, Aruba 31 di mei 2024: Den e ultimo dianan aki pueblo por a wak cu Gobierno di Aruba a dal un paso positivo den e negociacionnan cu Hulanda pa loke ta trata reduci e porcentahe di 6.9% di interes pa pago di e debe di COVID-19, Parlamentario Ricky Hoek di Fraccion di MEP a trece dilanti.
Gobierno di Aruba a yega na un acuerdo cu Hulanda cu Aruba lo por acepta un Rijkswet financiero (nobo) den caso cu Aruba por tin un participacion den e
proceso di traha e Rijkswet aki.
Rijkswet Hoek a sigui bisa c'un Rijkswet (Ley di Reino) ta di e nivel mas halto y ta un ley cu ta valido den henter Reino Hulandes. E ley por wordo cera entre Hulanda y un otro of mas pais den Reino Hulandes. Por ehempel, a indica, tin e Rijkswet di nacionalidad Hulandes y desde 2020 Hulanda a presenta – pa no bisa impone – e Rijkswet Aruba Financieel Toezicht (RAft) pa supervision financiero na gobierno di
Aruba.
E RAft no ta wordo sosteni pa e mayoria den Parlamento di Aruba. Aruba no tabatin participacion den e proceso pues no tabatin consenso, tin normanan y condicionnan cu no ta beneficioso pa Aruba, y un salida estricto di e Rijkswet, Ricky Hoek a agrega.
Autonomia
Un punto cu ta pone pueblo duda y spanta pa e Rijkswet financiero, ta ora cu menciona e autonomia di nos pais. Lamentablemente, Parlamentarionan actual den oposicion ta grita cu Gobierno di Aruba a bende nos autonomia, caminda nan ta lubida cu Parlamentario Eman mes a bende autonomia financiero di Aruba riba 2 di mei 2015 tempo cu e
tabata Prome Minister, e Parlamentario a remarca.
Mocionnan
Danki na e trabou intensivo, diligente y insistente di parti di coalicion den Parlamento, durante e reunion publico di 7 di september 2023, coalicion a presenta diferente mocion.
Asina mocion #3 ta urgi
Gobierno di Aruba pa sigui negocia cu Hulanda pa yega na un acuerdo responsabel y rasonabel pa e pago di e prestamo di pandemia. Mocion #7 den su caso ta urgi Gobierno di Aruba pa trek in e Rijkswet Aruba Financieel Toezicht (RAft), debi cu no tin consensus entre Aruba y Hulanda riba dicho ley, Hoek a indica.
16 miyon disponibel
Den cuadro di e mocionnan menciona,
Gobierno di Aruba a hiba un negociacion basa riba consideracionnan, transparencia y tuma decisionnan cuidadoso (‘zorvuldig’).
Di e forma aki Gobierno di Aruba despues di lunanan di negociacion a yega na un acuerdo entre Hulanda y Aruba. E acuerdo aki ta e prome paso pa traha conhuntamente na un Rijkswet financiero nobo cu ta beneficioso pa e pueblo di Aruba.
Na momento cu e dos paisnan aki den Reino firma e acuerdo, e porcentahe di interes di 6.9% lo baha inmediatamente na 5.1%. Cu e rebaho di porcentahe aki, Gobierno di Aruba ta haya Afl. 16 miyon disponibel pa asina inverti den e proyectonan na beneficio di henter pueblo, Parlamentario Hoek a finalisa bisando.
Diabierna atardi a drenta informe di un accidente cu hende herida riba e parkinglot di Arashi Beach, mesora a dirigi tanto polis como ambulans na e sitio.
Na yegada di e patruya a bin compronde cu un chauffeur coriendo auto den e parkinglot a nota 2 hende crusando y na lugar di primi brake a primi trot y a dal 2 turista. E impacto a benta ambos abao y nan a haya rasca y golpinan.
Na yegada di e ambulans nan a atende nan y a transporta nan pa hospital.
Aruba, mei 31, 2024 – Ta un placer pa Compania Arubano di Petroleo (CAP) anuncia e firmamento di un “Production Sharing Contract” cu Andicuri Oil & Gas Exploration VBA (AOGX) pa e exploracion, desaroyo y producion di hidrocarburos den e area maritimo di Aruba. AOGX ta un subsidiario local di Armstrong International LLC (“AI”). E ceremonia di firmamento a tuma lugar den presencia di Su Excelencia Evelyn WeverCroes, Prome Minister di Aruba. E contract su area ta cubri 14,356 km2, equivalente na 3.5 miyon hectar.
E grupo di Armstrong, entre otro Armstrong Oil & Gas, Inc. (“AOG”) y Lagniappe Alaska, LLC (“Lagniappe”) tin un historia excepcional den exploracion den e ultimo 40 aña, descubriendo varios campo di petroleo enorme na Alaska incluyendo e campo Pikka di mas cu 2.5 biyon baril (descubri na 2013) y anunciando luna pasa un descubrimiente nobo y potencialmente grandi na “King Street #1”. AI a
wordo funda pa explora opportunidadnan mundial y aplica e compania su experticio riba e tereno pa sigi busca camponan grandi di petroleo y gas. Ademas di e exploracion exitoso den Alaska su clima extremo, e localidad geografico a rekeri pa Lagniappe ehecuta nan operacion bou di regulacion riguroso y alabes manteniendo 20 aña di bon relacion cu stakeholders local, municipal, di e estado y nacional. Esaki tawata un di e elementonan principal considera door di CAP durante negociacion.
Fuera di nan experiencia na Alaska e team di AOGX tambe ta conta cu varios ehecutivonan cu experiencia exitoso den paisnan alrededor di Aruba. Te e dia di awe, cuatro pos a wordo bora den e area maritimo di Aruba, 3 na ananan 1989/1990 zuidwest di Aruba. E di cuatro, Bon Bini1-X, a wordo bora na 2018 Noordwest di Aruba.
“Awe un capitulo nobo den Aruba su exploracion pa petroleo a cuminsa
oficialmente. Nos mundo y manera di biba ta cambiando y desaroyando constantemente, y hunto cu ne, nos demanda pa energia. CAP su meta ta pa Aruba yega na un independencia energetico y ademas pa haci esaki den un forma responsabel, pa loke ta trata medio ambiente y normanan social” Minister di labor, energia y integracion, Gelnbert Croes, a bisa. Un campana di exploracion exitoso lo contribui na e meta aki y como resultado beneficia Aruba su generacion actual, y ademas generacion den futuro.
Bill Armstrong, Presidente y CEO di AOG a anadi: Nos ta hopi anima di e potencial di Aruba y nos ta optimista
cu nos lo crea valor significante pa e isla bonita aki y su hendenan. Nos ta buscando activamente opportunidadnan mundialmente pa usa nos experticio den exploracion. A base di nos analysis geologica y geofysica preliminario, nos tin indicacion cu tin
varios prospecto grandi den awanan di Aruba cu ta parce mane camponan den nos pais bisinanan di Venezuela, Trinidad y Tobago, Colombia y Guyana. Aruba ta practicamente inexplora. Esaki ta un temporada hopi “exciting” pa Aruba.
Diahuebs anochi tabata un ocasion hopi importante unda a celebra e ceremonia di firmamento pa traspaso y restauracion di e edificio di EX-DOW. Minister di Turismo y Salud Publico sr. Dangui Oduber a atende e ceremonia di traspaso oficial di edificio di ex-dow pa Aruba Ports Authority (APA). Esaki sigur ta un logro historico pa Aruba Ports Authority pa por a logra cumpra y restaura un bunita momumento cu hopi caracteristica y historia den e curason di Oranjestad.
Den e ceremonia
protocolar, su Excelencia Gobernador di Aruba, Sr. Juan Alfonso Boekhoudt y varios mandatario tabata presente pa presencia e momento historico aki. E proyecto di restauracion di edificio di EX-DOW ta marca un paso significativo pa mehora e infrastructura y servicio cu ta wordo ofreci na tanto localnan como turistanan. E edificio ta situa central den centro di ciudad, e ta e prome impresion cu turistanan crucero ta haya ora nan sali for di nos terminal crucero y miles di turista y local ta pasa dilanti e edificio aki tur
dia.
Minister Dangui Oduber su vision y maneho den turismo ta basa riba keda haci inversionnan continuo den producto Aruba. Finalmente, Minister Dangui Oduber ta contento cu despues di un proceso largo ta marca un fecha importante na mei 2023 unda a firma MOU entre partidonan pa asina sondea e posibilidadnan pa APA cumpra e edificio for di Land Aruba y net 1 aña despues ta finalisa un fase importante cu ta e traspaso oficial di e edificio pa asina cuminsa prepara e siguiente fase cu lo bira e ehecucion di e bunita proyecto di restaura e edificio.
Minister Dangui Oduber ta gradici henter e team di ministerio di turismo cu a traha incansablemente riba e proyecto y sigur un danki special na
management di APA, board di APA, ATA y DOW y Monumentenbureau pa hunto por bai realiza un hoya di proyecto pa Aruba cu nos tur por ta orguyoso di dje. Nos tin un futuro briyante nos dilanti y loke nos mester ta conserva nos libertad pa sigui desaroya nos pais manera nos mes
ta deseya esaki.
Minister Dangui Oduber ta expresa:
Bo mester por tin e vision y tambe na mes momento e conviccion y curashi pa por tuma e decisionan corecto pa bienestar y progreso di bo pais.
Diasabra mainta a drenta informe di un accidente cu hende herida na crusada Avenida Milio Croes cu Stadionweg, mesora a dirigi tanto polis como ambulans na e sitio.
Na yegada di e patruya a bin compronde cu aki ta trata di un accidente unda e chauffeur di un pick-up a bira dilanti un Toyota Yaris di direccion contrario. Debi na e impacto e dama chauffeur di e Yaris a resulta herida. Na yegada di e ambulans nan a atende e victima y a transporte pa hospital.
Balashi - Diadomingo merdia algo pasa di 1'or informacion ta drenta via 911 cu un persona lo a guli hopi awa na Palm Island. 911 na su turno a avisa polis.
Mesora dos ambulance a bay direccion Balashi cu destino Palm Island, o sea unda e boto ta mara.
Paramediconan mesora
a drenta accion, pero lamentabelmente e turista un cabayero turista 60 plus ta fayece.
Autoridad na e sitio hunto cu Paramediconan mester a pone dokter na altura y tambe slachtofferhulp.
Dokter Texier a presenta algun rato despues pa constata morto di e turista masculino.
Otmar Oduber di Plataforma Pais comentando riba Rijkswet RAFT a bisa cu ta e Plataforma aki a bin ta papiando for di basta tempo caba cu mester bin cu e cambionan necesario pa reduci gastonan di gobierno.
Ta hustamente Plataforma Pais ta esun cu a manda carta for di aña pasa pa gobierno pa bin cu un Dialogo Nacional pa wak con ta reduci gastonan di gobierno, y esaki prome cu a bin cu e rijkswet, cual a yega, ta bay wordo trata y pasa y keto bay ningun hende kier discuti riba bahamento di gasto di gobierno, cual ta extremadamente halto. E situacion aki ta netamente e motibo pa cual Hulanda ta cay aden, y ta castiganos, pasobra a duna suficiente chens pa bin cu cambio y nada no a wordo haci.
Otmar ta considera cu no a yega na ningun acuerdo, cu e ley a wordo impone riba Aruba danki na fayonan di gobiernonan di Aruba durante ultimo 30 pa 40 añanan. “Esaki ta loke Den Haag tabata busca, pa pone Aruba lomba contra muraya y forsa nos isla cu un ley pa cual ta perde parti di nos autonomia”.
Pa loke ta e personanan cu ta considera cu ta bon cu esaki ta tumando luga, pasobra nos mes no por a atende cu e situacion, Oduber ta bisa cu e personanan aki no ta
realisa e lucha cu a hiba pa por a para riba nos propio pia, pa tin nos propio moneda, nos propio banco central. “Cuanto pais rond mundo ta anhela pa tin e independencia aki, anto anos cu tabata tine, por mira un Parlamento keto.
Pueblo di Aruba ta bay mira durante e debatenan den Parlamento ken ta para na unda. Pueblo kier wak di e 21 miembronan di Parlamento individual kico nan pensamento ta. Nos ta bay acepta sin mas cu Hulanda ta bay impone, cu Den Haag ta bay dicidi kico ta pasa cu finansas publico di Aruba?”.
Pesey Otmar ta bisa cu pa motibo cu Aruba no a tuma decision, a permiti pa Hulanda abusa di nos manera ta tumando lugar na e momentonan aki. “E no ta algo pa ta orguyoso, e no ta un berguensa, e ta un abuso cu ta tuma lugar y en bes mi mira politiconan lanta para, defende y bisa con nos ta bay percura pa gana e confiansa bek di Hulanda, nan tur ta keto”. E ta menciona cu ora ta papia di partidonan tradicional manera MEP y AVP y partidonan cu ta yama nan mes nobo, cu nan ta e generacion nobo, ningun a haci nada, no a bin cu ningun proposicion, cambio of beneficio pa pueblo. “Aki un aña tin eleccion y di awo pa otro aña ta bay bin mas cu 100 idea dilanti, pero durante e ultimo 3 añanan, no a scucha ni un miembro di Parlamento cu ta sostene gobierno of cu ta den
oposicion, of un politico pafo di Parlamento bin cu un idea of proposicion na beneficio di pueblo?
Lamentablemente no!
Pesey nos di Plataforma Pais ta para pa e pais aki, nos ta bisa cu nos kier bin cu cambionan. Ta basta di medida contra pueblo, nos a chica, nos a chupa e pueblo aki completamente durante e ultimo 40 añanan, awo ta momento pa e pueblo haya e beneficio economico di nos pais. Mescos cu hotelnan
a gana hopi placa y bay cu hopi placa, mescos cu caha di gobierno a wordo yena cu tur sorto di medida, awo ta e momento pa e saco di pueblo di Aruba, di e trahado cuminsa haya parti di e beneficio cu nos a conoce tur e ultimo añanan aki”.
Finalisando Otmar Oduber a bisa cu dependiendo di e postura di cada parlamentario durante tratamento di e rijkswet RAFT, pueblo lo sa di husga den cual di nan nan lo por
deposita nan confiansa y den cual no, otro aña cu tin eleccion.
Prome Minister den Parlamento:
- Diahuebs atardi den Parlamento, Prome Minister Evelyn WeverCroes a duna un splicacion breve riba algun logro di e gobierno actual cu ta sumamente positivo pa pais Aruba. Prome Minister a splica cu ultimo tempo, por a nota cu Gobierno ta treciendo solucionnan structural y duradero riba diferente tereno.
Pa loke ta finansas publico, Gobierno ya caba tin presupuestonan balansa, cu surplusna. Tambe Aruba a haya un di dos "investment grade", cu ta prueba cu hasta institutonan financiero internacional tin confiansa den e maneho financiero di Gabinete WeverCroes. Tambe, Aruba tin un acuerdo historico cu Hulanda, y si Aruba logra yega na un Rijkswet, lo ta un "game changer"
di berdad pa finansas publico den futuro. Esaki lo ta di gran beneficio pa nos hobennan, pa asina den futuro, nan tin e espacio financiero, pa por implementa nan vision.
Turismo, cu ta e pilar economico di pais Aruba ta creciendo, e cifra di desempleo a baha na nivelnan mas abou den 20 aña, lo bin cu un indexering como reconocemento pa e trabou duro di empleadonan publico, y e nivelnan di cuido di nos grandinan, cuido di salud, cuido di salud mental ta hayando e prioridad maximo den gobernacion.
E meta di Gabinete WeverCroes ta pa e progreso y prosperidad yega na cada hogar di pais Aruba. Y ta bay introduci un sociaal minimum, cu ta un suma minimo cu famianan mester pa por cubri nan
Diasabra atardi a drenta informe di un accidente riba crusada Caya G.F. “Betico” Croes cu Van Leeuwenhoekstraat, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un Suzuki biniendo for di pabao no a para pa duna preferencia na e Honda Integrity biniendo for di Van Leeuwenhoekstraat y a dal e den banda. Afortunadamente ningun hende a resulta herida.
gastonan, y asina saca nan di pobresa. Tur esakinan ta desaroyonan sumamente positivo pa pais Aruba.
Prome Minister tambe a expresa cu durante su bishita na Antigua and Barbuda pa un conferencia di Small Island Development States (SIDS), el a realisa con bendiciona Aruba realmente ta. Durante mas di 20 reunion, e por a scucha y mira con
otro paisnan similar na Aruba ainda ta luchando pa bay padilanti. Aruba ta un inspiracion pa e otro islanan, no basa riba storianan ficticio, sino riba hechonan cu ta wordo substancia y confirma pa institutonan internacional.
"Mi ta kere cu tur e cosnan positivo, y tur loke cu e gobierno aki ta logrando, ta crea envidia cerca esnan cu NO kier mira Aruba
avansa. Tur esaki tambe ta crea resistencia cerca esnan cu ta mira nan poder bira menos, pasobra e poder ta bayendo mas den man di e pueblo di Aruba, pasobra hustamente e gobierno aki ta traha pa ARUBA en general y pa salba e patrimonio di pais Aruba, pa e poder no bay den man di un hende so of un grupito so, manera e caso Avestrus a bolbe mustra nos", Prome Minister a expresa.
Recientemente, Minister di Enseñansa y Deporte Endy Croes a acudi na un evento special pa Sr.
Jessy Beukenboom na Instituto Biba Saludabel y Activo (IBiSA). Sr. Jessy Beukenboom, kende a
traha den servicio di Gobierno di Aruba durante 41 aña a bay cu pensioen. Den ocasion special aki, Minister Endy Croes a dun’e un reconocemento pa contribui den e desaroyo di deporte di Aruba durante 41 aña. Sr. Jessy tin un trayectoria hopi largo den diferente funcion den deporte di Aruba. Na aña 1983 Sr. Jessy a cuminsa traha na IDEFRE na Sportcentrum San Nicolas como “sportcoordinator”, pero ya prome cu esey durante periodo di su estudio, e tabata yuda den
e programa di vakantie di IDEFRE.
Despues di varios aña di a fungi como director interino, a nombr’e como director di IDEFRE na aña 2006. Despues di esaki, Jessy a forma parti di e “management team” di IBiSA. Jessy a atende varios curso y seminario di deporte den exterior pa Aruba. Ademas di esaki, e tabata un atleta di baseball di calidad aki na Aruba.
Hopi di nos por corda Jessy Beukenboom como
un excelente pelotero di baseball pa Coca Cola Rangers. Durante su estudio na Merca, el a wordo nombra den e Hall of Fame di College Baseball Americano. Tambe, el a forma parti di diferente directiva deportivo entre otro, triathlon, boxeo y baseball. Finalmente, Minister Endy Croes ta gradici Sr. Jessy pa su aporte y dedicacion den mundo di deporte durante 41 aña y ta dese’e pa gosa di su pensioen merecidamente.
Diasabra madruga un motociclista a bay drift dilanti na e hotzone banda di highrise hotel, pero e no tabata sa cu tabata tin e brigada motorisa den cercania, mesora nan a sali bay su tras y a par’e.
A bin resulta cu e motociclista no tin rijbewijs y a confisca e brommer.
Diaranson merdia a drenta informe di un accidente banda di Cadushi Supermarket na Tanki Leendert, mesora a dirigi un patruya na e sitio. Na yegada di e patruya a bin compronde cu aki ta trata di un ac-
Diaranson atardi a drenta informe di un accidente na Koningstraat, mesora a dirigi un patruya na e sitio.
Na yegada di e patruya a bin compronde cu aki ta trata di un accidente unda cu e chauffeur di un Hyundai Tucson no tabata pone atencion su dilanti y a bay dal tras di un auto Nissan Versa staciona.
Afortunadamente ningun hende a resulta herida.
cidente unda cu e chauffeur di un Chevrolet no a regula su velocidad ni a mantene distancia a bay dal tras di e auto Suzuki Liana su dilanti. Afortunadamente ningun hende a resulta herida.
ORANJESTAD: Diasabra ultimo, a tuma luga e gran apertura di Weganan Escolar 2024 na Stadion di Nadi Croes y Crismo Angela na Santa Cruz. Weganan Escolar ta un proyecto deportivo di Ministerio di Enseñansa y Deporte conhuntamente cu IBiSA. E meta di WE Aruba ta pa promove deporte bou di e alumnonan di scol preparatorio, basico y secundario. E aña aki un total di 1300 alumno di 45 scol lo bataya dos siman contra otro pa conkista e titulo maximo. E scolnan lo enfrenta otro den diferente disciplina entre otro, futbol, volleyball, beach tennis, badminton, “kids athletics”, We Mente y We Baile. Presente na e celebracion deportivo tabata Minister President Evelyn Wever - Croes, Minister Xiomara Maduro, Minister Rocco Tjon acompaña pa su yiunan, Endy Croes acompaña pa su kerida esposa, vice presidente di Parlamento Raymond Kamperveen, Parlamentarionan Alvin Molina y Hendrik Tevreden, representante di diferente organisacion- y federacion deportivo, representante di directivanan di scol, cabesante di e scolnan y de-
mas invitadonan special.
E ceremonia oficial a inicia cu entrada di e scoutnan: Denisha y Dyandra Ruiz di Het Arubaanse
Padvinders Gilde Jeanne
D’Arc Group cu e bandera di Aruba sigui pa desfile di e 45 scolnan, show di baile di NTG & NLG dirigi pa Sra. Marisol Peña cu coreografia di Ana Perez, Aileny Suarez, Alenkis Quirre – Castro, presentacion di Gihae Gymnastics, entretenimento di brassband y entreda di antorcha Olimpico. Nos himno nacional a keda interpreta pa C-Pop Kids bou guia di Sra. Edselyn Figaroa, sigui pa discurso di director di IBiSA
Sr. Isnardo Faro, Prome Minister di Aruba Evelyn Wever – Croes y Minister di Enseñansa y Deporte
Sr. Endy Croes. E hoben
Atleta Masculino di Aña
2023 Zaïr Croes acompaña pa Dylan Giel, Gregory Wernet, Jeon Fernandes, Emma Gobert y Max Dennert a drenta e stadion cu e antorcha Olimpico. Despues cu Zaïr Croes a cende e candela escolar, Minister Endy Croes a declara Weganan Escolar 2024 oficialmente habri. Memey di veld Minister
President Evelyn Wever – Croes, Minister Rocco Tjon, Minister Endy Croes y Parlamentarionan Alvin Molina y Hendrik Tevreden a scop e bala y asina duna inicio na dos siman di competencia escolar. Despues di e ceremonia di apertura, a sigui cu e partido di futbol entre Scol Basico Washington y Sint Paulus School.
Pa finalisa, Minister Endy Croes ta gradici IBiSA, Ministerio di Enseñansa y Deporte, Lotto pa Deporte, Stichting Sport Subsidie Aruba, Setar, Utilities Aruba N.V. , AAA y Gabinete Wever – Croes II cu a inverti y haci Weganan Escolar 2024 posibel. Alabes e mandatario di Deporte gradici e directivanan di scol, cabesante- y docentenan di gymnastiek pa sostene e proyecto. “Palabra di danki na e mayornan cu ta apoya y sostene nan yiu den nan deporte faborito”, Minister Endy Croes a enfatisa. Un danki sigur na KPA, Brandweer, Arugas cu a yuda cu e an-
torcha, Sra. Marisol Peña, NTG & NLG y Gihae Gymnastics pa e fantastico show di apertura. Por ultimo, Minister Endy Croes
ta invita Pueblo di Aruba pa duna apoyo y sosten na nos muchanan durante e competencianan di Weganan Escolar 2024.
Diabierna mainta a drenta informe di un accidente na Maria Maai, mesora a
dirigi un ptruya na e sitio. na yegada di e patruya a bin compronde cu aki ta
trata di un accidente unda un Kia Rio a slip riba e caminda muha perde con-
trol bay banda robes di caminda subi un serito y e wiel dilanti banda robes a
kita por completo. Afortunadamente ningun hende a resulta herida.
Diabierna anochi a drenta informe di cu un grupo di hende a presenta na un cas na Mandolinstraat y ta buscando problema, mesora a dirigi un patruya na e sitio na yegada di e patruya a bin compronde cu aki ta trata di un problema
familiar unda e nieta teenager a bini cu su pareha y algun hende pa motibo cu e padrasto lo ta maltrata su wela. Pero e wela lo ta tapa p’e. Polis a keda intermedia pero muchu leu no a yega. Por spera mas problema.
Kantoorruimte benedenverdieping 90 m2 te L.G. Smith Boulevard 22 vanaf 1 juli a.s., Huurprijs n.o.t.k.
Voldoende parkeerruimte Te bevragen bij
t.a.v. Prisca Sapuana of Sapuanap@kloeslawyers.com
Feliz y productivo dialuna, nos ta den luna di juni, e di seis luna di aña, faltando asina seis luna mas pa nos termina 2024 y nos habri un aña nobo, cual ta 2025. Awe Solo di Pueblo ta presenta bo horoscopo pa dia 3 di juni 2024.
Aries
No sea rencoroso cu bo pareha of bo lo caba na perd'e. Momento pa planificacion di bo gastonan. Dia francamente productivo riba tereno profesional. Descanso ta loke abo ta nengando bo curpa. Number di suerte: 76, 42, 1.
Tauro
Halaga bo pareha, pero cu sinceridad. Excelente situacion economico. E postura negativo aki lo complica bo proyecto laboral. Trasnocha ta bon, pero no tur
3 JUNI 2024
dia. Number di suerte: 51, 58, 4.
Geminis
Posibilidad pa discuti cu un amigo hopi cerca. Suerte den lo economico: probecha pa gana mas placa. Na trabao, bo por yega na ta tenso y irita. E mal habitonan alimenticio mester disparce. Number di suerte: 41, 12, 9.
Cancer
Bo bida afectivo lo bay cobra un gran protagonismo. Nivel di bo entrada ta mehora. Yuda bo compañeronan pero no bandona bo trabao. No forsa bo organismo. Number di suerte: 71, 45, 9.
Leo
Pa bo sa cu bo gusta un hende ta tendado, balora bo situacion actual. Si
bo tin yiu, nan lo pidi bo placa extra. Sea minucioso den bo trabao y lo bo wordo recompensa. Un bishita na dentista lo evita mal mayor. Number di suerte: 52, 45, 9.
Virgo
Debi na bo caracter alegre, hende lo acerca bo. Dia faborabel pa iniciativa di inversion den stockmarket. Pa mehora bo situacion na trabao, cambia bo actitud. Lo bo disfruta di un estado mental envidiabel. Number di suerte: 32, 12, 2.
Libra
No busca aventura cu solamente bo por complica bo bida. Spaar danki n'e regalonan cu nan lo haci bo. Bo improvisacion ta algo hopi valioso pa bo empresa. Tene cuidado cu e esfuersonan fisico. Number di suerte: 48, 96, 7.
Scorpio
E sentimentonan no lo ta trankil, dia problematico. Lo bo mester tuma un determinacion cu e posibel negoshi aki. Comporta manera bo compañeronan, destaca no semper ta bon. Lo bo haya terapia nobo pa bo sinti bo relaha y contento.
Sagitario
Kibra e monotonia di bo bida sentimental. Bo lo ricibi inesperadamente un cantidad importante di placa. Bo tension y bo conocemento ta envidiabel na trabao. Bo por sufri algun setback, pero lo ta algo pasahero. Number di suerte: 46, 67, 5.
Capricornio
Un hende hopi cercano lo desea di haci bo bida feliz. Gasta menos y lo bo por spaar pa algun capricho. Probecha e oportunidad y bisa si n'e trabao nobo aki. Cansancio emocionalmente, ta cumbini bo descansa. Number di suerte: 51, 99, 5.
Acuario
Lo apetece bo disfruta di e ambiente calor di bo famia. Bon suerte den e weganan di suerte. Ocasion pa demostra bo talento na trabao. Mas relahacion of e sistema nervioso lo costa bo. Number di suerte: 47, 42, 8.
Piscis
Riba tereno sentimental, evita bolbe comete e erornan di pasado. No gasta suma grandi di placa den coy loco. E colaboracion di bo compañeronan lo ta hopi util. Bon forma fisico, pero un poco di ehercicio no lo bay malo. Number di suerte: 88, 87, 4.
Di acuerdo cu e Organisacion Mundial di Salud (WHO), aproximadamente 17,9 miyon persona ta perde nan bida tur aña door di sufri malesa di curason.
E principal factornan di riesgo di e padecimento aki ta e habito di bida, miho bisa, e inactividad fisico, consumo di alcohol, alimentacion no saludabel y huma.
Di igual forma, e habitonan aki ta caba den otro malesa manera presion halto, hiperglucemia y hiperlipidemia, fuera di sobrepeso y obesidad.
Ta p'esey, cu algun señal trempan por determina cu e condicion di bo curason ta empeorando y ta neesario pone atencion riba esaki.
Di acuerdo cu e website Vida E, e sintomanan aki por cuminsa for di un dolor den pecho cansancio,
mal aliento, dolor na heup y enkel.
P'e rason aki, e website ta comparti 10 señal cu por sosode net prome cu bo sufri un ataca di curason of e señalnan di ta sufriendo un malesa di curason.
1. Cansancio extremo
Ora ta existi e posibilidad pa tin un ader geplugged, cansando ta un di e sintomanan clave. Esaki ta causa debi na un disminucion di e fluho di sanger p'e curason y e persona cu ta sufri di dje por sinti e cansancio aki, hasta algun luna prome cu sinti un ataca di curason.
2. Problema pa hala rosea
Ora ta existi e posibilidad pa tin un ader geplugged, cansancio ta un di e sintomanan clave. Esaki ta debi na un disminucion di e luho di sanger p'e curason y e persona cu ta sufri di dje por sinti e cansancio aki hasta algun luna despues di a sufri un atake
causa mal aliento, sino tambe cu esaki ta drenta den e sanger door di e encianan malo. Di igual forma, ta sigura cu un bacteria yama fusobacterium nucleatum tin un relacion cu e malesa di curason iskimeco, cu ta nifica un blokeo den e suministro di sanger p'e curason of cu esaki ta wordo stroba p'e concentracion di vet den e arterianan.
5. Dolor di pia y heup
Aunke pa tin dolor den e dos miembronan aki por indica un lesion of un malesa manera artritis, tambe e tin relacion cu un malesa arterial periferico, loke por causa problema di circulacion den e pianan. Ora cu ta existi un obstruccion di e adernan den e pianan, ta produci un dificultad di cana pasobra e cantidad di oxigeno cu ta yega na e musculonan no ta suficiente, di acuerdo cu e website menciona.
di curason.
3. Urgencia pa orina frecuentemente
Mientras cu hopi hende homber di cierto edad tin mas deseo di orina, specialmente anochi, esaki tambe por ta un señal cu ta existi algun problema di curason. Aunke no parce ora cu e curason ta presenta algun debilidad, e ta pomp menos sanger p'e riñonnan, ta p'esey e ta acumula mas limido y ta provoca inflamacion n'e curpa di homber. Tambe, ora cu un persona ta drumi, e likido cu ta acumula den e riñonnan y cu no tabata posibel filtra cu cu a elimina esaki a traves di e orina. Ta p'esey e gana di bay baño ta aumenta, specialmente anochi.
4. Mal aliento
Di acuerdo cu algun dentista, por existi un relacion entre un malesa periodontal y e otro cardiovascular, ya cu e bacterianan den e boca no solamente por
un endurecemento di e arterianano, tin comun un causa primordial yama disfuncion endotelial."E disfuncion aki ta causa perdida di balans entre e balornan vasodilatador y e vasoconstictor di e adernan, disminuyendo e fluho di sanger p'e curason y e curpa di e hende homber," segun e website Vida E. Segun algun estudio, 84% di hende homber cu insuficiencia cardiaco por sufri algun tipo di disfuncion sexual.
9. Nausea
6. Curpa di muhe seco (resekedad vaginal)
Segun algun estudio, 87% di e hende muhenan cu tin un insuficiencia cardiaco tambe ta sufri algun tipo di disfuncion sexual. Un señal di e problema aki ta curpa di muhe seco (resekedad vacinal), loke tambe por baha e libido y e sensibilidad n'e clitoris.
7. Inflamacion n'e enkelnan
Manera a menciona anteriormente, ora cu e sanger no ta pomp p'e miembronan inferior manera e pia y e enkelnan, ta hopi probabel cu esaki ta acumula likido y ta inflama. Esaki ta un sintoma frecuente cerca hende cu problema di curason.
8.Disfuncion erectil
E afectacion aki ta un trastorno di fluho di sanger, pa cual hopi specialista a afirma cu e disfuncion erectil vascular y e malesa cardiovascular ateroclerotico cu ta nifica
Ora cu existi rason aparente pa sufri di nausea, esaki por nifica problema n'e' curason. Ora ta existi un insuficiencia cardiaco, e curason mester forsa e pompmento di sanger y ora cu tin un dificultad, e likido y e presion por deposita den e pulmonnan, abdomen y den e pianan. Hopi biaha e retencion di likido y e inflamacion por causa falta di apetit, sensacion di ta yen y nausea.
10. Masa di tehido vet E aparicion di xantoma cerca e elleboog of enkel, ta nifica un nivel halto di colesterol malo den e curpa. Esaki ta un afectacion hereditario y di acuerdo cu informacion di e profesionalnan, e hipercolesterolemia familiar y di acuerdo cu informacion di e profesionalnan, e hipercolesterolemia familiar, por nifica mas riesgo di tin insuficiencia cardiaco. Di un otro parti, mester tene na cuenta cu e sintomanan cerca hende homber y hende muhe por varia. Den e caso di e hende muhe, e sintomanan por ta cansancio, nausea y mareo, mientras cu e hende hombernan, por presenta dolor di pecho y e falta di aire.
Si existi algun afectacion den bo salud, consulta cu bo dokter y no automedica bo mes.
Diaranson atardi a drenta informe di cu un grupo di cacho riba caya a morde un per -
sona banda di e supermercado na Sero Patrishi y e ta herida, mesora a dirigi tanto
polis como ambulans na e sitio. Na yegada di e patruya a bin compronde cu un grupo di
cacho a ataka y morde un homber di 73 aña lag’e ta sangra. Na yegada di e ambulans
nan a atende e victima y a transporte pa hospital.
Diahuebs atardi a drenta informe di cu tin un palo di lus a bin abao na Alto Vista y ta obstaculisando e pasada riba e caminda di tera, mesora a dirigi tanto polis como Elmar na e sitio. Na yegada di e patruya a bin haya un palo di lus
grandi su so memey si caminda. For di bisiñanan a bin compronde cual truck a pasa ranca y a kibra esaki.
Elmar a calcula cu lo tarda mey ora pa e drecha e situacion.
Diabierna anochi a drenta informe di un accidente na Santa Cruz, mesora a dirigi un patruya na e sitio. Na yegada di e patruya a bin compronde cu aki ta trata di un accidente hit & run unda un auto a pasa dal un otro y a sigi core bay. Polis di trafico a haya e number, color y modelo di auto pa asina bay busca e auto aki pa pone para responsabel.
Diasabra atardi laat a drenta informe di un accidente na e rotonde banda di Acero na Tanki Leendert, mesora a dirigi un patruya na e sitio. Na yegada di e patruya pa suerte a logra haya e bum-
per preto cu a cay despues di e impacto y e plachi number riba dje. Despues di a termina na e sitio e patruya a bay e adres unda e auto ta registra y a haya e auto pero no por a haya e chauffeur. Un rato despu-
es e chauffeur a aparece y a bisa cu e mes tabata tras di e stuur na momento di e accidente. Polis a prepara un bunita boet pa e bay paga y despues e lo haya e regalito di e gastonan di reparacion.
