SENIOR CITIZENS SA AGUSAN NORTE KUMBINSIDO MAGPABAKUNA BATOK COVID-19

By Karen Decamotan

Dako ang pagtuo ug paglaum sa mga nabakunahan na nga mga senior citizens nga mamahimong protektado ug luwas sila batok coronavirus disease 2019 (COVID-19) ug kini ang nahimong basehan sa desisyon nga magpabakuna sila. Patayon Aca-ac, 74 anyos, lumulupyo sa syudad sa Cabadbaran.

Sumala pa ni Aca-ac aduna siyay allergies apan mituo siya nga inubanan sa pagampo ang makasulbad sa pandemya ang pagpabakuna lang. Niini siya mismo ang nag eng-ganyo sa iyang mga anak nga magpabakuna.

Aminado usab si Acaac nga bisan fully vaccinated na siya dili mamahimo mag kumpyansa ug mo sunod gihapon siya sa mga nag-unang mga protocols nga gipatuman sa mga lokal nga panggamhanan.

Gawas nga maghimo kaniyang protektado gikan sa makamatay nga sakit, ang pagpabakuna alang usab kang Fortunata Abcede sa Buenavista ang pagpabakuna magsilbing pamaagi aron makakuha siyag vaccination card ug magamit kini niya ingkaso adunay mga establismento nga estriktong magpatuman og “no vaccination, no entry”, ug diha sa mga biyahe ug mga emerhensiya diin kinahanglan moadto og ospital.

Base sa datus sa Department of Health Caraga, natala nga ang priority group A2 o senior citizens sa probinsya sa Agusan del Norte ang kasamtangang pinakataas nga percentage rate nga nagpabakuna kung itandi sa A1 ug A3 sa tibuok probinsya.

Daku ang kalipay ni Gobernador Dale B. Corvera niini. Isip senior citizen ug apil usab sa priority group A2, malipayong siya nga taas ang rate sa nagpabakuna nga mga senior citizens. Iyang nakita nga usa ang mga katiguwangan ang huyang ug dali gyod matakdan sa COVID-19 ug nagpasalamat siya nga nagpabakuna gyud kini sila.

“I am happy that our senior citizen sa A2, sa akong tan-aw, nituo sila nga kini nga bakuna, safe para sa ila bisan sa ilang edad. Ikaduha, because ang tanan impormasyon nga niabot kanato, makita nato nga vulnerable gyod ang senior citizen. Kasagaran casualty aning covid, mga senior gyod.

In order to be protected, mo-submit gyod sila para duna silay protection,” sumala pa ni Gob. Corvera.

Sa pagkakaron, padayon gipahigayon ang pagpabakuna sa tibuok probinsya sa Agusan del Norte, apil na niini ang second dose sa mga senior citizens. (LGU Agusan del Norte/ PIA Agusan del Norte)