Kuadru Polítika ba Edukasaun Pré-Eskolar iha Timor-Leste

Tabela Konteúdu

SUMÁRIU EZEKUTIVU.............................................................................................. 3 A. INTRODUSAUN NO INFORMASAUN FUNDU ................................................. 9 B. VIZAUN FOUN IDA: EDUKASAUN PRE-ESKOLÁR IHA TIMOR-LESTE ... 13 C. ÁREA KONSENTRASAUN ESTRATÉJIKU ....................................................... 15

I. Haluan tan Disponibilidade Edukasaun Pre-eskolár ho Kualidade ................... 15 II. Aumenta formasaun no dezenvolvimentu profesionál ne’ebé hala’o hela ba edukadór pre-eskolár sira .................................................................................. 18 III. Apoiu Dezenvolvimentu Kurríkulu ................................................................... 20 IV. Dezenvolvimentu Parseria Família no Komunidade ......................................... 26 V. Dezenvolvimentu sistema monitorizasaun no evaluasaun tuir padraun ida........ 27 Referénsia sira: ............................................................................................................. 29 Akrónimu ..................................................................................................................... 31 Glosáriu ........................................................................................................................ 32 Aneksu ......................................................................................................................... 33

2

SUMÁRIU EZEKUTIVU Timor-Leste nia vizaun ba edukasaun pre-eskolár mak atu fó asesu ba labarik hotu ho idade tinan 3-5 ba programa pre-eskolár ida ho kualidade ne’ebé besik ba sira-nia uma. Edukasaun pre-eskolár ne’ebé iha kualidade sei tulun labarik sira atu dezenvolve abilidade, koñesimentu, konfiansa no auto konfiansa báziku ne’ebé presiza hodi bele tama ba eskola primária no prontu atu aprende. Família sira, komunidade no governu lokál sei envolve iha prosesu halo desizaun. Liuhusi esforsu hamutuk ida-ne’e, sei estabelese rede ida ba pre-eskolár ne’ebé responde ba rekerimentu hotu ne’ebé difini ona iha Diresaun Nasionál ba Edukasaun Pre-eskolár iha Ministériu Edukasaun (ME).

Meta ba tempu badak ne’ebé fó-sai ona iha Planu Estratéjiku Nasionál ba Edukasaun 2011-2015 mak, to’o tinan 2015 pelumenus sorin balun husi númeru totál labarik sira ho idade entre tinan 3 no 5 sei rejista ona iha pre-eskolár ne’ebé iha kualidade.

Situasaun oras ne’e nian Iha Tinan 2007-2008, iha eskola pre-primária hamutuk 141 mak rejista ona ho mestre hamutuk na’in 310 ona ne’ebé hamutuk %25 de’it husi populasaun ho idade entre tinan 3-5. Taxa rejista aas liu iha área urbanu. Komunidade sira kontinua halo kontribuisaun signifikante ba dezenvolvimentu edukasaun pre-eskolár. Husi preeskolár hamutuk 180, hamutuk 140 mak eskola privadu ne’ebé komunidade rasik mak apoia. Preokupasaun prinsipál ida ne’ebé karateriza provizaun pre-eskolár dadaun ne’e ne’ebé ninia nivel kualidade hanorin no aprendizajen ki’ik tebes. Mestre sira ladún hetan formasaun ne’ebé di’ak no iha limitasaun barak ba matéria hanorin no aprendizajen tuir lian instrusaun ne’ebé apropriadu iha sala sira ne’ebé iha. Rekoñese ona katak iha nesesidade imidiata atu dezenvolve no halo reformasaun ba kurríkulu.

Liután, sistema inspesaun ne’ebé estabelese ona iha tinan 2008, seidauk dezenvolve ba edukasaun pre-eskolár.

Aleinde dezafiu sira-ne’e, dezenvolvimentu importante balu ne’ebé dadaun ne’e iha inklui kuadru kompeténsia ba mestre pre-eskolár sira, matadalan ba akreditasaun

3

eskola no pilotu ba programa formasaun ba mestre pre-eskolár sira. Ho apoiu husi the Open Society Foundation no Universidade Macquarie, Grupu Serbisu Edukasaun Sedu ba Labarik ki’ik sira revee ona kualidade matéria hanorin no aprendizajen iha programa sira ne’ebé ezisti.

Dekretu Lei iha tinan 2010 atu kria Diresaun Nasionál ba Edukasaun Pre-Eskolár hanesan atinjimentu boot ida iha dezenvolvimentu setór ida-ne’e nian. Rejimi karreira mestre ME nian tenki uza hodi tulun rezolve dezafiu hanorin balu iha setór pre-eskolár inklui limitasaun iha supervizaun ne’ebé la natoon ba mestre foun sira.

Tuir instrusaun husi Diresaun ba Edukasaun Pre-eskolár, Grupu Serbisu Edukasaun Sedu ba Labarik ki’ik sira sei kontinua kordena esforsu entre organizasaun no parseiru ONG sira hodi bele atinji matadalan hodi hanorin no aprendizajen ne’ebé estandardizadu.

Vizaun Foun ida: Edukasaun Pre-eskolár iha Timor-Leste Programa edukasaun pre-eskolár responde ba aspetu hotu husi dezenvolvimentu labarik nian (sosiál-emosionál, lian, konitivu no fíziku) no fornese fundasaun ne’ebé sólidu ba susesu labarik nian iha hahú eskola primária. Benefísiu pozitivu ba labarik sira ne’ebé rejista iha programa ho kualidade inklui: auto-konseitu pozitivu no rezilénsia; komunikasaun no abilidade literasia imidiata; hanoin ho krítiku bainhira halo desizaun no rezolve problema; abilidade, atitude atu konstroi sira-nia koñesimentu rasik; no abilidade ida atu halo interasaun di’ak ho labarik no adultu sira.

Atu bele aumenta tan taxa rejista ba labarik ho idade pre-eskolár sira ba %50 to’o tinan 2015, Ministériu Edukasaun enkoraja dezenvolvimentu programa oioin ne’ebé jere tuir entidade privadu no públiku. Enkoraja mós fleksibilidade relasiona ho organizasaun no estrutura programa pre-eskolár iha Timor-Leste. Maske nune’e, iha estrutura ida-ne’e, programa pre-eskolár hotu sei obedece ba prinsípiu sira tuirmai ne’e: •

• •

•

•

•

Estabelese ambiente ne’ebé suportivu ba labarik sira, família no pesoál sira ne’ebé fó oportunidade atu hametin abilidade konsiénsia ne’ebé di’ak no aumenta komprensaun; Komprende katak emansipasaun família mosu bainhira programa ne’e jere hamutuk no refleta perspetiva família, komunidade no pesoál sira; Promove vizaun kompletu ba labarik nia saúde hodi garante katak sei responde ba saúde báziku no nesesidade nutrisaun, enkoraja prevensaun ba moras no kanek ruma iha futuru no promove hahalok saúde ne’ebé pozitivu no kulturalmente relevante; Fornese oportunidade aprendizajen kompletu ne’ebé responde ba aspetu dezenvolvimentu hotu inklui sosiál, emosionál, konitivu no dezenvolvimentu fíziku; Dezenvolve komunidade ne’ebé adultu no labarik sira hetan tratamentu hanesan individuál no iha tempu ne’ebé hanesan reforsa sentidu atu sai parte husi grupu ida; Haforsa tan relasaun ho komunidade tomak nune’e família no pesoál sira hetan tulun liuhusi rede ajénsia komunidade iha parseria ba malu; 4

Área Konsentrasaun Estratéjiku Dezenvolve kuidadu ne’ebé kontinua, dedikasaun, no asisténsia ne’ebé Área Konsentrasaun Estratéjiku.

Atu bele atinji meta fornesimentu asesu ba edukasaun pre-eskolár ba labarik hamutuk na’in 50,000 ka liu durante tinan 2011-2015, Ministériu Edukasaun no Diresaun Nasionál ba Edukasaun Pre-eskolár sei konsentra ba área konsentrasaun estratéjiku lima tuirmai ne’e.

I. Haluan tan disponibilidade edukasaun pre-eskolár ho kualidade.

Iha ninia esforsu atu akomoda labarik liu na’in 25,000, sala sira ne’ebé iha ona sei utiliza filafali no sala sira ne’ebé mamuk sei utiliza no hadi’a filafali. Sei harii mós aula foun balu ba uma ne’ebé iha ona. Dezenvolvimentu pre-eskolár sei liga ho eskola filiál no eskola primária iha grupu balu. Mestre sira ne’ebé foin mak hetan formasaun sei delega ba eskola sira-ne’e hodi garante katak labarik sira ne’ebé hela iha komunidade rurál no urbanu iha asesu ne’ebé hanesan ba edukasaun ne’ebé iha kualidade.

Diresaun Edukasaun Pre-eskolár hamutuk ho Ministériu Edukasaun sei responsavel ba dezenvolvimentu matadalan no padraun ba dezeñu sala no fasilidade pre-eskolár foun no/ka sira ne’ebé presiza hadi’a. Ninia ambiente tenki amigavel, nakloke no asesivel ba labarik hotu. Fasilidade, ekipamentu, no matéria aprendizajen sira sei apropriadu tuir dezenvolvimentu no mantein didi’ak hotu bele fasilita saúde, nutrisaun no dezenvolvimentu di’ak labarik nian.

Ambiente aprendizajen ba labarik ki’ik sira tenki seguru fízikamente no sikolójikamente. Seguransa fíziku inklui nesesidade atu proteje labarik husi perigu saúde ne’ebé bandu labarik nia abilidade atu aprende no dezenvolve. Fatin ne’ebé iha tenki organiza hodi fornese esperiénsia aprendizajen oioin ba labarik hotu husi jéneru, etnisidade, ka nesesidade espesiál ne’ebé la hanesan. Rekursu iha ambiente ida-ne’e tenki reflete esperiénsia kulturál no tradisaun labarik no família Timor-Leste nian.

Kriteria jerál ne’ebé presiza konsidera bainhira tau mobiliáriu ba sala no dezenvolve matéria aprendizajen sei inklui: • Matéria ne’ebé promove rezolve problema, hanoin ne’ebé krítiku, no kreatividade ba labarik sira ho talenta no abilidade oioin • Matéria ne’ebé fasil atu asesu ne’ebé estimula jogu esplorasaun no identifikasaun • Matéria multikulturál ne’ebé promove apresiasaun ba diversidade • Difini loloos fatin ne’ebé labarik sira bele halibur hamutuk • Fatin atu aprezenta labarik sira-nia serbisu • Matéria husi ambiente lokál inklui lee matéria naturál ne’ebé iha ona • Matéria ba labarik sira atu kria sira-nia jogu rasik.

5

•

Ambiente ne’ebé bele adapta, nune’e labarik sira ho kondisaun defisienti bele partisipa iha atividade sira ne’ebé hala’o iha sala laran ka iha li’ur

Fatin iha sala laran sei dezeña no organiza hodi akomoda labarik ida-idak, iha grupu ki’ik, no iha grupu boot. Área hodi halimar iha li’ur tenki inklui ekipamentu sira ne’ebé apropriadu ba idade no dezenvolvimentu no proteje ho lutu ka barreira naturál hodi prevene asesu ba Estrada no evita perigu.

II. Aumenta formasaun no dezenvolvimentu profesionál ba edukadór preeskolár sira.

Edukasaun pre-eskolár krítiku tanba nia estabelese fundasaun ne’ebé sai baze ba aprendizajen sira seluk. Mestre pre-eskolár sira tenki iha fundu edukasaun, formasaun no komitmentu ne’ebé presiza hodi promove labarik sira-nia aprendizajen no dezenvolvimentu no apoia família ho nesesidade oioin. Atu atinji meta ida-ne’e Ministériu Edukasaun no Diresaun Nasionál ba Edukasaun Pre-eskolár sei responsavel atu dezeña planu pesoál nian ba espansaun sala pre-eskolár hotu; dezenvolvimentu no implementasaun programa formasaun hodi kualifika mestre sira tuir padraun kurríkulu foun, no garante númeru mestre ne’ebé adekuadu ne’ebé gradua husi instituisaun formasaun. Sei rekoñese mós akreditasaun husi formasaun no esperiénsia uluk nian.

Fó edukasaun no kuidadu ba labarik ki’ik sira hanesan responsabilidade ne’ebé importante no ezijente. Nune’e importante ba edukadór no ema sira ne’ebé kuidadu atu hatudu karakterístika ne’ebé apropriadu no mós koñesimentu ne’ebé di’ak, no abilidade sira ne’ebé presiza hodi bele serbisu hamutuk ho labarik ki’ik sira. Ho formasaun no esperiénsia ne’ebé apropriadu, edukadór pre-eskolár sira iha posibilidade liu atu envolve aan iha interasaun ne’ebé pozitivu ho labarik sira, oferese esperiénsia lian ne’ebé riku, no kria ambiente aprendizajen ho kualidade aas.

Formasaun ba mestre sira sei ekipa mestre sira ho abilidade profesionál sira tuirmai ne’e: • • • • • • • •

Koñesimentu teoria no prátika kona-ba kresimentu no dezenvolvimentu labarik nian; Abilidade atu planeia no implementa meta, no objetivu atividade kurríkulu; Abilidade atu avalia dezenvolvimentu labarik nian no dezenvolve planu aprendizajen individuál; Kapasidade atu serbisu iha grupu ho edukadór sira seluk; Abilidade atu prepara labarik sira ba tranzisaun ba eskola primária; Dezenvolve ligasaun ne’ebé presiza ho asisténsia komunidade seluk inklui saúde no nutrisaun; Kapasidade atu serbisu ho no aumenta partisipasaun husi família sira iha aspetu hotu husi sira-nia oan nia aprendizajen no dezenvolvimentu; Atu buka oportunidade hodi aumenta abilidade no dezenvolvimentu profesionál ne’ebé sustentavel.

6

III.

Dezenvolvimentu Kurríkulu.

Ministériu Edukasaun sei dezenvolve no implementa kuadru kurríkulu foun iha pre-eskolár hotu. Metodolojia hanorin no aprendizajen sei inkorpora no dezenvolve valór prinsipál ba kultura Timor-Leste nian ne’ebé riku no oioin ne’ebé rekoñese no refleta valór labarik nian iha família no komunidade TimorLeste. Liután, kurríkulu foun ne’e sei reflete teoria ne’ebé iha ba dezenvolvimentu labarik nian bazeia ba prátika di’ak iha aprendizajen inisiál ho atensaun partikulár ba programa ne’ebé susesu ne’ebé implementa iha Ázia Sudeste. Meta jerál ba kuadru kurríkulu foun mak atu fornese esperiénsia edukasaun ba labarik ki’ik sira ne’ebé apoia sira-nia direitu atu aprende no dezenvolve liuhusi arte, múzika no sei halo atu aliña ho kurríkulu pre-eskolár, no mós métodu hanorin ne’ebé konsentra ba labarik no matéria aprendizajen iha grau primária inísiu nia laran.

Kuadru estrutura foun sei fornese matadalan hodi tulun labarik sira atu: • •

• •

• • • •

IV.

Aprende kona-ba sira-nia an no sira-nia abilidade no potensialidade úniku; Komprende nesesidade husi ema sira iha sira-nia sorin hanesan bin alin sira iha família, maluk ne’ebé idade boot liu, no atu estabelese karakterístika kuidadu, respeitu no koperasaun; Rekoñese no apresia ambiente fíziku no sosiál; Hametin abilidade komunikasaun ho lian-inan inklui ko’alia, rona, abilidade lee no hakerek hahú iha sira-nia lian-inan. Abilidade lian labarik pre-eskolár sira-nian bele mós hariku liuhusi esperiénsia lian no símbolu ba lian daruak liuhusi múzika, ritmu, no jogu sira.

Aprezenta sira-nia aan liuhusi dansa, múzika no arte; Rekoñese no karakterístika númeru, medida, modelu no proporsaun no abilidade fundasaun báziku ba númeru; Husu no responde ba pergunta liuhusi esplorasaun no deskobre oinsá buat ida funsiona; Rona ema seluk no respeita no loke an ba diferensa atu aprende ho labarik no adultu seluk Dezenvolvimentu Parseria ho Intensaun Públiku:

Sosiedade ne’ebé organizadu iha funsaun ne’ebé importante hodi bele atinji alvu aumentu rejistu to’o tinan 2015 no sei dezeña esforsu ne’ebé forte no kontinua hodi promove parseria importante sira ne’e. Serbisu krítiku husi igreja no organizasaun fiar sira seluk, no ajénsia nasionál no internasionál barak ne’ebé envolve iha edukasaun pre-eskolár sei hetan apoiu no hametin liután. Liután, bainhira prosesu desentralizasaun sei kontinua, responsabilidade barak sei delega ba autoridade Distritu hodi aselera espasaun rede pre-eskolár. Ministériu Edukasaun ho apoiu husi Diresaun ba Edukasaun Pre-eskolár sei dezeña no fornese formasaun no insentivu hodi estimula prosesu ida-ne’e. Pasu dahuluk iha prosesu ida-ne’e mak atu mapa no avalia eskala no kualidade programa pre-eskolár iha Timor-Leste laran. Sei prioritiza área sira ne’ebé iha nesesidade atu harii sala pre-eskolár foun.

7

Sei dezenvolve pakote no insentivu promosaun ida hodi estimula espansaun preeskolár ne’ebé jere hosi igreja, organizasaun fiar nian no ONG sira. Objetivu primária husi aproximasaun ida-ne’e mak atu aumenta disponibilidade no asesibilidade programa pre-eskolár ne’ebé iha kualidade ba labarik sira no família sira ne’ebé desvantajen liu. Diresaun Nasionál ba Edukasaun Sedu ba Labarik ki’ik sira mak sei responsavel ba dezenvolvimentu polítika no matadalan hodi estabelese programa edukasaun pre-eskolár públiku no privadu iha nasaun laran tomak, inklui rejistu, monitorizasaun no akreditasaun.

V. Dezenvolvimentu sistema ne’ebé bazeia ba monitorizasaun no evaluasaun.

Diresaun Edukasaun Pre-eskolár sei dezeña no implementa sistema monitorizasaun ne’ebé iha hodi garante katak atinji duni meta no objetivu programa nian. Ida-ne’e sei inklui prosedimentu, polítika no sistema ne’ebé apoia pesoál ne’ebé estavel, jestaun fiskál no programa. Atu atinji meta ida-ne’e, sei aloka mestre ne’ebé di’ak liu ba atividade no esforsu sira ne’e.

Mekanizmu responsabilidade sei bazeia iha komunidade, nakloke no transparente, iha respeitu ba diversividade no perspetiva múltiplu. Programa ne’ebé iha kualidade presiza lideransa ne’ebé kompetente no iha koñesimentu di’ak, no polítika no prosedimemtu administrativu ne’ebé klaru. Sistema monitorizasaun no evaluasaun sei: • • • • •

garante konformidade ho regulamentu no matadalan sira ne’ebé relevante inklui hanorin no aprendizajen, saúde, nutrisaun no seguru; promove fiskál ne’ebé di’ak no responsabilidade programa; mantein pesoál ne’ebé estavel; institui planeamentu programa ne’ebé iha, nune’e bele kontinua hadi’ak nafatin; hametin kultura parseria ho família no komunidade, no ekoraja prosesu halo desizaun lokál no rejionál kona-ba kuidadu sedu no polítika edukasaun.

8

A. INTRODUSAUN NO INFORMASAUN FUNDU

Sé mak kari-fini ho domin la mate.

Ai-funan nakfera.

Ai-fuan nakdeer.

Lees fini futus moris.

(Ruy Cinatti)

Introdusaun Bainhira uza símbolu “TAIS” hanesan hena rohan ida-ne’ebé reprezenta klamar no dignidade Timoroan nian, glorifika ho poeta Portugés nian no antropólogu, Ruy Cinatti, ne’ebé ema hadomi tebes no hakerek kona-ba Timor-Leste ne’ebé refleta iha dokumentu polítiku ida-ne’e. Nune’e símbolu TAIS sei uza iha serbisu ne’e tomak.

Meta husi dokumentu ida-ne’e mak atu fó Kuadru ida ba Espansaun no Dezenvolvimentu Edukasaun Pre-eskolár iha Timor-Leste, inklui Matadalan Kurríkula-Hanorin no Alvu ba Dezenvolvimentu no Aprendizajen ba Labarik Timoroan sira.

Planu Estratéjiku Timor Leste nian ba Edukasaun 2011-2015 rekoñese katak “iha tinan 2002 iha eskola pre-primária 57 mak rejista ona, serve labarik hamutuk na’in 2,904. Husi eskola hamutuk 57 ne’e, eskola 8 mak eskola públiku no 49 hanesan eskola privadu (…)”. Sub-sistema edukasaun ne’e oras ne’e haluan tan ona. Bainhira hahú tinan eskola 2007/2008 iha eskola ba edukasaun pre-primária hamutuk 141 ho mestre na’in 310, ho estudante na’in 7,994. Ida-ne’e signifika katak ita atinji ona 25% husi totál populasaun labarik husi idade grupu ne’e. Maske nune’e, figura ida-ne’e karik bele subar tiha diferensa signifikante ruma entre provínsia no rejiaun sira. Taxa rejistu aas liu iha área urbanu, duké iha área rurál no rejiaun Fatin Foho (foho lolon) (pj. 17).

9

Nune’e, meta ba tempu badak mak to’o tinan 2015 mazumenus sorin balu hosi númeru totál labarik sira entre tinan 3 no 5 sei rejista no simu edukasaun pre-eskolár ho kualidade di’ak (pj. 65).

Meta husi kuadru polítika ida-ne’e mak atu fornese pakote prinsípiu no matadalan ba dezenvolvimentu edukasaun pre-eskolár iha kontestu sistema edukasaun ne’ebé eziji iha Timor-Leste. Nia sei hahú ho observasaun ba dezafiu no oportunidade sira ba dezenvolvimentu asisténsia ba labarik sira husi bainhira sira moris mai to’o bainhira sira halo tinan neen. Konsentra ba dezenvolvimentu edukasaun pre-eskolár iha sistema dezenvolvimentu boot ba edukasaun ba labarik ki’ik sira, dokumentu ne’e sei difini pakote prinsípiu ida ne’ebé gia vizaun foun ba edukasaun pre-eskolár iha Timor-Leste. Seksaun datoluk husi kuadru polítika inklui informasaun sira ne’ebé presiza konsidera hodi to’o ba meta sira ne’ebé espesifika ona iha komitmentu governu nian ba parte lima husi edukasaun; (2) aumenta formasaun no dezenvolvimentu profesionál ne’ebé la’o hela ba edukadór pre-eskolár sira; (3) apoiu dezenvolvimentu kurríkulu; (4) envolve família no komunidade sira no (5) dezenvolve sistema monitorizasaun no evaluasaun ne’ebé bazeia ba padraun.

Aneksu komplementáriu ida sei fornese matadalan ba atividade no aprosimasaun loroloron nian ba edukasaun pre-eskolár. Nia sei inklui matadalan pedagójika ba organizasaun fatin serbisu; kria no uza meteriál sira; ezemplu atividade lorloron nian; atividade serbisu projetu nian; atividade no jogu ruma; no avaliasaun no dokumentasaun.

Informasaun fundu Governu Repúblika Demokrátika Timor-Leste hakarak atu hamenus sirkunstánsia desvantajen ne’ebé rekuza labarik ho idade tinan 0 to’o 6 hahú ida-ne’ebé justu iha moris, ne’ebé hasees tiha sira husi asesu ba asisténsia saúde no edukasaun ne’ebé disponivel liu ba família sira ne’ebé iha previleju liu. Rekoñese funsaun kritikál husi simulasaun sedu bazeia ba nutrisaun ne’ebé natoon iha isin lolon, esperiénsia edukasaun ne’ebé di’ak bazeia ba jogu no simulasaun hanoin, Ministériu Edukasaun sei garante katak sei la iha labarik Timoroan ida mak sei limita ba síkulu desvantajen ne’ebé karik sai hanesan ninia ereditariedade bainhira moris mai, ne’ebé labele sai – se lae sei sai hanesan injustisa sosiál sériu ida no bainhira laiha perspetiva ne’ebé ekuitavel – ninia kontestu tanba labarik ne’e dezenvolve no koko atu deskobre mundu no ninia (mane ka feto) fatin iha mundu ne’e.

Governu Repúblika Demokrátika Timor-Leste "sei koko atu hamenus sirkunstánsia dezvantajen ne’ebé rekuza labarik barak husi hahú dezenvolvimentu ne’ebé justu bainhira moris mai, ne’ebé hasees sira husi asesu ba edukasaun no saúde, so disponivel de’it ba sira ne’ebé iha previleiju liu".1 Governu Timor-Leste no Ministériu Edukasaun rekoñese katak meta signifika komunidade bele hetan asisténsia mínimu no fasilidade hatene oinsá no abilidade atu garante katak dezenvolvimentu labarik nian to’o duni ba ninia potensialidade tomak. Governu hatene mós katak labarik sira dezenvolve simultaneamente iha área hotu husi dezenvolvimentu (fíziku,

1

Konfiansa Labarik-ba-Labarik, Deklarasaun polítika. Setembru 2011.

10

emosionál, sosiál no konitivu) no bainhira "la dezenvolve iha área ida, área ne’e sei afeta fali área dezenvolvimentu seluk " (ibid.).

Nune’e, governu presiza garante katak, maske iha realidade katak ninia ministériu no departmentu sira ezisti hanesan entidade keta-ketak hodi fasilita administrasaun, labarik sira ne’ebé sei hetan asisténsia sira ne’e tenki esperiénsia asisténsia ne’e hotu, inklui apoiu efetivu ida ba dimensaun hotu husi labarik nia moris: saúde, edukasaun, moris di’ak, asesu ba fundu edukasaun no kuidadu saúde nune’e bele haforsa sira-nia dezenvolvimentu fíziku no pisikolójika. Matadalan ida-ne’e sei fó émfaze atensaun ba labarik sira-nia direitu, inklui direitu atu halimar, sente seguru, atu dezenvolve iha situasaun ne’ebé laiha tratamentu ne’ebé ladi’ak, abuzu ka dezisténsia (dekreta tuir Konvensaun Internasionál ba Direitu Labarik nian). Nune’e, ministériu no departamentu oioin presiza garante katak sistema ne’ebé kria ona sei garante komunikasaun interdepartamentál, definisaun jerál ne’ebé estratéjiku, diálogu no koperasaun ba inisiativa sira ne’ebé kria ona hodi serve komunidade Timor-Leste ho ninia sidadau sira iha futuru, liu-liu labarik ki’ik sira.

Prinsípiu artikulasaun sentrál no rejionál ho lokál sai importante ba gia polítika (iha nivel ministeriál balu: Edukasaun, Saúde, Justisa no Relasaun Sosiál), nune’e, lokalmente, estratéjia sira sei tau no artikula hamutuk. Buat ne’ebé importante mós mak envolvimentu no emansipasaun komunidade lokál no família sira, la haluha mós feto sira – tradisionalmente ema sira ne’ebé sei fó kuidadu uluk –, iha diskusaun ba polítika sira ne’e, no maioria, iha ninia kontestu, halo sira-ne’e sai parseiru ne’ebé importante, la’ós hanesan de’it konsumidór ba asisténsia.

Durante dezenvolvimentu kuadru polítika ba edukasaun pre-eskolár, mosu kestaun kontestuál balu husi observasaun inisiu, revee dokumentu, no diskusaun. Kestaun sira ne’e mak sumariza iha kraik.

•

•

Kestaun dahuluk relasiona ho nesesidade atu hetan perfíl kompletu husi instituisaun, inisiativa públiku no privadu ne’ebé kobre, iha distritu 13 iha Timor-Leste, inklui informasaun kona-ba lokalidade no tempu ba asisténsia ne’ebé iha ba labarik sira husi idade tinan 3 to’o 6. So autoridade administrasaun edukasaun distritu no lokál mak sei hatene knaar ida-ne’e, ne’ebé tuir gia governu sentrál ka iha kolaborasaun ho ajénsia sira seluk, sei hala’o mapamentu ba ida-ne’e iha tempu badak.

Kestaun daruak relasiona ho formasaun ba profesionál sira atu serbisu ho labarik ki’ik sira: la presiza husu sira-nia abilidade atu kuidadu no halo interasaun pozitivu ho labarik ki’ik sira, no mós funsaun referensiál iha sirania komunidade rasik, sira presiza formasaun iha serbisu fatin ne’ebé konsentra ba serbisu fatin nune’e bele permite ajustamentu neneik-neneik ba sira-nia serbisu ne’ebé propoin ona hanesan modelu edukasaun ne’ebé enkoraja autonomia no inisiativa ba labarik sira, moris ne’ebé simuladu iha grupu ki’ik no boot, ne’ebé tulun atu dezenvolve abilidade sira ne’ebé importante ba labarik sira-nia dezenvolvimentu hotu. Profesionál sira-ne’e presiza espesializa simultaneamente iha envolvimentu família, nune’e sira bele sente hanesan “parseiru” eskola nian no “entidade ne’ebé kontribui ", ho kontribuisaun ba sira-nia oan nia edukasaun. Nune’e mós, profesionál sira ne’e presiza estabelese relasaun ho mestre edukasaun primária sira hodi garante katak labarik sira bele susesu iha tranzisaun ba nivel tuirmai. Planu

11

•

•

•

Estratéjiku 2010-2013 rekoñese nivel Lisensiatura ba profesionál labarik nian hotu.

Kestaun datoluk konsentra ba kompleksidade lian instrusaun. Konstituisaun Repúblika Demokrátika Timor-Leste nian estabelese lian ofisiál rua – Tetun no Portugés – no númeru boot profesionál sira iha fasilidade ba labarik sira fó sai difikuldade iha lian Portugés. Atu aumenta tan ba problema ne’ebé sensitivu ne’e, iha mós lian inan hamutuk 16 no dialetu lokál hamutuk 36.

Polítika ne’ebé ami sei aprezenta sei halo tuir polítika Ministériu Edukasaun nian, maske nune’e, hamutuk ho ami-nia sujestaun sira, ami sei haforsa funsaun lian inan hanesan tranzisaun husi uma ba eskola.

Kestaun dahaat relasiona ho kurríkulu no matéria aprendizajen. Maske matéria aprendizajen no livru sira dezenvolve ona ne’ebé fó-sai sensitividade ba kultura ema Timor-Leste nian, buat sira-ne’e ladún bele haree iha ninia kontestu. Investimentu iha matéria naturál – konsidera Timor nia riku soin fauna no flora – ladún bele haree iha aula sira, ba parte barak ekipa ho boneka no jogu, ne’ebé hanesan doasaun husi ema laran di’ak, maibé atu hato’o valór no símbolu sira ne’ebé ladún adapta ba kultura Timor nian.

Ikus liu, kestaun dalimak relasiona ho ligasaun entre pre-eskolár no edukasaun primária.

Labarik balu de’it mak iha asesu ba edukasuan primária (verifikasaun estatístika hatudu proporsaun kobertura hamutuk 64%).

Programa sira ho kualidade di’ak ba labarik sira husi idade tinan 0 to’o 3, no oras ne’e ba mós labarik sira ho idade tinan 3 to’o 6 karik iha funsaun indutivu, hanesan ezemplu, sira haforsa fiar no valór ne’ebé família sira tenki tau iha eskola, nune’e indiretamente aumenta tan ba universalizasaun edukasaun primária. Esperiénsia pre-eskolár ne’ebé di’ak hanesan pontu sai ne’ebé di’ak ba susesu iha edukasaun kompulsariu, intrudús labarik sira ba universiu ho literasia oioin.

Tuir OECD, área sira-ne’e hatudu katak área edukasaun sedu ba labarik ki’ik sira hanesan área ne’ebé kompleksu no multifasetadu, ne’ebé presiza fronteira no ligasaun entre ajénsia ne’ebé responsavel, no hanesan mós ho área sira seluk, hasoru prosesu globalizasaun ne’ebé ita labele sees. Bainhira ita dezenvolve Kuadru Polítika ba Edukasaun Pre-eskolár iha Timor-Leste, ita presiza símbolu Tais hodi bele rezolve kestaun sira ne’e.

12

B. VIZAUN FOUN IDA: EDUKASAUN PRE-ESKOLÁR IHA TIMOR-LESTE DIGNIDADE no RESPEITU hanesan valór esensiál husi Timor-Leste no orgullu ba nia istória rezisténsia. Atitude ida respeitu ne’e esensiál iha forma atu ema relasiona entre sira. Respeitu ne’e la’ós hakru’uk, maibé interligadu ho valór ne’ebé mak haree ba espansaun no dezenvolvimentu Edukasaun Infánsia iha nasaun ne’e. Nuentantu, se adultu no sira idade tuan liu maka merese hetan husi sira idade foun, respeitu no hakru’uk ida-ne’e, maka iha Edukasaun ne’ebé maka hakarak lansa iha Timor-Leste ba dezenvolvimentu no ba progresu sosiál ekonómiku, respeitu no hakru’uk ida-ne’e mós hein atu mai husi sira idade tuan liu ba foun sira, inklui sira ki’ik liu iha sira-nia sidadaun.

Hanesan aprezentasaun esensiál ba Edukasaun Infánsia iha Timor-Leste, propin atu asume labarik sira hanesan parte integrante iha família ida no iha komunidade ida ka oioin. Rekoñese sira hahú husi ki’ik, hanesan sidadaun rai ne’e nian, sidadaun ki’ik ida ho direitu atu fó lian, espresa sira-nia opiniaun, hetan asesu ba liafuan, hili no kompremete ba buat ne’ebé sira hili tiha ona. Nune’e, hanesan orientasaun bázika ba espansaun Edukasaun Infánsia, maka inskreve komprimisu ba implementasaun Konvensaun Direitu Labarik no afirmasaun ba Deklarasaun Universál Direitus Umanus.

Trasa Edukasaun Infánsia ida iha Timor-Leste ne’ebé profundamente integrada iha kultura nasionál ida, ne’ebé maka hanesan organizmu ida moris no dinámiku no, purtantu, iha mutasaun. KULTURA2ida-ne’e maka sumáriu ida husi variedade kultura lokál ne’ebé maka eskola, liu-liu “eskola-jardín- infánsia” tenki sai parte integrante, hahú progresivamente labarik, nia família no komunidade, iha kultura ida ampla, ne’ebé maka integra no liu fali kultura lokál.

ÉTIKA, ESTÉTIKA, sentidu husi furak no di’ak, husi justisa, no mós hakru’uk ba NA’I-ULUN sei sai hanesan parte husi ethos timoroan nian. Eskola jardín-infánsia tenki integra no hakle’an valór sira-ne’e: espasu tenki furak, forsa natureza tenki halo hanesan tama iha espasu-eskola-sala husi atividade no marka sira-nia prezensa, rekoñese katak área ida dedikada ba kontemplasaun no silénsiu, tenki respeita iha organizasaun ba espasu ne’e.

Valór husi OSPITALIDADE no AKOLLIMENTU mós hanesan valór kulturál profundu Timor-Leste nian, no valór sira ne’e tenki espresa tuir forma oinsá, sá maka simu sira iha eskola-jardín, labarik sira no sira-nia família iha kultura orijin oioin.

Símbolu TAIS ne’ebé ita uza iha kuadru polítika ne’e nia laran hafoin fali ita-nia konsiénsia, bainhira ita foka ba valór sira ne’e: tais sai parte kle’an husi kultura Timor-Leste nian, no uza iha selebrasaun no hakoi mate, rituál no atividade sira seluk.

2

Importante duni atu hanehan katak “kultura” nu’udar konseitu dinámiku ida no la’ós estátiku. Kultura sira sei transforma bainhira sira interaje ho realidade seluk. Ami hanoin katak, ba Timor-Leste, importante kombinasaun dialétika ida entre “kultura tradisionál” no “modernidade” se ita hakarak atu edikasaun orienta ba futuru. Iha sorin seluk, ita hotu hatene karakterístika kultura tradisionál sira ne’ebé la bele kaer hodi izola nasaun ida no hanetik (impede) nia atu tama ba dezenvolvimentu sustentavel ida.

13

“Vizaun Foun” ida-ne’e sei diriji ita ba pakote Prinsípiu Estratéjiku ida.

Prinsípiu Estratéjiku - Nesesidade ba Komitmentu Sosiál Foun ida-ne’ebé inklui instituisaun sira seluk, la’ós eskola de’it: munisipalidade, instituisaun saúde no kultura, asosiasaun lokál, organizasaun voluntáriu, ONG sira, koperativa, uniaun no organizasaun sira seluk, nst; - Komitmentu sosiál foun ne’e envolve sosiedade sivíl hotu, eziji liután partisipasaun sosiál no komunidade, sai meta nasionál loloos ne’ebé tenki asumi no akomoda, la’ós de’it husi Ministériu Edukasaun maibé mós ba ministériu sira seluk, liu-liu sira ne’ebé iha responsabilidade ba Seguransa Sosiál, Saúde, Justisa, Uma no Planeamentu, Kultura, nst.

- Meta Nasionál ida-ne’e relasiona ho labarik (feto no mane sira) iha Timor-Leste, inklui transmisaun ba eransa kultura Timor nian ba jerasaun foun, tulun ninia integrasaun ba komunidade, iha sosiedade tomak no iha sira-nia nasaun, nune’e kontribui mós ba ipoteza sira-nia sidadaun nian no gia sira ba futuru.

- Estrutura organizasaun husi Ministériu Edukasaun nian iha vizaun ida atu estabelese Diresaun Nasionál ba Edukasaun Pre-eskolár ida: Sei haforsa kompeténsia no autoridade unidade ida-ne’e nian no tenki haluan tan no ekipa didi’ak hodi garante artikulasaun entre estrutura ministériu no rejionál no lokál husi administrasaun sivíl, atu prátika no implementa matadalan polítikaestratéjiku sira ne’e. Diresaun foun ida-ne’e sei promove “rejistu” no karaterizasasun husi ekipamentu hotu ba edukasaun labarik nian iha Timor-Leste (públiku ka privadu)3.

- Hanesan gia estratéjiku ida, presiza organizasaun ba pakote referénsia ida no meta aprendizajen ba labarik ho idade tinan 3 to’o 6, hanesan difini antes ona.

- Ministériu Edukasaun tenke estabelese no promove polítika klaru ida hodi fornese formasaun ba profesionál ba edukasaun labarik nian, garante grau Lisensiatura ida, hanesan difini ona iha Planu Estratéjiku ba Edukasaun (2010-2030), hanesan ho formasaun tékniku no profesór sira-nian, responsabilidade no direitu ne’ebé hanesan ho profesór/a sira seluk no, ikus liu, akreditasaun ba formasaun ne’ebé profesionál sira hetan ona iha área ruma, husi instituisaun públiku ka privadu.

- Ministériu Edukasaun tenki estabelese mós polítika fundu klaru ida husi estrutura ba labarik sira, alokasaun orsamentu, ne’ebé direitamente fó fundu ba eskola públiku maibé mós iha tempu ne’ebé hanesan estabelese padraun alokasaun orsamentu ba instituisaun privadu, bainhira presiza.

- Iha kontestu ida-ne’e, proposta ida-ne’e simbólikamente hetan inspirasaun husi dezeñu, konstrusaun no soru TAIS ida ba Edukasaun Labarik nian iha Timor Leste. TAIS ida-ne’e so bele sai posivel hafoin liuhusi prosesu soru ne’ebé halo ho

3

Serbisu ida-ne’e hala’o ona ho apoiu husi Universidade Macquarie husi Australia.

14

pasiénsia, abilidade paisajen, esforsu artikuladu, kria sinerjia, antisipa pontu hanoin ne’ebé la hanesan, muda diferensa ba oportunidade no dezafiu, envolve ema hotu – labarik, família, komunidade, profesionál sira, autoridade nasionál no lokál, organizasaun no ajénsia sira – iha dezenvolvimentu projetu sidadania idane’ebé lolos ne’ebé ninia produtu remata sei muda hena ba iha tipu arte ida: Tais ida ba Edukasaun Labarik sira iha Timor Leste.

C. ÁREA KONSENTRASAUN ESTRATÉJIKU Timor-Leste nia Planu Estratéjiku ba Edukasaun 2011-2015 deklara katak: Relasiona ho organizasaun sistema edukasaun pre-eskolár, Aktu Edukasaun Nasionál estabelese ona katak Estadu sei responsavel atu garante ezisténsia rede edukasaun pre-eskolár ida. Lei deskreve rede edukasaun pre-eskolár ne’e kompostu nivel jardín ba labarik ki’ik sira husi administrasaun lokál no entidade privadu no koperativa sira seluk, hamutuk ka individuál, hanesan ajénsia solidaridade sosiál privadu, asosiasaun inan-aman nian, asosiasaun rezidente sira, asosiasaun sívika ka relijiozu no uniaun no asosiasaun empregadór nian (pj. 65) Tuir matadalan sira-ne’e, Diresaun Nasionál ba Edukasaun Pre-eskolár sei konsentra ba área estratéjiku lima tuirmai: I. Haluan tan Disponibilidade Edukasaun Pre-eskolár ho Kualidade 1. Iha área kobertura Ministériu Edukasaun nian atu propoin Konseitu Estratéjiku Nasionál ida ba espansaun no dezenvolvimentu edukasaun ba labarik sira iha Timor-Leste ne’ebé kordena inisiativa públiku no privadu iha maneira ne’ebé kordenadu no efetivu, nune’e bele dezenvolve “rede nasionál ida ho fasilidae ba labarik ki’ik sira". Fasilidade sira ne’e bele mosu ho naran oioin: kuidadu ba labarik ki’ik sira iha loron, sentru ba labarik ki’ik-oan sira, jardín ba labarik ki’ik sira, pre-eskolár, eskola jardín ba labarik ki’ik sira,

15

sentru komunidade ba labarik ki’ik sira4, nst. Hala’o matadalan polítika sira ne’e iha nivel ne’ebé aas liu sei garante katak ninia fornesimentu iha nivel sistema hotu, sei aumenta ba prosesu transformasaun koletivu ho objetivu ba edukasaun ne’ebé promove ekuidade sosiál ne’ebé efetivu.

2. Maske nune’e, Ministériu Edukasaun atu difini Supervizaun Pedagójika Úniku ida (Matadalan) husi inisiativa hotu relasiona ho edukasaun ba labarik sira husi idade tinan 3 to’o 6, públiku, munisipalidade, privadu ka liga ho organizasaun la’ós governu nian ka inisiativa komunidade lokál. Supervizaun Pedagójika ida-ne’e implika katak Ministériu Edukasaun iha funsaun suportivu importante ida iha promosaun inisiativa sira inklui propozisaun fleksivel. Maske nune’e, Ministériu Edukasaun tenki gia mós hodi garante ezatidaun no rekerimentu kualidade maske la soru ninia funsaun gia hanesan gia ida, reguladór, supervizór no garante responsabilidade. Ministériu Edukasaun mós presiza garante ekuidade, hanesan garante justisa hodi bele kompensa diferensa no inigualidade sosiál no rejionál.

3. Husi Supervizaun Pedagójika Úniku (Matadalan) ida-ne’e, hamosu estabelesimentu meta aprendizajen no dezenvolvimentu, regra no kuadru atividade instituisaun hanorin nian no: • definisaun padraun tékniku mínimu ba instalasaun no atualizasaun instituisaun; • proporsaun labarik no adultu; • definisaun matadalan sirkular no meta aprendizazeun ba labarik ho idade tinan 3 to’o 6 iha ninia ligasaun ho sira-nia família sira; • definisaun kualifikasaun inisiu no formasaun iha serbisu fatin ba pesoál sira ne’ebé hanorin; • definisaun regra hodi enkoraja avaliasaun kualidade ba instituisaun, garante ligasaun ho implementasaun no kordenasaun ba edukasaun kompulsáriu; • avaliasaun no supervizaun iha ligasaun besik ho autoridade lokál no komunidade lokál sira.

Supervizaun Pedagójika Úniku (Matadalan) ida-ne’e tenki konstrui hamutuk no negosia iha nivel sistema oioin, liga ministériu sira no sentrál no autoridade lokál sira. Nune’e mós, ativamente uza estratéjia referénsia ne’ebé garante perspetiva kordenasaun, konfigurasaun hamutuk, rezolve problema hamutuk, serbisu iha “área fronteira” ne’ebé bele hetan pontu sira ne’ebé posivel ba apoiu no konmunikasaun entre asisténsia sira, ema no organizasaun.

4. Iha Ministériu Edukasaun, Diresaun Nasionál ba Edukasaun Pre-eskolár, karik iha ninia estrutura funsionamentu, bele estende komponenti espesiálista 2 ka 3 no ninia sekretariadu ne’ebé relasionadu, ho kapasidade, autonomia, autoridade no “kosiénsia” ne’ebé presiza hodi diriji no iha relasaun ne’ebé konsistenti ho autoridade edukasaun distritál no lokál no ONG sira hodi bele implementa lalais Planu Estratéjiku ida-ne’e. Unidade ida-ne’e tenki

4

Nune’e atu labele kesi ba karaterístika ka modelu resepsaun ida, iha serbisu ida-ne’e ita tenki uza naran oioin ba instituisaun labarik nian, ne’ebé karik bele iha variasaun entre "eskola jardín ba labarik ki’ik sira", sentru eskola ba labarik ki’ik sira, ne’ebé ita haree iha Gleno no “eskola” ka sentru ba labarik ki’ik sira.

16

dezenvolve padraun no matadalan sira, implementa referénsia iha área intervensaun pedagójika, fornese apoiu tékniku no dezenvolve inisiativa sira no promove inovasaun no peskiza sira ne’ebé koko atu garante no hadi’a kualidade asisténsia ba labarik ki’ik sira. Grupo Estratégico para a Educação de Infância (Grupu Estratéjiku ba Labarik Ki’ik sira) ne’ebé iha sei sai hanesan grupu asesoria ba Unidade ida-ne’e no tenki monitoriza no avalia sistematikamente, serbisu no matadalan sira ne’ebé estavel ona.

5. Grupu Estratéjiku ba Edukasaun Infánsia (Grupu Estratéjiku ba Labarik Ki’ik sira), sei apoia atividade Diresaun Nasionál ba Edukasaun Pre-eskolár nian. Grupu estratéjiku ida-ne’e karik sei inklui reprezentante husi UNICEF no CONECTIL (Konsellu Nasionál ba Edukasaun Katólika), Komisaun Nasionál ba Implementasaun Konvensaun Direitu Labarik nian, Instituto Pedagógico de Formação de Profesóres (Institutu Hanorin ba Formasaun Mestre sira), Komisaun Nasionál UNESCO, no mós reprezentante husi ajénsia sira no ONG ne’ebé fornese asisténsia ba labarik ki’ik sira iha Timor-Leste, asosiasaun sira reprezenta família no profesionál ba labarik ki’ik sira, organizasaun feto nian no organizasaun sira liga ho Justisa (Protesaun ba otaski’ik, nst.).

6. Matadalan prinsipál seluk ida tan mak Desentralizasaun. Se Ministériu Edukasaun nia funsaun mak atu akredita sentru ba labarik ki’ik oan sira no mós akreditasaun ba mestre sira – akreditasaun ba sira-nia formasaun uluk nian importante no hanesan pasu importante ida-, fornese ho formasaun liután, responsabilidade ne’ebé presiza fó ba autoridade administrativa lokál, komunidade no família lokál sira, no mós inisiativa privadu. Pontu peskiza internasionál ba ida-ne’e presiza desentralizasaun hanesan kondisaun ida ba susesu espansaun edukasaun sedu.

7. Ministériu Edukasaun bele dezenvolve no enkoraja posibilidade alternativa ba dezenvolvimentu esperiénsia pre-eskolár ba labarik sira iha área barak ne’ebé izoladu liuhusi haruka mestre itinerante sira atu ba vizita família sira, tulun sira atu kria sira-nia ambiente no esperiénsia edukasaun rasik iha uma ba sirania oan ki’ik sira, fornese matéria, livru ne’ebé adekuadu no atividade sira 8. Ministériu Edukasaun presiza buka maneira atu fahe nformasaun ba komunidade sira, liu-liu sira-ne’ebé iha área remota. Entre maneira sira seluk ne’e mak, kampaña rádiu no televizaun, informasaun iha sentru saúde no sentru komunidade nian, nst..

9. Ikus liu, sei la posivel atu dezenvolve estratéjia ida ba espansaun no dezenvolvimentu edukasaun ba labarik ki’ik sira iha Timor-Leste bainhira laiha referénsia ba dezenvolvimentu globál ba komunidade lokál (saúde, uma, estabelesimentu maneira emansipasaun no meiu ba moris, kultura, atividade rekreiu, nst.) no perspetiva husi edukasaun inkluzivu ida (inklui labarik sira ne’ebé identifika ona ho nesesidade espesiál) no intervensaun sedu ba labarik sira ne’ebé konsidera “iha risku”, ho émfaze ba formulasaun OECD (2006) nian kona-ba "labarik ho direitu aprendizajen oioin". Sei la posivel nafatin atu haketak tiha husi atividade no edukasaun promosaun ba feto sira inklui iha

17

estratéjia ida-ne’e. Atividade ba feto sira hanesan sentru ba ekonomia Timor oan nian no ba apoiu família sira. Estratéjia tomak tenki refleta valór kultura Timor nian maibé iha tempu ne’ebé hanesan iha dezeñu futuru ne’ebé demokrátiku, ne’ebé envolve feto, mane no labarik sira iha dezenvolvimentu ne’ebé sustentavel ba nasaun nurak Timor-Leste. Nune’e, Ministériu Edukasaun presiza investe iha lideransa lokál.

II. Aumenta formasaun no dezenvolvimentu profesionál ne’ebé hala’o hela ba edukadór pre-eskolár sira Planu Estratéjiku ba Edukasaun Timor-Leste nian ba tinan 2011-2015 konsidera katak “sei dezenvolve no implementa pakote foun ba formasaun iha instituisaun nia laran no molok hahú serbisu” (pj. 69). Governu presiza garante katak formasaun hotu uluk nian, ne’ebé Ministériu Edukasaun ka entidade privadu sira seluk dezenvolve ona sei hetan akreditasaun. Hanesan fó-sai uluk ona, ida-ne’e sei sai kestaun krítiku ida. Tenki implementa kursu refreskamentu badak ida iha área sira ne’ebé mestre sira fó-sai katak sira sei fraku hela. Modalidade formasaun ne’ebé konsentra de’it iha eskola, prova ona hanesan inisiativa util ida, nune’e mós akompañamentu ne’ebé konsentra ba reflesaun ne’ebé orienta ba eskola no reformulasaun prátika ba autonomia edukasaun, tuir gia konsultór, akompañadór ka espesialista seniór seluk.

Planu Estratéjiku Nasionál ida-ne’e aprezenta programa ida ba mestre sira ne’ebé kualifikadu ba aula pre-eskolár hotu: - dezeña formula pesoál no planu pesoál ba espansaun edukasaun ba labarik ki’ik sira; - dezeña programa formasaun iha instituisaun foun ba mestre kualifikadu sira tuir padraun kurríkulu foun; - prepara no implementa programa formasaun iha instituisaun laran ba mestre hotu ne’ebé serbisu ona iha estabelesimentu pre-eskolár; - garante númeru adekuadu husi mestre ne’ebé gradua husi asisténsia formasaun iha instituisaun laran ho kualifikasaun no kompeténsia ne’ebé presiza hodi serbisu iha pre-eskolár (pj. 70).

Presiza fó émfaze ba importánsia boot husi formasaun ba mestre sira no ema sira ne’ebé kuidadu labarik sira no nesesidade ba sasukat jerál ida iha sira-nia ezersísiu profesionál rasik: sira-nia atualizasaun, estandardizasaun ba matadalan hotu (ne’ebé natoon ba kada nivel edukasaun), benefísiu, estadu, kondisaun serbisu no vensimentu.

Konsidera mós dokumentu ne’ebé fó-sai iha leten hanesan estrutura referénsia ida Quadro de Competências para Profesóres de Timor-Leste (Kuadru Kompeténsia ba Mestre sira iha Timor-Leste) (Ministériu Edukasuan, 2008),mestre pre-eskolár ida ninia asaun eziji pakote karakterístika ida-ne’ebé estabelese momoos oinsá nia sei gia serbisu: -

observa, karateriza no kontestualiza; planeia; halo asaun no ezekuta; revee no avalia; komunika, kordena.

18

Mestre profesionál ba pre-eskolár ninia funsaun la para de’it iha ninia afesaun atu simu no haree labarik sira. Atitude simu no ospitalidade fundamentál tebes. Maibé profesionál mak hanesan ema ida-ne’ebé internaliza atu estabelese intensaun ida ba ninia atividade edukasaun nian hodi bele ajusta sira-nia prátika ba labarik grupu idane’ebé nia simu iha pre-eskolár, fó oportunidade atu hakat ba alvu aprendizajen.

Nune’e, karakterístika ka asaun sira ne’ebé lista iha leten hanesan prinsípiu ba dalan ne’ebé propoin ona hodi jere sira-nia atividade, la’ós parte ida husi planu ríjidu ba estabelesimentu antes husi parte datoluk maibé halotuir regra no matadalan ne’ebé Ministériu Edukasaun fó-sai. Profesionál sira iha domíniu ne’ebé efetivu, krítiku no konstrutivu ba sira no jere kurríkulu ho autonomia edukasionál no perspetiva ne’ebé informadu tanba uluk nia halo ona diagnosa no karateriza ninia situasaun edukasaun atuál. Ida-ne’e mak difini hanesan ninia profesionalizmu: - koñesimentu teórika no prátika ba ninia funsaun no labarik nia kresimentu no dezenvolvimentu; - autonomia no abilidade atu planeia kurríkulu no atividade; - abilidade atu avalia situasaun no fó atensaun espesiál ba labarik ida-idak no adapta sira-nia nesesidade ba situasaun sira ne’e; - abilidade atu halo intervensaun sedu bainhira labarik sira hatudu difikuldade ruma no dezenvolve planu asaun ne’ebé ajusta ona ba sira ka refere sira ba departamentu ne’ebé relevante: saúde, edukasaun ho nesesidade espesiál, justisa, nst.

- abilidade atu serbisu iha ekipa ho edukadór ka mestre seluk no mós ho autoridade lokál sira; - abilidade atu prepara labarik sira ba tranzisaun no halo kordenasaun ho eskola primária no família sira, instituisaun saúde, justisa, nst ho efetivu; - abilidade atu envolve família sira iha prosesu edukasaun; - abilidade atu atinji objetivu sira, atu difini estratéjia no avalia ninia asaun, interpreta ninia serbisu ho transparente no responsavel ba ninia maluk sira, família no komunidade, supervizór no/ka formadór sira; - abilidade atu kestiona permanentimente no aprende kona-ba ninia prátika, inovasaun, teste, peskiza.

Iha dimensaun importante tolu seluk iha serbisu mestre pre-eskolár sira: tulun atu prepara no dezenvolve projetu edukasaun ba ninia eskola (objetivu misaun no estratéjia sira, liña serbisu jerál, interasaun no kolaborasaun ho instituisaun sira seluk, nst.); atu dezenvolve projetu kurríkula ida ba ninia grupu labarik sira bazeia ba matadalan ne’ebé administrasaun sentrál fó ona mai no karaterizasaun no kontestualizasaun ba labarik sira no ekipa ne’ebé nia serbisu hamutuk; atu halo ligasaun ho profesionál sira seluk ka asosiasaun aula sira seluk ne’ebé promove profesionalizmu no dignidade iha funsaun hanorin.

Posibilidade importante ida mak reprezenta formasaun konjunta ida ba mestre preeskolár no eskola primária sira, mazumenus fó émfaze ba dimensaun jerál balu husi sira-nia formasaun. Karik ida-ne’e bele kria baze ba koperasaun iha futuru no fasilita tranzisaun husi pre-eskolár ba primária.

Kestaun espesífiku balu ne’ebé sai preokupasaun ba sira ne’ebé responsavel ba prosesu formasaun ba profesionál sira: - nivel formasaun mínimu (lisensiatura) no mestradu iha língua ofisiál rua;

19

- afirmasaun ba dignidade husi sira-nia funsaun liuhusi estabelesimentu karreira ida no pagamentu saláriu ne’ebé justu; - formasaun iha serbisu fatin ne’ebé akreditadu ba profesionál sira ne’ebé laiha kualifikasaun mínimu ne’ebé presiza; - supervizaun, monitorizasaun ba terrenu, avaliasaun no responsabilidade.

Proposta espesífiku ba formasaun inisiál no iha serbisu fatin bele halo hanesan: - étika profesionál no prátika di’ak; - dalen, ofisiál no kestaun lian inan; - parseria, serbisu ho adultu sira no serbisu koperativa ho profesionál sira seluk; - intensaun no estratéjia ba envolvimentu komunidade; - oinsá atu ezekuta serbisu projetu: entre no ho adultu sira no mós ho labarik sira; - kestaun sira ne’ebé relasiona ho kultura, multikulturálizmu, inkluzaun; kestaun jéneru; - literasia iha edukasaun ba labarik ki’ik sira: lian ne’ebé ko’alia no hakerek, matemátika, siénsia no literasia teknolojia, literasia artístika, literasia sosiál no kulturál; - planu, mapa konsetuál no :sítiu” ida ba atividade sira; serbisu iha ekipa ki’ik; jestaun konflitu ne’ebé pozitivu; dixiplina pozitivu; kriasaun ambiente serbisu ne’ebé responsavel no autonoma ho labarik no adultu sira; - avaliasaun ba dezenvolvimentu no aprendizajen labarik nian no evalia serbisu adultu nian; - koñesimentu di’ak ba Konvensaun ba Direitu Labarik nian; Atividade seluk ida-ne’ebé formativu tebes ne’ebé profesionál sira bele halo durante sira-nia atividade formasaun mak: halibur no tau hamutuk jogu sira, dansa, múzika, ritmu ba labarik ki’ik sira, istória, brinkedu tradisionál no aspetu seluk tan husi kultura popular. Rekursu hanorin sira-ne’e tenki hili didi’ak no dokumenta no se bele publika iha livru ka kartaun no serve iha pre-eskolár hotu.

III. Apoiu Dezenvolvimentu Kurríkulu 1. Labarik ne’e saida? (Labarik) Kada labarik Timoroan ida hanesan “partisipante sidadaun proativu ida iha nasaun ne’ebé demokrátiku”. Nune’e, kada labarik konsidera hanesan integra ona ba iha ninia komunidade partikulár: família, komunidade lokál, suku no ninia Liurai no referénsia adultu sira seluk no entidade sira ne’ebé responsavel: katuas sira, aiknanoik-na‘in, matan-dook no mós igreja. Nune’e, edukasaun ba labarik ki’ik sira iha Timor-Leste hanesan poliséntriku ba komunidade lokál ne’ebé kuidadu labarik sira hanesan propriedade murak ida, ne’ebé proteje no lori nia hanesan parte ida husi ninia projetu ba futuru–projetu ida ba dezenvolvimentu, kultura, edukasaun, moris di’ak no dame.

Maibé, simultaneamente, komunidade respeita labarik hanesan membru atuál husi komunidade ne’e, ne’ebé nia la’ós sai hanesan sentru maibé hanesan parte integradu ida, ho direitu atu espresa no sai sidadaun ativu, mane ka feto, nasionalidade TimorLeste ka lae, mai husi grupu étniku ruma ka lae, relijiaun diferenti ka lae ka grupu sosiál partikulár ruma ka seluk tan.

20

Internasionalmente iha ipoteza katak sentru ba ninia edukasaun mak labarik ne’e rasik duni. Labarik hanesan sentrál, atór sosiál iha komunidade nia laran, ho direitu no responsabilidade, konsidera labarik ne’ebé boot liu, adultu no ema ferik-katuas sira hanesan referénsia importante ba ninia dezenvolvimentu rasik. Labarik moris iha Tais nia laran ne’ebé soru liuhusi interasaun sira ne’e. Adultu sira (inklui edukadór) sei lori kultura bei ala sira ne’ebé labarik sei aprende, ne’ebé inklui labarik hanesan sidadaun foin-sa’e ba nasaun Timor-Leste, ho ninia lian atu espresa ninia aan rasik, ba edukasaun, ba liberdade no autonomia.

Uza símbolu Tais, labarik hanesan parte integrál husi fábrika ne’ebé atinji ninia grandiosidade artístika bainhira kabas sira ne’e liga ba malu no apoia malu iha maneira ne’ebé adekuadu, suportivu no konsistenti. Dezeñu Tais ne’ebé soru labarik nia nesesidade no direitu rasik, émfaze direitu ba protesaun, saúde, hahán, edukasaun, no ikus liu mak... direitu atu halimar.

Iha “poliséntriku” ida-ne’e, konseitu edukasaun ba labarik ki’ik sira mak nesesidade atu kria “fatin ne’ebé di’ak ba labarik sira”: preokupasaun katak kada labarik tenki inklui iha moris grupu, liu-liu sira ne’ebé ho nesesidade espesiál–ne’ebé iha definisaun interesante OECD, 2006 hanesan "labarik sira ho direitu aprendizajen oioin” – ka ho família no situasaun sosiál ne’ebé susar liu. Iha edukasaun poliséntriku ba labarik ki’ik sira, laiha labarik ida mak bele husik hela ka esklui tiha, ne’ebé implika kuidadu no atensaun didi’ak husi mestre sira no labarik seluk no uza pedagójika oioin no inkluzivu.

Funsaun regulatoriu Ministériu Edukasaun nian tenki haree katak sei laiha “gueto“ pre-eskolár: sentru ba labarik sira husi inisiativa oioin (públiku, privadu, inisiativa ONG nian, husi igreja, nst.) tenki inklui labarik sira husi grupu sosio ekonomiku no kulturál oioin no husi nasionalidade oioin. Situasaun ne’e sei reprezenta efeitu kontraria ne’ebé seiru husi espansaun ba edukasaun ba labarik ki’ik sira no sei kontra momoos valór no filozofia sira ne’ebé difini uluk ona; se konstrusaun “gueto” ne’e mosu.

2.Konsiderasaun Pedagójika no Kurrikula Seksaun ida-ne’e ilustra saida mak bele sai hanesan Supervizaun Pedagójika Úniku (Matadalan). Ninia Aneksu sei fó sujestaun sira ne’ebé prátiku tebes ba organizasaun estabelesimentu, matadalan pedagójika no ba mestre pre-eskolár sira no atór seluk ne’ebé responsavel iha área ne’e.

Importante mós atu klarifika katak pakote matadalan boot sira ne’ebé presiza – sei gia liu ba proposta ne’ebé espesífiku tebes–sei halo ba kada estrutura edukasaun preeskolár Timor-Leste nian: públiku, privadu, denominasionál no ONG sira. Kada instituisaun edukasaun mak sei interpreta no korresponde ba ida-idak nia kontestu.

Símbolu “TAIS” sei kontinua uza nafatin, bainhira hena rohan ne’ebé reprezenta maneira asaun hanorin ne’ebé presiza konsentra ba, interliga multiplisidade ida ba nivel no área estabelesimentu ne’ebé oras ne’e responsavel ba labarik ho idade tinan 3 to’o 6: diversividade profesionál; nesesidade atu “soru” serbisu hanorin nian aliña besik ho família no komunidade sira, organizasaun kurríkulu ida-ne’ebé sei la separa atinjimentu aprendizajen husi área tópiku –lee/hakerek, matemátika, siénsia sosiál no naturál, arte, edukasaun sidadania no edukasaun ispirituál – no iha área dezenvolvimentu oioin hanesan "fundu” – fíziku, emosionál, sosiál no konitivu; nune’e serbisu hanesan tais ida. Teoria konsetuál ida-ne’e importante tebes atu

21

komprende serbisu “soru”, hanesan imajen ida-ne’ebé kria inter-disiplináriu, ligasaun kurrikulu no integrasaun koñesimentu.

3. Meta Aprendizajen no Dezenvolvimentu Presiza fó émfaze katak iha pre-eskolár labarik sei iha ligasaun didi’ak ho TAIS husi ninia dezenvolvimentu tomak no deskobre katak ema ida sei sai kompetente bainhira nia hamutuk ho sira seluk, bele hetan inisiativa no sensibilidade krítiku husi ema independent ida. Tanba prinsípiu sira ne’e, estabelese ona meta sira tuirmai ne’e: • Aprende atu hatene nia an rasik no nia potensialidade: sé maka ha’u? Ha’u naran saida no oinsá maka atu hakerek naran ne’e? Se maka ha’u-nia família? Ha’u-nia loron aniversáriu? Ha’u-nia belun di’ak sira? Ha’u-nia isin no saida maka halo nia saudavel? – rekoñese nia valór oinsá sa sai individuál, hanesan meninu ka menina, ninia potensialidade no ninia difikuldade pesoál, iha progresiva autonomizasaun no integra pozitivamente sentidu auto-estima ida, respeitu nia an rasik no auto-konfiansa, nune’e mós oinsá atu kuidadu nia saúde rasik;

•

Aprende atu hatene ema sira ne’ebé iha ninia leet: ninia família, ema ferikkatuas sira, maluk, mestre sira no ninia asistenti sira, grupu kolega sira, Seguransa pre-eskolár: atu aprende oinsá atu estabelese relasaun ho kuidadu, respeitu no koperasaun; aprende kona-ba oinsá atu komunika maske iha dalen ne’ebé oioin.

•

Aprende atu hatene no estima meiu fíziku no sosiál ne’ebé envolve: eskola organizasaun no regra funsionamentu nian; ninia família no sira ne’ebé mak signifika tebes ba nia, tradisaun no ritmu husi komunidade, istória no tradisaun husi nia aldeia, husi nia sidade, maibé moos: ábitu ijiene no saúde, alimentu ne’ebé maka halo labarik sira boot lalais no sira ne’ebé maka ladún di’ak ba saúde; universu naturál no sosiál ne’ebé envolve eskola; universu luan liu hanesan sidade no nasaun ne’ebé nia moris ba; konsiénsia katak nia rain la’ós sentru mundu nian, katak sei iha labarik seluk, nasaun seluk, kontinente seluk: katak rekursu iha planeta rai ne’e limitadu no tenki respeita, proteje no hadomi ambiente;

•

Aprende atu hatene instrumentu ne’ebé fó posibilidade ba sira atu komunika no espresa sira-nia aan: atu ko’alia sira-nia lian inan ho momoos, atu aprende dalen daruak ida, atu aprende atu rona labarik seluk, maske sira la ko’alia sira-nia lian ka dialetu; atu komprende matadalan ba mestre/edukadór sira, atu aprende regra moris sosiál iha grupu ida: husu atu ko’alia maibé hein to’o ninia oportunidade atu ko’alia, atu koko komprende ida-ne’ebé ko’alia la hanesan; atu liga liafuan ne’ebé halo formulasaun orál ba reprezentasaun gráfiku ne’ebé korresponde (hakerek); atu rekoñese liafuan hakerek ne’ebé hatudu sira-nia naran, loron husi semana, área aula nian, mobiliáriu ruma, jogu no meteriál sira, hahán nia naran, parte isin lolon, nst. Atu rekoñese liafuan sira-ne’e iha dalen seluk mós.

•

Aprende katak língua orál no hakerek la’ós tipu komunikasaun mesak ida de’it:atu aprende atu komunika no espresa sira-nia aan ho jestu, sinál, silénsiu, kanta no múzika, lian ruma ne’ebé prodús husi sira-nia isin rasik no iha interasaun ho isin seluk, dansa;espresaun liuhusi poema badak, kanta no 22

tradisaun orál (múzika ka ritmu ba labarik ki’ik sira), dansa, hala’o arte;atu aprende katak ita-nia jestu bele haluan tan ba uza instrumentu espresivu: liña ne’ebé pinta iha rai ho ai, aliñamentu ho fatuk ka kaska, dezeñu ka pinta iha folla suratahan ida; ko’a no halo kolajen, konstrusaun dimensionál tolu, no pinta folleta boot koletivu ne’ebé labarik sira konkorda hamutuk, kriasaun livru, toka instrumentu múzika, nst.

•

Aprende katak matemátika hanesan dalan ida atu organiza mundu no rezolve problema: matemátika hanesan dalan ida atu organiza no sistematiza moris – númeru no karakterístika, ne’ebé sei lokaliza iha fatin no tempu, medida no proporsaun, molok no hafoin, karuk no loos (no tipu orientasaun sira seluk iha fatin), modelu no koor, pakote no parte singulár, sira-ne’e hotu hanesan maneira naturál ne’ebé neneik-neneik ema sei deskobre hodi simplifika moris. Organizasaun (matemátika) tuir prosesu ne’ebé hanesan: atu estrutura, klasifika, atu organiza pakote, sukat, tetu......

•

Aprende katak ita bele boot liuhusi investiga no kestiona realidade (inisiasaun ba peskiza no pensamenti sientífiku, uza metodolojia servisu projetu nian): tansá mak buat sira-ne’e hanesan ne’e? Halonusá maka bele sai oin seluk? Ipóteze saida maka ita bele koloka? Previzaun saida maka ita bele halo? Saida maka ita hatene ona kona-ba problema ka situasaun ida no saida maka presiza atu hatene tan? Se maka halo saida? Bainhira maka ita hamutuk hodi fáhe informasaun? Verifika fali ita-nia ipóteze? Ita esperimenta?

Rezultadu saida maka ita hetan? Dedusaun la loos ida-ne’ebé maka ita halo?

Saida maka ita aprende filafali? Oinsá maka atu divulga saida maka ita aprende ba sira seluk? Ita bele hetan asesu ba komputadór ida? Halo peskiza iha internet?

•

Aprende atu kontempla buat di’ak, furak, transendente, esperimenta ksolok tan bele moris no saudavel no hatene interdependente ba malu: atu rona ema seluk no tulun sira, maibé sei la halakon sira-nia dignidade, atu respeita no simu diferensa, atu aprende ho labarik no adultu seluk, atu aprende atu kopera, atu apresia silénsiu maibé mós jogu ne’ebé barullu no derrepente; iha natureza atu admira furak iha nia leet, atu aprende hodi bele sai suportivu no aprende prátika sidadania no partisipasaun iha sira-nia nivel tuir sira-nia posibilidade atu depende ba esperiénsia relijiozu ho sentidu transendénsia.

4. Rezultadu edukasaun Rezultadu edukasaun sujera katak labarik sira sei dezenvolve kompeténsia sira tuirmai ne’e iha área aprendizajen oioin: Dezenvolvimentu língua - atu esperiénsia komunikasaun ko’alia no hakerek - atu dezenvolve kompeténsia iha komunikasaun verbál no non verbál liuhusi responde ba pergunta, komunika nesesidade, hanoin no esperiénsia no deskreve sasán no eventu sira - atu dezenvolve vokabuláriu liuhusi konversa, esperiénsia no livru sira - atu envolve iha diskusaun ho maluk sira

23

Literasia/alfabetizasaun sedu - atu iha asesu ba livru sira no matéria eskrita - atu iha oportunidade atu koñese didi’ak no enkoraja atu bele emprimi, no rekoñese no uza emprimi iha aula laran inklui: o marka meteriál no labarik sira-nia serbisu; o emprimi ne’ebé uza hodi deskreve regra no rutina ruma Matemátika: - hatene númeru: enumerasaun orál, enumerasaun objetu; dezenvolve relasaun numérika; operasaun emerjénsia; reprezentasaun; - organizasaun no prosesamentu dadus; halibur dadus; kategorizasaun; reprezentasaun; knaar; diagram/gráfiku; - jeometria; orientasaun; dezenvolvimentu, funsiona ho forma no figura; jeometria no sasukat; jeometria no karakterístika.

Pesoál no Sosiál - identidade no auto estima/konfiansa; - independénsia/autonomia; - koperasaun; - koezistensia demokrátika/sidadania; - solidaridade/respeitu ba diferensa.

Koñesimentu Mundu - pozisiona iha fatin no tempu; - koñesimentu ba ambiente naturál no sosiál; - dinámika interelasaun naturál no sosiál.

Espresaun Arte Vizuál: - komprende arte iha ninia kontestu; - kontenti no kontemplasaun; - komprende língua elementáriu arte nian.

Espresaun Dramátiku: - komprende língua elementáriu husi espresaun dramátiku.

Espresaun Muzikál: - komprende língua elementáriu husi múzika; Dansa: - komprende língua elementáriu husi dansa; 5. Artikulasaun ho Edukasaun Bázika Kestaun kona-ba tranzisaun no eskolaridade bázika ne’e krusiál no tinan barak ona maka sai hanesan diskusaun internasionál. Tranzisaun ne’e esensiál iha vida labarik sira-nian no importante tebes atu asegura katak kualkér tranzisaun ne’e hetan susesu di’ak, atu bele asegura benestar emosionál no sosiál husi labarik: husi família no husi

24

servisu atendimentu ba labarik tinan 0 to’o 3, ka ba eskola-jardín infánsia; husi eskola pre-primária ba edukasaun primária.

Estudus internasionál desde tinan 70 esplika nesesidade hodi organiza tinan ikus liu iha edukasaun pre-eskolár no tinan dahuluk eskolaridade nian ho fleksibilidade boot no prepara ho intensionalidade tranzisaun ne’e. Durante tinan barak hanoin katak insersaun pozitiva iha eskolaridade bázika ne’e bele hetan liuhusi prosesu diretu husi indusaun, espesiálmente uza fisha kona-ba inisiasaun ba hakerek no lé ka ba ezersísiu gráfikus iha surat tahan ho risku kuadradu. Estudus ikus-ikus ne’e hatudu konjuntu amplu ida kona-ba kompeténsia indikativas ba insersaun ida pozitiva iha eskolaridade obrigatória: - Kapasidade atu aprende hodi aprende; - Kompeténsia sosiál kona-ba koperasaun; - Auto-konfiansa no kapasidade ho integra rasik no afirma an iha grupu pares nia ida: autores balun bolu kapasidade ida-ne’e naran ajénsia, ne’ebé maka implika katak labarik sira tenki ativa, konsiente ba sira-nia podér rasik, konsiente katak vale duni no, bele fó kontributu importante ida ba grupu sosiál oioin ne’ebé maka sira hola parti; - Kapasidade auto-kontrolu, inklui kapasidade kona-ba domíniu pesoál, konsentrasaun, no kona-ba oinsá atu hasoru frustrasaun; - Hetan ábitu servisu ne’ebé mosu husi atitudi ida disiplina interiorizada; - Rezilénsia ka tahan-an, ne’e dehan katak, kapasidade hodi adapta-an no kapasidade hodi hasoru mudansa tuir forma dinámika no pozitiva, konsidera difikuldade ka problema hanesan estímulu no hanesan oportunidade ida; kapasidade tahan-an halo labarik sira sai forti, optimista, ho dinámika kriativa ida hodi hasoru diversidade, ne’ebé maka inkorpora hamutuk pozitivamente ba nia dezenvolvimentu.

Hamutuk ho dezenvolvimentu ba kompeténsia sira-ne’e, edukadór no profesór sira husi nivel edukativu oioin tenki ko-konstrói prosesu artikulasaun, liuhusi prosesu kona-ba ko-konfigurasaun, husi kesi (“knot-working”), husi servisu iha zona fronteira, husi ajénsia relasionál, konseitu sira ne’ebé aprezenta ona iha inísiu servisu ida-ne’e, ne’ebé maka sei sai esensiál bainhira adultu husi instituisaun oioin hamutuk hodi halo planu ba prosesu tranzisaun ka dezenvolve projetu komún ba benefísiu labarik sira-nian.

Edukadór no profesór husi 10 síklu bele uza konseitu servisu iha zona fronteira hodi favorese artikulasaun: iha kontestu ida-ne’e sei la iha ida-ne’e ka ida-ne’ebá (no insiste iha diferensa), hodi eziste fali ida-ne’e ka ida-ne’ebá, hodi asumi atitude inkluzaun no koperasaun nian ida, atitude negosiasaun, atitude respeitu mútuo, atitude kuriozidade ba buat sira-ne’e halo iha nivel edukativu idak-idak no, liután, tanba atitude hodi hakarak aprende ho seluk iha nivel edukativu seluk, iha rai fronteira ida-ne’ebé partilhada.

Tuirmai ezemplu balu husi inisiativa ne’ebé bele foti: - Realizasaun ba atividade komún: espetákulu ida, saida ida, festa tradisionál ida; - Vizita, iha grupu ki’ik, ba sala oioin: labarik ho tinan 4-5 ba koñese sira-nia futura eskola no vise-versa: sira tuan liu mai koñese eskola sira foun nian;

25

- Aprezentasaun ba sira projetu no produtu husi sira-nia servisu tuir sira-nia nivel edukativu: albun ida, peskiza ida, produsaun artístika ida; - Reuniaun entre profesór husi nivel edukativu oioin hodi esplika kona-ba servisu sira-ne’e, razaun sira ne’ebé obriga atu sira halo hanesan ne’e, saida maka hakarak atu dezenvolve iha labarik sira, no buka atu entende no negoseia diferensa; - Entrega ba eskola 10 síkliu pasta ida ka relatóriu individuál ida kona-ba kada labarik, ne’ebé maka deskreve kona-ba sira-nia evolusaun durante tinan eskolár nian no fó ezemplu kona-ba aspektu servisu nian ne’ebé hala’o ona; - Prepara família sira hodi ajuda labarik iha faze tranzisaun: eskola bázika ne’e tenki sai hanesan buat ida-ne’ebé reprezenta etapa kresimentu no la’ós hanesan kastigu ida; hanesan saltu pozitivu ida, tanba se boot karik, no se prontu ona hodi hahú moris iha situasaun foun ida IV. Dezenvolvimentu Parseria Família no Komunidade Família orijinál no komunidade labarik nian hanesan parseiru ne’ebé importante iha konstrusaun projetu resepsaun no estrutura kuidadu. Tenki rona husi sira no integra ba iha dezeñu proposta edukasaun ba sira-nia oan sira. Dezeñu projetu moris no dezenvolvimentu ba sira-nia oan sira tenki konfigura hamutuk ho parte sira ne’ebé apropriadu no mestre sira. Iha parte seluk, estabelesimentu ba labarik sira tenki refleta sensibilidade moris komunidade nian, hanorin labarik sira atu moris hamutuk iha kontestu diversividade. Profesionál sira tenki hahú sira-nia serbisu uza pedagojia artikulasaun ho família sira. Família sira bele hetan benefisiu sosiál no edukasaun husi instituisaun sira ne’ebé sira-nia oan ba partisipa. Tenki fó atensaun ba língua maternál orijinál husi kada família.

Instituisaun ba labarik sira bele sai forsa ne’ebé kondús sira moris, promove kultura, inklui projetu ba edukasaun no formasaun adultu, liu-liu ba feto sira. Profesionál ba labarik ki’ik sira tenki mós buka estratéjia oioin hodi envolve família sira, liu-liu sira ne’ebé iha difikuldade liu atu mai eskola. Inan-aman no mestre sira tenki “kesi ikun hamutuk” no dezenvolve konsensu entre sira-nia koñesimentu kona-ba labarik sira, ho baze ida katak la’ós mestre sira de’it mak responsavel ba koñesimentu. Profesionál sira tenki rona mós família sira-nia hanoin, gia sira, no se presiza diriji sira, maibé sempre koko atu halo sira sente kompetente no iha konfiansa ba sira-nia funsaun bainhira eduka sira-nia oan. Família sira hanesan rekursu ne’ebé importante ba eskola.

Estudu internasionál hatudu katak laiha kualidade iha edukasaun ba labarik ki’ik sira bainhira laiha envolvimentu efetivu husi família. Envolvimentu família no komunidade sira hanesan parte ida husi estratéjia politiku ba inkluzaun lokál husi instituisaun ba labarik sira. Konseitu boot no komprensivu ida ba família konsidera hanesan komunidade non kondisionál ida ba kuidadu ne’ebé di’ak ba labarik sira, la haree ba oinsá ninia estrutura.

Ministériu Edukasaun presiza apoia kriasaun asosiasaun inan-aman nian ka asosiasaun inan-aman/mestre sira no konsidera hanesan entidade importante ida bainhira dezenvolve planu estratéjiku.

Sujere ona atividade no estratéjia iventuál balu ba envolvimentu família sira no komunidade: selebrasaun festa lokál, viajen ba terrenu/estudu ba fatin signifikante ruma iha komunidade, selebra tinan ho prezensa maluk sira, envolvimentu espesífiku

26

husi ema ferik-katuas sira no sira-nia koñesimentu respetiva (“katuas"), husu koñesimentu família nian ka adultu seluk iha komunidade liuhusi vizita ba sira iha sira-nia uma ka serbisu fatin ka konvida sira atu mai vizita pre-eskolár hodi “hanorin” labarik sira kona-ba saida mak sira hatene: konta istória tradisionál kona-ba lejenda ("aiknanoik-na'in"), hanorin labarik sira dansa, drama no poema, toka instrumentu lokál tradisionál no hanorin kanta ruma, introdús labarik sira ba arte tais,serbisu verga, serámika, dezeña ai no kria tinta no hakoor kabas, nst; tempu regulár atu aprezenta labarik sira-nia serbisu ba família sira: ezibisaun, gia vizita ba aula, aprezentasaun projetu no serbisu ne’ebé labarik sira hala’o iha estabelesimentu komunidade iha li’ur, nst.

V. Dezenvolvimentu sistema monitorizasaun no evaluasaun tuir padraun ida Modelu regulatóriu ida ba solidaridade, sosio poliséntriku komunidade bazeia ba posibilidade hamutuk no kapasitasaun hamutuk no konfigurasaun hamutuk ba komitmentu atuál (Joaquim Azevedo, 2011).

Governu tenki regula, superviziona no halo inspesaun. Funsaun governu nian atu inklui promove, desentraliza no enkoraja, no iha tempu ne’ebé hanesan fornese apoiu, promove inovasaun, autonomia, responsabilidade no peskiza.

Governu mós tenki: - Rekoñese posibilidae tipu asisténsia oioin ba labarik sira husi tinan 3 to’o 6 no adapta ba kontestu lokál no posibilidade sira, maibé sempre proteje funsaun edukasionál no apoiu ba família sira. Planu Estratéjiku Edukasaun TimorLeste nian ba tinan 2011-2015 iha estratéjia ba “provizaun revizaun planu ba uma eskola governu nian, utiliza fali aula sira ne’ebé mamuk hodi loke aula ba labarik ki’ik sira ka harii fali aula foun iha eskola ne’ebé ezisti (pj. 69); - Estabelese padraun edukasionál no tékniku no kritériu ba fasilidade no/ka ninia adaptasaun: regra finansiamentu, fasilidade, matéria no ekipamentu, oráriu ba fasilidade sira, kontribuisaun família nian, matadalan jerál ba kurríkulu. Planu Estratéjiku Edukasaun Timor-Leste nian ba tinan 20112015fo émfaze ba “preparasaun polítika akreditasaun eskola no matadalan ba rejistu no funsionamentu eskola privadu, sei presiza hodi bele monitoriza funsionamentu sistema” (pj. 69); - Hametin pesoál profesionál no ausiliáriu no sira-nia komitmentu ba formasaun inisiál no ninia kontinuasaun; - Atu garante kondisaun saúde ba labarik sira ne’ebé sei ba atende pre-eskolár: imunizasaun, hahán no saúde ne’ebé natoon. Ida-ne’e bele atinji iha kordenasaun ho klínika saúde lokál ka sentru saúde komunitária; - Enkoraja envolvimentu komunidade lokál iha eskola labarik nian, ninia reprezentante no ofisiál sira, halo sira responsavel no delega knaar supervizaun no regulamentu; - Planu Estratéjiku Edukasaun Timor-Leste nian ba tinan 2011-2015 konsidera ”nesesidade atu dezenvolve no implementa sistema ida hodi monitoriza no garante kualidade pre-eskolár (…) no dezenvolve kritériu padraun eskola nian ba pre-eskolár”(pj. 71). Ministériu Edukasaun ninia funsaun mak: atu difini

27

-

-

regra sira hodi avalia kualidade estabelesimentu husi perspetiva edukasionál no sosiál; delega sasukat avaliasaun tuir matadalan kurrikula-hanorin: promove projetu avaliasaun demokrátiku, konsentra ba rona husi pesoál preeskolár no sira-ne’ebé relasionadu; estabelese meta/alvu progresivu ba hadi’ak ne’ebé dezenvolve husi ekipa laran no sira mak sei hala’o; envolve profesionál sira, família no labarik sira iha prosesu mudansa; Garante ekuidade justisa no sosiál, protesaun ba prinsípiu oportunidade ne’ebé hanesan no hadi’a inigualidade sosiál; Diskriminasaun iha preferénsia, garante kualidade superiór iha estabelesimentu ne’ebé sei hetan partisipasaun barak husi labarik no família sira ne’ebé desvantajen, sira-ne’ebé ladún iha kapasidade no hetan informasaun atu presiza kuidadu ho kualidae ba sira-nia oan sira; Garante estatístika ne’ebé atualizadu no di’ak no gráfiku ne’ebé loloos husi proporsaun kobertura ba estabelesimentu labarik ki’ik nian iha nasaun laran tomak no tipu ne’ebé relasionadu; Promove peskiza no avaliasaun sistemátiku ba implementasaun Planu ba Dezenvolvimentu Edukasaun Pre-eskolár iha Timor-Leste. Importante atu prodús peskiza ne’ebé bazeia ba evidénsia, uza estudu kazu, estudu evaluasaun, implementasaun pilotu, nst.

Dezafiu iha futuru depende ba projetu esforsu hamutuk. Ida-ne’e signifika atu soru polítika sira-ne’e iha serbisu. Dala ida tan, símbolu TAIS iha valór duni.

So liuhusi ligasaun, tau hamutuk esforsu iha lideransa ne’ebé klaru mak sei posivel atu halo TAIS ne’e:sistema ida ho atór multípulu iha kordenasaun Ministériu Edukasaun nian

28

Referénsia sira: FundaçãoAlola (2010, December). Education and Literacy Program National Report.

Timor-Leste FundaçãoAlola.

Azevedo, J. (2011) interview in Jornal de Letras nr. 1063, July 2011.

World Bank (2009) EGRA Report: Análise da Aquisição de LeituranosPrimeirosAnos de Escolaridade. Timor-Leste A World Bank Report.

Brooker, L. & M. Woodehead (Org.) 2010.Cultura y Aprendizaje. London: The Open University Press, supported by Fundação Van Leer.

Daniels, H. et al (2007). Learning in and for multiagency working. Oxford Review of Education, 33, nr. 4: 521-538.).

Child-to-Child Trust (2011, September).Policy Statement. Photocopied document.

Timor-Leste Democratic Republic of Timor Leste (2004).ECCD National Policy.

Edwards, A. (2005). Relational Agency: Learning to be a resourceful practitioner.

International Journal of Educational Research, 43: 168-182.)

Engeström, Y., Engeström, R. &Vähähö, T. (1999). When the Centre does not hold: The importance of Knotworking. In: S. Chaiklin, M. Hedegaard& U. J. Jensens (Eds).

Activity Theory and Social Practice: Cultural-Historical Approaches (345-374).

Aarhus University Press.

Gusmão, K. S. (2004). Uma Mulher da Independência. Lisboa: Quetzal.

Konkola, R. (2001). Developmental process of interethnic and boundary-zones activity, cited in: T. Tuomi-Gröhn and Y. Engeström (Eds.) 2003. Between School and Work: New perspectives on transfer and boundary zones. Oxford: Pergamon.

Ministério da Educação/DGIC (Portugal) AprendizagemparaaEducaçãoPré-Escolar.

(2010).

Metas

de

Landers, C. (2010, August).A Review of Early Child Development Activities in TimorLeste. Trip Report. Submitted to UNICEF and OSI-ECP. Lata, Dyvia (2010, January). Report on the Rapid Assessment of Early Childhood Development in Timor-Leste. A Report to OSI Early Childhood Program.

Mattoso, J. (2005). A Dignidade: Konis Santana e a ResistênciaTimorense. Lisboa: Temas e Debates.

Ministério da Educação (2010). Plano Estratégico 2010-2030. ResumoExecutivo.

PP1: EducaçãoPré-Escolar.

Ministério da Educação (2008). Quadro das CompetênciasparaProfessores de TimorLeste.

29

Ministry of Education and Culture (2004). ECCD National Policy – Democratic Republic of Timor Leste.

OECD (2009). Doing Better for Children. Paris: OCDE. OECD (2006). Starting Strong II: Early Education and Care. Paris: OCDE. Santos, B. S. (2000). A Crítica da Razão Indolente: Contra o desperdício da experiência. Porto: Afrontamento.

Timor Leste National Strategic Plan for Education 2011-2015.Ministry of Education.

UNESCO East Timor National Committee and Ministério da Educação(s/d).

Educação Multilingue Baseada na Língua Materna: Política Nacional. East Timor: UNESCO/MoE. UNESCO East Timor National Committee and UNICEF (2011) First Language First: Multilingual Education for Timor-Leste, Implementation Plan. Timor-Leste UNESCO East Timor National Committee UNICEF (2011, March).Timor-Leste National Inclusive Education Policy (Draft 3).

UNICEF. East Timor: Working Paper.

Vasconcelos, T. (2009). A Educação de Infância no Cruzamento de Fronteiras.

Lisboa: Texto.

Woodhead, M. (1996). In Search of the Rainbow: Pathways to quality in large-scale programmes for young disadvantaged children. The Hague: Bernard Van Leer Foundation.

30

Akrónimu CONECTIL – National Council for Catholic Education ECEWG – Early Childhood Education Working Group EMIS – Education Management Information System ICRC – International Convention on the Rights of the Child IEU – Inclusive Education Unit IFU – Infrastructure Unit INFORDEPE –Instituto Nacional de Formação de Docentes e Profissionais de Educação INGO – International Non-Governmental Organization MOE – Ministry of Education MOH – Ministry of Health MOJ – Ministry of Justice MSA – Ministry of State Administration (Estatal) MSS – Ministry of Social Solidarity NESP- National Education Strategic Plan NDPE – National Directorate of Preschool Education NGO – Non-Governmental Organization PTA- Parents-Teachers Association SAD – School Accreditation Department

31

Glosáriu Kultura – Importante duni atu hanehan “Kultura” nu’udar konseitu dinámiku no muda-belek. Kultura transforma hanesan mós sira interaje ho realidade oin seluk. Iha Timor-Leste iha kombinasaun dialétika entre “kultura tradisionál” no “modernidade” se ita hakarak edukasaun ne’ebé projeta ba futuru. Iha sorin seluk, ita hotu hatene karakterístika kultura tradisionál sira ne’ebé la bele kaer hodi izola nasaun ida no hanetik (impede) nia atu tama ba dezenvolvimentu sustentavel ida.

Krexe – terminolojia dalabarak uza hodi deskreve servisu ba labarik sira ho otas tinan 0 to’o 3 (liafuan crèche maihosi orijen Franseza, uza dalabarak mós Edukasaun Infantíl – termu ne’e uza iha sentidu luan liu duké “pre-eskolár”: nia hatudu atividade hotu kona-ba kuidadu no dezenvolvimentu edukasaun ba labarik ho otas tinan 3 to’o 5.

Kuidadu labarik sedu no Dezenvolvimentu – termu ne’e uza hodi difini atividade bali (kuidadu), dezenvolvimentu, no edukasaun ba labarik hosi kedas moris to’o otas tinan 8.

Jardín Infánsia – terminolojia hosi alemã hatudu pre-eskola ba labarik sira hosi otas tinan 3 to’o 5. Iha nasaun balu korresponde ba tinan molok atru tama ba eskola primária (haree mós :aula pre-eskolár) Edukasaun Pre-eskolár – atividade hotu (sosiál, edukasionál, relasiona ho saúde, nsst.) ne’ebé prepara labarik sira atu tama ba eskola obrigatóriu.

Profesór pre-eskola – professor professional ne’ebé servisu ho labarik hosi otas tinan 3 to’o 5. Determinasaun seluk bele mós : profesór jardín infánsia, edukadór infánsia.

Klase Pre-primária – dalabarak ligadu ba eskola primária ida, eskola primária ne’e hali’is liu preparasaun ida sistemátika liu ba labarik sira ho otas tinan 5 ba eskola primária.

Resiliénsia – kapasidade atu adapta no enfrenta mudansa sira, krize no situasaun susar iha forma pozitiva no dinámiku Eskola akreditasaun – rekoñesimentu katak eskola ida (ka pre-eskola) opera tuir padraun ka norma ne’ebé governu define ona Profesór Akreditadu – rekoñesimentu ba formasaun uluk nian (formál no naunformál no professor sira-nia esperiénsia

32

KUADRU POLÍTIKA IDA BA EDUKASAUN PRE-ESKOLÁR

Aneksu

33