Kongresista Corvera, giseguro nga padayong mohimo og mga inisyatiba aron mapalambo pa ang kalidad sa Serbisyo sa edukasyon

Gipahalipayan ni Kongresista Dale B. Corvera ang administrasyon, mga magtutudlo ug non-teaching personnel sa Department of Education (DepEd) Cabadbaran City Division sa pagsaluog niini sa 10th Founding Anniversary niini sa E & G Convention Center sa Cabadbaran City kaniadtong Disyembre 8.

Apan samtang gilantaw ang mga nahimo sa mga tulunghaan sulod sa division nga dakung kalampusan, buot ni Kongresista Corvera nga palapdan pa sa tagsatagsa ang horizon nga ilang tan-awon kung ang impact sa kinabuhi sa katawhan nga giserbisyohan ang tan-awon.

Ang dugokan niyang ideya sa education, sumala pa sa kongresista, mao nga maghimo kini sa usa ka tawo nga naay moral ug espiritwal nga panukaran sa paghigugma sa pamilya ug katilingban, maghatag og kahibalo ug kahanas aron mahimong produktibo pagtubag sa mga produkto ug serbisyo nga gikinahanglan sa katilingban. Subay niini, pasabot ni Kongresista Corvera, ang una niyang sukdanan sa kalidad mao ang porsiyento sa mga tawo nga nahatagan og serbisyo. Ang batakang pangutana, sumala pa kaniya “Pila sa atong school-age population ang naa sa eskwelahan imbes maglakawlakaw lang sa kalasada kauban ang barkada o kaha nagtrabaho na aron makatabang sa mga ginikanan nga mokita alang sa galastuhan sa pamilya?”

kabatan-onan ang naa sa eskwelahan imbes nga magkat-on paghubog-hubog kauban ang barkada sa miaging 10 ka tuig,” dugang ni Kongresista Corvera.

Dason sa Kongresista: “And if more and more of our people are in school, are they attended to in the classrooms or in campus with utmost care and precision on the values that they must turn into attitudes, on the knowledge that they must learn for them to make it a habit to critically analyze conditions for better application and on the skills that they must master for them to produce the goods or deliver the services needed by society with utmost efficiency.”

“And if indeed our people were taught or trained well, can we say that the education services that we cater have been making a difference in their lives? Are more of our people getting richer? Do you see the rise of more decent houses? Do you see more families partaking on more balance diet?”

Nangayo og dispensa si Kongresista Corvera sa pagdala sa maong mga pangutana sa okasyon sa pagsaulog sa division sa ika 10 ka tuig nga kasumaran niini. Apan pasabot sa kongresista, nga ang maong okasyon ang husto nga higayon aron makita sa stakeholders niini ang lapad nga horizon sa serbisyo sa edukasyon sa ilang pagpahiluna sa mga programa sa mosunod nga dekada.

Ug giangkon ni Kongresista Corvera nga ang mga opisyal sa gobyerno sama kaniya nagpangutana usab sa mas bug-at pa nga mga pangutana: “Are we delivering our services according to the required quality for us to be effective in making the lives of our people better?”

Sunod niini, gilatid usab ni Kongresista Corvera ang iyang mga inisyatiba apil na ang pagtabang pagpahiluna nga mamugna ang DepEd Cabadbaran Division sa mayor pa siya sa syudad ug karon nga kongresista na siya, ang pagpaapil sa scouting sa curriculum sa elementary og high school aron mahimong batasan ang kanunay andam nga motabang ug manguna, ang iyang pagsuporta sa National Citizens Training or NSCT Program nga maghatag sa mga estduyante og practical ug applicable nga kahibalo ug kahanas nga kinahanglan aron sila makhatag og tabang panahon sa national calamities and disasters.

Dugang sa kongresista nga nagpahiuluna usab ang iyang buhatan og mga scholarship ug educational assistance, ingon man ang mga pagbansay, aron makatampo sa pagseguro nga makuha sa katawhan ang gikinahanglang kalidad sa edukasyon nga magamit sa ilang pagpalambo sa ilang kinabuhi.

Giseguro usab ni Kongresista Corvera nga padayon ang iyang buhatan nga magsilbing partner sa stakeholders sa edukasyon sa nasud, apil na ang DepEd Cabadbaran Division, nga pro-active paghimo og mga inisyatiba aron aron mapataas pa ang kalidad sa pagserbisyo sa katawhan. (Agusan del Norte 2ndCongressional District Office/PIA Agusan del Norte)