1 minute read
DEPED DINAGAT ISLANDS NAKADAWAT OG DUPLICATING MACHINES
Ang buhatan sa Department of Education (DepEd) Schools Division sa lungsod sa Dinagat Islands nakadawat og duplicating machines gikan sa provincial government bag-ohay pa lamang.
Advertisement
Gi-award ug gi-turnover sa probinsya sa pagpangulo ni Gobernador Kaka Bagao ngadto sa Division Office nga gipangunahan ni Curriculum Implementation Division (CID) Chief Lope C. Papelleras ang usa ka set sa duplicating machines nga naglangkob sa 1 unit collator, 1 unit perfect binder, 1 unit cutter guillotine with electromechanical cutter, 2 units Epson Workforce Pro WFC869R, ug 4 units Blue PS -350 Digital Duplicator.
Ang maong duplicating machines napalit gikan sa pondo sa Special Education Fund (SEF) CY 2019 Savings og SEF CY 2020 Reprogram ug 1% Local Council for the Protection of Children (LPCP) 2020 fund nga nikabat ug P2,494,444.00 isip usa ka alternatibong pamaagi sa pagtudlo aron makabenipisyo ang mga estudyante ug magtutudlo sa probinsya alang sa giatubang nga pandemya.
Kini nga inisyatibo mao ang pagpanag-iya sa mga tawo nga gipasiugdahan ug nahuman pinaagi sa probinsya isip usa ka katumanan sa panagsama nga panan-aw ug sukaranan sa pagdumala, ilabina ang paghatag og gahum sa mga tawo pinaagi sa pagpadayon sa pagpaningkamot alang sa pagprotektar ug pagpanalipod sa mga vulnerable sectors ug mga kabatan-onan.
Gitambungan ang kalihukan nila Provincial Administrator Aimee A. Jimeno, Provincial Planning and Development Coordinator Jorge C. Daligdig, Provincial Community Affairs Officer Jay G. Benitez, Provincial General Services Officer Angela Elago, ug mga personahe gikan sa Department of Education (DepEd) Schools Division Office. (Dinagat IslandsPIO/PIA-Dinagat Islands)
