Cymru

Dathlu ein diwylliant Cymreig yn yr Eisteddfod – Gŵyl gelfyddydol fwyaf Cymru

Mae Eisteddfod Genedlaethol Cymru yn ddathliad blynyddol gwasgarog o ddiwylliant Cymru gyda hanes yn ymestyn yn ôl cannoedd o flynyddoedd. Yn cael ei gynnal dros wyth diwrnod yn ystod wythnos gyntaf mis Awst, mae’r digwyddiad yn newid lleoliad bob blwyddyn yn gyfan gwbl yn Gymraeg gyda ‘Phentref Dysgwyr’ pwrpasol i ddarparu gwybodaeth ddwyieithog, gweithdai a gwasanaethau cyfieithu i ddysgwyr ar gyfer y rhan fwyaf o ddigwyddiadau. Tra bod cystadlaethau wedi bod yn draddodiadol yn ganolbwynt i’r Eisteddfod – o ddawnsio gwerin i ganu corawl a barddoniaeth – mae hefyd wedi esblygu dros yr 50 mlynedd diwethaf yn ŵyl sy’n cynnig perfformiadau artistig o bob math gan gynnwys drag, dawnsio stryd a cherddoriaeth rap, sydd yn denu 150,000 o ymwelwyr y flwyddyn.

Mae Saran Morgan, actor sy’n gweithio ar draws teledu, radio, ffilm a theatr yn y Gymraeg a’r Saesneg, yn fynychwr cyson ac wedi perfformio yno hefyd. “Mae’n ŵyl wych iawn,” meddai. “Mae’r rhan fwyaf o berfformwyr Cymru sydd wedi’u magu yn y Gymraeg – yn mynd i ysgolion Cymraeg neu o gartrefi Cymraeg – wedi cystadlu yn yr Eisteddfod mewn rhyw ffordd ar hyd eu hoes. Rwy’n adnabod llawer o bobl sydd wedi mynd ymlaen i fod yn bobl broffesiynol y mae eu profiadau cyntaf o berfformio o flaen cannoedd o bobl yn yr Eisteddfod.”

Yn aelod Equity ers ei bod yn 17 oed, siaradodd Saran y llynedd mewn digwyddiad panel yn yr Eisteddfod ar fanteision aelodaeth undeb. “Efallai y bydd pobol ifanc sy’n llefaru neu’n canu mewn cystadlaethau yn mynd i mewn i’r diwydiant eu hunain yn y dyfodol, ac roedden ni eisiau rhoi gwybod iddyn nhw fod ymuno ag undeb yn ffordd wych o lywio’r diwydiant. Mae’n ffordd i fod yn rhan o gymuned fel perfformiwr oherwydd rydych chi’n gwybod bod rhywun wastad wedi cael eich cefn.”

Mae Eisteddfod Genedlaethol Cymru yn cael ei chynnal ar 5 – 12 Awst eleni yn Llŷn ac Eifionydd, Boduan, Gwynedd, gydag Equity yn bresennol. Os hoffech chi gwrdd â ni, e-bostiwch cymru@equity.org.uk.