AGUSERBISYO GIPADANGAT SA IPS SA HILIT NGA MGA SITIO SA NASIPIT

By Karen Decamotan

Padayon ang paghatud og mga nagkalainlaing serbisyo ubos sa “AguSerbisyo” ubos sa AGUSAN UP!, ang kampanya sa pagpalambo sa administrasyon ni Gobernador Dale B. Corvera kaabag ang buhatan ni Kong. Angel Amante-Matba.

Niining higayona, gihimo kini sulod sa duha ka adlaw, Abril 12-13, diin mismong si Gob. Corvera ug mga kadagkuan sa probinsyal, munisipal ug nasyonal nga buhatan sa gobyerno nangatulog gyod sa maong hilit nga komunidad sa tribong Higaonon sa Sitio Minbahandi ug kasigbit nga mga sitio nga sakop sa Brgy. Camagong ug Jaguimitan sa lungsod sa Nasipit.

Si Gob. Corvera mismo ang nanguna pagpadangat sa mga serbisyo ug naglunsad sa mga programa nga sustinedong motutok sa mga panginahanglan sa Indigenous Peoples (IP), ingon man ang mga migrants sa lugar, aron mapaangat ang ilang kahimtang sa pagpuyo. Sa iyang mensahe, gipadayag sa gobernador nga daku pa gihapon og kakuwangon sa Sitio Minbahandi, Salaysayon, ug Baboybaboy nga kinahanglan maaksyonan sa goberno. “Samtang gaina nga paingon mi dinhi, nag tan-aw tan-aw ko sa kabukiran, nag ingon ko sa akong mga kauban nga kinsay mag dahom nga naa pa diay mga tao nagpuyo niining dapita,” matud pa ni Gob. Corvera.

Mokabat sa 166 ka panimalay ang napaabtan sa probinsya og mga serbisyong medical ug dental services, health and family planning consultations, surgeries, operation tuli, sungkod, wheelchairs and eyeglasses distribution, bitamina, foodpacks ug kits alang sa mga buros. Apil usab sa mga serbisyo ang pagpadangat og pangpanginabuhian sama sa baboy, 546

ka manok, 5,000 ka fingerlings, fruit and vegetable seedlings, 200 mahogany ug lambo seedlings ug uban pa. Naghatag usab og monoblock adult ug kiddie chairs, portable sound system, water drums, mosquitero ug printers alang sa eskwelahan.

Gawas niini, mi-komitar usab si Gob. Corvera nga mag gahin ang probinsya og kapin 100 million pesos nga pundo alang sa pag paayo sa kalsada gikan sa maong sitio hangtud paubos nga dalan.

“Ang inyong kalsada, medyo lisod-lisod pa gyud. Ug gani man diha ko sakyanan ug akong nakita ang kahimtang sa karsada. Mangita ko og paagi nga ang probinsya sa Agusan del Norte makatigom og kuwarta nga mapa improve pa ang inyong kalsada dinhing dapita” butyag sa gobernador. Sa maong immersion, gilusad usab ang usa sa mga special program sa AGUSAN UP nga mao ang “CADT OGKAAGPAS” (Higaonon for CADT Express) nga nagpunting pagpapaspas sa makiangayon ug malungtaron nga pagpalambo sa mga kayutaan sa IPs ug inisyal nga nananum og abaca ug prutas. former rebels sa ilang Livelihood Trainings. Gipaambit ni Lapeña nga mohatag ang TESDA og mga livelihood toolkits kalabot sa ilang training aron makasugod sa ilang panginabuhian.

Gihimo usab ang “Kasalan ng Bayan” sa 20 ka paresan nga gisundan sa “Kantahan Night” sa pagpanguna sa 23rd Masigasig Band Battalion.

Usa usab sa mga highlight sa maong kalihukan mao ang pagbisita ni Sec. Isidro Lapeña, Director General sa TESDA aron personal nga makita ang kahimtang sa mga higaonon ug masaksihan ang 581 nga mga migradwar nga mga Gawas sa buhatan ni Konw. Amante-Matba nga gi-representahan ni Ruth Jugao ug kanhi Mayor Percianita Racho sa Buenavista, kaabag sa probinsya sa Agusan del Norte ang nagkalain-laing ahensya mao ang LGU-Nasipit, TESDA, 402nd Infantry Brigade and 23rd Infantry Battalion, NCIP, DTI, DILG, DA, DOLE, DENR, NBI, PSA, Redcross ug uban pa. (Agusan Up, LGU Agusan del Norte/PIA Agusan del Norte)