SEEDLING ALANG SA ‘MAPADAYONONG TISUK’ GISUGDAN NA OG APOD-APOD SA MGA MAG-UUMA

Gianam-anam na pagpanghatud sa mga mag-uuma sugod niadtong Hunyo 10, ang mga seedling nga gamiton sa “Mapadayunong Tisuk.”

Sugdan ang “Mapadayonong Tisuk” o mapadayonong pagtanum karong Sabado, Hunyo 12, isip kabahin sa mga kalihukan sa pagsaulog sa 54th Founding Anniversary sa Agusan del Norte.

Unang nakadawat sa mga seedling (Falcatta) ang Ansili Tribal Farmers Association, Incorporated nga gi pangulohan ni Datu Denskie Latonan sa Barangay Puting Bato, syudad sa Cabadbaran.

Sa laing bahin, gideliver usab bag-uhay pa lamang sa AGUSAN UP Coordinating Center ang laing batch sa mga seedling (cacao) nga gamiton sa mapadayonong pagtanum. Lain pang mga batches ug matang sa seedling ang moabot sa mosunod nga mga adlaw.

Ang “Mapadayunong Tisuk” kabahin sa Plant! Plant! Plant! Project nga nagpunting nga nakatanum sa 125,000 ektaryas nga kaumahan sa probinsya sa mosunod nga pito ka tuig o hangtud sa tuig 2027.

Ubos ang maong proyekto sa AGUSAN UP!, ang kampanya sa pagpalambo sa administrasyon ni Gob. Dale B. Corvera kaabag ang buhatan ni Kong. Angel Amante-Matba. (Shena Mae Pabia & Berz Amoncio, LGU Agusan del Norte/PIA Agusan del Norte)

MINDANAO NEWS