ÍSÍ Fréttir september 2016

ÍSÍ

Fréttir

September 2016

Ávarp forseta Ólympíuleikarnir 2016 Við áttum svo sannarlega góða daga á Ólympíuleikunum í Ríó. Það voru ákveðnir, bjartsýnir og einbeittir keppendur sem mættu til Ríó fyrir hönd okkar Íslendinga. Þeir voru allir tilbúnir til að gera sitt besta og vera landi og þjóð til sóma. Það tókst svo sannarlega. Það var gaman að sjá Íslandsmet slegið í 800 m hlaupi kvenna og frábært að okkar keppandi næði þar 20 besta tíma í undanrásum. Við vorum sérstaklega stolt af því að í fyrsta skipti komst sundkona frá Íslandi í undanúrslit í sundi á Ólympíuleikum, og ekki bara ein sundkona heldur tvær. Þær syntu ekki bara einu sinni heldur syntu þær báðar tvisvar sinnum í undanúrslitum. Þá er ekki öll sagan sögð því þær syntu einnig báðar í úrslitasundi. Þetta eru svo sannarlega mikil tíðindi. En þau koma ekki á óvart eftir glæsilegan árangur sundfólksins okkar á undanförnum misserum. Ólympíuleikar eru stærsti íþróttaviðburður heims og á margan hátt hápunktur í lífi íþróttafólks og stórviðburður flestra, ef ekki allra, þátttökuþjóða. Að leikunum loknum er árangurinn veginn og metinn og horft gjarnan til framtíðar og byrjað að skipuleggja starfið með frekari afrek í huga. Að þessu sinni er framtíðarsýn afreksíþróttastarfsins á Íslandi mikið breytt frá því sem við höfum þekkt fram að þessu.

Möguleikar okkar til að byggja upp alvöru umgjörð fyrir okkar afreksfólk og afrekslið hafa aldrei verið betri. Með samningi sem undirritaður var á milli ÍSÍ og stjórnvalda þann 28. júlí sl. varð sannarlega bylting í fjármögnun afreksíþróttastarfs á Íslandi. Framlag ríkisins til Afreksíþróttasjóðs ÍSÍ er með þeim samningi hækkað í þremur áföngum í 400 milljónir kr. Allt þar til á allra síðustu árum hefur árlegt framlag verið á bilinu 20 – 30 milljónir kr. Með þessum samningi opnast tækifæri til að skapa afreksíþróttastarfinu þá umgjörð sem það verðskuldar. Nú verða loks tækifæri til að styðja við bakið á okkar afreksfólki þannig að sómi sé að. Við höfum verið langt á eftir nágrannaþjóðum okkar í þessu tilliti en nú verður breyting á. Það er því sérstaklega spennandi framtíðarsýn sem við okkur blasir á þessum tímamótum.

Þessi gríðarlega aukning á stuðningi ríkisins við Afrekssjóð ÍSÍ kallar á ákveðnar breytingar.

Afrekssjóður ÍSÍ mun nú hafa allt aðra möguleika til að beita sér í þágu afreksstarfsins en verið hefur. Því er ljóst að nauðsynlegt er að endurskoða þær reglur sem um sjóðinn gilda og móta þær að þessum breyttu aðstæðum. Framkvæmdastjórn ÍSÍ hefur nú skipað vinnuhóp til að vinna að því verkefni en með hópnum munu starfa margir íslenskir aðilar sem getið hafa sér gott nafn bæði hérlendis og erlendis og þekkja vel til afreksmála. Það er mjög mikilvægt að við þessa endurskilgreiningu á hlutverki Afrekssjóðs ÍSÍ sé vandað vel til verka þannig að góð sátt náist um breytingarnar.

Góðir félagar. Það eru spennandi tímar framundan í uppbyggingu afreksstarfsins hjá okkur í ÍSÍ og sambandsaðilum ÍSÍ. Við erum þakklát stjórnvöldum fyrir þann samning sem undirritaður var 28. júlí sl.

Sérstaklega erum við þakklát Illuga Gunnarssyni mennta- og íþróttamálaráðherra fyrir hans aðkomu að málinu. Nú er það okkar að sjá til þess að þessir fjármunir muni nýtast vel og vonandi tryggja okkur Íslendingum enn betri árangur á Ólympíuleikum sem og öðrum stórmótum í framtíðinni.

Lárus L. Blöndal, forseti ÍSÍ

Íslenski hópurinn við Ólympíuhringina í Ólympíuþorpinu

Við undirritun samninga ÍSÍ og ríkisins

Ólympíuleikar

Ríó 2016 Átta íslenskir íþróttamenn tryggðu sér þátttökurétt á Ólympíuleikana í Ríó, sem fóru fram 5. - 21. ágúst 2016. Leikarnir voru um margt sögulegir fyrir Íslendinga. Hér á eftir fer samantekt af leikunum.

Setningarhátíðin fór fram þann 5. ágúst á Maracanaleik­vang­in­um og var hin glæsilegasta. Töluvert var af Íslendingum á leikvanginum, bæði keppendur og fylgdarlið sem gengu inn leikvanginn og íslenskir áhorfendur í stúku. Um þrír millj­arðar manna fylgdust með setn­ing­ar­hátíðinni, en á henni komu fram 300 dans­ar­ar og 5.000 sjálf­boðaliðar. Alls tóku um 10.500 íþrótta­menn þátt í leik­un­um. Íslenski hópurinn var númer 100 í röðinni af þeim 207 þjóðum sem gengu inn á leikvanginn. Þormóður Árni Jóns­son júdókappi var fána­ beri ís­lenska hóps­ins, en hópurinn samanstóð

af fjórum keppendum og fylgdarliði. Sundfólkið hvíldi heima og horfði á setningarhátíðina í sjónvarpinu. Í lok hátíðarinnar kveikti maraþon-­ hlaup­ar­inn Vand­er­lei de Lima Ólymp­íu­eld­inn, sem logaði allt til lokahátíðarinnar.

Ant­on Sveinn McKee sundmaður keppti fyrst­ ur Íslend­inga þann 6. ágúst í 100m bring­u­sundi.

Hann synti á 1:01,84 mín­út­um, hafnaði í 35. sæti og komst því ekki áfram í undanúr­slit­. Anton hefði þurft að setja Íslandsmet og synda á 1:00,25 sek­únd­um til að ná inn í undanúr­slit­in, en Íslandsmet hans er 1:00,53. Ant­on keppti síðan í 200 metra bringusundi þann 9. ágúst. Hann synti á tímanum 2:11,39 mín­út­um, en það er rúmri sek­úndu frá Íslands­meti hans, 2:10,21 mín­útur. Árangur hans tryggði honum 18. sætið, en 16 sundmenn komust áfram í undanúrslitin. Ant­on var mjög ná­lægt því að kom­ast áfram, eða 13/100 úr sek­ úndu. Ant­on lauk þar með keppni á leik­un­um.

Eygló Ósk Gústafsdóttir sundkona synti þann 7. ágúst í undanriðlum 100 metra baksunds á tímanum 1:00,89. Tíminn var sá sextándi besti og varð Eygló því fyrsta íslenska konan til að tryggja sig inn í milliriðla á Ólympíuleikum í sundi. Eygló synti síðan undanúrslitasundið í 100 m baksundi á tímanum 1:00,65 sem var fjórtándi besti tíminn.

Eygló var nálægt sínum besta árangri sem er 1:00,25. Þar með lauk Eygló keppni í 100 m baksundi.

Eygló synti sig síðan inn í úrslit 200 metra baksunds þann 12. ágúst, en hún náði sjöunda besta tímanum

2:08,84 í undanúrslitunum. Er það bæting á hennar besta árangri og um leið Íslands- og Norðurlandamet í greininni. Í úrslitasundinu hafnaði Eygló í 8. sæti eft­ir að hafa synt á 2:09,44 mín­út­um. Eygló er þriðji Íslend­ing­ur­inn í sög­unni sem synd­ir til úr­slita á Ólymp­íu­leik­um. Þar með lauk Eygló keppni.

Hrafnhildur Lúthersdóttir sundkona synti í undanriðlum í 100 metra bringusundi þann 7. ágúst á tímanum 1:06,81 sem var níundi besti tíminn í undanriðlunum. Í undanúrslitum 100 metra bringusundsins þann 8. ágúst náði Hrafnhildur sjöunda besta tímanum þegar hún synti á 1:06,71 og tryggði sér með því sæti í úrslitasundinu. Hrafn­ hild­ur náði síðan 6. sæti í úrslitasundinu, á tímanum 1:07,18 mín­út­um sem er 73/100 úr sek­úndu frá

Íslands­meti henn­ar (1:06,45). Árangur Hrafnhildar er besti árangur íslenskrar sundkonu á Ólympíuleikum, en næst­besti ár­ang­ur sem Íslend­ing­ur hef­ur náð í sundi á Ólymp­íu­leik­um þar sem Örn Arn­ar­son náði 4. sæti í 200 metra baksundi í Syd­ney árið 2000.

Hrafnhildur synti síðan í undanriðlum í 200 metra bringusundi þann 10. ágúst á tímanum 2:24,43 mín­út­um og tryggði sig inn í undanúrslitin. Í undanúrslitum synti Hrafn­ hildur á 2:24,41 mín­útum og varð í 5. sæti í sín­um riðli. Hún komst ekki áfram í úrslit, en varð í 11. sæti alls. Hrafnhildur er fyrsta íslenska konan sem kemst í undanúrslit á Ólympíuleikum í sundi í tvígang og sú fyrsta til að komast í úrslitasund á Ólympíuleikum þegar hún tryggði sér sjötta sætið í 100 metra bringusundi.

Irina Sazonova keppti í áhaldafimleikum kvenna þann 7. ágúst. Með þátttöku sinni braut Irina blað í sögu fimleika á Íslandi þegar hún varð fyrsta íslenska konan til að taka þátt á Ólympíuleikum. Í keppninni náði Irina samtals 53,200 stigum og varð með árangri sínum í 41. sæti. 24 efstu kepptu til úrslita í fjölþrautinni.

Þormóður Árni Jóns­son kepp­ti í +100 kg flokki í júdó þann 12. ágúst. Hann mætti Maciej Sarnacki frá Póllandi í fyrstu glímu, í 32 manna úr­slit­um, og tapaði. Sarnacki er pólsk­ur meist­ari og er í 23. sæti á heimslist­an­um, en Þormóður í 65. sæti. Glíman var jöfn og mjög spenn­andi, en Þormóður tapaði að lok­um á sókn­ar­vill­um. Báðir höfðu þeir fengið þrjár vill­ur fyr­ir að sækja ekki nógu mikið og Þormóður tapaði síðan þegar hann fékk fjórðu vill­una. Ólymp­íu­leik­arnir í Ríó eru þriðju leikar Þormóðar Árna í röð. Hann komst í 16 manna úr­slit á sín­um fyrstu leik­um, árið 2008, en féll út gegn Bras­il­íu­mann­ in­um sterka Rafa­el Silva í fyrstu glímu í London 2012.

Kringlukastarinn Guðni Valur Guðnason keppti í kringlukasti þann 12. ágúst og kastaði fyrst 53.51m, næst 60.45 m og síðasta kast var 59.37m. Hann endaði í 21. sæti keppninnar af 35 þátttakendum.

Besta árangri sínum til þessa náði Guðni Valur í Hafnarfirði þann 10. september 2015 þegar hann kastaði 63.50m. Síðastur inn í úrslitin, sá sem varð í 12. sæti í undan­keppn­inni, kastaði kringl­unni 62.68 m. Ásdís Hjálmsdóttir keppti í spjótkasti þann 16. ágúst og komst ekki áfram í úrslit. Fyrsta og þriðja kastið hennar voru dæmd ógild, en annað kastið hennar var 54.92 metr­ar. Henn­ar lengsta kast á ár­inu er 61.37 metr­ar og Íslands­metið 62.77 metr­ar. Ásdís hafnaði í 30. sæti af 31 kepp­anda.

Aníta Hinriks­dótt­ir virt­ist njóta sín vel á sín­um fyrstu Ólymp­íu­leik­um þegar hún hljóp í und­an­rás­um 800 metra hlaups þann 17. ágúst. Hún bætti þriggja ára gam­alt Íslands­met sitt um 35 sek­úndu­brot með því að hlaupa á 2:00,14 mín­út­um. Það var 20. besti

tím­inn í und­an­rás­un­um en dugði þó ekki til að koma Anítu í 24 manna undanúr­slit­in. Ástæðan er sú að aðeins tveir fyrstu kepp­ end­urnir í hverj­um riðli af átta komust áfram, auk átta kepp­enda til viðbót­ar sem náðu best­um tíma þar fyr­ir utan. Kepp­end­ur í riðli Anítu hlupu hraðast allra og varð hún í 6. sæti í

hon­um. Ef horft er á tíma þeirra sem ekki lentu í 1. eða 2. sæti í sín­um riðli átti Aníta 10. besta tím­ann af þeim, og var aðeins tveim­ur sæt­um frá því að kom­ast í undanúr­slit, eða 14/100 úr sek­úndu. Fimm fyrstu í henn­ar riðli komust áfram.

Loka­at­höfn Ólympíu­leik­anna 2016 fór fram þann 21. ágúst og var glæsi­leg að vanda. Þátt­tak­end­ur gengu inn á Maracana-leik­vang­in­n með þjóðfána sína og Hrafnhildur Lúthersdóttir sundkona bar fána Íslands. Dans- og tónlistaratriðin voru stórskemmtileg og flott að hætti Brasilíumanna.

Ă“lympĂ­uleikarnir

Ríó 2016

Sýnum karakter Þjálfun félagslegra og andlegra þátta í íþróttum ÍSÍ og UMFÍ standa saman að ráðstefnunni Sýnum karakter í Háskólanum í Reykjavík laugardaginn 1. október. Ráðstefnan markar upphaf að sameiginlegu verkefni og vefsíðu með sama heiti sem ætluð er þjálfurum og íþróttafélögum. Vefsíðan Sýnum karakter verður opnuð á ráðstefnunni. Skráning á viðburðinn er hér. Á ráðstefnunni mun íþróttafólk og þjálfarar halda erindi um ýmsar hliðar þjálfunar og ræða málið í pallborði. Ráðstefnugestir geta tekið þátt í umræðunum. Þátttakendur á ráðstefnunni eru m.a.: Heimir Hallgrímsson, landsliðsþjálfari karlalandsliðs Íslands í knattspyrnu; Margrét Lára Viðarsdóttir, íþróttafræðingur, B.S. í sálfræði og landsliðskona í knattspyrnu; Vanda Sigurgeirsdóttir, lektor í tómstunda og félagsmálafræðum við HÍ, Íris Mist Magnúsdóttir, íþróttafræðingur og landsliðsþjálfari í hópfimleikum.

Dagskránna má sjá í heild sinni á viðburðarsíðunni á facebook.

Verkefnið Sýnum karakter er hugsað sem verkfæri fyrir þjálfara til að hlúa að og efla andlega og félagslega þætti hjá börnum og unglingum. Mikilvægi þjálfarans er sett í fókus og einblínt með nýstárlegum hætti á þann jákvæða ávinning sem hlýst af íþróttaiðkun umfram líkamlega, s.s. áhugahvöt, félagsfærni, sjálfstraust, einbeitingu, leiðtogahæfni og markmiðasetningu. Á vefsíðu Sýnum karakter verða greinar og viðtöl við þjálfara og afreksíþróttafólk þar sem helsta umfjöllunarefni er efling andlegra og félagslegra þátta í gegnum þjálfun.

Með verðlaun í Ríó Þrír Íslendingar unnu til verðlauna á Ólympíuleikunum í Ríó sem þjálfarar í handbolta. Guðmundur Guðmundsson, þjálfari Dana í handbolta karla, vann til gullverðlauna ásamt sínu liði er þeir unnu Frakka 28:26 í úrslitum. Guðmund­ur hefur áður stýrt handboltalandsliði til verðlauna á Ólympíuleikum, en ís­lenska karlalandsliðið í handbolta vann til silfurverðlauna í Pek­ing árið 2008.

Dagur Sigurðsson, þjálfari Þjóðverja í handbolta karla, vann til bronsverðlauna með þýska liðinu eft­ir að hafa lagt Pól­land að velli 31:25. Þórir Her­geirs­son, þjálfari Norðmanna í handbolta kvenna, vann til bronsverðlauna ásamt sínu liði er liðið lagði Hol­land að velli 36:26. Þórir vann til gullverðlauna með liðinu á Ólympíuleikunum í London árið 2012.

Frábær árangur hjá þessum þremur íslensku þjálfurum.

Danir fagna þegar titillinn er í höfn.

Ólympíustöðin Ólympíustöðin er nú orðin virk. Aðdáendur geta nú fylgst með íþróttum, íþróttafólki og sögunum á bak við Ólympíuleikana allt árið um kring. Ólympíustöðin er ókeypis vettvangur sem mun sýna beint frá íþróttaviðburðum, vera með nýjustu fréttir og bjóða upp á útsendingar tileinkaða íþróttum og íþróttamönnum allt árið um kring. Stöðin mun leggja áherslu á afreksíþróttamenn og þeirra leið að meiri árangri. Að auki er hægt að skrá sig sem notanda að Ólympíustöðinni. Því fylgir persónulegri reynsla, þar sem skráðir notendur geta fylgst með uppáhalds íþróttamönnum sínum, liðum, íþróttum og löndum. Umhverfið á síðunni býður einnig upp á að deila efni á samfélagsmiðla og hvetur notendur til að hafa aukin samskipti við Ólympíuhreyfinguna. Á Ólympíustöðinni munu aðdáendur geta upplifað kraft íþróttanna og Ólympíuhreyfingarinnar allt árið, hvar sem er og hvenær sem er.

Tókýó 2020 Alþjóðaólympíunefndin hefur gefið það út að keppt verði í fimm nýjum íþróttagreinum á næstu Ólympíuleikum sem haldnir verða í Tókýó 2020. Það eru íþróttagreinarnar karate, hafnabolti, klifur, hjólabretti og brimbretti. Á Ólympíuleikunum 2016 var keppt í 28 greinum. Íþróttagreinarnar á Ólympíuleikunum eru því orðnar 33 því um hreina viðbót er að ræða.

Alþjóðaólympíunefndin er á þeirri skoðun að færa verði Ólympíuleikana nær ungu fólki og leiðin sem nefndin ákvað að fara í þeim tilgangi er sú að halda keppni á hjólabretti og í íþróttaklifri á stöðvum sem settar eru upp tímabundið í borgunum en ekki að halda keppnir í sérstökum keppnishöllum.

Fyrir áhugasama er hægt að forvitnast um komandi Ólympíuleika 2020 í Tókýó hér.

Hægt verður að ná sér í Ólympíustöðvar-smáforrit í símann, en einnig verður hægt að horfa á stöðina á vefsíðu Olympic Channel. Íþróttamenn og aðdáendur geta einnig fylgt Ólympíustöðinni á samfélagsmiðlasíðum hennar, Facebook, Instagram, Twitter og YouTube.

Undirritun samninga ríkisins og ísí

Bylting fyrir afreksíþróttir Mennta- og menningarmálaráðuneytið og Íþróttaog Ólympíusamband Íslands undirrituðu í ágúst tímamótasamning til næstu þriggja ára um stóraukið fjárframlag ríkisins til afreksíþrótta á Íslandi. Framlagið mun hækka í áföngum úr 100 milljónum á fjárlögum síðasta árs í 400 milljónir á næstu þremur árum og er því um fjórföldun að ræða.

sem hefur haft úr allt of litlu að moða til að geta helgað sig íþrótt sinni og náð sem bestum árangri.

Margt afreksfólk hefur búið við það að meiri tími hefur farið í að fjármagna ferðir, þjálfarakostnað og uppihald heldur en að æfa og undirbúa sig fyrir keppnir.

Landsliðsfólk, þjálfarar og forsvarsfólk frá Hér er um algera byltingu fyrir afreksíþróttir að sérsamböndum ÍSÍ fjölmenntu við höfuðstöðvar ÍSÍ ræða. Ísland er nú komið mun nær því að geta til þess að fagna þessum tímamótasamningi. byggt upp umgjörð fyrir afreksíþróttafólkið sitt í líkingu við það sem þekkist í nágrannalöndum. Á myndasíðu ÍSÍ má sjá fleiri myndir frá þessum Þetta er að sama skapi algjör bylting fyrir afreksfólk frábæra degi.

Hjólað í vinnuna 2016 Frá árinu 2003 hefur Íþrótta- og Ólympíusamband Íslands staðið að því að efla hreyfingu og starfsanda á vinnustöðum með heilsu- og hvatningarverkefninu „Hjólað í vinnuna“. Megin markmið verkefnisins er að vekja athygli á virkum ferðamáta sem heilsusamlegum, umhverfisvænum og hagkvæmum samgöngumáta. Þátttakendur eru hvattir til þess að hjóla, ganga, hlaupa eða nýta almenningssamgöngur til og frá vinnu í maí ár hvert. Starfsfólk vinnustaða hér á landi hafa tekið vel við sér því þátttakan hefur margfaldast síðan að verkefnið fór af stað.

eldsneyti sem gera sparnað upp á rúmar 7 milljónir króna. Brenndar voru um 26 milljónir kaloría sé þessi vegalengd gengin en 13,7 milljónir kaloría sé þessi vegalengd hjóluð, sé miðað við 80 kg mann sem ekur á fólksbíl.

Ferðamáti var í 89% tilfella á hjóli, 6,4% gangandi, 3,5% strætó/gengið, 0,6% hlaup, strætó/hjólað 0,4% og annað 0,1%.

Í ár voru alls 376 vinnustaðir sem skráðu 896 lið til leiks með 5392 liðsmenn. 327 lið skráðu sig til leiks í kílómetrakeppnina.

Verðlaunaafhending Hjólað í vinnuna fór fram 27. maí í Íþróttamiðstöðinni í Laugardal. Veitt voru verðlaun fyrir hlutfall daga, heildarfjölda kílómetra og hlutfall kílómetra. Verðlaunahafa má sjá á vefsíðu Hjólað í vinnuna www.hjoladivinnuna.is

Alls voru hjólaðir 405.978 km eða 303,20 hringir í kringum landið. Við það spöruðust tæp 61 þúsund tonn af útblæstri CO2, og rúmlega 36 þúsund lítrar af

ÍSÍ þakkar fyrir þátttökuna í ár og vonar að þátttakendur hafi haft gaman af og haldi áfram að hjóla.

Sjóvá Kvennahlaup ÍSÍ 2016 Sjóvá Kvennahlaup ÍSÍ fór fram í 27. sinn þann 4. júní í mikilli veðurblíðu. Markmið Kvennahlaupsins hefur frá upphafi verið að vekja áhuga kvenna á reglulegri hreyfingu. Hver kona tekur þátt á sínum forsendum og lögð er áhersla á að allar konur komi í mark á sínum hraða og með bros á vör.

Góð þátttaka var í hlaupinu en gera má ráð fyrir að um 12.000 konur hafi tekið þátt á yfir 80 stöðum hérlendis og erlendis. Í kringum 4.000 konur hlupu í Garðabænum, 1.500 í Mosfellsbæ, en þetta eru tveir stærstu hlaupastaðirnir.

Að vanda var boðið upp á mismunandi vegalengdir eða allt frá 900 m upp í 10 km. Mikil og góð stemning var hjá þátttakendum þar sem ömmur, mömmur, dætur og vinkonur hreyfðu sig og skemmtu sér saman. Gaman var að sjá hversu margir strákar tóku þátt í hlaupinu í ár. Þó svo að hlaupið hafi í upphafi

verið ætlað konum eins og nafn þess gefur til kynna þá hafa karlmenn alltaf verið velkomnir í hlaupið.

Garðbæingar hafa haft þá hefð að veita elsta þátttakanda hlaupsins viðurkenningu. Að þessu sinni var það María Jóna Helgadóttir sem er fædd 1930 sem fékk afhentan grip sem ÍSÍ og Stjarnan gáfu til minningar um Lovísu Einarsdóttir, íþróttakennara og upphafskonu Kvennahlaupsins. Mosfellingar gáfu að vanda öllum langömmum rós þegar þær komu í mark. Öldrunarheimili víðsvegar um land buðu sínu heimilisfólki að taka �átt í Kvennahlaupinu. Mikil gleði er meðal heimilisfólksins með þetta framtak og mikið er lagt í að virkja alla til þátttöku. Íþrótta- og Ólympíusamband Íslands þakkar öllum fyrir þátttökuna í ár sem og síðustu 26 ár. Hér má sjá vefsíðu Sjóvá Kvennahlaups ÍSÍ.

Fyrirmyndarfélag ÍSÍ Fyrirmyndarfélag ÍSÍ og fyrirmyndarhérað ÍSÍ eru gæðaverkefni íþróttahreyfingarinnar er snúa að íþróttastarfi. Fyrstu viðurkenningar til fyrirmyndardeilda voru veittar í upphafi ársins 2003 og uppfylla fjölmargar deildir og félög kröfur sem gerðar eru til fyrirmyndarfélaga. Lista yfir fyrirmyndarfélög ÍSÍ má finna á vefsíðu ÍSÍ og einnig upplýsingar um verkefnið og hvernig viðurkenning fæst.

Fyrirmyndarhérað ÍSÍ er verkefni sem samþykkt var á Íþróttaþingi ÍSÍ árið 2015. Íþróttahéruð ÍSÍ hafa nú möguleika á að sækja um viðurkenningu til ÍSÍ fyrir fyrirmyndarstarf. Viðurkenning fæst að uppfylltum ákveðnum skilyrðum sem ÍSÍ setur. Forystumenn sex íþróttahéraða ÍSÍ komu að gerð þessa verkefnis og varð niðurstaðan ákveðinn gátlisti með þeim atriðum í starfsemi íþróttahéraðanna sem héruðin þurfa að uppfylla. Íþróttahéruð geta því á hvaða tímapunkti sem er sótt um þessa viðurkenningu til ÍSÍ. ÍSÍ hvetur stjórnir íþróttahéraða til að sækja um þessa viðurkenningu til ÍSÍ.

Þjálfaramenntun ÍSÍ Þjálfaramenntun ÍSÍ er áfangaskipt fræðslukerfi í fimm þrepum þar sem skilgreindar eru kröfur um menntun fyrir ákveðna markhópa. Þetta kerfi er samræmt fyrir allar íþróttagreinar.

Menntun á fyrstu þrem þrepunum, sem kallast almennur hluti, er innan íþróttahreyfingarinnar. Þjálfarastig 4 og 5 á að kenna á háskólastigi. Almenni hluti námskeiðanna sem er í höndum ÍSÍ fer fram í fjarnámi. Menntunin veitir réttindi til íþróttaþjálfunar og jafnframt rétt til áframhaldandi náms til frekari réttinda. Námið hefur ávallt verið afar vinsælt og nemendur komið úr fjölmörgum íþróttagreinum.

Skráning í haustfjarnám þjálfaramenntunar ÍSÍ er rafræn og þarf henni að vera lokið fyrir föstudaginn 23. september. Rétt til þátttöku á 1. stigi hafa allir sem lokið hafa grunnskólaprófi. Til þátttöku á 2. stigi þarf að hafa lokið 1. stigi, hafa gilt skyndihjálparnámskeið og 6 mánaða starfsreynslu sem þjálfari.

Nánari upplýsingar um fjarnámið og aðra þjálfaramenntun ÍSÍ má sjá á vefsíðu ÍSÍ.

Norræna skólahlaupið 2016 Norræna skólahlaupið var sett í Grunnskóla Sandgerðis þann 2. september. Skólinn hefur verið virkur þátttakandi í verkefninu um árabil. Norræna skólahlaupið er árlegt verkefni sem grunnskólum á Norðurlöndunum býðst að taka þátt í. Hlaupið var fyrst haldið árið 1984 og var haldið í 33. skipti í ár.

Hlaupið var vel skipulagt af Grunnskóla Sandgerðis og tóku um 250 grunnskólanemendur þátt.

Tveir afreksíþróttamenn, Ólympíufarinn Guðni Valur Guðnason og Ari Bragi Kárason Íslandsmethafi í 100m hlaupi, mættu í skólann og spjölluðu við eldri krakkana og hvöttu þau svo áfram í hlaupinu. Blossi, lukkudýr Smáþjóðaleikanna 2015, var með í för og vakti mikla lukku á meðal krakkanna, ekki síst þeirra yngstu. Mjólkursamsalan, sem hefur styrkt hlaupið frá upphafi, gaf krökkunum ískalda mjólk í lok hlaupsins.

Ragnhildur Skúladóttir sviðsstjóri Þróunar- og fræðslusviðs ÍSÍ sagði nokkur orð, afhenti Hólmfríði Árnadóttur skólastjóra nokkra bolta að gjöf og kynnti þá Ara Braga og Guðna Val til leiks. Hópnum var skipt

í tvennt og á meðan að íþróttamennirnir spjölluðu við eldri krakkana þá hlupu þau yngri. Eldri krakkarnir hlupu svo undir dynjandi tónlist, en eftir hlaupið bauðst þeim að fara í kapphlaup við Ara Braga og var nokkur fjöldi sem þáði það.

Markmiðið með Norræna skólahlaupinu er að hvetja nemendur til að hreyfa sig reglulega og stuðla þannig að betri heilsu og vellíðan. Á síðasta ári tóku rúmlega 15.000 grunnskólanemendur frá 63 skólum þátt í hlaupinu og hlupu til samans um 40 hringi í kringum landið. Hægt er að velja um þrjár vegalengdir 2,5, 5 og 10 kílómetra. Í október verða dregnir út þrír skólar sem taka þátt í Norræna skólahlaupinu og ljúka hlaupinu fyrir 30. september 2016. Þeir þrír skólar sem verða dregnir út fá 100.000 króna inneign í Altis. Altis selur vörur til íþróttaiðkunar sem nýtast nemendum á skólalóðinni eða í íþróttahúsinu. Fleiri myndir frá deginum má sjá á myndasíðu ÍSÍ.

Vetrarólympíuleikar ungmenna Þann 12.-21. febrúar 2016 fóru aðrir Vetrarólympíuleikar ungmenna fram, að þessu sinni í Lillehammer í Noregi. Ísland átti tvo keppendur í alpagreinum skíðaíþrótta og einn í skíðagöngu. Skíðasamband Íslands tilnefndi þau Hólmfríði Dóru Friðgeirsdóttur frá Skíðaráði Reykjavíkur og Bjarka Guðjónsson frá Skíðafélagi Akureyrar sem keppendur í alpagreinum og Dag Benediktsson frá Skíðafélagi Ísafjarðar sem keppanda í skíðagöngu. Tveir þjálfarar fylgdu hópnum á leikana, þeir Grímur Rúnarsson fyrir alpagreinar og Steven Gromatka fyrir skíðagöngu.

Auk keppenda og þjálfara var Örvar Ólafsson, starfsmaður ÍSÍ, aðalfararstjóri á leikunum og Íris Berg Bryde gegndi hlutverki ungs sendiherra á leikunum. Á Vetrarólympíuleikum ungmenna er takmarkaður fjöldi þátttakenda og keppnin mjög hörð. Aðeins þeir allra bestu frá hverju landi hafa tækifæri til að keppa fyrir sína þjóð. Á leikunum kepptu um 1.100 keppendur á aldrinum 15 - 18 ára frá 70 löndum í 15 vetraríþróttum. Um 3000 sjálfboðaliðar störfuðu á leikunum og mörg íþróttamannvirki frá Ólympíuleikunum 1994 voru nýtt fyrir keppni á þessum leikum. Á leikunum keppti Dagur Benediktsson í göngukrossi, sprettgöngu og 10 km göngu með hefðbundinni aðferð. Hólmfríður Dóra Friðgeirsdóttir keppti í risasvigi, stórsvigi og svigi. Bjarki Guðjónsson keppti í stórsvigi og svigi. Íslensku keppendurnir lögðu sig öll fram og tókst að bæta punktastöðu sína í nokkrum greinum. Mikill fjöldi Norðmanna fylgdist með keppnisviðburðum hvort heldur var á staðnum

Íslenski hópurinn á Vetrarólympíuleikum ungmenna

eða á útsendingar frá viðburðum. Nemendur úr skólum í nágrenninu komu til að upplifa leikana og ýmsa viðburði sem þeim tengdust. Miðbær Lillehammer var eitt stórt hátíðarsvæði þar sem margt var um manninn og stemningin góð. Auk hefðbundinnar keppnisdagskrár er mikil áhersla lögð á fræðslu og miðlun til þátttakenda. Ýmiss konar fræðslu og upplifunarviðburðir voru í boði meðan á leikunum stóð. Meðal annars var mögulegt að prófa allar keppnisgreinar leikanna með leiðsögn. Illugi Gunnarsson, mennta- og menningarmálaráðherra sótti fund Norrænna ráðherra íþróttamála sem haldinn var í Lillehammer meðan á leikunum stóð. Illugi náði að heilsa uppá íslenska hópinn í Ólympíuþorpinu og fylgjast með keppni.

Nánari upplýsingar um úrslit má finna á heimasíðu leikanna www.lillehammer2016.com

Heilahristingur í íþróttum Á undanförnum tveimur árum hefur ÍSÍ ásamt HR og KSÍ staðið fyrir málstofum um höfuðáverka, þá aðallega heilahristing og mögulegar afleiðingar hans, með það að markmiði að auka þekkingu í íþróttasamfélaginu. Einn liður í því er að hafa aðgengilegar upplýsingar um málefnið á vefsíðu ÍSÍ. ÍSÍ hefur látið hanna veggspjöld sem geyma einfaldar upplýsingar um helstu einkenni heilahristings og hvenær óhætt er að hefja æfingar og keppni á ný.

Veggspjöldin eru í fjórum mismunandi útfærslum. Það er von ÍSÍ að þau verði áberandi í íþróttamannvirkjum um allt land og auki enn á þá vitundarvakningu um

heilahristing sem orðin er á meðal íþróttamanna, foreldra, þjálfara og stjórnenda.

Ólympíudagurinn Þann 23. júní er Alþjóðlegi Ólympíudagurinn haldinn hátíðlegur um allan heim. Hann er haldinn í tilefni af stofnun Alþjóðaólympíunefndarinnar 23. júní árið 1894. Þá má segja að Ólympíuleikar til forna hafi verið endurvaktir og færðir til nútímans. Í tilefni af afmælisdeginum er fólk hvatt til þess að hreyfa sig og takast á við nýjar áskoranir. ÍSÍ tók þátt í deginum með ýmsum hætti. Í júní kom hópur af krökkum í heimsókn í Íþróttamiðstöðina í tengslum við Háskóla unga fólksins og Ólympíudaginn. Háskóli unga fólksins er fyrir fróðleiksfúsa og fjöruga krakka á aldrinum 12-16 ára.

Skólinn stendur yfir í tæpa viku og þá sækja nemendur fjölda stuttra námskeiða og kynnast undrum tilverunnar með vísindamönnum Háskóla Íslands. Þessir krakkar voru í heimsókn hjá íþróttafræði HÍ. Þau fengu stutta kynningu á ÍSÍ og fór mestur tími í umfjöllun um Ólympíuleikana í Ríó. Leynigestur var Þormóður Árni Jónsson júdókappi og vakti hann mikla hrifningu krakkanna. Gafst tækifæri til þess að spyrja hann um ýmislegt um lífið og tilveruna í Ólympíuþorpinu og hvernig hann komst svona langt í júdó. Einnig fengu krakkarnir stutta sýnikennslu um júdó. Að lokinni kynningu ÍSÍ fór hópurinn yfir til Atlas sjúkraþjálfunar þar sem Róbert Magnússon sjúkraþjálfari sagði þeim frá starfi sjúkraþjálfarans.

23. júní stóðu Samtök íslenskra ólympíufara fyrir golfmóti, en fengu aðstoð frá Golfsambandi Íslands og Nesklúbbinum við framkvæmd. Góð þátttaka var

á mótinu. Eygló Ósk Gústafsdóttir, Íþróttamaður ársins 2015, mætti til leiks og stóð sig með prýði. Lið badmintonmanna vann mótið í ár en það skipuðu Árni Þór Hallgrímsson (Barcelona 1992), Broddi Kristjánsson (Barcelona 1992), Elsa Nielsen (Barcelona 1992, Atlanta 1996) og Ragna Ingólfsdóttir (Peking 2008, London 2012). Þann 29. júní var boðið upp á kennslu í strandblaki við Laugardalslaug þar sem landsliðsþjálfarinn Karl Sigurðsson sá um kennsluna. Þangað mættu krakkar frá nokkrum frístundaheimilum. Þeir fengu einnig að prufa skylmingar undir handleiðslu Ólympíufarans Nicolay Mateev. Ein félagsmiðstöð hefur fagnað Ólympíudeginum í nokkur ár með því að vera með Ólympíudag þar sem öll frístundaheimilin búa sér til fána og jafnvel sitt eigið stuðningslag.

Við Framheimilið er síðan farið í allskonar þrautir og kappleiki. Það má því segja að Ólympíudagurinn 2016 hafi lukkast afar vel.

Göngum í skólann 2016 Göngum í skólann var sett í 10. sinn þann 7. september í Akurskóla í Reykjanesbæ. Sigurbjörg Róbertsdóttir, skólastjóri Akurskóla, byrjaði á því að bjóða nemendur og gesti velkomna. Nemendur sungu síðan skólasönginn fyrir gesti. Sigríður Inga Viggósdóttir, sviðsstjóri Almenningsíþróttasviðs ávarpaði nemendur og hvatti þá til þess að ganga eða nýta sér virkan ferðamáta og huga að umferðaröryggi Jóhanna Ruth sem vann Ísland got talent söng tvö lög fyrir gesti. Að lokum tók Þórólfur Árnason til máls og hvatti nemendur til þess að taka þátt í verkefninu og sýna varkárni í umferðinni. Þórólfur stóðst svo ekki mátið og skellti í víkingaklappið fræga áður en hann setti verkefnið fyrir hönd samstarfsaðila verkefnisins.

Verkefnið var svo sett með viðeigandi hætti þegar aðstandendur verkefnisins, nemendur, starfsfólk

og gestir gengu lítinn hring í nærumhverfi skólans.

Skráning skóla fer mjög vel af stað og enn geta skólar bæst í hópinn. Einfalt er að fara inn á vef verkefnisins www.gongumiskolann.is og skrá sig til leiks. Á alþjóðavísu er Göngum í skólann mánuðurinn í október og Alþjóðlegi Göngum í skólann dagurinn er 5. október. Vegna birtu og veðuraðstæðna fer Göngum í skólann verkefnið fram hér á Íslandi í septembermánuði og því lýkur á Alþjóðlega Göngum í skólann deginum þann 5. október n.k.

Meginmarkmið Göngum í skólann eru að hvetja nemendur og foreldra til að ganga, hjóla eða nota annan virkan ferðamáta til og frá skóla. Skemmtilegt er að skoða vefinn www.umferd.is í þessu samhengi.

Tilkynning frá Lyfjaeftirliti ÍSÍ Að gefnu tilefni vill Lyfjeftirlit ÍSÍ koma því á framfæri að íþróttafólk ber sjálft alltaf og undir öllum kringumstæðum ábyrgð á því sem finnst í lífsýni viðkomandi. Íþróttafólki ber því að ganga úr skugga um að það sem það neytir sé ekki á bannlista WADA. Bannlisti WADA gildir á alþjóða vísu.

Ef íþróttamaður þarf nauðsynlega heilsu sinnar vegna að notast við lyf sem innihalda efni á bannlista þá er það á hans ábyrgð að sækja um undanþágu vegna þess. Læknir íþróttamanns fyllir út umsóknina í samráði við íþróttamann eða foreldri/forráðamann hans, og lætur viðeigandi læknisfræðileg gögn fylgja umsókninni. Slíkar umsóknir eru svo í kjölfarið teknar fyrir hjá undanþágunefnd Lyfjaeftirlits ÍSÍ.

Ef íþróttamaður er í vafa með lyf eða efni sem hann neytir er hægt að hafa samband við Lyfjeftirlit ÍSÍ í síma 514-4022 og fá leiðbeinandi upplýsingar.

Umsókn fyrir undanþágu vegna notkunar á efni sem er á bannlista WADA má nálgast hér.

Uppfærðan bannlista WADA frá 1. janúar 2016 má nálgast hér og helstu breytingar sem tóku gildi má nálgast hér.

Jafnrétti til sigurs án hinsegin fordóma Í maí fór fram hádegisfundur um hinsegin fordóma.

Fyrirlesari var María Helga Guðmundsdóttir landsliðskona í karate og jafningjafræðari hjá Samtökunum 78. Hádegisfundurinn var samvinnuverkefni KSÍ, ÍSÍ og Samtakanna 78. María Helga fjallaði um stöðu hinsegin fólks í íþróttum, um kynjakerfið og hvernig það hefur áhrif á íþróttamenningu og þýðingu ýmissa hugtaka eins og intersex og kynsegin. Í fyrirlestrinum talaði María Helga um birtingaform fordóma á grundvelli kynhneigðar, kynvitundar og kyneinkenna í íþróttum. Í lok fyrirlestursins ræddi hún um hvernig þjálfari, liðsfélagi, stjórnarmaður eða foreldri geti stutt hinsegin fólk í íþróttum og stuðlað þannig að opnu og fordómalausu umhverfi.

Fundurinn var tekinn upp og er aðgengilegur á Vimeo-síðu ÍSÍ.

Heiðurshöll ÍSÍ Á Íþróttamanni ársins var útnefnt í Heiðurshöll ÍSÍ í tólfta og þrettánda sinn. Tveir einstaklingar voru teknir inn, þau Sigríður Sigurðardóttir handknattleikskona og Ríkharður Jónsson knattspyrnumaður.

Sigríður Sigurðardóttir er fædd 20. ágúst 1942. Hún var ein af fremstu handknattleikskonum sinnar kynslóðar, hafði verið fyrirliði Vals frá 1960 og leiddi meðal annars lið sitt til sigurs á Íslandsmótum. Árið 1964 varð hún fyrst kvenna til að verða valin Íþróttamaður ársins. Með kjörinu varð hún einnig fyrsti íþróttamaðurinn úr hópíþróttum til að hljóta þennan titil. Sigríður var fyrirliði íslenska

kvennalandsliðsins í handknattleik þegar það hreppti Norðurlandameistaratitilinn í handknattleik á Laugardalsvelli árið 1964 en í þá daga var handknattleikur leikinn utanhúss. Var það fyrsti titill í hópíþrótt sem Íslendingar höfðu unnið. Ísland hafði þá ekki spilað landsleik í kvennaflokki í fjögur ár og átta liðsmenn af fimmtán höfðu engan landsleik spilað fyrir mótið. Þessi eftirminnilegi árangur hafði mikil áhrif á handknattleik stúlkna og kvenna og varð umtalsverð fjölgun í kvennahandknattleik í kjölfarið.

Ríkharður Jónsson er fæddur 12. nóvember árið 1929. Frá unga aldri stundaði Ríkharður íþróttir og þá einkum knattspyrnu og gekk snemma til liðs við Knattspyrnufélag Akraness. Hann var í fyrsta meistaraflokksliði ÍA árið 1946 þá aðeins 16 ára gamall. Meðfram námi í Reykjavík stundaði hann knattspyrnu með Fram, en að námi loknu flutti hann að nýju á Akranes og lék með liði ÍA alla tíð síðan auk þess sem hann þjálfaði liðið um 18 ára skeið. Árið 1946 var Ríkharður, þá 16 ára, valinn í landsliðhóp vegna leiks Íslands gegn Dönum en árið eftir lék Ríkharður sinn fyrsta landsleik aðeins 17 ára gamall gegn Norðmönnum. Þann 20. júní 1951 lauk Íslandsmótinu í knattspyrnu karla með sigri ÍA og varð félagið fyrst liða utan Reykjavíkur til að hampa Íslandsmeistaratitli.

Ríkharður á að baki einstakan knattspyrnuferil og meðal annars má geta þess að hann lék 185 leiki með ÍA og skoraði 139 mörk. Hann hampaði sex Íslandsmeistaratitlum og lék 33 landsleiki á árunum 1946-1965, þar af var hann fyrirliði í 22 leikjum. Hann skoraði 17 mörk í landsleikjum. ÍSÍ óskar Sigríði og Ríkharði til hamingju með útnefninguna.

Paralympics

Ríó 2016

Paralympics (Ólympíumót fatlaðra) fór fram í Ríó í Brasilíu 7. - 18. september 2016. Fimm keppendur úr röðum fatlaðra tryggðu sér þátttökurétt á leikunum, þrír sundmenn, einn frjálsíþróttamaður og einn bogfimimaður. Þetta er í fyrsta sinn sem bogfimikeppandi var fulltrú Íslands á leikunum.

Keppendur Íslands á Paralympics 2016 voru sundmaðurinn Jón Margeir Sverrisson, sundkonurnar Sonja Sigurðardóttir og Thelma Björg Björnsdóttir, spjótkastarinn Helgi Sveinsson og bogfimimaðurinn Þorsteinn Halldórsson. Íslenskum keppendum fjölgar um einn á Paralympics frá síðustu leikum í London 2012. Ljóst er að afreksmenn úr röðum fatlaðra eru á mikilli siglingu þessi dægrin, þar sem nokkur fjöldi reyndi linnulaust við Paralympic-lágmörkin. Þann 9. september keppti Helgi Sveinsson í flokki F4244 í spjótkasti. Helgi var fyrstur íslensku keppendanna á svið. Sextán keppendur náðu þátttökurétti í greininni og þótti Helgi mjög sigurstranglegur. Allir keppendur fengu þrjú köst og síðan héldu átta efstu keppendurnir að þeim loknum áfram og fengu þrjú köst til viðbótar.

Helgi komst áfram eftir fyrstu þrjú köstin. Kastsería Helga í keppninni var þessi: 53.96 - 48.88 - 52.72 53.45 - 53.32 - 49.99. Hann varð fimmti í keppninni með kast upp á 53.96 m., en það er nýtt Paralympicmet í flokki F42. Þar með lauk Helgi þátttöku sinni á Paralympics en sigurvegari keppninnar var Akeem Stewart sem setti nýtt heimsmet í flokki F43 þegar hann kastaði 57.32 m. Þann 10. september, kepptu sundkonan Thelma Björg Björnsdóttir og bogfimimaðurinn Þorsteinn Halldórsson. Þorsteinn keppti í útsláttarkeppni þar sem hann safnaði stigum og að henni lokinni var ljóst hvaða andstæðing hann fékk í útsláttarkeppninni þann 14. sept, Kevin Polish frá Bandaríkjunum. Polish var raðað nr.2 í mótið, en Þorsteini nr. 31. Þorsteinn lauk keppninni með 129 stig en Polish lauk keppni með 143 stig og komst áfram í átta manna úrslit.

Thelma hafnaði í 19. sæti af 20 keppendum í 50m skriðsundi á tímanum 42.14 sek.

Jón Margeir Sverrisson, Þorsteinn Halldórsson, Helgi Sveinsson, Sonja Sigurðardóttir og Thelma Björg Björnsdóttir.

Thelma lauk þar með keppni í 50 m skriðsundi. Þann 11. september synti Thelma í undanrásum í 100 m bringusundi. Thelma hafnaði í ellefta sæti í undanrásunum er hún kom í mark á 1:58,69. Hún komst ekki í úrslitin en aðeins átta fóru áfram í úrslit. Þann 11. september keppti sundmaðurinn Jón Margeir Sverrisson í 200 m skriðsundi S14. Jón Margeir var með fimmta besta tímann í undanrásunum er hann kom í mark á 2:00,01, hálfri sekúndu frá tímanum sem skilaði honum gullverðlaunum á Paralympics 2012. Í úrslitasundinu náði Jón Margeir tímanum 1.57.50 mín. og hafnaði í 4. sæti, en sigurvegari kvöldsins, Tang Wai Lok frá Hong Kong, sigraði á tímanum 1.56.32 mín. Úrslitasundið var æsispennandi og voru fimm keppendur sem gerðu tilkall í gullið. Jón Margeir komst síðan ekki áfram í úrslit í 100 m bringusundi þann 14. september, en hann synti á tímanum 1.12,27 mín. Hann synti síðan 200 m fjórsund þann 17. september og varð sjöundi inn í úrslit á 2.19,56 mín. Í úrslitum synti hann á 2.18,61 mín og hafnaði í 6. sæti.

Sonja Sigurðardóttir komst í úrslit í 50m baksundi S4 þann 16. september þegar hún synti á 1.01,65mín. sem er ögn frá Íslandsmeti hennar.

Daginn eftir synti Thelma Björg 100m skriðsund S6 á 1.27.04 mín og hafnaði í 15. sæti. Sonja Sigurðardóttir synti síðan 50m skriðsund S4 á tímanum 1.03.39 mín og hafnaði einnig í 15. sæti.

Glæsileg frammistaða hjá íslensku keppendunum á Paralympics í Ríó .

Fyrirlestrar ÍSÍ Íþrótta- og Ólympíusamband Íslands er með hinar ýmsu samfélagsmiðlasíður, en tengla á þær má sjá á baksíðu blaðsins.

Margir áhugaverðir fyrirlestrar eru á Vimeo-síðu ÍSÍ, þar eru til dæmis hádegisfundir og ráðstefnur á vegum Þróunar- og fræðslusviðs ÍSÍ.

Allt útgefið efni ÍSÍ, ársskýrslur, bæklingar, ÍSÍ fréttir og fleira er á Issuu-síðu ÍSÍ.

Nýtt starfsfólk ÍSÍ ÍSÍ hefur ráðið þau Elías Atlason og Kristínu Ásbjarnardóttur til starfa. Elías tók við af Óskari Erni Guðbrandssyni. Hann mun sjá um Felix skráningakerfi ÍSÍ og UMFÍ auk þess að halda utan um tölvumálefni ÍSÍ og Íþróttamiðstöðvarinnar. Kristín Ásbjarnardóttir tók við af Erlu Scheving Halldórsdóttur. Kristín mun starfa sem bókari og sjá um slysasjóð ÍSÍ. ÍSÍ býður Elías og Kristínu hjartanlega velkomin til starfa. ÍSÍ þakkar Óskari og Erlu fyrir vel unnin störf og óskar þeim velfarnaðar í nýju starfi.

Hjólum í skólann 2016 ÍSÍ hefur staðið fyrir verkefninu Hjólum í skólann fyrir framhaldsskólanemendur í september síðustu þrjú ár. Markmið verkefnisins er að vekja athygli á virkum ferðamáta sem heilsusamlegum, umhverfisvænum og hagkvæmum samgöngumáta. Ákveðið hefur verið að breyta verkefninu og leggja niður skráningarfyrirkomulagið eins og tíðkast hefur.

Fyrirkomulagið í ár verður þannig að skólinn skráir sig inn á síðunni hjolumiskolann.is og segir stuttlega frá því hvernig aðstaða hjólafólks í skólanum er og hvað skólinn ætlar að gera til þess að hvetja nemendur og starfsfólk til þess að nýta sér virkan ferðamáta til og frá skóla. Þegar talað er um virkan ferðamáta er átt

við að nýta sitt eigið afl t.d. með því að ganga, hjóla og nota hjólabretti, en einnig má nýta sér strætó.

Samstarfsaðilar verkefnisins eru Embætti landlæknis og Hjólafærni.

Móttaka til heiðurs Ólympíuförum Í ágúst buðu Sigurður Ingi Jóhannsson forsætisráðherra og Illugi Gunnarsson mennta- og menningarmálaráðherra til móttöku í Ráðherrabústað til heiðurs íslensku keppendunum á Ólympíuleikunum í Ríó. Allir íslensku þátttakendurnir fengu afhend viðurkenningarskjöl og minnispening frá Alþjóðaólympíunefndinni. Auk þess fengu Eygló Ósk Gústafsdóttir og Hrafnhildur Lúthersdóttir sérstaka viðurkenningu frá Alþjóðaólympíunefndinni fyrir að komast í úrslit og vera í topp átta í sinni grein á Ólympíuleikunum. Fleiri myndir má sjá á myndasíðu ÍSÍ.

Samfélagsmiðlar ÍSÍ Vefsíða: www.isi.is Myndasíða: Íþrótta- og Ólympíusamband Íslands Facebook: Íþrótta- og Ólympíusamband Íslands – ÍSÍ Instagram: isiiceland Twitter: isiiceland Youtube: NOC Iceland ÍSÍ Vimeo: ÍSÍ Issuu: Íthrótta- og Ólympíusamband Íslands #isiiceland

Ólympíufjölskylda ÍSÍ

Íþrótta- og Ólympíusamband Íslands Íþróttamiðstöðinni í Laugardal Engjavegi 6 104 Reykjavík Sími: 514 4000 Netfang: isi@isi.is Forsíðumynd: Ljósmyndari: Kjartan Magnússon, sundkona: Hrafnhildur Lúthersdóttir.

Myndir á síðu 8-9 eru 2016 Getty Images.

Íþrótta- og Ólympíusamband Íslands (ÍSÍ) varð til við sameiningu Íþróttasambands Íslands og Ólympíunefndar Íslands árið 1997. ÍSÍ er landssamband héraðssambanda/íþróttabandalaga og sérsambanda og er einu heildarsamtök íþróttahreyfingarinnar á Íslandi. ÍSÍ er æðsti aðili frjálsrar íþróttastarfsemi í landinu samkvæmd íþróttalögum. Félagsaðilar í íþróttahreyfingunni eru rúmlega 240 þúsund og fjöldi virkra iðkenda er um 86 þúsund.

ÍSÍ Fréttir 1. tbl. 2016 Ábyrgðarmaður: Lárus L. Blöndal Ritstjóri: Ragna Ingólfsdóttir Myndir: Úr safni ÍSÍ