Misimantawan pichinkukunamanta Yana misipa wasin muyuriqnin sachamansi, achkalla単a pichinkukuna tiyaq. Chaysi misiqa pichinkukunapa tiyasqanta rikurquspa, sachaman allinllalla qispiyta qallaykun. - Pichinku aychachata mikuchaykusaq, nispa. Hinachkaptinsi huknin pichinkuqa 単awinta wichqaykusparaq takisqa: - Pichiw, pichiw, was tiww, nispa.
Pichinkuqa misi risqanta musyakurquspas pawarikun. Misiñataqsi uyanta upapakuspa piñallaña qiparqun. Chayna piñallaña tiyachkaspas kaqlla pichinkukuna sachaman tiyaqta rikurqun. Hinaspas kusisqallaña pasan: - Kunanmi ichaqa mikusaq puni, nispa richkaptinsi pichinkukunaqa asikuspa pawarikun. - Kaykunaqa upata hina pukllakuwan nispas, misiqa yarqaymanta waqan. Chaysi wasinman kutispa, manaña pichinkukuna tiyaptinpas qawarinñachu. Prof. Zósimo Raúl POMA CRISÓSTOMO. Yachachiq.
1. 2. 3. 4. 5.
Tapukuykuna: ¿Ima niraqtaq chay misi kasqa? ¿Imatataq misi hapinan karqa? ¿Chiqapchu pichinkukuna misimanta pukllakurqa? ¿Misi ima aychatataq mikuyta munarqa? ¿Imaynatataq pichinkukunata misi hapirqunman?