Mai Samoa Tusia: Le Foafoa Samoa - Apia
E ono Toe Faafo’i mai Le Konesula Samoa i Ausetalia e Tali i Tuuaiga
U
a fitu tausaga talu ona maea taaloga a le Pasefika I Saute lea sa talimalo ai Samoa I le tausaga e 2007 ae o lea ua taumafai nisi o faipule e toe lalaga I luga le suesueina o le tulaga na o’o iai le faaaogaina o tupe ma seleni I le taimi o ia taaloga. Ma ua faaleoina foi le finagalo o faipule ina ia tapa ni faamatalaga ma ni faamaoniga o mea sa faaaoga iai le tele o tupe sa faameaalofa mai ai atunuu I le taimi o taaloga, mai I ai latou sa gafa ma le faatinoina o ia taaloga poo le komiti faafoe o taaloga o le pasefika I sauté 2007. O le sa faauluulu iai po’o le Pule Sili o le Ofisa o Taaloga a le Pasefika 2007, o le tofa ia Manogiamanu Etuale Fonoti ae o le Minisita na nafa ma ia taaloga, o le afioga ia Faumuina Tiatia Liuga. Ua mafua ona toe laga e faipule lea mataupu, ona o le talitonuga e tatau lava ona faamanino ma faataatia atu se lipoti o lea taaaloga. O le taitaifono o le komiti Faapalemene o Tupe ia Palaii Niko Lee Hang o loo taulamua I le toe laga o lea mataupu. I le silasila a Papalii, o lea ua faamavae le sa avea ma Minisita o Tupe ia Faumuina Liuga, ona o nisi o tuuaiga faasaga I lona faaaogaina sese ma faiga piopio I tupe a le pulega o fanua Samoa. Lea fou ua toe tomanatu le komiti, o Faumuina foi sa iai I le taimi o taaloga
o le pasefika, lea e oo mai I le taimi nei, e lei faia lava se lipoti e tusa ai ma lea taaloga. Ae talitonu Papalii ma le tele o faipule, se silia ma le $500
miliona le tupe na maua mai I le tele o paaga a Samoa mai fafo sa faatupe ai ia taaloga. E talitonu foi Papalii, afai ua faasala ma nofosala
nisi I le falepuipui ona o le faaaogaina sese o tupe a le atunuu, e tatau foi la ona toe faafoi uma mai I latou sa iai I le komiti faafoe o taaaloga o le pasefika 2007 e tali I fesili ma suesuega a le komiti. Na tapa se finagalo o le afioga I le Fofoga Fetalai ia Laaulialemalietoa Leuatea Polataivao Schmidt e tusa ai ma le mataupu ua toe laga e Papalii, ao lea ua maea ona pasia le lipoti a le pulega o fanua a Samoa, lea sa auina mai ai ma nisi o vaega o le taaloga o le pasefika 2007. Na taua e Laaulialemalietoa, e mafai ona toe tatala se mataupu e suesue pe afai e faatu ese isi se lafo I totonu o le palemene ma ia maua le numera e tatau ai ona toe suesueina. Na faalia e Papalii, e tele le gaogaosa ma le nunumi o loo tanu i totonu o le faatinoina o taaaloga ia I le 2007 ma e tatau lava ona faamanino uma ia mataupu. O se mau na lagolagoina e le Tofa ia Tuuu Anasi’I ma Toesulusulu Cedric Schuster. Fai mai laua ia, o le solitulafono le le toe suesueina o ia faiga piopio ma e le talafeagai foi ona saofai mai se tagata o loo masalomia I ia faiga piopio I ni tulaga taualoa a le atunuu e pei ona iai le o loo tauaveina le tofiga Konesula a Samoa I Ausetalia.
Maua Le Gaoi Ae Ua Fo’i Le Va’a Hawai’i
U
a toe foi le vaa mai Hawaii o le Hokulea lea sa asiasi mai I Samoa I le taimi o le fonotaga lona tolu a malo laiti a le lalolagi, ae ua taofia e leoleo I Tafaigata le alii o Ioane Paika lea na gaoia le atopau ma nisi o meatotino a tagata sa malaga mai I lea vaa. O le alii lenei o Ioane, e le fou ia te ia le amio lea o le gaoi ma le talepe fale ma e matua ofo leoleo pe faapefea ona sao lenei alii I luga o le vaa ma aveesea mai ia meatotino a’o lo’o tumu tagata I totonu o le vaa. O le va’a sa taula I luma o le faletalimalo o Aggie Grey I Vaisigano ma sa malu puipuia e alii leoleo faapea le aumaga a le afioaga o Apia ma Matautu. Peitai, e lei poi ai Ioane ae
sii atoa le atopau a le alii kapeteni o le vaa ma taeaofai uma mai ma ato a nisi o le aumaga ma agai loa I le motu tele I Salafai. E vevesi le faamanatuina o le Teuila ma le fonotaga
mai atopau a le auvaa. O lea gaoioiga na faafaigofie ai ona maua le alii, ma pue vave mai loa e leoleo I Salelologa. O le Hokulea sa faatalia e le afioaga o Matautu lona taunuu
tele lenei a malo laiti, ae vevesi Ioane e tulei pe faatau nisi o mea na maua
mai ma sa faia ai se feialoaiga faapitoa I le ava o le taeao ma alii ma sui
mai Hawaii aemaise Amerika Samoa ma isi atu motu o le pasefika, lea sa malaga uma mai I le vaa. E mataina le faataliga o le vaa ona sa faapea na auai le afioga I le Ao Mamalu o le Malo, le Tui Atua Tupua Tamasese Efi ma le failautusi aoao a Malo Aufaatasi, ia Tupua Ban Ki-Moon. Sa faia ai se faatasiga faapitoa a nei taitai I luga o le vaa ona o le taua foi o le galuega o loo faia e nei vaa lea e aofia ai ma le vaa a Samoa le Gaualofa, I le faalauiloaina o le leaga o le faaleagaina o le ozone ma le suiga o le tau.E lima aso sa iai lenei vaa I Samoa, ma o le aso Sa o le vaiaso ua tuanai, na toe tuuvaa ese atu ai ma Samoa.
ALL ADVERTISING ENQUIRIES TO: LEBA ETHNIC MEDIA : TEL. (03) 8554 0306 / (030 8554 0300) L E 16th September 2014 . 28
M I T A M I T A G A
O
S A M O A
O
A U S E T A L I A Le Foafoa o Samoa Australia