Abrente numero 55

Vozeiro de Primeira Linha

www.primeiralinha.org

Na Galiza só galego

Ano XV • Nº 55 • Segunda jeira • Janeiro, Fevereiro e Março de 2010

Jornal comunista de debate e formaçom ideológica para promover a Independência Nacional e a Revoluçom Socialista galega Editorial O governo da Junta presidido por Alberte Nuñez Feijó tem atingido nos seus primeiros meses o discutível mérito de levar avante a linha política mais agressiva contra o nosso idioma nacional desde o começo da etapa autonómica.

Umha linha política que foi anunciada desde o momento em que o anterior governo tomou a iniciativa de pôr em andamento tímidas e isoladas medidas que se afastavam do que vinha sendo a praxe habitual dos diferentes gestores que passaram por Sam Caetano a respeito das políticas de normalizaçom lingüística.

Bastou apenas com que o bipartido propugesse ideias como a das Galescolas ou pugesse um mínimo de ênfase em fazer cumprir umha tímida legislaçom sobre o galego para que a reacçom por parte do PP fosse a de denunciar a “imposiçom” do idioma, calcando no nosso país o discurso já habitual para se referir a este tema na Catalunha.

Ao longo dos últimos meses do governo do bipartido, a questom lingüística converteu-se no fetiche da labor política de oposiçom do PP. Um fetiche que era agitado polas mais diversas tribunas públicas numha das mais amplas manobras de manipulaçom propagandística que recorda o nosso país, e que contou com o inestimável apoio da caverna mediática espanhola.

Deste jeito, a organizaçom do PP na Galiza adoptou como próprias as agendas e dinámicas marcadas polo aparelho propagandístico da direita espanhola radicado em Madrid, rompendo assim com umha tendência prévia baseada numha certa singularidade da posiçom que este partido desenvolvia no país a respeito da linha marcada a partir de Génova.

Este pregamento aos desenhos dos think-tanks da direita madrilena repercutiu na forma em que a polémica lingüística adoptou na cena mediática uns termos de realidade invertida durante os últimos anos do bipartido.

Agora que já temos umha certa perspectiva, nom resulta difícil avaliar como por parte do PP e o seu aparelho mediático se promoveu a referencialidade pública dumha entidade como Galicia Bilingüe, constituída às pressas partindo de um reduzido feixe de minúsculas entidades da extrema-direita social.

Esta organizaçom, inexistente há três anos, passou de um dia para outro de ser umha anedota sociopolítica a receber o tratamento público dumha entidade referencial, embora fosse evidente que o seu discurso estava prenhado de meias verdades e mentiras inteiras. Assim, a campanha levada avante por esta organizaçom, que acabou na “tumultuosa” mobilizaçom de 8 de Fevereiro de 2009, marcou em boa medida o discurso sobre o idioma com que o PP focou a campanha eleitoral prévia às eleiçons de 1 de Março.

Porém o resultado das eleiçons autonómicas foi surpresivo para todos. Tanto para o PSOE e o BNG que nom contavam com a derrota, como para o PP que também nom confiava na sua vitória e em boa medida nom avaliara os riscos da campanha de intoxicaçom sobre o idioma que pugera em andamento. Deste jeito a anunciada política lingüística do novo governo recebeu a sua contestaçom na rua já às poucas semanas dos comícios.

Sumário 3 A economia ortodoxa como ideologia Domingos Antom Garcia Fernandes

4 Crise mundial e emancipaçom da periferia Desligaçons ilusórias, ligaçons libertadoras Jorge Beinstein

5-6 Somos e queremos ser assim Carlos Morais

7 Porto Rico, colónia em dous tempos Salvador Tió

2

Nº 55. Janeiro, Fevereiro e Março de 2010

Editorial

proclamas de Calhom som insuficientes e suponhem um retrocesso inassumível no processo de normalizaçom lingüística.

Porém, somos sabedores de que, com esse discurso o BNG nom pretende atrair para as suas teses os elementos mais conscientes e comprometidos com a defesa do idioma, e sim todo o contrário.

O alvo que busca o autonomismo é o de reforçar a sua aliança estratégica com o PSOE para afrontar um possível retorno às cadeiras de Sam Caetano.

Curiosa forma esta de defender o idioma quando se prefire ir da mao do partido de Paco Vasques, e do seu sucessor Xavier Losada, que da esquerda independentista ou do movimento cultural reintegracionista.

Assim, nom devemos surpreendernos que de aqui a uns meses os mesmos que pugérom a conflituosidade à volta da questom lingüística na rua tentem levá-la de novo aos gabinetes e salons das instituiçons governativas, espaços muito mais acaídos para atingir componendas e “construir consensos”. Polo que se pode extrair do publicado na imprensa, essa é a vontade do PP e do PSOE, o que provocará que o BNG vaia detrás de contado.

Diante dessa tessitura, as organizaçons, colectivos e pessoas que neste país temos umha real preocupaçom pola situaçom do nosso idioma, e nom conseguimos ter preferência entre a morte rápida que oferece o PP ou a lenta agonia que supom a via do consenso que na ac-

Compostela, 21 de Janeiro de 2010

tualidade assumem PSOE e BNG, temos a obrigaçom de continuar activos na luita pola consecuçom do objectivo estratégico de fazer do galego a única língua oficial no nosso país.

Na actualidade, num momento em que a tensom mobilizadora está num nível elevado, é tempo para que os diferentes agentes realmente interessados na recuperaçom e normalizaçom do galego como

idioma da Galiza fagamos um esforço para evitar retiradas que podem ser letais para a nossa língua.

O caminho do mero legalismo e a confiança nas instituiçons públicas demonstrou ser absolutamente insuficiente para tam sequer proteger o galego dos embates do espanhol. Hoje, a efeitos práticos, o idioma está numha situaçom pior que há trinta anos.

Diante da previsível tentativa de voltar a afastar o conflito lingüístico das ruas, o nosso objectivo tem que ser mantê-lo, embora ressituando o discurso nos seus justos termos. Isto é, denunciando que o único idioma imposto neste país tem sido o espanhol durante os últimos quinhentos anos, e ligando a recuperaçom do galego com o avanço da consciência nacional.

Eis um repto que a esquerda independentista está disposta a assumir e para o que temos plena disposiçom a colaborar com todos aqueles sectores realmente preocupados pola defesa da nossa língua nacional, o único idioma próprio da Galiza.

Publicidade cshenriquetaouteiro@gmail.com www.cshenriquetaouteiro.agal-gz.org

Milhares fomos os que no 17 de Maio manifestamos em Compostela que nom estávamos dispost@s a tolerar a tentativa de acelerar a aniquilaçom do nosso idioma, milhares voltamos ser no 18 de Outubro e mais umha vez no 21 de Janeiro.

A prepotência do PP autonómico, e em especial do sector mais ligado à estrutura central deste partido, topou de trombas com um amplíssimo movimento social que nom está disposto a ceder nos insuficientes avanços legais que se atingírom nos 30 anos de autonomia, e parece que já iniciou as manobras destinadas a atenuar a sua agressividade e conseguir voltar ao “consenso lingüístico” da época Fraga.

Mas a unidade atingida na rua entre os diversos sectores que nos opomos à ofensiva espanholista liderada polo PP nom nos pode levar a confusons. Também neste caso, como em tantos outros, o fantasma do “unitarismo” pode ser um entrave para conseguir um avanço nas posiçons e no programa da esquerda independentista.

Devemos lembrar em todo o momento que a plataforma Queremos Galego, convocante das diversas mobilizaçons contra o novo decreto, está a demandar-se a volta à anterior normativa legal, que estabelecia um mínimo de 50% para a docência em galego, e nom a oficialidade única do nosso idioma, tal como propomos as organizaçons da esquerda independentista, em sintonia com o programa histórico do nacionalismo galego.

Para a esquerda independentista, as

Quiroga Palácios, 42 (rés-do-chao) 15703 Compostela-Galiza

Livraria A Palavra Perduda “Câmpus Norte”

Livros Portugueses Rua Castanheiros 13 r/c 15705 Santiago de Compostela Telf.: 981 554 045 • Fax: 981 554 960 E-mail: perduda@interbook.net

Entremuros, 12 - Compostela Tel. 981 576 778 | www.ocurruncho.com

Santiago - A Coruña

Taberna Che Cervantes, 5 baixo VIGO

R/ Camélias, 10 36860 Ponte Areas Tel 986 661 970

R/ Real, 48 • Vigo Tel. 607 228 556

Carracedelo (Berzo) | Telf.: 987 562 728

Fernando Macías,3 15004 - A Coruña www.lumelibros.com Telf.: 981 263 408 Fax: 981 264 803

Opiniom

Vamos assumir que a palavra ideologia designa a ilusom de autonomia da consciência por mor da divisom entre trabalho manual e trabalho intelectual. E oferece como resultado a representaçom invertida da realidade e a propagaçom das ideias da classe social dominante, isto é, a justificaçom da dominaçom. Ou, tentaremos de o dizer de modo mais simples, um conjunto de crenças falsas das quais se servem as classes dominantes de cara a manter a sua situaçom privilegiada.

De certo que há outras acepçons (cosmovisons, ismos políticos, et cetera) e mesmo nom possui para muitos a categoria de conceito pola sua ambigüidade. Ainda assim, vamos sustentá-lo como sinónimo de especulaçom, de visom deturpada do real, de falsa consciência, de engano (intencionado ou nom).

E antes de tornarmos explícito o título, recordaremos que Marx e Engels aderem à Liga dos Justos, que mudam em Liga dos Comunistas, na década de quarenta do século XIX, para a qual escrevem o Manifesto do Partido Comunista. A tarefa de ambos é abandonarem as quimeras e acederem à compreensom científica do real. Faga-se memória da tese XI sobre Feuerbach: Os filósofos apenas interpretárom o mundo de maneiras diferentes. Agora é preciso transformá-lo.

A teoria deve percorrer o caminho da prática, mas cumpre nom esquecer que há que elaborar essa teoria científica da sociedade. E a economia política clássica (os fisiocratas, Petty, Smith, Ricardo) tenciona esse conhecimento: a lei do juro nom é para eles algo semelhante ao que acontece em Física com as leis de Newton? Qual é, para Marx, um dos grandes problemas da Economia Política?

Que recusa o carácter histórico do modo de produçom capitalista e apresenta como natural e eterno o que nom é outra cousa que umha etapa de um processo.

Há, já que logo, que ir além da crítica da filosofia idealista alemá para se centrar na crítica da economia política. Os manuscritos do 44 som apontamentos para tal crítica, porém Marx está ainda prisioneiro da maneira especulativa própria dos jovens hegelianos. Um dos primeiros passos dessa empresa, que ocupará toda a sua vida, será a crítica de Proudhon em 1847 (Miséria da Filosofia). Em 1849 presenteia umha primeira aproximaçom em Trabalho assalariado e capital. Em 1857 escreve umha introduçom geral à devandita crítica, mas, preocupado em nom apresentar resultados antes de os ter justificados, com ocasiom da publicaçom em 1859 da Contribuiçom para a crítica da Economia Política, inclui um simples prefácio que resume os princípios do materialismo histórico e dará lugar a fortes polémicas a respeito de determinismos, economicismos, fatalismos, filosofias da história...

Muita hermenêutica para um texto de poucas páginas que se perde nos milhares e milhares da sua basta obra. En Junho de 1865, retoma os pontos mais salientes da sua economia em Salário, preço e mais-valia. E será em 1867 quando publique o livro primeiro de O Capital, enquanto os outros três livros (as Teorias sobre a mais-valia seriam o livro IV) ficarám em situaçom de esboços.

Porque Marx? Porque a sua tarefa e as suas análises estám em vigor. Na vez de contabilidade económica do sistema capitalista e de justificaçom ideológica da sua inelutabilidade cumpre tornar à crítica.

A actual “ciência” económica isolou-se no mundo dos valores monetários e deitou fora as inquietaçons originárias dos pais da disciplina

Domingos Antom Garcia Fernandes

Nº 55. Janeiro, Fevereiro e Março de 2010

A economia ortodoxa como ideologia

que se encaminhavam a acomodar a gestom às condicionantes do mundo físico, ao meio ambiente. O reducionismo do discurso económico cataláctico (em expressom de Polanyi) encobre a problemática ecológica e social ligada ao comportamento da civilizaçom industrial. Diante da maior sensibilidade da povoaçom de cara a estes temas visam incorporar toda umha retórica formalista ecoverdosa em que prolifera a ideia de sustentabilidade. Mas está-se a banalizar e a desviar a atençom dos verdadeiros conflitos. A questom nom é enfeitar o sistema para que aparente o que nom é, mas substituir o mesmo.

O metabolismo da sociedade industrial afastou-se do modelo da biosfera e limitou-se à extracçom e deterioramento dos recursos da crosta terrestre.

As teses anteriores teriam de ser demonstradas, e nom somente mostradas, porém nom é o objectivo desta reflexom, nem há espaço (sim

para dizer que há análises rigorosas em Naredo, Martínez Alier, e outros, que nom mencionamos por nom sairmos dos dous que se costuma considerar pioneiros no Estado espanhol).

E ao regressar a umha maior concreçom, cumpre assinalar o conformismo com o universalismo do sistema capitalista (umha caste de fatalismo a-histórico), o que leva a que sejam poucos os cientistas críticos radicais. O velho corpo doutrinal resiste-se a mudar e as apologéticas proporcionam pingues benefícios económicos.

A metáfora da produçom de riqueza nucleou a disciplina económica e acabou por eclipsar outros modos de focar o processo. A mitologia do crescimento ocupa a quase totalidade do discurso.

Outra das mitologias (ideologias) presente na economia convencional é a do trabalho. A actividade mercantil orientada ao lucro e a actividades penosas e dependentes, nom livres. E sempre

3

localizados na desigualdade social. Um trabalhar compulsivo sem tempo para o lazer. Isso que tam bem explicou Marx em o feitichismo da mercadoria: os produtos tenhem vida independente do produtor, tornam-se em autónomos, e o produtor transforma-se em adorador e escravo do seu produto. Seria preciso, como indica repetidas vezes Naredo, fugir da fé beata no progresso. E já seria hora de olhar além do trabalhar capitalista, provocador de fractura social e frustraçom dos indivíduos.

E seguirá-se com Naredo para denunciar umha nova ideologia do capital, a do desenvolvimento. Um país desenvolvido é no panorama comercial o que procura um intercámbio favorável à frente do resto do mundo; no panorama financeiro atrai capitais, assim mesmo do resto do mundo, e tenta emitir passivos nom exigíveis; no panorama físico será deficitário em recursos e excedentário em resíduos; e no panorama demográfico atrairá povoaçom do resto do mundo. Em resumo: desenvolvimentisto é sinónimo de predaçom.

Há outras mitologias, ideologias. Contodo o que se visava era chamar a atençom sobre o discurso económico dominante como ideologia mascaradora.

E já para acabar, esse capitalismo defendido polos intelectuais orgánicos do sistema, também com demasiada freqüência é considerado de modo fatalista polos que se dim de esquerda.

A modo de exemplo: a teoria do colapso possui para eles umha funçom exculpatória.

Nom importam as derrotas, o fim do inimigo está perto (funciona toda umha religiom da esperança!). Criticar tal teoria nom é capitular face ao capitalismo, pois a ausência de discursos proféticos e apocalípticos nom fai melhor o sistema em que vivimos. De certo que Marx pudo ver nos movimentos revolucionários de 1848/49 umha consequência da crise económica desses anos e generalizar de modo precipitado e mesmo estar à espera dumha próxima revoluçom, nom obstante, por mais que fale no livro III de O Capital sobre os limites do modo de produçom capitalista, nom está a se referir a um final no tempo. Tal limite há de entender-se como um desenvolvimento das forças produtivas ao serviço unicamente da valorizaçom do capital. O conflito permanente entre o desenvolvimento ilimitado das devanditas forças e o fim limitado da produçom capitalista nom significa nengum colapso. Somente numha passagem dos Grundisse, anteriores a O Capital, há umha observaçom que se poderia interpretar em tal senso, quando di que o plustrabalho da massa deixou de ser a condiçom para o desenvolvimento da riqueza geral, do mesmo modo que o nom-trabalho duns poucos deixou de ser a condiçom para o desenvolvimento dos poderes gerais da mente humana, e com isso colapsa a produçom fundada no valor de troca. Nom é o momento para explicar a ciência em Marx, mas sim de dizer que a separaçom desas potências espirituais e o trabalho manual, que figuram por vezes em O Capital, dim relaçom a um incremento do poder do capital sobre o trabalho. E que se gaste menos trabalho no processo de produçom das mercadorias nom tem de entender-se como tendência ao colapso, e sim como fundamento da produçom de mais-valia relativa.

Assim pois, nom há que esperar com placidez que o sistema se derrube, como esperou certa esquerda que a revoluçom vinhera do Terceiro Mundo, o capitalismo tem de ser abanado.

Domingos Antom Garcia Fernandes é filósofo

Jorge Beinstein

4

Nº 55. Janeiro, Fevereiro e Março de 2010

Análise

Crise mundial e emancipaçom da periferia

Desligaçons ilusórias, ligaçons libertadoras

A começos de ano, os meios globais de comunicaçom anunciárom a concreçom do maior tratado de livre comércio do mundo entre os países da ASEAN (Associaçom de Países do Sudeste Asiático) e a China, que somam uns 1.900 milhons de habitantes, alguns meses atrás foi anunciada a assinatura de um tratado similar entre a ASEAN e a Índia (1.700 milhons de habitantes), se superpugermos ambos tratados, chegaremos a quase 3.100 milhons de habitantes, algo menos da metade da populaçom mundial. A isto costumam ser agregados a emergência do chamado BRIC (Brasil, Rússia, Índia e China) mais algum outro caso de dinamismo rejuvenescedor do sistema. Agências de informaçom e especialistas assinalam a esses factos como passos concretos na superaçom, a partir da periferia, da crise mundial, a mensagem é simples: perante a estagnaçom ou declinaçom das economias das potências centrais (Estados Unidos, Uniom Europeia, Japom) aparecem desde os espaços do desenvolvimento, concorrendo, crescendo e integrando-se os vigorosos tigres, dragons, ursos, jaguares e outras ferozes capitalistas.

O mito da renovaçom do velho capitalismo declinante volta à cena no meio da maior crise da história da civilizaçom burguesa.

Crise, decadência, começo do fim da unipolaridade Para perceber o que realmente acontece, atravessando o ruído mediático, é necessário fazer referência ao contexto mais amplo da crise mundial. A começos de 2010 encontramos-nos à espera de umha próxima segunda queda recesiva global seguramente bem mais forte que a desatada no último trimestre de 2008. Os salvatajes financeiros de 2008-2009 desacelerárom a queda económica mas gerárom enormes desajustamentos e bolhas: o súper endividamento público e os maiores défices fiscais nos Estados Unidos e outros países, as ameaças inflacionárias, a declinaçom do dólar (sem que se enxergue substituto à vista no curto prazo), a possibilidade de umha próxima nova crise imobiliária nos Estados Unidos, a crescente fragilidade do mercado de produtos financeiros derivados, etc.

Nom se trata só de umha “crise económica”, outras “crises” estám à vista e em qualquer momento poderiam golpear com força o sistema: a crise energética e alimentar (que se figérom presentes durante o ano 2008), a degradaçom do Complexo MilitarIndustrial dos Estados Unidos envolvendo o conjunto de aparelhos militares da OTAN atolados nas guerras coloniais da Ásia, o rápido avanço da crise ambiental, etc.

Em aparência, encontramos-nos diante da convergência de numerosas “crises”, na realidade trata-se de umha única crise gigantesca com diversos rostos, de dimensom planetária, envolvendo a desenvolvidos e a subdesenvolvidos apontando para um muito longo período futuro. Trata-se da fase declinante de um super ciclo histórico iniciado há mais de dous séculos com a descolagem da revoluçom industrial e a arremetida imperialista final de Ocidente sobre o resto do mundo.

Por outra parte, desde o fim da Segunda Guerra Mundial o capitalismo estruturou-se em torno dos Estados Unidos, espaço fundamental de todos os grandes negócios, a sua degradaçom desde começos dos anos 1970 e a sua descida actual expressa umha doença universal, o parasitismo estado-unidense nom tem sido outra cousa que a sua manifestaçom central acelerada pola crise crónica global de sobreproduçom. O que agora presenciamos nom é a substituiçom da unipolaridade por algumha forma de multipolaridade eficaz, por umha partilha completa do mundo entre grandes potências, mas um processo

de despolarizaçom onde se vam abrindo múltiplos espaços nos quais os controlos imperialistas (a organizaçom capitalista do mundo) estám a enfraquecer-se ao ritmo da crise. E os antecedentes históricos, sobretodo se pensarmos no que aconteceu a partir da Primeira Guerra Mundial, assinalam que se isso acontece, se a hierarquia mundial do capitalismo entra em crise, entom irrompem as condiçons objectivas e subjectivas para as rebelions das vítimas do sistema.

Nom se trata de um processo ordenado, inclui tentativas de redespregamento imperialista, de reconversom estratégica dos mecanismos de dominaçom (como o actualmente em curso nos Estados Unidos sob a presidência de Barak Obama), de aproveitamentos por parte de outras grandes potências que tencionam apropriar-se de espaços onde o poder imperial norte-americano se debilitou, de autonomizaçons periféricas às vezes bem sucedidas e outras muito ensarilhadas e condenadas ao fracasso.

Despolarizaçom, capitalismo e pós-capitalismo A prolongada história da modernidade ensina-nos que o capitalismo na sua ascensom e consolidaçom de escala global constitui um sistema organizado do ponto de vista económico, militar, cultural, etc, a partir de pólos imperialistas. A unipolaridade norteamericana foi-se impondo desde o fim da Segunda Guerra Mundial ao interior do mundo capitalista e chegou à sua coroaçom global ao concluir a Guerra Fria, foi o resultado da mundializaçom dos negócios e em conseqüência da necessidade sistémica de contar com um centro articulador global, primeiro consumidor e superpotência militar.

Mas a gradual unificaçom imperialista do mundo em torno de um único pólo domi-

nante tem estado estreitamente associada ao avanço da hegemonia parasitária sobre o conjunto do sistema: as redes financeiras e a hipertrofia militarista, a predaçom ambiental, a expansom cancerosa dos espaços urbanos, o consumismo desenfreado nos países ricos, etc. A dita “globalizaçom”, a sua degeneraçom parasitária, a sua unificaçom imperial e a sua posterior decadência som todos eles fenómenos interdependentes e irreversíveis.

Em conseqüência, a despolarizaçom, entendida como processo durável, fai parte do fenómeno mais amplo, sobre-determinante de decadência do capitalismo como civilizaçom universal.

A despolarizaçom avança de maneira irregular, heterogénea, complexa, obedecendo a diferentes ritmos regionais a partir do nascimento de autonomias periféricas mais ou menos audazes que carregam sobre as suas costas o enorme peso negativo dos submetimentos económicos, militares e culturais.

Quando enfrenta de maneira radical a declinante ordem mundial do Império, por exemplo na América Latina nos casos da Venezuela ou Bolívia, rapidamente tem que enfrentar as agressons externas (imperialistas), mas também as internas dos sistemas burgueses nacionais de poder (altamente transnacionalizados), ambos inimigos estám estreitamente ligados, em última instáncia constituem um só inimigo.

Na medida em que a crise se aprofunda, umha ampla variedade de países do Sul e do Leste vam procurando, tentando realizar “desacoplamentos periféricos” que lhes permitam afastar-se das potências centrais, motor decisivo do parasitismo financeiro, a predaçom ambiental, as recessons, as guerras. Desenvolvem-se acordos energéticos,

comerciais, tecnológicos, militares... regionais e trans-regionais, processos de integraçom regional, etc, que vam tecendo umha complexa rede Sul-Sul e Sul-Este: Mercosul, Organizaçom de Cooperaçom de Shangai, ASEAN-Chinesa, estreitamento de relaçons no BRIC, etc...

Trata-se de escudos defensivos frente à desordem global crescente e às agressons militares do Império e dos seus aliados, da geraçom de espaços económicos face às estagnaçons e recessons provenientes dos países centrais.

No entanto as ligaçons Sul-Sul e Sul-Este tenhem duas caras: a do caminho de saída do desastre e a da ilusom condenada ao falhanço como foi por exemplo o dos nacionalismos desenvolvimentistas periféricos do século XX. Isso é assim porque a chamada “globalizaçom neoliberal”, a mutaçom predadora-parasitária do capitalismo, é ao mesmo tempo umha realidade externa e interna das naçons da periferia. Expressa-se como opressom imperialista, como dependência económica e cultural mas também como dominaçom das burguesias locais globalizadas.

A China depende do seu potencial industrial exportador que depende por sua vez da capacidade de compra dos mercados dos Estados Unidos, Japom e outras potências centrais, a Rússia depende das suas exportaçons energéticas à Uniom Europeia, e tanto na Rússia como na China as elites económicas estám densamente interrelacionadas com as redes financeiras globais articuladas a partir dos países centrais, situaçons similares encontraremos na Índia, Brasil e em quase todos os países periféricos. Pior ainda, a concreçom do acordo Asean-Chinesa, por exemplo, brindará segurança energética a esta última e bons benefícios para os exportadores de petróleo da Indonésia, mas gerará umha

concorrência ruinosa para as indústrias têxtil, de produtos electrónicos, etc, desse país, trazendo ali desocupaçom e miséria. Muitos desses benefícios inter-asiáticos serám seguramente reciclados na especulaçom financeira global e a marginalidade social e a super-exploraçom dos pobres da China e Indonésia continuarám a expandir-se.

Todo isto coloca no primeiro plano a reflexom (e a prática) pós-capitalista, isto é a irrupçom de ligaçons libertadoras que visto a partir da periferia aparecem como a combinaçom necessária entre os afrouxamentos e rupturas das estruturas opressivas externas e o avanço de transformaçons internas radicais tendentes a superar as fronteiras, as armadilhas do capitalismo local, real, globalizado.

Essa religaçom emancipadora apresenta-se a dous níveis, o dos estados apoiados na mobilizaçom popular; é o caso do projecto de integraçom regional da ALBA na América Latina, e depois o das bases oprimidas que estendem a sua solidariedade, conformam identidades para além das fronteiras estatais, é o caso das resistências na área árabe-islámica da Ásia e África com centro nos combates anti-imperialistas da Palestina, Iraque, Afeganistám-Paquistám..., outro exemplo é o da América Latina onde fenómenos como a recente constituiçom do Movimento Continental Bolivariano mostram que essas religaçons tendem naturalmente a ir para além das batalhas regionais estendendo a sua dinámica para outras forças libertadoras extra-regionais de países desenvolvidos e subdesenvolvidos. Desse modo reaparece a figura da religaçom emancipadora universal contra a dominaçom imperialista (capitalista) do mundo.

Jorge Beinstein é economista marxista argentino

Opiniom

Carlos Morais

Nº 55. Janeiro, Fevereiro e Março de 2010

5

Somos e queremos ser assim

Afirmam que somos inflexíveis. Julgam que a defesa dos nossos princípios se aproxima do comportamento de umha seita. Que a rigidez que nos caracteriza impossibilita acordos. Que mantemos umha linha discursiva hipertrófica e grandiloqüente. Consideram que nom somos dos seus. Que pertencemos a um ente estranho, alheio, infiltrado, que gera turbulências inadmissíveis que questionam a harmonia de umha “comunidade nacional” em que existem divergências mas ao fim e ao cabo som consubstanciais às que se produzem em todas as famílias. Desqualificam-nos de ideologistas, extremistas, com os mais ordinários epítetos, na maioria dos casos carentes de originalidade, mais alá de modismos enxebristas encaixáveis com os que habitualmente o reformismo definiu universalmente as forças populares mais coerentes.

Nom nos referimos ao inimigo e sim às fracçons que disputam similar espaço e corpo social.

Parte de todo isto é verdade. Nom podemos negá-lo pois fai parte do nosso património e legado, da nossa indelével contribuiçom para a cultura rebelde e combativa deste país.

Algumhas destas opinions aparentemente negativas confirmam que vamos polo caminho correcto. Embora fagam parte de um cenário que nom buscamos e portanto nom nos agrade, nom podemos nem devemos negar que parte destas apreciaçons som paradoxalmente reconfortantes. A nossa trajectória constata que nunca pretendemos imitar o que consideramos superado por arcaico, o que desconsideramos por obsoleto e fundamentalmente por insuficiente. Nunca foi a nossa intençom reproduzir modelos adulterados a partir da sua raiz.

Com humildade revolucionária, mas com voz firme, olhar claro e testa ergueita, reconhecemos que a(s) causa(s) de que derivam estas percepçons –além de um oculto e inconfesável corporativismo– reduzem-se fundamentalmente a duas: a nossa origem autónoma do tronco comum e, basicamente, um reconhecimento implícito de que somos a única corrente da esquerda independentista dotada de um projecto político-ideológico coerente e definido, além da mais coesa e melhor organizada. Esta superioridade provoca admiraçom, mas também pánico disfarçado dos velhos tópicos anticomunistas.

Além das naturais vacilaçons da nossa génesse, levamos três lustros inenterruptos a construir um projecto revolucionário, a combinar originalidade e fusom de tradiçons emancipadoras. O resultado é umha modesta, mas vigorosa, identidade própria na esfera política, ideológica, social e cultural.

Temos cometido erros de apreciaçom, de cálculo, mas frente às habituais linhas erráticas e instabilidade orgánica dos outros, temos umha trajectória forjada na tenacidade e constáncia, centralizada na procura de um globalizante objectivo prioritário: contribuir para criaçom de forças obreiras e populares imprescindíveis, rumadas para o sucesso da Revoluçom Socialista Galega.

Temos experimentado diversos caminhos e vias, ensaiado novas formas de intervençom, nom sempre com os resultados previstos. Porém, nom temos complexos e devemos estar francamente orgulhosos e orgulhosas de aquilo que somos e representamos. Nom devemos nada a ninguém que nos questiona e muito a quem tem acreditado em nós e no projecto que representamos. “Nom se trata de levar a revoluçom nos lábios para viver dela, trata-se de levá-la no coraçom para morrer por ela”, como nos ensinou o Che. No entanto, devemos reconhecer sem pudor que nom sempre temos demonstrado a suficiente habilidade para transmitir e fazer compreensível o que somos e o que queremos. Devemos pois introduzir melhoramentos na nossa capacidade de comunicaçom, mas

Reimundo Patinho: Fusquenlha, 1963

nunca ceder na defesa intransigente dos princípios do marxismo-leninismo.

Umha dissecçom superficial dos programas e projectos políticos das diversas correntes da esquerda independentista galega constata enormes similitudes entre as cisons e a matriz de que procedem. A inspiraçom e o aroma que despreendem nom deu corrigido e muito menos ultrapassado a errónea orientaçom que se pretendia superar. Aqui radica a enorme vulnerabilidade que apresentam bem intencionadas aspiraçons de reestruturar um espaço político-ideológico. Mas isto nom é viável a base de espasmos, voluntarismo e

receitas gastas, sem a introduçom dos componentes científicos genuínos que permitiriam afastar-se do velho e simultaneamente construir o novo. Sem umha depuraçom integral da génese e umha crítica implacável às causas que provocárom a actual derrota da estratégia regionalista nom é possível evitar a reproduçom, em pequena escala, da desfeita para a emancipaçom nacional e social de género a que conduziu a linha conciliadora e pactista do autonomismo.

De umha exumaçom das goradas tentativas de reorganizar o movimento de libertaçom nacional a partir de parámetros de classe, po-

demos concluir que carecêrom de identidade suficiente para poder resistir a enorme pressom simbólico-material de umha enraizada cultura política proclive à conciliaçom de classe, empapada do patriotismo essencialista, que no seu cerne considerou a teoria marxista como um fenómeno sedutor e exótico, mas estranho à nossa realidade, portanto passageiro e “ineficaz para aplicar” numha formaçom social tam anómala como a galega.

A metaformose que experimentárom os processos aludidos e a actual mutaçom na qual se acha parte dos restos do naufrágio dos noventa derivam de incorrectas trans-

fusons de seiva contaminada que reproduzírom a incapacidade de aplicar a dialéctica da destruiçom-construçom. Superar paradigmas erróneos e/ou desactualizados, substituindo-os por novas reinterpretaçons da velha opressom ou opressons que padecemos como povo, classe e género, simbiotizadas polos novos mecanismos de dominaçom e, portanto, com as novas rebeldias que gerárom. Sem incorporarmos à nossa mochila de combate, sem truques nem malabarismos, a pluralidade das insurgências anticapitalispassa à página 6

6

Nº 55. Janeiro, Fevereiro e Março de 2010

Opiniom

Somos e queremos ser assim

Vem da página 5

tas, o projecto socialista ou bem se esgota em derivas esterelizantes ou é devorado pola história. Um pensamento que se afirma revolucionário, mas com umha acçom teórico-prática cativa de grandes princípios enferrujados, ou desprovido da teoria marxista, acaba instalado no imobilismo ou nesse difuso campo da complexada e contemplativa esquerda de que tanto gosta a burguesia. A indecisom e as atitudes vacilantes som companheiras de viagem nom recomendáveis.

A única garantia para podermos construir na Galiza um projecto revolucionário marxista de libertaçom nacional, que vaia além do simples testemunhalismo e marginalidade, passa por nos dotarmos de umha identidade completamente autónoma da nefasta escola emanada de 1964. Sem cumprir este requisito, toda tentativa está inexoravelmente condenada ao fracasso. A catástrofe das últimas três décadas assim o constata. Todo o que se inspirou nesse referente nunca pudo deixar de ser umha magmática crisálida incapaz de voar sem a inércia do impulso do parto, para de imediato estrelar-se na inaniçom ou deixar-se fagocitar pola casa matriz.

Mas, sendo umha conditio sine qua non, para ter algumha possibilidade de sucesso, nom é mais que o princípio para poder arrancar. Necessita acompanhar-se de um conjunto de ingredentes objectivos e subjectivos que permitam um rearmamento permanente da militáncia no plano ideológico que possibilite esse crecimento sustentado, essa procura de introduçom social, de enraizamento popular, de referencialidade e prestígio entre a classe trabalhadora.

Mas também de umha dimensom espiritual que permita superar os desabores, os ingratos e amargos dias de ferro que acompanham a militáncia revolucionária perante as dificuldades da adversa quotidianidade, essas permanentes incompreensons que padecemos por nadar contra a corrente, essa sensaçom de “desarraigo” a que nos vemos submetid@s polas leis invisíveis da

ideologia dominante, o desánimo por falta de resultados mais tangíveis e imediatos, a impotência por sacudir consciências e desvendar os mecanismos da exploraçom e dominaçom capitalista.

Necessitamos fontes de inspiraçom para afastar o fatalismo da inviabilidade da Revoluçom. Fé na elevada dimensom e sublime beleza da causa do Comunismo com maiúsculas, pola que entregárom todo o que tinham milhons de seres humanos nas mais recónditas latitudes e nos mais adversos contextos.

Para que podam fertilizar os nossos anseios e sonhos de “tomar o céu por assalto” temos que acreditar na excepcional missom a que temos consagradas as nossas vidas; devemos ter disposiçom a realizar sacrifícios por umha causa superior, um imenso amor à humanidade explorada, polo único que realmente vale a pena viver e morrer. Sem essa “emoçom revolucionária” de que falava Carlos Mariátegui, sem essa paixom por transformar, sem a mística que envolve as páginas mais brilhantes das biografias de Lenine e o Che, sem se estremecer de emoçom com o brilho das estrelas rutilantes que iluminam os povos nos combates de noites escuras, sem vibrarmos contra a mais insignificante injustiça padecida polos mais fracos e desvalidas, sem se comover frente à opressom, nom se pode ser um verdadeir@ revolucionári@ comunista. Poderemos ser militantes de esquerda, honestos activistas, mas nunca poderemos aproximar-nos do degrau mais elevado da espécie humana a que aludia o comandante heróico dous meses antes da sua morte nas selvas bolivianas.

Devemos ter presentes e nunca esquecer os risos e as lágrimas, a juventude e a madurez, as dúvidas e as certezas, o valor e o medo, superados pola tenacidade e decisom de milhares de anónimos compatriotas

Moncho Reboiras, referente ineludível

que em situaçons limites nom se arrugárom e sim engradecérom desafiando a lógica do exigível. O limpo olhar de Antolim Faraldo, de Miguel Solis e dos companheiros sublevados, fusilados a 26 de Abril de 1846 polas tropas realistas espanholas por pegarem nas armas para que a Galiza abandonasse

umha “existência oprobiosa, convertida numha verdadeira colónia da corte”; a coragem de Benigno Álvares no derradeiro combate contra o frio Inverno de 1937 na serra de Sam Mamede; o sereno e transcendental gesto de um orgulhoso José Castro Veiga “O Piloto”, a posar clandesti-

LIVROS Antonio Miguez Macho Xenocidio e represión franquista en Galicia Lóstrego, Compostela 2009, 171 páginas Finalmente alguém: Antonio Miguez Macho, entre tantos e tantas que escrevem sobre a história do genocídio galego, fai este exercício necessário de autoafirmaçom pública, nomeando-o como tal, como crime interpretado a partir da própria natureza eliminacionista sem cair na linguagem manida, cansativa, funerária e guerracivilista.

Escolhe, sem dúvida, genocídio, como nome para designar o que outros chamam, “simplesmente”, repressom.

Fala do “factum genocida” considerando e argumentando “o caso galego” como “unidade cronológica, espacial e temporária...”. Além dessa trindade, o genocídio galego é indiscutivelmente tratado polo historiador como um exercício de autoconsciência inédito na Galiza, fundamental para a recostruçom da nossa história, para a análise de muitos aspectos que nos afectam directamente pola “acçom da violência que estudamos” para situá-lo no contexto geopolítico e histórico e as lógicas que levam aos próprios assassinos a perpetrar os crimes, nas quais subjaz o mapa genético genocida com muitas etiquetas, mas com as mesmas lógicas predadoras: eclesiástica, burocrática, da compaixom e mesmo da vingança armada como santa cruzada.

Define a orfandade, o vazio que convergem no que chamamos Memória, os assassinatos; a morte física e da identidade perpetrada sem fim por políticas derivadas do assimilacionismo, da institucionalidade: herança franquista assumida com normalidade nas historietas recriadas com a “pomposidade da transiçom”. A falsa história.

Diferencia claramente a violência experimentada na Galiza, ainda hoje em dia, utilizada e designada como mera retaguarda e o genocídio galego que nom tivo relaçom directa com a guerra civil espanhola, ainda sendo fenómenos paralelos e relacionados, mas que agem com umha lógica absolutamente independente e carecem da ligaçom causaefeito. Analisa “a trama narrativa dos perpetradores” e o paradoxal negacionismo à galega, como argumento justificativo que nom esconde a necessária violência exterminadora. O eliminacionismo assumido como um mau menor: “nós (eles, elas) nom figemos nada”. (Xavier Moreda)

Karl Marx O Capital (livro segundo) Edições Avante, Lisboa 2009, tomo IV e V, 598 páginas Umha boa nova para os que pensamos que o essencial de Marx está nos 8 volumes de O Capital. O livro primeiro em 3 volumes, que foi o que se editou em vida de Marx, aparecera em 1990 numha ediçom dirigida por José Barata-Moura e Francisco Melo e traduzida por um colectivo integrado polo referido Barata-Moura, Joaõ Pedro Gomes, Pedro de Freitas Leal, Manuel Loureiro e Ana Portela. Mas agora, numha cuidada traduçom de José Barata-Moura, chegam estes dous novos volumes e a promessa de editar em breve os 3 que restam, que entrementes podem ser lidos na Editora Civilização Brasileira sob o título de O Capital. Crítica da Economia Política. O Processo global de produção capitalista.

Nom resta de sobejo recordar que o plano da presente ediçom é o que se segue: Livro I. O processo de produçom do capital. Ocupa-se no tomo I de mercadoria e dinheiro; a transformaçom do dinheiro em capital; e a produçom da mais-valia absoluta.

No tomo II de a produçom da mais-valia relativa; a produçom da mais-valia absoluta e relativa; e o salário. No tomo III o processo de acumulaçom do capital.

Livro II. O processo de circulaçom do capital. No tomo IV estuda as metamorfoses do capital e o seu ciclo; e a rotaçom do capital. E no tomo V a reproduçom e circulaçom do capital social total.

Livro III (como se indicou, a editar muito logo). O processo total de produçom capitalista. No tomo VI analisa a transformaçom da mais-valia em lucro e da taxa de mais-valia em taxa de lucro; a transformaçom do lucro em lucro médio; a lei da baixa tendencial da taxa de lucro; e a transformaçom de capital-mercadorias e capital-dinheiro em capital de comércio de mercadorias e capital de comércio de dinheiro (capital mercantil). No tomo VII, a cisom do lucro em juro e ganho de empresário. O capital que rende juro. No tomo VIII, a transformaçom de sobrelucro em renda fundiária; e os rendimentos e as suas fontes.

Eis esse míssil que lança Marx ao modo de produçom capitalista e ao qual há que fincar dente. (Domingos Antom Garcia Fernandes)

namente para a eternidade com a sua pistola-metralhadora; o proletariado ferrolano nas ruas de Março de 1972 a peito aberto contra as forças de ocupaçom que tingiram as ruas com o sangue dos abatidos Amador e Daniel; a contundente resposta dos seus camaradas de Vigo a paralisar a cidade em Setembro, também de 72, em defesa dos seus direitos e a denunciar a ditadura assassina; o último latejo do imenso coraçom de Moncho Reboiras antes de parar polas balas espanholas no Agosto ferrolano de 1975; a contagiosa alegria de viver que projecta o feixe de luz do infinito sorriso de Lola Castro na única fotografia publicada, nom som fugazes episódios das melhores páginas da nossa recente história nacional, som fontes de energia para o combate diário, para nom desfalecer, para se levantar cada vez que caímos, para prosseguir após repor forças à beira do caminho. Som os nossos heróis, as nossas heroinas. Traçárom as linhas dos caminhos do futuro. Sem elas, sem eles Galiza já nom existiria. Sem os contributos de generosidade e marca rebelde, o MLNG careceria de amanhá.

A nossa identidade comunista bebe do fluir destas experiências, que nunca pedírom autorizaçom a ninguém, que nunca se perdêrom polo caminho, que jamais procurárom o aplauso dos de cima, nem o reconhecimento dos colaboracionistas.

Avançar contra vento e maré, superando as adversidades, os mais elevados obstáculos, combatendo sem descanso, é como se forja um partido comunista sem os complexos da pequena-burguesia, orgulhoso do seu rol emancipador.

Sem umha épica e umha mística nom é possível argamassar um movimento subversivo nem avançar fazendo retroceder o inimigo.

Sem realmente acreditar em que todo é possível, que nada é imodificável, que nom existem inimigos invencíveis, nem cimeiros insuperáveis, nom há probabilidade de atingir a vitória.

Carlos Morais é secretário-geral de Primeira Linha

DVD Jean Salem Lenin y la revolución Barcelona, Península, 2010, 156 páginas Temos aqui umha nova obra arredor do pensamento a da acçom do principal dirigente da Revoluçom Bolchevique de 1917 e das primeiras etapas da URSS. Nesta ocasiom o autor, professor de Filosofia na Sorbona e director do Centro de História dos Sistemas do pensamento moderno, centra-se na análise das posiçons de Lenine em relaçom à questom da revoluçom.

Jean Salem apresenta as que ele considera seis teses principais de Lenine sobre as revoluçons, mergulhando-se nos escritos do revolucionário russo e reivindicando a actualidade das mesmas para qualquer projecto que realmente se quiger bater por umha alternativa emancipadora à podridom capitalista.

Entre estas teses, recolhem-se ideias como a da consideraçom da revoluçom como umha forma de guerra, “a única guerra justa e legítima”, com múltiplas batalhas e que nom é linear nem recta, sem sobressaltos, sacrifícios e violências. Refutava Lenine essa “ideia infantil da história” e a concepçom da revoluçom como um acto único, sem contradiçons nem dificuldades.

Também resgata do seu pensamento a importáncia do factor subjectivo para o triunfo de umha revoluçom e, portanto, o papel que joga o partido revolucionário e o das massas organizando a nova sociedade, a questom do poder e do Estado ou a necessidade prática do internacionalismo frente ao capitalismo organizado em escala planetária.

Para finalizar, cumpre destacarmos, também, a necessidade expressada polo autor de superar o silenciamento de Lenine, ligado à interesseira criminalizaçom do comunismo e para o qual também contribuiu a “autofobia” de grande parte da esquerda dita marxista, que se retirou das trincheiras e assumiu a propaganda burguesa que sataniza Lenine e a Revoluçom de Outubro para negar a possibilidade de que as revoltas do futuro ponham finalmente em questom o seu domínio.

(Anjo Torres Cortiço)

Diego Rivera FARC-EP, a insurgência do século XXI (A cámara na selva) Raramente temos ocasiom de conhecer em primeira mao, sem os media da grande burguesia como intermediários, a voz dos povos organizados e em luita. Dentre eles, o colombiano tem umha longa trajectória de incontornável compromisso com a verdadeira democracia: a das grandes maiorias excluídas, a dos activistas sociais, sindicais, políticos... que nom tenhem mais alternativa que enfrentar a violência do Estado com guerra popular.

Neste recomendável documentário de 112 minutos, temos, com efeito, a possibilidade de conhecer o conflito armado colombiano do ponto de vista da guerrilha rebelde que durante décadas liderou Manuel Marulanda.

Vendo-o, conhecemos como vivem as colombianas e colombianos que formam a guerrilha em activo mais antiga do continente americano e as fortes convicçons de justiça social que a inspiram.

Formaçom teórica, trabalho no campo, exercício físico, relaçons pessoais... todo é abordado com a perspectiva das próprias pessoas que integram as FARC. Em paralelo, conhecemos a história da sua luita, as tentativas de paz abortadas pola violência estatal e paraestatal, a resposta às mentiras oficiais sobre umha suposta “narco-guerrilha”.

Já conhecemos a opiniom do Matrix que aspira a dominar todo, incluído o pensamento e o acesso à informaçom. De facto, existem ameaças abertas do governo Uribe e de jornais como El País contra quem ousar difundir esta “perigosa” obra audiovisual. Tomemos isso como mais um motivo para optarmos pola pílula vermelha e conhecermos a realidade: a versom da guerrilha marxista.

Salvador Tió

Nº 55. Janeiro, Fevereiro e Março de 2010

internacional

7

Porto Rico, Colónia em Dous Tempos Cuba e Porto Rico som de um pássaro as duas asas recebem flores e balas no mesmo coraçom Lola Rodríguez de Tió

A luita do povo portorriquenho por sua Independência é desde os seus começos um projecto bolivariano, martiano e hostosiano, irmanado com a luita do povo de Cuba e da República Dominicana pola Independência das Antilhas. Além de ser um movimento pola independência, foi um projecto pola aboliçom da escravatura e pola integraçom de Cuba, Dominicana e Porto Rico numha Confederaçom Antilhana.

Os homens e mulheres que forjárom o movimento pola Independência de Porto Rico vírom-se forçados a conspirar a partir do exílio. O decadente império espanhol tinha perdido as suas colónias na América a princípios do século XIX. As ideias da Revoluçom Francesa tinham já raízes no pensamento bolivariano.

Homens e mulheres como Sucre, O’Higgins, San Martín, Artigas, Manuela Sáenz, Alfaro e o próprio Bolívar conseguírom mobilizar exércitos insurgentes populares que derrotárom as tropas imperiais espanholas seguindo o exemplo de L’Ouverture, Dessalines e Petion, que já tinham derrotado às tropas de Napoleom sob o comando do General Leclerc, no Haiti, em 1804. É precisamente Petión quem financia a expediçom do libertador Bolívar que teria de acender o lume das guerras de independência que libertárom a Venezuela, Colômbia, Argentina, Chile, Uruguai, Paraguai, Equador e Peru, pondo fim ao pesadelo de quase três séculos de domínio e saque espanhol na América do Sul. Já desde as primeiras décadas de sua independência a flamante república das treze colónias tinha dado mostras da sua vocaçom imperialista. A aliança forjada entre as oligarquias latifundiárias na Grande Colômbia com os EUA e o sucesso desta República do Norte em separar o Panamá da Colômbia e a activaçom da Doutrina Monroe preconizavam a futura história de invasons, golpes de estado e alianças com as oligarquias apátridas da Nossa América.

Esta incipiente concupiscência imperial nom tinha escapado ao agudo olhar de Bolívar. Esta percepçom tinha-o levado à convicçom de que a liberdade da Antilhas era parte de sua agenda emancipadora e integradora para a Nossa América. Cuba, Quisqueya e Porto Rico seriam, por essa mesma razom, cobiçadas peças a ser conquistadas polos EUA como parte de sua agenda colonizadora. As Caraíbas seria para eles o que o Mediterráneo tinha sido para o Império Romano.

O controlo das Antilhas seria essencial a sua visom de um canal interoceánico que seria ao império ianque o que o Canal de Suez tinha significado para o império británico. A partir delas, a marinha de guerra estado-unidense garantiria a Washington e ao capital financeiro e industrial o controlo do que viriam a chamar o seu pátio das traseiras.

A agenda de Bolívar ficou inconclusa. A quinta coluna santanderista que o perseguiu até a morte e o levou a pensar que tinha arado no mar, apropriou-se das terras libertadas e submeteu o povo insurgente que venceu o Império na Campanha Admirável. Assim impediu que a sua visom emancipadora se estendesse nas campanhas de libertaçom das Antilhas.

O impulso e o génio desta gesta de liberdade encontrárom eco nas Antilhas na segunda metade do século XIX. Cuba e Porto Rico fôrom aliados fraternais na sua luita pola independência que rebentou em 1868 com o Grito de Yara na Cuba mambisa e no Grito de Lares. Ramón Emeterio Betances, José Martí, Antonio Maceo, Juan Rius Rivera, Pachín Marín, Máximo Gómez e outros teriam de organizar a guerra de independência das duas asas do pássaro antilhano.

Em Porto Rico o grito de Lares seria sufocado depois que os patriotas tomárom a vila de Lares e proclamárom a Independência de Porto Rico.

O Grito de Yara seria o lançamento da Guerra dos 10 anos até 1878. Os patriotas portorriquenhos unírom-se aos mambises, escravos libertos e cimarrons na guerra pola independência das Antilhas. Depois da trégua de 17 anos, o exército revoluciónario retoma a luita libertadora em 1895 no que véu ser o Vietname do gasto e decrépito império espanhol.

Nom chegariam a ver o resultado dos seus esforços. O capitalismo monopolista que já regia nos EUA provocou o incidente do Maine em Habana como operaçom de falsa bandeira para justificar sua intervençom na guerra cubano espanhola em 1898 e nas Filipinas integrando-se assim ao muito selecto clube do capitalismo imperialista que com tanta precisom expugérom em toda a sua selvagem rapina Marx, Engels e Lenine.

A lida imperial nom seria um projecto exclusivo da Marinha de Guerra e os Marines. Duas imensamente milionárias corporaçons, a United

Fruit e a South Porto Rico Sugar, seriam as artífices da montagem do modo de produçom capitalista que converteria a ambas ilhas e à República Dominicana em um imenso canavial. Da dialéctica da luita pola independência e na contramao da escravatura surgiria umha nova forma de domínio imperial montada sobre o trabalho assalariado capaz de extrair lucros de exponencial volume.

No caso de Cuba, os Marines iriam retirar-se depois de constituírem um governo asimilista e impor a emenda Platt à Constituiçom Cubana mediante a qual atribuíam a eles próprios o direito a invadirem a ilha a sua conveniência, com o consentimento expresso dos colonos da cana que dominavam o aparelho de Estado em conluio com os invasores.

Em Porto Rico teriam de permanecer como exército de ocupaçom polos próximos 111 anos e contando. O próprio império espanhol tinhalhes facilitardo o caminho ao forçar o exílio dos principais dirigentes independentistas comprometidos com a visom bolivariana, martiana e betanciana.

Betances morreria em Paris em 1899. Hostos morreria em Santo Domingo antes de que os EUA imporam a cidadania usamericana aos portorriquenhos. Ali está enterrado, no Panteom Nacional. Juan Rius Rivera recusou o oferecimento que lhe figeram de ser Presidente de Cuba em virtude de ter sido General do Exército Revolucionário Cubano desde 1868 até 1898.

A morte e o exílio dos patriotas e o terrível furacám de San Ciriaco em 1899, que devastou os cafeeiros da ilha, destruindo a principal actividade económica do país, contribuírom para o debilitamiento do independentismo e ajudárom a marcar um caminho político com predomínio de duas formaçons políticas: a autonomia em relaçom aos Estados Unidos e o anexionismo à Uniom desse país.

Era tam profundo o ressentimento e rejeiçom à tirania espanhola na ilha que muitos dos portorriquenhos vírom na invasom ianque a promessa de instauraçom de um regime de direitos democráticos que ilusamente associavam com a suposta democracia americana. Nom demorou a se converter em decepçom a euforia inicial de muitos que vírom os ianques como libertadores.

A exploraçom foi feroz. Umha imensa massa de trabalhadores da cana trabalhava 12 horas abaixo do inclemente sol por um salário equivalente a 60 centavos ao dia. A populaçom de Cuba em 1898 era de um milhom e meio de habitantes. Tinha perdido três milhons devido às cruentas guerras de independência. Porto Rico, com um território treze vezes menor que o de Cuba, tinha em 1898 um milhom de habitantes.

Este imenso exército proletário foi forçado a trabalhar nos canaviais

com salários de fame numha safra que se estendia durante escassos 5 meses do ano. Viviam como agregados nas quintas dos colonos sob risco de serem expulsos polos patrons. As mulheres trabalhavam na indústria da agulha nas suas casas e recebiam paga por peça, sendo a sua compensaçom de aproximadamente 30 centavos de dólar por um dia de trabalho.

Durante os primeiros 50 anos da ocupaçom ianque os governadores de Porto Rico eram designados directamente polo presidente dos Estados Unidos. Leste nomeava um gabinete de governo no qual os ministros eram usamericanos ou portorriquenhos assimilistas. Nom existiam escolas públicas em Porto Rico durante os quatro séculos de domínio espanhol.

O analfabetismo era a norma em Porto Rico. Os dous principais educadores portorriquenhos tinham tido que ir ao exílio a Santo Domingo e Cuba. Ali tinham organizado os sistemas escolares. Eugenio María de Hostos, figura fundamental do pensamento latino-americano, tinha desenhado e implantado o sistema de escolas normais de República Dominicana. Lola Rodríguez de Tió, poeta e patriota emblemática da luita pola liberdade de Porto Rico tinha sido a encarregada da organizaçom e supervisom das escolas em Cuba.

Os norte-americanos, que tinham chegado a Porto Rico com a intençom de nos civilizarem e nos fazerem dignos da sua ilustrada capacidade intelectual e política (sic), organizárom um sistema de educaçom pública na ilha. O inglês era entom a língua obrigatória no sistema educativo. Queriam assimilar os portorriquenhos; convertê-los em piti-ianques.

O povo portorriquenho resistiu, negando-se a aprender inglês.

Também chegárom as igrejas pentecostais, luteranas, episcopais, bautistas, metodistas, discípulos de Cristo, testemunhas de Jeová em todas as suas possíveis variaçons para propagarem as bondades do capitalismo e a cultura usamericana. Os padres e freiras norteamerican@s chegárom como tropas de assalto a ensinar a falsa mitologia da história de suas egrégios líderes e suas imelhoráveis virtudes.

A imposiçom de um modo de produçom, a montagem dos sistemas de educaçom e a penetraçom das seitas religiosas anglos-saxónicas representam o aspecto civil da colonizaçom ianque.

Mas a mais constante forma de penetraçom ianque na vida, a cultura e a sociedade portorriquenha tem sido a montagem de umha estrutura militar que permeia todos os aspectos da psicologia dos portorriquenhos.

Nom podemos deixar de parte o facto de que a razom principal que tem sustentado a vontade de perpetuar o colonialismo em Porto Rico tem sido seu papel preponderante na geopolítica militar dos EUA. A defesa do Canal do Panamá tem sido historicamente a principal funçom da presença militar em Porto Rico. Quem controlasse o Canal do Panamá tinha a chave para luitar numha guerra multioceánica contra o Terceiro Reich no Atlántico e o Império do Sol no Pacífico. A principal guerra imperial da história da Humanidade foi a Segunda Guerra Mundial.

A base de Roosevelt Roads em Ceiba e seu polígono de tiro em Vieques fôrom cruciais para que a Marinha de Guerra dos EUA vencesse em ambas as guerras. FDR, que tinha sido ao igual que seu tio Teodoro, Secretário da Marinha de Guerra ianque, conseguiu que o Congresso financiasse essa base durante a década dos trinta quando prevalecia umha atitude isolacionista no electorado desse país. A oposiçom mais coerente aos planos imperiais de FDR e a oligarquia pentagonista foi articulada polo principal dirigente independentista de Porto Rico na década de trinta: Pedro Albizu Campos.

Dom Pedro é, sem dúvida, a primeira figura anti-imperialista da política em Porto Rico. Foi sua denúncia das intençons imperiais ianques ao começar a estabelecer a base de Roosevelt Roads a principal razom que levou o Departamento de Justiça dos EUA a acusar de conspiraçom sediciosa em 1936. Na Tribuna do Partido Nacionalista Portorriquenho, denunciou veementemente os planos imperiais nas Caraíbas e o verdadeiro carácter imperialista do projecto do Novo Trato. A resposta nom se fijo esperar. O sistema de justiça federal encarregou-se de tirar Dom Pedro de circulaçom por 11 anos até 1947.

Isto facilitou o caminho para os EUA darem todo o seu considerável apoio à figura de Luis Muñoz Marín e seu Partido Popular Democrático (PPD).

O PPD consegue o controlo das cámaras legislativas nas eleiçons de 1940 com a Independência na sua Plataforma. A grave crise dos trinta tinha movido a Porto Rico para a Independência. Os últimos setenta anos tenhem marcado a etapa da mais intensa perseguiçom do movimento independentista e o movimento para o socialismo. Sobre isso falaremos na seqüela deste artigo.

Salvador Tió forma parte do independentismo portoriquenho e é membro da Presidência Colectiva do MCB

Jornal comunista de debate e formaçom ideológica para promover a Independência Nacional e a Revoluçom Socialista galega

Edita: Primeira Linha. Redacçom: Rua Costa do Vedor 47, rés-do-chao. 15703 Compostela. Galiza. Telefone: 616 868 589 / www.primeiralinha.org Conselho de Redacçom: Comité Central de Primeira Linha. Fotografia: Arquivo Abrente. Correcçom lingüística: Galizaemgalego.

Maqueta: ocumodeseño. Imprime: Litonor S.A.L. Encerramento da ediçom: 5 de Fevereiro de 2010 Correspondência: Rua Costa do Vedor 47, rés-do-chao. 15703 Compostela. Galiza.

Correios electrónicos: sgprimeiralinha@primeiralinha.org / primeiralinha@primeiralinha.org / Tiragem: 3.000 exemplares. Distribuiçom gratuíta.

Permite-se a reproduçom total ou parcial dos artigos sempre que se citar a fonte. Abrente nom partilha necessariamente a opiniom dos artigos assinados.

Impresso em papel reciclado. Depósito Legal: C-901-1997

Solidariedade contra a repressom

ficha de solicitude nome e apelidos endereço

Recebe as publicaçons da Abrente Editora na tua morada preenchendo o formulário e enviando-o co justificante de pagamento da publicaçom ou publicaçons escolhidas à rua Costa do Vedor 47, rés-do-chao. 15703 Compostela. Galiza. Número de conta para o ingresso 2091 0387 423000009169 de Caixa Galiza-Compostela. Ao preço da publicaçom há que acrescentar 5 e por gastos de envio.

localidade

código postal

correio electrónico

telefone

publicaçom solicitada