Ho Chi Minh foi um dos mais destacados dirigentes marxistas do século XX que soubo sintetizar magistralmente a teoria leninista do direito de autodeterminaçom com o Socialismo. Nasceu em Annam 19 de Maio de 1890. O seu verdadeiro nome era Nguyen Tat Thanh, mas adoptou este alcume por motivos de clandestinidade, para assim escapar da permanente perseguiçom policial a que foi submetido pola sua militáncia comunista. Este nome significava "O que ilumina". Também adoptou o nome de guerra de Nguyen Ai Quoc, “O patriota".
Emigraçom a Europa Ho Chi Minh estudou em Hué e Saigom, até que em 1912, à idade de 22 anos, emigrou a Europa num barco francês. Foi umha longa viagem de dous anos de porto em porto até que arribou a Londres, onde trabalhou no hotel Carlton durante três anos. De aqui foi a Paris, onde trabalhou como retocador de fotografias onde conheceu a Zhou Enlai, León Blum, Marcel Cachin e Longuet (sobrinho de Karl Marx), entre outros destacados dirigentes do movimento obreiro internacional. Durante estes anos escreveu diversos artigos no jornal comunista L'Humanité. Posteriormente fundou o jornal O Pária, onde escreviam os dirigentes revolucionários dos países colonizados polas potências imperialistas europeias. Filiou-se o partido socialista francês, em cujo congresso de Tours votou com a maioria internacionalista que decidiu a adesom a Internacional Comunista. Em 1919, tentou solicitar na conferência de Versalhes igualdade de direitos para Indochina.
URSS e China e fundaçom do PCV De Paris mudou-se a Moscovo onde participou em vários Congressos da Internacional Comunista. Mai tarde foi para China como tradutor e ajudante de Borodin, conselheiro do Guomindang nas suas relaçons com o Partido Comunista da China. Por encomenda da Internacional integrou-se na escola militar de Huangpu para ensinar às organizaciones comunistas asiáticas a arte da guerra revolucionária. O director era o coronel Chiang Kai-shek e o chefe do departamento político era Zhou Enlai. Na noite de 3 de Abril de 1927, quando Chiang Kai-shek traicionou os comunistas com umha enorme matança, Ho Chi Minh consiguiu fugir e seguiu na clandestinidade organizando a revoluçom na Birmánia, na China, em Siam, passando de prisom em prisom, de tortura em tortura, impulsionando greves, motins e levantamentos armados. Por isso, naquel mesmo ano Ho Chi Minh fundou em Hong Kong o Tanh Nien, o Partido Comunista de Viet Nam. A finais da década dos trinta, Viet Nam padece um giro importante na sua situaçom, com a substituiçom do domínio do imperialismo francês polo japonés, que ocupa o país com 50.000 soldados. Libertado da prisom polos aliados em 1940, regressou ao seu país 28 anos depois de té-lo abandonado. Luitou na guerrilha durante os cinco anos de ocupaçom japonesa. Para libertar o país da nova invasom, funda o Viet Nam Doc Lap Dong Minh Hoi, mais conhecido por Viet Minh, ou Frente para a Libertaçom do Viet Nam. Também creia um exército guerrilheiro dirigido por Vo Nguyen Giap, um dos generais revolucionários mais prestigiosos do mundo. Durante muitos anos viviu numha pequena casa, apesar dos oferecimentos do governo de
mudar-se a um melhor domiíilio.
Guerra contra França Os franceses queriam recuperar os seus domínios coloniais e voltárom a ocupar o país, enquanto a guerrilha vietnamita rejeitava os japoneses no norte. O Vietminh organizou a insurreiçom geral, atingiu a independência nacional (2 de Setembro de 1945, declarada em Hanói) e fundou a República Democrática de Viet Nam, um estado operário e camponês de base socialista. Mas o retornar dos colonialistas franceses em 1946, provocou umha nova e cruenta guerra que se prolongou nove anos. 24 de Novembro de 1946 os franceses bombardearom Haiphng, con mais de 6.000 vítimas. El povo reagiu 19 de Dezembro com umha insurreiçom em Hanói.
Presidente de Viet Nam Os imperialistas començárom a retroceder: cai Dong Khi, evacuamn Cao Bang, logo Lao Kay, e posteriormente Dinh Lap. França claudicou e tivo que pedir o apoio dos Estados Unidos. O apoio ianque nom serviu de nada. Após a vitória de Dien Bien Phu (7 de Maio de 1954), os franceses som derrotados e Ho Chi Minh p r o c l a m a d o P r e s i d e n t e d a Re p ú b l i c a Democrática de Viet Nam. Apesar de que norte e sul deviam unificar-se e realizar eleiçons nacionais, Viet Nam do Sul, rejeitou o plano eleitoral e fijo preparativos bélicos. Embora o mesmo Eisenhower considerava que 80% dos vietnamitas teriam votado polo popular e carismático Ho, os Estados Unidos decidírom apoiar o sul, contendo o comunismo no norte e mantendo a sua influência sobre Indochina. Os acordos de Genevra fôrom seguidos por um período de 300 dias nos que quase um milhom de vietnamitas, na sua maioria católicos, emigrárom o sul, e outro grupo de vietnamitas budistas e comunistas radicarom-se no norte. Ho impulsionou e ordenou o apoio as guerrilhas que já actuavam desde o ano anterior no Viet Nam do Sul, formando o Frente Nacional de Libertaçom (FNL), e o Viet Cong, nome que recibia a sua guerrilha de libertaçom. Ho impulsiona umha profunda reforma agrária que acaba com os terratenentes.
Guerra contra Estados Unidos A guerra contra França sucedeu a guerra contra Estados Unidos. Morrérom mais de 5 milhons de vietnamitas e três milhons de pessoas padecérom os efeitos do agente laranja, um potente defoliante que tinha como objetivo arrassar por completo a jungla do
-
Ho Chi Minh (1890-1969) -
Teórico da guerra revolucionaria de libertacom nacional
país para isolar a guerrilha vietnamita. Durante a guerra Estados Unidos lançou mais de sete milhons de toneladas de bombas e 100.000 toneladas de substáncias químicas tóxicas, mais bombas que as lançadas durante a Segunda Guerra Mundial.
A morte de Ho Chi Minh O grande revolucionário comunista morreu na manhá de 2 de Setembro de 1969, na sua casa de Hanói à idade de 79 anos de paro cardíaco. Ho Chi Minh desejava ser cremado, e tinha declarado que este método de sepultura “é mais higiénico, e aforra espaço para a agricultura”. Mas os seus desejos, como antes tinha sucedido a Lenine, nom se cumprírom. Foi embalsamado por ordem do governo. O seu corpo exibe-se num impresionante mausoleu na praça Ba Dinh de Hanoi. Quando seis anos depois da sua morte, os comunistas derrotavam os invasores estadounidenses, os tanques levavam umha faixa com a inscriçom: "Tú sempre marchas connosco, Tio Ho". Em 1975 o nome deSaigom foi mudado por Cidade Ho Chi Minh.
Obras Proceso da colonizaçom francesa Cartom de prisom (poemas) Programa dol Partido Comunista de Indochina Declaraçom de independência do Viet Nam Acçons que "devem ser feitas" e que "nom devem ser feitas” O leninismo e a libertaçom dos povos oprimidos As três últimas estám traduzidas ao galego e podem ser consultadas na Biblioteca Marxista em Galego (www.primeiralinha.org)