Mai Aotearoa Tusia: Le Foafoa Samoa - NZ
Lautogia Leaupepetele Victor Vito ma Ryan Crotty e Fa’alauiloa le Ta’aloga All Blacks ma le Am Eagles ia Novema i Amerika
O
le alo o le atunu’u o lo’o feagai pea ma togafitiga ona o ona manuaga mai le ta’aloga, ua lautogia nei i se maliliega i le va o le Iuni Lakapi a Niu Sila le NZRU ma le Iuni Lakapi a Amerika le USARU, i le malaga atu lea i Amerika e fa’alauiloa ma fa’alauteleina le fa’atosinaina o tagata i le ta’aloga tele (test) i le va o ia au e lua. O le ali’i o Victor Vito lea fo’i ua mae’a ona fa’asuafaina i le aiga o lona tina i le suafa Leaupepetele, o ia lea o lo’o to’alua nei ma se tasi fo’i o ali’i ta’alo o le All Blacks o lo’o afaina fo’i i ona manu’aga mai le ta’aloga i le va o le All Blacks ma le Wallabies, lea na manumalo ai le All Blacks i le 51-20 a le Wallabies, lea ua toe nofo ai nei fo’i le Bledisloe Cup i le all Bklacks mo leisi 12 masina. O lea fa’alauiloa na saunoa i ai le afioga ia Leaupepetele Victor e fa’apea, o se tulaga e lagona ai lona fa’agae’etia ona o le avanoa ua ia maua e malaga ai mo lea vala’auina fa’apitoa. O se malaga fo’i ua lagona ai lo laua maofa ma le ali’i o Ryan, ona o le aloa’ia ma taualoaina e tagata o Amerika o la laua misiona. na taua e ali’i ta’aalo le fa’ate’ia o laua i so’o se vaega lava o le atunu’u e va’aia ai i laua ma o laua laei o lo’o tusia ai le igoa o le All Blacks, e fa’apea fo’i ona lolofi ane tagata ma fa’afeiloa’i ane ia te’i laua. O nisi e fesilisili po’o fea e i ai Niu Sila, ae latou te iloa lelei le All Blacks. I se molimau a nei ali’i i le aloa’ia o la laua malaga fa’alauiloa, ua o’o mai i le taimi nei ua silia ma le 60, 000 pepa ulufale ua mae’a nei ona fa’atauina e tagata maimoa e maimoaina ai le ta’aloga lea i le va o le All Blacks ma le USA Eagles i Chicago i Amerika i le masina o Novema O le i ai o ali’i nei i Amerika, na toe vala’au-
ina ai i Niu Ioka (New fa’alauiloaina ai fo’i o le o le faiga pa’aga i le va Blacks ma le le lagolao le o maloo tu-
York) aua le taualoaina o le All UNICEF, i goina lea fa’atauaina le ola lo lelei pu-
laga
talavou e ala lea i le fa’atauaina o le olaga ta’alo. Na taua ai foi e le fa’auluuluga o le Iuni Lakapi a Niu Sila le susuga ia Steve Tew e fa’apea, e talitonu nei fa’alapotopotoga e lua, le NZRU ma le UNICEF, i le malosiaga (power) o le soifua ta’alo o fanau, aua o le anofale lava lea o lo latou olaga fa’aatoa’toaina ma le ola maloloina.
Na taua fo’i e Steve Tew e fa’apea, o le faia o se fesuiaiga ese ma le taua i olaga o fanau i luga o malae ta’alo, o se fa’anaunauga taua lea ua matua u’una’ia ma fa’atauaina tele e fa’alapotopotoga e lua. Na saunoa fo’i le Sui Tumau o Niu Sila i Malo Aufa’atasi, le susuga ia HE Jim McLay e fa’apea, ua ia matua fiafia lava e fa’afeiloa’ia sui o le All Blacks i totonu o Niu Ioka, ma o se fiafiaga tele fo’i lea ia te ia, ona o le faigapa’aga lenei i le va o le NZR ma le UNICEF. O le All Blacks o ni Ta’iala sili nei mo Niu Sila ma le lalolagi atoa. E pei lava ona latou ta’imuaina le lalolagi i le lakapi i luga o malae, o lo’o fa’apea fo’i ona latou ta’iala i olaga o tupulaga i tua ma i o malae ta’alo, ae maise ai o lo latou fa’atepaina lea o le fa’alapotopotoga a le UNICEF i la latou pitola’au ina ia faia lea o ni suiga tetele i olaga o fanau, ae maise ai o so’o se fa’alapotopotoga i le lalolagi atoa. Na taua fo’i e Jim McLay e fa’apea, ua tala fetaui lelei le tofiaina o le alii o Victor Vito, ona o ona uiga agamalu ma le tausa’afia, o se taiala sili lea ma se va’aiga laualuga i so’o se tagata talavou, o uiga fa’aalia o se tagata ta’iala.
Fa’avevesi e le Atualoa Samoa le Malaga a le Va’alele i Aukilani Niu Sila
E
Le Atualoa Samoa Fia Ti’eti’e Va’alele
leai se manatu o le tama’ita’i na malaga mai le vaega pito i luma o le va’alele, lea e fa’aigoaina o le nofoaga mo le aumaumea le business class, e le o fa’apea fo’i le mana’o o le atualoa Samoa latou e
L E
Le Foafoa o Samoa Australia
fia malaga mai fo’i ia i Niu Sila i le vaega taugata o le va’alele lava lea. O le faigamalaga mai Samoa a se va’alele mo Aukilani i Niu Sila, na matua fa’ate’ia ai lava si mafine papalagi na malaga mai ai i le business class, ina ua ia fa’alogoina le tolotolo a’e o se mea i lona vae, ma lona tilotilo atu, o se atualoa e tusa ma le 10cm lona tele o lo’o laua malaga fa’atasi mai i le va’alele, i le vaega lava lea o le business class. Ua lipotia mai le matua fa’atalia e le tula’i fa’aaloalo e le Vaega Fa’aasu (Quarantine) a Niu Sila, le taunu’u mai o le va’alele i le malae va’alele i Aukilani. Fai mai se lipoti, na matua su’e fa’atapito lava e le Vaega Fa’aasu, ma mautaitaia ai lava si tamaiti o Atualoa Samoa, ma momoli sa’o ai loa lava i lona oliolisaga tumau.
M I T A M I T A G A
O
S A M O A
O
O se vaega na saunoa i ai le susuga ia Craig Hughes o le Matagaluega o le Puipuiga a Niu Sila, e ao ai lava i tagata uma ona siakiina a latou ato ae le’i malaga ese mai ma atunu’u sa tafafao ai. E lapatai’a ai fo’i tagata uma, ina ia manatua ona siakiina fo’i a latou ato ta’ita’i aua e le iloa lava le maulu i ai o iniseti fa’apenei, o lo’o fia malaga fua mai i Niu Sila e le totogiina ni o latou pasese. Na taua e le Vaega Fa’aasu e fa’apea, “a fua i maiu’u o le atualoa, ua laki lava le le utia o se tasi, ae ai ona o le manatu o le iniseti o ia o lo’o malaga mai le vaega taugata o le va’alele, na ala ai ona le utia se tasi.”
A U S E T A L I A 16th September 2014 . 11