HAUTESKUNDE PROGRAMA
2015-2019
HAUTAGAITZA EH BILDU AGURAIN: Maider García de Vicuña, Ainitze Arregi Goikuria, Xabi Urkiola, Iñigo Espada, Ruth Lafuente, Enrike Gainzarain, Nuria Lopez de Uralde, Josu Zufiaur, Iolanda Murgiondo, Javier Diaz de Garayo “Peku”, Amaia Campo, Fernando Viana, Izaskun Oraa, Iñigo Erro, Saioa Ameskua, Hector Salsamendi, Nahiara Gastiain
AURKIBIDEA Orr.
HAUTESKUNDE EKITALDIA ACTO ELECTORAL
Maiatzak
10 Mayo
Igandea / Domingo
12:00h
SAN JUAN plaza
AGURAIN
2
----- KUDEAKETA EREDUA
2
----- EKONOMIA JARDUERAK
3
----- GIZARTE POLITIKA
5
----- INGURUGIROA
7
----- HIRIGINTZA ETA ETXEBIZITZA
9
----- EUSKARA
11 ----- KIROLA 12 ----- KULTURA 13 ----- HEZKUNTZA
Kontaktua: agurain@ehbildu.net Webgunea: agurain.ehbildu.eus
HAUTESKUNDE PROGRAMA
KUDEAKETA EREDUA PROGRAMARAKO NEURRI ZEHATZAK HERRITARREKIKO HURBILTASUNA 1. Alkatetzarekin asteroko harreman zuzen eta pertsonala mantenduko dugu. 2. Udalera iritsiko diren kexa, zalantza eta iradokizun guztiak hilabeteko epean erantzungo ditugu. 3. Udalean eginbeharreko tramitazio administratiboak errazteko bideak jarriko ditugu. 4. Administrazioan teknologia berrien erabileran sakonduko dugu herritarrei ahotsa eman eta internet bidezko tramiteak ahalbidetzeko. PARTEHARTZEA eta GARDENTASUNA 5. Herritarren parte hartzea gure udal kudeaketaren ardatz izango da. 6. Udalak urteko gutxienez batzar ireki baterako deialdia egingo du Udalaren egoeraz informatzeko 7. Udalak teknologia berriak, web orria eta aldizkaria baliatuko ditu aguraindar guztiak erabaki, programazio, gertaera eta ekimenez informatzeko. ENPLEGUA eta FORMAKUNTZA 8. Udal langileen ordezkapenak betetzeko lan poltsen araudia sortuko dugu. 9. Udalak dituen behar eta lehentasunak aztertuko ditugu eta horretan oinarrituta lanpostuen balorazioa egingo dugu. 10. Udal langileen formazioan sakonduko dugu, teknologia berrietan, lan modu ereduetan, euskaran, berdintasunean... 11. Udal zerbitzuetan enplegu publikoa egonkortzeko eta sortzeko aukera guztiak baliatuko ditugu. 12. Kontratazio guztietan aukera berdintasuna bermatzeko klausula sozialak aplikatuko ditugu.
JARDUERA EKONOMIKOAK
PROGRAMARAKO NEURRI ZEHATZAK •
Aguraingo eragile ekonomiko zein sozialez osatutako Herri mailako foro bat sorrera bultzatuko dugu, elkarlanean landu ditzakegun ildo estrategikoak adostu eta epe ertainean enplegua sortzeko Tokiko Garapenaren ikuspuntutik.
2
HAUTESKUNDE PROGRAMA
KOMERTZIOA: 1. Komertzianteen elkarteekiko harremana indartu eta beraien ekimenak lagunduko ditugu. 2. Udal arduradun, komertzio teknikari, komertzio dinamizatzaile eta komertzianteen arteko elkarlana mantenduko dugu beharrak ezagutzeko eta beharreko ekimenak bultzatuko ditugu. 3. Alde Zaharrean esfortsu berezia egingo dugu, gaur egun dagoen komertzioa babestuz, herritarrentzako inguru atsegina sortuz eta enprendedoreek negozio berriak jartzeko leku aproposa bihurtuz. 4. Bertako produktuak eta bertako komertzioetan kontsumitzeko sentsibilizazio lana egingo dugu. 5. Kultur Bira kultur zirkuitua eta udako Jazzherrian festibala mantenduko ditugu, herritarrak herriko komertziotara hurbildu eta kontsumitzera animatuz. TURISMOA: 6. Agurain eta gure inguruak duen aberastasun arkitektoniko, historiko, kultural eta naturala agerian jartzeko lanean jarraituko dugu, informazio erakargarria zabalduz. 7. Bisitarientzako azken legealdian egindako instalakuntzak ezagutzera eman eta egoera egokian mantenduko ditugu (Erromesen aterpetxea, auto-karabanentzako eremua…) 8. Eskualde turismo eredu sostengarrian lanean jarraituko dugu, Agurain eta Lautada turismo mapan kokatuz (Nordic Walking, BTT ibilbideak, bisita gidatuak, seinalitika eta informazio panelak, jardunaldi gastronomikoak…) 9. Komertzio, kultura, kirol eta gizarte ekimenak bultzatu eta lagunduko ditugu, aguraindar zein bisitariak erakartzeko informazio zabalduz.
GIZARTE POLITIKA OINARRI IDEOLOGIKOAK • • • • • •
Zerbitzu sozialen sistema publiko eta unibertsala sortu. Salbuespenik gabe, pertsona guztion eskubide sozialak bermatu. Pertsona bakoitzarentzat existentzia duin bat izateko baliabide nahikoak lortu. Zaintza lanak aintzatetsi eta duin bihurtu. Libreki hautatutako eta jardundako zaintzak bermatu. Pertsona guztion gizarteratze osoa bultzatu bazterketa eta desberdintasun sozialaren kontra borrokatuz.
3
HAUTESKUNDE PROGRAMA
PROGRAMAREN NEURRI ZEHATZAK HAURTZARO ETA GAZTAROA: 1. Ume eta gazteen beharrak ezagutu eta aintzat hartu, haientzat atseginago eta eskuragarriago izango den herria eraikitzeko. 2. Berriki martxan jarritako “Herri hezitzailea� proiektua bultzatu. Honek udalerriko ekintza eta erabakietan ume eta nerabeen parte hartzea bultzatzen du: aisialdi guneak, kultura, kirola, berdintasuna harremanetan, desberdinen arteko elkarbizitza,..., udaleko ateak zabalduz eta haien elkargunetara hurbilduz. 3. Babesgabetasun egoeran dauden familien esku hartze programak hobetu eta lanean jarraitu, ume eta gazteen elkarguneetan gizarteratzea bultzatuz.
NAGUSIAK: 4. Pertsona nagusien eta haien elkarteen parte-hartzea bultzatu udalerriko ekintza eta erabakietan: kultura, kirola, berdintasuna, elkarbizitza,... haien elkarguneetara hurbilduz eta haien erabaki eta beharrak kontutan hartuz. 5. Elikagaien bankuen laguntza pertsona guztiei eskaini, pertsona nagusiekin bereziki lan eginez. 6. Harresi auzoko beheko solairuetan dauden udal lokalen horniketa aztertu, nagusientzat alokairu sozialean jartzeko.
IRISGARRITASUNA 7. Hiritarren eta eragile sozialen lankidetza bultzatu pertsona guztion beharrak ezagutzeko, gure inguruko dibertsitate funtzionala kontutan hartuz. 8. Alor guztietan eta guztiontzako herri irisgarria lortzeko neurriak hartu, oztopo arkitektonikoak kentzeko neurriekin jarraituz eta beste arloetan neurri berriak ikasiz.
SEXUEN ARTEKO BERDINTASUNA ETA SEXUALITATE ASKATASUNA 9. Berdintasun Zerbitzu bat martxan jarri. Honek, gune sozial guztietan Berdintasuna bultzatzeko ekintzak planifikatzeaz gain, udal alor guztietan ikuspegi feministaren presentzia bermatuko du. 10. Gaztaroan (Eskualdea) eta haurtzaroan (Udala) Berdintasunari buruzko diagnostikoetan oinarrituta, ume zein gazteekin beharrezko esku-hartzeak burutu berdintasunezko etorkizun baten berme gisa. 11. Indarkeria matxista pairatzen duten emakumeei laguntzeko atentzio eskualdeko protokoloa ezagutarazi, egoera hau bizi duen edozein emakumek zein errealitate hori ezagutzen duen edozein pertsonak existitzen diren baliabideak erabili ditzan. 12. Udal adierazpen guztietan hizkuntza eta irudi ez sexistak erabiliko ditugu, dokumentu guztietan beharrezko zuzenketak progresiboki eginez. 13. Emakume eta gizon izateko era desberdinen eta sexualitatea sentitzeko, desiatzeko eta adierazteko dibertsitatearen inguruan sentsibilizatzen jarraitu, hauekiko errespetua bultzatuz, suposatzen duen aberastasuna aprobetxatuz eta bazterketa errefusatuz.
4
HAUTESKUNDE PROGRAMA
KULTURA ETA JATORRI ANIZTASUNA 14. Aguraingo pertsona guztion jatorriaren balioa, identitatea, kultura eta hizkuntza ezagutarazi, gure udalerriaren eraikuntzan egiten duten ekarpen positiboa baloratuz. 15. Elkarbizitza hobetzeko parte-hartze prozesutik ondorioztatutako ildoetan lanean jarraitu, martxan dauden harrera saioak sendotuz, sentsibilizazio ekintzetan sakonduz eta aberastasun iturri diren harreman ezberdinak bultzatuz. 16. Euskara guztion hizkuntza izan dadin lan egin. Pertsona bakoitzaren jatorrizko hizkuntzekiko errespetutik, euskara hartu-emanen hizkuntza bihurtu. 17. Jatorri aniztasuna eta pertsona guztiekiko errespetua landu, bere arraza, jatorri eta identitatea izanda ere, edozein motatako bazterketa errefusatuz.
LANKIDETZA: 18. Gizarte eragileekin konpromisoa, inplikazio eta elkarlana indartu Gizarte Ekintza Batzordean. 19. Aniztasunarekiko errespetua lantzeko zeharlerrotasuna bermatzeko neurriak hartu Udaleko arlo guztietan ezberdintasunekiko errespetu berdintasunean oinarritutako gizartea lortzeko.
INGURUGIROA OINARRI IDEOLOGIKOAK • •
•
Gure inguru naturalak eskaintzen dituen baliabideak zuzenki zaindu eta administratu behar ditugu, aldaketak ekidin eta bere kontserbazio ona mantendu dezagun. Ingurunean, arlo ekonomiko eta sozialean hobekuntzak lortzeko, denon artean, zaborren kudeaketan aurrera egin behar dugu. Ahal den neurrian gizabanakoen, komertzioen, tabernen eta enpresen artean, gure baliabideen kontsumo arduratsua sustatuko dugu. Ahalegin kolektiboa egin behar dugu!
PROGRAMAREN NEURRI ZEHATZAK 1. Ingurumeneko teknikariaren dedikazioa lanaldi erdira luzatuko dugu eta epe edira dedikazio gehiago behar den ala ez baloratuko dugu. 2. Ingurugiroari buruz herritarrek dituzten galdera eta iradokizunetarako posta sortu, ur kontsumoa, birziklapena, energia…eta bestelako gaien inguruko zalantzak argitzeko. 3. Gure ingurumena mehatxatzen duten beste erakundeen neurrien aurrean herri mugimenduen ekimenekin batera lan egin
5
HAUTESKUNDE PROGRAMA
KUTSATUTAKO GUNEAK 4. Curtidos lantegiaren deskontaminazioa eta eraispenarekin amaitu, erortzeko zorian dauden instalazio hauek dakartzaten ingurumen arazoak eta osasunerako arriskuak deuseztatzeko. 5. Industrialdean itxita dauden lantegien zoru, esparru edota eraikuntzen egoera aztertu: Okariz lantegia, ARENAS Etxabe‌ 6. Amiantoa duten aguraingo instalakuntzen inbentario bat osatuko dugu. 7. Amiantoa izan dezaketen eraikuntzetan egin beharreko obren lizentziak arautzeko Ordenantza onartuko dugu. URA 8. Bai Eusko Jaurlaritzari zein Aldundiari, Hondakin Uren Araztegiaren egoera larriari irtenbidea emateko duten akordio eta konpromisoa bete ditzatela exijitzen jarraituko dugu 9. Isurketa industrialen aurrean jarduteko protokoloa landuko dugu. Ordenantza aldatuko dugu isurketa horien egileak identif ikatzeko neurriak gogortuz. 10. Ur edangarrien sarean galtzen den eta Udalean fakturatzen ez den ur portzentajea ezagutzeko, sarearen sektorizazio eta monitorizazioa amaituko dugu. ENERGIA 11. Kontsumitzen dugun elektrizitateak jatorri EZ nuklearra izan dezan, kontratazio plegua horren arabera egingo dugu. 12. Instalazio publikoen kontsumo energetikoa txikitzen jarraitzeko, Auditoria Energetikoan ezarritako neurriak beteko ditugu. 13. Ez dugu gure lurraldean Frackinga bultzatzen duten iniziatibarik babestuko. HONDAKINAK 14. Zaborren sortzea eta banaketari buruzko formazio, kontzientziazio eta sentsibilizazio kanpainak burutuko ditugu. 15. Eusko Jaurlaritzak 2020rako %70a birziklatu behar dela ezartzen du. Kontutan izanik Agurainen %27a birziklatzen dugula, birziklapen tasan aurrera egiteko akordio zabala, soziala eta politikoa bultzatuko dugu. 16. Kaleko zakarrontziak egokituko ditugu, zaborrak birziklatzeko aukera izan dezagun,. 17. Birziklapenean laguntzen ez duten taparik gabeko edukiontziak eta puntu beltzak kenduko ditugu. 18. Hiri-ortuak, nekazariak, inausketak, eskolak eta konpostaren sorkuntzaren artean sinergiak sortzen saiatuko gara. 19. Zabor sortzaile handien (merkatal zentroak, fruta-dendak, arraindegiak, harategiak, zaharren egoitza, cateringak...) errealitatearen gaineko azterketa egingo dugu, eta haiekin batera, edukiontziak masifikatuko ez dituen zabor bilketa sistema baten alde egingo dugu.
6
HAUTESKUNDE PROGRAMA
HIRIGINTZA ETA ETXEBIZITZA OINARRI IDEOLOGIKOAK •
•
•
•
•
Hirigintza gure herria antolatzeko daukagun baliabidea da, eta kontuan hartzen ditu: herritarren etxebizitza beharrak, azpiegiturak, industria, lehen sektorea, elkarbizitzarako espazio publiko erreferentzialak, herri barruko mugikortasuna -auzoen arteko harremanak eta gizarte kohesioa bilatzeko-, oinezkoei lehentasuna, merkatari txikiak… Hirigintza herritarrei hurbildu, hizkuntza ulergarri eta argi baten bidez; etengabeko informazioa zabaldu gizartearen parte-hartzea bultzatzeko. Horretarako, udalaren jarduera erabat gardena izan behar da hirigintza-garapenerako prozesuetan, horien kontrola gizartearen esku utziz eta espekulazioa saihestuz. Pertsona orok du etxebizitza duina izateko eskubidea. Hori posible egiteko, beharrezkoa da politika publikoaren esku hartzea helburu honen mesedetan aritzea, eta espekulazioa baztertuz. Etxebizitza eskubide unibertsal bilakatuko duen eredu berria eragileekin elkarlanean eraikitzeko lanean aritzearen aldeko hautua egiten du EH Bilduk. Azken 60 urtetan bultzatu den jabego pribatuaren “kultura”-tik alokairuaren “kultura”rako bideak gizartearen kontzientziazio-prozesu bat behar du. Prozesu horrek egungo errealitate ekonomikoa eta gure bizitza-proiektua garatzeko beharrei aurre egiteko jarrera izango ditu kontuan. Hori horrela, alokairuaren aldeko apustu garbia egiten duen eredu berri baten bila joan behar dugu. Erakunde publikoek lurzoruaren garapenetik eskuratuko duten %15a edo bestelako bitartekoak etxebizitza publikoa sustatzeko politiketara bideratuko dituzte, alokairuari lehentasuna emanez. Beti ere, beharren arabera: alokairuzko etxeak sustatzera, etxe hutsak birgaitzea laguntzera, lur berriak eskuratzera.
PROGRAMAREN NEURRI ZEHATZAK GIZA BALIABIDEAK Hirigintza Zerbitzu bat finkatu eta antolatu, herritarren behar sozialei erantzuna emateko: 1. Mantenu langile-brigada sendotu. Horretarako, lan poltsa bat sortuko da, gaixotasun bajak betetzeko, eta lan-karga handia daukaten une zehatzetarako 2. Udal arkitektoaren kontratazioa finkatu, oposizio-lehiaketa baten bidez. 3. Aparejadorearen lanaldia osoa izango da..
PLAN OROKORRA ONARTUTA, PLANTEAMENDUAREN GARAPENA 4. San Jorge auzoaren BIPB (PERI) aurrera eramatea. Aguraingo HAPOren (PGOU) onartzearekin batera, erantzuna emango zaio auzotarren aspaldiko eskariari. 5. Duela 4 urteko egoera larriari irtenbidea eman diogu Plan Orokorra onartuz, nahiz eta aurreko kudeatzaileek utzitako egoera txarrak baldintzatu gaituen. Honen ondorioz neurri hauek planteatzen ditugu Plan Orokorrean:
7
HAUTESKUNDE PROGRAMA
-
Opakuako eta Madalena auzoko herritarrekin adostu ditugun HAPOren aldaketa puntualak. - HAPOren aldaketa puntualak Oriamendi-esparruetan, eta araztegia (interes publikoen babesa). 6. Alde Zaharreko BIPB (PERI) aldatu: auzotarrekin batera eginiko diagnostikoa oinarri, araudia malgutzeko aldaketak onartu, herriaren gune erreferentzial hau biziberritzeko. ETXEBIZITZA 7. Lokalak edo lonjak etxebizitza bihurtzeko aukera arautuko duen Ordenantza proposamena egingo dugu. 8. Etxebizitza hutsen errealitateari heldu, interesdunen eta herritarren proposamenak aztertu eta etxe huts horien erabilera sustatu, udalaren eta beste erakunde batzuen partaidetzarekin batera. 9. Gazte eta nagusiei zuzendutako alokairu sozialeko ostatuak arautzeko araudia egin. 10. Bustamante Etxearen birgaitzearen bigarren fasea. 30 urte bitarteko gazteentzako 11 alokairu sozialeko etxebizitzen hornidura. 11. Harresi auzoko beheko solairuetan dauden udal lokalen horniketa aztertu, nagusientzat alokairu sozialean jartzeko. OBRAK ETA ZERBITZUAK 12. Foru kaleko hegoaldeko espaloiaren birgaitzea. Horrela, duela hamarkada batzuk pairatzen diren ur isuriak konponduko dira. Erortzearen arriskua ere desagertuko da. 13. Galzar eta Arrikruz kaleen arteko konpontze-lanak, eskolagunearen trafikoari egokitzeko. 14. Euri urak eta ur zikinak saneatu eta banatzeko egin beharreko obrekin jarraitu. Planifikazioa lehentasunaren araberakoa izango da: Urzabal kalea, San Martin auzoa, eskolagunea, Zapatari, Kale Nagusia, San Jorge, Madalena eta Madura auzoko zati bat. 15. Kirolgunerako sarbideen konpontze-lanak, bai oinoezkoentzat, bai auto edo bizikletentzat. Horretarako, Foru kaletik polikiroldegiko behekaldera doan aldapa atonduko da, sarrera irisgarri izan dadin. 16. Guztion artean hiltegi zaharra birgaitzeko konponbide bat bilatu. 17. Txakurrak aske ibili ahal izateko guneak sortzeko aukerak aztertuko ditugu.
8
HAUTESKUNDE PROGRAMA
EUSKARA OINARRI IDEOLOGIKOAK • • • • •
Euskara dugu berezko hizkuntza, normalizatu beharrekoa. Gure kultura eta nortasunaren funtsezko osagarri. Hizkuntza politika berria behar dugu, burujabea, kanpo esku hartzerik gabea. Euskarak badu balio erantsia, denok irabazten dugu bere normalizazioarekin. Gure hizkuntza politika organikoa, ez asistentziala, zeharkakoa, eta eragile zein herritarrekin elkarlanean osatua izango da. Euskaldun izate kontzientzia, eta euskaraz bizitzeko nahia, herri gogoa beraz, elikatuko ditugu.
PROGRAMAKO NEURRI ZEHATZAK ADMINISTRAZIOA 1. Aguraingo EH Bilduk alkategai euskalduna aurkezten du eta gainontzeko zinegotziak ere euskaldunak izatea lehenetsiko du. Neurri honekin Udaleko barne funtzionamendua eta herritarrekiko komunikazioa euskaraz ere bermatu eta herritar euskaldunen hizkuntzaeskubideak ere errespetatuko ditugu. 2. Udal administrazioarekin euskara hutsez jardun nahi duten herritarren datu-basea osatu 3. Euskalgintzaren eta euskaltzaleen konpromisoa, inplikazioa eta lana indartu elkarlanaren bitartez Euskara Batzordean 4. Langileei formazioa eskaini: Administrazioko langileak beraien eguneroko lanean euskaraz egiteko eta euskaraz egin dadin trebatuko dira eta aurrekontuan partida bat sortu 5. Euskara teknikari bat lanaldi osoz kontratatu udalerriko egunez egunekoan are gehiago eragiteko asmoz. Gaur egungo dedikazioa ez da nahikoa. 6. Euskararen zeharlerrotasuna bermatzeko neurriak hartu Udaleko arlo guztietan euskararen normalkuntzan eragiteko. 7. Talde zein elkarteek euskararen normalkuntzan egiten duten esfortzua eta lana babestu eta indartzeko “Saritze edo errekonozimendu sistema” martxan jarri. FAMILIA TRANSMISIOA 8. Familiak euskararen transmisioan duen garrantziaz jabetuta, berauen euskalduntzea errazteko proposatzen diren jarduerak lagundu 9. Familiek elkarrekin parte hartzeko ekitaldi euskaldunak lehenetsi, euskara zein gainerako sailetatik 10. Eskoletako guraso elkarteen inplikazioa bilatu, baliabide administratibo zein ekonomikoak eskainiz, antolatzen dituzten ekintza ezberdinak famili transmisioan koka daitezen AISIALDIA-ARNASGUNEAK 11. Kirol taldeetan, modu berezituan, euskararen erabilera bultzatzeko abiatutako plangintzan sakondu eta begiraleei formazio berria eskaini beharrezkoa balitz.
9
HAUTESKUNDE PROGRAMA
12. Gune edo funtzio hegemonikoki euskaldunak izango direnak bilatu, sortu edota trinkotu. Adibidez: a. Aisialdia 0-18 bitartean erabat euskaraz eskaini b. Jolastoki, Gazteleku eta Musika Eskolan euskara hutsean jarduteko bitartekoak jarri. 13. Udalak egitasmo hezitzaile herritar euskaldunak bermatuko ditu Jolastoki eta Gaztelekuaren kasuetan HELDUEN EUSKALDUNTZE ALFABETATZEA -Doakotasuneranzko bidean-: 14. Euskara ikastearen doakotasunaren bidean, diru laguntza partida igo aurreko urteko eskaeraren %100a bermatuz, hau da, 2015ean eskaera kopurua XXXX₏ izaten baldin bada 2016an zifra hori jasoko da aurrekontuetan. 15. Euskara ikasi nahi duen edonori zuzendutako euskara ikastaroak antolatuko dira, bereziki, Euskal Herrira etorri berriak diren pertsonei. 16. Ahozkotasuna eta komunikazio gaitasunean sakontzeko doako programak bultzatu (Berbalagun‌). Programa horien azken helburua beti izango da pertsona trebatzea euskaldunen zirkuituan, bizimodu arruntean aritu dadin euskaraz. SENTSIBILIZAZIOA + MOTIBAZIOA 17. Euskararekiko konpromiso pertsonal zein kolektiboa beharrezkoa dela agerrarazteko kanpaina abiatu 18. Euskara gaztelaniaren maila berean dagoenaren ideia zabalduta dago, baina ez da erreala. Hori dela eta euskaldun izatearen kontzientzia, euskaraz bizitzeko nahia eta herri gogoa elikatu behar ditugu, sentsibilizazio ekintzen bitartez. 19. Interesguneetan eragin: Talde naturaletan ere eragiteko ekintzak programatuko dira, taldeen kontzientziarengana zuzendutako mezu konkretuak landuz.
10
HAUTESKUNDE PROGRAMA
KIROLA OINARRI IDEOLOGIKOAK Jarduera publiko baten ikuspuntutik eta lehiakortasunetik haratago Kirola osasunarekin, aisialdiarekin, naturarekiko harremanarekin eta ongi pasatzearekin erabat lotuta egon behar da, horregatik, kirola egiteko aukera herritar guztiei zabaldu behar zaie. Umeekin lanean aritzen diren elkarte eta klubak, hein handi batean seme-alaben hezitzaile ere badira, izan ere, kirolaren bitartez ere hainbat balore transmititu eta lantzen baitira. Garrantzitsua ikusten dugu txikitatik berdintasuna, euskara, kulturartekotasuna eta parte-hartzea bezalako baloreak ere lantzea kirol jardueran.
PROGRAMAKO NEURRI ZEHATZAK 1. Azken urteetan umeentzako multikirola lantzeko martxan jarri diren ekimenak bultzatzen jarraituko dugu. 2. Herri Kirolak sustatzeko ekimenak babestu eta lagunduko ditugu. 3. Emakume askok praktikatzen dute kirola Agurainen. Hala ere, gaur egun dauden emakume taldeei ahotsa eta difusio gehiago eman behar zaie eta umeen kirol taldeak mistoak izatea sustatuko dugu. 4. Diru laguntza publikoak jasotzen dituzten kirol Club eta Taldeak sarituko ditugu baldin eta beraien jardueran berdintasuna, hizkuntzaren normalizazioa, kulturartekotasuna eta parte hartzea bezalako baloreen transmisioa ere lantzen badituzte. 5. Kirol taldeen ekintzen ordutegien difusioa egingo dugu astero (web orria, paneletan, sare sozialak, etabar) 6. Kirol ekintzetan izen ematerakoan, familien eta jubilatuen deskontuez gain, ikasle eta langabetuentzat eta baita gizarte-bazterketa arriskuan dauden familiei ere deskontua egiteko aukera aztertuko dugu. 7. Irisgarritasuna bermatzeko neurriak hartuko ditugu kirol instalazio guztietan eta kirol eremurako sarrera nagusia (polikiroldegira jaisteko errepidea) konponduko dugu. 8. Polikiroldegian dauden hezetasun eta kondentsazio arazoei behin betiko irtenbidea emateko kanpotik isolatuko dugu datorren neguan. 9. Egoera txarrenean dauden kirol instalakuntzak berritzeko plana osatuko da. 10. Inzidentzia orriak jarriko dira erabiltzaileek kirolguneen sarreratan egongo diren gutunontzietan “iradokizunak eta inzidentziak� apuntatu ditzaten. Asteroko jarraipena egingo zaio honi. 11. Gaur egun erabilpenik ez daukaten kirol instalazioei buruzko eztabaida irekiko dugu, erabilpen ezaren zergatiak ezagutu eta irtenbidea emateko. 12. Kirolgunearen taberna uda aroan irekitzea proposatzen dugu. 13. Igande arratsaldeetan kirol instalakuntzak erabiltzeko aukera eman.
11
HAUTESKUNDE PROGRAMA
KULTURA OINARRI IDEOLOGIKOAK • • • • • • •
Kultura aniztasunetik euskal kultura ardatz. Kultura gizarte eraldatzaile. Kultura herritik herriarentzat. Herri bizia kultura bizia. Jai eredu herrikoi, parekide, euskaldun, eta parte hartzailea Kultura azpiegituren arteko elkarlana eta saretzea. Gurea ezagutu eta gurea ezagutarazi.
PROGRAMAKO NEURRI ZEHATZAK 1. Elkarte kulturalen arteko elkarlana eta koordinazioa hobetu:
• Herri mailako agenda bateratua osatu eskualdekoarekin kontrastatuz • Kultura jardueren informazioa eta komunikazioa hobetu • Kultura eskaintza iragartzeko panela jarri San Juan enparantzan • Webgunean kultura eskaintzaren presentzia nabarmendu • Eskualde mailako “Lautadaz gozatu” ekimena babestuko dugu 2. Agerian ez dauden kultura adierazpenak suspertzen lagundu: • Herri mailako ikastaroak antolatu antzerkigintza, argazkigintza, margogintza, eta abarreko adierazpen artistikoetan 3. Eskolaz kanpoko kultura ekintzak eragileekin elkarlanean bultzatuko ditugu 4. Euskal Herriko beste herriekin kultura harremanak indartu: • Ekitaldi ezberdinak konpartitzeko irteerak antolatu “kulturbusak” 5. KULTUR BIRArekiko apustua mantentzen dugu komertzioekin elkarlanean proiektua hobetuz 6. HARRESI ARETOAN: • Kalitatezko eskaintza zabala bultzatuko da • Euskarazko eskaintza bermatuko da • Aguraindarrak kulturaz gozatzeko eta ekonomikoki bideragarria izateko bitartekoak jarriko dira • Zinemari garrantzia berezia emango diogu genero anitzak proiektatuz, bertako zinemagintza bultzatuz eta aguraindarron parte hartzea bilatzen duten ziklo ezberdinak eskainiz 7. Herritik sortutako ekimenak plazaratzeko laguntza bideratuko da sorkuntza sustatuz
12
HAUTESKUNDE PROGRAMA
HEZKUNTZA
OINARRI IDEOLOGIKOAK • • • • • •
Hezkuntza nazio eraikuntza eta eraldaketa sozialerako oinarrizko zutabe da. Herrien zein norbanakoon garapen integralerako ezinbesteko tresna da hezkuntza Hezkuntza herritar ororen ardura eta erantzukizuna da; eskola komunitateko sektore guztiena zein herritar ororena. Haurra edota ikaslea hezkuntza prozesuan subjektu aktibo gisa aitortzen dugu. Hezkuntza inbertsioa da, ez gastua. Gure helburua Hezkuntza Sistema Propioa da: euskalduna, herritarra, dinamikoa, demokratikoa, parte hartzailea, unibertsala, solidarioa, hezkidetzagilea, anitza, laikoa, inklusiboa eta haurra edota ikaslea subjektu aktibo gisa ulertu eta pertsona ororen garapen integrala bermatuko duena.
PROGRAMAKO NEURRI ZEHATZAK 1. Lope de Larrea Ikastolan Udalari dagokion mantentze lanak egiteko koordinazioa mantendu eta hobetu. 2. Aguraingo ikastetxe guztietan hezkuntza euskalduna bultzatzen jarraitzeko ildoan Lautada ikastolarekin hitzarmena berrituko dugu. 3. Euskal Curriculumaren aplikazioan eta hobekuntzan sakontzeaz gain, Agurainentzako Curriculum propioa sortu eta euskal kulturarekiko interesa eta transmisioa mantentzen joan dadin lagunduko dugu. 4. Eraiki nahi dugun hezkuntza sistemaren kontra dagoen LOMCE legea aplika ez dadin ere, pausoak ematen lagunduko dugu. 5. Haur guztiontzako haur-eskola publikoa, doakoa, anitza, parte-hartzailea eta kalitatezkoa behar dugu. Ildo horretan: •
Hezkuntza Sailari errentaren araberako kuotak ezartzea eskatzen jarraituko dugu.
•
Haur eskolako patioa jolasekin ekipatuko dugu.
6. Aguraingo ikastetxeetan egiten ari den lanaren ezagutza izateko eta elkar komunikazio hurbila mantentzeko behar diren baliabideak eskainiko ditugu. 7. Aguraingo ikastetxe guztietan ikasle euskaldun eleanitzak sortzearen helburua gauzatzen joan dadin, Ikastetxeetako barneko Hizkuntza Normalizazio proiektuak aurrera eramateaz gain, udalerriko aisialdi esparruetan beste eragileekin elkarlanean pauso gero eta zehatzagoak eman behar ditugu:
13
HAUTESKUNDE PROGRAMA
•
Aguraingo EUSKARA BATZORDEA mantendu, indartu eta edukiz betetzen jarraitu.
•
Aguraingo GIZARTE EKINTZA BATZORDEA mantendu, indartu eta edukiz betetzen jarraitu.
8. Agurainera, Familia eta Ikasle etorri berrien harrera planen koordinazioa hobetzeko asmoz, udala eta ikastetxeen arteko harreman protokolo bat osatuko dugu.
9.
Aniturri insitutuko ikasle, irakasle eta gurasoen elkarterekin batera ikastetxe honek herriko bizitzan duen eragina are gehiago agertarazteko elkarlanaren mekanismoak aztertzea eta gauzatzea.
10. Udalak Unibertsitate, Lanbide Ikastetxe, eta beste hezkuntza erakunde desberdinekin hitzarmenak edo beste mekanismoak bideratzea herriko gazteek praktikak edo bere ikasketekin erlazionaturiko beste lan osagarriak Udalean bertan edo herriko beste eremuetan gauzatu ahal izateko.
14