Mai Sydney Tusia: Vui S. S. Masinamua.
TAUA’AO E LE TAMA A SAMOA (Felise Mikaele) LE IPU MO TA’ALOGA LAKAPI FITU E FA’AFETAI AI I LE LAGOLAGOINA O ANA TAUMAFAIGA PESE I lana fa’afiafiaga mulimuli i le aso 4 o Oketopa, lea na fa’ataunu’uina i le Trotting Club i Bankstown, lea fo’i na ia taua’aina atu ai se Ipu mo le Tauvaga o Lakapi Ta’ito’afitu a le Fono ma La’u Samoa, i le afioga ia Alalatoa Emani Alalatoa o le Peresetene o le La’u Samoa ma le susuga ia Papali’i Lealaiauloto Steve To’omalatai o le Ta’ita’i Komiti o le Ta’ito’afitu.
E
ui ina tele tausaga o taumafaiga ma fatuga a lenei tamali’i o le atunu’u, a ua le tau fesiligia le tele o lona sao i tupulaga ma afioaga, ae maise lava i le au matutua, ona o le tulaga ese o ana fatuga i le fa’alogologo. Ua le fesiligia fo’i le tele o fa’amanuiaga momoli pea mo ia e ta’ita’i o le atunu’u ma ta’ita’i o ekalesia, ae maise ai o le au aosinasina o le atunu’u, ona o lea lava uiga e tasi. O le i ai o le Tama a Samoa , le afioga ia Asuao Lealaitagomoa po’o le susuga fo’i ia Felise Mikaele i Ausetalia nei, lea na ia fa’atinoina ai ni ana fa’afiafiaga se lua i Sini nei, ma le tasi i Brisbane lea na fa’ataunu’uina i le amataga o Iuni o le tausaga nei lava.
L E 14th October 2014. 14
I se saunoaga a le afioga ia Asuao, na ia ta’ua ai e fa’apea, o lenei Ipu ua ia saunia, ona o le talosaga atu a le Ta’ita’i Komiti o le Ta’ito’afitu mo le fa’amoemoe. O lea fo’i avanoa ua ia manatu ai loa ina ia avea ai fo’i o se faafetai fa’alelava lea mai ia te ia ma lona faletua, e molimoli atu ai i Samoa o Sini, lona agaga faafetaia o Samoa uma ona o lo latou lagolagoina pea o nai ana taumafaiga e ala lea i lana musika ma ana fatuga. O le afioga lava fo’i i le Peresetene o le la’u Samoa ia Alalatoa Emani Alalatoa na ia saunoa e fa’afetaia ai lenei fa’aaloalo maualuga ua a’ao i ai le afioga ia Asuao po’o le Tama a Samoa, ae o se uso fo’i ia te ia ona o le taleni pese.
fa’aaloalo a le afioga ia Asuao i lea po na ia manatu ai ua tatau fo’i ma onomea ai ona tu’uina atu loa le taualuga o lona fa’amoemoe i lea po e sa’asa’a ai le afioga i le Peresetene o La’u Samoa, ae aiaiuli ai le paia maualuga o le atunu’u. E le’i mama fo’i i le ali’i pese lona agaga toe fia fa’afetaia lea o ona so’otaga ma ona itu taulagi o lo’o avea pea lea ma lamepa suslu pea ia te ia i lea taimi ma lea taimi o ana fa’afiafiaga. Na ia saunoa fa’afetai ai fo’i i lona afioaga o Siumu, Falelatai, Aiga i le Tai, Vaie’e ma Palauli ona o la outou fa’aeaea ma lo outou titi faitama e ala i lo outou tali fa’aaloalo ma la outou lagolago. Na ia le’i fa’agaloina fo’i le afioaga o lona faletua i Afega, ona o lo outou agalelei ma lo outou fa’aeaea. Ua toe taliu atu nei le afioga ia Asuao Lealaitagomoa Felise Mikalele ma le faletua ia Ina mo Aotearoa ma le laumua i Ueligitone o lo’o ua alala ma fa’amautu ai. O lo’o i ai fo’i le agaga o le ali’i, ina ia saga tusia nisi fatuga fou aua lava le fita fa’afogafoga a le atunu’u, ona ua le o toe talavou fo’i lona soifua.
O le maualuga lava fo’i o le
M I T A M I T A G A
O
S A M O A
O
A U S E T A L I A Le Foafoa o Samoa Australia