Nr. 12 – Akisussaasumik atuineq tunisassiornerlu

Nunarsuaq tamakkerlugu anguniakkami nr. 12-imi anguniarneqarpoq piujuaannartitsisumik atuinissaq tu nisassioriaaseqarnissarlu.

AKISUSSAASUMIK ATUINEQ TUNISASSIORNERLU

KNI-mi annertuumik akisussaaffigaarput anguniagaqarnissaq suliatsinnilu tamani piujuaannartitsilluta eqqarsartarnissarput. Akisussaassuseqarnerusumik atuinitsigut avatangiisitsinnut sunniutikinnerunissaq anguniarlugu piujuaannartitsinissamut periusissiorpugut, aatsaammi taama iliornitsigut siunissami piujuaannartitsinissaq angusinnaavarput. Igitassanngortitsisarnerput minnerpaaffianiitissavarput, igittakkavullu annertuut pinngortitap nammineq arrortissinnaassavai imaluunniit atoqqinneqarsinnaallutik. Neqi A/S-imi toqoraanermi sinnikunik igitsinissaq annertuumik piumasaqaatitaqarpoq. Suliffeqarfik avatangiisit pillugit akuersissummik 2019-imi tunineqarpoq, akuersissuteqarnerlu tunisassiornermi sapinngisamik annertunerpaamik atorluaanissamik pisussaaffiliivoq. Neqi A/S 2017-imiilli savaaqqanik savanillu toqoraanermi sinnikut qimminut nerukkaatissiaralugit tunisassiarisalernikuuai. Taamatut tunisassioriaaseqalerneq avatangiisimut pitsaasumik sunniuteqarpoq suliffissanillu nutaanik pilersitsiviulluni.

Naatsiiat Neqimiit tunisassiarineqartartut plastikkimik poortorneqartarnikuugaluartut maannakkut puussanik pappiaraasunik silaannaqartitsinerusunik netsinilluunniit taarserneqarnikuupput, taakku avatangiisimut innarliinnginnerupput naatsiianillu uninngatitsinissamut iluarnerullutik, kingunerissavaalu naatsiianik ikinnerusunik igitsinissaq.