Un politico cu a resulta den un berguenza nacional ta Misha. Misha a converti su mes den hiba un politica di vengansa. Pasobra cos no a bay na su amen pa ley di matrimonio, e la saca vengansa contra tur hende.
Un acto asqueroso! Di otro banda, e no ta integro, pasobra su ruman homber, sentencia pa hues, pa horta turista, a haya trabao den parlamento. Pues, no tabatin ningun otro persona den Raiz pa haya e job?
El’a horta mas di 200 turista nan credit card y a haya castigo na prison Kia. Ora el’a sali, ela haya trabao cu fraccion di Raiz. Pues Misha no ta ningun santo. Laga nos no bay ainda den reclamo di un senjora, cu Misha a mete den su bida. Kisas Guiamo por sa algo ? Misha no merece ningun confiansa, pasobra e ta anda cu actitud vengativo, y mentalmente instabiel.
GERLIEN NO TIN PLAN PA YUDA ESNAN
CU TA GANA SALARIO MINIMO
Loke a sali na cla ta cu Gerlien no tin un plan pa yuda esnan cu ta gana salario minimo.
Den debate el’a bisa cu e no ta subi e salario. Despues den propaganda el’a bisa cu e kier baha belasting. Pero esnan cu ta cobra salario minimo, NO ta pagando belasting.
Pues, ta un mofa Gerlien kier hasi. Pa ken e kier baha belasting? Pa esnan cu ta cobra salario mas halto. Gerlien ta un berguenza y no tin plan pa trece alivio.
Abogado ta haya cu Otmar a duna comunidad atencion y no a haci delito
Prome
Minister Evelyn Wever-Croes:
Danki na e vision, determinacion, trabou, dedicacion y aporte di gobierno, departamentonan di Gobierno y sector priva
A CUMINSA DUNA BEK NA NOS COMUNIDAD
CU E ESPACIO FINANCIERO CU A SER CREA
- Nos economia a recupera impresionantemente, danki na e crecemento di turismo, y ta premira cu e lo sigui crece e añanan nos dilanti. Danki na crecemento di nos economia, desempleo ta na e punto mas abou den mas di 20 aña. Tin trabou pa tur hende cu kier y por traha, y hasta tin un scarsedad riba mercado laboral.
Danki na tur esaki, pais Aruba a logra crea un espacio financiero, pa por duna alivio caminda tin mester, pa por haci e inversionnan necesario, y sin neglisha e fundeshi financiero, cu e obligacion di sigui paga debe bek.
Diahuebs anochi, den su discurso nacional, Prome Minister Evelyn Wever-Croes a duna un resumen di tur loke Gabinete di algun logro clave cu tawata posibel danki na e espacio financiero cu Gabinete Wever-Croes a crea.
A duna na empleadonan publico
Danki na e espacio financiero Gobierno por a cumpli tambe cu empleadonan publico, dunando nan un indexacion di 11.7% despues di 8 aña cu nan no a haya indexacion. 6% a wordo paga caba na juli, y 5.7% lo wordo paga na januari otro aña.
A duna na personanan cu no por traha
Danki na e espacio financiero Gobierno a aumenta e asistencia social na personanan cu no por traha, e asina yama gehandicaptenuitkering, cu 130 florin pa luna, y lo sigui aumenta esaki den e añanan nos dilanti, na forma responsabel.
A inverti den enseñansa
E espacio financiero a permiti
Gobierno pa porfin por haci inversionnan necesario na Aruba, por ehempel den enseñansa, cu Scol Aloysius na Noord completamente renoba, y proyeccion pa un Julianaschool MAVO nobo na Paradera.
Inverti den infrastructura
Tambe inversionnan den nos infrastructura, por ehempel den retonde na Palm Beach, e caminda dilanti High Rise hotels, e caminda di Tanki Flip pa Kibaima, y varios otro caminda den nos barionan.
Inverti mas den cuido di salud
E espacio financiero a permiti
Gobierno inverti mas den cuido di salud tambe, a converti IMSAN den un hospital cu 20 cama, a amplia e servicionan cu radiotherapia, y awor ta preparando pa inversion den un petscan.
Inverti den husticia
E espacio financiero a permiti
Gobierno inverti den husticia, den mas ekipo moderno y mas personal pa asina por tene Aruba sigur. Y e resultadonan ta bisto, segun varios fuente, Aruba ta e pais mas safe, mas sigur den nos region, y turistanan ta indica cu esey ta un di e motibonan cu nan ta sigui bishita Aruba.
“Tur esaki tabata posibel, danki na e vision y determinacion di nos gobierno, pero mas aun, danki na e trabou y dedicacion di tur esnan cu ta traha den e departamentonan di gobierno, y na e aporte di nos
sector priva den yuda hiba nos pais padilanti. Awor cu nos ta dilanti un otro fin di aña, ta un bon momento pa nos para keto y mira atras kico tur nos a realisa.
Con duro nos tur a traha cu awor, apenas dos aña despues cu nos a sali di e pandemia, nos pais ta para firmemente riba su pianan”, Prome Minister a expresa.
Parlamentario Marco Berlis (MEP):
MEP: EnsEñansa coMo un Punto di Prioridad
Partido MEP a anuncia su di tres punto di prioridad for di su lista di shete punto clave: Enseñansa. E propuesta aki ta representa un paso significativo pa sigui mehora e calidad y accesibilidad di educacion na nos isla stima.
Enseñansa Accesibel pa Tur MEP ta propone pa elimina e schoolgeld pa scolnan di kleuter y scolnan basico pa tur famia den necesidad. Esaki lo habri portanan di oportunidad pa hopi mucha, garantisando cu ningun hoben lo keda atras debi na circumstancianan financiero. Ademas, un subsidio special lo wordo introduci pa famianan vulnerabel y esnan cu entrada abou cu tin yiunan na scolnan avansa, cubriendo gastonan manera "boekengeld" y calculator. E plan aki lo tin un impacto profundo riba nos comunidad: 1) Reduccion di desigualdad den educacion, 2) Aumento den participacion escolar y 3) Alivia stress financiero pa hopi famia.
Mehorando e Experiencia Educativo
MEP ta reconoce cu educacion ta mas cu simplemente sinta den klas. P'esey, nos ta propone pa sigui mehora e structura di cuido pa tur docente y studiante na tur scol. Esaki lo crea un ambiente mas saludabel y productivo pa siña y traha.
Beneficionan inclui: 1)
Miho bienestar emocional pa studiantenan y maestronan, 2) Reduccion di stress y 'burnout' bou educadornan y 3) Un atmosfera mas positivo y motivante den scolnan.
Innovacion den Curriculo
MEP ta propone pa adapta e curriculo usando digitalisacion, creando mas espacio pa studiantenan desaroya. Esaki lo prepara nos hobennan miho pa e mundo moderno y cambiante.
Bentahanan di e enfoke aki ta: 1) Studiantenan miho prepara pa e mercado laboral di futuro, 2) Desaroyo di habilidadnan
digital esencial, 3) Mas flexibilidad den e proceso di siñamento.
Enfasis riba Cultura y Personalisacion
Un aspecto unico di e propuesta di MEP ta e enfasis riba inclui mas cultura den nos enseñansa. Esaki lo yuda fortifica nos identidad como Arubiano y crea un conexion mas profundo entre nos hobennan y nos herencia. Adicionalmente, MEP ta propone pa crea posibilidadnan pa enseñansa personalisa. Esaki lo permiti pa cada studiante haya e atencion y sosten cu nan mester
pa florece. Beneficionan di e enfoke aki ta: 1) Preservacion y aprecio di nos herencia cultural, 2) Educacion adapta na necesidadnan individual di cada studiante y 3) Miho resultadonan academico y personal pa studiantenan.
Cu e plan aki, MEP ta demostra un compromiso fuerte pa sigui inverti den futuro di nos isla awo cu tin espacio financiero mas amplio pa haci esaki. Implementando e puntonan aki, nos lo por crea un sistema educativo cu ta prepara nos hobennan pa enfrenta cualkier reto y aprovecha
tur oportunidad cu futuro por trece. Laga nos uni como un comunidad pa apoya e vision aki y haci enseñansa na Aruba bira un ehempel pa mundo henter. Hunto, nos por crea un futuro briyante pa nos isla stima, unda cada mucha y hoben tin e oportunidad pa desaroya nan maximo potencial. Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento. aw / Bo parlamentario y sirbidor di pueblo na bo ordo semper!
Noticia di Corte Abogado ta haya cu Otmar a duna comunidad atencion
y no a haci delito
Ministerio Publico ta exigi castigo
absurdo Pa otMar oduber-1-
Awe mainta te den oranan di atardi, den Corte di Husticia, e abogadonan di e sospechosonan caso Flamingo a hiba nan defensa.
SOLO DI PUEBLO por a compronde cu e mayoria di e abogadonan den nan defensa, a bolbe exigi pa Hues declara Ministerio Publico no admisibel den e caso penal pasobra Ministerio Publico a viola normanan.
DUNAMENTO DI TERENO A BAY CORECTO
Pa cu e caso Malmok, mr. Carlo a bisa Hues cu e asunto di e dama C. y e homber F., no tabatin ningun problema den e caso aki. E abogado a mustra cu e hefe di DIP Jaime Croes a bisa asina na Landsrecherche. Na opinion di mr. Carlo, ta door di expresion di Marisol Tromp cu a reemplaza Otmar cu a bira malo, a cuminsa un caso penal. Marisol lo a cuestiona cu cosnan no a bay bon. E abogado a bisa Hues cu e otorgamento di terenonan a bay di acuerdo cu e maneho nobo stipula na DIP. Asina e hefe di DIP a bisa y pesey no a haci keho. Ta ora cu Marisol Tromp a tuma over y presion di e Minister Presidente, e hefe a hay’e forza ta haci denuncia. Mr. Carlo ta haya cu mester declara Otmar liber di e acusacion aki.
NO A HACI ABUSO DI FUNCION
Mr. Carlo a sigui bisa cu no tabatin malversacion di Gobierno. No tabatin entrega di e terenonan y tampoco tin acta di Notario. Esey ta trece cun’e cu Min. Publ. no por acusa Otmar di malversacion di Gobierno y abuso di funcion. E abogado a mustra cu segun ley, ta e minister ta encarga cu dunamento di tereno, ora cu cumpli cu e condicionnan stipula. E abogado a bisa cu ni e dama C. y e homber F.
a firma acuerdo pa haya tereno, pues no por papia di malversacion y tampoco cu Otmar a haci mal uso di funcion.
E abogado a splica con Otmar, ora a bira minister, a haci cambionan drastico na DIP pa asina garantiza maneho drechi den dunamento di tereno. No solamente pa comunidad sino tambe pa e personal na DIP. Door di esaki, no ta pone presion riba minister pa tuma decision sino den reunion di DIP hunto cu minister, ta evalua y dicidi riba peticionnan. El a mustra cu na DIP a bin cu e maneho pa duna prioridad na hobennan professional cu tin e potencial financiero, pa haya tereno. Ademas tabata atende peticionnan pa tereno atrasa. Mr. Carlo a bisa cu e proceso di tereno pa e homber G., e dama C y e homber F. a bay segun e maneho nobo di DIP. El a bisa cu Otmar a duna 200 tereno. Door di un fayo na DIP a bin e dobble reservacion di tereno na Malmok entre e homber G. y e dama C. Otmar a para riba cu mester drecha e fayo aki. Door di esey Otmar a ordena Wever pa drecha esaki.
E abogado a remarca cu pa 47 tereno cu a wordo otorga a base e maneho nobo di DIP, Min. Publ. no a bisa nada y pa e caso ariba menciona ta cuminsa cu caso penal.
TUR TRES AMBTENAAR TABATA TRAHA
Mr. Illes a cuestiona e acusacion di ambtenaar fantasma. E abogado a bisa cu e ta haya cu e acusacion ta crea bruhamento. El a puntra si Otmar tabatin e intension di tuma e ambtenaarnan intencional pa nan no traha y asina malversa Gobierno. E abogado ta haya cu Min. Publ. no a prueba cu tin ambtenaar
TRAFICO SIGUR
fantasma y pesey mester declara Min. Publ. no admisibel. Na opinion di abogado, ta normal cu un minister ta nombra su hendenan cu e ta confia. Esaki ta un practica den henter Antiyas y tambe na Hulanda. Phillips, Tiel y Geerman a wordo selecta pa Otmar pa traha p’e. El a mustra cu pa nombramento di hendenan di minister, mester tin decision di conseho di minister y mester tin presupuesto pa esaki. E abogado a sigui bisa cu nan no ta cay bou di e ley di un ambtenaar y no ta bin na remarke di pension y otro beneficionan. Nan ta solamente den servicio di e minister te ora cu e Gabinete baha. E abogado ta haya cu no tin nada contra ley den e caso aki. E abogado a bisa cu e hecho cu conseho di minister a aproba esaki, ta mustra transparencia y cu a sigui e caminda legal. Mr. Illes a remarca cu ta solamente Marisol Tromp ta bisa cu e hendenan aki no a traha. No tin ningun indicacion cu nan no a traha pa Otmar. E ta haya cu Min. Publ. a faya di sigui haci investigacion riba e acusacion di Marisol Tromp. No ta asina cu Otmar y e ambtenaarnan a malversa Gobierno pasobra nan no a traha.
E abogado a mustra cu riba e website nospublico.aw ta mustra tur acuerdonan cu ministernan ta sera cu nan hendenan. Esaki ta un procedura normal den Gobierno. No ta asina cu Otmar tabatin intension cu Tiel ta bay traha cu Jeandrick cu a habri un negoshi. Pesey e abogado ta haya cu mester declara e acusacion no admisibel.
Continuacion pag 6.
SeSion informativo pa miembronan di urna pa eleccion 2024
Oranjestad, 29 di November, 2024Hoofdstemburea a organisa un sesion informativo na Marriot Resort & Stellaris Casino Grand Ballroom pa tur miembronan cu lo traha na e urnanan electoral pa eleccion di 6 di December 2024.
Durante e sesion informativo, e siguiente puntonan a wordo trata; ● Stemdistrict y Stembureau: Splicacion di e division geografico y funcion di e urnanan electoral.
● Bijzondere Stem Bureaus: Informacion relaciona cu urna ambulante.
● Tareanan di Miembronan: Splicacion di tareanan general, prome y
despues di eleccion, incluyendo maneho di e materialnan electoral y proceso di conteo.
● Procedura di Votacion: Splicacion di e proceso di votacion pa votadonan, incluyendo documentacion necesario y regulacionnan.
● Puntonan di Atencion: Recordatorio pa mantene ordo, maneho di situacionnan di emergencia, y cumplimento di regulacionnan electoral. Ademas, a anuncia cu lo tin un otro sesion informativo pa presidente y e di dos miembro (presidente suplente) di e urnanan electoral, cu lo tuma lugar dia 4 di december 2024.
E sesion a caba cu
oportunidad pa haci preguntanan y clarificacion di duda pa tur participante presente.
Conseho Electoral Aruba kier gradici tur miembronan di urna y otro asistente pa nan compromiso y contribucion crucial na nos proceso
democratico. Nos ta desea tur miembro hopi exito cu nan tareanan y hopi animacion riba caminda pa eleccion 2024. Pa mas informacion, bishita e website oficial di Conseho Electoral Aruba na er.aw y sigui nan na Facebook y Instagram @consehoelectoralaruba.
E plataforma nan lo sirbi como un recurso importante pa votadonan, candidatonan, partidonan politico y publico general, pa keda al dia cu anuncionan, fecha nan y guia relevante pa e eleccion di Aruba.
Abogado ta haya cu Otmar a duna comunidad atencion y no a haci delito ministerio PuBlico ta exigi castigo aBsurdo
Pa otmar oduBer-2-
Pa loke ta Geerman, e abogado a mustra cu Geerman a bisa cu el a wordo acerca pa Otmar den presencia di Minister Presidente Wever Croes. Esaki ta relaciona cu e proyecto pa personanan handicapped. Geerman tambe a bisa cu Otmar a pidi’e pa ta encarga cu e publicacion di Otmar den radio. Den Corte, mr. Illes a hasta laga pasa un declaracion di Minister Presidente Wever Croes cu a bisa cu despues cu a kita Marisol Tromp, el a tuma over algun di e ministerio ey entre otro Geerman y cu Geerman a traha debidamente. Abogado mr. Illes ta haya cu Min. Publ. ta pinta Geerman di ambtenaar fantasma siendo cu Minister Presidente mes ta bisa cu Geerman a bay traha cun’e. E abogado ta haya cu e acusacionnan di malversacion no tin base y pesey mester declara Otmar liber di e acusacion aki.
OTMAR NO A WORDO CUMPRA
E abogado ta haya cu Min. Publ. kier sugeri cu e trabou di Geerman ta un forma di cumpra Otmar y mesun cos Tiel. Na opinion di e abogado, no por prueba cu Otmar a haya algo. Segun Min. Publ. e promocion di partido di Otmar door di
Geerman y e trahamento di Tiel serca yiu di Otmar, Jeandrick ta e cumpramento. Esaki no ta e berdad. Otmar a spica kico ta e trabaonan di Geerman y e pasa cos di Otmar na radio pa asina publica su maneho. No ta asina manera Min. Publ. cu ta propaganda politico. No tin ningun prueba cu Geerman a haci propaganda politico via radio pa Otmar. E abogado a pidi Hues pa declara Otmar liber.
NO A YUDA HENDE PA HAYA VOTO
Mr. Carlo a bisa cu e hecho cu Esser a yuda Otmar cu yuda hendenan cu bin na oficina pa haya ayudo, no tabata pa haya voto. El a mustra cu Esser tabata yuda traha cartanan, solicitud pa trabao. Otmar tabata haci follow up cu hendenan cu a haci solicitud. E tabata haci esaki via whatsapp. No ta asina cu tur e ayudonan cu Otmar tabata haci, ta castigabel. E abogado a bisa cu na Aruba e costumber ta cu un politico ta yuda hende. E ta haya cu Min. Publ. ta bay solamente tras di e lista cu a haya di Esser pa cualifica cu Otmar tabata favorece hendenan pa haya voto. E abogado ta haya cu Min. Publ. no a haci mas investigacion pa determina
kico realmente Otmar tabata haci. El a bisa cu Esser tabatin su listanan di hendenan cu e tabata yuda y no tin nada di haci cu Otmar. Tur peticionnan ta wordo manda pa haya contesta. E abogado ta haya cu mester declara Otmar liber di e acusacion di a wordo cumpra. No ta asina cu Otmar lo a influencia na DIP, Serlimar y DOW pa su hendenan haya trabao. E abogado a menciona cantidad di hende cu a haya trabao of promocion corectamente.
CASTIGO ABSURDO
Segun mr. Carlo, ta algo normal na Aruba cu hendenan ta busca contacto cu minister. Esey no ta algo castigabel. Otmar tabata hiba un maneho via su ministerio. E abogado ta haya cu mester declara Min. Publ. no admisibel door di a viola normanan. Mr. Carlo a pidi Hues pa tene cuenta cu a violacion di normanan cu a afecta Otmar Oduber hopi. E abogado a bisa cu Otmar no tabatin beneficio financiero. E ta haya e castigo exigi pa Min. Publ, absurdo. E abogado a bisa Hues cu si haya cu Otmar ta culpabel, dun’e castigo igual na loke e tabata sera caba, cual ta un castigo gusto.
Boksmento memey di salida di Funeral home
Watty Vos BoulevardDiabierna algo prome cu mey anochi a sosode un boksmento net memey di e entrada di Aurora Funeral Home.
Locual ta haci e boksmento aki "interesante" ta cu chauffeur di e Kia Sportage pa un of otro motibo a bay den verboden.
E chauffeur di e Sportage ariba e caya pazuid di Cmart enbes di bay rechts pa subi caminda e la opta pa bay links direccion Kooyman.
Pa su mala suerte y tambe pa esun di Chevrolet nan ta topa inesperadamente, debi cu bo no ta pensa cu e auto lo bay links debi cu
tin borchi cu ta indica cu bo mester bay rechts.
Nos a compronde di chauffeur di e Chevrolet cu net e la pasa bancomatico y lo tawata bayendo cas a bin haya cu un boksmento poco comun. No ta conoci si chauffeur di e Sportage lo a bruha di caminda.
ArubA bAnk tA orguyoso di A pArticipA den e
torneo di golf di cAridAd AnuAl di rotAry club of ArubA celebrAndo nAn di 25 edicion
2 di december 2024 – Cu orguyo, Aruba Bank a participa den e di 25 edicion di torneo di golf di caridad anual, organisa pa Rotary Club of Aruba, na The Links at Divi Aruba. Representando Aruba Bank na e evento di comunidad tan spera tabata Herman, Eugene, Ryan, y Bryan, demonstrando nan habilidadnan y compromiso pa duna bek na comunidad.
E torneo, cu tabata na formato di scramble di 4 persona, tabatin dos salida shotgun na 8:00 di mainta y 12:30 di merdia, caminda golfistanan y sostenedornan a uni pa un dia di placer, competencia, y filantropia.
Tur fondo genera di e evento lo bai na beneficio di e comunidad directo, reforsando e dedicacion di Rotary Club pa projectonan di caridad cu tin
hopi importancia.
Aruba Bank ta contento di a forma parti di e evento aki cu enfoke riba teamwork y union den nos comunidad. Nos ta gradici Rotary Club of Aruba y tur otro sponsornan di evento pa organisa un torneo exitoso cu tabata tin hopi impacto.
tumA Accion pA preveni, protehA y s top dengue con nos por stop dengue?
Pa por stop transmision di Dengue y otro malesanan transmiti pa sangura ta importante pa cuminsa na prome luga na rais di e problema. Esaki ta ensera
reduci of stop e sangura di sigui broei na cantidad grandi. Esaki nos por haci door di:
• Tira afo of warda tur obheto cu por retene awa innesesariamente paden y rond di cas, scol, trabou y alrededor dibo. Por ehempel scoter bou mata, tire, coy hunga pafo, vas cu mata of flor y mas
• Tapa tur awa para cu tin proposito manera e.o pa muha mata of duna bestia tur dia. Por ehempel hemchi bou erco of bari cu awa di yobida y mas
• Ta extra alerta riba
awa para cu proposito di bida pa mata of mascota por ehempel vas cu mata of flor, baki awa di bestia, vijver cu mata di lili y mas
Di dos (2) paso ta proteha bo mes pa bo no haña Dengue, esaki bo por haci door di:
• Bisti paña cu manga y pia largo durante oranan di atardi pa anochi
• Uza repelente contra sangura riba cuero cu no ta cubri cu paña
• Den espacio pafo di cas cende un mecha of uza bela contra sangura
• Sera porta y bentana
di cas prome cu bira scur of uza screen
• Evita di bishita areanan unda bo ta conciente cu tin hopi sangura
• Spuit paden di cas, camber, oficina y areanan cu bo ta frecuenta regularmente cu producto pa mata sangura.
Di tres (3) paso ta proteha otronan rond dibo ora cu bo tin Dengue of tin sintomanan di Dengue. Esaki bo ta haci door di evita di wordo pica pa sangura. E sintomanan ta entre otro:
• Keintura
• Dolor di cabes
• Biramento di stoma y sacamento
• Dolor di weso, joins y musculo
• Dolor di wowo
• Rash riba curpa
E sangura cu ta transmiti Dengue ta haci esaki di un hende pa otro. Pues si bo tin Dengue of sintoma di Dengue y den bo espacio e sangura pica bo y depues pica bo famia, colega of bisiña nan tambe lo haña Dengue. Ora tin un cantidad di hende cerca di otro cu Dengue nos ta papia aki di un cluster.
Bunita logro pa enseñansa 2021 – 2024: DESPUES DI 14 AÑA A LOGRA AUMENTA NORMBEDRAG
Manera ta conoci, despues di 14 aña ex Minister di Enseñansa y Deporte Endy Croes cu aprobacion di Parlamento di Aruba a aumenta e “normbedrag” cu 6.4 miyon florin pa tur 10 directiva di scol. E “normbedrag” ta ancra den ley y ta e compensacion cu “schoolbesturen” ta ricibi a traves di “exploitatiesubsidie”. E
“normbedrag” ta cubri costo di, entre otro mantencion di scol, mantencion di e mueblenan di scol, seguro di e edificio di scol y lokaal, limpiesa di edificio y lokaal, coriente, awa, gas, airco, inversion den “hulpmiddel” y e necesidadnan di scol, lesmateriaal y administracion. E ley ta bisa cu cada tres (3) aña
CU 6.4 MIYON
mester calcula si mester aumenta e suma aki.
E ultimo rapport oficial ta di aña 2009 y e ultimo aumento a tuma luga na aña 2010. Den aña 2023 un team di experto cu ta compronde e materia a haci un investigacion y calculacion. Na final di e investigacion un rapport a keda presenta, unda cu
a indica cu mester “haal in” e suma di 6.4 miyon florin. Dia 4 di september 2023, den e tratamento di “voorjaarsnota”, Parlamento di Aruba a aproba 50%, esta 3.2 miyon florin. Den luna di december aña 2023, ora cu Parlamento di Aruba a trata Presupuesto di Pais Aruba a aproba e otro 50%, esta 3.2 miyon florin.
Pues, a “haal in” un total di 6.4 miyon durante aña 2023. Esaki ta significa cu a inverti mas placa den enseñansa pa asina e schoolbesturen por cubri nan gastonan.
Ex Miniser Endy Croes a scucha y a cumpli! Cu Endy SI # 4 riba e lista geel! Un amigo pa semper!
Hyundai SuV a pega candela den garage
Paradera - Diabierna anochi polis y despues brandweer a bay un adres pariba di rotonde Paradera, unda cu tin huma saliendo di un garage na un cas.
A bin resulta cu ta un vehiculo un Hyundai SUV color blanco lo a pega candela.
Brandweer a yega basta lihe, y cuminsa combati esaki. Mester bisa si cu, e
candela danki Dios no a plama bira grandi mesora.
Bomberonan a haci nan esfuerso door di actua rapidamente pa contene e candela cu tawata den un espacio chikito.
Na final por a mira cu e hood di e auto a wordo habri y esaki ta un indicacion cu e candela a cuminsa den motor.
ChaCo Taekwondo aCademy a Tene examen pa e
CadeT
y Juniornan mas avansa
Diabierna ultimo Chaco Taekwondo Academy a tene e ultimo examen di aña 2024 pa e Cadet y Juniornan mas avansa.
Grand Master Melvin Rasmijn, Yoshmar Wever y Mirelle Dirksz a tuma nota di e examen.
importante di e examen, mirando cu e atletanan cu a haci examen ta atletanan cu ta na nivel hopi mas avansa.
Kibramento di palo ta un di e facetnan di examen y esaki tabata un cuki pa e atletanan mas avansa. Chaco Taekwondo Academy lo tuma un descanso pa e luna di December y lo cuminsa cu les bek na luna di Januari 2025.
E examen a wordo dirigi pa Grand Master Melvin Rasmijn y Master Yoshmar Wever.
Grand Master Melvin Rasmijn y Master Yoshmar Wever a pone hopi atencion ariba e teoria di Taekwondo y e Poomsae forma. Nan tabata e exigencianan di mas
Señor, mi no ta digno pa Bo drenta den mi caS, ma djiS BiSa un palaBra
So y mi lo ta cura.
8, 8)
Cu e temporada aki di Advent ta un apertura pa nos pa Pasco di Nacemento, pa nos por prepara nos mes pa nos por reconoce cu nos ta hendenan debil y tambe pecador. E capitan romano maske e ta un persona superior y tin dominio riba e hendenan toch el a acudi personalmente cerca Dios pa medio di fe y pidi sanacion di su cria. Nos tambe por pidi a traves di Hesus nos sanacion interior, liberacion y pordon pa nos faltanan tanto pa nos como pa nos prohimo. Nos mester resa pidi Señor pa fortifica nos boluntad pa nos tin tempo di Advent cu hopi fruta di conversion personal. No laga pa cosnan di mundo stroba nos di prepara na un manera digno pa su binimento. Hesus ta yama nos pa nos por sigui´E y proclama su mensahe di goso, paz y libertad na tur cu ta pone confiansa den djE.
Oracion: Señor Dios durante tempo di Advent aki mi kier medita y resa y prepara pa bo binida.
No permiti pa mi wordo venci pa mi habitonan pecaminoso, duna nos e curashi di speransa den bo promesa y cu nos por haya paz y legria eterno.
Amen.
(2024 Siman 2 December 2024)
SABIDURIA DEN NOS ALEGRIA
Skirbi pa Ruthy”Lady Ruth” Vrieswijk-Bergen
Un dushi dia yen di sabiduria den nos alegria pa nos tur ! Nos deseo pa cubri e actividadnan ainda den 2024, ja cu e dianan ta bay pasando y pronto nos lo canta Nochi di Paz den nos Iglesianan, pa e celebracion dushi di Pascu. Pero prome cu esey, nos eleccionnan pa un gobierno nobo y of ripiticion di nos bon gobierno actual. Den luna di November ultimo, Lady Ruth a bay conta storia, canta y recita poema pa nos grandinan den St. Michael Paviljoen na playa, ariba invitacion di e simpatico Ivy Goeloe Peterson cu hopi amor y carino pa nos grandinan.
Tawata un dushi mainta di duna danki sigur ! Tambe nos a bay bebe koffie cu un amigo di tempo di nos hubentud den mi dushi bario di Dakota tur dia, cu tawata na Aruba cu su dushi y bunita famia di Hulanda, na unda nan ta biba. Danki amigo Michael pa e invitacion di curason. Bida a bay bo bon y bida a bay ami bon.
Awor nos ta penshonadonan gozando un crenchi di bida cu nos mesun famianan. Tambe
Lady Ruth a drop in na Op = Op riba Sasaki pa busca un kerstboom chikito di hero fini no pisa cu ela cumpra p’e na Op = Op na Paradera, pa hiba un pa su mayornan pa dorna nan kamber, un kerstboom cu no ta garna, pero no tawatatin na Op = Op na Sasaki. Pero, e bunita y simpatico Yeilis a comunica cu otronan den Op = Op Sasaki y a bin ta regala Lady Ruth un kerstboom berde chikito di palo cu lugar pa colga 7 bala, oh asina cute riba su stand. Un size perfecto pa fit ariba e kashi den kamber di su mayornan, cu dia 28 di November 2024 a cumpli nan di 71 aniversario di boda, cu nos a celebra intimamente den famia cu yuinan y nietonan den un dushi forma cu dushi ambiente familiar. E anja anterior cu nan di 70 aniversario nos tawatatin bishita di dos di nos dushi hendenan, Pastor Jairo y nos flamante ministro di cultura sra.
Maduro cu a comparti e bendicion y un toke special di nan curason pa nos mayornan Lucas y Mercedes BergenTromp. Danki di curason lieve Yeilis y su coleganan amabel di Op = Op Sasaki pa e bunita regalo aki , altamente aprecia ! Nos ta spera di bin cu mas tocante e benta di pastechi den Cas di Cultura cu ta on hold pa x motibo. Gerente di Cas di Cultura a bisa nos cu ta departamentonan di gobierno tin’e tranka. Pero nos a tende foi un di nan empleadonan cu nan kier bay bende snacknan saludabel, pero ya tawatatin un famia cu a bende snacknan saludabel, kemen ta e prijs di huur di cushina ta mucho halto ?
Hopi a yega di wak con e bendedornan di pastechi ta trese nan bakinan di foil yen di pastechi pa bende, kemen no ta hasa nan den e cushina di Cas di Cultura. Unda e fayo ta sinta anto ?
Ta algo crioyo di Aruba , pakico no ta bende esaki mas ? Enfin, ban pensa na nan musical Grease cu
pronto lo ta ariba stage den e lugar aki, cu ta di pueblo y no di un solo team cu ta maneha e lugar aki toch ?
Pastechi y croquet ta algo cu mayoria cartera den pueblo por paga. Come on ! Hasi algo pa bida hasi algo pa pueblo ! Nos ta conclui nos relato di e siman aki, deseando un y tur dianan trankil di reflexion pa famianan ta uni y celebra hunto e dushi dianan di Sinterklaas y despues
Pascu y cambio di anja na maneranan responsabel sin di mas alcohol. Y cu e prijs halto di 50 of ta 45 florin pa un musical adapta na nos dushi isla hopi penshonado lo no por bay goza di e show aki, segun Lady Ruth a comprende den varios combersacionnan aki aya,( a menos nan wordo gesponsered). Nan sponsernan no ta suficiente ? Enfin, lo ta leuk pa muchanan di scol bay wak e show aki. Nos ta gradici nos fiel lectornan cu ta custumbra cu Lady Ruth su estilo di skirbi
cosnan bunita agradabel y positivo cu ta pasa y of cosnan como criticanan constructivo pa esnan concerni. Goza di e dushi musica di aguinaldos y gaitas cu ta resona na nos emisoranan local.
Pasa un dushi dia yen di sabiduria den nos alegria y un bearhug grandi di Ruthy cu su invitacion pa bin pasa ratonan ameno na UNOCA diasabra anochi dia 11 di December cuminsando pa 7 pm cu un mercado leuk y dushi di Pascu cu dushi musica di aguinaldos y gaitas. Lady Ruth tambe lo tey pa recita poema pa inspira tur rond di dje cu e amor y lus di Pascu.
Xiomara
FORTALEZA PA FAMIA
custumber nos acto dignitario e invita bishita e Ollé Dankerlui, y na lo diahuebs 5
Scirbi pa Pastor Marcel Balootje.
TA HENDE MES TA SCOHE, SI E TA BAY CIELO OF FIERNO
Ningun hende no tin e poder di manda otro cielo of fierno, pero si un hende rechasa e plan di salbacion cu Dios ta ofrece na tur hende den Juan 3:16 e persona ey lo keda bao di condenacion, y manera bijbel ta bisa e lo bay perdi..Pasobra e a rechasa e Yiu unigenito di Dios, pasobra e a prefera di permanece den scuridad, hayando e oportunidad pa kere den Cristo Hesus.
Hesus a bisa cu e maishi y e yerba shimaron lo crece hunto ( Mateo 13:27-30) y na final e lo manda su angelnan pa haci e separacion, esey ta nifica cu mientras nos ta na mundo, nos no tin di huzga nada prome cu tempo, pero stima nos prohimo, manera Dios a bisa, y haci tur locual ta posibel pa e prohimo por alcansa e Palabra di Dios pa salbacion di su alma.
Porta den nos bista un hende ta inmoral, sushi, criminal,antisocial, corupto, adultero, homosexual, lesbiana, adicto,violador, abusador,ladron,pedofiel, sinberguensa,pero nos no tin di lubida, cu si un persona asina arepenti Dios ta pordona e persona ( Salmo 103:3).Pesey Hesus a bisa den Mateo 11:28 : Bin serca mi tur cu ta cansa y carga y lo mi duna boso sosiego.
Laga nos splica hopi bon y hopi cla: Cielo ta Real. Y Fierno ta Real.
Cielo ta real bo por lese hopi cla den Juan 14:1-3.
Fierno ta real bo por lese den Lucas 16:19-31.
Ta para scirbi cu hende por scohe: Di berdad , di berdad,Mi ta boso, esun cu tende Mi Palabra y kere Esun cu a mandami,tin bida eterno,y no ta bin na huicio,ma a pasa for di morto pa bida.( Juan 5:24).
Di otro banda ta para bon cla scirbi den
Juan 3;36; Esun cu kere den e Yiu tin bida eterno. Ma esun cu no obedece e Yiu lo no mira bida,ma e furia di Dios lo keda riba dje.
Den esaki nos ta mira bon cla cu ningun hende no por condena, ningun hende, pero pa desobendencia, rebeldia, negligensia,falta di pordon, bofon di Dios, religiosidad falso,inmoralidad, abominacion,rechaso di e palabra di Dios, pa continua den un bida di pica y scuridad, e final lo ta fierno, pasobra tur locual hende sembra nan lo cosecha. Cristo Hesus ta e unico caminda pa cielo, E so por salba, E so por libera,E so ta e caminda di berdad y bida.
Laga nos no lubida locual ta para scirbi den Efesionan 2:8-9: Pasobra pa medio di gracia, boso a wordo salba door di Fe,y esey no di boso mes,e ta e don di Dios,no como resultado di obranan,pa ni un hende no gaba.
Drenta door di e porta smal, pasobra hancho ta e porta, y espasioso ta e caminda cu ta hiba na destruccion, y hopi ta esnan cu ta drenta door di dje. Pasobra chikito ta e porta y smal e caminda cu ta hiba na bida,y poco ta esnan cu ta hañe.( Mateo 7:13).
No bay tras di ningun hende, no laga ningun hende dicidi pa bo, pasobra na final nos tur mester duna cuenta personal na Dios, di tur locual nos a haci sea bon of malo.
No kere den ningun fantasia, pasobra ora un hende muri sin Cristo Hesus, sin salbacion, no tin bida eterna pe, tampoco pensa cu na ultimo momento lo mi entrega mi bida na Cristo, pasobra e oportunidad ey no ta priminti na ningun hende. E decision ta awor cu bo ta na bida, pa bo mes scohe y biba pa Cristo, y ser un fiel sirbido.Sinceramente, Pastor Marcel Balootje..
Prome Minister Evelyn Wever-Croes:
Gobernacion ta algo serio, no Ta TEmpo pa puRBa sCoRE “BuLando Cu
HaLa di manTECa” pasoBRa Bo Ta Causa E puEBLo di aRuBa daÑo
Otro siman diabierna dia 6 di december nos pais ta bayendo urnanan electoral, pa scoge nos parlamentarionan nobo, y asina haya un gobierno nobo pa e periodo di 2025 pa 2029. Prome Minister diahuebs anochi, den un discurso dirigi na henter pueblo di Aruba, a duna un resumen di e maneho financiero responsabel di Gabinete WeverCroes despues di varios reto encontra y e reto di pandemia.
Prome Minister a enfatisa cu den e añanan nos dilanti, pais Aruba mester sigui mantene su mes na e disciplina financiero aki, pasobra sin finansas, no por haci mucho. No ta tempo pa purba score “bulando cu hala di manteca” pasobra lo causa e pueblo di Aruba hopi daño.
Den e ultimo dianan aki prome cu eleccion dia 6 di december benidero, politiconan di oposicion a haci varios promesa entre otro pa elimina un cantidad di impuesto y aumento di un cantidad di entrada. Prome Minister a enfatisa cu esakinan ta promesanan no realistico, y si nan wordo ehecuta manera nan ta wordo bisa, mas bien ta compromete Aruba cu debenan nobo y presion financiero nobo.
Mester tene cuenta cu esaki por aumenta inflacion na Aruba y perhudica e stabilidad financiero cu Aruba ta logrando.
Prome Minister a enfatisa cu gobernacion ta algo serio. Aruba ta saliendo for di dos crisis cu a devasta nos pais financieramente durante ultimo añanan. Esun prome ta di e crisis financierio cu Gabinete Wever-Croes a hereda na 2017 di e gobierno anterior. Esaki a resulta den un KB di Hulanda cu ex prome minister Mike Eman a haya pa su mal gobernacion.
Despues a sigui e Crisis di Pandemia cu a causa un crisis di Salud y uno Financiero Economico pareu. Ta awor apensas Aruba a cuminsa paga.
“Awe Aruba ta riba caminda di progreso y recuperacion, pero nos pais ainda ta VULNERABEL. Aruba tin un debe nacional di mas di 5 biyon florin ainda cual tur aña nos mester paga y riba dj’e, pagando mas di 300 miyon florin na interes. Ta cu un maneho responsabel, prudente y strategico nos ta pagando riba e debe, invertiendo den prioridadnan urgente y dunando bek loke nos por na comunidad, pues den un forma responsabel”, Prome Minister a remarca.
Prome Minister a expresa cu Gobierno ta desea di por a haci mas, Sinembargo “Bo no por fia pa bo duna”, pasobra esey ta bay contra normanan financiero, y pasobra despues loke bo a duna bo tin cu paga bek y cu interes. Esey no ta sostenibel, bo lo agota bo recursonan y BBO lo tin cu subi hopi; esaki lo significa cu costo di bida y inflacion tambe lo subi.
“P’esey mi ta ripiti, Gobernacion ta algo serio, no ta cuestion di purba score ‘bulando cu hala di manteca’, pasobra bo ta
causa bo mes y e pueblo di Aruba daño. Tin ehempel suficiente di paisnan Europeo y di Sur America cu a bay haci esaki y nan fondonan entre otro di pensioen a kibra y a perhudica henter e pais.
Loke si nos Gobernacion a haci y ta haciendo ta mehora e capacidad financiero di Aruba pa por inverti y pa duna alivio, pa mehora e calidad di bida di nos ciudadanonan den forma directo y indirecto”, Prome Minister a duna di conoce.
Cuminda di pasCo
Ham horna 45,Galinja horna 45,Galinja jena 60,Kalacuna 150,-
Kalacuna jena 180,Cubo mes un ham /galinja of kalacuna! Pa ami cumpra hqm/galinja of kalacuna.
Pa pedido por jama of whatsapp mi riba 7497071 te cu 22 dec
PLASTIC: MI KIER CONTRIBUI POSITIVAMENTE -
NA UNDA POR MI POR DEPOSITA ESAKINAN?
Reduci nos uso di plastic ta un di e pasonan mas importante pa proteha nos medio ambiente y naturalesa. Pakico? Pasobra nos tur sa cu e impacto di desperdicio di plastic ta un di e retonan mas significante di nos generacion cu tur pais ta enfrentando. Door di reduci uzo y recicla locual nos no por evita di usa por reduci e cantidad cu ta yega na un landfill, of tambe e cantidad cu ta drenta nos naturalesa y lama.
Aruba ta un isla rondona pa lama. Basa riba datos scientifico, nos tambe sigur tin un responsabilidad pa minimalisa nos impacto pa mehora e situacion mundial. E realidad ta cu aunke nos isla no ta produci plastic, si nos uso di plastic ta halto, y hopi plastic di Caribe ta yega nos costanan mescos cu nos uso y desperdicio di plastic tambe ta yega costanan di otro islanan of paisnan via lama.
Con ta distingui e diferente desperdicio di plastic?
Tin varios tipo di plastic cu ta wordo aplica pa traha diferente tipo di producto. Por ehempel, Polyethylene
terephthalate (PET) ta un di e tipo di plastic mas comun cu por recicla. Kinan por pensa di por ehempel botter di awa, juice, refresco (of bebida en general), baki di cuminda (food containers) y otro productonan similar.
High-density polyethylene (HDPE) ta un otro tipo di plastic cu por ser recicla. HDPE ta ser uza pa botter di por ehempel lechi, shampoo/conditioner, y ta un plastic mas duro. HDPE tambe ta ser uza pa cierto material di construccion di plastic. Pa aumenta e grado di reciclahe di plastic e mester ta limpi y no contamina.
Mi kier haci mi parti: unda mi por entrega mi plastic?
Plastic tin un costo pa procesa, pero e impacto positivo riba nos medio ambiente y naturalesa, no tin prijs! Por deposita plastic na e proximo lugarnan actualmente:
• Plastic Beach Party (Recycling)
• Ecotech Freezone (Export di algun tipo)
• AruPro (Reusa exclusivamente su productonan).
Door di reduci y recicla
mas, nos por baha nos impacto negativo riba medio ambiente. Recicla plastic tambe ta tuma menos recurso natural y energia compara cu crea plastic nobo. Pues tin un
beneficio economico cu mester ser explora den futuro.
Na e momento aki nos ta conta cu boluntad di e personanan cu kier contribui na haci un impacto positivo, pa separa y deposita nan plastic na un di e companianan.
Pa mas informacion tocante desperdicio di plastic por tuma contacto cu e companianan of bishita website www. trashtocasharuba.org pa asina haya un bista di e Blue Print pa maneho di desperdicio.
