Mai Samoa Tusia: Le Foafoa Samoa - Apia
GUGULU LE ATUNUU I LE FA’ATINOINA O LE TAUVAGA TAUSALA SAMOA
U
a maea le tauvaga sa sailia ai se Tausala Samoa ma o lea ua pale mai le tamaitai mai Niu Sila o Latafale Auva’a. peitai, e le o muta ai le gugulu ma le faitio o tagata i le faatinoina o lea tauvaga mai lava i le taimi na sailia ai ni tamaitai tauva seia o’o mai lava i le taimi o le tauvaga. E o’o mai i le taimi o lenei lipoti, o loo gugulu lava le atunuu i le auala na faatautaia ai lea tauvaga.
Sailia o Tamaitai Tauva
Ina ua tatala le avanoa mo ni sui e fia
tauva i le sailia o se Tausala Samoa, sa faaofi atu suafa o nisi o tamaitai o loo afifio ma alala i Samoa nei. Peitai, na umi se taimi o faatali le atunuu i le taimi e faalauiloa mai ai suafa o i Latou e tauva. Na faalauiloa mai lava suafa o sui mai Ausetalia ma Niu Sila, ae o loo momoe lava sui mai Samoa. Ina ua fesiligia se tasi o le komiti o le Tausala a Samoa, ae sau le faamatalaga, seia maea ona fofo le faafitauli o loo tupu mai I le sailiga tausala a Ausetalia, ona faaalauiloa faatasi lea o ata o tamaitai o le a tauva I lea tauvaga tele.. Peitai, ina ua faasalalau ma faalauiloa ata o tamaitai e toasefulu sa tauva, na maitauina ai, na o le toalua lava sui tauva mai Samoa, ae o le isi toavalu, o tamaitai uma mai Niu Sila, Amerika ma Ausetalia. E ese ai tamaitai o loo fai ma sui o tagata Samoa I Niu Sila ma Ausetala. Na fesiligia le mafuaaga o le toalaiti O sui tauva mai Samoa, peitai, o le faamatalaga, e toatele e le fia tauva. Ae I sailiiliga ma suesuega a le sui o lenei nusipepa, na maua ai ni faitioga mai nisi o tamaitai sa tuuina atu o Latou
L E 16th September 2014. 10
suafa e fiatauva, peitai, sa teena mai e se tasi o mafine o le komiti. Afai ae sao lea mau, o lono uiga, o le taimi muamua lenei ua tupu ai se mea faapenei, o le teena o tamaitai e fiatauva i lea tauvaga. Talu mai ona faatautaia e le Pulega o Tagata Tafafo Mai Fafa lea tauvaga i le 24 tausaga ua tuanai, e lei iai lava se taimi na teena ai ni sui tauva. Ne fesiligia le mafuaaga o le teenaina o nei tamaitai sa fia tauva, peitai, na taua e lea mafine mai le komiti, e sese lea tala. E leai se isi na teena ma n ate
leiloa poo ai lea lotovale ua faia ia tala faatupu.
Faalauiloaina o Tamaitai Tauva
O le aso Faraile na sei mavae atu nei, na lolofi atu ai le atunuu aemaise i latou sa usufono mai i le fonotaga lona tolu a malo laiti tauatinae a le laolalgi, e fia maimoa i teuga taavale lea na folafola atu o le a auaina mai ai tamaitai tauva. O le tele lava o tausaga, e faia le tauvaga o taavale teuteuina e faaafio mai ai sui tauva. O se tasi lea o vaega mataina i le taimi o le Teuila o taavale teuteuina. Peitai, i lea taeao, na faateia tagata ina ua sau le solo umi a taavale o loo auina mai ai sui tauva, e le o ni taavale teuteuina, ae o pikiapu tetele lea o loo faatutu ai sui tauva ma talotalo mai i tagata. E leai ni taavale teuteuina ma e oo lava i le Tausala Samoa ia Susana Fanueli, sa tietie mai i le pasika. O se vaaiga na faalia ai manatu o le toatele faapea, ua le amanaia e le komiti a le Manaia Events, lea ua nafa ma le faatautaia o lea tauvaga, le taua o le tauvaga. Na faalia e se tasi o tamalii sa auai i le faavaeina o lea tauvaga, “ua sola le mamalu ma le taua o le tauvaga ona ua faamuamua le tupe”
M I T A M I T A G A
O
O lea alii o se tagata iloga i itu tau faafiafiaga i Samoa ma atunuu i fafo.
Tolopo Le Tauvaga
O le aso Faraile lea na fai ai le solo a taavale ae o le afiafi o le aso Toonai na soo ai, na tuu e faatautaia ai lea tauvaga i luma o le maota o le malo i Matagaialalua. Na lagi lelei le aso i le taeao peitai, na amata ona faaletonu le tau i le aoauli ma e o’o ane i le taimi sa tuu e fai ai le tauvaga i le fitu i le afiafi, ua toulu uaga ma faapea loa ona tolotolo atu i tua le taimi e amata ai le tauvaga.
E ta ane le valu, ua matua faaletonu lava le tau, ma na tulai le taitaifono o le Teuila le afioga i le Palemia ia Tuilae-
pa Lupesoliai Sailele Malielegaoi, ma taofi le faatautaia o lea tauvaga ae toe tolopo i le aso Gafua na sei mavae atu nei. I le faatinoina o le tauvaga i luma maota o le malo. Sa iai laulau sa totogi (corporate table) ma o i latou ia sa ave iai le faamuamua e le gata i le lelei o mea sa nonofo ai, ae sa maua la latou taumafataga. Ae sa tatala le malae atoa ma tua atu mo le mamalu o le atunuu e maimoa mai ai. Peitai, ina ua tolopo lea famoemoe ae masii atu i le maota o
S A M O A
O
le EFKS i Mulimuu i le aso Gafua, e leai ma se tagata na mafai ona sao i totonu, e ui lava sa naunau i latou e totogi se tupe e o ai e matamata, ae sa le mafai ona ua faamuamua e le komiti le tupe. Pau le itu sa fiafia ma faamalieina ai le toatele, ona sa faasalalau tuusao uma e le TV One ma le TV 3 lea tauvaga i le po o le aso Gafua.
Faaiuga Tauvaga
Tulaga muamua sui tauva mai Niu Sila o Latafale Auvaa, lea foi na ia maua le faaailoga o le tali lelei poo le Best
Interview. Tulaga lua le tamaitai lea sa tulaga lua foi i le tauvaga i Ausetalia, o Afiogatuutasi Jessica Taulaga. O le tulaga tolu na maua e le isi foi tamaitai e Malaga mai Niu Sila o Josephine ae tulaga fa le tamaitai Samoa mai Hawaii o Tilly Lafaele. O se tasi o tamaitai tauva lea sa lagolagoina e le Superkids Foundation, o loo nofo i se faiga ulugalii faapouliuli peitai, na faataga e le komiti ona tauva. O se faiga ua le tusa ai ma aiaiga o tamaitai e fia tauva i lenei tauvaga. O le lua lenei o tausaga talu on faamatuu atu le tauvaga Tausala Samoa e faatino e se faalapotopotoga tumaoti, ao lea ua matua inosia e le toatele o tagata. O le autu o le tauvaga o le “We are Samoa “ (O tatou o Samoa) Peitai, i le polokalame atoa e oo lava i faafiafiaga a le tamaitai o Cindy of Samoa, e leai ma se manu Samoa sa i ai. “Afai o le “THEME” lea o le po, sa tatau ona Samoa uma mea uma” o le faaliga lea a se tasi sa iai i le kmiti a le Teuila muamua.
A U S E T A L I A Le Foafoa o Samoa Australia