Mai Samoa Tusia: Le Foafoa Samoa - Apia
OLEGIA E LE AVA FITI TAGATA SAMOA
O
le mateia o le tupua a le alii o Aufai Sale Matautia ma lana ava mai Fiti, faatoa iloa ai e le mamalu o le atunuu e fiafia e taumafa ava, ua olegia i latou ma e le gata o le gau o latou seleni, ae o le ono aafia o o latou soifua pe ana faapea e leaga lea ava.
Ua suesueina nei e le Matagaluega o Fefaatauaiga ma Leipa faapea le Matagaluega o le Soifua Maloloina pe faapefea ona sao le faatauina o le ava Fiti i totonu o Samoa i lalo o ni faiga piopio. O ia faiga piopio e aofia ai le faaaogaina o faailo (label) Samoa e faatau ai l;e ava Fiti. E le gata i lea, o le faaaogaina o igoa o isi atunuu e pei o Tonga ma Vanuatu e faatau ai lea lava ava i totonu o Samoa. E olegia ai tagata faatau, o ava ia mai Tonga ma Vanuatu. O le aliali mai o lea mataupu, ona o le le fiafia o nisi sa faigaluega i le kilivaina o le ava, ae ua faamalolo. O le le fiafia I le tutuli o i laua na mafua ai ona la tauina i le Matagaluega o le Soifua Maloloina le faiga taufaasese o loo faia e le au tufa ava I faleoloa. O le aso Faraile o le vaiaso ua tuanai, na savalia ai
L E 14th October 2014. 4
loa e sui o le Matagaluega o le Soifua Maloloina le faleoloa a se ulugalii Initia, lea o loo auina maia le ava mai Fiti ma ave uma pepa ava e 172 sa totoe mai le kiliva o lea vaiaso. Na suesue e le Matagaluega le ava ma iloa ai, e tasi lava le ituaiga ava o loo auina mai Fiti. O lea ava o lo’o faatauina i Samoa i lalo o le faailo, Savelio Ava Samoa Fagaloa ma na tautino mai le ulugalii Initia o Rakesh ma Joidy Sharma, o lea ava lea o loo auina mai e le aiga o Joidy mai Fiti ma o loo faatauina i Samoa i lalo o le faailo Savelio Ava Samoa Fagaloa.
Na maua foi i suesuega a le Matagaluega e iai ma isi pepa ava o loo faatauina i lalo o le faailo Ava Tonga, Ava Vanuatu, ma le Ava-Ava-Ava-Mefi. O nei ava e ui e eseese igoa ma atunuu o loo faapea e aumai ai, ae ua maua i suesuega a le Matagaluega o le Soifua Maloloina, e tasi lava le ituaiga ava. O lona uiga, o loo faia ni faiga taufaasese e ala i le faatauina o le ava e tasi i lalo o igoa eseese ma o lo’o masalomia ai le ulugalii Initia lenei i faiga faatausese. Peitai, ina ua fesiligia le ulugalii i se faamatalaga i ia tuuaiga, na iloa ai, e iai le tagata Samoa o loo gafa ma le kilivaina o le ava, ma o ia foi lea o lo’o iai le laisene o le faatauina o le ava i luga o lona igoa ma o ia lea o Aufa’i Sale Matautia. Molimau a le Ulugalii Initia Ua sefulu tausaga o ma nonofo i Samoa ma ma te fia tautua mo Samoa. Talu ona ma i Samoa e leai ni o ma uiga e faia ni faiga taufaasese. O le aiga o le tamaitai Initia ia Joidy e ona le kamupani ava o le
M I T A M I T A G A
BRIJ Sharma Kava Fiji i Fiti. Ma e ui lava o lona aiga e ona le ava, ae leai so ma aia i le faatauina ma le auina mai o le ava mai Fiti, o le matafaioi lea a Aufa’i.
Ina ua amata ona faatauina le ava i Samoa i le tolu tausaga ua tuanai sa la tuu uma le faatuatuaga ia Aufai ma e ui lava o le la pisinisi i Saleufi o loo teu ai pusa ava, ae leai so la ua aia i le kilivaina ma le faatauina o le ava. O le matafaioi lea a Aufa’i ma lana aufaigaluega. O le faaaogaina foi o le igoa Savelio Ava Samoa Fagaloa e faatau ai le ava, na faia e Aufai ma se tasi o lana aufaigaluega le alii o Vaa Luatau mai Fagaloa. Na tautino mai le ulugalii e leai ma so la iloa o iai nisi ava o faatauina e pei o le ava Tonga ma le ava Vanuatu. Ua atagia mai i le moliamau a le ulugalii Initia, o lo’o faia ni pisinisi piopio i tua o le ava Fiti e au- noa ma le silafia e le ulugalii Initia. O le ulugalii Initia lenei e fai le la pisinisi ua taua o le Power Light company ma e iai foi ma le alii o Aufai, lea e 20% le tele o lona sea i totonu o le kamupani.
lo (label) i oloa e gaosia lava i Samoa e pei ona iai le Savelio Ava Samoa Fagaloa. Peitai, na ia iloa mulimuli ane o se tasi lea o manaomiaga e faataga ai le faatauina o oloa i totonu o Samoa. O lea na ia Malaga ai loa i le Ofisa o Leipa e totogi le resitalaina o le Savelio Ava Samoa Fagaloa. Aotelega I le silasila a le Matagaluega o le Soifua Maloloina ma le Leipa, e matua solitulafono le gaoioiga ua faia ma o loo faaauauina suesuega a ia matagaluega e le gata ia Aufai ae faapea i le ulugalii Initia. E talitonu ia Matagaluega, o le taufaasese, pepelo ma le gaoi le mea lea na faia i le faatauina o lea ava. Ua tuuina mai nei le poloaiga a le Matagaluega o le Soifua Maloloina i le atunuu atoa, ina ia taofia le toe faatauina e se isi o soo se ava o loo i ai faailo Savelio Ava Fagaloa, Ava Tonga, Ava Vanuatu ma le Ava-Ava-Ava-Mefi. Ua silasila foi ia Matagaluega i le ono faia oni moliaga pe a maea a latou suesuega.
Molimau a Aufa’i Na matua teena e Aufai sona silafiaina o nei mau ava o loo faatauina. Pau le ava na ia tautino o loo ia kilivaina, o le ava Savelio Ava Samoa Fagaloa, lea e auina mai Fiti. Peitai, o le lape o Aufa’i , o lona iloa lelei lava o le ava Fiti lea na te kilivaina, ao lea e faatau i lalo o le faailo Samoa, ae ua manatu ai tagata Samoa o se ava Samoa. Na ia teenaina foi sona iloa o loo sese lana gaoioiga na faia. O lona manatu, e le manaomia ni faai-
O
S A M O A
O
A U S E T A L I A Le Foafoa o Samoa Australia