1 minute read
Framleiðsla nautgripakjöts á Íslandi 2012–2015
Samkvæmt opinberum gögnum Hagstofu Íslands ( www.hagstofa.is ) var nautgripakjötsframleiðslan á Íslandi árið 2015 um 3.500 tonn (fallþungi) sem var svipuð framleiðsla og árið 2014. Í samanburði við 2012 og 2013 dróst innanlandsframleiðslan saman um 500 tonn árið 2014 sem er um 14% samdráttur og hún jókst óverulega árið 2015 (mynd 1). Árið 2014 verður sú breyting að um 1600 færri kúm og um 1200 færri ungnautum var slátrað miðað við árin tvö á undan sem skýrir þessa framleiðsluminnkun (mynd 2). Lítil breyting er á meðalfallþunga nautgripanna þessi 4 ár sem er um 220 kg/fall (allir gripir fyrir utan ungkálfa).
Nautgripakjötinu má skipta í þrjár megingerðir (myndir 1 og 2). Stærsta gerð nautgripakjöts eru ungnaut (UN) með 58–62% hlut eftir árum. Ungnautakjöt er af nautgripum á aldrinum 12–30 mánaða og eru þeir að langstærstum hluta aldir sérstakalega fyrir nautakjötsmarkaðinn. Kýrkjöt (K) sem er aukaafurð í mjólkurframleiðslu er 37–40% af nautgripakjötinu en kálfakjöt (UK) vegur lítið í heildarmagninu eða 1–2%.
n n T o 4500
4000
3500
3000
2500
2000
1500
1000
500
0
2012 2013 2014 2015 Kálfar
Kýr
Ungnaut
Mynd 1. Fallþyngd (tonn) og gerðir nautgripakjöts framleitt á Íslandi 2012–2015. Í flokknum „Kýr“ eru einnig bolar (B) og undir flokknum „Kálfar“ eru ungkálfar (UK) og alikálfar (AK). Hagstofa Íslands 2015.
Mynd 2. Fjöldi og gerðir slátraðra nautgripa á Íslandi 2012–2015. Í flokknum „Kýr“ eru einnig bolar (B) og undir flokknum „Kálfar“ eru ungkálfar (UK) og alikálfar (AK). Hagstofa Íslands 2015.