2 minute read
PAGBANSAY SA MGA NEGOSYANTENG MAG-UUMA KABAHIN SA BEST GAME TRAINING GIHINGUSGAN SA LGU BUTUAN
Pagbansay sa mga negosyanteng mag-uuma kabahin sa BEST game training, gihingusgan sa
LGU Butuan ka nga muincome pa more
Advertisement
Gihingusgang mapahigayon sa syudad sa Butuan pinaagi sa City Agriculturist Office ang training workshop kabahin sa Business Expenses Saving Training kun BEST Game Training nga nagtudlo kabahin sa mga pamaagi sa saktong pagdumala sa negosyo, savings ug expenses sa matag negosyante nga mga mag-uuma.
“Ang ikaduhang workshop nga atong gipahigayon ang kadtong BEST game training ang atong gipaapil niini nga workshop is kadto nang hugpong or association, peoples organization, cooperative nga nakatake off na sa ilang enterprise nag focus ang two-day training nga best game training sa pagtudlo unsaon ang pagbalansi sa negosyo, sa savings ug ilang expenses pinaagi sa simulation games pinaagi niini ilang mabalansi ang pagtuyok sa kapital,unsay benefits sa kinatibuk-an organization kong padak-an nila ilang savings or unsa pod benipisyo sa ilang grupo kong padakan ilang expenses,” sumala ni Engr. Pierre Anthony Joven, hepe sa City Agriculturist Office.
Naglaum si Engr. Joven nga sa duha ka adlaw’ng workshop ug training madasig ang mga maguumang negosyante pinaagi usab sa ilang mga kaagi sa pagdumala ug pagbalanse sa negosyo, savings ug expenses diin makabenipisyo niini ang hugpong ug komunidad. Ang nasangpit nga aktibidad alayon usab sa short-term goal nga mapalambu ang kapasidad sa mga mag-uuma ug mapalapad sab ang ilang kapasidad isip usa usab ka negosyante.
Sumala ni Evangeline Magtibay, Presidente sa De Oro Agrarian Reform Benificiary CooperativeDARBCO, daku og tabang ang pagbansay tungod matudluan nga maplastar ang negosyo. “Ang among naantiguhan kay sa best practice nga ilang gihatag nga business expense training seminar dili diay dautan nga mangutang kung nangarap ang imong organizations or any coop organizations,” sumala pa niya.
“Kami naunder mi sa savings so savings lang mi wala siyay income tungod kay wala naglihok ang kwarta. Ang kami sa group 3 among lantaw sa kinabuhi kay para dili mi magapos pero at the end diay sa among kapital nga 200k niginansya rami og gamay ang ending nilugi pami kay naa paman diay rental nga 100k naa pay reject sa product nga among gibaligya ang ending nagnegative mi ang among nakuha ani nga pagtulun-an dili masama ang mangutang to have more kapital kay kong dako ang kapital dako pod ang income kay makaikot man gyod ang business,” dugang pa ni Magtibay.
Ang training naglangkob sab sa pagtudlo sa pagsugod og negosyo, unsay business nga sudlan, planning, pilay ikapital na sudlan sa negosyo, pilay ginansyahon ug pila dapat manpower sa pag abri og negosyo. (Butuan City PIO/PIA Agusan del Norte)
