Diabierna December 13 2024 by Solo DI Pueblo

Cuatro persona herida den aCCidente serio na pos Chikito

Pos Chikito - Diaranson anochi pasa di 7'or y mey polis a bay a caminda paden di Pos Chikito, pa un accidente serio entre dos auto.

Polis a yega y ta bin topa cu e dos vehiculonan, un Mitsubishi y un Hyundai Tucson.

Den ambos auto tawata tin heridos.

Segun nos a compronde e ocupante di e Mitsubishi a resulta bastante herida, mirando e impacto fuerte den e porta banda di chauffeur.

Den e otro auto, esta e Tucson tawata tin un señora cu dos menor di edad. Tres ambulance tawata tin mester na e sitio pa atende cu tur esnan herida.

Tur esnan herida a wordo transporta pa Hospitaal.

Polis di trafico a presenta y hunto cu compania di seguro a start nan investigacion.

Falta di preferencia a hunga un rol y tambe velocidad halto.

Gobernador di aruba a nombra Tisa Lasor Te como informador

Gobernador di Aruba, Su Excelencia Alfonso Boekhoudt, a hiba varios ronda di consulta e siman aki en conexion cu formacion di un gabinete nobo. A consulta cu conseheronan y cu e cabesantenan di e partidonan politico cu durante e eleccion di 6 di december a haya un of mas asiento di Parlamento di Aruba.

Siguiendo e consultanan aki, Gobernador a nombra awe, diarason 11 di december 2024, Sra. Tisa LaSorte como informador. Ora di scoge un informador Gobernador ta tene cuenta cu entre otro e resultado di eleccion, e informacion obtene cerca conseheronan y e cabesantenan di partido y e exigencianan cu e proceso di informacion ta

impone riba e informador cu mester wordo nombra. Tumando na cuenta loke a wordo menciona ariba, Gobernador ta compromete pa nombra un informador pa e proximo ronda di informacion cu tin un profil independiente en relacion cu e partidonan cu a logra adkiri un asiento den e Parlamento nobo.

A pidi e informador pa investiga cual opcionnan

tin pa forma un gabinete cu tin e confiansa di un mayoria den Parlamento y cu ta enfoca riba hiba un politica financieroeconomico sano y ta pone atencion na e gastonan di costo di bida na Aruba.

Si acaso cu por forma un gabinete asina, e informado mester convence e partidonan politico envolvi pa firma un declaracion di boluntad.

Den e documento aki, e partidonan ta declara cu nan ta dispuesto pa forma un gobierno di coalicion hunto.

Sra. LaSorte a acepta e tarea di informacion aki. E informado mester entrega un rapport por escrito na Gobernador tocante e resultado di e tarea no mas tarda cu 20 di december 2024.

Noticia di Corte Castigo Combina pa homber Cu a menaza su mama Cu morto

Awe mainta Corte di Husticia a trata e caso penal cu Minsiterio Publico a cuminsa contra e homber C. (42), kende ta wordo acusa di a menaza su mama cu morto y cu e lo kima e cas. Den sala di Corte tabata presente e mama P. SOLO DI PUEBLO por a compronde cu tanto Hues como Fiscal a keda asombra cu un homber grandi ta bay menaza su mama cu morto y cu lo kima e cas. Ta asina cu e mama a bisa Hues cu e no kier mas pa su yiu bin su cas. E homber C. a bin acompaña cu un pastor di Centro Alianza, caminda C. ta rehabilita.

Fiscal a bisa cu e acusacion contra C. ta cu riba 23 December 2023, C. a menaza su mama P. cu morto y cu e ta cende e cas na candela. HOMBER TA MENAZA SU MAMA

Hues a bisa C., cu e tin hopi aña tratando casonan penal y e ta hopi asombra cu e caso aki. Hues no por compronde cu C. ta bay asina leu di menaza su propio mama cu e lo kima e cas y mat’e. Hues a mustra cu na Polis C. a bisa cu el a bisa esey pero no kiermen cu e lo haci’e. Hues a remarca cu e expresionnan aki ta spanta e mama. Hues a puntra, con C. a yega asina leu. C. a bisa cu e tabata biba cu su pareha pero e pareha a bay lag’e y esaki a afect’e asina hopi cu el a bay bebe. E bebemento a pone cu el a bira asina contra su mama.

C. a bisa cu actualmente e ta na Centro Alianza pa rehabilita pa uso di alcohol. El a bisa cu e ta recuperando satisfactorio. El a bisa cu e ta stima su mama hopi y awor e ta realiza cu el a haci malo. El a bisa Hues cu e tin contacto cu su mama y a pidi su mama pordon.

MAMA NO KIER YIU MAS DEN CAS

Hues a puntra e mama con e situacion ta. E mama a bisa Hues cu asina C. bebe, e ta bira problematico. E mama a bisa cu e kier pa un psychiater atende su yiu. El a bisa tambe cu e no kier pa C. bay serca dje mas. El a pidi Hues si por haya un manera cu C. lo por haya un cas. Hues a mustra cu tabatin un “Tom zitting” caminda a keda palabra cu C. mester bay curso di regulacion di agresion pero cu segun Reclasering, C. no a haci nada. Segun C., el a paga via on line dos biaha y cu Reclasering a bisa cu e mester warda. El a bisa Hues cu dos biaha el a bay personal na Reclasering pero nada.

Fiscal a remarca cu segun documentonan di Ministerio Publico, dia 22 October 2024, C. a bolbe menaza su mama. C. a bisa Hues cu riba indicacion di Reclasering el a bay Centro Alianza.

FISCAL A EXIGI CASTIGO COMBINA

Fiscal a bisa cu e tambe ta asombra cu C. ta

menaza su mama. Fiscal a mustra cu Polis a bay na e cas y a mira cu den e cas tabata hopi reboltea. Na opinion di Fiscal, por mira cu aki tin problema cu uso di alcohol. Fiscal a exigi 30 ora di trabao pa comunidad of 60 dia sera. Esaki ta condicional cu 2 aña di prueba. Fiscal a exigi pa den e periodo di prueba, C. keda bou guia di Reclasering pa entre otro e curso di control di agresion.

SENTENCIA

Hues a sera tratamento di e caso y a dicta sentencia di biaha. E opinion di Hues ta cu e centro di tur e asunto aki ta e bebemento. Hues a bisa cu e menaza di mama ta un asunto serio. Hues a bisa C. cu no ta bunita di scucha cu C. a bolbe menaza su mama. Di otro banda, Hues a bisa cu ta bunita pa tende cu C. ta na un centro pa rehabilita. Hues ta haya cu ta bon pa C. cay bou guia di Reclasering. Hues ta haya e exigencia di Fiscal na su lugar. Hues a condena C. na 38 ora di trabao, di cual 30 ora ta condicional cu 2 aña di prueba. E periodo di prueba, C, mester cay bao guia di Reclasering. Hues a splica cu e sentencia ta mas abao cu loke Fiscal a exigi pasobra Hues a kita e 4 dianan cu C. tabata sera, for di e 38 ora di trabao y pesey el a bira 30 ora.

Lee-roy Wong-Fat ta empLeado superior di aruba bank

Lee-Roy Wong-Fat ta empleado superior di Aruba Bank pa luna di oktober 2024.

Un empleado cu a demostra dedicacion y iniciativa sobresaliente, logrando asina e reconocimento aki.

E compromiso di LeeRoy pa semper brinda un experiencia superior na e clientenan di Aruba Bank cu ta refleha e balornan di e banco. Su accionnan

ta impacta e clientenan positivamente y ta pone un standard halto pa e excelencia di servicio na cliente.

Lee-Roy gusta bula drone como hobby, explorando Aruba su paisahenan y asina descubri diferente lugarnan riba nos isla.

Pabien Lee-Roy pa ta un empleado ehemplar cu ta forma parti di Aruba Bank.

Lider di Lucha pa Reforma Ryçond do Nascimento: Perseverancia lo vence e odio di “los Pobresitos”

Patrick Paskel cu Speed Andrade no ta gusta mi. Prome nan a cuminsa cu “e no tin caya”. Nan a sigui “Evelyn a priminti e un number riba lista di MEP”. Despues nan kier bende mi como un fracaso cu no por haya voto. E motibo pa tanto odio ta obvio. Mi ta combatiendo e sistema di patronahe politico y di corupcion cu ta empobreciendo nos hendenan den un forma structural. Sin embargo ta hustamente e sistema ey a yuda enrikece Patrick cu Speed. E rapport di RDA ta mustra cu bao di Mike Eman y Mike de Meza RDA a bira un neishi di AVP. E casonan penal di Speed ta mustra cu el a soborna polis pa ta prome den noticia. Asina 24ora a bira un imperio mediatico danki na un sistema corupto. Nan rabia ta cu e acogida di mi palabranan ta creciendo. Esey ta un peliger pa nan imperio y nan cartera.

Toch tin tres cos cu mi ta haya straño na e manera con Patrick cu Speed kier ataca mi. Na prome luga nan kier play victima, mientras ta nan ta e gigante mediatico na Aruba. E duo kier nos haya duele di nan: ay ta pica pa “los pobrecitos”. Na di dos luga mi ta haya straño cu nan a scohe e manera di mas

hipocrita pa ataka: nan kiermen cu mi ta lastra nan, mientras henter nan show ta draai rond di lastra hende na smaak. Mas hipocrita cu esey bo no ta haya. Na di tres luga mi ta haya nan yoradera straño, pasobra ta nan mes a cuminsa e guera. E guera entre ami cu e duo aki a cuminsa riba Enfoke dia cu mi a voto PRO e presupuesto 2024. E dia ey Speed a cuminsa cu su campaña di insulto, obviamente pa defende AVP y mal gobernacion financiero.

Desde e tempo ey nan rabia y odio contra mi a sigui crece, pasobra mi textonan ta dal nan duro cu e berdad y berdad ta pica lenga. Pero, mi mester admiti cu tin biaha mi ta sinti duele di nan. P’esey mi ta duna Patrick un man si mi mester dal den dje of mi ta pone mi man riba schouder di Speed ora mi wak e den Kowloon. Los di nan inclinacion pa ataca husticia y defende bandides, mi ta kere cu nan comportacion di bullying probabelmente ta sconde un vulnerabilidad emocional. Si esey ta e caso, nan tin mester di un mecanismo emocional pa nan sinti bon cu nan mes. Nos tur sa cu ambos a lucha cu obesidad extremo y a wordo ridiculisa pa nan peso. P’esey nan agresividad

verbal por ta un refleho di nan lucha cu autoestima abao, un mal imagen corporal y sentimento di rechaso. Ken sa si nan tabata victima di abuso y asina bullying a bira un salida pa emocionnan negativo?

A pesar di e guera di Patrick cu Speed contra mi, awe mi tin 1000 voto riba mi nomber. Esey ta cinco biaha mas voto cu tempo cu 24ora

tabata stima mi ainda. Nan tabata stima mi, pasobra mi tabata den AVP. Pero, ni cuanto nan purba bende mi como fracaso, e realidad ta cu di tur 21 parlamentario cu ta sinta den Staten ta mi persona a haya e crecemento mas grandi den voto (500%). Anto ningun otro parlamentario mester a bataya cu e gigante 24ora nan so, cu tiki recurso y cu plataformanan alternativo.

Pa loke ta trata e contenido di nan atake, mi contesta ta masha simpel: e 1000 voto cu mi a haya ta refleha cresemento, determinacion y curashi. E 1000 voto cu mi a haya ta un prueba cu principionan y perseverancia ta mas importante cu e odio y rencor di cualkier pobresito. Mi biahe apenas a cuminsa. Cada obstaculo ta hasi mi mas fuerte, y cada voto ta un confirmacion cu politica sincero y di contentido ta e futuro real.

Tur cu ta soña di un cambio real: durf di para pa loke bo ta kere. Cana e caminda dificil cu mi. Pasobra al fin, nos fe y curashi lo vence tur bos y media maligno. Nos fe y curashi lo habri caminda y lo inspira otro.

Metodo nobo pa entrega di Manpower planning 2025

DAO ta introduci un metodo nobo cu ta dinamico, flexibel y transparente pa colecta y publica e Manpower Planning (necesidad di personal) a corto y a largo plaso riba e mercado laboral y ta pidi bo cooperacion den esaki.

E Manpower Planning tin su base legal den e Ordenansa Laboral 2013 (Arbeidsverordening 2013, AB 2013 no.14) cual ta vigente desde 1 di april 2013. Un dunado di trabou tin e obligacion, basa riba articulo 30 punto 1 di e Ordenansa, pa manda un Registro di Personal riba peticion di e Director di e Departamento di Labor & Investigacion (Directie Arbeid & Onderzoek, DAO). E Registro di Personal ta consisti di tres parti, esta Modelo 1A den cual ta indica e personal cu tabata den servicio e aña anterior ; Modelo 1B den cual ta indica e necesidad di personal pa e aña venidero den un empresa; y Modelo 1C den cual ta indica e necesidad di personal en conexion cu un proyecto specifico pa e aña venidero.

Metodo nobo

Desde aña pasa a introduci un metodo nobo pa entrega di e documentonan aki na DAO. E metodo nobo ta encera cu e compania, via un portal cu su mesun datonan di login, ta haya acceso na e database LABORA di DAO pa yena/ entrega e datonan di e Registro di Personal y e Manpower Planning. Asina e compania por mira su datonan laboral na cualkier momento. Si bo ta desea di participa na e metodo nobo aki, por manda un email pa sr. Simon Brete (simon.brete@aruba.gov.aw).

Fecha di Entrega

di Manpower Planning 2025

DAO ta haci un peticion pa medio di e comunicado di prensa aki pa entrega e Manpower Planning pa 2025 di bo compania y/o e necesidad di personal en conexion cu un proyecto specifico pa 2025. E entrega di e Manpower Planning ta cuminsa dia 4 di december 2024. Tene cuenta cu esaki! Publicacion di Manpower Planning riba website di DAO

Lo analisa e Manpower Planning colecta di companianan te cu 31 di januari 2025 y lo publica esaki di forma anonimo y na e nivel macro den e prome siman di februari 2025. E analisis ta concentra riba e tendencianan y conocemento necesario pa cu e sectornan y

funcionnan di e necesidad di personal indica. Lo bay publica e resultadonan di e analisis aki riba e website di DAO (www.daoaruba.com) y ta contribui na un mihor comprondemento di e dinamica di e personal riba e mercado laboral y ta sostene e planificacion strategico como tambe desaroyo di maneho.

Ta bay publica e resultado di e Manpower Planning indica te cu 30 di juni 2025 den e di tres siman di juli 2025 riba e website di DAO (www.daoaruba.com).

Por entrega e Manpower Planning na DAO solamente den forma digital (via e database di LABORA of por medio di un Excel sheet na e email dao.labora@aruba.gov.aw).

Si tin necesidadnan nobo, of cambionan of adicionnan riba e Manpower Planning (e necesidad di personal) indica di bo compania durante e aña 2025, bo por comunica esaki na DAO na cualkier momento durante e aña.

Pa e dunadonan di trabou cu ainda no tin acceso na e portal di LABORA, nan mester manda nan Manpower Planning mediante un Excel sheet. Desde 2 di december 2025, lo por download e Excel sheet for di e website www.daoaruba. com of www.gobierno.aw (Excel sheet:DAO Personeelsbehoefte 2025) of bo por pidi esaki via email na aanvraagpr@gmail.com, y DAO lo mand’é pa bo via email.

Si e compania ta manda e Manpower Planning via e Excel sheet (segun Modelo 1B y/of Modelo

1C), ta pidi pa yena tur e datonan den e version digital di e formularionan y mand’e pa e email arbeidsmarktaruba@gmail.com.

Den caso cu bo compania tin un of mas sucursal, DAO ta haci un peticion pa yena e Registro di Personal no solamente pa e oficina principal (hoofdvestiging) (p.e. KvK-nummer 5555.0) pero tambe pa cada sucursal (p.e. KvKnummer 5555.1, 5555.2 etc.).

DAO ta recorda cu ta obligatorio pa manda e Manpower Planning entrante 4 di december 2024 (si tin un necesidad di personal den bo compania).

Fecha di entrega di Registro di Personal 2024 E entrega di e Registro di Personal 2024 (Personeelsregister) 2024 cu e datonan di e personal den aña 2024 (Modelo 1A) ta tuma lugar na un momento mas despues, esta den e periodo di 1 di februari 2025 te cu 15 di maart 2025.

Pa companianan cu ta haci uzo di un intermediario (p.e. accountings- of adviesbureau) DAO kier recorda cu cumplimento di nos leynan laboral ta un obligacion di e dunado di trabou y no di e intermediario.

Si tin pregunta, por tuma contacto cu sr.Simon Brete na number di telefon 5237718 of via email simon.brete@aruba.gov.aw of cu sra.Louisetty Croes na number di telefon 5237722 of via email louisetty.croes@aruba.gov.aw.

KPA A INICIA CURSO TOCANTE PERSONA DI CONFIANSA

MACUARIMA, ARUBA:

Pa altocomisario di Polis drs. Ramon Arnhem ta importante pa infoca riba e seguridad na pia di trabou. Den e cuadro aki a inicia curso tocante persona di confiansa. Pa cual 6 persona a wordo seleciona despues di un proceso di aplicacion.

“Nos ta duna prioridad na salud, cuido bienestar y seguridad pa nos coleganan. Como organisacion policial nos ta un bon hefe y nos ta spera tambe cu nos empleadonan tambe ta comporta nan mes bon. Un ambiente di trabou socialmente sigur ta e base fundamental

den nos organisacion interno y nos lo sigui activamente cu e meta aki” tabata palabranan di altocomisario Arnhem.

Un persona di confiansa ta independiente y ta disponibel pa asisti y guia coleganan cu a experencia un sintimiento incomodo of un experencia desconfortabel na trabou.

E persona di confiansa ta pa scucha esnan cu ta bai den situacionnan aki y dunanan informacion y conseho. Persona di confiansa tambe tin e tarea pa detecta problema y pa informa e hefe di Polis sin cu pidi.

ALTOCOMISARIO DI POLIS: MI TA YAMA MI PERSONAL DANKI PA 2024

MACUARIMA, ARUBA: E aña aki un biaha mas altocomisario di polis drs. Ramon Arnhem ta gradici su personal tanto polis como personal administrativo pa nan

altocomisario Arnhem.

Tambe 50 personal lo wordo escohi den un tombola digital y lo haya un regalo extra. Personal lo haya un mug cu tin un dicho importante na momento cu bo pone awa cayente den dje cu ta hiba e palabranan di “Happiness is not getting all you want, It is about enjoying all you have.”

Un miho momento pa gradici nos personal y duna nan e atencion mereci den e temporada aki di december na unda

cu como un famia blauw nos ta enfoca riba nos rumannan den blauw.

Henter aña 2024 altocomisario di polis Ramon Arnhem su

atencion tabata e bienestar di tur personal. Esaki ta su prioridad y elo sigui traha y mantene esaki na halto pa un ambiente mas sano y saludabel.

sosten, esfuerso, tempo y dedicacion pa sirbi pais Aruba pero tambe mantene e organisacion Cuerpo Policial Aruba riba pia.

Cada aña altocomisario di Polis den un forma humilde ta brinda e atencion pa su personal dor di duna un regalo chiquito pa asina demonstra cu cada un personal di KPA ta central.

“ E tabata un aña cu su retonan pero tog nos tabata tin momentonan di alegre, bunita y positivismo como un famia blauw” tabata palabranan di

For di oranan trempan t’e cu e siguiente dia

ELECCION 2024 A BAY BON PA POLIS

MACUARIMA, ARUBA:

For di momento cu Gobierno a bira demisionario Cuerpo Policial Aruba a cuminsa cu su plan di maneho adapta como tambe a instala un comision di eleccion pa e temporada cortico pero intensivo aki.

Tabata lunanan di trabou duro dirigi pa altocomisario di Polis Arnhem, comision di eleccion pa Polis como tambe na e comisarionan y hefenan di tur districto cu mester a controla pero tambe mantene e orden publico durante campaña.

Tabata simanan di reunion pa trece un plan di maneho pa dia di eleccion pa KPA. Mester a percura pa alimiento, transporte, material y maneho pa e polisnan por ta bon prepara pero tambe a percura pa tur Polis ta presente pa carga e orden publico Nacional di Pais Aruba.

Pa Cuerpo Policial Aruba eleccion 2024 a bay hopi bon, prome durante y despues tabata tin incidente chiquito pero

a conta cu 0 detencion ariba dia di eleccion y 0 detencion durante full e periodo di campaña.

Nos ta hopi satisfecho cu e eleccion a bay hopi trankil, nos comunidad a haci uzo di nan derecho di voto y a sigui e orden di polis como tambe a haya tur informacion necesario via e canalnan oficial di Polis.

Danki na cada un agentenan policial como nos personal administrativo cu for di

oranan di mainta trempan prome cu solo sali t’e cu oranan di marduga a traha durante eleccion. Tanto a mantene e urnanan sigur durante eleccion pero tambe a vigila henter e proceso. Danki na boso esfuerso y atencion como tambe un bon cooperacion cu personal di CENSO.

Nos ta gradicid nos comunidad pa e sosten bon ricibi y por bisa cu Polis ta hopi contento cu e comportacion!

Prome Minister Evelyn Wever-Croes:

PROME MINISTER A ATENDE EVENTO DI CEDEHM EN CONEXION CU 16 DIANAN DI ACTIVISMO CONTRA

VIOLENCIA DI HENDE MUHE Y MUCHA MUHE

“Mi tin un admiracion y respet grandi pa e esnan cu a bin dilanti y conta nan storia y mi ta felicita nan pa nan curashi”

Recientemente Gobierno di Aruba a ilumina

Bestuurskantoor cu luznan oranje, dunando sosten na e 16 Dianan di Activismo Contra Violencia di Hende Muhe y Mucha Muhe y asina ta uni na e campaña mundial “Orange the World. E 16 Dianan di Activismo

Contra Violencia di Hende Muhe y Mucha Muhe ta un campaña internacional cu a cuminsa 25 di November, Dia Internacional pa Eliminacion di Violencia Contra Hende Muhe, y ta dura te 10 di December cu ta Dia di Derechonan

Humano.

En conexion cu e 16

Dianan di Activismo

Contra Violencia di Hende Muhe y Mucha Muhe, Prome Minister Evelyn Wever-Croes a atende un evento organisa pa CEDEHM (Centro di Desaroyo di Hende Muhe), unda 4 victima di violencia a comparti nan storia di victoria. E palabra ‘victoria’ ta pa motibo cu e 4 storianan menciona tin un final feliz.

Prome Minister a expresa cu e storianan a toca su curason y a caus’e dolor pa scucha cu mucha muhenan y hende muhenan ta pasa den abusonan asina. Na e mesun momento tambe el a expresa su admiracion pa e 4 damanan aki, pa

nan fortalesa y curashi pa comparti nan storia cu esnan presente.

Scuchando e 4 storianan ta fortalece mas ainda e compromiso di e lider maximo di pais Aruba pa sigui bringa contra e crimen aki. Tur hende muhe y mucha muhe merece respet, felicidad y oportunidad. Tin demasiado muhenan na Aruba cu ta victima di violencia y esey ta inacceptabel y tin cu stop. E mandatario ta haci un peticion na esnan cu ta traha den e veld social y tambe familiarnan cu ora wak casonan di abuso y violencia contra un hende muhe y mucha muhe, denuncia, no por keda keto mas.

“Durante e 16 Dianan di Activismo Contra Violencia di Hende Muhe y Mucha, ami, den nomber di Gobierno di Aruba ta reafirma nos compromiso pa sigui combati e crimen aki y yuda e victimanan.

Mi tin un admiracion y respet grandi pa esnan cu a bin dilanti y conta nan storia y mi ta felicita nan pa nan curashi.

Mi ta gradici CEDEHM pa organisa e evento y nos lo sigui pone luz riba e problema aki y sigui busca un solucion p’e”, Prome Minister a indica.

ArubA bAnk tA orguyoso di sostene futuro lidernAn den business door di sponsorship di e curso “comprehensive business AnAlysis” di universidAd di ArubA

Aruba Bank ta orguyoso di duna su sosten na e curso di Comprehensive Business Analysis di Universidad di Aruba (UA). E iniciativa aki ta refleha nos compromiso cu educacion, innovacion, y desaroyo di futuro lidernan di negoshi den nos comunidad.

E curso “Comprehensive Business Analysis” ta duna studiante e habilidadnan necesario pa analisa companianan publico, cu enfoke riba e sector di servicionan pa mascota. Bou di guia di Aruba Business College (ABC), studiantenan a realisa investigacionnan profundo, creando raportnan detaya cu ta brinda gran balor pa profesionalnan den e industria. Aruba Bank ta honra di forma parti di e esfuerso educativo aki, cu ta duna poder na studiante mientras cu e ta fortalece e brug entre educacion y e sector di negoshi.

Aruba Bank ta kere firmemente den e importancia di inverti den e crecemento y exito di nos comunidad, cuminsando cu educacion.

E sponsorship pa e curso aki ta permiti Aruba Bank di contribui na e desaroyo di nos lidernan di futuro, mientras cu nan ta sostene e iniciativa cu ta alinea cu nan balornan central di innovacion, conocimento, y progreso.

E curso a culmina dia 11 di december 2024, caminda tur e studiantenan a presenta nan analisis final. Premionan a wordo entrega na e teamnan y individionan cu a sobresali. E premionan aki, destina pa meta educativo, ta enfoka riba fortalece e habilidadnan di negoshi di e ganadornan y promove nan crecemento profesional. Nos kier felicita tur studiante cu a forma parti di e curso fantastico aki.

TRAFICO SIGUR Uzo di

CelUlar den trafiCo, Un problema grandi

Nos Celebro no ta diseña pa Multi-task, bo ta peligra bo bida y di otronan

igleSia penteCoS tal di arUba ta preSenta;

tin maS bendiCion den dUna CU riCibi

Diasabra 14 di december for di 7am te cu 4 pm. Iglesia Pentecostal di Aruba lo presenta nan : CLOTHES DONATION, tanto di panja nobo,y sapato, paña tanto pa mucha como pa hende grandi tanto nobo como usa den bon condicion,tambe ;lo tin articulonan di cas , manera lampi , laken cortina etc. Tambe lo tin articulo electrico.

TUR COS LO TA GRATIS, ASINA MES

TUR COS LO TA GRATIS, Tambe lo tin un tremendo Soppi Gratis pa tur esnan cu bishita e dia grandi, aki cual ta diasabra 14-12-2024.( 7am-4pm).

Diasabra cu Dios kier presenta cu bo Shopping Bag na Iglesia Pentecostal di Aruba situa na Dr Scheapmanstraat 18, net enfrente di Macro Supermarket na San Nicolas, ( Den e Edificio di Ibero High School). No lubida cu tur cos lo ta GRATIS, PERO DI BERDAD GRATIS.

Asina nos kier contribui na e bienestar di e pueblo di Aruba completo, pasobra tin hopi necesidad, y ta tempo pa duna, pasobra cada biaha cu nos duna na un hende nos ta dunando na Señor.( Mateo 26:34-40).

No laga ningun hende bin conta bo, ta bo mes mester tey pasobra, ta hopi cos bon lo tin, tin panja pa mucha di tur edad, paña usa den bon condicion y tambe paña nobo.

Bin y pasa un dia alegre hunto cu nos y bin busca locual bo mester, tanto pabo , como pa esnan cu bo conoce.No laga bo sernan keri den necesidad di paña of articulo pa bo cas, pasa diasabra serca nos y hiba locual bo tin mester. Nos ta conta cu presencia di abo y henter bo famia. Sinceramente, Pastor Marcel Balootje.

Un feliz dia yena di bendicion, gracia, amor y paz di Señor. ”…di henter mi CUraSon mi ta halSa Señor, mi ta Contento di mi alma CU dioS, mi Salbador. paSobra el a mira ami, SU Sirbido hUmilde, CU bon wowo. for di awor tUr generaCion lo yama mi feliz.” lUCaS 1, 46-48

E Evangelio awe ta mustra nos pakico y con nos mester sigui e ehempel di Maria den e temporada di Advent aki. Maria ta nos modelo di Advent den e sentido cu henter su bida tawata un preparacion pa e binimento di e Mesias. Maske e no a comprende na prome instante con e lo por a cumpli cu su parti den e plan di Dios, el a duna su ’SI’ sin reserva.

Si nos por imita e manera di responde na Dios su gracia manera Maria, nos lo tin un Pasco mes abudante cu e prome Pasco. Maria ta nos guia den fe den sentido cu un hende cu tin fe ta tuma accion. Maria no a laga su condicion delicado y un biahe

largo strob’e di bay brinda su yudansa na Elisabeth cu tawata tin mester di esaki. Iglesia ta invita nos den Advent atrobe pa cultiva e actitud di sirbishi haciendo obranan di caridad. Maria ta e prome misionario cristian den e sentido cu e ta e prome cu a hiba e Bon Noticia, e goso di nos salbacion esta Hesus mes pa Elisabeth y Huan Bautista. Nos mision tambe ta pa hiba Hesus, e (cu)rason di Pasco, unda nos bay.

Oracion: Señor Hesus, danki pa duna nos Bo mama. Mama Maria, danki pa duna nos bo Yiu. Amen.

J-VJON BESSELINK CU JINGLE PA CHRISTMAS

VILLAGE & FAIR DI SAVANETA 2024*

Riba un bon diasabra, 30 di November di aña aki, a filma un video clip pa e jingle, "Unda nos ta bay? Savaneta Christmas Village!", interpreta pa e hoben di apenas ocho aña, esta J-Vjon Besselink!

E team cu a colabora cu e video clip:

Cantante: J-Vjon Besselink

Lyrics: Vontje Chan y Ursula Luydens

Compositor y arregla pa: Michelangelo Koolman

Editor: Rogelio Montero

FORTALEZA PA FAMIA

Scirbi pa Pastor Marcel Balootje

UN MAYOR RESPONSABEL

TIN

TEMPO PA SU YUINAN

Yuinan ta un herencia di Señor, e fruta di barica ta un recompensa. ( Salmo 127:3).

Ta masha bunita ora nos tende hende bisa mi yuinan tin tur cos, mi yuinan no falta nada, tur cos ami ta cumpra pa mi yuinan, mi ta traha duro pa mi yuinan. Pero awor ta bini e pregunta : Abo tin tempo pa bo yuiinan?

mas doloroso, ora tanto Mamai y Papai ta consumi alcohol, pasobra tur dos ta inverti den alcohol, y lubida riba cuminda saludable pa e yuinan.

E palabra di Dios ta bisa cu un mayor mester ta un ehempel di respet y obedencia na Dios pa su yuinan, pasobra ta riba bo como mayor e prome atencion ta wordo poni, abo ta e modelo pa bo yuinan.

custumber nos acto dignitario e invita bishita e Ollé Dankerlui, y na lo diahuebs 5

Un mucha cu su mayor no tin tempo pe, ta un mucha cu un bida bashi y sunu, un mucha cu no ta wordo educa, y coregi manera mester ta pasobra su mayor no tin tempo pa esey.

Hopi mayor awendia tin dos trabao, pasobra supuestamente e placa no ta yega,y hopi ta bibando for di nan forsa, pasobra nan kier competi cu otronan.

Mayor cu ta traha te laat anochi, y ta presenta 9 pm cu cuminda Fastfood den man of cuminda di chines , pasobra no tin tempo pa cushina, pa e yiu cu mester a come for di seis or di atardi.

Tin hopi mayor cu nan fisico ta mas importante cu e atencion y tempo cu nan mester dedica na nan yuinan. Mayor cu ta sali trabao y bay Gym directamente, pasobra e curpa mester keda den forma elegante, y solamente ta manda un App pa e yui na cas pasa si e mucha tey of no, of ta haci un video call, pa asina tira un control mas extenso.

Otro caso e uña, y e cabey den kapsalon ta tuma hopi tempo cu e mayor mester dedica na su yiu, pasobra di berdad bisa, e muchanan cu tin problema, hopi biaha ta resulta cu ta pa falta di atencion di mayor.

Laga nos no papia mes di mayor, cu ta bay supermarket y e prome cos cu ta bay den garoshi ta e caha di serbes of e botter di Longneck, sin tene cuenta cuanto cuminda ta necesario pa cas, y no tin nada

Bo responsabilidad como mayor den bida di bo yiu, no por wordo haci door di maestro of maestra di scol,ni tampoco bende bo yiu cu internet, pensando cu e mucha sa tur cos, pasobra bo ta gaña bo mes, y bo ta perhudica e mucha den su educacion, poniendo asina su crecemento na peliger, ya cu e mucha ta crece cu hopi falta di norma y balor.

Nos lo no tene nada scondi pa nos yuinan, pero nos mester guia nan den e caminda di Dios, y den e displina di nos Dios, pasobra esey ta agrada Dios, pasobra e ta un mandato di Dios, pa tur mayor.

Nieto ta un corona di hende bieuw y gloria di e yuinan ta nan mayornan.( Proverbionan 17:6)

Coregi bo yiu , y e lo duna bo trankilidad,si e lo haci bo alma contento.( Proverbionan 29:17).

Stop di corre caya, y pone atencion na cas, pasobra paña y cuminda , telefon, data ,tv y computer no tin mas balor cu bo cariño , amor y respet y tempo pa bo yui.

Respeta bo yuinan, pa bo yuinan respeta ta bo, pasobra ora no tin respet na cas,e mucha lo no respeta su mes,pasobra ningun hende por duna loke nan no a ricibi.

Sinceramente, Pastor Marcel Balootje.

TEam snoR a CLausuRa aÑa 2024 Cu

TREmEndo “nos Cu nos”!

Calabas/Kudawecha - Team Snor, e ekipo practicamente “home team” dje palacio di domino aya na Kudawecha/ Calabas, e famosisimo y mundialmente conoci Domino Square Garden, a clausura aña 2024 c’un tremendo torneo “NOS cu NOS”! Un aña por cierto cu a bay invicto pa Team Snor, e ekipo bou liderazgo dje flamante “Snor” Perez.

Diadomingo 8 di december, cuminsando pa 2 or di merdia, despues di un “peptalk” di “Snor” Perez splicando su vision pa 2095, e integrantenan di Team Snor a pone nan emocion “op nul”, y

a cuminsa bataya otro pa wak ken ta bay cas e aña aki cu e famoso y tan anhela “Snor wisselbeker”.

E bataya ta ranca sali “a toda maquina”, y den prome rond, Ronny Gomez y Lee Thompson ta manda Obispo y Joshua loser’s round; Snor cu Nassy ta pone Glenda cu Pol bay sinta bek den banki; Gilbert y Junior no tin piedad pa Romana y Wilson; y por ultimo Tony cu Piero ta suta Roy cu Stanley. Den di dos buelta, Ronny cu Lee ta traha un Nasi Goreng di Snor cu Nassy; Gilbert y Junior ta duna un mocion di desconfiansa na Tony y Piero. Den e tremendo semifinal, Rony cu Lee ta baha cabes pa Gilbert y Junior kendenan ta bay warda confortablemente ken lo sali victorioso di Loser’s Round!

Den Loser’s Round e caminda ta laaaaargo! Romana cu Wilson ta dobla Glenda cu Pol den envelop, plak stampia y manda nan cas; Obispo ta hacui un oracion pa su patna Joshua y nan dos “con el poder del mas allá” ta logra core

cu Roy cu Stanley. Pero, e oracion no a wanta mucho: Romana cu Wilson ta haci un exorcismo riba Obispo y Joshua! Fuera!

Tony cu Piero ta tira Snor cu Nassy den drum, pa despues pone Romana y Wilson tambe den e pakete

di “Retour to Sender”! Den e ultimo bataya di Loser’s Round, Lee cu Ronny ta “terminate” Tony cu Piero nan “dream” p’e aña 2024.

E gran final ta bay aden entre Gilbert cu Junior vs Ronny cu Lee, y despues di un bataya di corta rosea, finalmente Ronny

Gomez y Lee Thompson ta sali campeon “NOS cu NOS” 2024! Team Snor ta clausura 2024 den un tremendo ambiente y kier desea tur fanatico di domino y pueblo di Aruba en general un Bon Pasco y Prospero 2025!