Chay Sumaj Kacharichiy CSB by Eduquemos con Esperanza

quh_LAT_BOL_CSB_20200801.indd 1

8/1/2020 4:56:42 AM

Qhawarikuy Tata Diosqa tukuy kawsayniykita yachan, jinapis munakusunkiraj? Tata Diosqa qanwan allinta rejsinakuyta munan.

quh_LAT_BOL_CSB_20200801.indd 2

8/1/2020 4:56:44 AM

Q in

Qallariypi Tata Diosqa tukuy pachata ruwarqa. Pay ruwarqa kay pachata, intitapis, quillatapis, tukuy ch’askakunatapis. Payllataj ruwarqa tukuy laya sach’akunata, uywakunata ima.

Tata Diosllataj Adanta, Evatawan ruwarqa. Paykunaqa ñawpaj kaj qhari warmi karqanku. Chanta Tata Diosqa tukuy ruwasqanta qhawaspa nerqa: Tukuy pacha ruwasqay, may sumajpuni ari, nispa.

quh_LAT_BOL_CSB_20200801.indd 1

8/1/2020 4:56:45 AM

Tata Dios uj kamachiyta churarqa Adanman, Evamanwan ama juchaman urmanankupaj. Supayqa, llullakuspa Diospa contrampi rimarqa, Diospa kamachisqanta amaña kasuychejchu, nispa nerqa.

quh_LAT_BOL_CSB_20200801.indd 2

8/1/2020 4:56:46 AM

Adanwan, Evawanqa supayta kasurqanku. Ajinamanta Diospa kamachisqanta p’akerqanku. Paykunaqa Diospa contrampi juchallikorqanku. Pillapis Diospa contrampi churanakujqa: parlaspa, chayrí sajrata ruwaspa chayqa, Diospa contrampi juchallikun.

quh_LAT_BOL_CSB_20200801.indd 3

8/1/2020 4:56:46 AM

Tata Diosqa runakuna allin kawsaypi tiyakunankupaj kamachiykunata churarqa. Runakunarí, Diosta mana kasukuspa juchaman urmarqanku.

quh_LAT_BOL_CSB_20200801.indd 4

8/1/2020 4:56:50 AM

Mana pipis runakunata yanapariyta aterqachu. Tata Diostaj runakunata maytapuni munakurqa, jinaspataj runakunata yanapanampaj yuyaychakorqa.

quh_LAT_BOL_CSB_20200801.indd 5

8/1/2020 4:56:52 AM

Tata Diosqa churin Jesusta kay pachaman kachamorqa. Ajinaqa Diospa Espiritun Mariata wijsallicherqa, Josewan kashajtintaj uywa qaranapi Jesusta paqaricherqa.

quh_LAT_BOL_CSB_20200801.indd 6

8/1/2020 4:56:53 AM

Janaj pachamanta angelkuna michejkunaman jamuspa willarqanku, Jesus paqarikunña, nispa. Chay michejkunataj usqhay usqhayta rispa Jesusta yupaychamorqanku.

quh_LAT_BOL_CSB_20200801.indd 7

8/1/2020 4:56:53 AM

Jesusqa, sumaj yachaypi, allin atiyniyojtaj wiñallarqapuni.

quh_LAT_BOL_CSB_20200801.indd 8

8/1/2020 4:56:56 AM

Jesusqa Diosta munakorqa, pay tatan kasqanrayku. Jesusqa tukuy runakunaman Tatan Diosmanta willarallarqapuni.

quh_LAT_BOL_CSB_20200801.indd 9

8/1/2020 4:56:56 AM

Jesusqa yakupi bautizachikorqa ajinamanta payqa tukuy juchasninchejta qhechunampaj churakorqa. Tata Diostaj janaj pachamanta parlarimuspa nerqa: Qan Churiy kanki, qan Jesuswan sonqo junt’asqa kani. Nispa.

quh_LAT_BOL_CSB_20200801.indd 10

8/1/2020 4:56:57 AM

Chaymanta supayqa Jesusta juchaman urmachiyta munarqa. Supayqa Jesusman nerqa: noqata kasuway, amaña Diosta kasuychu, nispa. Jesusrí mana juchallerqachu, payqa Tata Diosllatapuni kasukun.

quh_LAT_BOL_CSB_20200801.indd 11

8/1/2020 4:56:57 AM

Jesusqa chunka iskayniyoj runakunata payta qhatikunankupaj ajllakorqa. Paykunataj Jesusllawampuni tukuynejta rej kanku. Paykunataqa, Jesuspa kachasnin kanku, nispa nerqanku.

quh_LAT_BOL_CSB_20200801.indd 12

8/1/2020 4:56:58 AM

Jesusqa chay yachachisqankunaman Tatanmanta yachacherqa. Paykunapis Tata Diosta munakunankupaj chanta runa masinkutapis munakunankupaj. Ashkha waj runakunapis Jesuspa yachachisqanta uyarikuj jamorqanku.

quh_LAT_BOL_CSB_20200801.indd 13

8/1/2020 4:56:58 AM

Uj p’unchaytaj Jesusqa yachaschisqasninwan botepi jatun qochaman yaykuspa, chaypi rishajtinku puñuykakapusqa. Jinallaman manchay wayra jatarisqa. Jesuspa yachachisqasnintaj mayta mancharikorqanku.

quh_LAT_BOL_CSB_20200801.indd 14

8/1/2020 4:56:59 AM

. aj

Paykunataj mancharikuspa Jesusta qhaparikorqanku. Jesustaj wayrata k’amerqa, chay pachataj wayraqa thañiporqa.

quh_LAT_BOL_CSB_20200801.indd 15

8/1/2020 4:56:59 AM

Jayro sutiyoj runaqa Jesusman chimpaykorqa. Kay Jayroqa llajtampi atiyniyoj runa karqa. Paypa ususintaj wañupusharqaña. Jinapitaj Jayroqa Jesusman qonqoriykukuspa ususinta thañichinampaj mañakorqa.

quh_LAT_BOL_CSB_20200801.indd 16

8/1/2020 4:57:04 AM

Jesustaj Jayroj wasinman chayarqa, chaypi runakunaqa willarqanku: ususiyki wañupunña, nispa. Jesusrí Jayroj wasinman yaykuspa, paypa ususinta wajyarqa: Imillita sayariy, nispa. Ch’iriskataj sayarerqa pacha.

quh_LAT_BOL_CSB_20200801.indd 17

8/1/2020 4:57:07 AM

Waj kutipitaj, uj runa Jesusman chimpaykuspa mañakorqa, churiyta thanichipuway ari, supay payman yaykusqa. Chay sajra supayqa ch’itiyta urmachispa sunt’iykachachin, nispa.

quh_LAT_BOL_CSB_20200801.indd 18

8/1/2020 4:57:09 AM

Je th c Pa

Jesusqa chay supayta k’amispa qharqorqa. Chay pachataj ch’itiqa thanikorqa. Ajinata Jesusqa ashkha t’ukuna imakunata ruwarqa, chayraykutaj judiosmanta kurajkunaqa paywan phiñakorqanku. Paykunaqa mana munarqankuchu Jesusqa Diospa Churin kananta.

quh_LAT_BOL_CSB_20200801.indd 19

8/1/2020 4:57:10 AM

Judiospa kurajkunaqa ashkha llullakuywan Jesusta ch’ataykurqanku. Jinaspataj Jesusta chakatanapi warkhuchispa wañucherqanku.

quh_LAT_BOL_CSB_20200801.indd 20

8/1/2020 4:57:11 AM

Jesusqa chakatanapi wañushaspapis mañakorqa: “Tatay, ama paykunata juchachaychu, astawampis qhespichipuy”. Chanta jatunmanta qhaparikuspa wañupurqa.

quh_LAT_BOL_CSB_20200801.indd 21

8/1/2020 4:57:11 AM

Chaymanta Jesuspa ayanta p’ampamorqanku. Chanta wakin Jesuspa yachachisqankuna, ayanta watukamuj rerqanku.

quh_LAT_BOL_CSB_20200801.indd 22

8/1/2020 4:57:14 AM

Paykuna aya p’ampanaman chayanankupaj Jesuspa ayanqa mana kasqañachu. Paykuna t’ukuspa sayashajtinkutaj uj angel rikhurispa: Jesusqa kawsarimpunña. Nispa nerqa.

quh_LAT_BOL_CSB_20200801.indd 23

8/1/2020 4:57:16 AM

Chanta Jesus kawsarimusqantawan, pay yachachisqasninwan loma kinraypi tantakamorqa. Jesustaj nerqa: janaj pachapi Dios Tatanchejman kutipunayña tiyan. Qankunaqa riychej tukuy runakunaman Diospa k’acha yanapayninmanta willaramuychej. Nispa.

quh_LAT_BOL_CSB_20200801.indd 24

8/1/2020 4:57:18 AM

spa.

Jesusqa nillarqataj: Tata Dios Espiritunta kachamonqa qankunata yanapasunaykichejpaj, nispa. Chanta Jesusqa janaj pachaman riporqa. Chaymanta Jesusqa uj p’unchay kutimunqa.

quh_LAT_BOL_CSB_20200801.indd 25

8/1/2020 4:57:19 AM

Jesuspa yachachisqasnintaj Santo Espirituta suyakorqanku, jinataj Diospa Espiritunqa paykunaman jamorqa. Jinamanta yachachisqasnenqa tukuy runakunaman Jesusmanta willarayta qallarerqanku.

Pillapis Jesusta qhatikun chayqa, Diospa Espiritun paypaj sonqompi tiyakun. Kay Diospa Espirituntaj yachachiwanchej, chanta kamachisqasninta junt’ananchejpaj yanapawanchej.

quh_LAT_BOL_CSB_20200801.indd 26

8/1/2020 4:57:22 AM

Tata Diosqa qantapis mayta munakusunki, chaywampis juchasninchej Diosmanta karunchachiwanchej. Chayrayku Tata Diosqa Churin Jesusta kachamurqa, juchanchejrayku chakatanapi wañunampaj.

Ajinamanta Jesusqa juchasninchejta pampachanampaj wañorqa, noqanchej Diospa wawasnin kananchejpaj. Kunampis Jesusqa janaj pachapi kashan. Chanta uj p’unchay kutirimonqa. Paytaj tukuy Diospa wawasninta paywan tiyakunankupaj pusakaponqa.

quh_LAT_BOL_CSB_20200801.indd 27

8/1/2020 4:57:23 AM

Tukuyninmanta ajllarispa Bibliapi niwanchej Tata Diospuni tukuy pachata ruwasqanta. Pay runakunata ruwarqa. Runakunataj Diospa contrampi juchallikuspa, Diosmanta karunchakorqanku. Tata Diosrí mana munanchu paywan phiñanasqa kananchejta. Chayrayku Tata Diosqa Churin Jesusta kay pachaman kachamorqa. Payqa maychus cheqanta kawsarqa. Jesustaj juchasninchejta pampachanampaj chakatanapi wañorqa, ajinamanta noqanchejta Diosman kutirichispa allinyachinawanchejpaj. Kinsa p’unchay wañusqanmantataj, Jesusqa kawsarimporqa. Jinaspataj janaj pachaman riporqa, jaqaypitaj noqanchejpaj wasikunata wakichishan, paywan khuska wiñaypaj kawsakunanchejpaj. Pillapis Jesuspi jap’ikuspa kawsan chayqa, paywan janaj pachapi tiyakonqa. Diospa Espiritun noqanchejpi tiyakun Jesusta khatikuspa kawsajtinchej, paytaj tukuy sonqo Diosta munakuywan kasukunanchejpaj kallpachawanchej. Jesusman k’umuykuspa mañakuy, paytaj Dioswan allimpi kawsachisonqa. Payqa tukuy runakunata Dioswan allinyachisqa kawsanankuta munan. Qampis Diosman kutirikuspa Jesuspa sutimpi mañakuy, ajinamanta juchasniykita pampachasunqa, allin kawsaypitaj tiyakunki. Kunan pacha Diosmanta mañakuy, Jesuspi jap’ikuspa mañarikuy ajinata:

Munasqa Tata Diosniy, mayta munakuwasqaykirayku Churiyki Jesusta kachamorqanki, paytaj juchasniyrayku wañorqa. Jucha ruwasqaymanta mayta llakikuni. Munasqa Tatay tukuy juchasniyta qhespichiway. Kunantaj wawaykipaj jap’ikapuway, Santo Espirituykitaj sonqoyman tiyakoj yaykumuchun. Maytapuni munakuyki Tata Diosniy. Ajina kachun.

Tata Diosqa munakusunkipuni.

Tata Diospa munakuynimanqa mana imatapis yapayta atiwajchu. Payqa wiñaypaj munakullasunqapuni.

Tata Diospa kamachin kanki.

Kunantaj Diospa makimpiña kanki. Tata Diosqa qanwan rejsinakuspa, munanakuspataj wiñanaykita munan. Chayrayku Bibliamanta yachakunapaj tantakamullaypuni, Diostataj yupaychallaypuni. Jesusta khatikushanki chayqa, waj runakunaman Jesusmanta willaramunayki tiyan.

Sapa p’unchay Tata Dioswan khuskallapapuni kawsakuy.

Tata Diosqa qanllawampuni kashan. Tata Diosmanta mañakuspapuni kawsakuy. Diostataj uyariypuni. Diosmanta yachaqallaypuni, Bibliamantataj unanchallaypuni. Diospa munayninman jina kawsakuy, chaywan Diosta kusichispa tiyakunki.

quh_LAT_BOL_CSB_20200801.indd 28

8/1/2020 4:57:24 AM

Yachachej:kayman jina yachachiy Kay qhelqasqata yachachishaspa uyarejkunaman waturinki kay “unancharina watunasmanta”, chay sapa laqhe tukukuynimpi tapunasta kutichichunku. Ajinamanta paykunaqa yachaqasqankuta umallikunqanku.

Tukuy imaj qallarikuynin (1)

Manachu waturikorqanki pichus tukuy pachata ruwasqanta? Qallariypeqa, Tata Dios tukuy imata ruwarqa. Tata Dios nerqa: “K’anchay kachun” nispa. Jinaspataj k’anchay karqa. Chanta Tata Diosqa p’unchayta, tutatawan ruwarqa. Diosqa janaj pachata, kay pachatapis ruwarqa. Pay mama qochata, patapi kajkunatapis ruwarqa. Pay jallp’ata ruwarqa, jinataj tukuy laya q’omerkunata, poqoykunatapis churallarqataj. Tata Dios intita ruwarqa, killata, tukuy ch’askakunatapis. Diosllataj mama qochapi kawsajkunata ruwarqa, chanta phawajkunatapis ruwallarqataj. Tata Dios ruwarqa jatun uywakunamanta qallarispa, juch’uy khuritukunakama. Tata Dios tukuy pachata ruwasqa, aswan qhepapitaj sumaj kajta ruwarqa. Tata Dios noqanchejta ruwawarqanchej. Ñawpajta jallp’amanta qharita ruwarqa. Paymantaj Adan sutita churarqa. Chanta Diosqa Adanta kamacherqa: tukuy uywakunata sutichay, jinataj tukuy kay ruwasqaykunata qhawapuway. Nispa. Chanta sumaj chajrata Adampaj churarqa, Adanrí sapitallan karqa. ChantaTata Diosqa warmita ruwarqa. Adantaj warminta Eva sutita churarqa. Chaymanta Adanwan Evawanqa kusiyta kawsakorqanku, Dioswampis allinta kawsarqanku. Tata Diospis paykunawan khuska Eden sumaj chajrapi puriykachakusharqa. Tukuy imataj allimpuni karqanku.

Juchaman urmanku (2-3)

Ñawpajtaqa, tukuy Diospa ruwasqan allin karqa. Chanta imaraykutaj kunan p’unchaykunapi manaña allinchu? Ñawpajta Tata Diosqa Adanta Evatawan kamachisqa, kay sumaj chajramanta tukuy imatapis mikhullaychej, uj sach’allamanta ama poqoyninta mikhunkichejchu. Nispa. Supayqa Dioswan jap’inakujpuni, llullakuspataj tukuyta pantacherqa, paytaj katariman tukuspa Evaman parlarerqa. Supayqa Evata ch’awkiyaspa nerqa: chay sumaj poqoyta mikhunkichej chayqa, Dios jinallataj kankichej, nispa. Ajinata umankuta muyuchispa, supayqa Adanta, Evatawan urmacherqa, chay mana mikhunanku poqoytataj mikhusqanku. Tata Diospa nisqanta p’akispa juchallikorqanku. Kunampis sichus yuyayninchejwan, chayri parlaywampis, Diospa contrampi churakunchej chayqa, juchallinchej. Chantataj Adanwan, Evawanqa Diosmanta pakakuyta munarqanku. Paykunaqa juchallisqankuta reparakusqanku, chayraykutaj Tata Diosqa chay sumaj chajramanta qharqomorqa. Chaymanta pachataj kay pacha kawsayqa manaña allinchu. Chaywampis Tata Diosqa tukuy imata allinyachinampaj yuyaychakorqa. Paytaj Evaman nerqa: uj kacharichejta kachamusaj supayta atipaykunampaj, nispa.

Unancharina

• Imaynatataj Tata Dios tukuy pachata ruwasqa? • Reparakunkichu, Tata Diosqa qanwan allinta rejsinakuyta munasqanta? • Imaynatataj kay pachaman jucha yaykumusqa?

quh_LAT_BOL_CSB_20200801.indd 29

8/1/2020 4:57:24 AM

Tata Diosmanta Chunka kamachiykuna (4-5)

Tukuy runa juchallinchej, mana pipis llimphu kawsayniyoj kanchu Chay Adanwan Evawan urmasqankumanta pacha jucha kay pachaman yaykumorqa. Chanta Tata Diosqa kamachiykunata churarqa runakuna allimpi kawsanankupaj. Tata Diosqa Moisesta ajllakurqa, payman kamachiykunata jaywarqa. Kay kamachiykunaqa allimpi kawsakunanchejpaj yachachiwanchej, sajramantataj waqaychawanchej. Kay kamachiyninkunaqa Diosta tukuy sonqo munakuyta kamachiwanchej. Kay Diospa kamachiyninkunaqa tukuy runakuna juchallisqanchejta qhawachiwanchej. Tukuyninchej pantayniyoj kanchej, chayraykutaj Tata Diosman k‘umuykunanchej tiyan. Tukuy runakuna kamachiyninta p’akerqanku. Ajinamanta juchallispa phiñanakunku maqanakunku ima. Chayrayku tukuy runakuna Diosmanta karunchasqa kawsanku. Chaywampis Tata Diosqa yanapanapaj wakichin.

Jesus kay pachapi paqarikorqa (6-7)

Jucharayku Diosmanta karunchasqa kanchej. Imaynamantataj Tata Dios runakunata payman kutirichenqa? Runakuna Diosmanta karunchasqa kawsashajtinkupis, Tata Diosqa paykunata munakullarqapuni. Jinaspataj runakunata paywan allinyakunankuta munan, watejmanta tukuy imata cheqanman churayta munan. Chaywampis juchasninchej pampachakunan karqa. Pitaj juchasninchejta pampachanman? Diospa k’ata Churillan tukuy juchasninchejta pampachayta atin. Tata Diosnichej may jatun munakuyninwan k’ata Churinta kay pachaman kachamorqa, ajinamanta tukuy runakuna payman kutirikunankupaj. Jesusqa Diospa munayninman jina Marianejta paqarikorqa, Josewan casarasqaña kaspataj uywa qaranapi Jesusta paqarichikorqa.

Jesus tukuy wawakuna jina wiñakurqa (8-9) Jesusqa runapuni karqa jinataj Diospuni kallarqataj.

Mariawan Josewantaj Jesusta llajtaman, chaypi raymiman pusarqanku. Jesusqa 12 watasniyoj kasharqa. Chay llajtamanta kutimushaspataj Mariaqa, qosan Josepiwan Jesusmanta watukujtinku mana kasqachu. Chayrayku iskayninku llajtaman kutirerqanku, Jesustataj tukuynejpi mask’arqanku. Jinallaman Jesusta yupaychana wasipi rikorqanku, chaypi ashkha runakuna Diosta yupaychaj kanku. Jesusqa chay ñawpaqempi yachachejkunawan Diospa qhelqasninmanta parlasharqa. Tukuy runakunataj t’ukuspa uyarisharqanku, Jesusqa manchay yachayniyoj kasqa, tukuy Diospa qhelqakunatapis yachasqa. Jesustaj tatanta mamantawan rikuspa paykunaman nerqa: mana chinkakunichu, amaña llakikuychejchu. Jesusqa Tatan Diospa yupaychana wasimpi kasharqa.

Unancharina

• Imaraykutaj Tata Dios kamachikunata churasqa? • Imaraykutaj Tata Diosqa k’ata Churinta, kay pachakama kachamusqa? • Imaraykutaj runakuna Jesusta uyarispa t’ukurisharqanku, ch’itillaraj kashajtimpis? • Imaraykutaj Jesusqa ch’itillaraj kashaspapis Diospa yupaychana wasimpi kayta munasqa?

quh_LAT_BOL_CSB_20200801.indd 30

8/1/2020 4:57:25 AM

Jesusqa bautisachikun (10)

Noqanchejqa ch’ichi cuerponchejta yakuwan mayllakunchej. Bautisakuspataj juchamanta llimphuchasqaña kasqanchejta rikuchinchej. Jesusqa wawqen Juanta watukurqa, payta suticharqanku bautizaj Juan nispa. Ajinata suticharqanku, ashkha runakunata yakupi bautizasqanrayku, ajinamanta Juanqa juchamanta llimphuchakusqankuta rikucherqa. Tata Diospuni Juantaqa kachamusqa runakunaman Jesusmanta willaramunampaj. Jesusqa mana ima juchayoj karqa, paylla cheqan runa karqa. Chaywampis Jesusqa mayuman rerqa, chaypi Juanwan bautizachikunampaj. Jinaspataj Juanqa Jesusta mayupi bautizarqa. Jesustaj yakumanta llojsimorqa, jinallaman Diospa Espiritun paloma jina Jesusman uraykamorqa. Chanta Tata Dios parlarimorqa: Jesusmin churiyqa, payta munakunipuni, nispa.

Jesusta pantachiyta munan (11)

Tukuypis juchata munapayanku. Supayqa tukuy runakunata jucha kawsayman aysayta munan. Imaynataj kawsayniykipi, ajinatachu juchaman aysasunki? Supayqa Jesusman chimpaykorqa, payqa sayk’usqa, yarqhasqataj kasharqa. Ajinata rikuspataj Jesusta juchaman urmachiyta munarqa. Kay rumista t’antaman kutichispa mikhurikuy. Nispa nerqa. Chanta supayqa Jesusta jatun yupaychana wasi pataman pusarqa. Chaypitaj nerqa; kay patamanta uraman phinkiykuy. Tatayki angelninta kachamunqa, ama takakunaykipaj waqaychasunqa, nispa. Chanta supayqa Jesusman nillarqataj: sichus qonqorikuspa noqata yupaychawanki chayqa, tukuy kay jallp’api kaj imata qosqayki, nispa. Jesustaj kutichispa nerqa: llojsiy kaymanta sajra supay, Tata Dios sapallanta yupaychana. Ajinamanta Jesusqa mana juchaman aysachikorqachu. Payqa cheqanpuni kasqanrayku.

Yachaqakojkuna (12-13)

Jesusqa 12 runakunata ajllakorqa paywan khuska puriykachaspa kanankupaj. Paykunatataj Jesuspa yachachisqasnin, nispa suticharqanku. Jesusqa Tata Diosmanta paykunaman yachacherqa, chanta paykunañataj waj runakunaman willaramuspa yanaparqanku. Jesusqa runakunaman willararqa, Tata Diosninchej tukuy qankunata mayta munakusunkichej, nispa. Jesusqa munarqa tukuy runakuna Diosta rejsinankuta, jinaspataj yachaqanankuta, payta munakuywan kasukunankupaj. Jesus nillarqataj: Ama Diosta manchikuychejchu, astawampis sonqomanta payman qayllaykuychej. Qankunaqa allillampi tiyakuychej, purajmanta qhespichinakuspa imaynatachus Tata Dios juchasninchejta qhespichiwanchej, ajinallatataj. Chanta Jesus nillarqataj: “Wawakuna, majt’akunapis noqaman qayllamuychej”, nispa. Chayrayku qampis Jesusman qayllaykullay.

Jesustaj wayrata thanichin (14-15)

Manachu jatun wayra phukumujtin mancharikorqanki? Chanta pimantataj yanapata mañakorqankiri? Uj kutipi Jesusqa yachachisqasninwan botepi qochaman yaykorqanku. Jinallaman qocha chawpipi jatun wayra jatarisqa, Jesuspa yachachisqasnintaj mancharikorqanku. Jesusrí botepi puñuykapusqa. Yachachisqasnintaj Jesusta rijch’arichispa qhaparikorqanku. Jesusrí wayrata q’amisqa, yakutapis tiyaykuchisqa. Ajinamanta Jesusqa Diospuni kasqanta yachachisqasninman rikucherqa. Payqa tukuy imata kamachinampaj atiyniyoj kasqanta jap’ikunankuta munarqa.

Unancharina

•Jesus mayupi bautisakushajtin Imatataj janaj pachamanta Dios nimorqa? • Pantayman aysajtinku, imaynatataj Jesus kuticherqa? • Pitaj anchatapuni munakusunki, jinaspataj qanwan rejsinakuyta munan?

quh_LAT_BOL_CSB_20200801.indd 31

8/1/2020 4:57:25 AM

Uj sipasta wañusqamantaña kawsarichin (16-17) Jesusqa tukuy onqoymanta thanichinampaj atiyniyoj karqa. Payqa wakin wañusqakunatapis kawsarichimorqa.

Kuraj runa Jairo sutiyoj, paypa ususin wañuy patapiña kasharqa. Chayrayku Jairoqa Jesusman k ‘umuykuspa mañakorqa: ususiyta thanichipuway ari, qhuyarikuway ari, nispa. Jinamanta Jesusqa Jairoj wasinman risharqa, jinallaman uj runa jamuspa nerqa: ususiyki wañupunña, nispa. Chaywampis Jesusqa rillarqapuni, Jairoj wasinman chayajtinkutaj ashkha waqajkunata uyarerqanku, Jesustaj paykunata ch’inyacherqa. Chanta ch’iriskata makinmanta aysarispa kamacherqa: sayarimuy, nispa. Jinataj ch’iriskaqa kawsarimuspa sayarimorqa. Jesusqa Diospa atiyninwan onqosqasta thañichin, wañuytapis atipan.

Uj wayna runa supayniyoj karqa (18-19)

Jesusqa Diospa Churin kaspa, tukuy atiyniyoj ari. Payqa supaykunatapis atipan, sajrakunatapis atipallampuni. Uj runa Jesusman jamorqa. Payqa churinta thañichipunanta Jesusman mañakorqa. Kay waynaqa onqosqa kasqa, supaytaj payman yaykusqa. Supayqa, sajra espiritu kaspa runaj ukhumpi atinman kawsayta. Kay waynata Jesusman qayllachejtinku, payqa pampaman urmaspa sunt’iykacharqa. Jesustaj supayta k’amispa wijch’orqa. Sajrataj ujllata llojserqa, chanta waynaqa thañikaporqa. Jesusqa may atiyniyojpuni, supaytapis atipallampuni.

Jesus wañorqa (20-21) Jesusqa mana wañunanchu karqa, chaywampis may jatun munakuywan noqanchejrayku wañorqa. Ajinamanta Jesusqa Diosman kutirikunapaj ñanta kicharerqa. Jesusqa ashkha t’ukuna imasta ruwarqa. Chayryaku yupaychana wasimanta kurajkunaqa, Diospa Churin kasqanta mana jap’eqayta munarqankuchu. Astawampis Jesuswan chejninakuspa phiñakorqanku. Jinaspataj Jesusta wañuchinankupaj unanchakorqanku, chakatanaman churacherqanku. Chakatanapi ñak’arishaspapis Jesusqa mañakorqaraj: “Tatay, kay juchankuta pampachay”, nispa. Jesusqa munayninmanta jaywakorqa. Payqa yacharqa Diospa munayninman jina wañunanta. Chay chakatana lomapitaj, uj soldado Jesuspa wañusqanta rikuspa nerqa: “Cheqatapuni kay runaqa Diospa Churin kasqa”, nispa. Jesusqa tukuy juchasninchejrayku wañuyta ajllakorqa. Payqa mana imapi pantarqachu. Payqa Diospa Churin karqa, jinataj mana ima juchayoj karqa. Jesusqa chakatanapi wañorqa Dioswan rejsinakunanchejpaj, jinaspataj paywan wiñaypaj tiyakunanchejpaj.

Unancharina

• Imaskunatataj Jesusqa atipallampuni? • Imatataj Jesus chakatanapi ñak’arishaspa mañakorqa? • Imaraykutaj Jesus chakatanapi wañorqa?

quh_LAT_BOL_CSB_20200801.indd 32

8/1/2020 4:57:26 AM

Jesus kawsarimporqa (22-23)

Jesusqa tukuy onqoykunamanta thanicherqa, supaykunatapis atiparqa. Payqa wañuytapis atipallarqataj ari. Jesus wañupusqantawan, yachachisqasnenqa chakatanamanta uraykuchispa p’ampamorqanku. Chanta p’ampana punkuta jatun rumiwan wisq’aykurqanku. Kinsa p’unchay pasajtinkamataj, wakin Jesuspa yachachisqasnin p’ampanaman watukoj rerqanku. Chayman chayajtinkutaj jatun rumeqa wajnejpi kashasqa. Chanta Jesuspa ayanta mask’arqanku, manataj kasqachu. Jinallaman uj angelta rikurqanku, paytaj nerqa: “Ama mancharikuychejchu. Yachani Jesusta mask’ashankichej. Payqa mana kaypiñachu. Jesusqa kawsarimpunña.” Nispa.

Jesusqa janaj pachaman kutiripun (24-25)

Jesusqa yachachisqankunaman sumaj ruwanata junt’anankupaj saqerqa. Jesusqa kawsarimuytawan 40 p’unchaykunata runasninwan karqa, jinaspataj paykunaman nerqa: janaj pacha Dios Tatayman kutiripunay tiyan, nispa. Chanta Jesus nillarqataj, uj yanapakujta kachamusqaykichej, Diospa Espiritun qankunaman jamunqa, nispa. Jinaspataj Jesusqa kacharqa, riychej tukuy runakunaman noqamanta willaramuychej. Nispa. Payqa nillarqataj: willaramuychej, wiñay kawsayman yaykunapaj ñan kicharisqaña, nispa. Chanta Diosqa Jesusta janaj pachaman pusakaporqa.

Diospa Espiritun uraykamorqa (26)

Tata Diosqa runasninta mana sapankutachu saqerparqa. Payqa uj sumaj yanapajta kachamorqa! Jesuspa yachachisqasninqa uj wasipi Diosmanta mañakuspa suyakusharqanku. Jinallaman janaj pachamanta jatun wayra uraykamorqa. Jesuspa yachachisqasnintaj nina qallusta jina rikorqanku. Jinaspataj paykunaqa waj parlaykunapi willarayta qallarerqanku. Diospa Espirituntaj tukuy paykunaman yaykusqa. Jesuspa nisqan junt’akusharqa. Yachachisqasnintaj Diospa atiyninta jap’isharqanku. Jinaspataj paykunaqa tukuynejpi Jesusmanta willarayta qallareqanku. Ajinamanta ashkha runakuna Jesuspa ñanninman yaykuporqanku. Diospa Espirituntaj tukuy chay ujchakojkunapi tiyakorqa, paykunaqa Jesus juchankurayku wañusqanta jap’eqarkanku. Diospa Espiritunqa payta munakuspa kasukunanchejpaj yanapawanchej.

Kunan p’unchaykunapi (27)

Tata Diosqa tukuy runakunata munakuwanchej, paywan rejsinakunanchejta munan. Qampis Dioswan rejsinakullayña. Noqanchejpis Bibliapi Dios Tatamanta yachaqakunchej. Kunitampis ashkha runakuna Jesusta qhatikushanku. Tata Dios runakunata payman kutirichimushan. Paykunaqa Jesus juchankurayku chakatanapi wañusqanta jap’ikunku. Paykunaqa Jesus paykunata munakusqanta jap’ikunku. Paykunataj Bibliapi kamachisqanta qhatinku.

Unancharina

• Jesucristo wañusqachu qhepakurqa? • Chanta maymantaj Jesus riporqa? • Pitataj Jesus kachamunanta nerqa? • Jesus munakususqanta jap’ikunkiñachu?

quh_LAT_BOL_CSB_20200801.indd 33

8/1/2020 4:57:26 AM

Mana Vendenapajchu

quh_LAT_BOL_CSB_20200801.indd 34

8/1/2020 4:57:28 AM