Íþróttablaðið

ÍÞRÓTTABLAÐIÐ tímarit íþrótta- og ólympíusambands íslands 2 júlí 2016 2 65. árg. 2 1. tbl.

ólympíuleikar í ríó 5.–21. ágúst 2016

ÓLYMPÍUFJÖLSKYLDA ÍSÍ Þegar takmarkið er að komast á Ólympíuleika er nauðsynlegt að eiga góða fjölskyldu. Við styðjum íslenskt afreksfólk á Ólympíuleikunum í Ríó.

Á leið til Ríó

Kveðja til Ólympíufara

Undanfarin misseri hafa verið viðburðarík í íslensku íþróttalífi. Góður árangur hefur náðst í mörgum íþróttagreinum og hefur þessi árangur vakið athygli langt út fyrir landsteinana. Ísland er smáþjóð með svipaðan fjölda íbúa og hverfi í stórborg. Það telst því til tíðinda þegar slík þjóð gerir sig ítrekað gildandi á stórmótum þar sem þeir bestu kljást. En þessi árangur kemur ekki af Lárus L. Blöndal, sjálfu sér. Að baki liggur mikil forseti ÍSÍ vinna hjá íþróttafólkinu sjálfu og einnig þeim sem að þeim standa, foreldrum, íþróttafélögum og sérsamböndum svo einhverjir séu nefndir til. Við skulum ekki gleyma að íþróttahreyfingin er stærsta sjálfboðaliðahreyfing á Íslandi. Á EM karla í knattspyrnu sem er nýlokið, vakti landsliðið okkar verðskuldaða athygli fyrir frábæran árangur, árangur sem verður sjálfsagt rannsóknarefni inn í framtíðina. En það var ekki bara liðið okkar sem vakti athygli. Íslenskir áhorfendur vöktu einnig mikla athygli og ekki eingöngu fyrir öfluga hvatningu miðað við fólksfjölda heldur miklu frekar fyrir jákvæða og prúðmannlega framgöngu og afdráttarlausan stuðning við sitt lið, sama á hverju gekk.

Samband Íslendinga við íþróttafólkið sitt er mjög sérstakt. Íslendingar fylgjast með sínu fólki þegar mikið liggur við.

Hvort sem það eru hóp- eða einstaklingsíþróttir þá verður öll þjóðin heltekin þegar Íslandi gengur vel í alþjóðlegri keppni.

Fögnuður okkar verður svo einlægur vegna þess að við vitum sem er að fyrir fámenna þjóð er ekkert sjálfgefið. Það er þessi einlægni og þessi afdráttarlausi stuðningur landsmanna við íþróttafólkið okkar sem gerir íþróttirnar að einu sterkasta sameiningarafli þjóðarinnar.

Nú sendum við vaska sveit á Ólympíuleikana í Ríó sem er stærsta íþrótta- og menningarhátíð í heiminum. Sveitin okkar er reyndar fámennari nú en á undanförnum Ólympíuleikum þar sem handboltastrákarnir okkar verða ekki með í för að þessu sinni. En hún er öflug og hefur lagt mikið á sig til þess að öðlast þátttökurétt í leikunum í Ríó. Íslendingar eiga eftir að flykkjast að sjónvarpstækjunum þegar okkar fólk keppir og senda sterka strauma og stuðning. Ég efast ekki um að við munum verða stolt af okkar keppendum enda setur hver og einn þeirra markið hátt.

Góða skemmtun og ÁFRAM ÍSLAND

Ólympíuleikarnir eru meðal stærstu viðburða í íþróttaheiminum og er þátttaka í leikunum mikill heiður fyrir íþróttamenn. Ólympíuleikarnir í Ríó marka viss tímamót í sögu leikanna þar sem þeir eru nú haldnir í fyrsta skipti í Suður-Ameríku og gefa kjörorð leikanna „A new world“ góð fyrirheit um framtíðina.

Fjöldi afreksíþróttamanna á Íslandi fer sífellt fjölgandi og góður árangur á stórmótum er Illugi Gunnarsson, mennta- og menningarmálaráðherra til marks um þá miklu grósku sem býr í íslensku íþróttalífi og þá uppbyggingu sem hér hefur átt sér stað.

Mennta- og menningarmálaráðuneytið hefur unnið að því síðastliðin ár að efla ýmsa þætti íþróttastarfsins, þá sérstaklega afreksíþróttir. Stuðningur við sérsambönd, samningur við ÍSÍ um Ferðasjóð íþróttafélaga, Afrekssjóð, þátttaka í verkefnum á sviði uppbyggingar svæða og mannvirkja víðs vegar um landið eru meðal þeirra verkefna sem ríkið hefur staðið að síðustu árin. Slíku starfi lýkur vissulega aldrei að fullu en góður árangur Íslands á sviði íþrótta hefur orðið hvatning í samfélaginu um að hlúa enn betur að íþróttastarfi. Ísland hefur átt góðu gengi að fagna í íþróttum og skemmst er að minnast árangurs landsliðs karla í knattspyrnu á EM í Frakklandi. Hinsvegar má ekki gleymast að á bak við þennan árangur liggur þrotlaus vinna og vilji til að gera sitt allra besta fyrir land og þjóð. Það hefur verið ánægjulegt að fylgjast með íþróttamönnum tryggja sér þátttökurétt fyrir Ólympíuleikana í Ríó. Ég fer með mikilli ánægju og tilhlökkun á leikana til þess að styðja okkar keppendur og allt það aðstoðarfólk sem verður keppendum innan handar. Ég óska öllum keppendum góðs gengis á Ólympíuleikunum í Ríó de Janeiro í Brasilíu.

ÍÞRÓTTABLAÐIÐ Tímarit Íþrótta- og Ólympíusambands Íslands Útgefandi: Íþrótta- og Ólympíusamband Íslands Ábyrgðarmaður: Líney R. Halldórsdóttir Ritstjóri: Hjördís Guðmundsdóttir 2 Hönnun og umbrot: Eyjólfur Jónsson 2 Ljósmyndarar: Ýmsir 2 Prentun: Prentsmiðjan Oddi Póstdreifing dreifir blaðinu inn á öll heimili landsins.

Íþrótta- og Ólympíusamband Íslands (ÍSÍ) varð til árið 1997 við sameiningu Íþróttasambands Íslands og Ólympíunefndar Íslands. Íþróttasamband Íslands var hins vegar stofnað 1912. ÍSÍ eru einu heildarsamtök íþróttahreyfingarinnar á Íslandi og æðsti aðili frjálsrar íþróttastarfsemi í landinu samkvæmt íþróttalögum.

Eitt af meginverkefnum ÍSÍ er að efla, samræma og skipuleggja íþróttastarfsemi á Íslandi, og skal sambandið að auki styðja við þróun hvers kyns íþrótta, jafnt almennings- sem afreksíþrótta. ÍSÍ er landsamband héraðssambanda/íþróttabandalaga og sérsambanda. Aðilar að sérsamböndum eru héraðssamböndin/íþróttabandalögin.

Ólympíuleikar í Suður-Ameríku Leikarnir í Ríó verða fyrstu ÓIympíuleikarnir sem fara fram í Suður-Ameríku og án efa verða þessir leikar sérstakir á sinn hátt. Aðalfararstjóri íslenska hópsins, Andri Stefánsson, hefur mikla reynslu af Ólympíuleikum og hefur verið í hlutverki aðalfararstjóra síðan í Peking 2008.

Hvernig líst þér á þessa leika og við hverju má búast? „Við verðum vissulega með minni hóp að þessu sinni, ef við berum saman fjölda keppenda við flesta síðustu leika. Hins vegar getum við alveg gert okkur vonir um góðan árangur, þar sem þeir keppendur sem unnið hafa sér inn þátttökurétt eru meðal þeirra fremstu í heimi í sinni íþróttagrein. Búið er að herða þátttökureglur í flestum greinum og það gerir keppnina enn erfiðari og á sama hátt munum við eingöngu sjá besta íþróttafólk heimsins keppa í undankeppninni og um verðlaun í Ríó.“ En hvað um borgina Ríó, er allt tilbúið fyrir leikana? „Brasilía og Ríó hafa töluverða reynslu af íþróttaviðburðum og héldu t.d. Ameríkuleikana árið 2007. Fyrir leikana í ár er verið að nýta mörg þau mannvirkja sem voru byggð fyrir þá leika, sem og þá knattspyrnuvelli sem eru í borginni.

Setningar- og lokahátíð leikanna fara fram á Maracana vellinum sem var endurbættur fyrir heimsmeistaramótið í knattspyrnu 2014. Það verða tvö ólympíusvæði í borginni og það sem er sérstakt við leikana í ár er að hátíðarnar fara ekki fram á ólympíusvæðunum eða á frjálsíþróttaleikvanginum eins og venjan er. Borgaryfirvöld hafa lagt mikið í að lagfæra samgöngukerfi borgarinnar og er það helsta markmið borgaryfirvalda að leikarnir muni skilja eftir sig bættar samgöngur fyrir íbúa borgarinnar. Keppnisaðstaða og öll aðstaða fyrir íþróttafólkið og þeirra fylgdarlið er tilbúin og hin glæsilegasta.

Ég á von á því að það verði helst samgöngumál sem muni verða erfið þegar kemur að leikunum. Það þurfa því allir að gefa sér góðan tíma til að fara á milli staða.“ En hvað með öryggismál og heilbrigðismál sem hafa verið í umræðunni. Er óhætt að ferðast á leikana og til Ríó? „Á Ólympíuleikum koma saman allar þjóðir heimsins og vissulega eykst áhættan varðandi smitsjúkdóma og öryggismál. Ég tel samt fáa staði vera eins örugga gagnvart þessum málum og umhverfi þátttakenda á Ólympíuleikum. Heilbrigðisstarfsmenn frá flestum þjóðum heims, gestgjafar og Alþjóðaólympíunefndin vinna að því að koma í veg fyrir útbreiðslu sjúkdóma og þannig hjálpast þessir aðilar við að berjast gegn útbreiðslu Zika veirunnar og moskítóflugna á meðan á leikunum stendur. Slíkt á sér ekki eingöngu stað í Ríó heldur eru flestir smitsjúkdómar útbreiddir víða um heim og er einnig verið að vinna að þessum málum á þeim vettvangi. Varðandi öryggismálin þá má segja það sama. Öryggisstofnanir stærstu þjóða heims vinna saman að því að tryggja öryggi þátttakenda og auk þess eru gestgjafar með fjölmenna öryggisgæslu á leikunum, skipaða hermönnum og herlögreglu. Okkar þátttakendur fá upplýsingar um heilbrigðismál, s.s. frá Landlækni og Alþjóðaheilbrigðismálastofnuninni (WHO) og við höfum í okkar teymi heilbrigðisstarfsfólk til að sinna íslenska hópnum auk þess sem að við njótum aðstoðar og upplýsinga frá okkar nágrannaþjóðum“.

Andri Stefánsson, aðalfararstjóri íslenska hópsins

Búnaður

Ólympíuhópurinn þarf að fylgja ströngum reglum á meðan á leikunum stendur og ein af þeim tengist fatnaði og búnaði hópsins. Þar gilda strangar reglur varðandi merki og merkingar og verður íslenski hópurinn í Ríó í fatnaði og skóm frá kínverska íþróttavörufyrirtækinu Peak. Þá eru í búnaði hópsins vörur sem íslensk fyrirtæki útvega hópnum, Eirberg, umboðsaðili Bauerfeind, útvegar stuðningssokka og hlífar, en Bauerfeind fyrirtækið verður jafnframt með þjónustu í Ólympíuþorpinu í Ríó. Beiersdorf á Íslandi útvegar hópnum vörur frá Eucerin og NIVEA.

Fjölmiðlar á Ólympíuleikum Fjölmiðlar eru í lykilstöðu til að miðla því sem fram fer á Ólympíuleikunum.

Alls eru yfir 25 þúsund einstaklingar á vegum fjölmiðla á leikunum sem munu miðla fréttum um allt milli himins og jarðar frá Ríó. Íslenskir fjölmiðlar verða auðvitað með sína fulltrúa á staðnum.

Haft var samband við Þorkel Sigurbjörnsson sem verður ásamt fleirum á vegum RÚV í Ríó. „Við munum, eins og í gegnum tíðina, setja talsvert púður í umfjöllun um Ólympíuleikana hjá okkur, enda stærsta íþróttahátíð heims. Við verðum með fimm manna teymi í Ríó. Ég og Einar Örn Jónsson sinnum fréttum, dagskrárgerð og lýsum af staðnum og með okkur verður framleiðslu- og dagskrárgerðaraðili. Einnig verður með okkur hinn eini sanni Sigurbjörn Árni Arngrímsson sem lýsir frjálsíþróttakeppninni. Heima á Íslandi verður auk okkar her manna eins og tæknimenn, fréttamenn og sérfræðingar við lýsingar – enda stíf dagskrá framundan.“ „Dagskrá RÚV verður að mestu leyti undirlögð af útsendingum frá Ólympíu-

leikunum á meðan þeir standa yfir. Við hefjum útsendingar alla keppnisdaga upp úr hádegi sem standa yfir nánast óslitið fram á nótt. Þar sem Ríó er þremur klukkustundum á eftir Íslandi í tíma og sundkeppnin á kvöldin hefst seint erum við með beinar útsendingar til dæmis frá sundi og frjálsum íþróttum langt inn í nóttina.

Fyrir utan allar þessar beinu útsendingar verða samantektarþættir á hverju kvöldi frá klukkan 21:00–22:00 á meðan leikarnir standa yfir. Þar verður farið yfir það helsta frá deginum, frá því sem gerðist um nóttina og verða Íslendingarnir teknir sérstaklega fyrir, auk þess að reyna að fanga stemninguna innan og utan keppnisstaða í Ríó betur.

Samtals verða þetta hátt í 300 klukkustundir sem við sýnum frá Ólympíuleikunum á RÚV í ágúst frá fjölbreyttri flóru íþróttagreina“ bætti Þorkell við.

Við heyrðum einnig í fulltrúa 365, Eiríki Stefáni Ásgeirssyni um þeirra aðkomu að leikunum. „Stöð 2 mun að þessu sinni sýna beint frá fótbolta, körfubolta og golfi og gera því ítarleg

skil á íþróttastöðvum okkar. Við verðum með blaðamann og ljósmyndara á leikunum sem munu sérstaklega fylgja íslensku keppendunum eftir og færa fréttir af þeim í Fréttablaðinu, Vísi og í fréttum Stöðvar 2 og Bylg junnar.“ „Þá verður öll hefðbundin umfjöllun um leikana í heild sinni í öllum okkar miðlum, líkt og verið hefur á síðustu leikum. Þar verður íþróttavefur Vísis sérstaklega öflugur með fréttum frá leikunum“ sagði Eiríkur Stefán Ásgeirsson blaðamaður sem sjálfur verður á staðnum.

Að lokum verður Morgunblaðið með sinn mann í Ríó. „Morgunblaðið og Mbl. is munu að vanda fjalla ítarlega um Ólympíuleikana. Ég lendi sjálfur í Ríó í vikunni fyrir setningu leikanna og mun beina sjónum mínum að framgöngu íslensku keppendanna og þjálfaranna sem þarna stíga inn á stærsta svið íþróttanna, og gera framgöngunni skil á vinsælasta íþróttavefnum og í stærsta íþróttablaði landsins“ sagði Sindri Sverrisson blaðamaður Morgunblaðsins sem færir okkur fréttir af leikunum.

Fyrir llíík a maa a k m og sál fyrir alla fjölskyld una

í þí nu hv erfi

Fr á m or gn i t il kvölds Sími: 411 5000

• www.itr.is

Íslenski hópurinn á Ólympíuleikunum í Ríó Ísland sendir samtals átta keppendur á Ólympíuleikana í Ríó frá fjórum sérsamböndum; Fimleikasambandi Íslands (FSÍ), Frjálsíþróttasambandi Íslands (FRÍ), Júdósambandi Íslands (JSÍ) og Sundsambandi Íslands (SSÍ).

Fararstjórar

Fararstjórar hópsins verða þeir Andri Stefánsson, aðalfararstjóri og Örvar Ólafsson, aðstoðarfararstjóri, en þeir eru báðir starfsmenn ÍSÍ og hafa haldið utan um skipulag og undirbúning vegna leikanna.

Þjálfarar, flokksstjórarar og sjúkraþjálfari

Berglind Pétursdóttir verður flokksstjóri í fimleikum og Vladimir Antonov þjálfari. Með frjálsíþróttum verða þeir Gunnar Páll Jóakimsson og Pétur Guðmundsson sem þjálfarar og flokksstjórar auk þjálfarans Terry McHugh.

Jón Hlíðar Guðjónsson verður flokksstjóri í júdó og Bjarni Friðriksson þjálfari. Flokksstjóri sundhópsins er Magnús Tryggvason, Jacky Pellerin er þjálfari hópsins auk þess sem að Unnur Sædís Jónsdóttir sjúkraþjálfari verður sundfólkinu til aðstoðar sem og öðrum íslenskum íþróttamönnum fyrri hluta leikanna. Sundþjálfarinn Klaus-Jürgen Ohk verður einnig í Ríó á vegum SSÍ og mun hann aðstoða sundhópinn í tengslum við æfingar.

Fagteymið

Fagteymi hópsins á leikunum er skipað þeim Örnólfi Valdimarssyni lækni, Hafrúnu Kristjánsdóttur sálfræðingi og Róberti Magnússyni sjúkraþjálfara, en hann og Unnur Sædís munu skipta með sér viðveru á leikunum og þjónustu við íþróttafólkið.

ÍSÍ

Lárus L. Blöndal, forseti ÍSÍ og Líney Rut Halldórsdóttir framkvæmdastjóri ÍSÍ, verða einnig fulltrúar ÍSÍ á leikunum og dvelja utan ólympíuþorpsins, en fjölmargir viðburðir fara fram samhliða Ólympíuleikunum þar sem óskað er eftir viðveru fulltrúa Ólympíunefnda sem og samskipti við opinbera aðila. Halla Kjartansdóttir, skrifstofustjóri ÍSÍ, mun dvelja í Ríó utan ólympíuþorpsins á meðan á leikunum stendur og halda utan um ýmsa þjónustuþætti er snúa að miðamálum, samskipti við aðstandendur keppenda og aðra þá íslensku gesti sem heimsækja Ólympíuleikana í Ríó.

Flestum íþróttamönnum fylgir þjálfari og/eða aðstoðarmaður. Á Ólympíuleikunum í Ríó keppa um 10.900 keppendur fyrir hönd 205 landa. Þjálfarar og flokksstjórar eru um 5.000. Verðlaunapeningar eru 302 sett, þ.e. 302 lið eða einstaklingar fá þennan eftirsótta verðlaunapening um hálsinn. Sjálfboðaliðar á leikunum eru um 45.000. Leikarnir í ár verða á tveimur Ólympíusvæðum, en í allt fara íþróttagreinarnar fram í 32 mannvirkjum á fjórum svæðum/ hverfum í borginni.

Íslenskir dómarar í Ríó Á Ólympíuleikunum í Ríó verða 3.200 dómarar og aðstoðarfólk. Ísland mun eiga þrjá fulltrúa í dómgæslu á leikunum, tvo í handknattleik og einn í fimleikum.

Anton Gylfi Pálsson og Jónas Elíasson hafa dæmt saman í fjölda ára og staðið sig frábærlega í verkefnum á Íslandi sem og á alþjóðavettvangi. „Það var í byrjun mars sem við fengum að vita að við vorum valdir til að dæma í Ríó. Við þáðum það að sjálfsögðu og hófum strax að undirbúa okkur sem best við gátum. Undirbúningurinn fólst í stífum þol- og styrktaræfingum. Einnig dæmdum við marga keppnis- og æfingaleiki, horfðum á myndbönd og kynntum okkur sérstaklega nýjar reglur sem tóku gildi 1. júlí“ sagði Jónas Elíasson.

Anton Þórólfsson dæmir fimleika í Ríó. Anton var einn af bestu fimleikamönnum Íslands en hefur snúið sér að dómgæslu síðustu árin. „Það er mikill heiður að vera valinn til að dæma í Ríó, sérstaklega í ljósi þess að Ísland á ekki keppanda á leikunum í karlaflokki. Alþjóðasambandið velur ákveðinn fjölda dómara frá þeim löndum sem ekki senda keppenda í karlaflokki. Þessir sömu dómarar hafa sýnt fram á hæstu einkunn í dómgæslu á heimsmeistaramótum í aðdraganda leikanna“ sagði Anton Þórólfsson.

Verðlaunapeningar á Ólympíuleikum Fyrir fyrstu þrjú efstu sætin eru veittir gull-, silfur- og bronsverðlaunapeninga.

Skipulagsnefnd þeirrar borgar sem heldur Ólympíuleikana hverju sinni ákveður útlit og nákvæma samsetningu verðlaunapeninganna.

Hins vegar eru ákveðin skilyrði sem þarf að uppfylla í sambandi við hönnun peninganna. Gull- og silfurverðlaunapeningar eiga að vera 92,5 % silfur, en í gullverðlaunapening skulu vera að minnsta kosti 6 grömm af gulli í gullhúðun peningsins. Bronsverðlaunapeningar eru málmblanda af bronsi, kopar og tini. Verðlaunapeningarnir eiga að vera 3 millimetrar á þykkt og 60 millimetrar í þvermál. Verðlaunapeningarnir eru um 500 grömm á þyngd, sem svipar til þyngdar á lítilli vatnsflösku, þar af eru 6 grömm gull en restin silfur. Andvirði gullverðlaunapenings er metin á 60 þúsund krónur, en auðvitað er táknræn merking peningsins gríðarlega mikil og gerir því andvirði hans ómetanlegt. Íslendingar hafa fjórum sinnum unnið til verðlauna á Ólympíuleikum, tvisvar sinnum til silfurverðlauna og tvisvar sinnum til bronsverðlauna. Á Ólympíuleikunum í Ríó verða veitt 302 sett af verðlaunapeningum.

Keppendur Íslands Þormóður Árni

Irina

Þormóður Árni Jónsson júdómaður úr Júdófélagi Reykjavíkur er fæddur í Reykjavík 2. mars 1983. Þormóður er að taka þátt í sínum þriðju leikum í röð en hann tók einnig þátt í Peking 2008 og London 2012. Þormóður keppir í júdó í +100 kg flokki.

Lágmörkin? Til að öðlast þátttökurétt á Ólympíuleikum er nauðsynlegt að ná nægilega góðri stöðu á heimslistanum. Í nóvember á síðasta ári náði ég fyrst nógu góðri stöðu á listanum. Í júdóinu virkar það þannig að hægt er að slá hvern annan út af listanum og því var ég ekki öruggur með sætið mitt fyrr en 31. maí þegar tímabilið kláraðist.

Hefur þú alltaf stefnt að því að vera afreksmaður í íþróttum? Alveg frá því ég man eftir mér.

Hvert stefnir þú? Að undanförnu hef ég verið að undirbúa mig fyrir Ólympíuleikana þar sem ég stefni á að bæta minn besta árangur sem ég hef náð á fyrri leikum, en stefnan er tekin á áttunda sæti eða ofar.

Hvað gerðir þú í vetur? Þegar ég var ekki að ferðast vegna móta eða æfinga erlendis, sem kannski voru að meðaltali 10 dagar í mánuði vann ég 100% vinnu sem þjónustufulltrúi hjá Vodafone.

Hvað margar æfingar? Ætli ég æfi ekki svona 7–12 sinnum í viku. Það er mjög misjafnt.

Næsti vetur? Næsta vetur er ég skráður í meistaranám í markaðsfræði og alþjóðaviðskiptum. Námið verður í forgangi næsta vetur.

Hvers vegna júdó? Ég var settur í júdó af foreldrum mínum þegar ég var 6 ára gamall. Ég prófaði fleiri íþróttir eins og körfubolta, fótbolta og frjálsar íþróttir en það varð nokkuð fljótt ljóst að júdóið átti best við mig. Þegar ég var 18 ára ákvað ég að einbeita mér eingöngu að júdóinu.

Samfélagsmiðlar? Ég er einnig með aðdáendasíðu á facebook en get samt ekki sagt að ég sé duglegur að uppfæra hana.

Fimleikakonan Irina Sazonova úr Ármanni er fædd í Rússlandi 2. september 1991. Með frábærum árangri á Heimsmeistaramótinu í Glasgow tryggði Irina sér sæti á úrtökumóti fyrir Ólympíuleikana. Á úrtökumótinu sem fram fór í Ríó í vor tryggði hún sér sæti á Ólympíuleikunum í Ríó með einkunnina 52.931.

Lágmörkin? Til að tryggja sér þátttökurétt þarf að vera í hópi þeirra efstu á Heimsmeistaramóti fyrir Ólympíuleika. Þar keppti ég og tókst að vera í þeim hóp sem fengu þátttökurétt á leikana.

Hefur þú alltaf stefnt að því að vera afrekskona í íþróttum? Held að ég hafi verið 10 ára gömul þegar ég sá fram á að ég gæti það.

Hvert stefnir þú? Ég stefni auðvitað á að keppa á sjálfum Ólympíuleikunum og vera þar á meðal efstu 24 keppendanna.

Hvað varstu að gera í vetur? Ég notaði veturinn til að æfa fyrir Ólympíuleikana. Markmiðið var að ná þátttökuréttinum á leikunum en ég keppti líka m.a. á Evrópumótinu í Bern og Norðulandamótinu sem var haldið hér heima. Í vetur var ég einnig að þjálfa ungar fimleikastúlkur og svo vann ég líka við þrif á hóteli og sem pizzusendill.

Hvað ætlar þú að gera næsta vetur? Eftir Ólympíuleikana ætla ég að taka smá frí þar sem undirbúningstímabilið fyrir leikana er búið að vera langt. Svo er stefnan að læra nýjar fimleikaæfingar til að eiga möguleika á að fá hærri einkunnir.

Keppnisreglurnar í fimleikum eru endurskoðaðar eftir hverja Ólympíuleika og munu breytast smá. Því þarf ég að endurskoða mínar æfingar. Einnig mun ég líklega halda áfram að þjálfa ungar stelpur í fimleikum.

Hvers vegna fimleikar? Móðir mín var góð fimleikakona, þannig það lá beinast við að ég færi sömu leið og hún.

Hvað æfir þú oft í viku? Ég æfi sex daga vikunnar. 3–4 tíma í einu. Stundum æfi ég tvisvar á dag, þá daga æfi ég allt að 6 tíma á dag.

Ólympíufjölskylda ÍSÍ

Ólympíufjölskylda ÍSÍ samanstendur af öflugum fyrirtækjum sem styðja dyggilega við bakið á íslensku íþróttalífi með það að markmiði að efla íslenskt íþróttalíf og þátttöku íslenskra íþróttamanna á erlendum vettvangi.

Fyrirtækin sem mynda Ólympíufjölskyldu ÍSÍ eru Icelandair, Íslandsbanki, Sjóvá og Valitor. Á hverju ári koma þessi fyrirtæki að fjölmörgum verkefnum á vegum ÍSÍ sem tengjast jafnt afreksíþróttum og almennings-

íþróttum fyrir íþróttafólk á öllum aldri. Ólympíufjölskyldan hefur styrkt og stutt starfsemi ÍSÍ um margra ára skeið og veitt íþróttamönnum tækifæri til að taka þátt í alþjóðlegu íþróttalífi, en fyrirtækin í fjölskyldunni hafa með því að vera hluti Ólympíufjölskyldunnar viljað sýna samfélagslega ábyrgð í verki með því að styðja dyggilega við íslenska íþróttahreyfingu. Hefur það átt við hvort sem um er að ræða stuðning við afreksíþróttafólk Íslands,

Forsvarsmenn Ólympíufjölskyldu ÍSÍ. þar sem þar felast fyrirmyndir unga fólksins, við ungt og efnilegt afreksfólk eða við almenningsíþróttir.

Anton Sveinn

Eygló Ósk

Hrafnhildur

Anton Sveinn McKee sundmaður úr Ægi er fæddur 18. desember 1993. Anton Sveinn er nú að keppa í annað sinn á Ólympíuleikum. Á leikunum í London 2012 keppti Anton í 400 m fjórsundi og 1500 m skriðsundi. Anton hefur tryggt sér þátttökurétt á Ólympíuleikunum í Ríó í 100 m og 200 m bringusundi.

Lágmörkin? Sumarið 2014 synti ég undir lágmörkum fyrir ÓL 2016 þannig að ég sá fram á að synda undir lágmörkunum á stærsta mótinu mínu sumarið eftir sem var HM 2015, og það gekk sem betur fer eftir.

Hefur þú alltaf stefnt að því að verða afreksmaður í íþróttum? Ég alltaf haft drauma um að komast langt í sundinu en það var ekki fyrr en eftir að ég sá að ég átti mjög góða möguleika að komast inná ÓL í London 2012 að ég fór að gera mér grein fyrir því að sá draumur gæti orðið að veruleika.

Hvert stefnir þú? Ég er búinn að setja mér ákveðin markmið tímalega séð og mun gera allt til að ná þeim. Ég hef áður sett mér markmið um að komast í úrslit en það er ekki gott markmið því þá er öll einbeitingin sett á keppinautana og hvað þeir gera. Betra er að hafa markmið sem miða að sér sjálfum og leggja allt í sölurnar til að ná þeim.

Hvað varstu að gera í vetur? Ég var á þriðja ári í BS námi í upplýsingafræði við háskólann í Alabama og æfði með skólaliðinu.

Næsti vetur? Ég verð á lokaári í náminu og held áfram að æfa á fullu.

Hvers vegna sund? Spurning sem ég hef alltaf átt erfitt með að svara. Mér hefur alltaf liðið vel í vatninu. Ég hef synt frá unga aldri og þrátt fyrir að hafa prófað margar aðrar íþróttir hef ég alltaf heillast mest af sundíþróttinni.

Hvað æfir þú oft í viku? Í venjulegri æfingaviku þá eru æfingarnar 12 talsins. Þar af eru 3 styrktaræfingar.

Samfélagsmiðlar? Er „antonmckee“ á Instagram og Snapchat.

Eygló Ósk Gústafsdóttir sundkona úr Ægi er fædd í Reykjavík 1. febrúar 1995.

Eygló tekur nú þátt í Ólympíuleikum öðru sinni. Í London 2012 keppti Eygló í fjórum sundgreinum. Fyrir leikana í Ríó hefur Eygló náð lágmarki í 100 metra baksundi, jafnframt er Eygló vel undir lágmarkinu í 200 metra baksundi.

Lágmörkin? Ég ætlaði mér að ná lágmörkunum strax eftir að lágmarkatímabilið hófst og vera með það langt fyrir leikana. Það tókst.

Hefurðu lengi ætlað þér að verða afrekskona í íþróttum? Ég var 9 ára þegar ég sagði fyrst við mömmu að ég færi á leikana 2012 í London, svo sá ég það almennilega þegar ég var á 11–12 ára aldri að ég gæti gert gott í íþróttinni.

Hvert stefnir þú? Ég stefni á að synda fram að ÓL í Tókýó 2020 og fara á þá leika.

Hvað varstu að gera í vetur? Í vetur var ég mest í sundinu, ég kláraði menntaskólann í fyrra og hef einbeitt mér að sundinu síðan.

Hvað ætlar þú að gera næsta vetur?

Næsta vetur býst ég við því að ég syndi á fullu og svo ætla ég að reyna að finna mér einhverja vinnu með.

Hvers vegna sund? Ég hef horft og fylgst með systrum mínum synda og keppa frá því að ég man eftir mér og það var einhvernveginn aldrei neitt annað í stöðunni hjá mér en að fara í sund.

Hvað æfir þú oft í viku? Ég æfi 11 sinnum í viku.

Samfélagsmiðlar? Ég er með facebook síðu þar sem hægt er að fylgjast með mér, Eygló Ósk Gústafsdóttir.

Sundkonan Hrafnhildur Lúthersdóttir úr SH er fædd 2. ágúst 1991. Hún tók þátt í Ólympíuleikunum í London 2012 í tveimur greinum. Hrafnhildur keppir í tveimur greinum í Ríó, 100 og 200 m bringusundi.

Lágmörkin? Mig langaði að ná lágmörkunum sem fyrst svo ég þyrfti ekki að hugsa of mikið um það og náði þeim á Smáþjóðaleikunum 2015.

Hefurðu lengi ætlað þér að verða afrekskona í íþróttum? Ég var sein að fatta að ég væri efni í afrekskonu. Ég vildi alltaf vera góð ef ekki best í íþróttum og öllu öðru, en það var kannski ekki fyrr en ég fór í mína fyrstu landsliðsferð þegar ég var svona 15 ára sem ég fattaði að ég væri nokkuð góð í sundi.

Hvert stefnir þú? Ég stefni náttúrulega á toppinn. Markmiðið er að komast sem lengst og ná sem bestum árangri. Aðalmarkmiðið hjá mér er og hefur alltaf verið að hafa gaman, njóta þess að vera á staðnum og gera eins vel og ég get.

Hvað varstu að gera í vetur? Ég lauk gráðu í almannatengslum við University of Florida. Ég hef auðvitað verið að synda líka, það er aldrei pása á því.

Hvað ætlar þú að gera næsta vetur? Það er mjög stór spurning. Það er svo margt sem mig langar að gera og fara að ég hef ekki ákveðið mig. Eins og er er ég að einbeita mér að Ólympíuleikunum, en eftir það ákveð ég hvert ég fer og hvað ég geri.

Hvers vegna sundið? Ég hef alltaf verið keppnismanneskja og alltaf viljað vera best í því sem ég tek mér fyrir hendur. Ég reyndi nánast allar aðrar íþróttir áður en ég fann sundið og leið vel, gerði vel og eignaðist svo marga frábæra vini. Það bara hentaði best og virkaði.

Hvað æfir þú oft í viku? Ég syndi 9 sinnum, lyfti lóðum 3 sinnum, og geri æfingar á þurru landi 3 sinnum (hlaup, magaæfingar, sipp, o.fl.). Svo fer ég í jóga tvisvar í viku, sem aukaæfingu.

Samfélagsmiðlar? Það er hægt að fylgjast með mér á Facebook undir Hilda Luthersdottir.

Ásdís

Aníta

Guðni Valur

Ásdís Hjálmsdóttir spjótkastari fæddist þann 28. október 1985 og keppir fyrir Ármann. Hún náði að tryggja sér keppnisrétt á leikunum vorið 2015. Ásdís keppti á Ólympíuleikunum í Peking 2008 og í London 2012 þar sem hún komst í úrslit og endaði í 11. sæti.

Lágmörkin? Þar sem þetta eru mínir þriðju leikar þá var þetta ekki spurning um að ná lágmörkum heldur að undirbúa mig fyrir sem bestan árangur. Fyrir leikana í London þurfti ég að kasta 59 m en núna 62 m til að tryggja mig inn og það hafði ég einungis gert einu sinni áður. Ég vissi því að þetta yrði erfitt en ég var samt sem áður fullviss um að ég myndi ná því.

Hvenær sástu fyrir þér að verða afrekskona í íþróttum? Sem krakki hafði ég engan áhuga á íþróttum og það var ekki fyrr en ég var 10 ára og ákvað að prófa badminton. Ég hafnaði í öðru sæti á mínu fyrsta móti á eftir stelpu sem var búin að æfa lengi. Þetta kveikti heldur betur í keppnisskapinu og ég byrjaði að æfa á fullu. Fljótlega sagði ég við mömmu og pabba að ég ætlaði að keppa á Ólympíuleikum. Þau brostu bara og klöppuðu mér á kollinn.

Hvert stefnir þú? Ég stefni á að verða allra besta útgáfan af sjálfri mér.

Hvað varstu að gera í vetur? Ég er í doktorsnámi í Zurich og æfði þar af fullum krafti samhliða náminu.

Hvað ætlar þú að gera næsta vetur? Ég ætla að komast langleiðina með að klára doktorsnámið.

Hvers vegna spjótið? Vegna þess að það er bara svo ótrúlega skemmtilegt að kasta spjóti. Það er mikil áskorun þar sem þú þarft að vera rosalega góður alhliða íþróttamaður, þetta er mikil tæknigrein og algjörlega óútreiknanleg.

Samfélagsmiðlar? Ég er á Facebook, @asdishjalms á Instagram og Twitter, icejav á Snapchat. Æfingar? Ég æfi mest á veturna og passa mig yfirleitt að hafa einn hvíldardag í viku.

Frjálsíþróttakonan Aníta Hinriksdóttir er fædd 13. janúar 1996. Aníta keppir fyrir ÍR. Aníta tekur nú þátt á sínum fyrstu Ólympíuleikum. Það var á Heimsmeistaramótinu í Peking þann 25. ágúst 2015 sem Aníta tryggði sér þátttökurétt á Ólympíuleikana í Ríó.

Aníta keppir í 800 metra hlaupi.

Lágmörkin? Ég hugsaði sumarið 2013 að ég gæti náð lágmarkinu en það var svo á heimsmeistaramótinu í Peking í ágúst 2015, sem ég náði því.

Hefur þú alltaf stefnt að því að vera afrekskona í íþróttum? Ég byrjaði 9 ára í frjálsum og var alltaf spennt fyrir að leggja þær fyrir mig.

Hvert stefnir þú? Ég stefni á að halda áfram svo lengi sem ég hef gaman af því. Einnig er stefnan að fara í nám samhliða æfingunum.

Hvað varstu að gera í vetur? Í vetur æfði ég vel með frábærum æfingahópi ÍR og „Team nesinu“ og í janúar fórum við í góða æfingaferð til Suður Afríku.

Einnig útskrifaðist ég úr menntaskóla í vor.

Næsti vetur? Næsta vetur stefni ég á eitthvað skemmtilegt nám í einhverri mynd og halda áfram að æfa vel.

Hvers vegna frjálsar íþróttir? Frjálsar eru ákveðið fjölskyldusport og voru mamma og systir hennar t.d. í frjálsum íþróttum í ÍR Liðið mitt er frábært og æfingaaðstaðan góð. Æfingar? Það er nokkuð misjafnt eftir árstíma hvað ég æfi mikið. Ég æfi til dæmis miklu minna þegar stórmót nálgast. Ætli ég æfi ekki á bilinu sex til níu sinnum í viku.

Kringlukastarinn Guðni Valur Guðnason sem keppir fyrir ÍR er fæddur 11. október 1995. Guðni hefur sýnt miklar framfarir í kringlukasti undanfarin misseri. Besta árangri sínum til þessa náði hann í Hafnarfirði þann 10. september 2015 þegar hann kastaði 63,50 metra. Guðni Valur tekur nú þátt í fyrsta sinn á Ólympíuleikum.

Lágmörkin? Þegar ég kastaði 63,50 m í fyrrahaust þá sá ég að ég ætti möguleika að ná lágmarkinu á ÓL. Manstu hvað þú varst gamall þegar þú sást fram á að verða afreksmaður í íþróttum? Frá því að ég man eftir mér í íþróttum hef ég alltaf stefnt að því að verða atvinnumaður.

Hvert stefnir þú? Ég stefni á toppinn.

Hvað varstu að gera í vetur? Ég var að klára rafvirkjann í Tækniskólanum.

Hvað ætlar þú að gera næsta vetur? Ég ætla að klára að vinna samninginn svo ég geti klárað sveinsprófið og æfa.

Hvers vegna frjálsar íþróttir? Okkur félaga mínum, sem er í stangarstökki, langaði að fara saman til útlanda en vorum báðir í skóla og áttum lítinn pening þannig að við þurftum þá að finna eitthvað sem að kostaði okkur ekki mikið. Á þeim tíma var hann í landsliðinu í stöng og okkur datt þá í hug að fara í keppnisferð saman í frjálsum. Við urðum sammála um að ég yrði fljótastur að komast í landsliðið í kúluvarpi af því að í grunnskóla kastaði ég einhvern íþróttatímann mjög langt með mjög léttri kúlu og þannig byrjaði ég í frjálsum.

Hvað æfir þú oft í viku? U.þ.b. 10–12 sinnum.

Samfélagsmiðlar? Já það er hægt að fylgjast með mér á á Facebook og Instagram (gudnigudna) og Snapchat (gudniv).

Dagskrá íslensku Ólympíufaranna Fimmtudagur 4.8.2016 Fimleikar – áhaldafimleikar kvenna – lokaæfing Móttökuhátíð í Ólympíuþorpi Föstudagur 5.8.2016 Setningarhátíð Laugardagur 6.8.2016 Sund – 100 m bringusund – undanrásir Sund – 100 m bringusund – milliriðlar Sunnudagur 7.8.2016 Sund – 100 m baksund – undanrásir Sund – 100 m bringusund – undanrásir Fimleikar – áhaldafimleikar kvenna – fjölþraut Sund – 100 m bringusund – milliriðlar Sund – 100 m bringusund – úrslit Sund – 100 m baksund – milliriðlar Mánudagur 8.8.2016 Sund – 100 m baksund – úrslit Sund – 100 m bringusund – úrslit Þriðjudagur 9.8.2016 Sund – 200 m bringusund – undanrásir Sund – 200 m bringusund – milliriðlar Miðvikudagur 10.8.2016 Sund – 200 m bringusund – undanrásir Sund – 200 m bringusund – úrslit Sund – 200 m bringusund – milliriðlar Fimmtudagur 11.8.2016 Sund – 200 m baksund – undanrásir Sund – 200 m baksund – milliriðlar Fimleikar – fjölþraut kvenna – úrslit Föstudagur 12.8.2016 Frjálsíþróttir – kringlukast karla – forkeppni Júdó – karlar +100 kg – undankeppni Júdó – karlar +100 kg – fjórðungsúrslit Júdó – karlar +100 kg – uppreisnarglímur og undanúrslit Júdó – karlar +100 kg – brons viðureignir Júdó – karlar +100 kg – úrslitaglíma Laugardagur 13.8.2016 Frjálsíþróttir – kringlukast karla – úrslit Sunnudagur 14.8.2016 Fimleikar – áhaldafimleikar kvenna – úrslit, stökk og tvíslá Mánudagur 15.8.2016 Fimleikar – áhaldafimleikar kvenna – úrslit, jafnvægisslá Þriðjudagur 16.8.2016 Fimleikar – áhaldafimleikar kvenna – úrslit, gólfæfingar Frjálsíþróttir – spjótkast kvenna – forkeppni Miðvikudagur 17.8.2016 Frjálsíþróttir – 800 m hlaup kvenna – undanrásir Fimmtudagur 18.8.2016 Frjálsíþróttir – spjótkast kvenna – úrslit Frjálsíþróttir – 800 m hlaup kvenna – undanúrslit Laugardagur 20.8.2016 Frjálsíþróttir – 800 m hlaup kvenna – úrslit Sunnudagur 21.8.2016 Lokahátíð

Ríó tími

Ísl. tími

Keppandi

17:30–19:00 19:00–19:30

20:30–22:00 22:00–22:30

20:00–24:00

23:00–03:00

14:53–15:14 23:06–23:16

17:53–18:14 02:06–02:16

Anton Sveinn McKee Anton Sveinn McKee

13:00–13:18 13:52–14:11 17:30–19:00 22:24–22:34 22:47–22:52 23:29–23:39

16:00–16:18 16:52–17:11 20:30–22:00 01:24–01:34 01:47–01:52 02:29–02:39

Eygló Ósk Gústafsdóttir Hrafnhildur Lúthersdóttir Irina Sazonova Hrafnhildur Lúthersdóttir Anton Sveinn McKee Eygló Ósk Gústafsdóttir

22:25–22:30 22:51–22:56

01:25–01:30 01:51–01:56

Eygló Ósk Gústafsdóttir Hrafnhildur Lúthersdóttir

13:47–14:14 22:57:23:10

16:47–17:14 01:57–02:10

Anton Sveinn McKee Anton Sveinn McKee

13:48–14:13 22:00–22:06 23:05–23:18

16:48–17:13 01:00–01:06 02:05–02:18

Hrafnhildur Lúthersdóttir Anton Sveinn McKee Hrafnhildur Lúthersdóttir

14:48–15:11 22:31–22:44 16:00–18:10

17:48–18:11 01:31–01:44 19:00–21:10

Eygló Ósk Gústafsdóttir Eygló Ósk Gústafsdóttir Irina Sazonova

09:30–11:45 10:00–13:00 10:00–13:00 15:30–16:40 16:40–17:20 17:20–17:40

12:30–14:45 13:00–16:00 13:00–16:00 18:30–19:40 19:40–20:20 20:20–20:40

Guðni Valur Guðnason Þormóður Árni Jónsson Þormóður Árni Jónsson Þormóður Árni Jónsson Þormóður Árni Jónsson Þormóður Árni Jónsson

10:50–11:55

13:50–14:55

Guðni Valur Guðnason

14:00–17:00

17:00–20:00

Irina Sazonova

14:00–16:25

17:00–19:25

Irina Sazonova

14:00–16:15 20:35–22:38

17:00–19:15 23:35–01:38

Irina Sazonova Ásdís Hjálmsdóttir

10:55–11:37

13:55–14:37

Aníta Hinriksdóttir

21:00–22:20 21:15–21:33

00:00–01:20 00:15–00:33

Ásdís Hjálmsdóttir Aníta Hinriksdóttir

21:15–21:17

00:15–00:17

Aníta Hinriksdóttir

20:00–24:00

23:00–03:00

Irina Sazonova

Örugg þátttaka

Möguleg þátttaka

Feel good. good. Move Move better. better.

Feel Feel good.

Move better.

Feel good. Move better.

Feel good. Move better.

STUÐNINGSHLÍFAR

Feel good. M HNÉHLÍF

ÖKKLAHLÍF

OLNBOGAHLÍF

ÚLNLIÐSHLÍF

FÁST Í VEFVERSLUN ICEPHARMA OG NIKEVERSLUN

SKÝJUM OFAR Við óskum íslensku ólympíuförunum góðs gengis á Ólympíuleikunum í Rio de Janeiro 2016!

ÍSLENSKA/SIA.IS/FLU 80642 07/16

Taktu flugið í sumar – styttu ferðalagið og lengdu faðmlagið

Rúnar Alexandersson

Mynd fengin úr myndasafni Morgunblaðsins, ljósmyndari Kristinn Ingvarsson

Rúnar Alexandersson er nafn sem margir muna eftir þegar rætt er um Ólympíuleikana en Rúnar var fyrsti fulltrúi Íslands í fimleikakeppni Ólympíuleikanna. Þetta var árið 1996 en það ár voru leikarnir haldnir í Atlanta í Bandaríkjunum. Núna tuttugu árum síðar er gaman að heyra hvar Rúnar er staddur í lífinu og heyra söguna af því hvernig það kom til að hann fluttist til Íslands. „Ég fæddist í Rússlandi í litlum bæ sem heitir Smolensk en þegar ég var eins árs fluttu foreldrar mínir til Tallinn, höfuðborgar Eistlands. Þar sem ég var mjög virkur krakki þá voru foreldrar mínir fljótir að átta sig á að þeir yrðu að koma mér í einhverja íþrótt og þar sem það var fimleikasalur mjög nálægt heimili okkar var ég sendur á æfingar þangað þegar ég var fimm ára.

Fyrstu árin snérust æfingarnar aðallega um leiki og það að hafa gaman en þegar félagið réði til starfa frábæran þjálfara frá Hvíta Rússlandi þá ákvað hann að við myndum æfa tvisvar á dag alla daga, nema á sunnudögum en þá var frí. Á þessum tíma var ég ekki farinn að hugsa um Ólympíuleikana, heldur vildi ég bara vera bestur í minni íþrótt. Í fimleikasalnum var allt sem við þurftum til að æfa vel og var í alla staði frábær.

Mjög oft komu til okkar erlendir þjálfarar á nokkurs konar námskeið til að kynna sér fyrirkomulag æfinga hjá félaginu mínu. Árið 1993 komu tveir þjálfarar frá Íslandi, sem mig minnir

að hafi verið þeir Björn Magnússon og Heimir Gunnarsson, á eitt slíkt námskeið. Eftir námskeiðið buðu þeir félaginu að senda þjálfara og einn fimleikamann til Íslands í nokkrar vikur til að æfa og sýna fimleika. Ég man þegar ég kom fyrst til Íslands hvað mér fannst allt svo ótrúlegt, landið var svo fallegt og ég man þegar ég sat í bílnum á leiðinni til Reykjavíkur frá flugvellinum að umhverfið gerði mig orðlausan . Ég var svo gapandi hissa á allri þessari fegurð. Á þessum tíma talaði ég bara rússnesku en fólk var svo vinalegt og tilbúið að hjálpa mér að mér fannst strax eins og ég væri heima hjá mér. Ísland mun alltaf vera mitt annað heimili. Það sem ég sakna mest frá Íslandi er íslenska þjóðin en fólkið þar er eins og ein stór fjölskylda sem sást best á öllu í kringum íslenska karlalandsliðið í fótbolta á nýliðnu Evrópumóti í knattspyrnu. Ég á nokkra íslenska vini ennþá sem ég skrifast á við endrum og eins.

Eftir fyrstu heimsókn mína til Íslands bauð Gerpla mér að flytja til landsins og keppa fyrir félagið. Ég þáði það og var á Íslandi í þrjú ár. Þegar ég fékk íslenskan ríkisborgararétt varð ég mjög glaður því það gaf mér tækifæri að keppa fyrir Íslands hönd á mínum fyrstu Ólympíuleikum (Innskot blm.

Rúnar var ríkisfangslaus áður en honum bauðst að gerast ísl. ríkisborgari). Þegar ég flutti til Íslands hóf ég að undirbúa mig fyrir leikana í Atlanta.

Aðstaðan hjá Gerplu var því miður ekki

Rúnar starfar sem flugstjóri í dag. fullnægjandi sem gerði það erfitt að æfa fyrir leikana svo ég fékk stundum að nota æfingaaðstöðu Ármanns en hún var betri á þessum tíma. Árið 1996 hélt ég svo á mína fyrstu Ólympíuleika en það var þá í fyrsta í heil þrjú ár sem ég yfirgaf Ísland. Ég man þegar ég mætti í fyrsta sinn á æfingu í keppnishöllinni í Atlanta til að æfa við hliðina á heimsins besta fimleikafólki að þá fékk ég dálítið kvíðakast því þarna áttaði ég mig á því hvert ég var kominn og hvað var í vændum. Ég jafnaði mig þó fljótlega og náði að einbeita mér að verkefninu.

Eftir leikana flutti þjálfarinn minn til Svíþjóðar og ég elti hann þangað til að halda áfram að æfa undir hans leiðsögn fyrir Ólympíuleikana í Sydney, sem ég fór einnig á. Eftir þá leika fluttist ég aftur til Lettlands til að æfa hjá ólympíumeistaranum og fimleikaþjálfaranum Igor Vihrov. Það var stórt skref í ferli mínum sem fimleikamaður að komast að hjá honum og undir leiðsögn hans komst ég inn á mína þriðju Ólympíuleika, en ég er mjög ánægður með árangur minn á Ólympíuleikunum í Aþenu. Í dag er ég giftur og við hjónin eigum tvö börn. Við búum í Lettlandi og ég vinn sem flugstjóri hjá AirBaltic.

Flugfélagið er einmitt nýlega farið að fljúga til Íslands og ég er auðvitað mjög ánægður með það! „Mig langar að óska öllum íslensku íþróttamönnunum sem eru að fara á Ólympíuleikana í Ríó góðs gengis.

Njótið þið leikanna og komið með nokkra gullverðlaunapeninga heim til Íslands.“

Paralympic Games í Ríó Paralympics fer fram í Ríó í Brasilíu dagana 7.–18. september. Mótið fer fram á sama stað og við sömu aðstæður og Ólympíuleikarnir.

Fimm fræknu

Ljósm. Bára Dröfn Kristinsdóttir

Á Paralympics eru skráðir 4.350 keppendur frá 178 löndum. Sjálfboðaliðar verða 25.000 og 7.200 manns á vegum fjölmiðla munu skrifa um afrekin og lífið í Ríó á meðan leikunum stendur.

Dómarar og aðstoðarfólk verða 1.300.

„Í byrjun júlí 2016 fékkst endanlega staðfest hvaða íþróttamenn yrðu fulltrúar Íslands á Paralympics í Ríó.

Fimm afreksmenn úr röðum fatlaðra frá Íslandi munu taka þátt í stærsta verkefni hvers afreksmanns og í fyrsta sinn mun Ísland taka þátt í bogfimikeppninni. Þorsteinn Halldórsson skaut sér þá leið til Brasilíu eftir frækna frammistöðu á úrtökumóti í Tékklandi í júní sl. Ísland bætir því við sig frá London þar sem fjórum keppendum var telft fram í tveimur greinum en nú á Ísland fimm fulltrúa í þremur greinum sem er gríðarlega ánægjulegt. Þá er líka nokkuð ljóst að íþróttahreyfing fatlaðra á Íslandi hlýtur að setja sér markmið um sex keppendur árið 2020,“ sagði Jón Björn Ólafsson íþróttagreinastjóri Íþróttasambands fatlaðra og aðalfararstjóri á Paralympics 2016.

Efri röð frá vinstri: Jón Margeir Sverrisson, Þorsteinn Halldórsson og Helgi Sveinsson.

Neðri röð frá vinstri: Sonja Sigurðardóttir og Thelma Björg Björnsdóttir.

Undirbúningur

Helgi Sveinsson Evrópumeistarinn Helgi Sveinsson spjótkastari úr Ármanni ætlar sér ekkert annað en gullið en hann tekur nú þátt í Paralympics í annað sinn. Hans fyrstu leikar voru í London 2012 en þá var kastferillinn skammt á veg kominn.

„Að loknum Evrópumeistaramótunum í bogfimi, sundi og frjálsum eru íslensku keppendurnir aðallega hér heima við undirbúning en þó munu einhverjir æfa erlendis sem liður í aðlögun að umtalsvert frábrugðnu loftslagi frá því sem við eigum að venjast. Paralympics fara nú fram í fyrsta sinn í Suður-Ameríku og mikill spenningur er í hópnum fyrir verkefninu en íslenski hópurinn heldur af stað þann 31. ágúst og er væntanlegur aftur heim 21. september.“ Fjöldi keppenda reyndu við lágmörkin

þetta árið og því enn ánægjulegra að sjá að hópurinn fer ört stækkandi sem ætlar sér að taka þátt í stærsta íþróttaverkefni hvers fatlaðs afreksmanns.

Íslenski hópurinnn

Jón Björn Ólafsson verður aðalfararstjóri íslenska hópsins. Læknir liðsins verður Hera Jóhannesdóttir og sjúkraþjálfari Ragnar Friðbjarnarson. Landsliðsþjálfarar í sundi eru þau Kristín Guðmundsdóttir og Ingi Þór Einarsson. Landsliðsþjálfari í frjálsíþróttum er Kári Jónsson. Guðjón Einarsson verður aðstoðarmaður í bogfimi og Helena Ingimundardóttir er aðstoðarmaður í sundi og frjálsíþróttum.

Keppendur Íslands:

Jón Margeir Sverrisson Jón Margeir sundmaður úr Fjölni hefur verið einn fremsti afreksmaður fatlaðra síðustu ár en hans helsta afrek er gull á Paralympic leikunum í London 2012, þar sem hann tryggði sér frábæran sigur í 200 m skriðsundi S14. Jón Mar-

geir setti þar nýtt Paralympic-met, heimsmet, Evrópumet og að sjálfsögðu nýtt Íslandsmet.

Sonja Sigurðardóttir Sonja sundkona í ÍFR keppir á Paralympics í annað sinn en hún synti einnig fyrir Íslands hönd í Peking 2008.

Sonja keppir í flokki hreyfihamlaðra og hefur á síðustu árum sökum fötlunar sinnar farið í lægri flokka þar sem hreyfihömlun hennar hefur ágerst.

Thelma Björg Björnsdóttir Thelma Björg sundkona í ÍFR tekur þátt í sínum fyrstu Paralympics þetta árið en hún á að baki hundruð Íslandsmeta í flokki S6 (hreyfihamlaðir). Thelma verður önnum kafin í Ríó en hún keppir þar í alls fimm greinum. Þorsteinn Halldórsson Þorsteinn bogfimimaður úr Boganum komst til Ríó með síðustu skipunum eins og menn segja. Á EM í bogfimi tókst honum ekki að tryggja sér farseðilinn þar sem hann datt út í útslætti í keppni með trissuboga. Lokaúrtökumót fyrir Ríó fór svo fram í júní í Tékklandi þar sem Þorsteinn hafnaði í 3. sæti í útsláttarkeppni með fræknum sigri á keppanda frá Noregi. Þorsteinn verður fyrsti Íslendingurinn sem keppa mun í bogfimi á Paralympics!

HLUTI AF ANDVIRÐI LOTTÓMIÐANS RENNUR BEINT TIL ÍÞRÓTTA- OG ÓLYMPÍUSAMBANDS ÍSLANDS Það er líka þér að þakka að Aníta, Ásdís, Irina, Þormóður, Guðni Valur, Hrafnhildur, Anton og Eygló Ósk fara á Ólympíuleikana.

LEIKURINN OKKAR

ÍSLENSK GETSPÁ Engjavegi 6, 104 Reykjavík Sími 580 2500 | www.lotto.is

Það er ótrúlegt hvað þú styður marga þegar þú spilar með.

ÞAÐ ER LÍKA ÞÉR AÐ ÞAKKA AÐ ANÍTA, ÁSDÍS, IRINA, ÞORMÓÐUR, GUÐNI VALUR, HRAFNHILDUR, ANTON OG EYGLÓ ÓSK FARA Á ÓLYMPÍULEIKANA Það er ótrúlegt hvað þú styður marga þegar þú spilar með.

LEIKURINN OKKAR

ÍSLENSK GETSPÁ Engjavegi 6, 104 Reykjavík Sími 580 2500 | www.lotto.is

Hluti af andvirði Lottómiðans rennur beint til Íþrótta- og Ólympíusambands Íslands.