PROGRAMANG AICS SA NASIPIT, GIMUGNA

Prayoridad karon sa lokal nga panggamhanan sa lungsod sa Nasipit ang pagtabang sa mga insidente niini pinaagi sa gimugnang programa nga Assistance to Individuals in Crisis Situation kun AICS isip suporta sa ilang pagbangon. Kini ang unod sa bagohay pa lamang giaprobahan ug gideklarang balido sa Sangguniang Panlalawigan ang Municipal Ordinance No. 005-2021 nga gipangamahanan ni Sangguniang Bayan Paterno S. Corvera nga nagtumong nga mahatagan og daliang tabang pinansyal nga medikal, burial, o transportasyon ug kadtong anaa sa krisis, kalisod o emerhensiya nga kaso.

Ang programang AICS nga subay sa mga probisyon sa Department Of Social Welfare and Development kun DSWD Memorandum Circular No.11-2019 i-implementar pinaagi sa Municipal Social Welfare and Development Office kun MSWDO.

Ang maong lakang giaprobahan pinaagi sa Sanggunian Resolution No. 010-2021 sa SP sa pagpanginahan ni Bokal Elizabeth Marie R. Calo atol sa ika- 121st sesyon regular. (SVDeligero, LGU-Agusan del Norte/PIA-Agusan del Norte)

Asosasyon sa mga mag-uuma sa RTR ipatuman ang rice production project

Gihatagan og otoridad sa Sangguniang Panlalawigan sa Agusan del Norte si Provincial Governor Dale B. Corvera aron sa pagpirma sa Memorandum of Agreement tali sa Provincial Government of Agusan del Norte ug sa Tagbongabong Farmers Association sa tubag alang sa pagpatuman sa Rice Production for Marginalized Rice Farmers Project ubos sa assistance program sa mga marginalized rice farmers sa probinsiya sa Agusan del Norte.

Basi sa maong programa, nagtumong kini sa pagtabang sa mga marginalized rice farmers aron mahatagan sila sa gikinahanglang pondo ug inputs aron maseguro ang agricultural productivity. Mokabat sa PhP3 milyon ang kantidad sa maong proyekto aron masuportahan ang gasto sa produksiyon nga gikinahanglan sa mga mag-uuma.

Corvera

Ang target nga maka benepisyo mao ang mga marginalized rice farmers nga adunay mga rice farm areas sa lungsod sa Remedios T. Romualdez (RTR), ning probinsya. Molangkod sa 86 ka ektarya ang estimated area sa rice land nga adunay sa katloan ug PhP35,000 nga gasto sa produksiyon matag ektarya base sa plano ug budget sa umahan, apan kung ang gasto sa produksiyon molapas sa kantidad nga gipahayag, ang mag-uuma, maghatag og dugang gasto o katugbang. Kini gi-aprobahan sa Sangguniang Panlalawigan pinaagi sa pagpaningkamot ni Provincial Board member Virhilio R. Escasinas, Jr., chairman sa Committee on Agriculture and Agrarian Reform pinaagi sa sangguniang Reslution Number 493-2021, atol sa ika 115th regular session. (Jessica O. Mellejor, LGUAgusan del Norte/PIAAgusan del Norte)