BARANGAYS MANOLIGAO UG TAGCATONG GIDEKLARANG AGRICULTURE ORGANIC ZONE SA AGNOR

Giaprobahan sa Sangguniang Panlalawigan sa Agusan del Norte, bag-ohay pa lamang, ang Municipal Ordinance No. 03-3021 gikan sa lungsod sa Carmen, ning lalawigan nga “An Ordinance Declaring Barangays Manoligao and Tagcatong, This Municipality as an Agriculture Organic Zone and for Other Purposes”.

Photo: CTTO

Ang unod sa maong ordinansa nagtumong sa pagpauswag sa katungod sa mga tawo sa usa ka balanse ug himsog nga ekolohiya nga nahiuyon sa ritmo ug panag-uyon sa kinaiyahan, sa ingon, subay niini, ang duha (2) ka nasangpit nga mga barangay ang magsagop sa organikong agrikultura padulong sa pagpalambo ug magsustenir sa organikong pagpanguma ingon nga naguna niini nga pamaagi sa agrikultura.

Ang agriculture organic zone usa ka sistema sa agrikultura nga naggamit mga abono nga organikong gigikanan sama sa abono sa compost, berde nga abono, ug pagkaon sa buhog ug gihatagan gibug-aton ang mga pamaagi sama sa pagtuyok sa tanum ug kauban nga pagtanum. Up ang development agenda sa probinsiya ubos sa administration ni Provincial Governor Dale B. Corvera.

Kini subay usab sa Section 16 sa local Government Code of 1991, nga naghatag otoridad sa Sangguniang Bayan sa mga lungsod sa paghimo sa mga lakang alang sa general welfare sa lungsod ug ang mga residente niini alang sa efficient ug effective local governance.

Kini gi-aprobahan sa mga paningkamot ni Board Member Virgilio R. Escasinas, Jr. pinaagi sa Sanggunian Resolution No. 3722021, subay sa RA 10068 “An Act Providing for the Development and Promotion of Organic Agriculture in the Philippines and for Other Purposes” atol sa 106th regular session. (Jessica O. Mellejor, LGU-Agusan del Norte/PIA-Agusan del Norte)