Riċetti mir-Reġistru Nazzjonali

Page 1

Ħarifa

Riċetti

23

REĠISTRU NAZZJONALI TA’ PRODOTTI

AGRI-ALIMENTARI TRADIZZJONALI TA’ MALTA U GĦAWDEX

Il-Balbuljata Informazzjoni fuq il-metodu ta’ preparazzjoni Il-balbuljata ssir billi l-ewwel jitqatta’ l-basal irqiq u jitqalla’. Wara jiżdied it-tadam imqaxxar u mqatta’, ftit bżar u melħ u jkompli jitqalla’ mal-basal. Hekk kif isir, jiżdied il-bajd imħabbat u jitħawwad mal-kumplament tat-taħlita sakemm isir il-bajd.

L-Istuffat tal-Qarnit Informazzjoni fuq il-metodu ta’ preparazzjoni L-istuffat tal-qarnit isir billi l-ewwel titgħalla l-qarnita fi ftit ilma fuq nar baxx. Ġo taġen jitqalla’ l-basal u t-tewm fiż-żejt tażżebbuġa sakemm jieħdu lewn ħamrani. Wara, dawn jitpoġġew f’kazzola flimkien mal-qarnita, mat-tadam, mal-patata, mattursin, mal-kunserva, maż-żebbuġ, mal-weraq tar-rand, mannagħniegħ, ma’ ftit inbid, maz-zokkor, mal-bżar u mal-melħ. Dawn jitħallew isiru fuq nar baxx għal madwar ħamsin minuta. L-istuffat tal-qarnit jisserva flimkien mal-ispagetti bi ftit tursin imqatta’ fil-wiċċ.

Il-Pulpetti tal-Makku Informazzjoni fuq il-metodu ta’ preparazzjoni Il-pulpetti tal-makku jsiru billi l-ewwel jitqalla’ l-basal. Wara, dawn jitħawdu malmakku, mal-patata mgħollija mgħaffġa, mal-lumi maħkuk u ma’ xi ħwawar. Minn din ittaħlita jinħarġu pulpetti żgħar li jinksew bid-dqiq u wara jinqlew fiż-żejt taż-żebbuġa. Dawn jiġu servuti biz-zalza tal-kappar.

It-Tin Imqadded Informazzjoni fuq il-metodu ta’ preparazzjoni Għall-preservazzjoni tat-tin b’dan il-metodu, it-tin jiġi maqtugħ min-nofs u jitpoġġa ħdejn xulxin ġo tilari fix-xemx. Biex jitqadded dan jieħu madwar erbgħa jew ħamest ijiem. Ladarba jinxef, dan jinħażen ġo kontenituri.


Turn static files into dynamic content formats.

Create a flipbook
Issuu converts static files into: digital portfolios, online yearbooks, online catalogs, digital photo albums and more. Sign up and create your flipbook.