Address: Sta. Rosaweg 17 Willemstad, Curaçao T +599 9 7361951 ext 218 F +599 9 7361751 curadoet@curacaocares.org www.curadoet.com
TOOLKIT 1.
Idea pa tarea òf aktividat
2.
Plan di akshon pa organisá bo tarea òf aktividat
3.
Lista di atributo nesesario
4.
Plan di budgèt
5.
Chècklist CURA DOET
6.
Kordinashon di boluntario i seguridat
www.curadoet.com
1. Idea pa tarea i aktividat durante CURA DOET CURA DOET ta trese hopi boluntario entusiasmá huntu pa durante parti di un dia hasi un diferensha positivo serka bo organisashon. Sea kreativo, mira rònt kiko tin ku mester hasi i kiko abo mes lo ke logra serka bo organisashon. Laga e sugerenshanan aki inspirá bo: • • • • • • • • • • • • • • • • • • • • • • • • • • • • • • •
Bai tira un bista ku bo grupo na... (Dia habrí) Drecha òf traha un plenchi pa mucha hunga… Drecha òf hasi un sentro di bario, klup òf sede bunita... Duna un man di fèrf na... Hasi moveshon (meditashon, yoga) i deporte ( gimnasia, zumba) ku.. Invitá un persona konosí pa duna charla/presentashon durante un dia agradabel... Kolektá paña, buki òf kos di hunga pa distribuí... Konta kuenta pa… Kushiná pa òf na... Kuida bestia ... Limpia un playa òf parke... Mantené òf drecha parke, kurá òf “kinderboerderij” … Organisá aktividat pa mucha... Organisá aktividat pa ansiano... Organisá aktividat pa persona ku limitashon físiko òf mental... Organisá aktividat pa hende ku tin menos rekurso... Organisá aktividat pa pashènt.. Organisá presentashon di baile, músika òf komedia pa... Organisá maratòn òf lès di baile (salsa, folklor) Organisá un workshòp... Organisá kanamentu den naturalesa òf pa deporte... Organisá Food Festival (sòpi, pastechi, pan, repa èts) … Organisá klínika di deporte (futbòl, beisbòl, èts) pa... Organisá òf duna lès di pintamentu òf di otro arte... Organisá un keiru pa.. Organisá un dushi dia pa malkriá bo propio grupo di interes… Planta un hardin.. Plania un limpiesa grandi... Pone atministrashon na òrdu... Sali bai kome ku … Traha bolo òf cupcake pa…
www.curadoet.com
• • •
Trabou den naturalesa... Traha arte pa òf ku... Trese hende huntu durante un get-together…
i naturalmente: • Organisá un aktividat pa logra haña mas boluntario!
2. Plan di akshon pa organisá bo tarea òf aktividat E ‘toolkit’ aki ta ofresé bo un plan di akshon práktiko ku ehèmpel konkreto pa bo por kuminsá organisá bo tarea òf aktividat. Na e manera aki bo tin un guia ku teps i triki pa bo por deliniá bo proyekto fo’i komienso te final bon. Kiko lo hasi un proyekto eksitoso? Pa bo proyekto ta eksitoso durante CURA DOET, mester ta komprendibel pa un i tur kiko bo kier logra. Na promé lugá pensa bon kiko ta importante pa bo organisashon den kuadro di e proyekto i kiko ta realistiko. Despues por pensa kon lo por involukrá boluntario i otro partnernan. Un proyekto mester por ser kompletá durante e dianan di CURA DOET. Stap importante: Stap 1: Inventarisá promé kiko ta e meta stipulá pa ser lográ durante CURA DOET: pensa riba bo besindario i bo klientenan i palabrá ku bo koleganan i/òf maneho kiko lo ta e mihó opshon. Stap 2: Analisá kon lo bo kier usa boluntario durante CURA DOET; tin hopi posibilidat. Stap 3: Inventarisá ki tipo i kuantu material òf rekurso bo lo tin mester pa ehekutá e proyekto. Stap 4: Deliniá un budgèt realístiko. Stap 5: Traha un plan di akshon i delegá responsabilidat. Stap 6: Pensa riba kua partnernan lo por yuda ku sierto aspektonan di e proyekto. Stap 7: Maksimalisá oportunidatnan pa haña publisidat i promové bo proyekto dentro di bo mes netwèrk.
www.curadoet.com
Man na obra Stap 1: Inventarisá tarea òf aktividat. Ta importante pa analisá bo propio organisashon. Di moda kubo por tin un miho bista si e tarea òf aktividat ta bai ta alkansabel. • • • • •
Kiko e organisashon ta haña importante? Ki tipo di proyekto i kon grandi e proyekto por ta? Kiko lo ta importante pa klientenan òf besindario? Kiko ta ‘leuk’ pa e boluntario? Ta nesesario pa tin un persona ku tin konosementu di e trabou presente?(eksperto)
Stap 2: Analisá kon mihó pa embolbí boluntario i pa hasi uso di e boluntarionan na un manera efisiente. Mas man pa yuda i atenshon spesial pa otro ta loke CURA DOET ta enserá. Hasi uso di esei. • • •
Kiko lo ta aspektonan di e proyekto, manera durashon, grandura? Kuantu hende lo tin mester pa alkansá boso meta? Ki impakto lo bo ke duna e boluntario di bo organisashon na final di CURA DOET?
Stap 3: Buta riba un rei kua rekursonan bo lo tin mester pa ehekutá e proyekto. • • •
Kiko lo bo tin mester na material pa ehekutá e proyekto? Kiko lo bo mester pa malkriá bo boluntario nan kuné? kuminda, ko’i bebe etc Kiko lo bo por resiklá, kumpra, haña komo donashon of ku deskuento serka un kompania?
Stap 4: Deliniá un budgèt realístiko. Inventarisá serka algun negoshi kiko lo ta sierto gastunan mará na materialnan pa kompletá e proyekto. Si bo tei hasi uso di e aporte finansiero ku Het Oranje Fonds ta ofresé, tuma nota ku mester yena e formulario pa e petishon i mester entregá esaki prome ku 31 di yanüari 2015 serka Curaçao Cares. • Kiko lo bo tin mester na yudansa finansiero pa kompletá e budgèt? Stap 5: Traha bo plan di akshon i delegá responsabilidat pa dianan di preparashon promé ku CURA DOET pero tambe pa durante CURA DOET mes. Despues di a inventarisá kiko lo tin mester, skibi un plan i skema kaminda ta pará kua ta e akshonnan ku tin ku tuma lugá i ken ta bai ta na enkargo ku kiko. • • • •
Kiko ta e siguiente stapnan? Ken ta na enkargo di kua parti? Ki preparashon falta? E proyekto ta realisabel?
www.curadoet.com
Stap 6: Pensa kua partner òf negoshi bo por aserka pa yuda den kuadro di e proyekto. Tin partner ku lo por ofresé deskuento òf yuda ku ekspertisio? • • • •
Kua organisashon lo por sostené bo proyekto ku material p’un bon preis? Bo lo tin mester di yudansa di hende ku expertisio? Si, ken asina por kompartí esei? Kua organisashonan lo por sostené bo proyekto ku man èkstra? Lo bo tin mester di boluntario ku tin sierto konosementu spesial pa por realisá bo tarea?
Stap 7: Usá tur oportunidat pa haña publisidat i pa promové e proyekto den bo nètwèrk. Probecha usa bo propio nètwèrk, prensa lokal i media sosial pa hala atenshon pa bo proyekto. •
Ken lo ta bon pa pone na altura di bo proyekto?
Finansiamentu Tin 3 diferente manera pa yega na e rekursonan ku lo tin mester: e donashon di Oranjefonds, otro kompanianan i propio rekurso. Donashon di Oranje Fonds: Petishon pa aporte finansiero. Tur organisashon of asosiashon por entregá un aplikashon pa aporte finansiero te ku un máksimo di ANG. 1.100 ku nan por usa durante CURA DOET. Tin algun kriteria ku mester kumpli kuné pa por bini na remarke. Por lesa mas di e kriterianan riba www.curadoet.com bou di aporte finansiero ora bo log in.. Kompania: Petishon pa spònsòr Organisashonnan ku ta partisipá por aserká diferente instansha i negoshi ku por yuda ku donashon, produktonan gratis òf deskuento pa material. Propio rekurso: Kiko lo por ser kubrí? Promé kuminsá apliká pa aporte, inventarisá ki propio rekurso bo organisashon tin disponibel ku por ser usá den kuadro di CURA DOET. Ta posibel ku bo organisashon mester kontribuí un granito fo’i propio saku pa realisá e proyekto.
www.curadoet.com
3. Lista di atributo nesesario Aki bou un muestra di un lista di atributo/material pa bo nota kiko bo tin mester, na unda bo por hañé i kuantu e ta kosta pa bo por traha un budgèt. Material/produkto
Kantidat
Kalkulashon di gastu Partner potensial
Hanskun Sak’i sushi Kwashi Fèrf Artíkulo pa traha den kura (sķòp,harpa, chapi etc.) Trapi Hür Hèrmènt (martin, zag, bor etc.) Palu Toilèt mobil Eis Djùk Beker, napkin, papel di wc etc. Fruta, awa i snèk Pastechi/Pan Ayudo di emergensia (pleistu, gas, dioxogen, tape etc.)
www.curadoet.com
4. Plan di budgèt Aki bou un budgèt pa mantené bista riba e gastunan i finansa. Entrada
Kalkulashon di entrada
Entrada real
Propio rekurso Kontribushon di Oranjefonds Kompanianan/Spònser Entrada Total
FL:
Gastu
Kalkulashon di gastu
Material p.e. Fèrf
Food & Beverage p.e. Ko’i bebe Snèk
Operational p.e. Transporte
Gastu Total
FL:
Balansa final (Entrada real -/- Gastu real)
FL:
www.curadoet.com
Gastu real
5. Chècklist CURA DOET 25 òktober 2014 — 30 yanüari 2015: Deskribí proyekto □ □ □ □ □ □ □ □ □
Inventarisá posibel proyekto pa kompletá durante CURA DOET Inventarisá kuantu boluntario lo tin mester Inskribí e proyekto mas detayá posibel online Yena formulario di aporte finansiero Inventarisá atributonan nesesario Skibi lista atributo nesesario pa hasi kompra dirigí Traha budgèt realístiko Aserká posibel negoshi i partner pa material i rekurso ( por ehèmpel supermarket, toko, panaderia, snèk. ) Kuminsá buta boluntarionan na altura di bo proyekto i fecha di inskripshon.
1 febrüari — 14 mart 2015: Reklutá boluntario i partner □ □ □ □ □ □ □
Aserká (grupo di) boluntario pa partisipá serka bo Tuma kontakto (yama of mail) e boluntario nan ku e inskribi pa yudabu. Informánan ku mas tardá un siman promé ku fecha di CURA DOET nan lo hana un programa di kon e dia lo ta bai ta. Kuminsá manda boluntarionan un programa kòrtiku. Bolbe aserká spònsernan pa konfirmá produktonan. Inventarisá atributo nesesario i traha plan di akshon Reparti tareanan i asigná hendenana pa yuda kordiná e dia Kuminsá kumpra i warda algun kos.
6 di mart 2015: Delaster anochi di informashon CURA DOET
□ Presensiá enkuentro preparatorio pa tuma cheque i pakete di promoshon. □ Kologá bo banner sigiuente dia pa mustra tur hende ku bo tambe ta partispá ku CURA DOET
10-14 mart 2015 — Prepará tur kos pa e tarea òf aktividat na lokalidat
□ Kobra cheque i regla finansas □ Kontrolá material promoshonal despues ku a risibínan. □ Si ta nesesario, aserká boluntario adishonal. Traha un lista di kontakto pa boluntarionan registrá (nòmber, e-mailadrès, telefòn). □ Regla òf kumpra kos pa implementá bo proyekto (tènt, stul, F&B, etc.) □ Hasi promoshon den bo nètwèrk hasiendo uso di e materialnan promoshonal manera poster, bandera di outo, ‘banner’.
16- 19 mart 2015 — Último detaye □ □ □
Asigná/konfirmá un kordinadó pa hinter e proyekto Asigná/konfirmá un kordinadó pa parti material di promoshon Asigná/konfirmá un kordinadó pa kuminda i ko’i bebe.
□ □ □
Asigná/konfirmá un kordinadó pa ta punto di kontakto pa boluntario Repasá draibuk i plan di akshon huntu Aserká boluntario nan atrobe pa konfirmá detaye.
1 dia adelantá □ □ □
Sòru pa tur material òf atributo ta pone kla mas efisiente ku ta posibel Sòru ku baño i/òf tualèt ta limpi i indiká unda nan ta (EHBO tambe) Dekorá lokalidat ku material di CURA DOET Prepará material promoshonal pa parti siguiente dia ku boluntarionan Si tin mester, manda boluntario òf kordinadó delaster email rekordatorio
21 & 22 mart 2015 – e dianan a yega! 1 ora promé ku kuminsá □ □ □ □ □ □
Buta kòfi, te, ko’i kome i ko’i bebe i dekorashon kla. Instruí bo mes boluntario nan i kordinadónan Kontrolá si tur material pa e tarea òf aktividat kla Kontrolá si tur material pa boluntario kla Buta formulario di registrashon i pèn kla Bisti bo CURA DOET shirt!
Na inisio — Man na Obra! □ □ □ □
Yama tur boluntario bon biní i introdusí e organisashon Spliká e programa di dia i instruí tur presente Laga boluntario nan yena formulario di registrashon Enkurashá tur hende pa nan pasa bon tambe! Parti CURA DOET t-shirts.
Miéntras e tarea ta tumando lugá □ □ □ □
Sòru pa tur hende bebe hopi awa i ku tur hende ta tuma sufisiente pousa Paga tinu riba seguridat. No tuma riesgo inesesario. Tira bista riba e ora pa bo por logra bo meta den e tempu indiká. Laga tur hende disfrutá tambe. Animá ora bo mira energia a baha un tiki.
Final di dia □ □
Yama danki na tur ku a duna un man! Parti i kolektá formulario di evaluashon
Dentro di un siman □ □ □
Yama danki via telefon òf via di un email ( ku potrèt si ta posibel) na tur esnan ku tabata embolbí. Por fabor entregá òf mail boso formulario di evaluashon komo organisashon. Por fabor entregá boso ‘banner’ na ofisina di CURA DOET.
6. Kordinashon di boluntario Promé ku dianan di CURA DOET: komunikashon ku boluntario □ □ □ □ □
Después ku e boluntario individual of un grupo a inskribí bo ta risibí un konfirmashon di nan inskripshon via mail ku e infomashon di kontakto di e personanan konserni. Konfirmá e inskripshon di e persona of grupo tumando kontakto ku e persona via mail of telefòn. Di e forma aki bo por gradisí nan mes ora pa nan inskripshon pa partisipá na bo proyekto. Si akaso bo tin mas pregunta probecha hasi esaki. Kontrolá si e informashon nan di kontakto ta korekto. Si ta un grupo, puntra e persona di kontakto si e tin e email di e otro personanan di forma kubo por tuma kontakto personal ku kada un di nan si nan ta deseá. Si pa bo proyekto bo ta rekerí di un abilidat spesifiko bo por puntra e boluntario si e tin esaki òf si nan konosé algun hende ku por kalifiká. Indiká na e boluntario ki dia lo bo bolbe tuma kontakto ku ni i kon e por kuminsa prepara entretanto.
Pa mas tardá un siman promé ku CURA DOET bo ta manda un rekordatorio i informashon adishonal pa tur bo boluntarionan. Por ehèmpel un diskripshon mas amplio di bo tarea of aktividat ku eventualmente algún potret. Korda informá e boluntario ki tipo di paña lo ta apropiá pe bisti, kiko lo e mes mester bin kune (chapi, harpa etc). I tambe pone e adrès i orario ku bo ta spera nan e dia mes. Un dia promé ku CURA DOET, mail/yama/sms of app e persona di kontakto òf boluntarionan por último bia pa korda e ora i lokalidat kaminda nan mester ta. Kòrda menshoná ku bo ta ansioso pa e dia yega i ku bo ta warda nan ku hopi animo. Dia di CURA DOET: Instruí boluntario • Ora boluntario nan yega na e tempu akordá pidi nan yena detaye di kontakto (opshonal) i parti material, t-shirt. • Laga boluntario nan sinti nan mes bon biní i yama nan danki pa nan tempu. • Splika kiko bo organisashon ta para pe. Kòrda nan ku e meta mas importante di CURA DOET ta pa trese hendenan huntu, pa duna otro un man i pa ‘spòtlight’ esfuerso boluntario. • Tene un ‘briefing’ kòrtiku di mas òf ménos 15 minüt pa instruí boluntario i splika kon e dia ta planiá inkluyendo e parti di disfrutá huntu, kome i bebe. Splika bon kiko ta e tareanan ku lo mester ser kumplí segun bo draibuk.
www.curadoet.com
Introdusi e kordinadónan asigná pa kada tarea di forma ku e boluntario sa serka ken e mester ta pa kiko. Por último splika kiko e meta di e dia aki ta i pa kiko ta asina importante pa boso organisashon logra e meta aki. • Pasa dor di e lista di material i parti material. Komuniká ku ora kaba tur kos mester keda (mesun of mas) nèchi. • Palabrá tambe kiko pa tene kuenta kuné si tin kualkier kaso di emergensia òf kualke aksidente. Repartí boluntario • Laga un kordinadó dividí tarea pa boluntarionan por traha efisiente. E kordinadó por tira un bista riba material, si tur kos ta yega, si un hende mester di algu, etc. • Sòru pa tur kordinadó ta rekonosibel i alkansabel (telefóniko tambe). F&B pa e boluntarionan • E kordinadó di F&B huntu ku otro boluntario mester por indiká unda i ki ora por tuma awa, ko’i bebe i kualke snèk. • E kordinadó por kordiná e ora ku e boluntario nan por tuma pauso huntu, di forma ku nan por sosegá, kome i bebe algu pero tambe sinta kombersá i gosa di e dia un ratu. Seguridat i emergensia Sòru pa bo tin material pa asistí den kaso di emergensia (“Eerste Hulp”) i ku kordinadónan sa ken i kua number yama. • • •
Skohe seguridat semper riba inseguridat. Si algu no ta parse ‘safe’, evitá e situashon. Kuida seguridat di e boluntario nan. Komuniká kiko por hasi i kiko no por hasi. No bai implementá tareanan si bo no tin e materialnan nesesario. Laga aspektonan tékniko den man di profeshonal.
www.curadoet.com