最愛的周翠華 by Boogie

午餐分享會講稿節錄 2016 年 6 月 17 日每早晨，這都是新的；你的誠實極其廣大！耶利米哀歌 3:23

我中文名叫翠華，我之前喺銀行做營運風險管理，即係我會幫銀行預測吓喺運作上有邊度有機會有啲唔好嘅嘢發生，然後我會制訂一啲預防措施，令風險減到最低。(lower voice) 其實你地知唔知我講乜，我都唔知自己做乜。我就好似你地每日番工放工，我想問吓你地有邊個陣間要返工呢 ? 你地又有邊個肯定你真係返到工 ? 我原先比你地更肯定，我係一個超級有自信嘅人，唔會做冇把握嘅野，但係一件事嘅發生將呢 d 野所有改變哂。

去開開嘅精神喊，不斷

2011 年 12 月 ( 嗯 ! 差唔多 5 年喇 ) ！當中某一日 , 係星期五，咁我番緊工，臨放工嘅時候，接到護士打嚟嘅電話，佢話：「翠華，報告出咗 la ！」我以為冇事，但佢話：「證實咗係癌症，仲要係會擴散，同埋級別係好惡，你要盡快番嚟見醫生。」 …… 我記得當時我個腦係一片空白，呆望住個電腦。隔咗唔係好耐，收到家姐電話，佢口震震咁話：「媽咪個報告出咗，醫生話係癌症 …」....(huuh).… 你冇可能想像到我當時可以點反應；隔咗一陣，我細妹喊住咁打俾我，佢話：「點解會咁 ? 」我當時諗：「呢個問題唔係應該我問嘅咩？」但我實在唔忍心喺嗰個時候將我嘅噩耗話埋佢知。我實在頂唔順，即刻執嘢放工，到公司樓下 , 淚開始流，感覺到我狀態開始冧。不斷問神：「祢洗唔洗

去到咁盡？！」我明知佢喺度，我特登質問佢：「你究竟去咗邊？！點會容許事情咁殘忍咁發生喺我身上？」因為我怕媽咪承受唔到，所以冇即時話佢知我患癌，番到屋企，直標入厠所匿埋係咁喊，我完全崩潰。我崩潰咗兩日，呢兩日我不斷咁喊，……其實我好驚，我唔知道我要面對啲乜，亦唔知道我會變成點，仲可以生存幾耐？我咩都唔知，我又咩都唔想同人講，因為我知道冇人會明，包括神……我好嬲神，真係好嬲，我嗰時已經係基督徒，我問佢：「你究竟想點？又話神愛世人，如果你愛我，點會容許事情咁殘忍咁發生喺我身上？」你究竟去左邊？你喺唔喺度？」去到一個地步，我喺到諗：「呢個世界係咪真係有神呢？」呢兩日係我生命裡面最黑暗嘅兩日，因為我睇唔到呢個世界有神，即使佢喺度，都唔覺得佢愛我。我嬲神足足兩日，到第三日，天氣由兩日前嘅落雨變得非常好，神用陽光晒喺我窗邊。我房有好大個窗，望住好大嘅公園，望出去係藍天、陽光、花草樹木，還有從小伴我長大的獅子山，神在窗邊用祂的創造好似同我對話咁，我望住呢啲咁偉大又微妙嘅創造，實在唔能夠唔承認呢個世界真係有神，亦都唔能夠唔承認神嘅大能同掌權，佢仲令我諗番起之前當我有困難嘅時候衪的帶領及保守。我終於喺崩潰裡面醒番，我見到神連花草樹木都俾佢地生得咁靚，我當時諗：「我都係佢造嘅 , 天父豈不知道我的心情？」我知道神喺背後應該有佢嘅心意同埋佢係仍然掌管住嘅。我再次同神禱告：「如果你真係要我經歷呢啲，我就求你同我一齊行呢條路，因為咁我先有勇氣向前行。」就係咁，神將我嘅生命叫停：我嘅工作停咗、social life 停咗、教會生活停咗、事奉停咗…. 就係咁行上另一條路。從來冇諗過事情會發生得咁不幸，但我更加冇諗過神嘅恩典可以多得咁緊要。癌症令我更有決心向媽媽再傳福音，其實唔同嘅人向 mama 傳福音有差唔多十年，媽媽患癌終令她願意把生命交給神，確診後一星期，神讓我親自領媽媽決志信主。呢件事對我好重要，因為無論我地發生咩事，我地將來喺天家都會再見。而帶我 mama 信主都係我十幾年嘅心願黎架 !

跟住我就接受咗二次手術同化療。如果識人做過化療，都知道一點都唔易。第一針化療就出事，手指頭突然腫咗 ….guess what? 「生蛇」，我唸 : 出師不利，好擔心，記得有人話生蛇喺個身度走一個圈就死架啦喎！咁我生喺手指度一個圈 ....... 誰猜得到蛇竟生在拇指上，令我不大痛楚。神更為我預備極富經驗的家庭醫生，只有五小點微腫也能及時斷症，食咗一我星期藥就好番。見到拇指的蛇印，就提醒我神係生蛇裡面都保守我。

正餐我唔講，tea time 我都要食兩個麵，一隻蛋，兩隻餃子。大食到診所 nurse 個個都知。就因為我食得咁 happy，鼓勵到我 mama 化療時都一齊食，有時仲同佢去酒樓飲下午茶。.... 係嗰時，我終於明白神點解讓我同 mama 一齊確診，因為有我陪住我 mama，佢整個化療都好正面同積極，最重要，我影響到佢同我一齊都係不斷食，醫生都讚佢完成得好好。神又讓教會弟兄姊妹每星期為我和媽媽禱告，有好多鼓勵同慰問；最重要當然是家人對我嘅照顧。家姐早晨四點起身煲湯，煮野我食，實在好感動。呢個病讓我睇到好多人愛我。係喎！我仲未同你地講，我患嘅係…乳癌，手術之後我第一時間問醫生攞咗啲好勁嘅除疤膏，但結果我望住呢條疤痕…我見到嘅唔係身體上面多咗個瑕疵，反而佢令我諗起神喺整個過程嘅保守同恩典，仲令我諗起家人、同弟兄姊妹為我流淚、禱告、俾我鼓勵嘅回憶，就係佢令我嘅生命好唔同。所以我最後冇用到 d 除疤膏，因為呢條疤痕係我生命裡面一個好重要嘅轉捩點。神喺呢個病對我嘅保守仲未完喎，我 2012 年 6 月完成晒化療，神就喺 7 個月之後 ( 即 2013 年頭 )，為我預備咗生命裡面好重要嘅野 ...... 你哋估唔估到係咩呢？佢為我預備咗生命裡面最重要嘅另一半，我哋喺 2014 年 10 月舉行埋我地嘅婚禮，呢個婚禮都係神俾我媽咪一份好大嘅禮物。

化療初期心情起伏好大，之前已為脫髮剪短髮，再剃剩 6mm，做哂準備會甩頭髮 , 但頭髮唔係逐少甩，打完第二針洗頭，hum 一聲甩哂，成浴缸頭髮原來係咁恐佈 , 最可憐係自己要執番，我坐喺廁所度喊，因為我覺得我家人唔明白我。神卻體貼地安排一位我素未謀面的「師姐」打電話比我。女生傾吓偈又開心番，我喺度諗有幾多人一生有光頭機會？ try 都幾好。結果我望吓自己光頭個樣，發現都 ok wor。有好多化療病人會嘔，食唔到野，但係真感恩，就算有隻藥醫生話會嘔，幾日食唔到野，但係我呢，只係打完頭兩日叫做冇乜胃口，我嘅冇胃口即係咩呢？就係全日裡食四碗 congee, 飲三碗湯 , 飲一包營養奶粉，同食好多水果。只要過咗呢兩日呢，嘩～不得了，一日食五餐，

我媽咪患嘅係肺癌，確診嘅時候，醫生話已經係末期，而且只有幾個月命，但由確診到同我一齊化療，到我嘅婚禮，已經 3 年啦！我唔知你哋想唔想像到我媽媽，由同個女一齊化療到親自主持個女婚禮嗰份喜悅，你哋想唔想像到 ? 你地睇吓係咪好開心呀？呢幅相係我 mama 喺係婚禮裡面影嘅，亦係佢離開我地三個月之前嘅相。佢唔似末期癌症病人呀呵？好感恩佢當時仲行得走得。雖然我媽媽喺我婚禮之後三個月，突然離開咗我地，返咗去天家，但係神讓佢離開之前，完成咗佢一個最大嘅心願 ----- 就係成功將我嫁咗出去。我諗將來我喺天家見到我 mama，佢一定會話：我嘅婚禮係神俾佢離開之前最大禮物。

呢幾年真係發生咗好多野，其實我唔知道前面仲有啲咩會發生，唔知道神會唔會容許更不幸嘅事發生喺我身上，到時我嘅情绪仍然會有波動，因為我都係人，我更加冇辦法管理自己生命嘅風險，但係我有一個好辦法，就係將我嘅生命交俾神，交俾呢位生命嘅掌權者，因為佢一定會好似之前咁為我開路。無論條路幾難行，我都有勇氣向前，因為神唔會俾我一個人，佢一定會同我一齊。除咗神之外，佢仲俾多咗一個人同我一齊行，就係我老公。我同你哋介紹，呢個就係我老公 , Tim, 佢巳經做咗我嘅御用琴手，我同 Tim 好想同你地分享一首詩歌，好想話俾你地知呢位愛我，沿路一直陪住我同媽媽走過好多困難嘅神，都一樣咁愛你地，都一樣好想陪住你地走過你地大大小小嘅困難。呢首歌好易唱架，我好想邀請你地陪住我一齊唱，好嗎 ?

華女畫作

播放：有一天

當年 , 令我晴天霹靂的乳癌 , 原來並沒有離開 , 也沒有死亡 , 只是一直沉睡著 , 像一條埋伏在茂密林蔭下的毒蛇。2017 年年中 , 當護士致電報告化驗結果 , 証實癌症復發 , 我當下不斷搖頭 , 要護士再三確定沒有弄錯。其實我早把牠忘記 , 想不到卻突然來襲 ......

起初並未意識到情況危急 , 但每位醫生都診斷復發並擴散後不能根治 , 藥物也未必有效 , 身邊朋友亦異常緊張時 , 我才曉得這條潛伏多年的毒蛇來得異常兇猛 , 且生養眾多 , 在多處淋巴和骨都有腫瘤。這時 , 我才意識到 , 死亡認真地向我招手 , 這是索命的毒蛇。我並不害怕死亡 , 因為知道神早為我預備地方 , 但每每想到剩下愛我的人 , 特別是家人和我的另一半 , 當初約定「執子之手 , 與子皆老」, 淚水總是急不及待的跑出來。感謝神 , 讓我在最傷心的時候 , 想起哥林多前書 2 章 9 節 : 「如經上所記 : 『神為愛他的人所預備的 , 是眼睛未曾看見 , 耳朵未曾聽見 , 人心也未曾想到的。』」我不知明天如何 , 但我知誰掌管明天。世上最可靠的醫生並不在地上 , 而是在天上。醫治我的 , 不是醫生或藥物 , 而是掌管萬有的祂。我擦乾淚水 , 和我的另一半憑信心踏上兇險的旅程。我倆好像走在曠野 , 既黑暗又方向難尋 , 但神總有方法 , 讓我倆在黑暗中看見光 , 好跟著祂走 ..... 魔鬼最懂找機會 , 必定用這條毒蛇動搖我倆對神的信心 , 所以我倆立志更緊跟隨主。以往晚上總有不同活動佔據我倆的時間 , 現在身處曠野倒好 , 沒有太多纏累 , 晚飯後 , 就是靈修時間 , 神總會在我倆中間 , 用每篇文章與經文提醒、教導、鼓勵、安慰我倆。奇妙的事情就在黑暗的曠野發生 , 我倆不約而同發現這段日子竟是我倆生命中最甘甜的日子 , 靈命亦是最燦爛。這份甘甜令我想起以色列人在曠野吃的嗎哪 , 聖經形容它『滋味如同攙蜜的薄餅』, 像是簡單 , 卻充滿愛 , 令人難忘又回味。原來靈命越是燦爛 , 就越清晰看到神的光 , 更深感受到神的愛。魔鬼 , 本想藉著這條毒蛇用絶望和悲哀纏磨我倆 , 牠卻不知不覺為神「效力」, 帶我倆走進這奇妙旅程。我並非刀槍不入 , 只是一名 100 磅的弱質女子 , 仍然有情緒 , 會驚慌 , 又怕痛 , 像先前癌細胞入背脊骨 , 躺在床上變成艱難的動作 , 痛的動彈不得 , 到天亮仍睡不著 , 但神總有方法 , 每次抓緊祂 , 祂總會帶我繼續踏前。前路雖然黑暗 , 但神仍然讓我倆看見光 ; 前路雖然難行 , 但我倆仍會一直向前走。魔鬼可以摧毁我的健康 , 甚至我地上的生命 , 卻不能摧毁愛 ; 即或可以摧毁人的愛 , 亦不能摧毁神的愛。我並非一定要活 , 但如果神許可 , 我仍然會努力走下去 , 努力見証神的愛和終極的主權。華 2017 年 11 月

我與丈夫結婚三年多，一直租住別人的單位，身邊親朋總覺是時候計劃置業。我倆素常節儉，亦有儲蓄習慣，隨波逐流地開始為自己安樂窩籌算。一天，正為自己安穩居所做白日夢，突然，心裡冒出一個問題：「我倆擁有安穩居所，那，神的事怎麼了？」身子往椅背一靠，定晴望着天花板，突然想起曾在旺角街頭，看見一位身穿汗衣的中年男士，從垃圾箱撿出別人吃剩的魚蛋和紙包飲品充飢 ...... 心裡想，這輩子只為自己活，從未真正為神幹一點事；當首期投進銀行之際，街上卻充滿只求兩餐溫飽亦屬奢望的人。當夜，連忙跟丈夫分享那份牽動我心弦的感動，他義無反顧地支持。這樣，置業的念頭打消了，我們開始為提供食物予有需要人士禱告。要助他們解決兩餐温飽，首先想起飯和麵包，我本是愛吃麵包之人，以往每天總要嚐過包香才能滿足。六年前確診乳癌後，我便包不沾唇，因為只要隨意看看市面上的麵包成分，就會發現一個小小的麵包竟然充斥着多種化學物質。六年前的立志突然再次湧出來：「我要焗製癌症病人也可安心食用的麵包！」。一幅圖畫頓時浮現眼前，我倆站在一所麵包店，一邊賣無添加健康麵包，讓癌症病人有所選擇；一邊為有需要人士每天焗製麵包讓他們免費領取，就是這個夢！愛吃麵包，卻對做麵包零認識的我，為要朝向這個夢，首要任務是搜尋做麵包課程。尋尋覓覓之際，突然噩耗再臨，主診醫生告之乳癌復發，已是末期，並在身體廣泛擴散。我急忙放下工作，動手術取出樣本化驗，再忙着見醫生。........ 驚慌過後，頓時發現自己閒暇在家，正是最佳時機學做麵包。一口氣報讀了數個課程親手搓麵包，身體雖然疲累、疼痛，但心裡卻莫明的喜悅。修畢所有課程，卻發現即使標榜健康麵包，仍需加入極多牛油、奶和糖，以提升味道與口感。內心那份執着驅使我繼續尋找，終發現源於外國的酸種麵包，正是我心目中真正健康的無添加麵包。我開始鑽研、嘗試、失敗、再嘗試 ...... 第一個像樣的酸種麵包終於出爐。期間不住禱告，求神賜我智慧做出合祂心意的麵包，賜我倆方向和勇氣，亦為我倆開路。

兩個沒有經營店舖經驗，亦未與做麵包結下任何緣份的傻子，只憑着心中的感動立下志願，但卻未知怎樣踏出第一步。初步估計，我倆的積蓄只足夠開業，並支撐數月。沒有相熟麵包師傅、沒有正規做麵包訓練、沒有深厚麵包知識 ...... 什麼也沒有，只有對神的信心，深信倘若合神心意，祂定必有所安排。這是一份感動，是一個夢，並非我的遺願，實不願意為着自己可能短暫的生命草草完成此事。深信神會按照祂的時間、衪的計劃，明顯的向我們亮起綠燈。也許是等候，也許是另有安排，倘若神並非藉我成就這事，我一點不堅持，只求神賜我倆力量成就祂的計劃。正當定意記下這個夢，突然全身疼痛，等着痛楚過後始落筆，日子一天一天過去，但痛楚依然。我決意爭取時間，忍着疼痛記下這個夢。即或未能圓夢，我仍深盼藉此鼓勵擁有同一感動的弟兄姊妹勇敢成就他／她們的夢；這樣，豈非也就是圓了我的夢？！華 2018 年 2 月

華

阿華小時候是一個漂亮可愛的小女孩，活潑聰明。有一次要割眼瘡，之後一隻眼蓋着紗布，她就說自己是獨眼龍。又有一次玩耍時跌穿頭，要送去醫院處理傷口，但也沒有哭半聲。她有很多鬼馬主意，兒子小時候很喜歡跟她玩。因她擅長畫畫，常常要她畫最喜愛的 Pok'e mon。她肯嘗試，不怕辛苦。工作、學習、事奉，常常見她很忙碌，晚上很夜才回家。她不怕付出，為了希望幫助一個家人，就去讀了幾年輔導課程。在媽媽患癌病時，她亦在治療中。她就是上帝安排的天使般陪伴媽媽一起抗癌，成為了媽媽很大的支持。雖然很年輕就患上癌症，她仍然不住讚美神。她抗癌成功後，在婚禮上她不忘感恩，將榮耀歸給神。她更加投入事奉。甜蜜的婚姻是上帝給她很大的祝福。她很堅強，生命力令我非常敬佩。當發現癌症復發時，勇敢地面對一個又一個的療程。堅持不放棄，像是一個戰士。她一步一步被癌魔轄制。當癌症擴散到肝，我已經崩潰了。當我問上帝為什麼要這樣對一個生命戰士，她仍然堅持着告訴我要接受甚麼甚麼療程。最後癌細胞從肝撤退，竟入侵到腦膜。我的戰士倒下來了。她最後歸回安息，結束了勞碌的一生，亦從她身體的轄制釋放出來了。在她離開的前一天，她說：「我明天約了媽媽 12 點在門口等。」她就這樣安息主懷了。

我相信你會一直活在我們中間。我們將來還會在神的國相會。感謝你為我們一家帶來的喜樂，特別是 Michael 無數美好的童年回憶。你和 Michael 一起畫的畫、那隻亂叫的癲雞、那兩盞從來沒有開著過的燈都會留在我們的記憶中。我相信神的國是一個不散的豐盛筵席。在神的國裡，你想吃甚麼就吃甚麼，吃下去不會嘔吐。這一年來當你的身體漸漸衰弱，我忽然感受到生命的脆弱，我必須珍惜眼前。每星期一次的家人晚飯成為重點。你想吃甚麼，我都會努力試做。雖然做得不太好，但看見你吃得開心，我就有動力去做得更好。看見你在病榻上的景況，我求上帝除去你的病苦。想不到上主選擇這個方法去釋除你的勞苦。將來我們要在神的國相聚，我們一起參與上主的筵席。在那裡沒有悲哀、號哭，也不再有痛苦。上主將一切都更新了。大姐夫

Wah, You are always the coolest! Miss you forever!

她在世的日子雖然短暫，但卻活出美麗的人生，作了美好的見證。阿華，我永遠懷念你，你依然像燦爛的陽光照耀着。

Always love you Michael 愛你的碧

你的生命已讓我看到很多奇蹟；還記得你離開前的幾日，我們一起祈禱，你希望神醫治你的病，讓我可見証神蹟；我一直也默默深信奇蹟會繼續發生，奈何⋯⋯ 謝謝你陪伴我渡過不少艱難的歲月，互相總是不離不棄地面對，即使今天你先停下來，放心，承諾天家再聚！愛你的珊

阿華，你是擁有無窮精力、做事往往出人意料之外的冒險家。你自小便外向及勇於嘗試新事物，媽媽常言道：「你如果生來是男孩子就更適合！」你喜歡走出自己的安舒區，慣守常規的我有時雖不盡認同，但仍會支持到底，因為清楚這就是你；同樣，在我需要支援的時候，你每次都默默地支持我，甚至用你的方法陪我走過幾次人生低谷。感謝你讓我重拾教會和信仰，與你互信的默契盡在不言中。我很喜歡你積極正面的人生處世態度，充滿正能量，你的自信讓我喜歡親近你。

阿華你的堅強、果斷、好學不倦、勇於冒險、敢於嘗試和對信仰的堅定，令我既敬佩，又羨慕。在第一次患病康復，你仍不停地進修，想將學到的知識去幫助別人；即使病發後，你仍每晚靈修與神溝通，令我慚愧不已。在抗癌期間，你一直正面樂觀，記得你的腳水腫至差點穿不下鞋子，你仍堅持回教會唱詩事奉，回家時還滿心歡喜地說「神蹟呀！事奉完，腳消了點腫。」；縱使你的肝臟脹大頂住胃部，你也會迫自己吃，因你怕營養不足就不能繼續化療；你的肌肉和骨痛令你寸步難行，你也沒有停下來，反而去公園呼吸新鮮空氣。你常說你愛大自然，因可看到神創造的美。

我自小便喜歡你畫給我的公仔畫，到現在你畫給樂道的畫，同樣得到他的垂青。可能正因為你那種不守常規的性格，你的姨甥特別喜愛跟隨你。感謝你在我的婚禮留下美麗的歌聲，我會永遠記著的。你又為我們一家留下很多令人回味的片段，在家中親自製作腸粉和笑口棗（弄到滿枱滿地都是麵粉和芝麻）、學習畫國畫（買大堆畫畫裝備，又畫得似模似樣）、經常買些新式小家電及家居用品（往往成為置在家中角落的雜物）、為幾姊妹賣舊書（原來賺取的錢只夠換到你手中滿滿的幾盒西瓜盅供大家分享）、被填滿了卻很快又嚷著餓的肚子、多不勝數的家居小意外 .......，這些我們常常話當年的點點滴滴，會成為我一生對你的追憶。我相信你停不下來的性格會令你在天家仍然忙這忙那，唱詩、製作麵包、肥皂、畫畫、扭氣球 ......，想念你，期待與你天家再聚。愛你的阿儀

華，在過去一個月你躺在病床的時候，身體雖然有各樣痛楚及不舒服，但仍然努力喝下我們每天為你製作的湯、粥和果汁，為我們帶來一點點安慰。在最後關頭，你依然努力與疾病對抗，在返天家前的清晨，你還努力吃下煲湯的蘋果雪梨和幾口香蕉，這就是你頑強，不會放棄的性格！你是不會墨守成規，勇於嘗試新事物的人，特別在飲食方面，你永遠支持我的新構思，包括各式火鍋、DIY 燒乳豬、燒乳鴿、燒烤各種奇特海鮮，一個早上去兩間茶樓飲茶等，都是我們美好的回憶！我最欣賞你那種大事謹慎，小事求其，不拘小節的處事方式：「嘻，求其啦，唔好煩啦！」。這是常出自你口中的說話，也是我永遠支持的生活態度 ! 今日，你先行與主在天家享受永生，他日我們也必在天家相遇！

Jackie 妹夫華姨 ,

I love watching YouTube, singing and playing with you. I like your drawings. I miss the happy time when we made bread and desserts together. Daniel

I believe that I work here not because a coincidence, but because it is part of God's amazing plan for my life with you all, especially with you. I am very thankful and grateful because I am considered a family while I work here. I will never forget our togetherness .... goodbye my lovely sister Wah ... I wish that you have been with the Giver of goodness,,,may all the pain you had is now gone..... My sister and my best friend WAH...I LOVE YOU SO MUCH , SEE YOU AGAIN IN THE GREATEST PLACE. Ester

記得當初 , 我地 2010 年在東九分堂認識 , 我俾妳嘅笑容、開朗吸引住 , 我自細比較孤僻、寡言 , 被形容為獨行俠 , 但同妳相處 , 竟然覺得同妳好啱 channel, 就咁俾妳吸引住。一齊喺東九事奉 , 越黎越認識大家 , 就更想深入了解妳 , 直到 2011 年尾 , 妳第一次癌症病發 , 所有野被迫停落黎 , 而我地就好似喺對方嘅生命銷聲匿跡 , 我冇親身去探妳 , 藉口係驚打擾妳休息，其實係我唔知講咩安慰嘅說話 , 呢度我好想同妳講聲 Sorry! 2012 年中 , 妳完成治療 , 當時確定完全康復 , 妳再一次出現喺眾人面前 , 當我再次見到充滿陽光、喜樂嘅妳 , 我就不知不覺咁愛上左妳 ! 2013 年 2 月嘅一次行山活動 , 我同妳一齊每人一邊拖住個小朋友行 , 當時感覺就好似拖住妳行咁 , 個心卜卜跳。2 月 13 號晚上 , 我鼓起十足嘅勇氣向妳表白 , 而妳嘅接受 , 簡直令我無比興奮 ! 開初拍拖 , 妳話當 confirm 呢段感情時係好開心 , 開心到連工都唔想番 , 淨係想同我一齊 , 其實我都係 !

2014 年 1 月 1 日 , 我決定向妳求婚 , 因為我知道 , 妳係天父俾我一份最大、最好嘅禮物。妳問我 :「你真係唔驚 ?」我答 :「唔驚？」搵到個咁啱嘅人 , 唔娶妳先後悔 ! 2014 年 10 月 25 日 , 就在這天 , 舉行我地嘅婚禮。結婚後 , 我地就不停去旅行 , 每個地方都有深刻嘅印象 , 在北海道第一次食新鮮燒扇貝加蟹腳海膽、去澳洲 "pick your own fruit"、美瑛靚到 dump 一聲嘅花海、沖縄嘅 ..... 苦瓜炒蛋 , 有太多太多嘅回憶 , 雖然唔係每個地方都咁好玩 , 但同妳一齊 , 去邊度都咁開心 ! 同時 , 妳亦帶住我一齊積極事奉 , 無數人都被妳帶領敬拜時嘅真誠同投入所打動。好景不常 , 2017 年初 , 妳被確診癌症復發 , 妳話 :「唔係下嘛 , 真係 5 年咁準 ?」我話 :「唔怕 , 上次冇我嘛 , 今次有我同妳一齊 , 冇事嘅 !」起初開始接受荷爾蒙治療 , 病情尚算穏定 , 跟住妳就不斷學唔同野 , 去用盡所有方法服事天父 , 仲學埋扭氣球 , 並且開始發呢個麪包夢 , 妳想親手去整純天然、無添加嘅健康麪包 , 讓其他癌症病人可安心食用 , 唔洗擔心有其他化學品食嘅健康麪包 , 又將呢啲健康麪包派俾生活有困難嘅人 , 除左幫助佢地實際需要外 , 更重要係俾佢地認識天父 ! 期間 , 妳仍然不停咁事奉 , 總之一有機會 , 身體情況許可 , 妳就會去事奉 , 其實我見到妳咁攰 , 我好心痛 , 我仲嘗試「勒令」妳休息 , 但妳唔肯 , 妳反而話 :「每一次事奉 , 都係天父俾我地嘅恩典 !」

就係咁，天父藉著妳，不停咁影響妳身邊嘅人，亦不停改變我嘅生命，讓我地兩個雖然喺困苦、黑暗嘅環境，但靈命、同天父嘅關係，卻日漸增長。 2018 年下半年 , 痛楚蔓延全身嘅骨頭 , 但妳仍然燃燒妳嘅生命 , 並且神讓我地開始認識到 , 咩係「生命敬拜」。2019 年 1 月 1 日 , 當妳知道天父讓妳踏入 2019 年 , 妳不自覺咁唱起《數算主恩》呢首詩歌。之後病情急轉直下 , 甚至要過一個最痛嘅生日 , 夜晚又痛到瞓都瞓唔到 , 就算瞓到 , 又唔可以自己起身 , 因全身骨頭實在太痛 , 但妳依然抓緊天父。因病情太嚴重 , 甚至有肺積水 , 妳決定再做化療 , 剛開始時 , 病情有所好轉 , 我地都大感欣慰 , 但好可惜 , 癌細胞不停咁轉移陣地 , 匿埋喺個肝 , 最後去到腦膜。

喺最後嘅日子 , 可能因為腦膜被癌細胞影響 , 妳有時會變番好似個小朋友咁 , 喺人眼中 , 係好不幸 , 但我相信 , 當中一定有天父俾妳同俾我地嘅恩典 , 因為天父佢知道 , 如果妳係在完全清醒嘅時狀態下承受呢啲 , 妳嘅精神早已崩潰。

回顧妳嘅生命 , 妳做每一樣野 , 都一定會盡心盡力咁做好 , 每一次敬拜 , 妳都一絲不苟 ; 同時妳亦都係最顧及其他人的 , 當妳病重 , 身體因軟弱乏力 , 所有動作都要好慢 , 妳成日都話 :「唉 , 唔好意思 , 又係我阻住你地。」其實我地仍然能夠照顧妳 , 已經係神俾我地嘅恩典 , 亦都好開心 , 妳怪自已 , 不如怪我照顧得妳未夠好。妳一啲都唔怕死亡 , 因為妳知道天父已經為妳預備更好嘅地方 , 我知道妳擔心嘅 , 反而係我同阿珊 , 但我而家學會咁樣祈禱 :「天父呀 ! 原本兩個人走嘅路 , 而家得番我一個去走 , 咁祢要俾加倍嘅力量我 , 我先可以繼續走落去 !」而且我同阿珊 , 同其他屋企人都會繼續互相支持幫助 , 互相照顧。所以 , 妳而家可以放心玩 , 放心食 , 叫天父做晒妳所有妳中意食嘅野 , 一日食 5 餐 , 唔夠就食足 7 餐 , 咁先係完美。而且喺天父嗰度 , 一定有比我地樓下公園仔更靚、更好嘅地方 , 妳終於可以盡情去曬太陽游水 , 放開腳步 , 盡情跑步啦 ! 而我就繼續喺地上跑 , 我會做好每一 set 妳教我做嘅運動 , 讓我能強壯多一啲啲 , 留喺地上耐一啲啲 , 為神做多一啲啲嘅事 , 把握每一個機會見証天父 , 讓人認識天父。不過俾我留耐多一啲啲好啦喎 , 因為我每一日都會好掛住妳 , 但我會完成天父要我做嘅野 , 我先有面目去見天父 , 同再一次見妳。我地嘅麪包夢 , 我一定會盡我全力將佢實現 ! 永遠都咁愛妳嘅傻瓜

華女的新歌！希伯來人的詩篇四十篇第三節：「祂使我口唱新歌，就是讚美我們神的話。許多人必看見而懼怕，並要倚靠耶和華。」以前的我對這節經文的意思總是似明又唔明。但自從在恩福敬拜隊裡認識了華女，看見她對神的心意，敬拜的心，及至後來在患病的日子裡如何的信靠主，我就漸漸明白過來！華女並沒有因為 cancer 帶給她的痛楚而埋怨神，反而繼續信靠，不斷經歷神全新的恩典而唱出出人意外的平安及喜樂的新歌！在她身邊的弟兄姊妹有目共睹，無不驚訝神在她身上彰顯的大能，更成為大家生命的學習！真是生命影響生命的新歌！

華女在她臨走前寫給我的見證裡面有這樣的分享，她説：「神容許我所有都被拿走，健康、事業、社交、金錢、權力，好似給我一條好難行的路，卻讓我走向一條好容易見到神的路！」我真的很驚訝華女在她人生最困難嘅時候有這樣的體會，實在是神的大能！今天，華女已經息了地上的勞苦重擔、身體的病痛，與主耶穌同在！她不但沒有因為離開了就停止敬拜，反而在永恆裏繼續唱新歌來讚美敬拜神！華女，就讓這一位無所不在的三一真神帶領我們無論在天上或地上的都來一起敬拜祂，直到永遠！ Amen! 倫牧 Alex PaPa

一首現代的詩歌《愛喜樂生命》就是對華女的生命帶出一個最貼切的形容！歌詞出自羅馬書八章三十五到三十九節。

這也是華女的生命詩歌！

念華女！「天將降大任於斯人也，必先勞其筋骨，餓其體膚！」這句話活現在華女的生命中，她是從病患和軟弱中生命不斷被更新，神也藉着她的生命去影響更多的生命。在她身上，我看見了保羅所說：「身體雖然衰敗，心靈卻一天新以一天！」與華女認識這麼多年，有三個片段深深印在我的腦海中：當華女癌病復發之後，有一次關心她，希望她可以休息一下，暫時放下敬拜事奉，她當時回應她不知道還可以事奉多久，她希望把握每一次可以事奉的機會。我明白她的心意，因此也再沒有「勉強」她休息了。今年年頭，當我計劃聖誕佈道會時，我第一個想起的就是華女。我知道她很想見證神，我也很想她能見證神，當時她的身體仍然軟弱，然而，她與 Tim 商量及禱告後毅然答應了。到了八月，知道了她的身體進一步轉差了，我想勸她專心休養，佈道會的事我可另作安排，叫她不用掛心，怎知她對我說這個佈道會是她和 Tim 的目標！她已作了最壞的打算，萬一不能親自分享見證，Tim 也會代她分享！再一次，我沒有理由拒絕她了。我想說的是，華女就是這樣毫無保留地去事奉的姊妹。每一次當我想去叫她停下來的時候，我反被她的回應震懾我的心，彷彿我就是那隻在她腦袋中的小魔鬼在攔阻她去事奉神一樣，我每次聽完她的回應，我都啞口無言，只希望神蹟再次出現！現在華女可以直接在耶穌身邊事候主，我相信對她來說是好得無比的。雖然我們一直期望的神蹟沒有出現，然而，我仍然相信神的智慧和道路高過我們的，正如耶穌說：「一粒麥子不落在地裹死了，仍舊是一粒，若是死了，就結出許多子粒來！」我相信神仍然使用華女的見證去影響更多的人，我在禱告期待另一個神蹟的誕生！志旋牧師

今年六月底，有機會和華女及 Tim 兩夫婦吃飯，短短兩小時的相聚，充分感受到華女對上主堅定的信心和對信仰的認真。在她分享治療帶來的不適時，我們更深感受到的，是她內心的平安。她平靜而帶微笑的面容，深深感染著我們，令我們為之動容。華女，妳每次站在台上領敬拜，總是滿有能力。東九的弟兄姊妹，期待在天家再次與你一起敬拜主。 Tim，那天你背著一個大背包，在吃飯的過程，適時為華女遞上各樣需用的物品，你對華女無微不至的照顧，成為她病患中最大的支持。在這段艱難的時間，深信主的愛和恩典夠用…… 華女，天家再聚！

Selina & King

不經不覺從教會團契和敬拜小組認識阿華已經有 20 多年，我們一起在敬拜中成長。神賜給阿華美妙的聲線，加上她對神真誠的信心，唱出來的歌聲都是其信心的演繹。阿華對神的堅持，對神應許的執着，現在成為我們美好的回憶： 2012 年 10 月 28 日：阿華完成了療程，休息過後，重新歸隊 ( 恩福 Team B 敬拜隊 )。當天是主日，我們一起唱《沙漠中的讚美》和《神大愛》，阿華在敬拜中勇敢地分享她的經歷。我帶領敬拜多年，那是我唯一一次在恩福堂禮堂的台上流淚。「何時我跌倒，何時祢扶持，危難遇風雪，祢必庇佑。前途在祢手，牽我到白頭，守護我，從今天起，直到永遠。」這是聖經詩篇 23 篇美麗的意繹。

2014 年 10 月 25 日：Team B 為阿華和阿 Tim 獻唱《The Gift of Love 神賜愛》。愛裏沒有懼怕，我們見證一對勇敢的新人，為神所賜每一天的新生活而感恩。 2018 年 12 月 9 號：華因為容易疲倦，需要早睡，不能再參加 Team B 晚上的練習，也就不能再出隊。她卻主動找我要幫忙馬鞍山分堂的敬拜，因為那裏練習時間較有彈性。當天主日其中一首詩歌是阿華很喜歡的《奔跑不放棄》，她分享其中一段至愛的聖經經文，是出埃及記第 14 章，以色列人埋怨神，因為前無去路 ( 紅海 )，後有追兵 ( 埃及軍隊 )。就在這危急關頭，以色列民經歷了在舊約歷史中其中一個最偉

大的神蹟。過往我見證阿華，面對人生大風浪，她都堅持對神的信心，期望着如分紅海的神蹟，她也經歷神許多的奇妙安排。 2019 年 6 月：阿華約我和家人在她家附近的一個飯堂吃飯，為我們離開香港而餞行。她高興地說，在同一個飯堂，已有不少她的好朋友和主內弟兄姊妹來與她吃飯。我想到在那段時間，阿華要經歷不同療程反反覆覆的效果，忍受各種不同的副作用，她仍堅持着眼在人生的美麗色彩。神的憐憫，每天早晨都是新的。與妳在敬拜路上一起服侍的 Victor 2019 年 10 月 16 日

華女與恩福 Team B 感謝神！讓我哋可以同華女一齊服侍祢十多個年頭！初初認識華女，覺得佢笑容燦爛又溫暖，風趣幽默，點子多多！認識多咗，更發現佢係一個忠心愛主、有主見、樂於助人嘅姊妹，呢啲感覺咁多年都無變 ... 直到佢患病，佢仍然以一貫樂觀幽默嘅說話同大家分享呢個消息，亦坦言自己好怕痛 ... 感謝神！嗰一輪嘅治療順利完成令華女可以歸隊！佢仲留咗個新髮型，笑說自己似「藍寶石王子」！記得佢返嚟第一次服侍就係唱《沙漠中的讚美》，佢喺台上分享，感謝主讓佢喺病中經歷主嘅豐富恩典，令佢可以企返喺呢格階磗去敬拜佢，而我哋企喺隔離階磚嘅，都深深被華女嘅見証感動 ... 我哋見証住華女喺病患中一步步建立對神嘅信心同信靠，由柔弱怕痛嘅姊妹，漸漸成為生命戰士！不論佢有幾痛，佢仍然帶著喜樂嘅心，深信神會開路同供應！有姊妹形容，佢嘅信心大到可以移開一座山呢！呢個亦係華女留俾我哋各人最深刻嘅印象！記得華女喺今年三月帶敬拜時最後一首詩歌係節拍強勁嘅《數算主恩》，當時佢其實已經好虛弱，但當佢領唱呢隻詩歌時，卻係滿有活力同喜樂，向我哋展示何謂生命敬拜！而家回想，呢首歌就好似華女嘅凱歌一樣！感謝神！華女，感謝神讓我哋相識！期待同你喺天家相遇，再一齊夾歌敬拜神！

十載與華並肩行得勝病魔證神恩華添桌遊愛意萌添情牽動華女心豈料病魔再纏身敬拜事奉終此生

天父愛華海般深蜜踐珍藏留足印師母情深心事問佳偶天成羡煞人華添仍然心繫神生命見證榮耀神蜜組—十週年敬上

看高組 34

東九敬拜隊員感言：阿華，係妳打俾我邀請我加入敬拜隊，多謝妳對我嘅包容、體諒、鼓勵同支持，同妳夾佈道會嘅過程，仲喺腦海。難忘阿華常拖着疲倦身軀回來敬拜神，柔弱身軀有着強大力量，懷念妳，天家再聚！華女，妳對生命嘅熱愛，對事奉嘅堅持，對神嘅信心，令我非常感動，謝謝妳令我更珍惜每次事奉機會，願妳在天家好好休息，日後再見。阿華，一位充滿感染力嘅領詩，每一句說話，每一個音符，都散發出屬於主嘅香氣。阿華對敬拜嘅熱誠、對神嘅信靠，永遠深深印在我哋嘅心中。阿華係一個為人隨和，但對神國度有關嘅事都執著、認真嘅姊妹，佢病榻在床都依然見證神嘅力量深深影響我。阿華：今日，妳喺神身旁比我哋所有人都好，我哋唔再擔心妳，我哋會努力事奉，期待他日天家再聚，再次同妳一齊敬拜。