O CEIP Antonio Pedrosa Latas de Celeiro convoca “ENCONTRO FOTOGRÁFICO” e invita a participar a todas as familias da Comunidade Educativa. MOTIVACIÓN O Centro está a participar en varios proxectos educativos: Voz Natura: “Praias e Ríos en boas mans” PLAN PROXECTA: Proxecto RÍOS: “O Río Landro no Concello de Viveiro” Semana da Arte na Mariña. O noso centro participará na categoría de FOTOGRAFÍA. Unha das actividades común nos diferentes proxectos é a FOTOGRAFÍA.
DESENVOLVEMENTO Cada familia aportará un máximo de 3 fotos (ACTUAIS ou ANTIGAS) en tamaño de 21x15 cm (medio folio A4), en papel fotográfico. O tema será O RÍO LANDRO: paisaxe, fauna, flora, foto denuncia ambiental… tendo como elemento principal sempre o río Landro exclusivamente. O prazo de presentación de traballos queda aberto ata o 23 de abril. Cada foto virá etiquetada coa autoría, lugar onde foi realizada, ano e título da mesma. Con todas as fotografías farase unha exposición no propio centro que poderá ser visitada por toda a comunidade educativa, durante o mes de maio. Tamén participaremos na exposición colectiva dos centros participantes no proxecto SEMANA DA ARTE NA MARIÑA (Data por determinar).