ACLARACIÓNS SOBRE AS PROPOSTAS DE TAREFAS DURANTE O ESTADO DE ALARMA

AS PROPOSTAS DE TAREFAS SEMANAIS.

Dende que se deu o aviso de suspender as clases, o ​equipo docente de infantil,​ seguindo as indicacións da Consellería de Educación, comezou a programar ​actividades xenéricas​ ​relacionadas cos contidos curriculares ​para que o noso alumnado as poida realizar no seu domicilio.

Nestas indicacións tamén nos falan de facer un ​seguimento ​coas familias do que estades facendo, resolver dúbidas,..., pero son propostas que ​non terán carácter de avaliables.

O que se busca é ​de dispor as ​medidas precisas para facilitar a continuidade do proceso de aprendizaxe ​do alumnado fóra do ámbito escolar.

As propostas que estamos elaborando son moi variadas, tratando sempre de utilizar material que poidades ter na casa, e non pensando en que as fagades todas, senón aquelas que mais interesen. Pero seguimos primando ese momento de ​xogo en familia,​ sen presas, de axudar nas labores da casa, na cociña, en poñer a mesa, e os platos, coitelos, vasos,... para cada un dos que vivimos na casa... Porque ahí temos moitas aprendizaxes.

Entendemos que a situación actual non se vive do mesmo xeito en todos os fogares, e que hai familias que dispoñedes de mais tempo para estar cos vosos fillos, e poder facer estas propostas e ter ese seguemento e intercambio de información, mentres que hai outras que non.

Por iso queremos facervos chegar a ​calma ​de que non hai que facer todas as tarefas, non tedes que enviar o seguemento se estades traballando e cando remata a xornada o que precisades e desfrutar dos vosos fillos sen presións.

O equipo de infantil estamos para axudarvos no que precisedes.

PORQUE TOD@S XUNT@S VENCEREMOS.