Korleis utforske språk?

Før du les • Har du gjort undersøkingar i andre fag? Kva for metode brukte du? • Kva undrar du deg over når det gjeld språk? Tenk ut eit emne du kan utforske.

Når vi skal utforske språket, går vi gjennom ulike fasar. For å gjere dette så oversiktleg og strukturert som mogleg har vi laga ein modell som viser desse fasane. Modellen er ikkje ein fasit, men han gir ei tydeleg retning for arbeidet. Nokre fasar tar kort tid, i andre fasar må ein jobbe nokså lenge. Og ofte må ein gå fram og tilbake mellom dei ulike fasane. I dette kapittelet skal vi gå gjennom fasane i eit utforskingsarbeid.