Phil Mostert

Llais 70c Ardudwy

RHIF 519 - EBRILL 2022 LLWYDDIANT TRIATHLON HARLECH

Llun:Always Aim High Events Mae Triathlon Harlech yn un o’r rasys mwyaf poblogaidd ar y calendr ac erbyn hyn yn llwyddo i ddenu cannoedd o gystadleuwyr i’r dref. Gan gofio fod gan lawer o’r cystadleuwyr deulu efo nhw, mi welwch ei fod hefyd yn hwb mawr i dwristiaeth yn yr ardal. Dywed Linda Soar, ysgrifennydd y Neuadd Goffa, fod y tîm o wirfoddolwyr lleol eleni wedi paratoi 1200 tafell o facwn er mwyn cynnig rhôl i bawb oedd yn cystadlu. Roedd nifer fawr wedi cofrestru yn ras y Stryd Mwyaf Serth ar y nos Sadwrn. Roedd oddeutu 120 yn cystadlu yn y ddeuathlon ben bore Sul a rhyw 270 yn y triathlon ar ddydd Sul, Mawrth 27. Roedd 120 o bobl leol wedi gwirfoddoli i helpu ar y diwrnod - dyna arwydd o galon y gymuned yn Harlech a’r cyffiniau. Mae’n enghraifft wych o ddigwyddiad cymunedol lle mae llawer yn gweithio er lles y dref. Aiff yr elw o’r Triathlon at gefnogi prosiectau lleol fel Clwb Triathlon Harlech, Cynghorau Cymunedol lleol, timau Achub Mynydd lleol a llawer mwy o brosiectau cymunedol.