Somali - Obadiah

Cobadyaah CUTUBKA 1-AAD 1 wixii la tusay Cobadyaah. Sayidka Rabbiga ahu wuxuu reer Edom ka leeyahay. Annagu Rabbiga xaggiisaynu war ka maqalnay, oo wargeeys baa quruumaha dhexdooda loo soo diray.

2 Bal eega, quruumaha dhexdooda waan kaa yareeyey, oo si weyn baa laguugu quudhsaday.

Kaaga meelaha dhagaxyada dillaacsanow, oo hoygeedu sareeyow, waxaa ku khiyaanay kibirka qalbigaaga.

Oo qalbigiisa iska leh, Bal yaa dhulka igu soo ridi kara?

4 Rabbigu wuxuu leeyahay, In kastoo aad sida gorgorka isu sarraysiiso, oo in kastoo buulkiinna laga dhiso xiddigaha dhexdooda, halkaas waan kaa soo dejin doonaa.

Hadday tuugag kuu iman lahaayeen iyo hadday shufto habeennimo kuu iman lahaayeen, (sidee laydin baabbi'in lahaa), sow wax xaadma lahaayeen ilaa ay wax ku filan helaan? Haddii kuwa canabka guranaya kuu yimaadaan, sow kama tegi lahaayeen canab?

6 Sidee baa waxyaalihii Ceesaw loo baadhay! Waxyaalihiisa qarsoon sidee baa loo baadhay!

7 Raggii aad isku tihiin oo dhammu waxay idin keeneen soohdinta. Kuwa kibistaada cunaa nabar bay kaa dhigeen, Oo innaba waxgarasho kuma jiro.

8 Rabbigu wuxuu leeyahay, Wakhtigaas ragga xigmadda leh sow kama aan baabbi'in doono reer Edom oo waxgarashadana sow kama baabbi'in doono buurta Ceesaw?

9 Teemaanow, raggaaga xoogga badanu way wada nixi doonaan, oo sidaas daraaddeed mid kasta oo buurta Ceesaw jooga ayaa laynta ku go'i doona.

10 Dulmigii aad walaalkiin Yacquub ku samaysay aawadiis ayaa ceeb ku dabooli doonta, oo weligiin baad go'naan doontaan.

11 Oo waagii aad dhinaca kale istaagteen oo ay shisheeyayaashu ciidammadiisii maxaabiis ahaanta u kaxaysteen, oo ay shisheeyuhu irdihiisa soo galeen, oo ay Yeruusaalem saamiga ku ridanayeen, xataa adigu waxaad ahaydeen sidii iyaga midkood.

12 Laakiinse waa inaadan fiirin maalinta walaalkaa markuu qariibka yahay; Oo dadka Yahuudah ha ku rayrayn maalinta halaagga. Oo maalinta dhibi jirto ha ku faanina.

13 Iridda dadkayga ha soo gelina wakhtiga ay belaayaysan yihiin. Oo weliba dhibkooda ha fiirin wakhtiga ay belaayaysan yihiin, oo maalkoodana ha saarina wakhtiga ay belaayaysan yihiin.

14 Oo meesha jidadka isku gooyaan ha u istaagina si aad u laysaan kuwuu soo baxsaday. Oo ma ahayn inaad gacanta u geliso kuwuu maalintii cidhiidhiga ka hadhay.

15 Waayo, maalintii Rabbigu way soo dhow dahay quruumaha oo dhan, oo sidaad samayseen ayaa idinkana laydiinku samayn doonaa, oo abaalgudkiinnu madaxiinnaduu ku soo noqon doonaa.

16 Waayo, sidaad buurtayda quduuska ah korkeeda wax ugu cabteen ayaa quruumaha oo dhammuna had iyo goorba wax u cabbi doonaan, haah, way cabbi doonaan oo way liqi doonaan, oo waxay ahaan doonaan sidii iyagoo aan weligood ahaanin.

17 Laakiinse Buur Siyoon waxaa jiri doona badbaado, oo waxaa jiri doona quduus; Reer Yacquubna waxay hantiyi doonaan waxyaalahooda.

18 Oo reer Yacquubna waxay ahaan doonaan dab, oo reer Yuusufna waxay ahaan doonaan olol, reer Ceesawna waxay ahaan doonaan bal yaac, wayna shidi doonaan oo baabbi'in doonaan iyaga; oo reer Ceesawna waa inaan waxba ka hadhin; waayo, Rabbiga ayaa saas ku hadlay.

19 Oo kuwa koonfureed waxay hantiyi doonaan buurta Ceesaw; Oo kuwa bannaanka degganuna waa reer Falastiin, oo waxay hantiyi doonaan dalka reer Efrayim, iyo dalka Samaariya, oo reer Benyaamiinna waxay hantiyi doonaan dalka Gilecaad.

20 Oo ciidankan reer binu Israa'iil maxaabiistoodu waxay hantiyi doonaan dalka reer Kancaan tan iyo Sarefta; oo Yeruusaalem maxaabiistii Sefarad joogtay waxay hantiyi doonaan magaalooyinka koonfureed.

21 Oo badbaadiyayaalna waa u iman doonaan Buur Siyoon si ay buurta Ceesaw u xukumo; oo boqortooyadana waxaa lahaan doona Rabbiga.