Mai Sydney Tusia: Vui S. S. Masinamua.
Filifilia Janina Ruta Moaga i le Fonotaga mo Ta’ita’igalelei (Leadership) a Tamaiti Aoga a Ausetalia Aoao i le Palemene i Canberra
E
Tama’ita’i o Janina ma le Tama o lona tina, le afioga ia Tofa Si’itia
4 aso na tauaofia ai i le laumua i Canberra, tama ma teine aoga na filifilia mai aoga eseese i totonu o Ausetalia, e avea ma sui usufono mo le fonotaga fa’apalemene a aoga e latou te a’oa’oina mai ai ma va’ava’ai ai i le tulaga o Ta’ita’igalelei po’o Pulegalelei (Leadership). O le tama’ita’i o Janina, na fa’atuina e le faletua ia Mal Fruean o le Pacific Council, ona o lona auai ma fesoasoani malosi i fuafuaga fai a le Pasefika i le tausaga atoa. E tele lava fo’i ina molimauina e le to’atele o tagata Samoa, i mea e fai e masani ona fa’afiafia ai. I le taliu mai o le tama’ita’i mai lea fonotaga tele, na fesiligia ai e le tatou nusipepa, i sona finagalo e uiga i ni vaega taua na ia a’o mamauaina mai ona o lenei fonotaga. Fai mai a ia; 1. “Ua ou a’oa’oina mai ai le so’otaga o lana Aganu’u Samoa, ma lona tuputupu a’e ai i le olaga fa’a-Ausetalia ua fesoasoani tele lea i ona manatu ma le taua i le va’ai gfa’atagatanu’u lautele, fa’at-tama’ita’i ma fa’apea ai fo’i le avea ai ma tagata o le fa’alapotopotoga i Ausetalia nei. Ua ou a’oina fo’i le taua o le talia ma fa’aaloalogia o le soifuaga lautele i lona si’osi’omaga e pei o le (fa’aleagaga,aganu’u, tulagatagata,mamalu, le si’osi’omaga, talitonuga ma isi) e mafai lava ona maua le to’afilemu ma le aga’i i luma o se atunu’u. E fa’amanatu mai ai fo’i i lagona o ta’ita’i o le aso o lo’o feagai ma se lalolagi e tumu i lu’itau ma fa’afitauli, e le fuatiaina e pei o le Fesuiaiga o le Tau, GFC ma fetauaiga ma isi. O lo’o i lo tatou augatupulaga le sailia
o si’osi’omaga to’afilemu, i le faia lea o fa’ata’ita’iga lelei, solia papupuni, amanaiaina, malamalama ma fa’aaloalogiaina e oe isi tagata ia le o le feitaga’i ae ia fa’auouoina o tatou so’otaga.” 2. “O vaega oute talitonu e mafai ona ou ofoina atu mo Samoa o Ausetalia. O se fa’ava’a lelei e fa’aleoina aii o latou finagalo ma le auala sili ona lelei e feso’ota’i ai i lenei atunu’u o lanu ma gagana eseese, o lo’o avea ai i tatou ma tagata ua afeaina ma asiasi mai i ai. Ia fa’atino mataupu taua o lo’o feagai pea ma o tatou tagata i lenei atunu’u ma fafo atu fo’i e ala lea i le auauna tagata ta’ita’i. Oute mo’omo’o lava e fa’atinoina le auaunaina o lo tatou fa’alapotopotoga i le tulaga fa’ata’ita’i, ma lagalagina le fa’ataua o le si’osi’omaga, sifuaga masani ma mataupu fa’aupufai o lo’o feagai pea ma o tatou tagata Samoa i Ausetalia ma le Pasefika”. O le tama’ita’i o Janina o le alo lea o le susuga ia Siaosi Moaga o le afioaga o Falealupo, ma le faletua ia Peti Moaga o le afioaga o Sataoa ma Saipipi o lo’o galue nai o le failautusi a le afioga i le Konesula Aoaoa o Samoa i Liverpool. O Jenina o lo’o ua i ai nei i lona tausaga 4 i le Univesete a Western Sydney i le Campus i Parramatta, ma o
lona tausaga mulimuli lenei i le su’eina o ona fa’ailoga su’e fa’atasi (double degree) i le Tulafono ma Pisinisi (Law & Business). O lo’o avea fo’i o ia ma faiaoga i le Matavai Cultural Arts. E momoli atu ai fo’i le fa’amalo ma le faafetai tele a le auaunaga a Le Foafoa o Samoa, i le tama’ita’i o Janina Ruta Moaga, ona o lenei fa’aeaea ua ia maua e avea ai o ia ma Sui o Samoa ma le Pasefika i lenei fonotaga. O la matou fa’amalosi, “Ia alofagia pea outou tupulaga talavou o le atunu’u, ina ia saga utupupuina pea outou e le Atua i Lona mana, ina ia outou tula’i mai ai e avea ai outou ma ta’ita’i lelei, aua aiga, nu’u, itumalo, le atunu’u ma le lalolagi, ia mafai ai ona outou fa’atinoina le filemu o le Atua i loto ma agaga o le lalolagi ua fetineia’i. Ia alofagia fo’i e le Atua lou taumafai i le fa’ai’uga o lenei tausaga, aua le tapuaiga a nai ou matua ma aiga.
“God bless, and may God bless the Independent State of Samoa”. Janina Ruta Moaga ma le Matavai Cultural Arts
A le mafai e le Pulega a le RSA ona a’oa’onaina ma fa’atonu Sikulati, e ao loa ona Tapuni ma o ese ae Tu’u le Falekalapu o le Atunu’u.
O
le fesi’osi’o a’i ai o le pulega a le falekalapu o le RSA, ina ua fesiligia e le tusitala a le Foafoa o Samoa, e uiga i le fa’atinoga o galuega a ana tama faigaluega sikulati i le po o le aso Lulu aso 3 o Setema 2014, lea na tamotoina ai e le ali’i sikulati o lo’o i le ata, le susuga ia Filipo Petelo mai le afioaga o Nofoali’i. O Filipo sa sivasiva lava ma nisi o lona aiga e faimalaga atu i fafo ma Ausetalia nei. I se fa’amatalaga a le to’atele sa auai i lea falekalapu i le po lea, na latou molimau ai i le aia valea o le ali’i sikulati, i lona alu atu lava leai se upu ae na
L E
16th September 2014. 6
M I T A M I T A G A
O
ona kola mai lava o si tama, ma aumai i fafo, ae laga mai i ai tagata, ua alu ai le solotu’i a le ali’i sikulati. Na logoina le ofisa o leoleo ona o mai lea ma ave le ali’i o Filipo ma taofia i le potu taofia, ui ina finau i ai le aiga e le o Filipo e tatau ona loka, ae o le sikulati. I se molimau a le aiga, na ta’ua ai le talosagaina o latou e le pulega a le RSA i se latou feiloa’iga, ma fa’atoese ane ai. O le tala na aveane ia latou, ua uma ona a’oa’o ma fa’atonu a latou sikulati, e ao ona va’aia lelei tagata. Ae o se molimau a le to’atele, e le sa’o lea tala, aua ua le tasi le lua ai lea o faiga le
S A M O A
O
migao a sikulati i tagata, ae leai lava se mea a le pulega o faia i ai. O se tulaga ua tu’uina atu nei i ai le su’esu’ega a le Foafoa o Samoa, e sailiili ai fo’i pe ua tatau ona saga fa’aauau pea le Puleaina e lenei aiga o le RSA, pe ua tatau loa ona o ese ae ta’atia mai le RSA a le atunu’u i lima o le Asosi o Fitafita sa i le Taua. O le RSA, e tolu i ai meatotino a Taisi Nelesoni, na ia foa’iina mo le atunu’u i lona Tuto’atasii le 1962. E aofia ai le Uati tele ma le Faletusi ma le RSA. O le a talia pea se tali mai a le Matagaluega o Leoleo i lenei mataupu.
A U S E T A L I A Le Foafoa o Samoa Australia