La digitalisaziun

Proteziun di mëndri d‘eté porsones che á la responsabilité genitoriala. La proteziun di mëndri dala violënza y dal‘emarginaziun soziala é n dërt di mituns y dles mitans, n prinzip pedagogich fondamental y n‘inciaria esplizita di sorvisc d‘assistënza ala pröma infanzia. Vigni strotöra á n plann de proteziun di mëndri che dëida le personal educatif antergní te na manira competënta y por la proteziun dl möt o dla möta, sce al dubitëia che le bëgn di mituns y dles mitans sides al prigo (p.ej. sce al é sëgns de trascuratëza o esperiënzes traumatiches). Por chësc é i sorvisc d’assistënza ala pröma infanzia coliá cun i sorvisc competënc tl raiun sozial.

La comunicaziun tla vita da vigni de

Le contat cun les families

I media digitai che fej oramai pert dla vita da vigni de de tröpes families pó gní adorá te na manira desvalia sciöche sostëgn por l’ativité pedagogica tl sorvisc d’assistënza ala pröma infanzia. Chësc é dantadöt sozedü tratan la pandemia y tignará pro te na forma adatada ince tl dagní. L‘adoranza di media digitai é de vantaje por dötes les porsones interessades canche ara se trata da mené informaziuns de test cörtes danter les families y la strotöra (p.ej. “Incö vëgn mia möta cun süa mëda“). Na plataforma che les families pó adoré deboriada (p.ej. na chat de grup) promöi le barat danter i geniturs o che che á la responsabilité genitoriala, y sostëgn sambëgn ince le coliamënt danter strotöra y ambiënt de vita di mituns y dles mitans. Tla fasa dl ausé ite y ince plü tert pó na foto o n pice video, che mostra la vita da vigni de tla strotöra d‘assistënza,

daidé n valgönes families avëi plü crëta tla competënza dl möt o dla möta y ince tla strotöra. Ince videotelefonades danter les families y le personal educatif pó ester na bona alternativa a incuntades de porsona, sce ara ne vá nia da rové adöm por rajuns de destanza, limitaziuns temporales o d‘atres rajuns. Al ti speta al personal educatif da ciaré che chisc contac digitai vëgnes adorá cun responsabilité deache ince chiló nen vára dantadöt dl bëgnsté di mituns y dles mitans. Sce n möt o na möta mancia por plü dî (p.ej porvia de na maratia) pó videotelefonades daidé mantigní la relaziun cun le grup di mëndri y cun le personal educatif. Tratan le tëmp de vacanza pó n video tut sö damperfora avëi la medema faziun (p.ej. le personal educatif che cianta na ciantia che le möt o la möta conësc). Le personal educatif dëida les families s‘anuzé di media digitai te na manira adeguada al svilup di mëndri. Por mirit dl’adoranza di media digitai por mantigní le contat costant danter i mëndri y le personal educatif tratan la pandemia s’á i mituns y les mitans fat plü saurí da sté indô tla strotöra y tl grup do avëi mancé o do che la strotöra ê stada stlüta por n pez. La digitalisaziun tl‘assistënza ala pröma infanzia ó porchël dí integré o sostituí olache al öga i decursc y les comunicaziuns tres i media digitai (p.ej. les incuntades cun i geniturs o les listes de presënza). Döt chësc vëgn adaldé tolon en conscidraziun la proteziun di dac y i prinzips fondamenai nominá tl scomenciamënt. Sostigní la continuité dla relaziun

L’assistënza ala prima infanzia tl Südtirol

Te chësc test scrit por ladin vëgnel sovënz adoré les parores “pici/pitli” y “mëndri” minon sambëgn dagnora mituns y mitans.

Informaziuns plü avisa y referimënc leterars é da ciafé tl Cheder de referimënt por les ativités de formaziun, educaziun y assistënza ala pröma infanzia sön la plata web dl‘Agenzia por la familia:

Verjiun todëscia y ladina: www.provinz.bz.it/qualitaet-kleinkindbetreuung

Verjiun taliana y ladina: www.provincia.bz.it/qualita-assistenza-prima-infanzia