Nawoord: Brig HB Heymans

Brig HB Heymans Ek het groot geword met “polisie-praatjies” van onluste in Durban, Witsieshoek, Cato Manor, Sharpeville, Paarl, Soweto, Pondoland, die Bashee-brug-moorde en vele ander onlusverwante polisiegeskiedenis. My Vader was ook polisieman wat menige dae op “Stand By” by die polisiestasie was. Ek het na baie stories geluister en baie polisiemanne wat by Cato Manor, Soweto en Sharpeville was, se verhale skriftelik bekom. Baie polisiemanne is in gewelddadige voorvalle vermoor bv. majoor Kjelvei wie se kinders saam met my op skool was. Ek weet hoe dit is om “voor te staan” by onluste. Ek het my verantwoordelikheid begryp en die implikasies en nagevolge van my aksies verstaan. Ons het baie jong manne - pas uit die skool gehad - wat hierdie gewelddadige skares vir die eerste keer gesien het! Vele kere was die polisie maar net die katalisator gewees wat wetlik moes optree om die regering en die destydse departement van buitelandse sake in die verleentheid te stel! Ek dink aan die onluste op die Goudvelde—mnr FW de Klerk was in die buiteland toe onluste opvlam. Ander kere as hoogwaardigheidsbekleërs die land besoek, is onluste opsetlik veroorsaak om die destydse Nasionale Party in die verleentheid te stel. Ons taak was verder bemoeilik en onder die loep geneem deur ondersoeke bv. van die Goldstonekommissie. Die publiek bepaal altyd die polisie se optrede— ”hy neem die ou Tante oor die pad” of “hy moet gewapende skares beteuel” —wet en orde handhaaf. Ons het linkse sowel as regse betogers en bomplanters gearresteer. Die polisie is verantwoordelik vir rus en vrede maar ook vir binnelandse stabiliteit— ’n soms ondankbare taak. Dankie aan al ons deelnemers om hierdie uitgawe ‘n sukses te maak!

klik hier

klik hier

klik hier

SLOT | END

Dear reader

Please note that in this quasi-historical magazine we make use of various sources and consequently it is obvious that the document contains various diverse and personal opinions of different people and the author of the Nongqai cannot be held responsible or be liable in his personal capacity.

Geagte leser

Vir hierdie kwasiehistoriese tydskrif maak ons van verskeie bronne gebruik en bevat die dokument uiteraard uiteenlopende en diverse persoonlike menings van verskillende persone en die opsteller van die Nongqai kan nie in sy persoonlike hoedanigheid daarvoor verantwoordelik of aanspreeklik gehou word nie.

© 2021 Brig. HB Heymans (SAP Ret.)