Na april 2023 tabata tin e sentencia di Corte di Prome Instancia den cual Mike Eman a invita prensa na Cas di Partido pa “celebra” cu Benny tabata djis un “tiki” culpabel so di corupcion den e caso Avestruz. Mike den un rueda di prensa dilanti cas di partido hunto cu activistanan di AVP a grita, baila y canta hunto, mientras cu Benny Sevinger tabata crea storianan di fantasia con inocente e tabata. Den un entrevista den prensa, Mike Eman a grita cu Benny no a coy ni un florin di niun hende y cu Benny no a haci nada malo. Ta pesey diabierna 12 di juli ultimo e veredicto di caso Avestruz a cay manera un bom atomico, cu a manda Mike Eman huy y sconde na su penthouse. Despues cu Mike Eman a brasa corupcion di Benny, y a sigura AVPistanan cu e mes a vota y lo sigui vota pa Benny, ata e bom a rementa den su cara. A keda constata cu Mike Eman a sostene corupcion y a nenga di saca Benny di Parlamento di Aruba!
Hues: Delitonan hopi grave ta conduci na un castigo mas halto: di 1 pa 4 aña di condena! Benny Sevinger, cu anteriormente
Parlamentario Marco Berlis (MEP): Mike eMan perdi despues di veredicto di corte coMun cas di partido avp
Muisstil cu lus y radio pag
a sigura AVPistanan cu e ta inocente y cu hues den Corte di Prome Instancia a duna un “tien y pluimpje” pa su trabao, awo a hay’e sirbi cu un condena 4 biaha mas pisa cu esun prome. Asina Corte Comun a dicta sentencia den e caso Avestruz contra parlamentario Benny Sevinger, cu ta keda condena cu un castigo di prison di 48 luna di cual 12 ta condicional, cu un tempo di prueba di 3 aña. Ademas Benny Sevinger a perde e derecho di postula su mes como candidato den eleccion y e derecho di ocupa un funcion den sector publico durante un periodo de 5 aña.
Segun Ministerio Pubico, Benny a haci su mes culpabel di soborno, defraudacion di Pais Aruba, abuso di su cargo y malversacion di fondonan. Benny Sevinger hunto cu co-sospechoso Leoncita Arends a estafa Pais Aruba, entre otro acusacionnan. Ademas e imagen di Pais Aruba a sufri dañonan grave a consecuencia di e accionnan di Benny Sevinger. Hues a declara cu loke Benny a haci ta hopi serio mes y cu e kier manda un señal cla pa tur politiconan cu e condena pisa aki.
Mike Eman perdi despues di e condena di Benny
E spectaculo mester sigui, pesey Mike Eman ta scondi actualmente den su penthouse y ta spera cu pueblo no lo tuma e condena di Corte Comun na serio. Mientras cu tur lus y airco di Cas di Partido ta paga, Mike mescos cu Benny ta tratando di convence AVPistanan cu ta Ministerio Publico, polis, recherche, y tur profesionalnan di e departamento hudicial ta hibando un “persecucion politico” contra Benny. Despues cu cuater hues a studia y condena Benny pa corupcion, ainda boso ta insisti
cu ta un persecucion politico tin? Esaki ta e politiconan cu Aruba merece? Politiconan cu ta sostene y celebra corupcion den dia cla? Esaki ta e “Bon Comun” cu Mike Eman ta predica? Mike eman su mascarada a cay! Un cos ta sigur; “Mike Eman lo drenta historia como e unico lider cu a sostene y celebra corupcion aki na Aruba!” Pabien Mike!
Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento.aw / Bo parlamentario y sirbidor di pueblo na bo ordo semper!
chauffeur no a regula su velocidad ni a Mantene distancia pa un auto cu a para pa un auto sali for
Diahuebs mainta a drenta informe di un accidente cu hende herida dilanti Shoco Snack na Schotlandstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cuun Suzuki Swift a para pa un auto sali for di e parkeerplaats pero e chauffeur di e Audi su tras no a regula su velocidad ni mantene distancia a bay dal tras di e Swift. Debi na e impacto un pasahero den e Swift a resulta herida. Na yegada di e ambulans nan a atende e victima.
Chauffeur a desvia pa otro auto ela perde
Control y a bay kenter den mondi
Diaranson anochi a drenta informe di un accidente cu hende herida pariba di airport, mesora a dirigi tanto polis como ambulans na e sitio. Na yegada di e patruya a bin compronde cu un chauffeur a desvia pa un otro auto y a perde control bay kenter den mondi. Na yegada di e ambulans nan a atende e chauffeur na e sitio mes.
polis di bario di oranjestad a logra Captura ladron Cu a Caba di drenta horta den un paCus
Diaranson mainta ora cu polis di bario pasando den Oranjestad ta nota
un adicto ambulante ta sali na careda cu un tas di mercancia y un
empleado su tras. Polis mesora a reconoce e adicto ambulante aki y a logra
par’e den Visstraat y a detene pa ladronicia. Apidi pa e vehiculo di transporte
di detenido pa asina por hibe warda si polis.
Minister Endy Croes:
PROYECTO DI RENOBACION DI E VLOER NA CENTRO
DEPORTIVO LIBERTADOR
BETICO CROES
(SPORTHAL)
NA SANTA CRUZ A INICIA
: Diamars mainta, Minister di Enseñansa y Deporte Endy Croes a acudi na Centro Deportivo Libertador Betico Croes na Santa Cruz. A inicia cu un proyecto di renobacion na Centro Deportivo Libertador Betico Croes na Santa Cruz.
Manera ta conoci, e vloer di e sporthal tabata den un condicion deplorabel. Durante pandemia Centro Deportivo Libertador Betico Croes a wordo uza
Aruba Sport Unie (ASU), Dienst Openbare Werken (DOW), Arubaanse Wegenbouw Maatschappij (AWM) y tur stakeholder cu ta haciendo e proyecto aki posibel. Finalmente, e mandatario di Deporte a indica cu mas despues e lo bishita e sporthal pa mira e avancenan y lo mantene pueblo informa acerca di e ultimo desaroyonan di renobacion,
como centro di vacunacion y a acorda cu Gobierno di Aruba lo percura pa renobacion di e vloer. Pues pa hopi tempo no por a uza e sporthal pa eventonan deportivo. E container cu tur material a yega Aruba, pues e trabounan a inicia.
A kibra e vloer di e sporthal completamente pa pone un cancha special y moderno. Minister Endy Croes ta gradici Gobierno di Aruba, Ministerio di Deporte, directiva di
2025 NA TEMPO NA PARLAMENTO DI ARUBA
CAFT a duna conseho caba y awo Raad van Advies ta na turno pa brinda su conseho
Presupuesto di Pais Aruba ta e ley di mas importante cu Parlamento di Aruba ta trata cada aña. E preparacion pa hinca Presupuesto di Pais Aruba den otro, ta cuminsa ya caba den luna di april di e aña anterior. Na e momentonan aki tur esfuerso ta dirigi pa por entrega e Presupuesto di Pais Aruba pa aña 2025 na tempo, prome cu dia 1 di september 2024 na Parlamento di Aruba. Minister Maduro di Finansa ta informa cu Presupuesto 2025 ta casi cla y awo ta den e proceso di haya su consehonan di CAFT y di Raad van Advies. CAFT a duna conseho caba y awo Raad van Advies ta na turno pa brinda su
conseho.
CAFT
Conforme e Ley di LAFT, ya caba e colegio di supervision financiero
CAFT a duna su conseho na Minister di Finansa riba e presupuesto preliminar pa aña 2025. CAFT den su conseho ta hopi positivo y ta indica, entre otro, di ta satisfecho di mira cu tur documentacion ta entrega na tempo, cu e presupuesto ta bon hinca den otro, cu e resultado financiero ta un surplus di mas di 1% y cu e debe di Aruba ta bahando.
Raad van Advies
Na e momento aki, Presupuesto 2025 ta na Raad van Advies pa su
conseho. Asina cu Raad keda cla cu nan conseho, Gobierno lo haci e cambionan necesario y lo brinda e concepto di Presupuesto 2025 na Parlamento.
Proceso cu falta pa yega na Presupuesto 2025
Tur esfuerso ta wordo haci pa por entrega e concepto di Presupuesto 2025 na tempo, prome di 1 di september, na Parlamento di Aruba, manera a bin ta pasa cu Presupuestonan di añanan 2023 y 2024.
Si tur cos cana bon, e debate publico den Parlamento lo por tuma lugar den e ultimo lunanan di aña 2024
y e Presupuesto 2025 lo por keda aproba fin di december 2024. Despues cu Gobernador firma e Presupuesto 2025, esaki lo wordo publica den Landscourant pa asina por drenta na vigor na comienso di aña 2025.
Lider di MEP sra. Evelyn Wever-Croes: Pa 15 aña consecutivo
PARTIDO MEP CU CAMPAÑA PA YENA FORMULARIO DI
IMPUESTO 2023
Partido MEP ya pa 15 aña consecutivo ta yuda nos ciudadanonan yena nan formulario di Inkomsten Belasting na CEDE di MEP. Lider di MEP señora Evelyn Wever-Croes, den nomber di Partido MEP ta invita tur ciudadano cu tin mester di ayudo pa yena nan formulario di Impuesto 2023, pa tuma contacto cu Partido pa asina traha un cita pa yena nan formulario di Impuesto. Of tambe durante e fechanan cu ta yuda yena formulario, por cana drenta pa wordo yuda.
Pa dia 9 di augustus tur ciudadano lo mester a ricibi nan formulario na cas y dia 9 di october ta e ultimo fecha pa entrega esaki. Pa esnan cu ainda no a ricibi nan formulario, of pa e fecha menciona ainda no a ricibi’e, mester pidi un duplicado na Departamento di
Impuesto.
EXCEPCION PA
PENSIONADONAN:
Departamento di Impuesto a informa cu pensionadonan cu tin un pension so, cu ta e pension di SVb, no lo ricibi e formularionan aki mas.
Diamars y diahuebs, parti mainta 9:00 am pa 12:00 pm y parti atardi 6:009:00 pm.
Diasabra 9:00 am pa 1:00 pm.
HACI CITA OF YEGA
DRENTA:
Por haci un cita na number 593-1026 desde dialuna 29 di juli for di dialuna pa diabierna, di
10:00 am pa 5:00 pm. Tambe por drenta sin traha cita. Tur ciudadano lo wordo atendi y ningun formulario ta keda atras na CEDE di MEP, pasobra ta trata di informacion confidencial, y no por core riesgo cu nan ta perde.
DOCUMENTONAN:
Pa por yena e formulario ta importante pa bo tin comprobante y documentonan necesario
entre esakinan ta: Loonopgaaf 2023 SVB, Loonopgaaf 2023 APFA, Loonopgaaf 2023 di Lago Annuity Foundation, Carta di interes di prestamo di banconan, Carta di interes y gastonan di hypotheek, Carta di interes di Credit Card. Finalmente si tin yiunan ta studia den exterior, mester inclui comprobante di inscripcion di e yiu na e scol den exterior.
“Pues busca bo documentonan y keda pendiente. Desde augustus 27, na CEDE di MEP nos ta spera bo pa yuda bo un biaha mas. Manera semper mi ta recorda ciudadanonan, paga impuesto ta deber di nos tur, pero no paga dimas impuesto. Yena bo formulario y entreg’e na tempo”, Lider di MEP, señora Evelyn WeverCroes a expresa.
Prome Minister Evelyn Wever-Croes:
Gobierno no por interveni of revoca e decisionnan di companianan estatal pero
GOBIERNO A PIDI ARUBUS PA RECONSIDERA
E NOMBRAMENTO DI E DIRECTOR NOBO
– Despues di informacionnan cu a wordo duna durante e Conferencia di Prensa di Gobierno di Aruba Dialuna 15 di juli, miembronan di prensa a haya oportunidad pa haci pregunta na Prome Minister Evelyn WeverCroes. E mandatario a duna su contesta riba un pregunta basta interesante cu a trata e nombramento di señor Nuboer como e director nobo di Arubus.
Basa riba e pregunta aki, Prome Minister a indica cu e nombramento di señor Nuboer ta causa controversia. E situacion cu Arubus ta aden awor ta delicado y mester un director di un reputacion y integridad intachabel pa lidera e compania. Tanto internamente pa haya e respet di e empleadonan y externamente unda tur stakeholder mester atende cu e compania pa soluciona problemanan y pa e
motibonan ey Gobierno a pidi Arubus reconsidera e nombramento aki.
Prome Minister ta splica cu Arubus ta un compania estatal y ta tuma desicionnan riba su mes a base di e reglanan di “Corporate Governance”. Gobierno no por interveni of revoca e decision pero si por duna opinion y por comparti preocupacionnan riba e nombramento.
“Nos Gobierno desde cu mi a bira minister encarga cu integridad na aña 2017, a haci integridad un punto di atencion y tambe mi a pone hopi prioridad na dj’e. No por ta asina cu nos Gobierno tin un maneho di integridad y un compania estatal ta haci lo contrario. Manera mi a menciona anteriormente, Gobierno no por tuma e decision of cambia e decision di Arubus pero si nos por pidi pa reconsidera
e nombramento, y esey ta loke nos a haci”, Prome Minister a declara.
CU hOPI CUMINDA y ACTIvIDAD: LA CABANA A CELEBRA DIA DI APRECIO NA EMPLEADO
La Cabana Beach Resort & Casino a recientemente celebra dia di aprecio na empleado asina honrando e trabao duro y dedicacion di su team excepcional. E dia tabata yena cu hopi actividad divertido, cuminda delicioso, entretenimento y creando recuerdonan memorabel hunto den e ocasion cu tur hende envolvi.
E dia a cuminsa cu un dushi desayuno na Chit Chat Cafe, na unda cu empleadonan a bini hunto pa disfruta di un variedad di cosnan dushi pa desayuno. Esaki tabata e oportunidad perfecto pa miembronan di e team por relaha, combersa y cuminsa nan dia den un manera super positivo.
Mientras e mainta a progresa, e festividadnan a continua cu un BBQ Lunch hunto cu entretenimento live pa medio di Jerrino Bass y su banda. E BBQ tabata un hit, ofreciendo un seleccion sabroso di diferente tipo di carni faborito riba grill. E ambiente tabata electrico, mientras cu empleadonan a disfruta e actividad y festividadnan merdia den bon compania.
Locual a resalta tabata e evento di tira bolo, cual a saca e parti divertido di tur empleado afo. Un miembro di e comision ehecutivo tabata boluntario pa asina ricibi tur e bolonan tira riba dje, cual e empleadonan sigur a disfruta di dje. Hopi harimento a yena e sala mientras cu bolo tabata bula rond tur caminda, dushi y hopi pegahoso, treciendo e comunidad di e resort hunto pa un merdia hopi leuk y ameno.
E dia special aki no tabata solamente consisti di weganan y diversion, e tabata un celebracion tambe di e excelencia di e team aki. La Cabana Beach Resort & Casino orguyosamente ta reconoce e score di Internal Audit di mas halto, cual tabata 97 anto ganando un premio recien di AHATA su Impact Award. E logronan aki ta un testimonio di e trabao duro y dedicacion cu
tur empleado di e resort ta hinca dia aden y dia afo.
La Cabana Beach Resort & Casino ta inmensamente orguyoso di cada un miembro di e team pa nan contribucion na tur e logronan aki. Cada un di e empleadonan a hunga un rol crucial den loke ta e exito di e resort. E resort no lo por a yega na e logronan aki sin e compromiso y esfuerso di su empleadonan.
Segun General Manager, Joe Najjar: “Mientras nos ta refleha e ocasion alegre aki, nos kier extende nos gratitud na tur empleado. Danki pa bo dedicacion, trabao duro y sosten. Nos ta celebra bo y desea di sigui por celebra hopi mas exito hunto.”
ARUBA BANK TA FORMA PARTI DI E CONFERENCIA
LIDERA DI ATIA
EMPODERANDO HENDE PA KIBRA NAN ‘LIMITING BELIEFS’
Aruba, 18 di juli, 2024Aruba Trade & Industry Association (ATIA) ta contento pa anuncia e conferencia Lidera cu ta enfoca pa yuda hende kibra nan ‘limiting beliefs’ y logra un mentalidad ‘limitless’.
Herrick Henriquez, Director di ATIA, a splica cu e tema ‘Limitless’ ta trata di kita limitacion personal y habri pa un potencial sin limite.
E conferencia lo conta cu varios orador e aña aki;
1. Marisol Croes: Un psicologo, Croes lo trata e concepto di ‘limiting beliefs,’ enfocando riba con hende por kibra barera mental pa bira “limitless”.
2. Jason Geerwin: Conoci pa su compania di Body Zone, Geerwin lo papia riba e conexion entre un curpa fuerte y un mente fuerte, compartiendo habitonan cu ta contribui na forza fisico y mental.
3. Zena Dennis Tucker: Un figura conoci na Aruba, Tucker a transiciona di e industria di hospitalidad pa bira un
coach global den ‘customer excellence. E lo elabora con pa logra excelencia den servicio na clientenan.
4. Allistair McCaw: Un autor di buki siete bes y coach renombra, McCaw lo papia di cultiva un mentalidad di ‘Champion Minded’. Su experiencia ta inclui coach di top hungador di tennis y trabou cu Asociacion di Tennis di Merca. Su buki ta inclui "Champion Habit," "Mindset is Your Super Power," y "Lead with Purpose Make an Impact."
ATIA y Aruba Bank ta invita nos hobennan deportivo pa participa gratitutamente. Tin 400 lugar disponibel pa studiante entre 14 te 20 aña. Henriquez a enfatisa cu cada carchi cu wordo bendi ta contribui na esaki, permitiendo un studiante pa atende e conferencia completamente gratis. E evento pa studiante lo tuma luga dia 6 di september 2024 na e ballroom di Hilton for di 4:30 pm te 6:30 pm, mientras e evento principal
di Lidera lo tuma luga dia 7 di september 2024. Pa mas informacion y compra di carchi, por
tuma contacto cu e oficina di ATIA, unda cu e team ta cla pa yuda. Aruba Bank ta invita bo
e conferencia
pa forma parti di Lidera 2024,
aki ta premira di ta un exito.
DELEGACION DI COMITE OLIMPICO ARUBANO A BIAHA
NA FRANCIA PA REPRESENTA ARUBA DEN WEGANAN
OLIMPICO PARIS
2024
A haci entrega oficial di e uniform na Prome Minister Evelyn Wever-Croes y Minister Endy Croes.
E delegacion di Comite
Olimpico Arubano (COA) a biaha na Francia pa participa den Weganan Olimpico Paris 2024 cu lo tuma luga dia 26 di juli 2024 pa 11 di augustus 2024. Diaranson ultimo, secretaria general di COA y vice-presidente di Comite Olimpico Internacional
Sra. Nicole Hoevertsz, hefe di Mision Paris 2024
Sra. Kamilah Dammers y miembro di Direccion di Deporte di COA Sr. Jonathan Wever a bishita Minister di Enseñansa
y Deporte Endy Croes
hunto y Minister President Evelyn Wever-Croes pa haci entrega di e uniform cu e seis (6) atletanan lo bisti pa representa Aruba durante Weganan Olimpico Paris 2024. E diseñonan di e uniform ta representa nos fauna y e color blauw riba e uniform ta representa nos lama. Banda di esaki, e costurero Sr. Ramon di Staylay a confecciona e trahe oficial pa apertura di e ceremonia di Weganan Olimpico Paris 2024. Pa
prome biaha e apertura di Weganan Olimpico e delegacionnan lo ta riba un boto cu lo traspasa mas di 6 km riba e riu de Seine cu ta recore den e ciudad. Ta premira cu mas di 300 mil persona lo ta presente pa mira e gran desfile di Weganan Olimpico Paris 2024.
Minister Endy Croes ta gradici Comite Olimpico Arubano pa e bunita obsekio aki. Alabes ta desea Shanayah Howell, Chloe Farro,
Ethan Westera, Just van Aanholt, Mikel Schreuders y Philip Elhage hopi exito durante Weganan Olimpico Paris 2024. Aruba ta hopi orguyoso di boso. Cu disciplina, deseo, dedicacion y determinacion ta logra.
Glenbert Croes: CU PARTIDO MEP DEN GOBIERNO, ARUBA LO SIGUI PROGRESA
ORANJESTAD - Diadomingo 7 di juli, a marca un otro encuentro exitoso y interactivo di ‘BAN TOPA’ den e edificio di ATIA na Pedro Gallegostraat 6 na Dakota. Minister Glenbert Croes, como candidato riba e lista prestigioso di MEP, y Minister di Labor, Energia y Integracion, tabata presente y a duna un presentacion riba e desaroyonan cu tin actualmente den e area di su ministerio.
Minister Croes a habri su discurso splicando e trabou duro cu partido MEP a bin ta haciendo pa drecha e desaster cu e gobernacion anterior di Gabinete Eman a laga atras. Pa loke ta su ministerio, el a duna un splicacion amplio riba e desaroyonan cu tin actualmente.
Un di e metanan importante di e gabinete actual ta pa genera empleo pa nos hendenan, y p’esey gobierno ta trahando duro no solamente pa sigura trabounan, sino tambe pa prepara nos ciudadanonan cu e hermentnan necesario pa por
haya un trabou. A reactiva Eseñansa pa Empleo (EPE) cu a wordo neglisha den pasado y cu awe ta conta cu facilidadnan nobo y un variedad di curso interesante. Tambe mirando e desaroyo cu lo bay bin na San Nicolas den un futuro cercano, gobierno ta trahando pa pronto habri un EPE na San Nicolas.
Gobierno tambe a organisa varios Job Fair y a participa na ILO. Tur e esfuersonan aki a conduci na un rebaho den e cifra di desempleo cu a yega un "record low" di 4%. Salario minimo tambe a subi na Awg 1986,00, cu ta un subida di 46% compara cu 2006.
Pa loke ta e cartera di energia, gobierno ta trahando pa bin cu proyectonan moderno di hidrogeno, lo reactiva e partinan di refineria cu ta bon ainda, lo bin exploracion di gas, lo reduci emision di carbono y lo produci hidrogeno, tur esaki cu e meta final di reduci e tarifa di awa y coriente pa e comunidad di Aruba. Esaki, Minister
Croes a remarca, sigur ta un tema cu ta causa hopi nerviosismo den coalicion.
Por ultimo, pa loke ta e cartera di integracion, aki tambe gobierno ta trahando na drecha e sistema di permiso, pa bin cu "alternative pathways", mas control riba firma di permiso, mehoracion den e proceso di DIMAS, y lo traha mas di cerca cu e asociacionnan di consuladonan na Aruba.
Minister Croes a expresa: “Traha na bienestar y pros-
peridad di pueblo ta un tarea grandi, y ta un gobierno serio so lo por logra esaki. Hopi ta esnan cu ta bisa cu MEP ta un gobierno di medida, pero e realidad ta cu MEP semper mester bin drecha e desaster cu AVP ta laga atras.
Nos di partido MEP ta traha cu alma y curason na
sigura un futuro briyante pa nos pueblo en general, y pa percura cu e progreso y bienestar yega den cartera di tur ciudadano di pais Aruba.
Danki na tur e esfuersonan di partdio MEP den gobierno, Aruba ta progesando", Minister Croes a termina bisando.
FORTALEZA PA FAMIA
Scirbi pa Pastor Marcel Balootje.
MAYOR TA BO DEBER PA SINJA BO
YIU E PALABRA DI DIOS
A keda proba y demostra cu si mayornan no trece nan yuinan riba e caminda di Dios, y siña nan e importancia di tin Cristo Hesus na prome lugar den nan bida, e sistema di e mundo aki lo yena nan cu impuresa.
Ta duro di tende hende grandi cu mester sa mihor, papia cosnan y expresa duresa di curason cu ta trece duele riba hende su curason , pa motibo cu nan no tin temor di Dios. Y tin di nan hasta kier stroba cu e palabra di Dios por yega serca esnan cu tin hopi mester di dje.
Nos hubentud mester di e palabra di Dios, pasobra forsanan diabolico a lanta fuertemente contra Matrimonio, Famia y Hubentud, cual ta net e tres pilarnan di sociedad.
Nos no tin otro nomber pa e cantidad di maldad cu ta bay rond, tratando di haci mas tanto daño posibel na nos comunidad.
Pakico tin tanto hende mara na droga , alcohol, violencia, abuso inmoralidad, impuresa, pasobra nan tin falta di e palabra di Dios, y e ta notable den tur gremio, rico y pober.
Den e buki di Oseas capitulo 4:6-9 ta para scirbi:
* Mi pueblo ta wordo destrui, pa falta di conocemento.
* Pasobra bo a rechasa con-
ocemento, Ami tambe lo rechasa bo di ta mi saserdote.
*Como bo a lubida e ley di bo Dios.Ami tambe lo lubida bo yuinan. Mas nan multiplica, mas nan a peca contra Mi.
*Lo mi cambia nan gloria den berguensa. Di e pica di Mi pueblo nan ta come, y ta gosa den nan inikidad.
*Y lo bira asina aki manera e pueblo ta asina e saserdote tambe ta.Asina lo Mi castiga nan pa nan conducta, y paga nan pa nan hechonan.
Den e locual ta para scirbi, nos por mira con importante ta pa mayornan instrui nan yuinan den e Palabra di Dios.
E deber di e mayor pa lanta su yiu den caminda di Dios ta algo hopi serio, pasobra di esey e mucha su futuro ta depende, pasobra un mucha cu no cocnoce e palabra di Dios, ta facil pa mundo dune un identidad falso y impuro.
* Pero un mucha cu for di su cas serca su mayornan a haña e doctrina sano di e palabra di Dios, tin e autoridad pa reprende tur enseñansa cu ta cambia e berdad di Dios pa un mentira.
Y e peligro ta conoci, pasobra awor si nos tur tin prueba , cu di berdad , hendenan sin temor di Dios kier trose e palabra di Dios, y asina yena hogarnan cu impuresa.
Si antes nos ta wak con e malisia aki ta wordo implementa den otro pais, awor aki nos por bisa nos mes: Welcome to the Club. Pero nos no por lubida locual ta para scirbi den e buki Josue 24:15, cu e y su
cas lo sirbi Señor.
Y esey ta e gran berdad cu mester tuma lugar riba nos isla, cu cada hogar mester bira un hogar cu ta sirbi Señor pa asina e malbado su doctrina di impuresa, inmoralidad y abominacion wordo rechasa tanto Spiritual como Social, y asina wante e malisia aki leu for di nos comunidad.
*Instrui un mucha den e caminda cu e mester cana y asta ora cu e bira bieu e lo no aparta su mes for di dje.( Proverbionan 22:6).
*Te hasta un mucha ta conoci pa su hechonan si su
conducta ta puro y recto. ( Proverbionan 20:11).
*85% di nos muchanan su
conducta Spiritual y Social ta depende di nan mayornan.
Selecion di Equitacion cla pa competencia
Despues di 3 dia di training, e team di equitacion di Aruba ta cla pa competencia Mundial.
E 6 participantenan di Aruba a completa nan 3 dia di training den e pista di competencia na Coliseo Marcelo Trujillo Panisse na Humacao, Puerto Rico. Aruba tabata tin cada dia 30 minuut caminda nos jinete &
amazonas por a train pa asina conose nan cabay mihor y finalisa e ultimo detayes prome cu competencia cuminsa diahuebs awor. E training tabata exitoso y awo e participantenan ta cla pa enfrenta paisnan manera Colombia, Venezuela, Republica Dominicana, Canada, USA, Puerto Rico y Corsou.
5 Auto a pega na candela cu un candela di mondi den cura di un garage
Diaranson atardi a drenta informe di cu tin un candela grandi na un garage na Papilon, mesora a dirigi
bomberonan na e sitio. Na yegada di e bomberonan a bin compronde cu aki tin un candela di mondi
cu a causa daño na 5 auto bomberonan a inicia cu un combate directo riba e candela y evita su expansion.
TEAM SNOR Y BOU PALO GANG LO HABRI TEMPORADA!
Calabas/Kudawecha -
Shonnan amante di domino riba steroid, e famoso temporada di domino aya n’e palacio di domino na Kudawecha, mundialmente conoci como Domino Square Garden, ta bay cuminsa diasabra awor, 20
di juli, pa 8’or di anochi! Si señores, amante di domino estilo AI, e palacio di domino na Kudawecha a haya un “overhaul” completo, y a keda manera nan ta bisa na hermana isla Corsou
“lulush-lulush”! Lombra so, blink blink, “spic en span”
Un Van Honda otro Van Mitsubishi, un Chevrolet Spark, un Honda Fit y un otro auto mas. Despues di e fuerte combate a domina e candela te cu a paga esaki completamente.
manera nan sa bisa na Hulanda, un cos di admira y e diasabra aki lo tin bautismo y habrimento di temporada di domino bush league cu e bataya entre e dos rivalnan eterno, nada menos cu Team Snor y Bou Palo Gang!
Fanaticada di domino, esaki no ta cos di perde! Manera semper, entrada pa publico en general ta completamente gratis, y durante half time e pasapalonan lo core manera trein totalmente por nada. E lider di Team Snor, e flamante Nelson “Snor” Perez, kiermen cu e aña aki nan kier habri “with a BANG!” Su meta ta pa cera e temporada na december invicto, “zonder kleerscheuren” manera
ta bisa na Hulandes! Un meta hopi ambicioso, pero manera Snor mes ta bisa “Shoot for the stars, if you miss, you can still reach the moon!”
Kiermen shonnan, diasabra awor, 20 di juli, cuminsando pa 8 or di anochi, e mondi lo wordo pega na candela, e bataya den pega piedra lo cuminsa c’un encuentro clasico, esta e wega grandi entre Team Snor contra Bou Palo Gang. Ken lo t’e prome vencedor? Ken lo t’e prome victima? Bin precensia pa bo mes diasa-
bra awor n’e unico y mundialmente famoso Domino Square Garden aya net n’e grens entre Calabas y Kudawecha. Yega!
Women’s Club of Aruba ta recorda Pearle Cromarty, un Life Member stima
E noticia tabata duro, doloroso y basta tristo pa miembronan di Women’s Club of Aruba (WCA). E noticia cu miembro Pearle (Pearl) Cromarty, a bay laga nos, a bin di un forma inespera. Nos a comparti tristeza cu otro y lagrima a yena nos wowo .
Nos lo haya su falta hopi na reunionnan general di miembrecia, pasobra tur luna e tabata loyal cu su presencia. E tabata stima entre nos miembronan!
Pearle Cromarty a nace na october 1932 y a bira miembro di WCA na aña1985 y ora el a cumpli 80 aña, y tabata un miembro activo pa 30 aña, a instal’e como Life Member segun nos Constitucion y Statuto. Su boluntarismo semper tabata continuo y cu e cariño pa nos grandinan, el a haya su mes ta bishita e casnan di nos grandinan pa hunga bingo cu nan of pa ta presente pa yuda caminda tabata rekeri su presencia.
Pearl a cumpli cu bendemento di ticket p’e proyecto pa recauda fondo pa club y remarcabel tabata, cu compara cu e otro miembronan, e tabata esun cu tabata bende mas hopi ticket.
Durante e añanan cu e tabata traha, e no por a atende e reunion general di miembrecia tur ora, pero ora el a alcansa edad di pensioen, e tabata presente tur luna. Ta den e temporada ey, el a bira miembro di directiva como chairman di Ways & Means pa 1995-1996.
Durante e aña ey tambe, el a join e grupo cu a bay atende e Convencion di General Federation of Women’s Clubs (GFWC) na Nashville, Tennessee. El a pasa un tempo agradabel, a gosa
di e convencion y nan a gosa di su compania. E tabata un dama hopi amabel! Bon educa y humilde!
Pearl tabata forma parti di e koor di Misa Protestant y pa e motibo aki a pidie pa para semper padilanti pa canta nos Ode na cada reunion general, locual e tabata encanta haci.
Sigur Pearl tabata hopi agradecido na su amigay compañeranan di club cu a cuid’e, busc’e pa bay reunion, bishitando e riba su hacimento di aña y tambe pa tira bista con tabata bayendo cu su salud: Adelaida, Diana, Myrna, Ursly, Mary Droogh, Rita, Greta y Lilla.
Na 2017 Pearl a bira e prome Reina di Carnaval di WCA, durante aña di presidente Marva Solagnier. Feliz y contento Pearl tabata y na final di su reinado, el a menciona cu su aña a pasa mucho lihe y cu ya e mester pasa e corona pa un otro persona.
Awo, na edad di 91, Pearl a bay di biahe pa no regresa,
lagando nos atras c’un duele profundo!
Tempo ta pasa, nos ta agradecido cu e tabata nos miembro, di tin e den Historia di WCA y cu su memorianan bunita lo duna nos algun consuelo.
Condolencia na tur famia, amigo- y miembronan di WCA, cu Pearl stima sosega na paz!
Un feliz comienso di weekend bendiciona y cu Dios brasa nos cu su misericordia infinito.
Scritura ta bisa:”Misericordia Mi kier y no sacrificio.”Mateo 12,7
Misericordia di Dios ta mas grandi cu su obranan. Loke Hesus kier di nos ta, pa nos ta misericordioso manera Dios ta misericordioso cu su pueblo. Den e prome lectura nos por lesa con Ezekias tabata pa bay muri. Dios a manda Isaias duna e noticia cu e no tin hopi tempo pa biba. Ezekias a bira lomba y a resa na Dios y Dios a tene misericordia cu ne. Mescos cu Dios a haci, nos tambe tin di haci den nos bida diario, tene misericordia cu nos rumannan, pasobra nos no sa den ki situacion nan ta pasando. Den e Evangelio tambe nos por lesa cu riba un sabat ora Hesus tabata cana cu su discipelnan den cunucu y nan abata tin hamber. Nan a cuminsa come trigo di e tapushinan. E fariseonan a bisa Hesus cu su discipelnan ta haci cos cu no ta permiti riba sabat. Hesus a bisa e fariseonan kico David a haci ora nan tabatin hamber. No laga nos bira mescos cu e fariseonan. Nos tin di ta manera Dios y Hesus, semper bay misericordioso cu nos rumannan y Hesus a pidi misericordia y no sacrificio.
Oracion: Dios nos ta pidi Bo pa laga nos por ta misericordioso manera
Abo ta misericordioso tur dia di nos bida. Amen.
Polis a bay pa "Kabouter" drumi dilanti negoshi na Italiëstraat
Diahuebs mainta a drenta informe di cu tin un adicto ambulante drumi dilanti negoshi na Italiëstraat, mesora a dirigi un patruya na e sitio.
Na yegada di e patruya a bin encontra cu e conocido adicto ambulante "Kabouter" drumi y su bicicleta banda di dje. Polis a lante for di soño y informe cu ta
mainta caba y solo a sali anto pa e bay haci algo productivo pa su bida. Mesora ela lanta y a stretch, piki su cosnan y a move bay di biaha for di e sitio.
Minister Geoffrey Wever: Fase 1 di Cas Veneranda a termina
Minister Geoffrey Wever a tene un reunion recien cu Stichting Monumenten Fonds Aruba relaciona cu e proyecto di renovacion di Cas Veneranda pa discuti e progreso.
E fase di demolicion di e proyecto a wordo completa
exitosamente. Esaki no tabata un proceso facil, y a encontra algun sorpresa na caminda. Tambe a siña mas di e historia y arkitectura di Cas Veneranda durante e demolicion. Awo e enfoke ta pa move pa e fase di renovacion.
E proximo fase ta cu e ofertanan di contratistanan mester wordo prepara y entrega, pa despues escohe e contratista. E fecha tentativo pa e comienso di construccion ta plania pa 2 di september.
Minister Wever ta keda compromete pa sigura pa e proyecto ser completa exitosamente y na tempo. 'Proyecto di Renovacion di Cas Veneranda ta di suma importancia y un parti cardinal den e revitalisacion
total di Oranjestad. Nos ta trahando duro pa preserva su balor historico y sigui revitalisa centro di Oranjestad', minister Wever a declara.
Prome Minister Evelyn Wever-Croes: COMITE OLIMPICO ARUBANO A ENTREGA UN BUNITA REGALO NA PROME MINISTER
6 atleta lo representa Aruba dignamente na e Weganan Olimpico Paris 2024
ORANJESTAD – Diaranson 17 di juli Prome Minister Evelyn Wever-Croes y Minister di Deporte Endy Croes tawatin e grato bishita di representantenan di Comite Olimpico Arubano (COA). Durante e mainta aki e Secretaria General di COA, señora Nicole Hoevertsz y Hefe di Mision Paris 2024, señorita Kamilah Dammers den representacion di COA a haci entrega di e pakete di uniformnan cu e atletanan lo uza durante e Weganan di Paris 2024, na Prome Minister y na Minister di Deporte.
Prome Minister a keda encanta cu e gesto aki y a remarca cu e uniformnan ta di un tela “eco-friendly” y e diseño ta impresionante representando e bunita fauna di Aruba y diferente tono blauw di nos lama.
E Weganan di Paris 2024 ta tuma luga dia 26 di juli pa 11 di augustus. 6 atleta lo representa Aruba na e Weganan Olimpico Paris 2024. E delegacion ta consisti di e atletanan:
- Shanayah Howell; Ciclismo/BMX
- Chloe Farro; Landamento - Ethan Westera; Vela/
Windsurfing Men
- Just van Aanholt; Vela/ Single Handed Men
- Mikel Schreuders; Landamento
- Philip Elhage; Tiro
“Mi palabranan di exito na e atletanan. Boso ta embahadornan di Aruba. Nos ta orguyoso di boso caba. Nos lo sigui e weganan di cerca pa celebra cu boso cada momento di experiencia na Paris 2024. Sigui haci nos orguyoso. Den nomber di Gobierno di Aruba y henter e pueblo di Aruba, mi ta desea cada un di e integrantenan di e delegacion pa e
Weganan Olimpico Paris 2024 tur clase di exito y cu Dios bendiciona boso”, Prome Minister a expresa.
Pa informacion di e atletanan durante e weganan olimpico: https://www. facebook.com/comiteolimpicoarubano
Na Pavia un auto a haya un fayo riba e caminda pone chauffeur accidenta, 3 auto cu daño!
Diahuebs madruga a drenta informe di un accidente na Pavia, mesora a dirigi patruyanan na e sitio. na
yegada di e patruya a bin compronde cu e auto a haya un desperfecto cu e brake riba caminda y no
por a para y a perde control bay dal un taxi staciona y e impacto aki a manda e taxi dal un Hon-
da staciona tambe. Aunke e impacto tabata fuerte cu basta daño pero asina mes afortunadamente ningun
hende a resulta herida. Polis a test e chauffeur pero e no a surpasa e limite di alcohol.
