ENHANCED LEADERSHIP UG BASIC BOOKEEPING, GITUDLO SA MGA FARMER LEADERS UG OPISYALES SA MGA ASOSASYON UG KOOPERATIBA

Gibansay sa City Agriculturist Office ang mga farmer leaders ug mga opisyales sa mga kooperatiba ug asosasyon sa syudad kabahin na sa Enhanced Leadership and Basic Bookeeping.

Sumala ni City Agriculturist Engr. Pierre Anthony Joven gisiguro sa ilang opisina nga ma imbitahan ang mga Farmer leaders, officers sa farmers association nga bag-o pa nagsugod aron matabangan sila nga mapalambo ang ilang leadership skills ug mamahimung maayo ang ilang pagdala sa organisasyon.

“Alayon sa short term goal sa dakbayan sa Butuan didto sa agriculture and fisheries sector atong gipanghingusgan nga maimproved ang competency ug entrepreneurial capacity sa atong farmers fisherfolks and associations nagpahigayon ang City Agriculturist Office training its a 2-day its about leadership and basic bookkeeping training,” sumala ni Engr. Joven.

Alang sa presidente sa Malalag Bancasi Irrigators Association nga si Lucia Mentoda taga Barangay Libertad daku kini og tabang ang training sa iyang pagdumala sa asosasyon labina dunay 47 ka myembro sa asosasyon. “Okay gyod kaayo, nindot siya kaayo kay daghan kaayo mig nakat-onan labi na bahin sa pagmanage sa kwarta, importante gyod na kaayo kay ma personal man, asosasyon o negosyo daghan makat-onan,” sumala pa ni Mentoda.

Dugang ni Mentoda sa iyang asosasyon dunay transparensiya nakalista ang tanang mugawas nga kwarta.

Sa ikaduhang session sa pagbansay gitudlo ang simple bookeeping isip mga bag-o pang nagsugod sa asosasyon, gitudluan sab ang mga partisipante sa pagplastar sa ilang gamay nga income ug expenses. Gisiguro sa mga asosasyon nga dunay transparensiya ang matag hugpong tungod kung dunay transparensiya makuha sab sa grupo ang pagsalig sa mga myembro sa grupo. (Butuan City PIO/PIA)

PROVINCIAL NEWS