA Xefatura de departamento: SECO LAGO, HERVILIA FANDIÑO SOUTO, BEGOÑA FERNÁNDEZ QUINTÁS, EVA FRANCÉS Xefatura de departamento: NÚÑEZ CENTENO, MERCEDES PÉREZ IGLESIAS, EULALIA

INGLÉS Xefatura de departamento: PUGA VIDAL, NOEMÍ MOSQUERA QUEVEDO, DOLORES RODRÍGUEZ PARDO, LOURDES PAÍNO RODRÍGUEZ, PURIFICACIÓN GARCÍA OTERO, TANIA LATÍN E GREGO Xefatura de departamento: RODRÍGUEZ RODRÍGUEZ, ENRIQUE LINGUA CASTELÁ E LITERATURA Xefatura de departamento: MATEO RODRÍGUEZ, JOSÉ E. ALONSO PICA, RAFAEL LLORÉNS INGLÉS, GONZALO RÚA PEÓN, JUAN CARLOS LINGUA GALEGA E LITERATURA Xefatura de departamento: MANSO SEIJAS, CARME VILLAMIL MÍGUEZ, MANUELA PRECEDO ESTRAVIZ, PATRICIA FERREIRO GARCÍA, ROSALÍA ZAPICO BARBEITO, PILAR MATEMÁTICAS Xefatura de departamento: VEIGA FREIRE, Mª JESÚS ARCOS MARTÍNEZ, Mª VEGA BARTOLOMÉ FUENTES, ALFONSO PÉREZ GONZÁLEZ, MERCEDES RODRÍGUEZ CABANA, MANUEL MUÑOZ CARRIL, PATRICIA MÚSICA Xefatura de departamento: DIOS CAÑADA, JUAN BALIÑAS PÉREZ, MARUXA ORIENTACIÓN Xefatura de departamento: HERMIDA SÁNCHEZ, BEATRIZ MARTÍNEZ VÁZQUEZ, REMEDIOS VALEIRO LÓPEZ, CAROLINA RELIXIÓN Xefatura de departamento: CHAZO OTERO, GONZALO TECNOLOXÍA Xefatura de departamento: GESTOSO GANDOY, JOSÉ ANTONIO FERNÁNDEZ MUNÍN, CONCEPCIÓN XEOGRAFÍA E HISTORIA Xefatura de departamento: FACHADO ESTÉVEZ, ALBERTO RODRÍGUEZ BERJA, MARIANO ROMERO MASIÁ, ANA CALZADA PAZ, LETICIA

4.4.4. MEMBROS DO CONSELLO ESCOLAR DIRECTORA: Romero Masiá, Ana XEFA DE ESTUDOS: Mosquera Quevedo, Dolores SECRETARIO: Fernández Fernández, Jesús Mª ALUMNADO: Gándara García, Lucía Rodríguez Maturana, Tomás Sánchez Brañas, Lorena Claudia García Ferrero NAIS / PAIS: Cariglia, Leila Edith Elisa Rodríguez Vázquez Ladero León, Antonio PROFESORADO: Estévez Barcala, Haydée Fachado Estévez, Alberto Puga Vidal, Noemí Rodríguez Rodríguez, Enrique Villamil Míguez, Manuela Manuel Ángel García Gallego PERSONAL NON DOCENTE: Varela Domínguez, Carlos REPRESENTANTE MUNICIPAL: Varela de la Torre, Juan Miguel 4.3. ORGANIZACIÓN DAS TAREFAS DO PERSOAL NON DOCENTE O persoal non docente deste instituto está formado polas seguintes persoas: -Persoal administrativo: -Persoal subalterno: -Persoal de limpeza:

Carmen Carro Regueiro Carlos Varela Domínguez Nélida Sánchez Sánchez Ángel Manuel Brañas Gómez Eva María Cousillas Barcia Julia Paredes Insua María Jesús Sande Vidal

Cada un dos colectivos desenvolve as súas tarefas de acordo coas instrucións recibidas do secretario, cumprindo a plena satisfacción o traballo encomendado.

5. PROGRAMACIÓN EXTRAESCOLARES

DAS

ACTIVIDADES

COMPLEMENTARIAS

E

Un ano máis, o programa de actividades complementarias e extraescolares deste centro é amplo e atende ás múltiples peticións dos departamentos didácticos, beneficiándose destas actividades todos os grupos e o conxunto do alumnado. O Consello Escolar aprobou o seguinte proxecto presentado pola vicedirectora. ANEXO

6. PLAN DE ACTIVIDADES PROPOSTAS POLA ANPA Neste curso a ANPA asume funcións centradas na coordinación das actividades deportivas a través de Deporte no centro e outras que figuran na súa páxina WEB tales como Deseño e moda e 3D, Ilustración, debuxo e manga, Vídeo e edición dixital , Robótica, Idiomas, Linguaxe de signos, Hip-hop, danza contemporánea e coreografías, Debuxo artístico, Banda deseñada, Manualidades, e Malabares, actividades sempre suxeitas a contar cun número mínimo de participantes. A directiva da ANPA colaborou no reparto de libros de texto procedentes do Banco de Libros.

7. EQUIPAMENTO 7.1. ESPAZOS E SERVIZOS O centro conta con aulas suficientes para que cada grupo teña a súa clase-aula, ademais de varias que funcionan para impartir clases nas horas en que o alumnado dun grupo se desdobra para asistir ás clases das materias optativas nas que está matriculado.

Conta tamén o centro con dúas aulas de informática, unha de música, unha de plástica, unha de debuxo e un taller de tecnoloxía ás que hai que engadir o uso que podemos facer dun pavillón de deportes durante as horas da xornada escolar. Conta tamén o centro cunha biblioteca, salón de actos e cafetería, ademais dun espazo para os conserxes, outro para as oficinas e tres reducidas salas para os labores das titorías e de atención a pais e nais do alumnado. A Secretaría, a Xefatura de Estudos e a Dirección contan con despachos propios e o resto do profesorado utiliza a sala de profesores e profesoras e os locais dos departamentos didácticos que, por falta de espazos, ten que compartir o profesorado de varias materias. A antiga vivenda do conserxe está ocupada polo Departamento de Orientación e o local da ANPA. Existen tamén dous laboratorios de Ciencias Naturais e dous de Física e Química. Existen servizos para alumnas e alumnos nos catro corredores e dous máis para o profesorado.

Para gardar materiais conta o instituto con varios almacéns e as limpadoras dispoñen dun cuarto de aseo propio e varios locais nos que gardar os materiais de traballo.

7.2. MOBILIARIO O mobiliario facilitado pola Consellería cubre as necesidades básicas das aulas (mesas, cadeiras, encerados…) e unha parte do material deportivo, de biblioteca, de departamentos didácticos e informático que se completa coas compras realizadas polo propio centro. Todas as aulas do centro contan con ordenador para o profesorado e canón nos cursos de 3º e 4º ESO e de 1º e 2º Bacharelato e, nos cursos de 1º e 2º ESO, Aulas Abalar, (ordenador de mesa para o profesorado, canón, encerado dixital e ordenadores para todo o alumnado).

8. ESTADO DAS INSTALACIÓNS O centro, non presenta graves deficiencias nas súas instalacións, podendo ser cualificadas, en xeral, de aceptables. Este curso confiamos que a nova cuberta que a Consellería colocou a finais do curso pasado solucione definitivamente o grave problema das goteiras que vimos padecendo durante tantos anos. O alumnado respecta bastante o material, tanto o mobiliario como a pintura de aulas e corredores, pero en moita menor medidas as súas propias meses, que frecuentemente aparecen pintadas e raiadas. Neste momento, e a pesar das varias peticións formuladas á Consellería a través da Inspección, temos serias carencias de material de mesas e cadeiras para o alumnado, pois non temos sobrantes para repoñer as que están moi defectuosas.

Posiblemente as maiores queixas procedan das aulas de informática polo escaso coidado que poñen algúns alumnos/as no coidado do material informático. Grazas á boa xestión do secretario, é posible ir repoñendo materiais deteriorados e manter o edificio nun estado que cremos máis que aceptable.

O ximnasio e o taller de tecnoloxía son os espazos que merecerían maior atención para tratar de melloralos. Igualmente precisan dunha constante renovación e reparación as instalacións da pista deportiva, así como as persianas e as portas das aulas debido á escasa calidade do material e o seu uso frecuente.

9. UTILIZACIÓN DAS INSTALACIÓNS DO CENTRO As instalacións do centro están ao servizo da comunidade educativa, de modo que son usadas en función das necesidades dos seus diferentes colectivos. Están tamén ao servizo do barrio, prestándose, especialmente o salón de actos, cando é solicitado en tempo e forma por colectivos e asociacións. Xa que logo, non existe un plan predeterminado de utilización das instalacións fóra do que son as necesidades educativas previstas nos horarios de grupos e profesorado.

10. ORZAMENTO Para o curso 2018-2019 esperamos contar cun orzamento similar ao de anos anteriores e que ronda os 75.000 euros.

11. PLAN XERAL DE AUTOAVALIACIÓN DO CENTRO No centro contamos aínda con este tipo de plan de autoavaliación e unicamente empregamos as memorias finais dos respectivos departamentos didácticos como referente para corrixir posibles erros e desviacións das programacións iniciais. Durante este curso é propósito da CCP elaborar unhas fichas de observación para pasar ao alumnado e que sirvan de punto de partida dunha autoavaliación de diferentes ámbitos (funcionamento das titorías, do equipo directivo, da biblioteca, das extraescolares…) e, con datos obtidos, planificar e se é preciso modificar, algúns aspectos na programación do vindeiro curso.

12. PLAN DE AUTOPROTECCIÓN DO CENTRO Desde finais do curso pasado contamos xa cun plan específico elaborado por persoal cualificado. A comezos deste curso faremos un simulacro de evacuación.

13. PLAN DE ORIENTACIÓN Está elaborado polo Departamento de Orientación e nel constan os diferentes niveis de actuación que desenvolven os seus membros, así como os principais obxectivos marcados para o curso. ANEXO 14. PLAN DE ACCIÓN TITORIAL Este Plan está tamén, como o anterior, elaborado polo Departamento de Orientación e nel van fixados os obxectivos, ámbitos e liñas básicas de actuación coas que se pretende potenciar a integración do alumnado no centro, así como contribuír á personalización do seu proceso de ensinanza-aprendizaxe. ANEXO 15. PLAN DE ACOLLIDA O centro conta cun programa deseñado para facilitar a acollida do alumnado nos inicios do curso escolar. A finais de curso celebraremos unhas xornadas de presentación do centro aos pais e alumnado procedente dos colexios da zona e que se incorporará no vindeiro curso a 1º de ESO no instituto. ANEXO 16. PLAN LECTOR O plan lector trata de fomentar o gusto pola lectura en todos os grupos e materias. Este curso, e para reforzar este obxectivo, continuarase cos Clubes de Lectura organizados desde a Biblioteca. ANEXO 17. PLAN LINGÜÍSTICO E PROXECTO DE FOMENTO DO GALEGO En aplicación do Decreto de pluriligüismo, no PEC figuras as materias de tanto en ESO como en Bacharelato se imparten en galego e en castelán.

A través do equipo de normalización lingüística e a vicedirección coordínanse as diversas actividades realizadas ao longo do ano coa finalidade de potenciar as linguas e, especialmente, a cultura e a lingua galega. ANEXO 18. PROTOCOLO DO IES MONTE DAS MOAS SOBRE O DEREITO DO ALUMNADO E OS SEUS REPRESENTANTES LEGAIS A REVISAR E SOLICITAR E OBTER COPIAS DOS EXAMES E SOBRE OS PROCESOS DE RECLAMACIÓN DA CUALIFICACIÓN FINAL O presente protocolo establécese coa finalidade de dar a coñecer a toda a comunidade educativa o procedemento e as condicións nas que os pais e/ou titores legais do

alumnado poden revisar, co profesorado correspondente, os exames realizados, así como solicitar e obter copias dos mesmos. Inclúe tamén o procedemento e as condicións para reclamar, en caso de desconformidade, a cualificación final.

FUNDAMENTOS LEGAIS A fundamentación legal básica é a que establece a Lei 1/2016, do 18 de xaneiro, de transparencia e bo goberno, e a Lei 30/1992, de 26 de novembro de Régimen Jurídico de las Administraciones públicas y del procedimiento administrativo común. Esta última indica: Art. 35. Derechos de los ciudadanos Los ciudadanos, en sus relaciones con las administraciones públicas, tienen los siguientes derechos: a) A conocer, en cualquier momento, el estado de la tramitación de los procedimientos en los que tengan la condición de interesados, y obtener copias de documentos contenidos en ellos.

Ademais, a Orde1361/2015 (BOE 9-7-2015), sinala o seguinte: Art. 29. Información y participación de las familias 3. Los tutores y tutoras mantendrán una comunicación fluida con el alumnado y sus familias en todo lo relativo al proceso de aprendizaje, con el fin de facilitar las aclaraciones precisas para una mayor eficacia del mismo, Padres, madres y tutores legales tendrán acceso en cualquier caso a los documentos oficiales de evaluación y a los exámenes y documentos de las evaluaciones que se realicen a sus hijos o tutelados, según el procedimiento establecido por el centro.

Art. 37. Evaluación según criterios objetivos 1. Con el fin de garantizar el derecho del alumnado a una evaluación objetiva y a que su dedicación, esfuerzo y rendimiento sean valorados y reconocidos con objetividad, los centros deberán hacer públicos los procedimientos generales de evaluación y los criterios de promoción que la Comisión de coordinación pedagógica y los Departamentos didácticos hayan establecido, respectivamente, en la propuesta curricular de la etapa y en sus programaciones didácticas. (…)

2. La corrección de pruebas no se podrá limitar a la expresión de una calificación cualitativa o cuantitativa, sino que debe contener la indicación de las faltas o errores cometidos o la explicación razonada de la calificación.

3. El tutor o tutora y el profesorado de las distintas materias y ámbitos mantendrán una comunicación fluida, en lo relativo al proceso de aprendizaje, con los alumnos y alumnas y sus padres y madres o tutores legales. Además, los centros deberán señalar el procedimiento mediante el cual el alumnado y sus padres y madres o tutores legales podrán solicitar aclaraciones al profesorado y al tutor o tutora acerca de las informaciones que sobre su proceso de aprendizaje reciban, y facilitarles información sobre los procedimientos de revisión de calificaciones y de decisiones sobre promoción.

PROCEDEMENTO A SEGUIR Partimos do principio xeral de que os pais e/ou titores legais deben participar e colaborar na educación dos seus fillos e fillas ou titorados, así como coñecer as decisións relativas á súa avaliación e promoción, tal como recolle o noso propio Proxecto Educativo de Centro, onde se indica que: o alumnado ou seus pais ou titores legais poderán solicitar, de profesores e titores, cantas aclaracións consideren precisas acerca das valoracións que se realicen sobre o proceso de aprendizaxe, así como sobre as cualificacións ou decisións que se adopten como resultado dese proceso.

Por todo o anteriormente exposto faise necesario establecer un procedemento en base ao cumprimento da normativa vixente. No caso do IES Monte das Moas, o procedemento é o establecido no presente Protocolo, elaborado e aprobado polo Claustro na súa sesión ordinaria do 17 de setembro de 2018.

A. Revisión e solicitude de copias de exames Ademais da información que o profesorado comunique ao alumnado sobre as súas cualificacións parciais, este poderá solicitar a súa revisión nas datas inmediatas á realización das probas.

1. Os pais e/ou titores legais poderán revisar os exames dos seus fillos e fillas e/ou titorados solicitando unha entrevista co titor/a ou co profesorado da materia correspondente e serán atendidos, preferentemente, no tempo que para estes fines figura no horario persoal de todo o profesorado.

O prazo para solicitar a entrevista será de 7 días lectivos a partir da comunicación da nota ao alumno/a por parte do profesorado. As entrevistas para a revisión dos exames realizaranse no día marcado polo profesorado titor ou polo da materia solicitada.

O profesorado levantará acta da realización da entrevista ou ben o/os solicitantes asinarán o exame revisado. A acta entregarase á Xefatura de Estudos.

2. Non se poden solicitar copias dos exames se, previamente, non tivo lugar a entrevista co titor ou o profesor da materia para revisar a proba e explicar a súa cualificación.

3. No caso de solicitar a copia do exame corrixido, deberá presentarse unha solicitude na Secretaría do Centro, no prazo máximo de 2 días lectivos a partir da celebración da entrevista, na que figuren, ademais dos datos persoais do demandante, as razóns e finalidade da devandita solicitude.

O profesorado entregará as copias á Xefatura de Estudos no prazo máximo de 3 días lectivos contados a partir da recepción da solicitude. As copias serán recollidas na mesma Secretaría pola persoa solicitante ou por outra persoa autorizada por escrito. Á entrega do documento, o interesado deberá asinar un recibí da súa recepción.

4. En aplicación dos puntos anteriores, non se poderán solicitar copias dos exames de avaliacións pasadas nin, a final de curso, de todos os exames realizados ao longo do mesmo.

B. Procedemento de reclamación da cualificación final no centro 1. No suposto de desconformidade coa cualificación final (ordinaria de xuño e extraordinaria de setembro) ou coa decisión de promoción ou titulación, e unha vez recibida a información correspondente por parte do profesorado, o alumnado ou os seus representantes legais poderán solicitar por escrito a revisión da cualificación ou decisión no prazo de 2 días lectivos desde que se produciu a comunicación co profesorado.

2. A Xefatura de Estudos organizará as xornadas de reclamación da avaliación final ordinaria e extraordinaria, que nunca serán inferiores a 2 días lectivos.

3. A solicitude de reclamación estará dirixida á Dirección do centro e será tramitada a través da Xefatura de Estudos, que a trasladará ao Departamento correspondente.

4. As reclamacións deberán basearse nalgún dos seguintes supostos: -Inadecuación da proba en relación cos obxectivos e/ou contidos da materia a avaliar e co nivel previsto na programación didáctica.

-Inadecuación dos procedementos e instrumentos de avaliación establecidos na citada programación da materia correspondentes.

-Incorrecta aplicación dos criterios de avaliación e cualificación establecidos na programación didáctica da materia.

5. A reclamación será inadmitida a trámite nos casos de ausencia radical de motivación ou cando se presente fóra de prazo.

6. Ao día seguinte de rematar o prazo para presentar a reclamación reunirase o Departamento, que elaborará un informe no que figuren os seguintes aspectos: -Adecuación dos contidos, criterios de avaliación e estándares de aprendizaxe avaliables que figuren na programación didáctica correspondente.

-Adecuación dos procedementos e instrumentos de avaliación aplicados co sinalado na programación didáctica.

-Correcta aplicación dos criterios de cualificación establecidos na programación didáctica para a superación do ámbito ou materia.

7. Este informe entregarase na Xefatura de Estudos, que o comunicará á persoa asinante da reclamación. Á entrega do documento, o interesado deberá asinar un recibí da súa recepción.

8. No caso de ratificación da cualificación, o informe elaborado polo Departamento irá acompañado pola copia dos exames obxecto da reclamación coa finalidade de que os interesados dispoñan da información que lles permita valorar a conveniencia de efectuar a reclamación ante a Xefatura territorial.

9. Se como resultado da reclamación se modificase a cualificación e sempre que esta implique cambio significativo na condición do alumnado (pasar de suspenso a aprobado), reunirase a xunta de avaliación correspondente ao grupo no que estaba matriculado o alumnado afectado para coñecer a nova situación no prazo de 2 días lectivos a partir da resolución do Departamento correspondente. Ademais, comunicarase por escrito a resolución tomada ao alumnado reclamante ou aos representantes legais.

10. No caso de proceder a rectificación da cualificación farase constar nos documentos correspondentes.

11. Para solicitar copia da proba final –no caso de tratarse dunha proba única global- ou das varias que deron como resultado a cualificación final, é imprescindible que, previamente, o solicitante reciba as explicacións pertinentes por parte do profesorado da materia. A petición deberá ser individualizada e concreta, nunca poderá ser unha petición xenérica de todos os exames. Á entrega do documento, o interesado deberá asinar un recibí da súa recepción.

C. Procedemento de reclamación fóra do centro No caso de persistir a reclamación, esta terá que ser resolta por instancias superiores, caso da Xefatura Territorial a través do servizo de Inspección Educativa. O procedemento para reclamar as cualificacións de 2º curso de Bacharelato, logo de esgotar as vías de reclamación no centro, será o que estableza a lexislación pertinente.

Para o alumnado dos cursos da ESO e de 1º de Bacharelato que desexe reclamar unha cualificación final ou a promoción, deberá presentar unha instancia ante a Dirección do Centro no prazo de 2 días lectivos a partir da comunicación do Departamento seguindo este procedemento: -A Dirección do Centro, nun prazo máximo de 3 días lectivos, remitirá o expediente á Xefatura Territorial no que figure: -Os informes elaborados no centro -Os instrumentos de avaliación -As novas alegacións, se houbese -Informe da Dirección

A Xefatura Territorial contestará no prazo de 15 días e comunicará o resultado á Dirección para o seu traslado ao interesado. Este procedemento pon fin á vía administrativa.